MEXT scholarship ဆိုတာ ဂျပန်ပညာရေးဝန်ကြီးဌာနက နိုင်ငံတကာက ကျောင်းသားတွေကို နှစ်စဉ်ခေါ်ယူတဲ့ program ပါ။ တစ်နည်းပြောရရင် ဂျပန်အစိုးရက ကျောင်းစရိတ် လူနေမှုစရိတ်ကအစ အသွားအပြန်လေယာဉ်လက်မှတ်အဆုံး အကုန်ထောက်ပံ့ပေးပြီး ပညာသင်နိုင်တဲ့ program တစ်ခုပါ။MEXT scholarship မှာအဓိကအားဖြင့် လေးမျိုးရှိပါတယ်။ Post-graduate အနေနဲ့ research student category ရှိပြီး undergraduate အနေနဲ့က University undergraduate student, Technology College student နဲ့ Specialized Training College student ဆိုပြီး စုစုပေါင်းလေးမျိုးပါ။ Post-graduate က under 35 years အထိလျှောက်လို့ရပြီး undergraduate က 17-22 years အထိ လျှောက်လို့ရပါတယ်။
စကော်လာရဲ့အမျိုးအစားအလိုက်ရှင်းပြခြင်း
Undergraduate အောက်မှာ ၃မျိုးပြန်ကွဲပေမယ့် အဲ့သုံးမျိုးက လျှောက်တဲ့ process ကအကုန်နီးပါးတူပါတယ်။ အရင်ဆုံး အဲ့သုံးမျိုး အကြောင်း ပြောပါမယ်။ university undergraduate ဆိုတာက အကုန်လုံးသိတဲ့ တက္ကသိုလ်ပါ။ ဂျပန်စာကျောင်း တစ်နှစ်ရယ် တက္ကသိုလ်လေးနှစ်ရယ် စုစုပေါင်း ငါးနှစ်တက်ရပါတယ်။ Technology College ဆိုတာက လက်ရှိ Engineering or IT တက္ကသိုလ်တက်နေတဲ့သူတွေပဲ လျှောက်လို့ရပါတယ်။ သူက college ဖြစ်တဲ့အတွက် တက္ကသိုလ်ထက် နှစ်နည်းသလို တစ်ဆင့်နိမ့်တယ်လို့ပြောလို့ရပါတယ်။ ဂျပန်စာကျောင်းတစ်နှစ် + college ၃နှစ် စုစုပေါင်း ၄နှစ်တက်ရပါတယ်။ Specialized Training College ဆိုတာကတော့ Managment, Social Welfare, Education စတဲ့ အသက်မွေးဝမ်းကျောင်းပညာတွေ သင်တဲ့ ၂နှစ် college ပါ။ ဂျပန်စာကျောင်းတစ်နှစ် + college ၂နှစ် စုစုပေါင်း ၃နှစ်တက်ရပါတယ်။ တက္ကသိုလ်က ဘွဲ့ရပြီး college တွေကတော့ diploma ရပါတယ်။လျှောက်မယ်ဆိုအရင်ဆုံးပုလဲကွန်ဒိုကMAJAရုံးမှာလျှောက်လွှာယူရပါတယ်။ကိုယ်လျှောက်မယ့်အမျိုးအစားကိုလိုက်ပြီး လျှောက်လွှာယူပြီး တင်ရပါတယ်။
စာရေးသူရွေးချယ်သောဆောင်းပါး
စကော်လာအတွက်လိုအပ်သောအရည်အချင်းများ
ပထမဆုံးအဆင့်က MAJA ရေးဖြေပါ။ လျှောက်တဲ့ major ကိုလိုက်ပြီး ဖြေရတဲ့ဘာသာရပ် ကွဲပါတယ်။ basics အနေနဲ့ English, Japanese and Maths ဖြေရပါတယ်။ ဒါကိုမှ သိပ္ပံတွဲဘက် major တွေယူရင် ဆိုင်ရာ chemistry, physics, biology တွေလည်း ဖြေရပါတယ်။MEXT scholarship ရဲ့ လိုအပ်ချက်မှာ ဂျပန်စာတတ်ရမယ်ဆိုတာ မပါတဲ့အတွက် ဂျပန်စာကို မဖြေပဲ blank ထားလည်းရပါတယ်။ ဒါပေမယ့် တကယ်တမ်း ဂျပန်စာ အခြေခံလောက် တတ်ထားရင် ရွေးခံရဖို့ ဖြစ်နိုင်ချေများသလို တကယ်တမ်း ဂျပန်ရောက်လာတဲ့အခါမှာလည်း ဒုက္ခမရောက်တဲ့အတွက် ဂျပန်စာတတ်ထားတာက ပိုကောင်းပါတယ်။ ရေးဖြေအောင်သွားရင် MAJA နှုတ်ဖြေစာမေးပွဲဝင်ရပါတယ်။ အထွေထွေဗဟုသုတနဲ့ လက်ရှိဂျပန်-မြန်မာဆက်ဆံရေး၊ MAJA ရဲ့လုပ်ဆောင်ချက်တွေ လေ့လာထားရင် လုံလောက်ပါတယ်။ အဓိကက ကိ်ုယ်ဘာလို့ ဂျပန်မှာစာသင်ချင်တယ် ဘယ်လောက် စိတ်အားထက်သန်တယ်ဆိုတာရယ် အနာဂတ်မှာဘာလုပ်ချင်တယ်ဆိုတာကိုသေသေချာချာပြောပြနိုင်ဖို့ပါပဲ။MAJAအဆင့်ကိုကျော်နိုင်ပြီဆိုရင်တော့ သံရုံးအဆင့်ဖြေရပါမယ်။ သံရုံးမှာလည်း ရေးဖြေ နှုတ်ဖြေ နှစ်ခါပါပဲ။ MAJA မှာဖြေရတဲ့ ဘာသာရပ်တွေ အတိုင်းပါပဲ။ ရေးဖြေစာမေးပွဲအောင်ပြီး နှုတ်ဖြေစာမေးပွဲဖြေရတဲ့သူစာရင်းက သံရုံးရှေ့မှာကပ်လေ့ရှိပါတယ်။ MEXT စာမေးပွဲတွေက resultထွက်တာမြန်ပါတယ်။သံရုံးနှုတ်ဖြေမှာတော့ သံရုံးက လူကြီးတွေနဲ့ တက္ကသိုလ်က ပါမောက္ခချုပ်လိုမျိုး ဆရာကြီးတွေ စုစုပေါင်း သုံးယောက်လောက် မေးတတ်ပါတယ်။ ဂျပန် သို့မဟုတ်အင်္ဂလိပ်လိုဖြေရပါတယ်။အဓိကကိုယ့်အကြောင်းမေးတာဖြစ်တဲ့အတွက် confidence ရှိဖို့ရယ် ကိုယ်ကဒီပညာသင်ဆုကို ဘယ်လောက်အထိလိုချင်တယ် ဘာလို့လိုချင်တယ် ပညာသင်ပြီးရင်ဘာတွေလုပ်ချင်တယ်ဆိုတာတွေပြောနိုင်ဖို့ရယ်လိုပါတယ်။Augustလလောက်မှာပြီးတယ်ဆိုပေမယ့်finalscreeningresultကDecemberလောက်မှသိရပါတယ်။ဧပရယ်လောက်မှာကျောင်းစတက်ရမှာဖြစ်ပါတယ်။
စကော်လာရပြီးနောက်ပိုင်း
MEXT scholarship က ရွေးခံရပြီဆိုတာနဲ့ ကိုယ်တက်မယ့် ကျောင်းတွေရဲ့ ကျောင်းစရိတ်ကို တောက်လျှောက်တာဝန်ယူပါတယ်။ကိုယ်ကျောင်းစရိတ်အပြင် နေစားစရိတ်အနေနဲ့ undergraduate ဆိုရင် တစ်လကို ယန်း 120000 (မြန်မာငွေ ၁၅သိန်းနီးပါး) ရပါတယ်။ ဂျပန်မှာကျောင်းသားတစ်ယောက်အနေနဲ့ လုံလောက်တဲ့ပမာဏပေးထားပါတယ်။MEXTscholarshipရဲ့တစ်ခုကောင်းတဲ့အချက်ကစာသင်ရင်းနဲ့အချိန်ပိုင်းအလုပ်လည်းပေးလုပ်သလိုဘွဲ့၊diplomaတွေရပြီးရင်လည်းဂျပန်မှာဆက်နေပြီးအလုပ်လုပ်လို့ရသလိုမြန်မာပြည်ပြန်ချင်ရင်လည်းရပါတယ်။သူတို့ကိုဘာပြန်လုပ်ပေးရမယ်ဆိုတာမရှိတဲ့အတွက်ကိုယ့်စာကိုယ်ကြိုးစားပြီးပေးထားတဲ့နှစ်အတွင်းမှာကျောင်းပြီးအောင်တက်ဖို့ပဲလိုပါတယ်။ဂျပန်မှကျောင်းနဲ့ပက်သက်တဲ့အတွေ့အကြုံအပြင်နည်းပညာပိုင်းသင်ယူစရာအတွေ့အကြုံအများကြီးရနိုင်ပါတယ်။ဒီထက်အသေးစိတ်သိချင်ရင်အင်တာနက်မှာMEXT scholarship ဆိုပြီးရှာဖွေကြည့်ပြီးဖတ်နိုင်ပါတယ်။
