နိုင်ငံခြားသားများသည်ဂျပန်နိုင်ငံတွင်အလုပ်လုပ်ကိုင်နိုင်သောဗီဇာရှိလျှင် အလုပ်သွားလုပ်နိုင်ပါသည်။ အလုပ်လုပ်ကိုင်ခွင့်မပြုသောဗီဇာအမျိုးအစားဖြစ်ပါကပြောင်းလဲရန်လိုအပ်ပါသည်။ ထို့ကြောင့် ဂျပန်တွင် အလုပ်လုပ်နိုင်ဖို့အတွက် ဘယ်လိုလုပ်ထုံးလုပ်နည်းတွေလိုအပ်လဲ။
မာတိကာ
၁။ဗီဇာအမျိုးအစားကိုပြောင်းလဲရန်
၂။ဗီဇာအခြေအနေ ပြောင်းလဲခြင်းအပေါ် လျှောက်ထားခြင်း
၃။ထိုသို့ဆိုလျှင် အလည်အပတ်ဗီဇာမှ အလုပ်ဗီဇာပြောင်းလဲရန် လွယ်ကူပါသလား
၁။ဗီဇာအမျိုးအစားကိုပြောင်းလဲရန်
အကယ်၍ သင်သည် ဂျပန်နိုင်ငံသို့လာ၍ ဘဝအတွက်ခြေလှမ်းစတင်တော့မည်ဆိုလျှင် သင့်ရဲ့ ဗီဇာအမျိုးအစားကိုပြောင်းလဲရန်လိုအပ်သည်။
ပထမဦးဆုံး ဂျပန်နိုင်ငံ၏ ဗီဇာလျှောက်ထားပုံအဆင့်ဆင့်ကို လေ့လာကြည့်ရန်လိုအပ်သည်။
အောက်တွင်ဖော်ပြထားသော လင့်တွင် ဂျပန်နိုင်ငံ၌ အလုပ်လုပ်ရန်အတွက်လျှောက်ထားရန် အလုပ်ဗီဇာ (သို့မဟုတ်) ရက်ရှည်ဗီဇာအကြောင်း အသေးစိတ်လေ့လာနိုင်ပါသည်။
https://www.mofa.go.jp/j_info/visit/visa/long/index.html
အကယ်၍ သင်သည် ဂျပန်နိုင်ငံသို့ အလည်အပတ်သာသွားရောက်လိုပါက ရက်တိုဗီဇာလျှောက်ထားနိုင်ပါသည်။ ထိုရက်တိုဗီဇာ၏သက်တမ်းသည် ရက်(၉၀)အထိနေထိုင်နိုင်သည်။
https://www.mm.emb-japan.go.jp/profile/myanmar/visa.html
အကယ်၍ သင်၏နိုင်ငံသည် ဗီဇာကင်းလွတ်ခွင့်ထဲပါနေပြီး စည်းမျဉ်းစည်းကမ်းချိုးဖောက်ခြင်းမရှိပါကဂျပန်သို့ဝင်ရောက်သည့်အချိန်တွင် လဝကမှသင်၏ ပတ်စ်ပိုစ့်ကို တံဆိပ်တုံးထုပေးပါလိမ့်မည်။ အခြားလျှောက်လွှာအပိုများလျှောက်ထားရန်မလိုအပ်ပါ။ သို့သော် သင်သည် ဗီဇာလျှောက်ထားရန်လိုအပ်သောနိုင်ငံမှဖြစ်ပါက အလည်အပတ်ဗီဇာကို တရားဝင်လျှောက်ထားပြီးမှသာ လာရောက်လည်ပတ်ခွင့်ရှိပါမည်။
သို့သော် သင်သည်ဂျပန်နိုင်ငံတွင်နေထိုင်နေသည့်အတောအတွင်း၌ အောက်ပါအချက်များကို လုပ်ဆောင်မိသည်ရှိသော် ဗီဇာပြောင်းလဲရန်လိုအပ်ပါသည်။
၁) သင်သည်အချိန်ပြည့် အလုပ်လုပ်ချင်သော်လည်းသင်၏ဗီဇာသည် အချိန်ပြည့်အလုပ်လုပ်ရန်ခွင့်မပြုထားခြင်း
၂) အလုပ်ပြောင်းခြင်း
၃) သင်သည် ဂျပန်နိုင်ငံ၌မင်္ဂလာဆောင်ခြင်း(သို့မဟုတ်) ကွာရှင်းခြင်း
အခြားသောအခြေအနေများတွင် ပြောင်းလဲလျှောက်ထားရန်လိုအပ်သော်လည်း အထက်ပါအချက် (၃)ချက်သည် မဖြစ်မနေဗီဇာအသစ်လျှောက်ထားရန်လိုအပ်ပါသည်။
စာရေးသူရွေးချယ်သောဆောင်းပါး
၂။ဗီဇာအခြေအနေ ပြောင်းလဲခြင်းအပေါ် လျှောက်ထားခြင်း
ဘယ်လိုပုံစံလျှောက်ထားကြမလဲ။
ယေဘူယျအားဖြင့် သင်သည် ကျောင်းသား (သို့မဟုတ်) မှီခိုဖြစ်ပါက အလုပ်လုပ်ပိုင်ခွင့်မရှိပါ။ အကယ်၍ သင်သည်အချိန်ပိုင်းအလုပ်လုပ်လိုပါက အခြေအနေတစ်ခုအရ ခွင့်ပြုထားသည့် အခြားလုပ်ဆောင်မှုတစ်ခုအတွက် လျှောက်ထားနိုင်သည်။ ထိုလျှောက်ထားချက်အရ တစ်ပတ်လျှင် (၂၈)နာရီအလုပ်လုပ်နိုင်ပါသည်။
-
ဂျပန်နိုင်ငံ၏လူဝန်မှုကြီးကြပ်ရေးဝန်ဆောင်မှုများ
အကယ်၍ သင်သည်အချိန်ပြည့်အလုပ်ကိုလျှောက်ထားလိုပါက ဗီဇာပြောင်းရန်လိုအပ်ပါသည်။ ဆိုလိုသည်က ကျောင်းသားဆိုလျှင်အချိန်ပြည့်အလုပ်လုပ်ခွင့် မရှိပါ။ ထို့ကြောင့်သင်၏ ဗီဇာကို အချိန်ပြည့် အလုပ်ဗီဇာအဖြစ်လျှောက်ထားရန်လိုအပ်ပါသည်။
လျှောက်လွှာလျှောက်ထားခြင်း
အထက်တွင်ဖော်ပြထားသော အခြေအနေမျိုးတွင်လျှောက်ထားသူများအတွက် အောက်ပါလင့်ကိုလေ့လာပါ။
“Application for change of status of residence”.https://www.isa.go.jp/en/applications/procedures/16-8.html
အထူးသတိပြုရန်မှာ ဖော်ပြခဲ့ပြီးသောလင့်တွင် လျှောက်ထားသူများသည် အမြဲနေထိုင်ခွင့်လျှောက်ထားသူများ မပါဝင်ပါ။ အမြဲနေထိုင်ခွင့်လျှောက်ထားသူများမတွက် ဤလင့်တွင်လျှောက်ထားနိုင်ပါသည်။
https://www.isa.go.jp/en/applications/procedures/16-4.html
ပြောင်းလဲလျှောက်ထားသူများအတွက် လိုအပ်သည့်အချက်အလက်များ
-
လျှောက်လွှာ
-
ဝင်ငွေတံဆိပ်ခေါင်း ယန်း၄၀၀၀
-
နေထိုင်ခွင့်ကတ်ပြားအတွက် သင့်လျော်သည့်ဓာတ်ပုံ ( လိုအပ်ချက်ကို ဤလင့်တွင်ကြည့်ပါ
https://www.isa.go.jp/en/applications/procedures/16-2.html)
-
သင်ပြောင်းလဲလိုက်သော ဗီဇာအခြေအနေပေါ်မူတည်သည့် အခြားစာရွက်စာတန်းများ
-
နေထိုင်ခွင့်ကတ်ပြားနှင့်နိုင်ငံကူးလက်မှတ်
အခွန်ပေးဆောင်မှုအခြေအနေနှင့် အလုပ်အထောက်အထားသက်သေများ ပြောင်းလဲလျှောက်ထားသည့် ဗီဇာအခြေအနေများ အပေါ်လိုအပ်သည့်စာရွက်စာတန်းများလိုအပ်နိုင်သည်။
၃။ထိုသို့ဆိုလျှင် အလည်အပတ်ဗီဇာမှ အလုပ်ဗီဇာပြောင်းလဲရန် လွယ်ကူပါသလား
ပုံမှန်အနေအထားအရဆိုလျှင်လျှောက်ထားမလွယ်ကူပါ။ အလည်အပတ်ဗီဇာ ကိုင်ဆောင်ထားပြီး တရားဝင်အလုပ်ရှာပိုင်ခွင့်မရှိပါ။ အကယ်၍ ထိုအတောအတွင်းအလုပ်ရှင်၏ အလုပ်ခန့်ထားခြင်းရရှိပါက အလည်အပတ်ဗီဇာမှ အလုပ်ဗီဇာအဖြစ်ပြောင်းလဲလျှောက်ထားကြသည်။။ ထိုလျှောက်ထားချက်ကို ၂၀၁၉နောက်ပိုင်းတွင် စည်းကမ်းကြပ်မတ်လာသည်။ လျှောက်ထားသူအားလုံးနီးပါးမဟုတ်သော်ငြားလည်း လျှောက်ထားသူအများစုမှာ ငြင်းပယ်ခြင်းခံကြရသည်။
အကယ်၍ သင့်ထံကို အလုပ်ရှင်က အလည်ဗီဇာနှင့်ဂျပန်ကိုလာရောက်စေပြီးမှ အလုပ်ဗီဇာပြောင်းလျှောက်ထားခွင့်ပြုလျှင် ထိုကုမ္ပဏီသည် ကုမ္ပဏီကောင်းမဟုတ်ပါ။ အဘယ်ကြောင့်ဆိုသော် အလည်အပတ်ဗီဇာ လျှောက်ထားပြီးလျှင် အလုပ်ဗီဇာကိုလျှောက်ထားခွင့် မရသောကြောင့်ဖြစ်ပါသည်။
သင်ကအလည်အပတ်ဗီဇာနှင့်ဂျပန်သို့ရောက်ရှိလာပြီး အလုပ်ရှင်ကအလုပ်ခန့်ထားခံရလျှင် ပထမဦးဆုံး ၎င်းနိုင်ငံသို့ပြန်သွားရန်လိုအပ်ပါသည်။ ထို့နောက် လိုအပ်သောစာရွက်စာတန်းများနှင့် အလုပ်ဗီဇာကို အလုပ်ရှင်ထောက်ခံစာနှင့်အတူလျှောက်ထားနိုင်ပါသည်။ ထိုသို့ တရားဝင်နည်းလမ်းဖြင့်သာ ဂျပန်သို့လာပါက အာမခံချက်အပြည့်အဝရရှိပြီး အလုပ်ဗီဇာအတွက်လက်ခံရရှိမှာဖြစ်ပါသည်။ သိုမဟုတ်ပါက ဂျပန်သို့မလာခင် ၎င်း၏မိခင်နိုင်ငံတွင် ဦးစွာအလုပ်ရှာပါ။ အလုပ်ရရှိမှ ဂျပန်နိုင်ငံသို့လာရောက်သင့်ပါသည်။
အကျဉ်းချုပ်
ဂျပန်နိုင်ငံတွင် အလုပ်အကိုင်အခွင့်အလမ်းများစွာရှိသော်လည်း သင့်လျော်သောဗီဇာလျှောက်ထားနိုင်ရန် လိုအပ်ပါသည်။ ယခုလက်ရှိအခြေအနေတွင် ဂျပန်သည် အလုပ်သမားများစွာလိုအပ်နေပါသည်။ ထို့ကြောင့် ဂျပန်တွင်အလုပ်လုပ်ကိုင်လိုသော သင့်အိမ်မက်ကို အကောင်အထည်ဖော်ရန် သင့် လျော်သောနည်းလမ်းဖြင့်စတင်လိုက်ပါ။