အိုတာကာကတော့ ဂျပန်နိုင်ငံမှာ ဒုတိယ အကြီးဆုံးမြိုလို့ သတ်မှတ်ကြပြီး လည်စရာ၊ ပတ်စရာတွေနဲ့ အစားအသောက်တွေနဲ့ ပြည့်နှက်နေတဲ့ မြို့ဖြစ်ပါတယ်။ ဒါ့အပြင် အိုဆာကာကတော့ လမ်းပန်းဆက်သွယ်ရေးလဲကောင်းမွန်တဲ့ မြို့တစ်မြို့ဖြစ်ပါတယ်။ အိုဆာကာ မြို့ကိုပတ်ဖို့အတွက် အဓိကကျတဲ့ ဆက်သွယ်ရေးနည်းလမ်းတစ်ခုလို့ဆိုလို့ရတဲ့ Osaka Metro ကိုတော့ ၁၉၃၃ ခုနှစ်ကတည်းက စတင်ပြေးဆွဲလာတာဖြစ်ပြီး လိုင်းအသစ်တွေ ချဲ့ထွင်လာပြီမို့ အခုဆိုရင် မောင်းသူမဲ့ ရထားလိုင်း အပါဝင် ရထားလိုင်းပေါင်း ၉ လိုင်းကိုပြေးဆွဲချက်ရှိပါတယ်။ Osaka Metro ကနေပြီးတော့ အိုဆာကာရဲ့ နာမည်ကြီး နေရာတော်တော်များများကိုသွားရောက်လည်ပတ်နိုင်ပါတယ်။ ဒီဆောင်းပါးမှာတော့ ဒီလို Osaka Metro လိုင်း၉လိုင်းကို မိတ်ဆက်ပေးပြီး ရထားလိုင်းအလိုက် လည်ပတ်နိုင်မယ့် နေရာတွေကိုပါ ဖော်ပြသွားပါ့မယ်။
မာတိကာ
- အိုဆာကာ မြေအောက်ရထားလိုင်း (Osaka Metro)
- Osaka Metro နဲ့ သက်သက်သာသာလည်ပတ်နိုင်မယ့် လက်မှတ်များ။
- 御堂筋 (みどすじ)-Midosuji (အနီရောင်)
- 谷町 (たにまち)-Tanimachi (ခရမ်း)
- 四つ橋 (よつばし)-Yotsubashi (အပြာ)
- 中央 (ちゅうおう)-Chuo (အစိမ်း)
- 千日前 (せんにちまえ)-Sennichimae (အပန်း)
- 堺筋 (さかいすじ)-Sakaisuji (အညို)
- 長堀鶴見緑地 (ながほりつりみりょうち)-Nagahori Tsurumi-ryokuchi (အစိမ်းနု)
- 今里筋 (いまざとすじ)-Imazatosuji (အဝါ)
- ニュートラム (にゅうとらむ)-New Tram (အပြာနု)
- အကျဥ်းချုပ်
အိုဆာကာ မြေအောက်ရထားလိုင်း (Osaka Metro)
Osaka Metro ကတော့ အိုဆာကာမြို့အတွင်းကို အဓိက ပြေးဆွဲတဲ့ မြေအောက်ရထားလိုင်းဖြစ်ပါတယ်။ ရထားလိုင်းမှာတော့ အဓိက လိုင်း ၉လိုင်းပါဝင်ပါတယ်။ ရထားလိုင်းတွေကနေပြီးတော့ တဆင့် အိုဆာကာရဲ့ အချက်အခြာကျတဲ့ နေရာတွေကိုသွားရောက်လည်ပတ်နိုင်ပါတယ်။ ရထားလိုင်းတစ်ခုချင်းစီမှာတော့ ကိုယ်ပိုင်အရောင်တွေနှင့် အမှတ်အသားတွေရှိပါတယ်။ တစ်ခုချင်းစီကတော့ အောက်ပါအတိုင်းဖြစ်ပါတယ်။
- 御堂筋 (みどすじ)-Midosuji လိုင်း (အနီရောင်)
- 谷町 (たにまち)-Tanimachi လိုင်း(ခရမ်း)
- 四つ橋 (よつばし)-Yotsubashi လိုင်း(အပြာ)
- 中央 (ちゅうおう)-Chuo လိုင်း (အစိမ်း)
- 千日前 (せんにちまえ)-Sennichimae လိုင်း(အပန်း)
- 堺筋 (さかいすじ)-Sakaisuji လိုင်း(အညို)
- 長堀鶴見緑地 (ながほりつりみりょうち)-Nagahori Tsurumi-ryokuchi လိုင်း(အစိမ်းနု)
- 今里筋 (いまざとすじ)-Imazatosuji လိုင်း (အဝါ)
- ニュートラム (にゅうとらむ)-New Tram လိုင်း(အပြာနု)
ဒီလို ရထားလိုင်း ၉ လိုင်းကနေပြီးတော့ 梅田 (Umeda) なんば (Nanba) အစရှိတဲ့ ခရီးသွားတွေကြားထဲမှာ လူသိများကျော်ကြားတဲ့ ဘူတာတွေအပါအဝင် ဘူတာပေါင်း ၁၃၃ ဘူတာ ကို Osaka Metro နဲ့သွားရောက်နိုင်မှာဖြစ်ပါတယ်။ ဒါအပြင် ပုံမှန်ထက် သက်သက်သာသာသွားနိုင်မယ့် လက်မှတ်တွေနှင့် နိုင်ငံခြားခရီးသွားတွေအတွက်အထူးသီးသန့် လက်မှတ်တွေကိုလဲ ဝယ်ယူနိုင်ပါတယ်။
စာရေးသူရွေးချယ်သောဆောင်းပါး
Osaka Metro နဲ့ သက်သက်သာသာလည်ပတ်နိုင်မယ့် လက်မှတ်များ။
လက်မှတ်တွေကိုတော့ ၃ မျိုး တွေ့ရပါတယ်။
- ဂျပန်ပြည်တွင်းမှာနေပြီး အိုဆာကာကိုလည်ပတ်မယ့်သူတွေအတွက်အထူးလက်မှတ်။
- နိုင်ငံခြားသားခရီးသွားများအတွက် အထူးလက်မှတ်။
- အိုဆာကာကနေ တခြားမြို့ကိုသွားမယ့် သူတွေအတွက် အထူးလက်မှတ်။
ဂျပန်ပြည်တွင်းမှာနေပြီး အိုဆာကာကိုလည်ပတ်မယ့်သူတွေအတွက်အထူးလက်မှတ်။
ဂျပန်ပြည်တွင်းမှာနေပြီး အိုဆာကာကိုလည်ပတ်မယ့် သူတွေအတွက် အထူးလက်မှတ်အနေနဲ့ ၃ မျိုးတွေ့နိုင်ပါတယ်။
1-day pass “Enjoy Eco Card”
ဒီလက်မှတ်ကတော့ တစ်နေ့တာလက်မှတ်ဖြစ်ပြီး ဒီလက်မှတ်နဲ့ အိုဆာကာမြေအောက်ရထားနဲ့ ဘတ်စ်ကားတွေကို အခမဲ့စီးနိုင်မှာဖြစ်ပါတယ်။ စျေးနှုန်းတွေကတော့
-
လူကြီး ၈၂၀ ယန်း (စနေ၊တနင်္ဂနွေနှင့် ရုံးပိတ်ရက်တွေမှာ ၆၂၀ ယန်း)
-
ကလေး ၃၁၀ ယန်း ဖြစ်ပါတယ်။
※ Osaka City Bus တွေထဲမှာ IKEA Tsuruhama၊ Universal Studios Japan၊ လေဆိပ်တို့ကိုသွားတဲ့ ဘတ်စ်ကားတွေကိုတော့ အသုံးပြုလို့မရပါဘူး။
အသေးစိတ် - https://subway.osakametro.co.jp/en/guide/page/enjoy-eco.php
Osaka Amazing Pass
နောက်တစ်ခုကတော့ Osaka Amazing Pass ဖြစ်ပြီးတော့ ဒီလက်မှတ်ကတော့ အိုဆာကာမြေအောက်ရထားတစ်ခုတည်းမဟုတ်ဘဲနဲ့ အိုဆာကာ ဘတ်စကား တော်တော်များများ အပြင် အိုဆာကာမြို့တွင်းမှာရှိတဲ့ ရထားလိုင်းတွေဖြစ်တဲ့ Hankyu, Hanshin, Keihan, Kintetsu, Nankai တို့ကိုပါစီးနိုင်ပါတယ်။ ဒါ့အပြင် အိုဆာကာရဲ့ နာမည်ကြီးနေရာတွေဖြစ်တဲ့ အိုဆာကာရဲတိုက်အပါအဝင် တခြား နာမည်ကြီးနေရာတွေကို အခမဲ့ ဝင်ရောက်နိုင်ပါသေးတယ်။
စျေးနှုန်းတွေကတော့ လူကြီး ၂၈၀၀ ယန်း ဖြစ်ပြီး လူကြီးသီးသန့်ဝယ်ယူနိုင်ပါတယ်။
အသေးစိတ် - https://www.osp.osaka-info.jp/en/about/about_1day.html
2-Day Osaka Amazing Pass
အိုဆာကာမှာ ၂ရက် နေမယ့် သူတွေအနေနဲ့ကတော့ 2-Day Osaka Amazing Pass ရှိပါတယ်။ 2-Day Osaka Amazing Pass ကလဲ တစ်နေ့တာ လက်မှတ်နဲ့ အတူတူပဲ အိုဆာကာမြေအောက်ရထားတစ်ခုတည်းမဟုတ်ဘဲနဲ့ အိုဆာကာ ဘတ်စကား တော်တော်များများ ကိုအခမဲ့ စီးနိုင်မှာဖြစ်ပြီး အိုဆာကာရဲတိုက်အပါအဝင် တခြား နာမည်ကြီးနေရာတွေကို အခမဲ့ ဝင်ရောက်နိုင်ပါသေးတယ်။ ဒါပေမယ့် တစ်နေ့တာလက်မှတ်နဲ့ မတူတဲ့ အချက်တစ်ချက်ကတော့ Hankyu, Hanshin, Keihan, Kintetsu, Nankai တို့ကို အခမဲ့ မစီးနိုင်တဲ့ အချက်ကိုတော့ သတိပြုပါ။
စျေးနှုန်းတွေကတော့ လူကြီး ၃၆၀၀ ယန်း ဖြစ်ပြီး လူကြီးသီးသန့်ဝယ်ယူနိုင်ပါတယ်။
အသေးစိတ် - https://www.osp.osaka-info.jp/en/about/about_2day.html
နိုင်ငံခြားသားခရီးသွားများအတွက် အထူးလက်မှတ်။
နောက်လက်မှတ်ကတော့ နိုင်ငံခြားသားခရီးသွား၊ ခရီးသွားဗီဇာနဲ့ အိုဆာကာကို လာရောက်လည်ပတ်တဲ့ သူတွေအတွက် လက်မှတ်ဖြစ်ပါတယ်။
KANSAI THRU PASS
ပထမဆုံး လက်မှတ်တစ်ခုကတော့ KANSAI THRU PASS ဆိုတဲ့ လက်မှတ်ဖြစ်ပါတယ်။ဒီလက်မှတ်ကကတော့ Osaka Metro အပြင်၊ Osaka City Bus တော်တော်များများနဲ့ ကိုစီးနိုင်ပြီးတစ်ချို့နာမည်ကြီး ခရီးသွားနေရာတွေမှာလဲ အခမဲ့ ဝန်ဆောင်မှုတွေ၊ လျှော့စျေးတွေရနိုင်ပါသေးတယ်။ ၂ ရက်တာလက်မှတ်နဲ့ ၃ ရက်တာလက်မှတ်ရှိပါတယ်။ စျေးနှုန်းကိုတော့ အောက်ပါ လင့်ကနေ ဝင်ရောက်ကြည့်ရှုနိုင်ပါတယ်။
https://www.surutto.com/tickets/kansai_thru_english.html
Osaka Metro 1-day pass & Osaka Metro 2-day pass
နောက်တစ်မျိုးကတော့ Osaka Metro 1-day pass & Osaka Metro 2-day pass ဆိုတဲ့ လက်မှတ်ဖြစ်ပြီး Osaka Metro အပြင်၊ Osaka City Bus တော်တော်များများနဲ့ ကိုစီးနိုင်ပြီးတစ်ချို့နာမည်ကြီး ခရီးသွားနေရာတွေမှာလဲ အခမဲ့ ဝန်ဆောင်မှုတွေ၊ လျှော့စျေးတွေရနိုင်ပါသေးတယ်။ ဒီလက်မှတ်ကိုတော့ ဂျပန်နိုင်ငံပြင်ပမှာ အဓိက ရောင်းချပေမယ့်လဲ Kansai လေဆိပ်မှာလဲ ဝယ်ယူနိုင်ပါတယ်။ စျေးနှုန်းအနေနဲ့ကတော့ ပြည်တွင်းမှာဝယ်မယ်ဆိုရင်
- တစ်နေ့တာ လက်မှတ် - ယန်း ၇၀၀။
- ၂ ရက်တာလက်မှတ် - ယန်း ၁၃၀၀။
※ လူကြီးသီးသန့်ဝယ်ယူနိုင်ပါတယ်။
KYOTO-OSAKA SIGHT SEEING PASS
အိုဆာကာကနေ အလွယ်တကူသွားနိုင်မယ့် မြို့ကတော့ ဂျပန်နိုင်ငံရဲ့ရှေးဟောင်းမြို့တော်ကျိုတို မြို့ဖြစ်ပါတယ်။ KYOTO-OSAKA SIGHT SEEING PASS ကတော့ Osaka Metro အပြင်၊ Osaka City Bus ပြီးတော့ ကျိုတိုနဲ့ အိုဆာကာ ကိုအဓိက ပြေးဆွဲတဲ့ ရထားလိုင်းဖြစ်တဲ့ Keihan ရထားလိုင်း ကိုလဲ အကန့်အသတ်မရှိစီးနိုင်တဲံ အတွက်ကြောင့်မို့လို့ ကျိုတိုမြို့ကိုပါ လည်ပတ်နိုင်မှာဖြစ်ပါတယ်။ စျေးနှုန်းကတော့ တစ်နေတာ အတွက် - လူကြီး ၁၄၀၀ ယန်း ဖြစ်ပြီး လူကြီးသီးသန့်ဝယ်ယူနိုင်ပါတယ်။
အသေးစိတ် - https://www.keihan.co.jp/travel/en/trains/passes-for-visitors-to-japan/osaka-subway
အိုဆာကာကနေ တခြားမြို့ကိုသွားမယ့် သူတွေအတွက် အထူးလက်မှတ်။
နောက်ဆုံး အမျိုးအစားကတော့ အိုဆာကာကနေ တခြားမြို့ကိုသွားမယ့် သူတွေအတွက် လက်မှတ်ဖြစ်ပါတယ်။ ဒီလက်မှတ်တွေကတော့ အိုဆာကာကို အလည်လာရင် အိုဆာကာကနေ တခြားမြို့တွေကို အလည်အပတ်သွားချင်တဲ့ အချိန်မှာ သင့်တော်တဲ့ လက်မှတ်ဖြစ်ပါတယ်။ အိုဆာကာကတော့ ဂျပန်နိုင်ငံအနောက်ပိုင်းမှာ နာမည်ကြီးခရီးသွားဒေသတွေဖြစ်တဲ့ နာရ၊ ကျိုတို တို့နဲ့လဲ ဆက်စပ်နေတဲ့ ဒေသဖြစ်တဲ့ အတွက်ကြောင့်မို့လို့ တခြားဒေသတွေကိုပါ အလွယ်တကူခရီးသွားရလွယ်ပါတယ်။
Nara-Ikaruga 1-day ticket
ပထမလက်မှတ်အမျိုးအစားကတော့ Nara-Ikaruga 1-day ticket ဆိုတဲ့ လက်မှတ်ဖြစ်ပြီး Osaka Metro အပြင်၊ Osaka City Bus ပြီးတော့ Kintetsu ရထားလိုင်းနှင့် Nara Kotsu Bus ကိုပါစီးနိုင်မှာဖြစ်ပါတယ်။ လူကြီးသာဝယ်ယူနိုင်ပြီး လက်မှတ်စျေးနှုန်းကတော့ ၁၆၅၀ ယန်းဖြစ်ပါတယ်။
Hirapa GO! GO! ticket
Hirapa GO! GO! ticket ကတော့ Osaka Metro အပြင်၊ Osaka City Bus ပြီးတော့ Keihan ရထားလိုင်းတစ်ချို့ကိုပါ သွားနိုင်မှာဖြစ်ပါတယ်။ နောက်ပြီး Hirakata ပန်းခြံ ကိုအခမဲ့ ဝင်နိုင်မှာဖြစ်ပါတယ်။ ဒီလက်မှတ်ကိုတော့ အိုဆာကာကနေ Hirakata ပန်းခြံကိုသွားချင်တဲ့ သူတွေအနေနဲ့ အဆင်ပြေပါတယ်။
စျေးနှုန်းကတော့ - လူကြီး - ၁၈၀၀ ယန်း။ ကလေး ၁၀၀၀ ယန်းဖြစ်ပါတယ်။
အသေးစိတ် - https://www.keihan.co.jp/traffic/valueticket/ticket/hirapagogo/
အခုဖော်ပြလိုက်တဲ့ လက်မှတ်တွေကို ကိုယ့်သွားချင်တဲ့နေရာနှင့် ရည်ရွယ်ချက်တွေနဲ့ ကိုက်ညီပြီး လက်မှတ်ဝယ်ပြီးပြီဆိုရင် Osaka Metro လိုင်းတစ်လျှောက် ရထားလိုင်းအလိုက်နာမည်ကြီးတဲ့နေရာတွေကိုကြည့်လိုက်ကြရအောင်။
御堂筋 (みどすじ)-Midosuji (အနီရောင်)
Midosuji လိုင်းကတော့ Osaka Metro လိုင်း ၉လိုင်းထဲမှာ သက်တမ်းအကြာဆုံးနှင့် အဓိက ရထားလိုင်းတစ်လိုင်းဖြစ်ပါတယ်။ နောက်ပြီး နေ့တိုင်း လူ ၁ သန်းကျော်အသုံးပြုလေ့ရှိတဲ့ အရေးပါတဲ့ ရထားလိုင်းဖြစ်ပါတယ်။ ဘူတာပေါင်း ၂၀ ရှိပြီး Shin-Osaka, Umeda, Shinsaibashi, Nanba အစရှိတဲ့ ဘူတာတွေကို လည်ပတ်လို့ရပါတယ်။ ဒီဘူတာကနေ လည်ပတ်နိုင်တဲ့ နေရာတွေကို ကြည့်ရမယ်ဆိုရင် အများကြီးရှိပါတယ်။ တချို့နေရာတွေကနေ Osaka Metro တခြားလိုင်းတွေကနေ လဲ သွားရောက်လည်ပတ်နိုင်ပါတယ်။
Doutonbori (道頓堀)
Namba ဘူတာ ကနေ လမ်းလျှောက် ၁ မိနစ်။
ပထမဆုံးအနေနဲ့ Namba ဘူတာနဲ့ စချင်ပါတယ်။ Namba ဘူတာ ကတော့ အိုဆာကာမြို့ရဲ့ အဓိက အချက်အခြာကျတဲ့ နေရာတစ်နေရာလဲ ဖြစ်ပါတယ်။ Namba ဘူတာကိုတော့ Midosuji လိုင်းတစ်ခုတည်းမဟုတ်ဘဲ Yotsubashi ရထားလိုင်း၊ Sennichimae ရထားလိုင်းတို့နဲ့လဲ သွားရောက်နိုင်ပါတယ်။ ပထမဆုံး Namba ဘူတာ ကတော့ သွားလို့ရမယ့် နေရာတစ်နေရာကတော့ Doutonbori (道頓堀) ဖြစ်ပါတယ်။ ကျွန်တော်တို့ အိုဆာကာလို့ပြောလိုက်ရင် ပထမဆုံးပြေးမြင်မှာကတော့ ညဘက်မှာ ထိန်လင်းစည်ကားလှတဲ့ စားသောက်ဆိုင်တွေ ၊ ပြီးတော့ ဆိုင်းဘတ်ပေါင်းစုံနဲ့ လှပလျက်ရှိတဲ့ Doutonbori (道頓堀) ဖြစ်ပါတယ်။ ဆိုင်တွေလဲ အများကြီးရှိတဲ့အတွက်ကြောင့်မိုလို့ ဂျပန်နိုင်ငံအနောက်ပိုင်းရိုးရာ အစားစာတွေကိုလဲ တဝကြီးစားသောက်နိုင်တဲ့ နေရာဖြစ်ပါတယ်။
Namba Park
Namba ဘူတာ ကနေ လမ်းလျှောက် ၇ မိနစ် ။
ခေတ်မှီတဲ့ အဆောက်အအုံတွေနဲ့ စျေးဝယ်ရတာ ကြိုက်နှစ်သက်တယ်ဆိုရင်တော့ Namba Parkကိုညွှန်းပါရစေ။ Namba ဘူတာ အနီးမှာရှိပြီး သွားရလဲ လွယ်ကူပါတယ်။ နောက်ပြီး စိမ်းလန်းစိုပြေနေတဲ့ သဘာဝတရားကြီးနဲ့လဲ ထိတွေ့နိုင်ပါတယ်။
Namba Yasaka နတ်ကွန်း
Namba ဘူတာ ကနေ လမ်းလျှောက် ၆ မိနစ်။
နောက်တစ်နေရာကတော့ Namba နတ်ကွန်း ဖြစ်ပါတယ်။ ဒီနတ်ကွန်းကလဲ ခရီးသွားတွေကြားထဲမှာ နာမည်ကြီးရေပန်းစားတဲ့ နတ်ကွန်းဖြစ်ပါတယ်။ နောက်ပြီး အိုဆာကာရဲ့ နာမည်ကြီး နတ်ကွန်းတစ်ခုဖြစ်တဲ့ အတွက်ကြောင့်မို့လို့ သေချာပေါက်သွားသင့်ပါတယ်။
新世界 (Shinsekai)
Doubutsuenmae ဘူတာကနေ လမ်းလျှောက် ၃ မိနစ်။
Doubutsuenmae ဘူတာကနေ လမ်းလျှောက် ၃ မိနစ် မှာရှိတဲ့ ဒီ 新世界 (Shinsekai) ဆိုတဲ့ နေရာကနေ အိုဆာကာမြို့ကို ကိုယ်စားပြုတဲ့ နေရာတစ်နေရာလို့ဆိုနိုင်ပါတယ်။ 新世界 (Shinsekai) မှာဆိုရင်တော့ အိုဆာကာမြို့ရဲ့ ရိုးရာ အစားအသောက်တွေ အများကြီးကို တစ်နေရာမှာတွေ့နိုင်ပြီးတော့ လုံးဝ အိုဆာကာရဲ့ အငွေ အသက်ကို ဒီနေရာမှာ တစ်နေရာတည်း ခံစားနိုင်ပါတယ်။ ဒါကြောင့်မို့လို့ ဒီနေရာကတော့ 新世界 (Shinsekai) ကိုတော့ အိုဆာကာကိုတော့ ဂျပန်နိုင်ငံမှာ
通天閣 (Tsutenkaku)
Doubutsuenmae ဘူတာကနေ လမ်းလျှောက် ၆ မိနစ်။
အိုဆာကာမြို့ရဲ့ သင်္ကေတလို့ပြောလို့ရတဲ့ Tsutenkaku တာဝါရှိဝဲ့ နေရာဖြစ်ပါတယ်။ နောက်ပြီး ညဘက်ရောက်ရင် မီးရောင်စုကြားမှာ တက်ကြွနေပြီး တာဝါ ကလဲ ရာသီဥတုကို လိုက်ပြီးတော့ မီးရောင် အမျိုးမျိုးနဲ့ ထွန်းပြီးပြသလေ့ရှိပါတယ်။ နောက်ပြီး တာဝါရဲ့ အထိပ်ဆုံးမှာတော့ အထူးမျှော်စင် ရှိပြီးတော့ မျှော်စင် ကနေပြီးတော့ အိုဆာကာ တစ်ခွင်လှမ်းကြည့်နိုင်ပါတယ်။
梅田スカイビル (Umeda Sky)
Umeda ဘူတာကနေ လမ်းလျှောက် ၉ မိနစ်။
အိုဆာကာရဲ့ အဓိကဘူတာတစ်ခုဖြစ်တဲ့ Umeda ဘူတာကနေတော့ Umeda Sky အဆောက်အအုံကိုသွားရောက်နိုင်ပါတယ်။ Umeda Sky ကတော့ အဆောင်အအုံးကြီး ၂ခုကို ဆက်ထားပြီးတော့ အပေါ်ဆုံးထပ်မှာတော့ Kuchu Teien မျှော်စင်ကြီး တည်ရှိပါတယ်။ မျှော်စင်ကိုတော့ ဝင်ကြေးပေးရပြီး လူကြီး ယန်း ၁၅၀၀၊ ကလေး ယန်း ၇၀၀ ကျသင့်ပါတယ်။
アメリカ村 (America Mura)
Shinsaibashi ဘူတာကနေ လမ်းလျှောက် ၁၃ မိနစ်။
ဂျပန်ငယ်တွေ အများကြီးလာရောက်လည်ပတ်လေ့ရှိတဲ့ アメリカ村 (America Mura)ကိုတော့ Shinsaibashi ကတော့ သွားရောက်နိုင်ပြီးတော့ ဒီနေရာမှာတော့ ကဖေးတွေ၊ ဖက်ရှင်ဆိုင်တွေနှင့် ဘား၊ ကလပ်တွေပြည့်နှက်လို့နေပါတယ်။ လူငယ်တွေကြားထဲမှာတော့ アメ村 (amemura) လို့အတိုကောက်ခေါ်လေ့ရှိကြပါတယ်။နောက်ပြီး ခေတ်မှီတဲ့ စတိုင်နှင့် နောက်ဆုံးပေါ်ဖက်ရှင်တွေကိုတွေ့နိုင်တဲ့ နေရာဖြစ်ပါတယ်။
谷町 (たにまち)-Tanimachi (ခရမ်း)
နောက်ရထားလိုင်းတစ်ခုကတော့ Tanimachi လိုင်းဖြစ်ပါတယ်။Tanimachi လိုင်းကတော့ Tanimachisuji တစ်လျှောက်ပြေးဆွဲပြီး Tanimachisuji တစ်လျှောက်မှာတော့ ဘုရားကျောင်းတွေနဲ့ အစိုးရရုံးတွေ အများကြီးရှိတဲ့ နေရာဖြစ်ပြီး ။Tanimachi ကတော့ Osaka Metro လိုင်းတေထဲမှာ အရှည်ဆုံးဖြစ်ပါတယ်။ Tenjinbashisuji Rokuchome ဘူတာ၊ Nakazakicho ဘူတာ၊ Tennoji ဘူတာ အစသဖြင့် ဂျပန်နိုင်ငံရဲ့ ရိုးရာ ယဥ်ကျေးမှုတွေ ပြည့်နှက်နေတဲ့ နေရာတွေကို ဒီ Tanimachi လိုင်းကနေ သွားရောက်နိုင်ပါတယ်။
四天王寺（Shitennoji ）
Shitennoji-mae Yuhigaoka ဘူတာ လမ်းလျှောက် ၅ မိနစ်
Shitennoji ဘုရားကျောင်းကတော့ Tanimachi လိုင်း ရဲ့ Shitennoji-mae Yuhigaoka ဘူတာ အနီးနားမှာရှိပါတယ်။ လမ်းလျှောက် ၅ မိနစ်သာကြာမြင့်ပါတယ်။ Shitennoji ဘုရားကျောင်းမှာဆိုရင် လက်ရာမြောက်လှတဲ့ အဆောက်အုံတွေနှင့် ရှေးခေတ်အဆောက်အုံတွေကိုလေ့လာနိုင်မှာဖြစ်ပါတယ်။ နောက်ပြီး နိုင်ငံအမွေအနှစ် အနေနဲ့ သတ်မှတ်ထားတဲ့ ပစ္စည်းတွေလဲ အများကြီးရှိပါတယ်။ ဒါ့အပြင် ငလျင်ဒဏ်နှင့် သဘာဝဘေးအန္တာရာယ်ဒဏ်တွေကိုအများကြီးခံနိုင်ရည်ရှိပြီး ယနေ့ အထိ ကြံကြံခိုင်လာတ့ ဘုရားကျောင်းလဲဖြစ်ပါတယ်။
大阪天満宮 (Osaka Tenmangu )
Minamimorimachi ဘူတာကနေ လမ်းလျှောက် ၂ မိနစ်။
大阪天満宮 (Osaka Tenmangu ) နတ်ကွန်းကတော့ အိုဆာကာမြို့ရဲ့ နာမည်ကြီးနတ်ကွန်းတစ်ခုဖြစ်ပြီး ပညာရေးနဲ့ ပတ်သက်တဲ့ နတ်ဘုရားလို့ လူသိများပြီး နှစ်သစ်ကူး 初詣 (hatsu moude) အနေနဲ့ လာရောက်လည်ပတ်တဲ့လူတွေလဲ များပြားပါတယ်။
ကဖေးနှင့် ရှေးဟောင်းအိမ်များ
အပေါ်မှာပြောခဲ့သလိုပဲTanimachi လိုင်းတစ်လျှောက် ကတော့ ကဖေးနှင့်ရှေးဟောင်းနေရာတွေနဲ့ ပြည့်နှက်နေတဲ့ နေရာတွေ အများကြီးရှိပါတယ်။ ဒါကြောင့်မလို့ ကဖေးနှင့် ရှေးဟောင်းအငွေ့အသက်တွေကိုသက်နှစ်တဲ့ သူတွေကိုတော့ Tanimachi လိုင်း မှာရှိတဲ့ ဘူတာတွေကို အလည်ပတ်သွားဖို့ သင့်တော်ပါတယ်။ ဥပမာ Nakazakicho ဘူတာတစ်လျှောက်မှာဆိုရင် ရှေးဟောင်းစတိုင် ကဖေးတွေနှင့် အဆောက်အအုံတွေ ပြည့်နှက်လို့နေပါတယ်။ ဒါ့အပြင်အပေါ်မှာဖော်ပြခဲ့ တဲ့ ဘုရားကျောင်းတွေအပြင် တခြားနတ်ကွန်းတွေကိုလဲတွေ့နိုင်ပါတယ်။
四つ橋 (よつばし)-Yotsubashi (အပြာ)
四つ橋 (よつばし)-Yotsubashi ဘူတာကတော့ Midosuji လိုင်း နဲ့တော်တော်များများ နေရာတွေကို အပြိုင်ပြေးဆွဲတဲ့ ရထားလိုင်းဖြစ်ပါတယ်။ Nishiumeda ဘူတာကနေပြီးတော့ Suminoekoen ဘူတာအထိပြေးဆွဲပြီး Midosuji လိုင်း ထက်ပိုပြီးတော့ Namba Hatch ကို ပိုပြီးတော့ အဆင်ပြေပြေသွားနိုင်ပါတယ်။
大阪市立科学館 (အိုဆာကာ သိပ္ပံပြခန်း)
Higobashi ဘူတာမှ ၅၀၀ မီတာအတွင်း။
四つ橋 (よつばし) လိုင်းရဲ့ ထူးခြားတဲ့ အချက်တချက်ကတော့ သိပ္ပံပြခန်းတွေကိုသွားရောက်လည်ပတ်နိုင်တဲ့ အချက်ဖြစ်ပါတယ်။ အဲဒီပြခန်းတွေထဲကတစ်ခုကတော့ 大阪市立科学館 (အိုဆာကာ သိပ္ပံပြခန်း)ဖြစ်ပါတယ်။ ဒီပြခန်းမှာဆိုရင် အသက်အရွယ်မရွေး သိပ္ပံနည်းပညာနှင့်ပတ်သက်တဲ့ အကြောင်းအရာတွေကိုလေ့လာနိုင်မှာဖြစ်ပါတယ်။
国立国際美術館 (နိုင်ငံပိုင်အနုပညာပြတိုက်)
Higobashi ဘူတာမှ လမ်းလျှောက် ၁၀ မိနစ်။
နိုင်ငံပိုင် အနုပညာပြတိုက်ကြီးမှာတော့ ဒုတိယ ကမ္ဘာစစ်နောက်ပိုင်း အနုပညာလက်ရာတွေကို အဓိကလေ့လာနိုင်မှာဖြစ်မှာဖြစ်ပြီး ၁၉၇၇ ခုနှစ်မှာစတင်တည်ထေင်ခဲ့ပြီး အဲဒီအချိန်တုန်းကတော့ 万博記念公園 （banpaku kinen koen）မှာရှိပြီးတော့ ၂၀၀၄ ခုနှစ်မှာတော့ ယခုလက်ရှိနေရာကိုပြောင်းရွေ့လိုက်ပါတယ်။
Kitakagaya နံရံပန်းချီများ
Kitakagaya ဘူတာ
Kitakagaya ကတော့ အိုဆာကာမှာ အနုပညာမြို့လို့လူသိများကြပါတယ်။ မြို့ထဲမှာတော့ စက်ရုံတွေနှင့် ဂိုဒေါင်တွေနဲ့ပြည့်နှက်နေပြီး စားသောက်ဆိုင်တွေလဲ အများကြီးရှိပါတယ်။ ဒိမြို့ရဲ့ ထူးခြားချက်ကတော့ နံရံပေါ်မှာ ပန်းချီလက်ရာတွေကို လှပစွာမြင်တွေ့နိုင်မှာဖြစ်ပါတယ်။
中央 (ちゅうおう)-Chuo (အစိမ်း)
中央 (ちゅうおう)-Chuo ကတော့ တခြားလိုင်းတွေနဲ့လဲ အများကြီးဆက်သွယ်နေတဲ့ လိုင်းတစ်ခုဖြစ်ပြီးတော့ အိုဆာကာမြို့ရဲ့ နာမည်ကျော် အိုဆာကာရဲတိုက်ရဲ့ တောင်ဘက်တစ်လျှောက်ကိုပြေးဆွဲလျက်ရှိပါတယ်။ နောက်ပြီး အိုဆာကာမြို့ရဲ့ အဓိက ဆွဲဆောင်မှု များထဲက တစ်ခုဖြစ်တဲ့ Kaiyukan လို့ခေါ်တဲ့ငါးပြတိုက်ကြီးကိုလဲ သွားလို့ရတဲ့ ရထားလိုင်းတစ်ခုဖြစ်ပါတယ်။
大阪城 (Osaka ရဲတိုက်)
Tanimachi 4-chome ဘူတာ။
Osaka ရဲတိုက် ကတော့ ဂျပန်နိုင်ငံရဲ့ နာမည်ကျော်ရဲတိုက်တစ်ခုဖြစ်ပြီးတော့ ခရီးသွားတွေကြားထဲမှာ ရေပန်းစားတဲ့ ရဲတိုက်တွေထဲမှာ အမြဲဆုံး အထိပ်ဆုံးကနေ ပါဝင်နေတတ်ပါတယ်။ ဝင်ကြေးကတော့ လူကြီး ယန်း ၆၀၀ ဖြစ်ပြီး ကလေးဆို (အလယ်တန်းအောက်) ဆို အခမဲ့ ဝင်ရောက်နိုင်ပါတယ်။ နောက်ပြီးတော့ ရဲတိုက်ပတ်ပတ်လည်မှာလဲ ပန်းခြံတွေရှိပြီး ချယ်ရီပန်းပွင့်တဲ့ ရာသီရောက်ရင် လူတွေ အများကြီးနဲ့ စည်ကားနေလေ့ရှိပါတယ် ။ နောက်ပြီး အနီးနားမှာဆိုရင် မက်မန်းပင်တောကြီးရှိပြီး မက်မန်းပန်းပွင့်တဲ့ရာသီဆိုရင် အရမ်းကိုလှပပါတယ်။
海遊館 (kaiyukan ငါးပြတိုက်)
Osakako ဘူတာမှ လမ်းလျှောက် ၅ မိနစ်။
海遊館 (kaiyukan ငါးပြတိုက်) ကတော့ အိုဆာကာမှာနာမည်ကြီးတဲ့ ငါးပြတိုက်ဖြစ်ပြီး ငါးမျိုးစုံနှင့်ရှုခင်းတွေကို တွေ့မြင်နိုင်တဲ့ နေရာတစ်နေရာဖြစ်ပါတယ်။ ဓာတ်ဖမ်းလို့ရတဲ့ နေရာတွေ အပြင် ရောင်စုံမီးတွေကိုလဲ တွေ့မြင်နိုင်တဲ့နေရာတစ်နေရာဖြစ်ပါတယ်။ ဝင်ကြေးကတော့ ပုံမှတ်အချိန်ဆို လူကြီး ၂၇၀၀ ယန်း၊ ကလေး ၁၄၀၀ နှင့် ၃ နှစ်နှင့်အထက်ဆိုရင်တော့ ယန်း ၇၀၀ ဖြစ်ပါတယ်။ အထူးဝင်ကြေးပေးရတဲ့ ရက်၊ ကာလတွေလဲရှိတဲ့ အတွက်ကြောင့်မို့လို့ အသေးစိတ်ကို ဝက်ဘ်ဆိုက်မှာ မသွားခင်မှာကြည့်သွားဖို့အတွက် တိုက်တွန်းချင်ပါတယ်။
Tempozan ခြားကြီး
Osakako ဘူတာမှ လမ်းလျှောက် ၅ မိနစ်။
အိုဆာကာရဲ့ ရှုခြင်းကြီးကို ကြည့်ချင်ပါသလား။ 海遊館 (kaiyukan ငါးပြတိုက်) ကနေ အပြန် Tempozan ခြားကြီး ကိုစီးသွားဖို့အကြံပေးချင်ပါတယ်။ နေဝင်တဲ့ အချိန်မှာစီးရင်တော့ အိုဆာကာရဲ့ နေဝင်ချိန်အလှကို သေချာ ခံစားနိုင်မှာဖြစ်ပါတယ်။ ဝင်ကြေးကတော့ ယန်း ၉၀၀ ကနေ အဖွဲ့လိုက်ဝင်ရင် လျှော့စျေး အမျိုးအမျိုးရှိပါတယ်။
千日前 (せんにちまえ)-Sennichimae (အပန်း)
千日前 (せんにちまえ)-Sennichimae လိုင်းကတော့ အိုဆာကာကို အပြည့်အဝ ခံစားလို့ရမယ့် နေရာတွေကို လည်ပတ်လို့ရနိုင်တဲ့ လိုင်းတစ်ခုဖြစ်ပါတယ်။ ဒီလိုင်းတစ်လျှောက်မှာဆိုရင် နာမည်ကြီးအစားအသောက်တွေ၊ ရှေးဟောင်းအငွေ့အသက်နဲ့ အကင်တို့ကိုစားသောက်နိုင်မှာဖြစ်ပါတယ်။
နာမည်ကြီးနေရာတွေကို ကြည့်လိုက်ကြရအောင်။
Kuromon Ichiba စျေး
Nipponbashi ဘူတာ။
Kuromon Ichiba စျေး မှာဆိူရင်တော့ ဂျပန်နိုင်ငံအနောက်ပိုင်းထွက် လတ်ဆတ်တဲ့ အသီးအနှံတွေနှင့် ပင်လယ်စာတွေကိုအလွယ်တကူရရှိနိုင်တဲ့ စျေးဖြစ်ပါတယ်။ အိုဆာကာ ရဲ့ နာမည်ကြီးတဲ့ အစားအသောက်တွေကိုလဲ တစ်နေရာတည်းမှာ ရရှိနိုင်ပြီး “Tabearuki Tengoku” လမ်းလျှောက်ပြီးအစားအသောက်တွေကို ခံစားနိုင်မယ့် နိဗ္ဗာန်ဘုံကြီးလို့ တင်စားခေါ်ဝေါ်ကြပြီး အိုဆာကာမြို့ရဲ့နှလုံးသားလို့လဲ ပြောဆိုကြပါသေးတယ်။
Hozenji Yokocho
Namba ဘူတာကနေ လမ်းလျှောက် ၃ မိနစ်။
ရှေးခေတ် အငွေ့အသက်တွေကို ကြိုက်တဲ့ သူတစ်ယောက်ဆိုရင်တော့ ဒီ Hozenji Yokocho က သွားသင့်တဲ့ နေရာတစ်နေရာဖြစ်ပါတယ်။ လမ်းကျင်းကျင်းလေးတွေထဲမှာ ဂျပန်ရိုးရာအငွေ့အသက်ကို အပြည့်အဝ ခံစားနိုင်မှာဖြစ်ပါတယ်။
Tsuruhashi
Tsuruhashi ဘူတာ။
Tsuruhashi ကတော့ ကိုးရီးယားအစားအသောက်တွေရရှိနိုင်ပြီး အိုဆာကာရဲ့ အသားကင်မြို့၊ ကိုးရီးယားမြို့ အစသဖြင့် ခေါ် ဝေါ်ကြပါတယ်။ ကိုးရီးယားအစားအသောက်နှင့် အသားကင်တို့ကို ကြိုက်တဲ့ သူတွေအတွက်တွေ ရွေးချယ်စရာနေရာကောင်းတစ်ခုဖြစ်ပါတယ်။ အစားအသောက်အပြင် ကိုးရီးယားမိတ်ကပ် ပစ္စည်းတွေအများကြီးကိုလဲ ဒီနေရာမှာ ဝယ်ယူနိုင်ပါသေးတယ်။
堺筋 (さかいすじ)-Sakaisuji (အညို)
堺筋 (さかいすじ)-Sakaisuji လိုင်းကလဲ Midosuji လိုင်းလိုပဲ အိုဆာကာမြို့အလယ်ကနေ ပြေးဆွဲတဲ့ လိုင်းတစ်ခုဖြစ်ပါတယ်၊Sakaisuji လိုင်းလို့ခေါ်ပေမယ့် ဒီလိုင်းရဲ့ အတိုကောက်စကားလုံးကတော့ “K” ဖြစ်ပါတယ်။ 堺筋 (さかいすじ)-Sakaisuji လိုင်းလဲ တခြားရထားလိုင်းတွေဖြစ်တဲ့ 谷町 (たにまち)-Tanimachi လိုင်း၊御堂筋 (みどすじ)-Midosuji လိုင်း တို့နဲ့ ဆုံတဲ့ ဘူတာတွေရှိပါတယ်။
Den-Den Town
Nipponbashi ဘူတာ။
Den-Den Town ကတော့ တိုကျိုရဲ့ Akihabara လိုပဲAnimation Manga တွေ နဲ့ လူကြိုက်များတဲ့နေရာတစ်ခုဖြစ်ပါတယ်။အဲဒီထဲမှာ Ota လမ်း ဆိုတာကတော့ ဂျပန်နိုင်ငံ အနောက်ပိုင်းမှာ ဂျပန်ပေါ့ယဥ်ကျေးမှုကို အထူးခံစားလို့ရမယ့်နေရာတစ်နေရာ ဖြစ်ပါတယ်။ Animation Manga အစရှိတဲ့ ယဥ်ကျေးမှုတွေကို ဒီမှာ အပြည့်အဝရရှိနိုင်ပါတယ်။
綿業会館 (Mengyo Kaikan)
Sakaisuji-Hommachi ဘူတာမှလမ်းလျှောက် ၅ မိနစ်၊
အထည်ချုပ်လုပ်ငန်းနဲ့ ပတ်သက်ပြီးတော့ စိတ်ဝင်စားပါသလား။ ဒါဆိုရင်တော့ Sakaisuji-Hommachi ဘူတာကနေ လမ်းလျှောက် ၅ မိနစ်ပဲရှိတဲ့ 綿業会館 (Mengyo Kaikan)လို့ခေါ်တဲ့ အထည်နဲ့ပတ်သက်နဲ့ ပြခန်းကတော့ ဂျပန်နိုင်ငံရဲ့ အထည်နဲ့ ပတ်သက်ပြီးလေ့လာလို့ကောင်းမယ့် နေရာတစ်ခုဖြစ်ပါတယ်။ လေ့လာချိန် သီးသန့်ဆိုရင်တော့ ယန်း ၅၀၀ သာကျသင့်မှာဖြစ်ပြီး နေ့လည်စာပါစားရင်တော့ ယန်း ၄၀၀၀ ကျသင့်မှာဖြစ်ပါတယ်။
長堀鶴見緑地 (ながほりつりみりょうち)-Nagahori Tsurumi-ryokuchi (အစိမ်းနု)
နာမည်ရှည်လျားလှတဲ့ 長堀鶴見緑地 (ながほりつりみりょうち)-Nagahori Tsurumi-ryokuchi လိုင်းကတော့ Tsurumi-ryokuchi ပန်းခြံကိူကိုယ်စားပြုပြီးတော့ အရောင်ကတော့အစိမ်းနုအရောင်ဖြစ်ပါတယ်။ ဒီရထားလိုင်းကနေပြီးတော့ မြို့ပြကနေ ရုန်းထွက်ပြီး ဂျပန်နိုင်ငံရဲ့ သဘာဝပတ်ဝန်းကျင်ရဲ့ အရသာကိုခံစားလို့ရမယ့် နေရာတွေ အများကြီးရှိပါတယ်။
咲くやこの花館（Sakuya Konoပန်းပြတိုက်）
Tsurumi-ryokuchi ဘူတာကနေ ၁၀မိနစ်။
咲くやこの花館（Sakuya Konoပန်းပြတိုက်）ကတော့ ပန်းတွေကိုသေချာ လေ့လာလို့ရနိုင်တဲ့နေရာတစ်နေရာဖြစ်ပါတယ်။ပန်းအမျိုးအစားတွေအများကြီးကိုတသနေရာတည်းမှာလေ့လာနိုင်တဲ့နေရာလဲဖြစ်ပါတယ်။ဝင်ကြေးအနေနဲ့ကတော့ လူကြီး ယန်း ၅၀၀ ဖြစ်ပြီး အလယ်တန်းကျောင်းသားအောက်ဆိုရင်တော့ အခမဲ့ဖြစ်ပါတယ်။
Tsurumi-ryokuchi ပန်းခြံ။
Tsurumi-ryokuchi ဘူတာကနေ ၉ မိနစ်။
Tsurumi-ryokuchi ပန်းခြံကတော့ ဧကပေါင်း ၃၀၀ ကျော်ရှိပြီးတော့ သဘာဝကိုသေသေချာချာ ထိတွေ့လို့ရတဲ့ နေရာတစ်မျိုးဖြစ်ပါတယ်။ ပန်းတွေကြည့်လို့ရတဲ့ နေရာတွေအပြင် တခြား camping လုပ်လို့ရမယ့်နေရာ၊ barbecue နေရာတွေအများကြီးရှိပါတယ်။
အိုဆာကာ ရဲတိုက် မက်မန်းပင်တော
Osaka Business Park ကနေ လမ်းလျှောက် ၁၀ မိနစ်။
မက်မန်းပန်းတွေကတော့ နွေဦးရာသီကိုကြိုဆိုတဲ့ ပန်းလေးတွေဖြစ်ပါတယ်။ အိုဆာကာမှာ မက်မန်းပန်းတွေကို တစ်နေရာတည်းစုပြီးကြည့်ချင်တယ်ဆိုရင်တော့ 大阪城梅林အိုဆာကာ ရဲတိုက် မက်မန်းပင်တောကြီးကိုသွားဖို့ အကြံပေးချင်ပါတယ်။ မက်မန်းပန်းအမျိုးအစားလဲ စုံလင်လှပြီးတော့ ဇန်နဝါရီလကနေ မတ်လအထိ နှစ်စဥ် ပွင့်လေ့ရှိပါတယ်။ အမျိုးအစားပေါင်း ၁၀၅ မျိုးနှင့် အပင်ပေါင်း ၁၂၄၅ ပင်ရှိပါတယ်။
今里筋 (いまざとすじ)-Imazatosuji (အဝါ)
今里筋 (いまざとすじ)-Imazatosuji လိုင်းကတော့ ၂၀၀၆ ခုနှစ်မှာ စတင်ပြေးဆွဲတဲ့ လိုင်းဖြစ်ပြီးတော့ အရှေ့ဘက် အိုဆာကာကိုအဓိကပြေးဆွဲပါတယ်။ ဒီလိုင်းတစ်လျှောက်မှာလဲ လုပ်စရာတွေ၊ လည်ပတ်စရာတွေ အများကြီးရှိပါတယ်။ အထူးသဖြင့် Miyuki-dori (Ikuno Koreatown) ဆိုရင် Imazato ဘူတာကနေ လမ်းလျှောက် ၁၉ မိနစ်ဖြစ်ပါတယ်။
ニュートラム (にゅうとらむ)-New Tram (အပြာနု)
နောက်ဆုံးရထားလိုင်းကတော့ -New Tram ရထားလိုင်းဖြစ်ပြီးတော့ ဒီလိုင်းနဲ့ တခြားလိုင်းတွေနဲ့ မတူဘဲထူးခြားတဲ့ အချက်တစ်ခုကတော့ မောင်းသူမဲ့ အလိုအလျာက်စနစ်နဲ့ ပြေးဆွဲတဲ့ စနစ်ဖြစ်ပါတယ်။ပင်လယ်ကမ်းတစ်လျှောက်ကို ပြေးဆွဲလျက်ရှိတဲ့ ဒီ New Tram လိုင်းကနေပြီးတော့ သဘာဝတရားကြီးနဲ့ လူလုပ်ထားတဲ့ခေတ်မှီမှုတွေကိုအတူတူခံစားနိုင်မှာဖြစ်ပါတယ်။
အကျဥ်းချုပ်
ဒီဆောင်းပါးမှာတော့ ဂျပန်နိုင်ငံ အနောက်ပိုင်းဖြစ်တဲ့ အိုဆာကာမြို့မှာ ပြေးဆွဲနေတဲ့ Osaka Metro အကြောင်းကိုအသေးစိတ်မိတ်ဆက်ပေးခဲ့ ပါတယ်။ Osaka Metro ရထားလိုင်း ၉ လိုင်းပေါ်မှာ နာမည်ကြီးနေရာတွေနဲ့ သက်သက်သာသာနဲ့ ခရီးသွားနိုင်မယ့် အချက်အလက်တွေကိုပါ မိတ်ဆက်ပေးခဲ့ပါတယ်။
