17/03/2020

ဂျပန်မှာအလုပ်လုပ်မယ်ဆိုရင် လစာဘယ်လောက်ရနိုင်မလဲ(Full-time employee, Japanese salary)

လူမှုအဆင့်အတန်းမြင့်မားသော ဂျပန်နိုင်ငံတွင် အလုပ်လုပ်ရန်မှာ အာရှတိုက်ရှိ များစွာသောလူများ၏အိပ်မက်တစ်ခုဖြစ်သည်။ ယခုနှစ်ပိုင်းတွင်လည်း မြန်မာနိုင်ငံသားများအကြားတွင် ဂျပန်နိုင်ငံသို့သွားရောက်အလုပ်လုပ်ရန် စိတ်ဝင်စားမှုနှုန်းအလွန်မြင့်မားနေပြီး ဂျပန်စာလေ့လာသူများလည်း တစ်နေ့တခြား များပြားလာလျက်ရှိနေပါသည်။ ထို့ကြောင့် သင်ဂျပန်နိုင်ငံမှာသွားရောက်အလုပ်လုပ်မယ်ဆိုရင် လစာဘယ်လောက်ရနိုင်မလဲဆိုတာကို အကြမ်းဖျင်းရှင်းပြပေးချင်ပါသည်။

အမြဲတမ်းဝန်ထမ်း

ဂျပန်နိုင်ငံတွင် တက္ကသိုလ်ကျောင်းဆင်းတစ်ယောက်၏လစာမှာ အနည်းဆုံး သောင်း ၂၀ ခန့်မှစတင်လေ့ရှိပြီး၊ အချိန်ပိုကြေး၊ ခရီးစရိတ်နှင့် အခြားသောစရိတ်များသပ်သပ်ပေးလေ့ရှိသောကြောင့် ကုမ္ပဏီကြီးလျှင် ကြီးသလို လစာပိုမြင့်နိုင်ပါသည်။ သို့သော် ကောလိပ်ကျောင်းဆင်းများဖြစ်ပါက လစာ အနည်းငယ်နိမ့်တတ်ပြီး၊ တိုကျို၊ အိုဆာကာ မဟုတ်သော အခြားနယ်မြို့များတွင် အလုပ်ဝင်မည်ဆိုပါက အနည်းငယ်လျော့နည်းတတ်ပါသည်။ မြန်မာပြည်မှ အင်ဂျင်နီယာကျောင်းဆင်းများလည်း ဂျပန်နိုင်ငံရှိကုမ္ပဏီများတွင် လာရောက်အလုပ်လုပ်ကိုင်မည်ဆိုပါက အထက်ပါ လစာရနိုင်ပါသည်။ သို့သော်လည်း ဂျပန်နိုင်ငံတွင် ကျောင်းပြီး၍အလုပ်ဝင်သော ဂျပန်စာပိုမိုကျွမ်းကျင်သူဖြစ်ပါက လစာပိုမိုများ၍ ရာထူးတိုး၊လစာတိုးမြန်တတ်ပါသည်။ 

စာချုပ်ဝန်ထမ်း

စာချုပ်ဝန်ထမ်းတွင် အမျိုးအစား ၂မျိုးရှိပြီး လပေးစနစ်ဖြင့် စာချုပ်ဝန်ထမ်းနှင့် နာရီပေးစနစ်ဖြင့် စာချုပ်ဝန်ထမ်းဖြစ်ပါသည်။ လပေးစနစ်စာချုပ်ဝန်ထမ်းမှာ အမြဲတမ်းဝန်ထမ်းနှင့် လစာအတူတူလောက်ရရှိသော်လည်း ဘောနပ်ခံစားခွင့် နှင့် အခြားသောခံစားခွင့်များမရရှိတတ်ပဲ၊ တစ်နှစ်စီစာချုပ်ချုပ်ဆိုတတ်သောကြောင့် စာချုပ်သက်တမ်းပြီးဆုံးလျှင်ဖြစ်စေ၊ သက်တမ်းထပ်မတိုးတော့လျှင်ဖြစ်စေ အလုပ်ဆုံးရှုံးရတတ်ပါတယ်။ နာရီပေးစနစ် စာချုပ်ဝန်ထမ်းဆိုသည်မှာ အချိန်ပိုင်းဝန်ထမ်းနှင့် ပုံစံတူပြီး မိမိအလုပ်လုပ်သောအချိန်အလိုက် လစာရရှိမည်ဖြစ်ပါသည်။

အချိန်ပိုင်းဝန်ထမ်း

အချိန်ပိုင်းအလုပ်အား arubaito ဟုခေါ်ပြီး  အနည်းဆုံး တစ်နာရီလုပ်အားခ ၇၇၀ ယန်း မှ ၁၀၁၃ ယန်းအထိရှိရမည်ဟု ဂျပန်နိုင်ငံရှိ အလုပ်သမားရေးရာဝန်ကြီးဌာနများမှ သတ်မှတ်ထားပါသည်။ ထို့ကြောင့် မိမိအလုပ်လုပ်နိုင်သောအချိန်ပေါ်မူတည်၍ လစာရရှိနိုင်သောကြောင့် ပေါ့ပါးပြီး လူကြိုက်များသည်။ နိုင်ငံခြားမှ ကျောင်းလာတက်သောသော ကျောင်းသား/သူများမှာ ကျောင်းဖွင့်ချိန်တွင် တစ်ပတ် ၂၈ နာရီအထိ လုပ်ခွင့်ရမည်ဖြစ်ပြီး နွေရာသီနှင့် ဆောင်းရာသီပိတ်ရက်ရှည်များတွင် တစ်ပတ် နာရီ ၄၀ အထိလုပ်နိုင်ပါသည်။ ထို့ကြောင့် ဂျပန်နိုင်ငံမှာ အလုပ်လုပ်မယ်ဆိုရင်တော့ အမြဲတမ်းဝန်ထမ်း၊ စာချုပ်ဝန်ထမ်း၊ အချိန်ပိုင်းဝန်ထမ်း စသည်ဖြင့် အမျိုးအစားအမျိုးမျိုး ကွဲပြားခြားနားကြပါသည်။ အလုပ်ခန့်ပုံအမျိုးအစား၊ အလုပ်အမျိုးအစားများကိုလိုက်ပြီး လစာပေးပုံကွဲခြားသည့်အပြင် သက်ဆိုင်ရာမြို့ အလိုက်လည်း လစာအနည်းအများ ကွာတတ်ပါသည်။ 

ဂျပန်ရဲ့နှစ်ကုန်အခွန်စာရင်းရှင်းတမ်း年末調整(ねんまつちょうせい)(Japan tax)

တစ်ယောက်တည်းတွေးဝေမနေပါနဲ့။ ဂျပန်နှင့်ပတ်သက်သောအမေးအဖြေ community

ပတ်သက်ဆက်နွယ်သောသတင်းဆောင်းပါး

နိုင်ငံခြားကျောင်းသား၊‌ ကျောင်းသူတွေအနေနဲ့ အချိန်ပိုင်းအလုပ်လျှောက်တဲ့အခါ အိမ်မှအလုပ်သို့လာသည့်ကြာချိန် ကို ဘယ်လိုရေးကြမလဲ(How to write commuting time for part-time job resume for international students)

နိုင်ငံတကာမှ ကျောင်းသား၊ကျောင်းသူ‌ တွေ အချိန်ပိုင်းအလုပ်အတွက် ကိုယ်ရေးရာဇဝင် တင်ပြဖို့လိုပါတယ်။  ဂျပန်စာ CV ကို ပထမဆုံးရေးတဲ့အခါ အချို့လူတွေအတွက် အိမ်မှအလုပ်သို့ကြာချိန်ကို ဘယ်လိုရေးရမလဲဆိုတ...

အလုပ် အင်တာဗျူး ကိုယ်ရေးရာဇဝင်၊အလုပ်ရာဇဝင် CV

外国人留学生向け!介護職アルバイトから就職する方法 နိုင်ငံတကာမှကျောင်းသား ကျောင်းသူများ အတွက် သူနာပြု (Kaigo ပြုစုစောင့်ရှောက်နည်း) အချိန်ပိုင်းအလုပ်ကို ဘယ်လိုရှာကြမလဲ For international students! How to get a job from a part-time job

အချို့နိုင်ငံတကာမှကျောင်းသား ကျောင်းသူတွေက ဂျပန်နိုင်ငံရဲ့ Kaigo ပြုစုစောင့်ရှောက်ရေး နဲ့ လူမှုဖူလုံရေးအကြောင်းအရာကို လာရောက်လေ့လာကြပါတယ်။  တကယ်လို့ မိမိရဲ့ဘွဲ့က အဲဒီအကြောင်းအရာနဲ့ဆက်စပ်ခြင်း ...

အလုပ် အချိန်ပိုင်းအလုပ် အထူးကျွမ်းကျင်လုပ်သား၊အလုပ်သင်သင်တန်းသား

ဂျပန်နိုင်ငံတွင် လုပ်ငန်းခွင်ဘဝဟန်ချက် ညီမျှစေခြင်းကြိုးပမ်းချက်ကြောင့်ရရှိစေသောအကျိုးကျေးဇူးများ(The goal of balancing work and life helps Japanese workers)

ဂျပန်အစိုးရသည် ၂၀၁၈ခုနှစ်ကတည်းက လုပ်ငန်းခွင်ပြန်လည်ပြုပြင်တည်ဆောက်ခဲ့ရာ လုပ်ငန်းခွင်ဘဝဟန်ချက်ညီမျှလာသည့်အပြင် ဝန်ထမ်း၊ အလုပ်သမားများသည် ပိုမိုကောင်းမွန်သောလုပ်သားဘဝ၊ လုပ်ငန်းခွင်ရေရှည်တည်တံ့ခြင်း၊ အလု...

အလုပ် အလုပ်ရှာဖွေခြင်း အလုပ်အမူအကျင့်

ဂျပန်နိုင်ငံ၏ ပုံမှန်ရက်သတ္တပတ် အလုပ်ချိန် (Weekly working hours in Japan)

ဂျပန်နိုင်ငံတွင် အလုပ်ချိန်သတ်မှတ်ချက်သည် အချိန်ပိုင်း (သို့မဟုတ်) အချိန်ပြည့် အလုပ်အပိုင်းအခြားပေါ်မူတည်ပြီး ကွဲပြားချက်များရှိကြသည်။  ထို့အပြင် သင်သည် ဂျပန်နိုင်ငံတွင် အလုပ်လုပ်လိုပါက မကြာသေးမီ...

အလုပ် အလုပ်ရှာဖွေခြင်း အချိန်ပိုင်းအလုပ်

ဂျပန်တွင်အလည်အပတ်သွားခြင်းဗီဇာမှအလုပ်ဗီဇာသို့ပြောင်းလို့လွယ်ပါသလား( Is it easy to switch from a tourist visa to a work visa in Japan?)

နိုင်ငံခြားသားများသည်ဂျပန်နိုင်ငံတွင်အလုပ်လုပ်ကိုင်နိုင်သောဗီဇာရှိလျှင် အလုပ်သွားလုပ်နိုင်ပါသည်။ အလုပ်လုပ်ကိုင်ခွင့်မပြုသောဗီဇာအမျိုးအစားဖြစ်ပါကပြောင်းလဲရန်လိုအပ်ပါသည်။  ထို့ကြောင့် ဂျပန်တွင် အလု...

အလုပ် နေထိုင်မှုဗီဇာ ဗီဇာ

ကျွန်ုပ်တို့၏ဝက်ဘ်ဆိုက်သည်သုံးစွဲခြင်းကိုအဆင်ပြေချောမွေ့စေရန်၊အရည်အသွေးကိုထိန်းသိမ်းရန်နှင့်တိုးတက်စေရန်ရည်ရွယ်ချက်ဖြင့် Cookieကိုအသုံးပြုသည်။ Cookieအသုံးပြုမှုကိုသဘောတူပါက "သဘောတူပါသည်" ခလုတ်ကိုနှိပ်ပါ။ Cookie ကိုအသုံးပြုခြင်းနှင့် ပတ်သက်၍ အသေးစိတ်ကိုဤနေရာတွင်ကြည့်ပါ။

Cookieအသုံးပြုမှုမူဝါဒ