ဂျပန်ရဲ့အနိမ့်ဆုံးအခြေခံလစာ(Minimum wage in Japan)

WeXpats

2020/09/10

နိုင်ငံတစ်နိုင်ငံမှာအလုပ်နဲ့ပတ်သက်လို့အခြေခံလစာသတ်မှတ်ချက်ရှိပါတယ်။ဂျပန်နိုင်ငံမှာလည်းအခြေခံလစာသတ်မှတ်ချက်ရှိပါတယ်။ဂျပန်ရဲ့မြို့၊နယ်အလိုက်အခြေခံလစာမတူညီပါဘူး။နယ်ကတော့နည်းနိုင်ပြီး၊တိုကျိုလိုနေရာမျိုးကတော့လုပ်အားခပိုရပါတယ်။တစ်နေ့ကိုဘယ်နာရီလုပ်ရမယ်ဆိုတဲ့အလုပ်လုပ်ချိန်သတ်မှတ်ချက်ရှိပြီးအဲထက်ပိုအလုပ်လုပ်ခိုင်းပါကအချိန်ပိုကြေးရရှိပါသည်။လစာအနေနဲ့လည်းအချိန်ပိုင်းအလုပ်လစာနဲ့အမြဲတမ်းဝန်ထမ်းလစာအစရှိသဖြင့်ကွာခြားပါတယ်။ဂျပန်မှာအနိမ့်ဆုံးလစာစနစ်ရှိပြီး၊အခွန်စနစ်လည်းရှိပါတယ်။လစာမှာအခွန်ဘယ်လောက်ဆောင်ရမယ်ဆိုတဲ့သတ်မှတ်ချက်လည်းရှိပါတယ်။

အချိန်ပိုင်းလစာနဲ့ပတ်သက်ပြီး

ဂျပန်မှာကတိုကျိုရဲ့အခြေခံလစာကဒီပြင်နေရာတွေထက်အနည်းငယ်များပြားနိုင်ပါတယ်။အဲဒါကြောင့်ဂျပန်လာမယ်ဆိုရင်ပထမဦးစားပေးတိုကျိုလိုနေရာမျိုးကိုလာချင်ကြပါတယ်။အချိန်ပိုင်းလုပ်အားခအနေနဲ့တစ်နာရီ(၉၈၅)ယန်းရရှိမှာဖြစ်ပါတယ်။ဒါပေမယ့်မိမိရဲ့ဂျပန်စာအရည်အချင်းပေါ်မူတည်ပြီးဒီပိုက်ဆံပမာဏပိုပြီးတော့လည်းရရှိနိုင်မှာဖြစ်ပါတယ်။အိုဆာကာမှာတော့တစ်နာရီ(၉၃၆)ယန်းရရှိမှာဖြစ်ပါတယ်။ဂျပန်ရဲ့ကျန်တဲ့မြို့နယ်အလိုက်ရရှိတဲ့ပမာဏကွဲပြားသွားမှာဖြစ်ပါတယ်။နောက်တစ်ခုကကျောင်းသားဆိုရင်အလုပ်လုပ်ချိန်(၂၈)နာရီကျော်လုပ်လို့မရနိုင်ဘူး။လုပ်လို့အချိန်တအားကျော်သွားရင်ဗီဇာတိုးတဲ့အခါအခက်အခဲဖြစ်နိုင်ပါတယ်။အချိန်ပိုင်းအလုပ်မှာလည်းပုံမှန်အလုပ်ချိန်ကိုကျော်ပြီးအလုပ်လုပ်ခဲ့ရရင်လည်းမိမိလစာရလာတဲ့အခါအချိန်ပိုကြေးပါထည့်ထွက်ထားမှာဖြစ်ပါတယ်။အောက်ပါဇယားကွက်အရမိမိနေထိုင်တဲ့ဂျပန်ရဲ့မြို့အလိုက်တစ်နာရီလုပ်အားခနဲ့ပတ်သက်လို့ဗဟုသုတအဖြစ်ဖော်ပြလိုက်ပါတယ်။

https://www.mhlw.go.jp/stf/seisakunitsuite/bunya/koyou_roudou/roudoukijun/minimumichiran/?fbclid=IwAR1G2_SH239wlk8HYlwZipLjVLxY0qERk9uPW1sEINx4R1A-vRq1OKHHPwM

စာရေးသူရွေးချယ်သောဆောင်းပါး

အမြဲတမ်းဝန်ထမ်းလစာနဲ့ပတ်သက်ပြီး

စာချုပ်ဝန်ထမ်းနဲ့အမြဲတမ်းဝန်ထမ်းဆိုပြီးနှစ်မျိုးရှိပါတယ်။စာချုပ်ဝန်ထမ်းကတော့အချိန်အကန့်အသတ်ဖြင့်စာချုပ်ချုပ်ပြီးအလုပ်လုပ်ရတဲ့ပုံစံဖြစ်ပါတယ်။အမြဲတမ်းဝန်ထမ်းကတော့အချိန်အကန့်အသတ်မရှိအလုပ်လုပ်နိုင်ပါတယ်။ကျောင်းပြီးပြီးချင်းအလုပ်စဝင်တဲ့သူတွေအနေနဲ့အကြင်းဖျင်းအားဖြင့်ဂျပန်ယန်း(၁၈)သောင်းလောက်ရရှိကြပါတယ်။ကုမ္မဏီလိုက်ပြီးကွာခြားမှုရှိနိုင်ပါတယ်။အဲဒီထဲကမှအခွန်များလည်းဖြတ်တောက်မှုရှိနိုင်ပါတယ်။ကျန်တဲ့ဗီဇာတွေဖြစ်တဲ့ထရိန်နင်ဗီဇာနဲ့လည်းလစာပမာဏလည်းအနည်းငယ်ကွဲပြားမှုရှိနိုင်ပါတယ်။ဂျပန်မှာတစ်နှစ်စုစုပေါင်းအလုပ်လုပ်ရက်၂၅၅ရက်ရှိပြီးတစ်နေ့အလုပ်လုပ်ချိန်၈နာရီဆိုပြီးသတ်မှတ်ထားပါတယ်။အဲဒီထဲကနေလစာပမာဏကိုတွက်ချက်ပြီးအနိမ့်ဆုံးအခြေခံလစာများကိုသတ်မှတ်ကြခြင်းဖြစ်ပါတယ်။နောက်တစ်ခုကအမြဲတမ်းဝန်ထမ်းဖြစ်လာပြီဆိုရင်ခြောက်လအထက်အလုပ်လုပ်ခဲ့ပြီးရင်လာစာရခွင့်ရက်ရပါတယ်။

လစာနဲ့ပတ်သတ်တဲ့ဒီပြင်ခံစားလို့ရမယ့်အချက်များ

လစာရဲ့နှစ်အလိုက်ရရှိတဲ့ဝင်ငွေနဲ့နောက်တစ်ခုကဘောနပ်ဆိုပြီးပေးတာမျိုးလည်းရှိပါတယ်။ဘောနပ်ကတော့ကုမ္မဏီလိုက်ပြီးကွာခြားတာမျိုးရှိပါတယ်။အကြိမ်အရေအတွက်ကွာခြားမှုရှိနိုင်ပါတယ်။ရတဲ့လစာကလည်းအကုန်လုံးမိမိမရပါဘူး။အခွန်ဖြတ်တောက်ပြီးမှလက်ကျန်ပိုက်ဆံရရှိမှာဖြစ်ပါတယ်။နောက်တစ်ခုဗဟုသုတအနေနဲ့အလုပ်တစ်ခုဝင်မယ်ဆိုရင်အလုပ်ချိန်၊ပိတ်ရက်၊အချိန်ပိုဘယ်နာရီရှိသလဲဆိုတာမေးကြည့်သင့်ပါတယ်။ကုမ္မဏီတော်တော်များများမှာအချိန်ပိုကြေးပါတွက်ချက်ပြီးလစာနဲ့ပေါင်းပြီးပေးတတ်ကြပါတယ်။ခွင့်ရက်အနေနဲ့လည်းခြောက်လပြည့်ပြီးနောက်ပိုင်းခွင့်ရက်ဆယ်ရက်အထိယူခွင့်ရှိပါတယ်။ဂျပန်မှာကမိမိအလုပ်လုပ်လိုက်တဲ့အချိန်ကိုလိုက်ပြီးပေးချေတဲ့စနစ်ကလည်းအလုပ်လုပ်တဲ့သူတွေအတွက်အဆင်ပြေစေပါတယ်။မိနစ်၊စက္ကန့်နဲ့လိုက်ပြီးအလုပ်လုပ်ချိန်အတိုင်းတိတိကျကျကုမ္မဏီဘက်ကပေးဆောင်ပါတယ်။

ဖုန်းမေးလ်မှာအသုံးပြုတဲ့ဂျပန်စာစကား(Japanese business words on phone call and e-mail )

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။