ဖူဂျီတောင်ကတော့ ဂျပန်နိုင်ငံရဲ့ အမြင့်ဆုံးတောင်ကြီးဖြစ်ပြီးတော့ နိုင်ငံခြားသားတွေကြားထဲမှာ တော်တော် လေးကိုရေပန်းစားတဲ့ခရီးသွားနေရာတစ်ခုဖြစ်ပါတယ်။ မြန်မာအများစုလဲ ဂျပန်ရောက်ရင် ဖူဂျီတောင်ကို အလည်ပတ်သွားတဲ့သူတွေ၊ နွေရာသီရောက်ရင် ဖူဂျီတောင်ကိုတက်ရောက်တဲ့သူတွေ များပါတယ်။ ဒီဆောင်းပါးမှာတော့ ဖူဂျီတောင်အကြောင်းနှင့် ဖူဂျီတောင်ကိုတက်တဲ့ အချိန်မှာ သတိထားရမယ့်နည်းလမ်းတွေနှင့် စည်းမျဥ်းတွေအကြောင်းကိုဖော်ပြ သွားပါ့မယ်။
မာတိကာ
- ဖူဂျီတောင် အကြောင်း
- ဖူဂျီတောင်တက်နိုင်မယ့် တက်လမ်းများ။
- ဖူဂျီတောင်တက်တဲ့ အချိန်မှာ သတိထာရမယ့် အချက်များ။
- ဖူဂျီတောင်ရဲ့ လှပသောရှုခင်းများ။
- အကျဥ်းချုပ်
ဖူဂျီတောင် အကြောင်း။
ဖူဂျီတောင်းကိုတော့ ဂျပန်လို Fujisan (富士山), လို့ခေါ်ပြီးတော့ ဂျပန်နိုင်ငံအတွက် အရမ်းအရေးပါတဲ့ တောင်ဖြစ်ပါတယ်။ ဖူဂျီတောင်ကြီးကတော့ ရှေးယခင်တုန်းက ကိုးကွယ်ခံရတဲ့ တောင်ဖြစ်ပါတယ်။ ဖူဂျီတောင်ကြီးကိုတော့ ကြည့်ရှုရင်းနဲ့ ခံစားနိုင်သလို ဖူဂျီတောင်ကိုလဲ တက်နိုင်ပါတယ်။ ဖူဂျီတောင် ကတော့ ဂျပန်နိုင်ငံရဲ့ Shizuoka ခရိုင်နှင့် Yamanashi ခရိုင်းကြားမှာရှိတဲ့ တောင်ဖြစ်ပြီးတော့ ဂျပန်နိုင်ငံရဲ့ အမြင့်ဆုံးတောင်ဖြစ်ပါတယ်။ တောင်ရဲ့အမြင့်ကတော့ ၃၇၇၆ မီတာမြင့်ပြီးတော့ မီးတောင်ဖြစ်ပါတယ်။ ဖူဂျီတောင် နောက်ဆုံးပေါက်ကွဲခဲ့တာကတော့ လွန်ခဲ့တဲ့ နှစ်ပေါင်း ၃၀၀ ကျော်ကဖြစ်ပြီးတော့ ၁၇၀၇ခုနှစ် ဒီဇင်ဘာလ ၁၆ ရက်နေ့မှာဖြစ်ပါတယ်။ သဘာဝဘေအန္တာရာယ်ကျရောက်လာရင်ကာကွယ်နိုင်ဖို့အတွက် အသင့်ကြိုတင်ပြီးပြင်ဆင်ထားလေ့ရှိပါတယ်။ ဖူဂျီတောင်ရဲ့ သမိုင်းကြောင်းကလဲ တော်တော်လေးကိုစိတ်ဝင်စားဖို့ကောင်းပါတယ်။ ဖူဂျီတောင်ကြီးကတော့ Komitake တောင်နှင့် Ashitaka တောင်တို့ပေါင်းစပ်ပြီးဖြစ်ပေါ်လာတဲ့ တောင်ဖြစ်တယ်လို့ဆိုပါတယ်။ မူလတောင်ကိုတော့ Ko-Fuji (古富士) ဖူဂျီတောင်ဟောင်းလို့ခေါ်ပြီး Komitake တောင်နှင့် Ashitaka တောင်တို့ ပေါက်ကွဲပြီးထွက်လာတဲ့ ချော်ရည်တွေ ပေါင်းစပ်ပြီးတော့ ယနေ့ခေတ်လက်ရှိ ဖူဂျီတောင်ပုံစံ ဖြစ်သွားတာဖြစ်ပါတယ်။
စာရေးသူရွေးချယ်သောဆောင်းပါး
ဖူဂျီတောင်တက်နိုင်မယ့် တက်လမ်းများ။
ဖူဂျီတောင်တက်တဲ့ အချိန်မှာ သိထားရမယ့် စည်းမျဥ်းတွေနှင့် သတင်းအချက်အလက်တွေကိုတော့ တရားဝင် ဝက်ဘ်ဆိုက် မှာ ဝင်ကြည့်နိုင်ပါတယ်။
ဖူဂျီတောင်တောင်တက်လမ်း ၄ မျိုး ကိုဖော်ပြပါ့မယ်။
ကြိုတင်သတိပေးချက်
- တက်လမ်း တစ်ခုချင်းစီမှာ ဘူတာရှိပြီးတော့ တက်လမ်းကို ကျော်သွားရင်တော့ ကားနဲ့ တက်လို့မရတော့ပါဘူး။
- အဆင့်အလိုက်အရောင်တွေရှိတဲ့ အတွက်ကြောင့်မို့လို့ အရောင်တွေကို မရောအောင်သတိထားပါ။
- ကိုယ်နဲ့ ကိုက်ညီတဲ့ အဆင့်ကိုရွေးချယ်နိုင်ဖို့အတွက်ကြောင့်မို့လို့ အဆင့်တွေကိုကြိုတင်ပြီးတော့ သေချာလေ့လာထားပါ။
- နောက်ပြီးတော့ ဖူဂျီတောင်ကိုတက်တဲ့ အချိန်မှာသေချာ သတိထားဖို့လိုအပ်ပါတယ်။ တချက်လေး မှားတာနဲ့ မတော်တဆ မှုတွေ ဖြစ်နိုင်လို့ပါ၊
အဝါရောင် - Yoshida တောင်တက်လမ်း
Yoshida တက်လမ်းကိုတော့ အဝါရောင်သတ်မှတ်ထားပြီးတော့ လူအသွားအများဆုံး အဆင့်ဖြစ်ပါတယ်။ တက်ရအလွယ်ဆုံးအဆင့်ဖြစ်ပြီးတော့ အခုမှ စပြီးတော့ တက်မယ့် သူတွေအတွက် အရမ်းကိုသင့်တော်တဲ့ အဆင့်လဲဖြစ်ပါတယ်။ ဒီအဆင့်ရဲ့ စမှတ်ဘူတာကတော့ Yamanashi ခရိုင်ရဲ့ Fuji Subaru လိုင်းရဲ့ ၅ ဘူတာမြောက်ဖြစ်ပါတယ်။ စမှတ်ဘူတာအထိကိုတော့ ဘတ်စကားနှင့်လဲ သွားနိုင်ပါတယ်။ ဘူတာမှာတော့ ဆိုင်တွေ၊ အများပြည်သုံးသန့်စင်ခန်းတွေ နှင့် သတင်းအချက်အလက်ပေးတဲ့ ကောင်တာတွေရှိပါတယ်။
၈ ဘူတာမြောက်မှာတော့ Subashiri ရထားလမ်းနဲ့ဆုံမှာဖြစ်ပြီးတော့ ဒီနေရာကတော့ အရမ်းကိုကြပ်ပါတယ်။ အပေါ်အထိရောက်ဖို့ ခန့်မှန်းခြေ ၆ နာရီကြာပြီးတော့ အောက်ကိုပြန်ဆင်းဖို့အတွက် ၄ နာရီကြာမြင့်တတ်ပါတယ်။
တောင်ပေါ်မှာတော့ ခဏအနားယူနိုင်မယ့်နေရာ သို့မဟုတ် ညအိပ်လို့ရမယ့်နေရာတွေရှိပါတယ်။ တကယ်လို့ အရေးပေါ်အကူအညီလိုအပ်ရင်တော့ ၅၊၇၊၈ ဘူတာတို့မှာအရေးပေါ်ကူညီပေးမယ့်ဆေးအဖွဲ့တွေရှိပါတယ်။
ဒီလမ်းကနေပြီးတော့ တောင်တက်သမားတွေအများကြီးတက်တဲ့ အတွက် ကြောင့်မို့လို့ ၂၀၂၄ ခုနှစ်မှာတော့ တောင်တက်တဲ့ သူတွေဆီကနေပြီးတော့ ယန်း ၂၀၀၀ ကောက်ခံမယ့် အပြင် တောင်တက်မယ့် သူဦးရေကိုလဲ တစ်ရက်ကို လူ၄၀၀၀ သာ ခွင့်ပြုတော့မှာဖြစ်ပါတယ်။ ဒါ့အပြင် လမ်းညွန်မယ့်သူတွေနှင့် အဆောက်အအုံတွေကို တိုးချဲ့ဆောက်လုပ်မယ့် အစီအစဥ်တွေလဲ ပါဝင်ပါတယ်။
အပြာရောင် - Fujinomiya
ဒီအပြာရောင် Fujinomiya တက်လမ်းအပါဝင် ကျန်တဲ့ ၃ ခုကတော့ Shizuoka ဘက်ကဖြစ်ပါတယ်။ Fujinomiya တက်လမ်းကိုတော့ အပြာရောင်အဖြစ်သတ်မှတ်ထားပြီးတော့ ဒုတိယ လူအတက်များဆုံးလမ်းလဲဖြစ်ပါတယ်၊ ဒီတက်လမ်းကတော့ ကျောက်တုံးတွေနှင့် နည်းနည်းလဲ မတ်တဲ့ အတွက်ကြောင့်မို့လို့ တက်ရခက်ပါတယ်။ ဒါပေမယ့် တောင်ထိပ်နဲ့ အနီးဆုးလမ်းကြောင်းဖြစ်တဲ့အတွက်ကြောင့်မို့လို့လူကြိုက်များကြပါတယ်။ အတက် ၅ ၄ာရီနှင့် အဆင်း ၃ နာရီ နာကြာမြင့်ပါတယ်။
Fujinomiya တက်လမ်းကတော့ င် ဖူဂျီတောင်ရဲ့ တောင်ဘက်မှာရှိတဲ့ တက်လမ်းဖြစ်ပြီးတော့ ရှုခင်းတွေကို ရင်သပ်ရှုမောဖွယ်တွေ့နိုင်တဲ့ တက်လမ်းလဲဖြစ်ပါတယ်။ အဆင့်တွေတိုင်းမှာ နားလို့ရမယ့်နေရာတွေရှိပြီးတော့ အရေးပေါ်ဆေးဌာနကိုတော့ အဆင့် ၈ မှာတွေ့ရတတ်ပါတယ်။
အနီရောင် - Subashiri
Subashiri ကတော့ ဖူဂျီတောင်ရဲ့အရှေ့တည့်တည့်မှာရှိတဲ့ တက်လမ်းဖြစ်ပြီးတော့ Yoshida တက်လမ်းရဲ့ စမှတ်ထက် ပိုပြီးတော့ နိမ့်တဲ့ နေရာကနေ စတက်ရပါတယ် ။ ဒီတက်လမ်းရဲ့အားသာချက်ကတော့ သဘာဝတရားတွေနဲ့ ပြည့်နှက်နေတဲ့ ရှုခင်းတွေကိုကြည့်နိုင်ပါတယ်။ ဒါပေမယ့် နားနေနိုင်တဲ့ စခန်းတွေနည်းတဲ့ အတွက်ကြောင့်မို့လို့ ကျွမ်းကျင် တောင်တက်သမားတွေအတွက်သာသင့်တော်ပါတယ်။ ၈ ဆင့်မြောက်မှာတော့ Yoshida တက်လမ်းနဲ့ဆုံတဲ့ အတွက်ကြောင့်မို့လို့ လူကြပ်နိုင်တဲ့ အတွက်ကြောင့်မို့လို့ ကြိုတင်ပြီးပြင်ဆင်ထားသင့်ပါတယ်။ နောက်ပြီးရေးပေါ်ဆေးဖွဲ့တွေမရှိတဲ့ အတွက်ကြောင့်မိုလို့ ဒီလမ်းကနေ တက်မယ်ဆိုရင်တော့ အရေးပေါ်ဆေးအိတ်တွေကို ကြိုတင်ပြီးတော့ ပြင်ဆင်ထားသင့်ပါတယ်။
အစိမ်းရောင် - Gotemba
နောက်ဆုံးတက်လမ်း ဖြစ်တဲ့ Gotemba တက်လမ်းကတော့ အကြားဆုံးနှင့်တက်ဖို့ အတက်ဆုံးအခက်ဆုံးလမ်းဖြစ်ပါတယ်။ ဒါကြောင့်မို့လို့ ကျွမ်းကျင်တဲ့ တောင်တက်သမားတွေသာ သင့်တော်တဲ့ တက်လမ်းဖြစ်ပါတယ်။ နောက်ပြီးတော့ နားနေစခန်းတွေကလဲ အဆင့် ၇ ကနေ အပေါ်မှာသာရှိတဲ့ အတွက်ကြောင့်မို့လို့ ဒီလမ်းကနေ တက်မယ်ဆိုရင် ရေ၊ စားစရာတွေကို ကြိုတင်ပြီးပြင်လာဖို့လိုအပ်ပါတယ်။
ဖူဂျီတောင်တက်တဲ့ အချိန်မှာ သတိထားရမယ့် အချက်များ။
ဖူဂျီတောင်ကို မတက်ခင်မှာ အောက်ပါအချက်တွေကို အရင်သိထားရပါမယ်။
- ဖူဂျီတောင်ကတော့ ဇူလိုင်ကနှင့် စက်တင်ဘာလ အတွင်းမှာသာတက်နိုင်ပါတယ်။
- တောင်တက်ရာသီအပြင်ပမှာတက်မယ်ဆိုရင်တော့ အထူးခွင့်ပြုချက်တောင်းဖို့လိုအပ်ပါတယ်။
- ဖူဂျီတောင်ကိုတော့ အခမဲ့ တက်နိုင်ပါတယ်။ သို့သော် Yoshida လမ်းကြောင်းကနေပြီးတော့ တက်မယ်ဆိုရင်တော့ ၂၀၂၄ ခုနှစ်ကနေ စပြီးတော့ ယန်း ၂၀၀၀ ပေးဆောင်ရမှာဖြစ်ပါတယ်။
- တောင်တက်ဖို့အတွက် ပိုက်ဆံမပေးရဘူးဆိုရင်တောင်မှ ၁ သောင်းနှင့် ၃ သောင်းအတွင်း ပိုက်ဆံယူသွားဖို့လိုပါတယ်။ ပိုက်ဆံကိုတော့ အစားအသောက်နှင့်ရေ၊ သန့်စင်ခန်းအတွက်သုံးဖို့ဖြစ်ပါတယ်။ နောက်ပြီးတော့ ငွေသားပဲသုံးလို့ရတဲ့ အတွက်ကြောင့်မို့လို့ ကဒ်အစား ငွေသားကိုယူသွားဖို့လိုအပ်ပါတယ်။
- အများစုကတော့ တောင်ပေါ်မှာ ညအိပ်လေ့ရှိကြပါတယ။ ဒါကြောင့်မိုလို့တောင်ပေါ်မှာ ညအိပ်ဖို့ရည်ရွယ်ထားရင်တော့ ကြိုတင်ပြီးတော့ ဘိုကင်တင်ထားဖို့လိုအပ်ပါတယ်။
- တောင်ပေါ်မှာ စခန်းချခွင့်မပြုပါဘူး။
- တောင်တက်ရာသီဆိုရင်တော့ တောင်ပေါ်မှာ အပျိန် 10°Cအောက်ရှိပြီးတော့ တောင်ထိပ်မှာဆိုရင်တော့ 5 ကနေ 8°C အထ်ရှိပြီးတော့ 0°C ထိုးကျတဲ့ အချိန်တွေလဲရှိပါတယ်။
- ကြားရက်တွေကတော့ လူလာနည်းတဲ့ အတွက်ကြောင့်မို့လို့ အဆင်ပြေပါတယ်။ လူအကြပ်ဆုံးအချိန်ကတော့ နေ့လည်နှင့် ညနေဘက်တွေဖြစ်ပါတယ်။
- နေထွက်တာကတော့ မနက် ၄ နာရီ ခွဲမှာဖြစ်ပြီးတော့လူတော်တော် များများက ည ၁၀ နာရီ သို့မဟုတ် ညလယ်လောက်မှာတက်လေ့ရှိပြီး နေထွက်တာကိုကြည့်ကြပါတယ်။ နောက်ပြီးတော့ တောင်ထိပ်ကိုရောက်ဖို့အတွက် အရှည်ကြီးတန်းစီရတဲ့ အတွက်ကြောင့်မို့လို့ အရမ်းကြီးအချိန်ကိုကပ်ပြီးမစီစဥ်တာ ပိုကောင်းပါတယ်။
- တကယ်လို့ အရေးပေါ်အခြေအနေနဲ့ ကြုံခဲ့ပါက တောင်တက်နားတဲ့ စခန်းတွေမှာ သို့မဟုတ် အရေးပေါ်ကယ်ဆယ်ရေးစခန်းတွေမှာ အကူအညီတောင်းပါ။ အနီးအနားမှာဘာမှမရှိပါက Yoshida လမ်းကြောင်း အတွက် 0555-72-1477 ကိုခေါ်ပြီးတော့ တခြားလမ်းကြောင်းတွေအတွက်ဆိုရင်တော့ 110/119 တို့ကိုဆက်သွယ်ပြီးတော့ အကူအညီတောင်းခံနိုင်ပါတယ်။
ဖူဂျီတောင်ရဲ့ လှပသောရှုခင်းများ။
ဖူဂျီတောင်ကြီးကို မတက်ဘဲနဲ့ အဝေးကနေ ရှုခင်းကြည့်ရှုခံစားချင်ရင်တော့ ဖူဂျီတောင်အနီးအနားတဝိုက်ကို ကားမောင်းကြည့်တာတို့, ၊ (富士五湖, Fujigoko) အနီးအနားတဝိုက်မှာ camp သွားတာတို့လုပ်နိုင်ပါတယ်။ နောက်ပြီး Arakurayama Sengen ပန်းခြံကလဲ ဖူဂျီတောင်ကြည့်ဖို့အတွက် ကောင်းတဲ့နေရာတစ်ခုဖြစ်ပါတယ်။ နောက်ပြီးတော့ Yamanashi နှင့် Shizuoka ခရိုင်တဝိုက်မှာလဲ ဖူဂျီတောင်ကိုကြည့်ရင်းနဲ့ အေးဆေးထိုင်လို့ရမယ့် ကဖေးတွေလဲအများကြီးရှိပါတယ်။ ဒီနေရာအပြင် ဖူဂျီတောင် ကိုမြင်နိုင်မယ့် နေရာတွေ အများကြီးရှိပါတယ်။
အကျဥ်းချုပ်
ဖူဂျီတောင်ကတော့ ဂျပန်နိုင်ငံရဲ့ အရေးပါတဲ့ တောင်တစ်တောင်ဖြစ်သလို နိုင်ငံခြားသားခရီးသွားတွေအတွက်လဲ ဂျပန်နိုင်ငံရဲ့ ထူးခြားတဲ့နေရာတစ်နေရာဖြစ်ပါတယ်။ ဒါကြောင့်မို့လို့ လာရောက်လည်ပတ်တဲ့ သူတွေလဲ အများကြီးရှိပါတယ်။ ဖူဂျီတောင်ကိုတက်တဲ့ အချိန်မှာ ကိုယ်နဲ့ကိုက်ညီမယ့်လမ်းကို သေချာရွေးဖို့လိုအပ်ပြီးတော့ သတိထားရမယ့် အချက်တွေကိုကြိုတင် ဖတ်သွားဖို့ တိုက်တွန်းချင်ပါတယ်။
