နိုင်ငံတစ်နိုင်ငံကိုခရီးသွားလာရာတွင်လေ့လာစရာအများကြီးရှိပါတယ်။ဘာသာစကား၊ယဥ်ကျေးမှုနဲ့မတူညီတဲ့အရာများကိုကြိုတင်လေ့လာသွားသင့်ပါတယ်။ဂျပန်မှာသတ်မှတ်ထားတဲ့စည်းကမ်းလေးတွေလိုက်နာရန်လိုအပ်ပါတယ်။ဥပမာတစ်ယောက်နဲ့တစ်ယောက်တွေ့ရင်နှုတ်ဆက်တာ၊ဓါတ်လှေကားစီးရင်တိုကျိုမှာကဘယ်ဘက်မှာနေပြီးစီးပြီးညာဘက်ကိုအမြန်သွားဖို့အတွက်ထားပေးထားတာကအစမိမိနိုင်ငံနဲ့မတူညီတဲ့အနေအထားမျိုးရှိတတ်ကြပါတယ်။နောက်တစ်ခုကအမှိုက်ပစ်တာကစည်းကမ်းတကျပစ်ရမှာဖြစ်ပါတယ်။အမှိုက်ကိုလည်းခွဲပြီးပစ်ရမှာဖြစ်ပါတယ်။ဂျပန်မှာရထားစီးတဲ့အခါမှာလည်းတန်းစီးပြီးစီးရမှာဖြစ်ပါတယ်။ရထားပေါ်မှာလူကြီးတွေနဲ့ဒဏ်ရာရတဲ့လူတွေထိုင်တဲ့ထိုင်ခုံမျိုးရှိပါတယ်။အဲလိုနေရာမှာထိုင်လို့မရပါဘူး။တစ်ခုခုစားတဲ့အခါမှာလူများနေတဲ့အခါမျိုးမှာလည်းအလှည့်ကျအနေနဲ့မိမိရဲ့အလှည့်ပေါ်မူတည်ပြီးစားသောက်ရမှာဖြစ်ပါတယ်။ပစ္စည််းဝယ်တဲ့အခါမှာလည်းအခွန်အနေနဲ့(၁၀)ရာခိုင်နှုန်းပေးဆောင်ရမှာဖြစ်ပါတယ်။
နှုတ်ဆက်စကားပြောဆိုမှုနဲ့ပတ်သက်ပြီး
ဂျပန်စစရောက်ချင်းမှာနှုတ်ဆက်စကားကိုဂရုစိုက်သင့်ပါတယ်။မနက်မိုးလင်းလာရင်「おはようございます」ဆိုပြီးနှုတ်ဆက်ကြလေ့ရှိပါတယ်။မိမိနဲ့သိတဲ့လူဖြစ်စေ၊မသိတဲ့လူဖြစ်စေနှုတ်ဆက်ကြလေ့ရှိပါတယ်။「こんにちは」ဆိုတာကနေ့လည်ခင်းတွေမှာသုံးပါတယ်။အသုံးများတဲ့စကားလုံးဖြစ်ပါတယ်။ဂျပန်မှာခေါင်းငုံပြီးနှုတ်ဆက်တာကလူတိုင်းပြုလုပ်တဲ့ကောင်းမွန်တဲ့အလေ့အထတစ်ခုဖြစ်ပါတယ်။「こんばんは」ဆိုတာကကောင်းသောညနေခင်းဆိုပြီးညနေကနေညအထိနှုတ်ဆက်စကားအဖြစ်အသုံးပြုပါတယ်။တစ်ခုခုကူညီပေးလိုက်လို့မိမိဘက်မှကျေးဇူးတင်တဲ့အခါ「ありがとうございます」ဆိုပြီးပြောပါတယ်။ကျေးဇူးတင်ပါတယ်ဆိုတာကအသုံးများပါတယ်။တစ်ခုခုပြောတာကဟုတ်ပါတယ်၊ဟုတ်ကဲ့ဆိုရင်「はい」ဆိုပြီး၊မသိဘူးမဟုတ်ဘူးဆိုရင်「いいえ」ဆိုပြီးပြောကြပါတယ်။တစ်ခုခုကိုယ်မသိတဲ့ကိစ္စအကူအညီတောင်းတဲ့အခါဘဲဖြစ်ဖြစ်၊အမှားတစ်ခုခုလုပ်မိတာဘဲဖြစ်ဖြစ်「すみません」ဆိုပြီးပြောရမှာဖြစ်ပါတယ်။
စာရေးသူရွေးချယ်သောဆောင်းပါး
သွားတဲ့နေရာတွေမှာနားမလည်တာနဲ့ပတ်သက်ပြီး
နေရာတစ်ခုခုကိုမသိလို့မေးတဲ့အခါမျိုးမှာ「○○はどこにありますか？」ဆိုပြီးမေးရမှာဖြစ်ပါတယ်။ကိုယ်သွားတဲ့နေရာကိုမသိလို့မေးတဲ့အခါ「ここはどこですか？」ဆိုပြီးမေးရမှာဖြစ်ပါတယ်။မိမိကဂျပန်စကားနားမလည်လို့မိမိနားမလည်တာကိုနောက်တစ်ခေါက်လောက်ပြန်ပြောပေးပါဆိုရင်「もう一度お願いします」ဆိုပြီးပြောရမှာဖြစ်ပါတယ်။ဟိုတယ်မှာအခန်းအတွက်ပတ်သက်ပြီး「チェックイン（チェックアウト）をお願いします」ဆိုပြီးအခန်းရဲ့အဝင်အထွက်နဲ့ပတ်သက်ပြီးအကူအညီတောင်းပြုလုပ်ပေးဖို့တောင်းဆိုတဲ့စကားလုံးဖြစ်ပါတယ်။အခန်းလွတ်ရှိမရှိပြောတဲ့နေရာမှာလည်း「空いている部屋はありますか？」ဆိုပြီးမေးရမှာဖြစ်ပါတယ်။ဂျပန်မှာဘူတာမှာလည်းဘူတာရဲ့ဝန်ထမ်းကိုမေးလို့ရသလို၊အပြင်မှာသွားလာရာတွင်လည်းအနီးစပ်ဆုံးလူတွေကိုမေးလို့ရပါတယ်။မိမိကသွားမယ့်နေရာမသွားခင်ကတည်းကကြိုတင်ရှာဖွေပြီးသွားလို့ရသလို၊တစ်ခုခုမသိရင်လည်းအခုလိုဂျပန်စကားလုံးတွေကိုအသုံးပြုလို့ရပါတယ်။
စားသောက်ဆိုင်နဲ့ရထားစီးတဲ့အခါသုံးတဲ့စကားလုံးများ
ဆိုင်သောက်ဆိုင်တွေမှာမီးနူးလိုချင်တဲ့အခါ「メニューをください」ဆိုပြီးပြောရမှာဖြစ်ပါတယ်။တစ်ခုခုစားသောက်တာမှာချင်ရင်「注文をお願いします」ဆိုပြီးပြောလိုက်ရင်အော်ဒါလာကောက်ပေးမှာဖြစ်ပါတယ်။တစ်ခုခုစားချင်တာတွေ့လို့ခန်းဂျီမဖတ်တတ်ရင်「これをお願いします」ဆိုပြီးမှာလို့ရပါတယ်။「トイレはどこですか？」အိမ်သာမသိလို့မေးတဲ့အခါမျိုးမှာအသုံးပြုပါတယ်။တစ်ခုခုလက်ခံရရှိတဲ့အခါမျိုးမှာ「いただきます」ဆိုပြီးပြောလို့ရပါတယ်။ဆိုင်ကနေစားကောင်းသောက်ကောင်းခဲ့ရင်「ごちそうさまでした」ဆိုပြီးပြောတာကလည်းဂျပန်ရဲ့အလေ့အကျင့်တစ်ခုဘဲဖြစ်ပါတယ်။「お会計をお願いします」ရှင်းမယ်ဆိုပြီးပြောလို့ရပါတယ်။ရထားစီးလို့တစ်ခုခုနားမလည်လို့ရှိရင်「○○行きの電車はどれですか？」မိမိသွားချင်တဲ့နေရာဘက်သွားမယ့်ရထားကဘယ်ရထားလဲဆိုတာမျိုးနားမလည်ရင်မေးလို့ရပါတယ်။「ここは何駅ですか？」ဒါဘယ်ဘူတာလဲအစရှိသဖြင့်မေးလို့ရပါတယ်။「降ります」တစ်ခါတလေလူကြပ်နေရင်ဆင်းချင်ပါတယ်ဆိုပြီးပြောရမှာဖြစ်ပါတယ်။
