ဂျပန်လူမျိုးများရဲ့ နှုတ်ဆက်ခြင်းအပြုအမူ(お辞儀 ・おじぎ )

အနောက်တိုင်းနိုင်ငံတွေမှာတော့ တစ်ဦးနဲ့ တစ်ဦး နှုတ်ဆက်တဲ့ အချိန်မှာ ပွေ့ဖက်ခြင်း၊ လက်ဆွဲနှုတ်ဆက်ခြင်းတို့ကိုပြုလုပ်လေ့ရှိကြပါတယ်။ ဂျပန်မှာတော့ တစ်ဦးနှင့် တစ်ဦး နှုတ်ဆက်တဲ့ အချိန်မှာ (お辞儀 ・Ojigi )လို့ခေါ်တဲ့ ခါးကိုကိုင်းပြီးနှုတ်ဆက်လေ့ရှိကြပါတယ်။ (お辞儀 ・Ojigi )လုပ်တဲ့ အချိန်မှာလဲ သတိထားသင့်တဲ့ အခြေခံအချက်‌လေးတွေ ရှိပါတယ်။ お辞儀 ・Ojigi )အကြောင်းအခြေခံအချက်တွေကို ဒီဆောင်းပါးမှာ ဖော်ပြသွားပါ့မယ်။ 

မာတိကာ 

  1. お辞儀 - Ojigi ယဥ်ကျေးမှုက ဘယ်တုန်းက စခဲ့သလဲ။
  2. お辞儀 - Ojigi အမျိုးအစားများ။
  3. အကျဥ်းချုပ် 

お辞儀 - Ojigi ယဥ်ကျေးမှုက ဘယ်တုန်းက စခဲ့သလဲ။

ဂျပန်ဘာသာစကားမှာ တဖက်လူကိုအရိုအသေပေးတဲ့ အနေနဲ့ 敬語 (keigo) လို့ခေါ်တဲ့ယဥ်ကျေးသုံးစကားတွေရှိကြသလို တစ်ဦးနဲ့ တစ်ဦးနှုတ်တက်တဲ့ အချိန်မှာလဲ အရို‌သေပေးတဲ့ အနေနဲ့ ခါးညွှတ်ပြီး အရိုအသေးပေးလေ့ရှိပါတယ်။ လုပ်ငန်းခွင်မှာဖြစ်စေ၊ လက်တွေ့လူနေမှု ဘဝမှာဖြစ်စေ တွေ့ရများတဲ့ အပြုအမူတစ်ခုလဲဖြစ်ပါတယ်။ ဂျပန်လိုဆိုရင်တော့ お辞儀 လို့ခေါ်လေ့ရှိကြပါတယ်။ お辞儀 ကလဲ အနေအထားအပေါ်မူတည်ပြီး အဓိပ္ပာယ်အမျိုးမျိုး ကွဲပြားပါတယ်။ လုပ်ငန်းခွင်ထဲမှာလဲ お辞儀 က မဖြစ်မနေ သိထားသင့်တဲ့ အမူအရာ တစ်ခုဖြစ်လာပါတယ်။ 

お辞儀 - Ojigi ယဥ်ကျေးမှုကတော့ ဂျပန်နိုင်ငံကို တရုတ်ယဥ်ကျေးမှုကနေ စတင်ပြီးပျံ့နှံ့လာတယ် လို့ဆိုကြပါတယ်။ ရှေးယခင်တုန်းကတော့ ရာထူး၊ဂုဏ်ကြီးတဲ့သူတွေနှင့် သာမန်သူတွေကို ခွဲခြားနိုင်ဖို့အတွက် အသုံးပြုတဲ့ နည်းလမ်းတစ်ခုဖြစ်ခဲ့ပါတယ်။ ဥပမာ ကိုယ်ထက် ဂုဏ်၊ ရာထူး ကြီးတဲ့ သူတွေနဲ့ တွေ့တဲ့ အချိန်မှာ ကိုယ့်ကိုကို နိုမ့်ချတဲ့ အနေနဲ့ ခါးကိုညွှတ်ပြီး အရိုအသေပေးလေ့ရှိကြပါတယ်။ 

ယနေ့ခေတ်မှာတော့ お辞儀 - Ojigi  ကို အသက်အရွယ်မရွေးအသုံးပြုလာကြပြီး နှုတ်ဆက်ခြင်းအပြင်၊ ကျေးဇူးတင်ခြင်း၊ ဂုဏ်ပြုခြင်း၊ တောင်းပန်ခြင်း စတဲ့ နေရာတွေမှာပါ ကျယ်ကျယ်ပြန့်ပြန့် အသုံးပြုလာကြပါတယ်။ ဒါကြောင့် お辞儀 - Ojigi လုပ်တဲ့ အချိန်မှာ ခါးကိုင်းတဲ့ ဒီဂရီ အပေါ်မူတည်ပြီးတော့ အမျိုးအစားလဲ ကွဲပြားသွားပါတယ်။ 

お辞儀 - Ojigi အမျိုးအစားများ။

お辞儀 - Ojigi ကိုအခြေခံ အမျိုးအစားခွဲကြည့်လိုက်ရင် 

  • 「座礼」- zarei ထိုင်ရင်းအရိုအသေပေးခြင်း။
  • 「立礼」- ritsurei ရပ်ပြီအရိုအသေပေးခြင်။

ဆိုပြီး ၂ မျိုးရှိပါတယ်။ သတိထားရမယ့် တစ်ချက်က ခါးကိုကုန်းရမှာမဟုတ်ဘဲ ခါးကို ကိုင်း ဦးညွှတ်ပြီး နှုတ်ဆက်ရမှာဖြစ်ပါတယ်။

会釈 (eshaku) - ခေါင်းညိတ်နှုတ်ဆက်ခြင်း။

ပထမဆုံးတစ်ခုကတော့ 会釈 (eshaku) အမျိုးအစားဖြစ်ပါတယ်။ သူငယ်ချင်းတွေ၊ အလုပ်ဖော်ကိုင်ဖက်တွေကို နှုတ်ဆက်တဲ့ အချိန်မှာ တခါတည်းအသုံးပြုလေ့ရှိတဲ့ အမူအရာတစ်မျိုးဖြစ်ပြီး ဦးခေါင်းကို ၁၅ ဒီဂရီခန့် ငုံ့လိုက်ရုံဖြင့် အဆင်ပြေပါတယ်။

浅礼 - ထိုင်ပြီး အရိုအသေပေးခြင်း

浅礼 ကတော့ ထိုင်ပြီးအရိုအသေပေးတဲ့ ပုံစံမျိုးဖြစ်ပြီး Formal ဆန်တဲ့နေရာတွေမှာ အသုံးပြုလေ့ရှိကြပါတယ်။ ခေါင်းကိုငုံ့ပြီး ချက်ချင်း မမော့ဘဲ ၂စက္ကန့်၊ ၃စက္ကန့်လောက် ခေါင်းကို ဒီအတိုင်ငုံ့ထားရမှာဖြစ်ပါတယ်။ 

敬礼 Keirei - ရပ်ပြီးအရိုအသေပေးခြင်း။

敬礼 Keirei ဆိုတာကတော့ ရပ်ပြီး အရိုအသေပေးတဲ့ Formal အကျဆုံးတစ်ခုဖြစ်ပြီး ဦးခေါင်းကို ၃၀ ဒီဂရီ ခန့်ငုံ့ရမှာဖြစ်ပါတယ်။ အများအားဖြင့် ဧည့်သည်တွေကို အရိုပေးပေးတဲ့ အချိန်၊ ကြိုဆိုတဲ့ အချိန် ၊ နောက်ပြီး ပထမဆုံးအကြီမ်တွေတဲ့ သူတွေကို နှုတ်ဆက်တဲ့ အချိန်မှာ အသုံးပြုလေ့ရှိကြပါတယ်။ 

最敬礼 Saikeirei -အထက်လူကြီးနှင့် အရေးကြီးတဲ့ ဧည့်သည်များကိုနှုတ်ဆက်ခြင်း။

最敬礼 Saikeirei ကတော့ သိပ်တွေ့ရလေ့မရှိတဲ့ အမျိုးအစားမျိုးဖြစ်ပါတယ်။ အရမ်းအရေးကြီးတဲ့ ဧည့်သည်၊ အထက်လူကြီးတွေကို နှုတ်ဆက်တဲ့ အချိန်မှာ အသုံးပြုလေ့ရှိကြပါတယ်။ နောက်တချက်က တောင်းပန်တဲ့ အချိန်မှာလဲ အသုံးပြုလေ့ရှိကြပါတယ်။ ၄၅ ဒီဂရီလောက် ကိုင်းပြီးနှူတ်ဆက်လေ့ရှိပါတယ်။

謝罪 Shazai - တောင်းပန်ခြင်း။

အတွေ့ရအနည်းဆုံးနှင့် ယဥ်ကျေးဆုံး ဖြစ်တဲ့ お辞儀 - Ojigi  ကတော့ ‌謝罪 Shazai လို့ခေါ်တဲ့ တောင်းပန်တဲ့ အချိန်မှာ အသုံးပြုတဲ့ お辞儀 - Ojigi ဖြစ်ပါတယ်။ ၇၀ ဒီဂရီလောက် ကိုင်းပြီး ၄ စက္ကန့်လောက် ငြိမ့်ထားရပါတယ်။ ဒီ お辞儀 - Ojigi ကိုတော့ အရမ်းအရေးကြီးတဲ့ နေရာမှာ အမှားတစ်ခုခုလုပ်မိလို့ တောင်းပန်တဲ့ အချိန်မှာ လုပ်လေ့ရှိတဲ့ အမူအရာမျိုးဖြစ်ပါတယ်။ 

အကျဥ်းချုပ် 

ဒီဆောင်းပါးမှာတော့ ဂျပန်လူမျိုးတွေရဲ့ နှုတ်ဆက်တဲ့ အချိန်မှာ အသုံးပြုတဲ့ ယဥ်ကျေးမှုတစ်ခုဖြစ်တဲ့အပြင် ယနေ့ခေတ်မှာတော့ နေရာမရွေး အသက်အရွယ်မရွေး သိထားသင့်တဲ့ အမူအရာတစ်ခုဖြစ်ပါတယ်။ နေရာနှင့် အခြေအနေအပေါ်မူတည်ပြီး お辞儀 - Ojigi အမျိုးအစားတွေကွာခြားတဲ့ အတွက်ကြောင့်မို့လို့ သေချာ မှတ်သားထားသင့်ပါတယ်။ 

စာရေးသူ

WeXpats
နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။

ပတ်သက်ဆက်နွယ်သောသတင်းဆောင်းပါး 関連記事

အထူးစုစည်းထားသောဆောင်းပါး 特集

လူကြိုက်များသောဆောင်းပါး 人気記事

Social Media ソーシャルメディア

ဂျပန်နိုင်ငံ၏နောက်ဆုံးရသတင်းးအချက်အလက်များကိုဘာသာစကား၉မျိုးဖြင့်ပုံမှန်တင်ဆက်နေပါသည်

  • English
  • 한국어
  • Tiếng Việt
  • မြန်မာဘာသာစကား
  • Bahasa Indonesia
  • 中文 (繁體)
  • Español
  • Português
  • ภาษาไทย
TOP/ ဂျပန်ယဥ်ကျေးမှု/ ဂျပန်ရိုးရာယဉ်ကျေးမှု/ ဂျပန်လူမျိုးများရဲ့ နှုတ်ဆက်ခြင်းအပြုအမူ(お辞儀 ・おじぎ )

ကျွန်ုပ်တို့၏ဝက်ဘ်ဆိုက်သည်သုံးစွဲခြင်းကိုအဆင်ပြေချောမွေ့စေရန်၊အရည်အသွေးကိုထိန်းသိမ်းရန်နှင့်တိုးတက်စေရန်ရည်ရွယ်ချက်ဖြင့် Cookieကိုအသုံးပြုသည်။ Cookieအသုံးပြုမှုကိုသဘောတူပါက "သဘောတူပါသည်" ခလုတ်ကိုနှိပ်ပါ။
Cookie ကိုအသုံးပြုခြင်းနှင့် ပတ်သက်၍ အသေးစိတ်ကိုဤနေရာတွင်ကြည့်ပါ။

Cookieအသုံးပြုမှုမူဝါဒ