ဂျပန်မှာရာသီဥတုအနေနဲ့နွေ၊နွေဦး၊ဆောင်ဦး၊ဆောင်းအစရှိသဖြင့်ရာသီဥတုရှိပါတယ်။အဲဒီအထဲကမှရာသီဥတုအနေနဲ့နေထိုင်လို့ကောင်းတာကဆောင်းဦးဖြစ်ပါတယ်။နွေရာသီအရမ်းပူတဲ့ရာသီပြီးဆုံးပြီးနောက်ဆောင်းဦးရောက်လာတဲ့အချိန်မှာအပူချိန်အနေနဲ့သိသိသာသာလျော့ဆင်းလာပြီးအရမ်းအေးတဲ့အချိန်မဟုတ်ဘဲအေးမြတဲ့လေတိုက်ပြီးအလောတော်နေလို့ကောင်းပါတယ်။အဲဒါနဲ့အတူပဲဆောင်းရာသီမှာလည်းစိတ်ဝင်စားစရာသဘာဝအစားအစာ၊ဂျပန်ရဲ့စားသောက်မှုပုံစံကစိတ်ဝင်စားစရာကောင်းလှပါတယ်။ဆောင်းဦးမှစားရတဲ့အသီးအနှံ၊အရွက်၊ငါးအစရှိသဖြင့်ဆောင်ဦးရဲ့ရာသီဥတုကနေချင်စရာကောင်းလှပါတယ်။ဆောင်းဦးလိုအချိန်မျိုးမှာရာသီဥတုကောင်းမွန်တဲ့အတွက်ဂျပန်လူမျိုးများအများစုခရီးသွားလာမှုပြုလုပ်ပြီး၊အရသာရှိတဲ့ဆောင်းဦးရာသီရဲ့ရာသီဥတုအစားအသောက်များစားသောက်ကြပါတယ်။
ဆောင်းဦးရဲ့အသီးအရွက်နဲ့ပတ်သက်ပြီး
ဆောင်းဦးကတော့ကိုးလပိုင်းကနေဆယ့်တစ်လပိုင်းအထိကိုဆောင်းဦးအဖြစ်သတ်မှတ်ပါတယ်။ဆောင်းဦးရာသီရဲ့အသီးအနှံအနေနဲ့(いちじく)ဆိုတာကသဖန်သီး၊ကတွတ်သီးကဆောင်းဦးရာသီမှာပေါ်ပေါက်လာတဲ့အသီးဖြစ်ပါတယ်။ရှစ်လပိုင်းကနေဆယ်လပိုင်းမှာပေါများတဲ့အသီးဖြစ်ပါတယ်။ (桃)မက်မွန်သီးကတော့ဆောင်းဦးရာသီဥတုအသီးဖြစ်ပါတယ်။ကိုးလပိုင်းလကုန်ကနေ၁၀လပိုင်းအထိပိုပြီးစားရပါတယ်။(柿)တည်သီးကတော့ဆောင်းဦးမှာပေါများပါတယ်။ဆယ်လပိုင်းကနေဆယ့်လပိုင်းမှာပေါများပါတယ်။အရွက်များအနေနဲ့လည်း(しいたけ)လိုမှိုများကိုဟင်းထဲမှာလည်းချက်စားသလို၊ကင်စားတာမျိုးကိုလည်းပြုလုပ်စားသောက်ကြပါတယ်။ကိုးလပိုင်းကနေဆယ့်တစ်လပိုင်းမှာပိုပြီးပေါများပါတယ်။(さつまいも)ကန်စွန်းဥလိုမျိုးကဆောင်ဦးမှာပေါများတဲ့အစားအစာဖြစ်ပါတယ်။ကိုးလပိုင်း၊ဆယ့်တစ်ပိုင်းမှာပိုပြီးအရသာရှိပါတယ်။
စာရေးသူရွေးချယ်သောဆောင်းပါး
ဆောင်းဦးရဲ့ငါးနဲ့ပတ်သက်ပြီး
ဆောင်းဦးလို့ပြောရမယ်ဆိုရင်မိုးမင်းဂျီပန်းကလည်းဆောင်ဦးမှာအရောင်းပြောင်းပြီးအရမ်းလှပပါတယ်။အစိမ်းရောင်ကနေဆောင်းဦးရောက်ရင်အနီရောင်အဖြစ်ပြောင်းသွားပြီး၊တောတောင်တွေမှာအရမ်းလှပတဲ့နီရဲတဲ့ပုံစံအဖြစ်အရမ်းလှပပါတယ်။ခရီးသွားများကမိုးမင်းဂျီရဲ့ပြောင်းသွားတဲ့အနီရောက်ကိုကြည့်ရင်းအပန်းဖြေဖို့သွားရောက်ကြပါတယ်။ဆောင်းဦးရဲ့ငါးတွေကပိုပြီးတော့အရသာရှိပါတယ်။ရာသီဥတုအနေနဲ့ဒီအချိန်ရဲ့ငါးတွေကပိုပြီးအရသာရှိတတ်ပါတယ်။(ほっけ)လိုငါးမျိုးကစားသောက်ဆိုင်တွေမှာအဓိကတင်သောငါးအမျိုးအစားဖြစ်ပါတယ်။ကင်ပြီးစားရသောငါးတစ်မျိုးဖြစ်ပါတယ်။ကိုးလပိုင်းကနေဆယ့်တစ်လပိုင်းပေါများတဲ့ငါးဖြစ်ပါတယ်။(カツオ)ငါးကတော့အကောင်းကြီးပြီးဆောင်းရာသီအချိန်မျိုးမှာပေါများတဲ့ငါးအမျိုးအစားဖြစ်ပါတယ်။ဆယ့်လပိုင်းနဲ့ဆယ့်တစ်လပိုင်းမှာအကောင်းဆုံးအချိန်အဖြစ်ပြောင်းလဲပြီးအရမ်းအရသာရှိလှပါတယ်။ဆရှိမိလို့ခေါ်တဲ့ငါးအစိမ်းကိုဂျပန်ပဲငံပြာရည်နဲ့တိုးစားရင်အရမ်းအရသာရှိပါတယ်။
ဂျပန်ရဲ့စိတ်ဝင်စားစရာဆောင်းဦးအစားအသောက်များ
မြန်မာပြည်မှာကြေးအိုးကိုလူကြိုက်များသလိုဂျပန်မှာ(鍋)ကိုလူကြိုက်များပါတယ်။ဆောင်ဦးနဲ့ဆောင်းရာသီမှာအစားများကြပါတယ်။(秋鮭とキノコの豆乳鍋)ကိုအစားများကြပါတယ်။ပါဝင်ပစ္စည်းတွေကဆောင်းဦးရာသီမှာပေါများတဲ့မှိုနှစ်မျိုး၊သုံးမျိုးနဲ့ငါး၊အသီးအရွက်မျိုးစုံကို(鍋)အရည်နဲ့မီးပူပူပေါ်တင်ပြီးသူငယ်ချင်းအစုအဖွဲ့နဲ့စားသောက်ကြပါတယ်။လေးယောက်လောက်အနည်းဆုံးစားလို့ရပါတယ်။(根菜と鶏もも肉のちゃんこ鍋)နောက်တစ်ခုအစားများကြပါတယ်။ကြက်သားနဲ့အရွက်သုံးလေးမျိုးနဲ့ကြက်သားလုံး၊မှိုနဲ့တိုဖူးတို့ကိုမီးဖိုလေးပေါ်မှာပူပူလောင်လောင်နဲ့အေးတဲ့ရာသီမှာအစားများကြပါတယ်။(鍋)ကကျန်းမာရေးနဲ့ညီညွတ်တာကြောင့်ဟိုအရင်ကတည်းကထိန်းသိမ်းပြီးစားသောက်တဲ့အစားအသောက်ဖြစ်ပါတယ်။အေးတဲ့ရာသီနဲ့(鍋)ရဲ့ပူပူလောင်လောင်နဲ့လိုက်ဖက်ပြီးစားသောက်ရတာအရသာရှိလှပါတယ်။