ဂျပန်ဆယ့်နှစ်ရာသီခွင်အကြောင်း ဂျပန်တွင်နှစ်ကုန်ချိန်နှင့်နှစ်သစ်ကူးရောက်သောအခါဒီနှစ်ဟာ(XX) နှစ်ဖြစ်လို့ နောက်နှစ်ဟာ（XX）နှစ်ဖြစ်မယ်ဆိုပြီးကြားဖူးတာရှိပါသလား။
（XX）နှစ်တွင်ဖွားခဲ့လို့（XX）တာ။ ဆယ့်နှစ်ရာသီခွင်အကြောင်းကိုအခြေခံ၍ စိတ်နေစိတ်ထားကိုခန့်မှန်းကြခြင်းလည်းရှိသည်။
ဂျပန်လူမျိုးများသည်သတ္တဝါတို့၏လျှို့ဝှက်ဆန်းကြယ်သောစွမ်းအားကိုကြာမြင့်စွာကတည်းကယုံကြည်ခဲ့ကြသည်။
ထိုယုံကြည်ချက်သည်သတ္တဝါ (၁၂) မျိုးနှင့်ဆက်စပ်မှုရှိပြီးအဲဒိုခေတ်အလယ်ပိုင်းလောက်မှစပြီး အိမ်၏အဝင်ဝသို့မဟုတ် ဧည့်ခန်းတွင်ယခုနှစ်နှင့်ဆက်စပ်သောတိရစ္ဆာန်နတ်ရုပ် (Toshigami-sama) ကိုအလှဆင်ခြင်းနှင့်ကြိုဆိုခြင်းသည်ထုံးထမ်းစဥ်လာတရပ်အ နေဖြင့်မွေးဖွားခဲ့သည်။
တောဝက်နှစ်သည်ဂျပန်တွင်သာရှိပြီးအခြားသောနိုင်ငံများတွင်ဝက်နှစ်ဖြစ်သည်။ အချို့နိုင်ငံများတွင်မိကျောင်း၊ ဝေလငါးနှင့်ငါးနှစ်များလဲရှိသည်။ အဲဒါတွေကတော့မျက်မှောက်ခေတ်တွင်လက်တွေ့ပြ၍မရနိုင်သည့်နဂါးထက်ပိုပြီးလက်တွေ့ကျတယ်လို့ထင်ပါတယ်။
လူသားတွေရဲ့အတွေးဟာစိတ်ဝင်စားဖို့ကောင်းတယ်မဟုတ်ပါလား။
Saru( မျောက်)
မျောက်များသည်ဂျပန်လူမျိုးများနှင့်အကျွမ်းတဝင်ရှိပြီး Nikko Toshoguရဲ့ (ကြည့်၊ ကြား၊ ပြော) မျောက်သုံးကောင်သည်အလွန်ကျော်ကြားသည်။
ထို့အပြင်နှစ်သစ်ကူးနေ့တွင်ကျင်းပသော Sarumawashi (မျောက်အကအလှပြ)သည်ဂျပန်ရိုးရာအနုပညာတစ်ခုဖြစ်ပြီး မျောက်(Saru)လာရင်သဘာဝဘေးများ(ဖယ်ခွာ)Saruသွားတယ်လို့Kamakura ခေတ်ကတည်းကယုံကြည်ခဲ့ကြသည်။
စာရေးသူရွေးချယ်သောဆောင်းပါး
Tori (ကြက်)
ကြက်သတ္တဝါကိုငွေလာဘ်နှင့်ပတ်သက်သောတိရိစ္ဆာန်များအဖြစ်ဂျပန်လူမျိုးများသည်ရှေးယခင်ကပင်အကျွမ်းတဝင်ရှိခဲ့သည်။
အထူးသဖြင့်တစ်နိုင်ငံလုံးရှိ Otori Shrines များတွင်အဲဒိုကာလအလယ်ပိုင်းတွင်စတင်ခဲ့သည့်နှစ်စဥ်နိုဝင်ဘာလတိုင်း၌ကျင်းပသော ကြက်နေ့တွင်ပြုလုပ်သော "ကြက်စျေး" သည်အလွန်ကျော်ကြားသည်။ ကြက်(Tori)သည် "ယူခြင်း" Toru စကားနှင့်ဆင်သယောင်ဖြစ်သောကြောင့်လူအများသည်နှစ်စဉ်နှစ်တိုင်း“ ကြက်စျေး” သို့လာဘ်ခေါ်ခြင်းအယူဖြင့်လည်ပတ်ကြသည်။
Inu(ခွေး)
သခင်အပေါ်သစ္စာရှိသောတိရိစ္ဆာန်အနေဖြင့်ခွေးများသည်ရှေးဟောင်းပုံပြင်များ၊ ရိုးရာပုံပြင်များနှင့်နတ်သမီးပုံပြင်များတွင်အဓိကဇာတ်ကောင်များဖြစ်ကြသည်။အထူးသဖြင့် "Momotaro" နှင့် "Hanasakajijii"ကဲ့သို့သောရှေးဟောင်းဇာတ်လမ်းများတွင်ပျော်ရွှင်မှုကိုဆောင်ကြဉ်းပေးပြီးလာဘ်ကောင်း သော တိရိစ္ဆာန်များအဖြစ်လူကြိုက်များသည်။
ထို့အပြင်နတ်ကွန်း၏ Komainuပြသသည့်အတိုင်းခွေးများသည်နတ်ဆိုးများကိုနှင်ထုတ်ရန်စွမ်းအားရှိသည်ဟု ယုံကြည်ရသောကြောင့်ရှေးကတည်းကဂျပန်လူမျိုးများ၏အထူးတလည်ထားခံရသူများဖြစ်သည်။ခွေးများသည်မွေးဖွားရလွယ်သောကြောင့်အမျိုးသမီးများသည်မွေးဖွားရလွယ်ရန်အတွက်အဆောင်အဖြစ်အယူရှိကြသည်။
Inoshishi (တောဝက်)
တောဝက်ကိုChototsumoshin ဟူသောစကားလုံးအရမည်သည့်ဘေးအန္တရာယ်ကိုမဆိုအနိုင်ယူသောသင်္ကေတအဖြစ်ဂျပန်လူမျိုးများကနှစ်ပေါင်းများစွာချစ်ခင်မြတ်နိုးခဲ့ကြသည်။ ထို့အပြင် Inoshishi သည်မျိုးဆက်များသည့်သတ္တဝါဖြစ်သောကြောင့်မျိုးဆက်ပွားအဆောင်အဖြစ်လဲလူသိများသည်။
