ဧပြီလသည်ဂျပန်နိုင်ငံတွင်ဘဏ္ဌာရေးနှစ်စတင်သည်ဖြစ်သည့်အားလျော်စွာကျောင်းများ၊တက္ကသိုလ်များစတင်သည့်လလည်းဖြစ်သည်။နိုင်ငံတကာမှပညာသင်ကျောင်းသားများလဲဂျပန်နိုင်ငံသို့တဖွဲဖွဲဝင်ရောက်လာနေကြပြီးဂျပန်နိုင်ငံသို့ရောင်ရှိလာပါကပထမဆုံးအနေနဲ့ဘာတွေလုပ်ရမယ်ဆိုတာကိုဤကော်လံတွင်ဖော်ပြထားပါသည်။
မာတိကာ
၁။နေထိုင်ခွင့်ကဒ်ပြား(Zairyuu card)
၂။နေထိုင်ကြောင်းမှတ်ပုံတင်ခြင်း(Juu Min ToRoKu)
၄။အမျိုးသားကျန်းမာရေးအာမခံ(Kokumin Hoken)
၅။ ဘဏ်အကောင့်ဖွင့်ခြင်း(GinKoo Tsuu Cho)
၆။တံဆိပ်တုံးပြုလုပ်ခြင်း(Inn Kan)
၁။နေထိုင်ခွင့်ကဒ်ပြား(Zairyuu card)
နေထိုင်ခွင့်ကဒ်ပြားသည်ဂျပန်နိုင်ငံတွင်နေထိုင်နေသောနိုင်ငံခြားသားများအတွက်IDကဒ်ပြားဖြစ်သည်။ကဒ်ပြားပိုင်ရှင်၏ကိုယ်ရေးအချက်အလက်များ၊နေထိုင်ခွင့်ရှိသောသက်တမ်းနှင့်လုပ်ဆောင်နိုင်သောလှုပ်ရှားမှုများနေထိုင်ခွင့်အဆင့်အတန်းကိုရေးသွင်းထားသည်။နေထိုင်ခွင့်ကဒ်ပြားကိုနာရီတာ၊ဟနဲဒ၊ခန်းဆိုင်းစသည့်လေဆိပ်ကြီးများ၌ဆိုက်ရောက်သည့်အခါထုတ်ပေးနိုင်သော်လည်းလေဆိပ်ငယ်များနှင့်ဆိပ်ကမ်းမှဝင်ရောက်လာသည့်အခါမိမိတို့နေထိုင်ရာနေရာရှိရပ်ကွက်ရုံး၌နေထိုင်ကြောင်းအသိပေးမှတ်ပုံတင်ပြီးမှသာလျှင်စာတိုက်မှတဆင့်အိမ်အထိပို့ပေးမည်ဖြစ်သည်။
စာရေးသူရွေးချယ်သောဆောင်းပါး
၂။နေထိုင်ကြောင်းမှတ်ပုံတင်ခြင်း(Juu Min ToRoKu)
နေရပ်လိပ်စာအတည်အကျဖြစ်သည့်နေ့မှစ၍၁၄ရက်အတွင်းနေထိုင်သောမြို့နယ်ရပ်ကွက်ရုံးတွင်ရွေ့ပြောင်းမှုအကြောင်းကြားခြင်းကိုပြုလုပ်ရန်လိုအပ်သည်။
နေထိုင်ခွင့်ကဒ်မရသေးသူဖြစ်ပါက ပတ်စပို့ယူဆောင်သွား၍ရပါသည်။မိသားစုနှင့်အတူနေထိုင်မည်ဆိုပါကလက်ထပ်ထားသောမှတ်ပုံတင်စာ၊မွေးစာရင်းစသဖြင့်မိသားစုတော်စပ်ကြောင်းကိုပြသနိုင်သောစာရွက်စာတမ်းများလဲလိုအပ်သည်။
၃။My Number Cardလျှောက်ခြင်း
My Numberကဒ်သည်ဂျပန်နိုင်ငံသားများအပါအဝင်ဂျပန်တွင်နေထိုင်နေကြသူအားလုံးဂျပန်၌အဆင်ပြေစွာနေထိုင်ရန်အတွက်လိုအပ်သောIC Chipပြားပါဝင်သည့်ကဒ်ဖြစ်သည်။
My Numberကဒ်ရှိသောအခါကာယကံရှင်ဖြစ်ကြောင်းအတည်ပြုခြင်း၊ဝင်ငွေခွန်ဆောင်သောအခါအွန်လိုင်းမှဆောင်ရွက်၍ရခြင်း၊ကွန်ဗီနီများတွင်နေထိုင်မှုမှတ်တမ်းထောက်ခံစာရယူခြင်း၊ကျန်းမာရေးအာမခံလက်မှတ်အဖြစ်အသုံးပြုနိုင်ခြင်းကိုကိုအဆင်ပြေစွာအသုံးပြုနိုင်သည်။
၄။အမျိုးသားကျန်းမာရေးအာမခံ(Kokumin Hoken)
ဂျပန်သို့ပထမဆုံးရောက်ရှိပါက နေထိုင်သည့်လိပ်စာအားမှတ်ပုံတင်ရန် ရပ်ကွက်ရုံးသို့သွားရပါလိမ့်မည်။ ထိုသို့မှတ်ပုံတင်ရန်သွားသည့်အခါ ရပ်ကွက်ရုံးမှဝန်ထမ်းများသည် အမျိုးသားကျန်းမာရေးအာမခံကဒ်ပြုလုပ်ရန်ညွှန်ကြပါလိမ့်မည်။ အမျိုးသားကျန်းမာရေးအာမခံ
ဆိုသည်မှာ ဂျပန်နိုင်ငံ၏အများပြည်သူဆိုင်ရာကျန်းမာရေးအာမခံစနစ်ဖြစ်ပြီး ဂျပန်တွင် ၃ လကျော်နေထိုင်မည်ဆိုပါက မည်သည့်နိုင်ငံခြားသားမဆို မဝင်မနေရကျန်းမာရေးအာမခံစနစ်ဖြစ်ပါတယ်။ ကုမ္ပဏီတွင် အချိန်ရှည်လုပ်မည့်ဝန်ထမ်းများ၊ အလုပ်ဗီဇာဖြင့်လာသောဝန်ထမ်းများမှာ အမျိုးသားကျန်းမာရေးအာမခံ ဝင်ရန် မလိုအပ်ပဲ ကျောင်းသားများနှင့် အခြားသောဗီဇာဖြင့် နေထိုင်သောနိုင်ငံခြားသားများမှာ ထိုကျန်းမာရေးအာမခံကို မဖြစ်မနေဝင်ရပါမယ်။ အမျိုးသားကျန်းမာရေးအာမခံသို့ ၀င်ရောက်ထားပါက ဆေးရုံဆေးခန်းကုန်ကျစရိတ်၏ ၇၀ % ကိုနိုင်ငံတော်မှကျခံပေးမည်ဖြစ်ပြီး ၃၀% သာ မိမိတို့က ပေးဆောင်ရမည်ဖြစ်ပါသည်။ အမျိုးသားကျန်းမာရေးအာမခံသည် မိမိ၏နှစ်စဥ်ဝင်ငွေပေါ်မူတည်၍ မိမိနေထိုင်ရာရပ်ကွက်ရုံးမှ တစ်နှစ်စာပမာဏကိုတွက်ချက်၍ ကောက်ခံပါတယ်။
၅။ ဘဏ်အကောင့်ဖွင့်ခြင်း(GinKoo Tsuu Cho)
ဘဏ်၏ကောင်တာသို့သွားရောက်၍ဘဏ်စာအုပ်ကိုအခမဲ့ပြုလုပ်နိုင်သည်။ကာယကံရှင်ဖြစ်ကြောင်းအတည်ပြုပေးသည့်နေခိုင်ခွင့်ကဒ်ပြား၊ပတ်စပို့အစရှိသည်တို့လိုအပ်သည်။
၆။တံဆိပ်တုံးပြုလုပ်ခြင်း(Inn Kan)
ဘူတာကြီးများအနီးနှင့်လူများစည်ကားရာနေရာများတွင်တံဆိပ်တုံးပြုလုပ်သောဆိုင်ငယ်များအများအပြားရှိသည်။နိုင်ငံခြားသားများမှာ ခတခနစာလုံးများဖြင့်တံဆိပ်တုံးများကိုပြုလုပ်လေ့ရှိကြသည်။ဂျပန်နိုင်ငံတွင်တံဆိပ်တုံးသည်ရုံးလုပ်ငန်းဆိုင်ရာနှင့်ဘဏ်စာရွက်စာတမ်းများပြုလုပ်ရာတွင်အများအားဖြင့်အသုံးပြုကြသည်။
