ဂျပန်စာသင်ကျောင်းနဲ့သွားမယ်ဆိုရင် (If you go to Japanese language school in Japan)

ဂျပန်ကိုအများဆုံးလာတဲ့ပုံစံကတော့ဂျပန်စာသင်တန်းကျောင်းအနေနဲ့ဖြစ်ပါတယ်။အဓိကကဂျပန်စကားသေချာတတ်မြောက်ရမှာဖြစ်ပါတယ်။ဂျပန်စာအရည်အချင်းN5/N4အောင်မြင်ရင်လာလို့ရတယ်ဆိုပေမယ့်ဂျပန်ကိုရောက်ပြီးဂျပန်စာသင်မယ်ဆိုရင်အရင်ဆုံးဂျပန်လိုအရင်ပြောရမှာဖြစ်ပါတယ်။ဂျပန်ဆရာမကဂျပန်လိုသင်ပေးတာကိုဂျပန်လိုနားလည်အောင်လေ့လာရမှာဖြစ်တဲ့ဂျပန်စာနားလည်အောင်၊လေ့လာလို့ရတဲ့အထိလေ့လာခဲ့ဖို့လိုပါတယ်။နောက်တစ်ခုကဂျပန်ကိုလာတဲ့အချိန်က(၄)လပိုင်းကိုရွေးချယ်တာကောင်းပါတယ်။အချိန်ကာလအားဖြင့်(၂)နှစ်တက်ရမှာဖြစ်ပြီးမြန်မာပြည်ဘက်ကပြင်ဆင်ချိန်သိပ်မရှိခဲ့တဲ့သူတွေအကောင်းဆုံးဖြစ်ပါတယ်။(၁/၇/၁၀)လဆိုပြီးနှစ်တစ်နှစ်ပေါ်မူတည်ပြီးဂျပန်ကိုလာရောက်ခွင့်ရှိပါတယ်။လေးလပိုင်းနောက်ကတစ်နှစ်အထက်ဖြစ်တဲ့အတွက်လေးလပိုင်းလာတာအကောင်းဆုံးဖြစ်ပါတယ်။ဂျပန်စာကိုလေ့လာတဲ့အချိန်မှာဟိရဂနနဲ့ခတခနအခြေခံကိုစနစ်တကျလေ့လာသင့်ပြီး၊ဝေါဟာရကြွယ်အောင်ဂျပန်မီးနင်းတွေကိုလည်းများများလေ့လာသင့်ပါတယ်။ဂျပန်ကိုရောက်ရင်အချိန်ပိုင်းအလုပ်ဆိုတာမျိုးကိုကျောင်းတက်ရင်းနဲ့လုပ်ရမှာဖြစ်တဲ့အတွက်မိမိမှာဂျပန်စာအရည်အချင်းနေ့စဥ်သုံးလောက်ပြောနိုင်အောင်လေ့လာရပါမည်။မိမိကိုယ်တိုင်ကဂျပန်စာကိုစိတ်ပါဝင်စားစွာလေ့လာရမှာဖြစ်ပြီး၊လေ့လာချိန်ကိုလည်းတစ်ရက်နဲ့တစ်ရက်အချိန်သတ်မှတ်ချက်ဖြင့်လေ့လာတာကောင်းပါတယ်။

ကျောင်းအချက်အလက်များရှာဖွေခြင်း

မိမိတက်မယ့်ကျောင်းကဂျပန်ရဲ့ဘယ်နေရာမှာရှိတာလဲ၊ကျောင်းလခ၊နောက်နှစ်အတွက်ကျောင်းလခခွဲသွင်းလို့ရမရကိုစုံစမ်းမှုများပြုလုပ်သင့်ပါတယ်။ကျောင်းအပေါ်လိုက်ပြီးကျောင်းကပေးတဲ့စကောလာရှိတဲ့အပြင်၊ပြင်ပအဖွဲ့အစည်းကပေးတဲ့စကောလာရှိမရှိကိုစုံစမ်းသင့်ပါတယ်။ကျောင်းလခအတွက်ဘယ်လောက်ရှိနိုင်ပြီး၊စကောလာရရင်ဘယ်လောက်ခံစားခွင့်ရမယ်ဆိုတာနဲ့ကျောင်းမှာသင်မယ့်တချို့အကြောင်းအရာများကိုကြိုတင်လေ့လာသင့်ပါတယ်။ဂျပန်ရောက်ရောက်ချင်းအလုပ်ရှုပ်မှာဖြစ်တဲ့အတွက်တချို့ဂျပန်စာကိုမိမိနိုင်ငံမှာရှိနေတဲ့အချိန်အတွင်းဂျပန်ကိုရောက်ရောက်ချင်းအသားကျအောင်ဂျပန်စာကိုကြိုတင်လေ့လာခဲ့သင့်ပါတယ်။မိမိတက်မယ့်ကျောင်းမှာမိမိလူမျိုးစီနီယာရှိမရှိနဲ့ဂျပန်ရောက်ရောက်ချင်းအကူအညီရကောင်းရနိုင်တဲ့မေးကြည့်သင့်ပါတယ်။ဂျပန်ဗီဇာအတွက်လိုအပ်တဲ့စာရွက်စာတမ်းများကိုလည်းစနစ်ကျပြုလုပ်ဖို့လိုအပ်ပြီး၊ဗီဇာတင်ပြီးနောက်ပိုင်းဂျပန်ဘက်ရုံးများကမိမိမှာဂျပန်စာအရည်အချင်းရှိမရှိနဲ့စာရွက်စာတမ်းများသေချာစွာပြုလုပ်ထားမှုရှိမရှိကိုစစ်ဆေးတတ်တဲ့အတွက်မိမိဘက်ကဂျပန်လိုဖြေကြားမှုပြုလုပ်နိုင်အောင်ဂျပန်စာကိုအဓိကလေ့လာရမှာဖြစ်ပါတယ်။နောက်တစ်ခုကဂျပန်စာသင်တန်းကျောင်းပြီးတဲ့အခါအဲကျောင်းကနေနောက်ကျောင်းတစ်ခုပြောင်းနိုင်ဖို့အတွက်ဘယ်လောက်အထောက်အပံ့ပေးနိုင်မလဲဆိုတာတွေနဲ့ဂျပန်စာအရည်အချင်းဘယ်လောက်တိုးတက်အောင်လုပ်နိုင်မလဲဆိုတာဂရုစိုက်စေချင်ပါတယ်။

ဂျပန်မသွားခင်ဂျပန်အကြောင်းလေ့လာခြင်း

ဂျပန်ရဲ့စည်းကမ်း၊လူနေမှုပုံစံ၊ယဥ်ကျေးမှု၊လုပ်ငန်းခွင်အကြောင်းအစရှိသဖြင့်လေ့လာသင့်ပါတယ်။အခုနောက်ပိုင်းအွန်လိုင်းကနေလေ့လာတာမျိုးလည်းပြုလုပ်သင့်ပါတယ်။ဂျပန်ရောက်မြန်မာများဂရုကနေလည်းမိမိလိုချင်တဲ့အချက်အလက်တွေရှာသင့်ပါတယ်။ဂျပန်ရောက်ရောက်ချင်းလေဆိပ်မှာလုပ်ရမှာကကျောင်းသားဆိုရင်အလုပ်လုပ်ခွင့်ရရှိဖို့(၂၈)နာရီဆိုတဲ့အလုပ်လုပ်ရဖို့တုံးထုဖို့ကိုသတိတရပြုလုပ်ဖို့သွားရမှာဖြစ်ပါတယ်။တချို့ကိုအဲဒါကိုမလုပ်ခဲ့တဲ့အတွက်မိမိတက်မယ့်ကျောင်းကိုအကူအညီတောင်းပြီးပြန်လုပ်ရတဲ့အတွက်မမေ့ဖို့အရေးကြီးပါတယ်။ဂျပန်ရောက်ပြီးနောက်ရက်လောက်မှာမိမိနေထိုင်တဲ့လိပ်စာကိုရပ်ကွက်ရုံးမှာသွားဖြည့်ရမှာဖြစ်ပါတယ်။နောက်တစ်ခုကတော့အလုပ်လုပ်ဖို့အတွက်ဘဏ်စာအုပ်ဖွင့်ရမှာဖြစ်ပြီး၊ရောက်ရောက်ချင်းကဘဏ်အကုန်လုံးဖွင့်လို့မရဘဲ(၆)လအကြာမှဘဏ်တွေအကုန်လုံးဘဏ်စာအုပ်ဖွင့်လို့ရမှာပါ။ရောက်ရောက်ချင်းကစာတိုက်ဘဏ်လို့ခေါ်တဲ့အစိုးရဘဏ်ကိုသာအသုံးပြုလို့ရမှာပါ။အချိန်ပိုင်းအလုပ်အနေနဲ့မိမိသူငယ်ချင်း၊စီနီယာများကိုရောက်ရောက်ချင်းအကူအညီတောင်းကြည့်လို့ရပါတယ်။ဂျပန်စာကျွမ်းကျင်ပါကဘူတာတွေမှာရှိတဲ့အလုပ်ခေါ်စာအုပ်များရှိပါတယ်။အဲဒီမှာဖုန်းနံပါတ်ပါတဲ့အတွက်ဖုန်းဆက်ပြီးမိမိစိတ်ဝင်စားတဲ့အလုပ်အကြောင်းအရာများကိုပြောပြပြီး၊အင်တာဗျူးအချိန်ချိန်းဆိုမှုများပြုလုပ်ရပါတယ်။ဂျပန်စာမရရင်အချိန်ပိုင်းအလုပ်ရွေးချယ်ခွင့်မရှိဘဲလုပ်ရမှာဖြစ်ပြီး၊စာ၊စကားရတဲ့သူကတော့အလုပ်ကိုရွေးချယ်ပြီးလုပ်လို့ရမှာဖြစ်ပါတယ်။နောက်တစ်ခုကဂျပန်စာသင်တန်းကျောင်းတက်ချိန်က(၁)နှစ်ကနေ(၂)နှစ်အစရှိသဖြင့်ရှိပြီးအဲဒီစာသင်ကာလမှာဂျပန်စာကိုသေချာလေ့လာပြီး၊တစ်နှစ်ကနေနှနှစ်ပြီးသွားတဲ့အခါကျောင်းပြောင်းပြီးမိမိစိတ်ဝင်စားရာတက္ကသိုလ်၊ကောလိပ်တက်ခွင့်ရမှာဖြစ်တဲ့အတွက်ကြိုတင်ပြင်ဆင်ထားသင့်ပါတယ်။

ဂျပန်မှာလိုက်နာသင့်သောစည်းကမ်းများ

ဂျပန်မှာရထားထဲဖုန်းပြောလို့မရပါဘူး။စားသောက်ခြင်းများကိုလည်းပြုလုပ်လို့မရပါဘူး။ဓါတ်လှေကားစီးတဲ့နေရာမှာလည်းတိုကျိုကဘယ်ဘက်ကကပ်ပြီးစီးရပါတယ်။အမြန်သွားလို့ရအောင်ညာဘက်အခြမ်းအသုံးပြုလို့မရပါဘူး။နေရာတိုင်းမှာအမှိုက်ပုံးရှိမှာဖြစ်ပြီး၊စနစ်တကျအမှိုက်များကိုခွဲပြီးလွင့်ပစ်ရမှာဖြစ်ပါတယ်။ရောက်ခါစမှာကိုယ်စီးတဲ့ရထားလိုင်းနဲ့ဘူတာနာမည်၊စီးပုံစီးနည်းကိုသေချာမှတ်သားသင့်ပါတယ်။အစပိုင်းမှာမမှိတ်နိုင်တာရောမိမိနိုင်ငံနဲ့မတူတဲ့ရထားအသုံးပြုပုံကြောင့်ရထားစီးအသုံးပြုပုံများကိုသတိထားသင့်ပါတယ်။လမ်းကူးတဲ့နေရာမှာကဂျပန်မှာစည်းကမ်းရှိကြတဲ့အတွက်ဂရုတစိုက်သွားလာရပါမည်။ရထားကဒ်များမှာလည်းလပေးကဒ်နဲ့ရိုးရိုးရထားလက်မှတ်ရှိတဲ့အတွက်သတိထားစေချင်ပါတယ်။လပေးကဒ်ကတော့စျေးပိုသက်သာပါတယ်။အဆောင်နေတဲ့နေရာမှာလည်းကျောင်းအဆောင်တွေကဝန်ဆောင်မှုပိုမိုကောင်းမွန်ပြီး၊ကျောင်းနဲ့အနီးစပ်ဆုံးနေရာတွေမှာစီစဥ်ပေးတဲ့အတွက်အဆင်ပြေပါတယ်။အချိန်ပိုင်းအလုပ်လုပ်တဲ့နေရာမှာလည်းမနက်ပိုင်းကျောင်းရှိရင်ညနေပိုင်းအလုပ်လုပ်လို့ရမှာဖြစ်ပြီး၊ညနေပိုင်းကျောင်းရှိရင်မနက်ပိုင်းအလုပ်လုပ်လို့ရမှာပါ။တစ်ပတ်ကိုအလုပ်လုပ်ချိန်ကျောင်းသားတွေအနေနဲ့(၂၈)နာရီသတ်မှတ်ထားပါတယ်။ဂျပန်မှာအချိန်ပိုင်းအလုပ်လုပ်ခွင့်ရှိတဲ့အတွက်ဂျပန်စာလေ့လာတာ၊ကျောင်းခေါ်ချိန်တွေမပြည့်ဘဲအလုပ်ကိုဦးစားပေးမယ်ဆိုရင်မိမိလာတဲ့ဗီဇာသက်တမ်းကုန်တဲ့အခါဗီဇာသက်တမ်းတိုးလို့မရတာမျိုးရှိတတ်တဲ့အတွက်သတိထားဂရုစိုက်စေချင်ပါတယ်။ကျောင်းခေါ်ချိန်(၈၀)ရာခိုင်နှုန်းအောက်ကျသွားရင်ဗီဇာသက်တမ်းတိုးတဲ့အခါအခက်အခဲရောက်နိုင်ပါတယ်။အလုပ်ခေါ်ချိန်စစ်တဲ့နေရာမှာဇိုင်းလျူကဒ်လို့ခေါ်တဲ့နေထိုင်ခွင့်ကဒ်ရဲ့အပေါ်မှာကုတ်တွေစစ်ကြည့်ရုံနဲ့သိနိုင်ပြီးတော့၊နောက်တစ်ခုအနေနဲ့ဘဏ်စာအုပ်ကနေပိုက်ဆံပမာဏအနည်းအများနဲ့လည်းစစ်လို့ရတဲ့အတွက်သတိထားဂရုစိုက်ရပါမယ်။

ဂျပန်သို့ပညာတော်သင်မသွားခင်လိုအပ်သောပြင်ဆင်မှုများ(Prepare to Study Abroad in Japan)

စာရေးသူ

WeXpats
နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။

အထူးစုစည်းထားသောဆောင်းပါး 特集

လူကြိုက်များသောဆောင်းပါး 人気記事

Social Media ソーシャルメディア

ဂျပန်နိုင်ငံ၏နောက်ဆုံးရသတင်းးအချက်အလက်များကိုဘာသာစကား၉မျိုးဖြင့်ပုံမှန်တင်ဆက်နေပါသည်

  • English
  • 한국어
  • Tiếng Việt
  • မြန်မာဘာသာစကား
  • Bahasa Indonesia
  • 中文 (繁體)
  • Español
  • Português
  • ภาษาไทย
TOP/ ဂျပန်ပညာသင်/ ဂျပန်ဘာသာကျောင်း/ ဂျပန်စာသင်ကျောင်းနဲ့သွားမယ်ဆိုရင် (If you go to Japanese language school in Japan)

ကျွန်ုပ်တို့၏ဝက်ဘ်ဆိုက်သည်သုံးစွဲခြင်းကိုအဆင်ပြေချောမွေ့စေရန်၊အရည်အသွေးကိုထိန်းသိမ်းရန်နှင့်တိုးတက်စေရန်ရည်ရွယ်ချက်ဖြင့် Cookieကိုအသုံးပြုသည်။ Cookieအသုံးပြုမှုကိုသဘောတူပါက "သဘောတူပါသည်" ခလုတ်ကိုနှိပ်ပါ။
Cookie ကိုအသုံးပြုခြင်းနှင့် ပတ်သက်၍ အသေးစိတ်ကိုဤနေရာတွင်ကြည့်ပါ။

Cookieအသုံးပြုမှုမူဝါဒ