ဂျပန်ရဲ့ကျောင်းသားဝတ်စုံနဲ့ပတ်သက်ပြီးဗဟုသုတရစရာအကြောင်းအရာများ(Japanese student uniform)

ဂျပန်မှာကျောင်းသားဝတ်စုံများကမူလတန်း၊အလယ်တန်း၊အထက်တန်းမှာဝတ်စုံတူညီစွာသတ်မှတ်ထားပါတယ်။ကျောင်းအပေါ်လာပြီးဝတ်စုံအရောင်များပြောင်းလဲဝတ်ဆင်တတ်ကြပါတယ်။ဒါပေမယ့်ဝတ်စုံဒီဇိုင်းကတူညီပါတယ်။အရောင်သာခွဲခြားဝတ်ဆင်တာဖြစ်ပါတယ်။ထူးခြားတာကတော့ကျောင်းကိုငယ်စဥ်ကတည်းကမိမိကိုယ်တိုင်သာသွားရတာဖြစ်ပါတယ်။ဂျပန်မှာမိမိကိုယ်ကိုအားကိုးတဲ့ပုံစံကိုငယ်စဥ်ကတည်းကလေ့ကျင့်ထားတာဖြစ်ပါတယ်။နောက်တစ်ခုကတော့တက္ကသိုလ်များမှာတော့မိမိကြိုက်နှစ်သက်ရာဝတ်စုံကိုဝတ်ဆင်လို့ရပါတယ်။ခေတ်အဆက်ဆက်ကတည်းကဂျပန်ရဲ့ကျောင်းသားအကျီပုံစံပြောင်းလဲလာပြီး၊ရာသီဥတုပေါ်လိုက်ပြီးလည်းပြောင်းလဲဝတ်ဆင်တာမျိုးလည်းရှိပါတယ်။ဥပမာဆောင်းဦးလိုရာသီမျိုးမှာဆွယ်တာခံပြီးဝတ်သလိုမျိုးပြောင်းလဲဝတ်ဆင်ကြပါတယ်။

ကျောင်းသားဝတ်စုံနဲ့ပတ်သက်ပြီး

ယောက်ျားများအနေနဲ့အပေါ်ကကုတ်အကျီလိုပုံစံတူလက်ရှည်ပုံစံဝတ်ဆင်ရပြီး၊အောက်ကဘောင်းဘီအရှည်ဝတ်ဆင်ရတာဖြစ်ပါတယ်။ကော်လံမပါဘဲလည်ကတုံးလိုကုတ်အကျီပုံစံဖြစ်ပါတယ်။မူလတန်းလောက်မှာဦးထုတ်ပါဆောင်းရတာဖြစ်ပါတယ်။အရောင်အနေနဲ့အနက်ရောင်နဲ့အပြာရောင်ပုံစံကများပါတယ်။မိန်းကလေးများအနေနဲ့များသောအားဖြင့်အကျီလက်ရှည်အဖြူရောင်ပေါ်မှာကုတ်အကျီနဲ့နက်ကတိုင်စီးရပြီး၊အောက်ကစကတ်ကိုဒူးခေါင်းဖုံးတဲ့အထိဝတ်ဆင်ရပါတယ်။နောက်တမျိုးကတော့အောက်ကစကတ်နဲ့အပေါ်မှာအကျီလက်ရှည်ပေါ်မှာအကျီထဲကကော်လံပုံစံမျိုးကိုဘေးနှစ်ဖက်ခွဲထားပြီး၊အောက်ကဖဲပွင့်ပုံစံဖော်ထားပါတယ်။ဂျပန်ကျောင်းတွေမှာအားကစားပွဲများနှစ်စဥ်ကျင်းပကြပါတယ်။အသင်းအဖွဲ့များနဲ့အားကစားလုပ်ရတာပျော်ရွင်စရာကောင်းလှပါတယ်။မူလတန်းကလေးအရွယ်ကလေးများအနေနဲ့လည်းချစ်စရာလွယ်အိတ်လေးများနဲ့အကျီဆင်တူနဲ့ချစ်စရာကောင်းလှပါတယ်။

ကျောင်းဝင်ခွင့်နဲ့ဆင်းပွဲများနဲ့ပတ်သက်ပြီး

ဂျပန်မှာကျောင်းဝင်ခွင့်ရဖို့လည်းအများကြီးကြိုးစားရပါတယ်။ကျောင်းကောင်းကောင်းကိုဝင်ခွင့်ရရှိဖို့လည်းမလွယ်ကူလှပါဘူး။တက္ကသိုလ်တွေကပိုမိုခက်ခဲပါတယ်။ဂျပန်မှာရှိတဲ့အထက်တန်းကျောင်းသားများကကျောင်းမပြီးခင်ကတည်းကကျောင်းကောင်းကောင်းရရှိဖို့ကြိုးစားရပါတယ်။ကျောင်းကောင်းကောင်းပြီးမှအလုပ်ကောင်းကောင်းရရှိမှာဖြစ်ပါတယ်။ဂျပန်ရဲ့ကျောင်းဝင်ခွင့်၊ကျောင်းဆင်းပွဲမှာလည်းပုံမှန်ကျောင်းသွားနေတဲ့ပုံစံကိုပိုပြီးသပ်သပ်ရပ်ရပ်ဝတ်ဆင်ရပြီး၊ရင်ဘတ်မှာပန်းပွင့်ရင်ထိုးသို့မဟုတ်ဖဲပြားပုံစံချိတ်ထားပါတယ်။ကျောင်းဝင်ခွင့်၊ဆင်းပွဲအတွက်သီချင်းများရှိပြီး၊အတူတူတစုတစည်းတည်းသီဆိုရတာဖြစ်ပါတယ်။အခမ်းအနားအတွက်အလှည့်ကျတက်ယူရပြီး၊မူလတန်းအနေနဲ့အရှေ့ဆုံးမှအတန်းပိုင်ဆရာမမှဦးဆောင်ပြီးလုပ်ဆောင်ပေးပါတယ်။အလယ်တန်း၊အထက်တန်းကတော့ကျောင်းသားများကစီတန်းပြီးတက်ယူရပါတယ်။ကျောင်းဝင်ခွင့်၊ကျောင်းဆင်းပွဲများသာမိဘများကတက်ရောက်ချီးမြှင့်ပေးတာဖြစ်ပါတယ်။

ကျောင်းရဲ့စာသင်နှစ်နဲ့ပြောင်းလဲလာတဲ့ပုံစံများ

မူလတန်းကိုတစ်ကနေလေးအထိသတ်မှတ်ထားပြီးခြောက်နှစ်လောက်မှာစတက်ရပြီးမူလတန်းရဲ့အမှတ်စဥ်လေးအထိကိုအသက်အရွယ်ကိုးနှစ်လောက်အထိတက်ရောက်ရပြီးလေးနှစ်လောက်မူလတန်းကိုတက်ရောက်ရတာဖြစ်ပါတယ်။ငါး၊ခြောက်အထိဆက်လက်တက်ရပြီးအသက်အရွယ်အားဖြင့်ဆယ့်တစ်နှစ်၊ဆယ့်နှစ်နှစ်ဝန်းကျင်ဖြစ်သွားမှာဖြစ်ပါတယ်။အလယ်တန်းကတော့တစ်၊နှစ်၊သုံးအထိသတ်မှတ်ထားပြီးဆယ့်သုံးနှစ်ကဆယ့်ခြောက်နှစ်ဝန်းကျင်အထိတက်ရောက်ရမှာဖြစ်ပါတယ်။အထက်တန်းကတော့တစ်ကနေငါးအထိရှိပြီး၊ပုံမှန်အထက်တန်းစာသင်နှစ်ပုံစံနဲ့တက္ကသိုလ်အတွက်ပြင်ဆင်တဲ့အထက်တန်းစာသင်နှစ်ပုံစံဖြင့်သင်ကြားရပါတယ်။အသက်အရွယ်အနေနဲ့ဆယ့်ခြောက်နှစ်ကနေဆယ့်ကိုးနှစ်အထိသင်ကြားရမှာဖြစ်ပါတယ်။အဲဒီကနေမှဆန်းမွန်းလို့ခေါ်တဲ့ကောလိပ်၊တက္ကသိုလ်တက်ရောက်ခွင့်ရမှာဖြစ်ပါတယ်။ကျောင်းပြီးသွားရင်နှစ်ဆယ့်သုံးနှစ်လောက်ဖြစ်သွားပြီးအဲဒီကနေမှလုပ်ငန်းခွင်ဝင်ရောက်ခွင့်ရရှိမှာဖြစ်ပါတယ်။

ကုမ္မဏီလျှောက်ထားမှုအတွက်လိုအပ်သောအောင်လက်မှတ်များ(日商簿記, bookkeeping, TOEIC, IT, driving licence in Japan)

စာရေးသူ

WeXpats
နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။

အထူးစုစည်းထားသောဆောင်းပါး 特集

လူကြိုက်များသောဆောင်းပါး 人気記事

Social Media ソーシャルメディア

ဂျပန်နိုင်ငံ၏နောက်ဆုံးရသတင်းးအချက်အလက်များကိုဘာသာစကား၉မျိုးဖြင့်ပုံမှန်တင်ဆက်နေပါသည်

  • English
  • 한국어
  • Tiếng Việt
  • မြန်မာဘာသာစကား
  • Bahasa Indonesia
  • 中文 (繁體)
  • Español
  • Português
  • ภาษาไทย
TOP/ ဂျပန်ပညာသင်/ ကျောင်းသားဘဝ/ ဂျပန်ရဲ့ကျောင်းသားဝတ်စုံနဲ့ပတ်သက်ပြီးဗဟုသုတရစရာအကြောင်းအရာများ(Japanese student uniform)

ကျွန်ုပ်တို့၏ဝက်ဘ်ဆိုက်သည်သုံးစွဲခြင်းကိုအဆင်ပြေချောမွေ့စေရန်၊အရည်အသွေးကိုထိန်းသိမ်းရန်နှင့်တိုးတက်စေရန်ရည်ရွယ်ချက်ဖြင့် Cookieကိုအသုံးပြုသည်။ Cookieအသုံးပြုမှုကိုသဘောတူပါက "သဘောတူပါသည်" ခလုတ်ကိုနှိပ်ပါ။
Cookie ကိုအသုံးပြုခြင်းနှင့် ပတ်သက်၍ အသေးစိတ်ကိုဤနေရာတွင်ကြည့်ပါ။

Cookieအသုံးပြုမှုမူဝါဒ