ဂျပန်မှာ အခန်းဘယ်လိုရှာမလဲ ?အိမ်ငှားစာချုပ်ကို ဘယ်လိုဖတ်မလဲ။

ဂျပန်မှာ အခန်းရှာဖို့အတွက် အိမ်စျေးကွက်နားမလည်တဲ့သူတွေ၊ တယောက်တည်းနေဖို့အတွက် ဝင်ငွေ ဘယ်လောက်ရှိဖို့လိုအပ်လဲ စသဖြင့်သောက ရောက်နေတဲ့ သူတွေ မနည်းဘူးလို့ထင်ပါတယ်။ ဒါကြောင့် ဒီဆောင်းပါးမှာတော့ ကိုယ်သုံးချင်တဲ့ ဘတ်ဂျက်နဲ့ ကိုက်ညီတဲ့ အိမ်ကို ဘယ်လို ရှာဖွေမလဲဆိုတဲ့ အကြောင်း၊ အိမ်ရှာတဲ့ အချိန်မှာ သတိထားရမယ့် အချက်တွေ၊ အိမ်ငှားတဲ့ အချိန်မှာ သိထားသင့်တဲ့ ဂျပန်စကား၊ စကားလုံးတွေကို ရှင်းပြသွားပါ့မယ်။ 

မာတိကာ

• ဂျပန်နိုင်ငံရဲ့ အိမ်ငှားစျေးကွက် 

• ဘတ်ဂျက်တဲ့ ကိုက်ညီတဲ့ အိမ်ရှာဖွေနည်း

• ဂျပန်မှာ အိမ်ရှာတဲ့အချိန် သိထားသင့်တဲ့ အဆင့်နဲ့ လိုအပ်သော လုပ်ထုံးလုပ်နည်းများ

• အိမ်ရှာဖွေတဲ့ အချိန် သိထားသင့်တဲ့ ဂျပန်စကားနှင့် ဂျပန်စကားစုများ

ဂျပန်နိုင်ငံရဲ့ အိမ်ငှားစျေးကွက် 

အိမ်ငှားတဲ့ အချိန် တလချင်းပေးရတဲ့ အိမ်လခ ကို ဂျပန်လို 「家賃」 Yachin လို့ခေါ်ပါတယ်။ ၅ နှစ် ၁ ကြိမ် ဂျပန်နိုင်ငံရဲ့ အထွေထွေ ဝန်ကြိးငှာန မှကောက်ယူတဲ့ အိမ်ယာမြေစျေးကွက် စစ် တမ်းတွေအရဆိုရင် ဂျပန်တစ်နိုင်ငံလုံးရဲ့ ပျမ်းမျှ အိမ်ငှားလ က တလ ကို 55,695 ယန်း ဖြစ်ပါတယ်။ သို့သော် ဂျပန်ပြညတွင်းမှာပဲ ဒေသ အပေါ်လိုက်ပြီး နေထိုင်စာရိတ်၊ လစာ စတဲ့ အရာတွေ ကွဲပြားပါတယ်။ ဒါကြောင့် ဒေသ အပေါ် လိုက်ပြီး တလစာ ပျမ်းမျှ အိမ်ငှားလ ကို အောက်မှာဖော်ပြလိုက်ပါတယ်။ 

• Hokkaido: 41,715 yen

• Aomori Prefecture: 38,264 yen

• Iwate prefecture: 39,990 yen

• Miyagi prefecture: 48,894 yen

• Akita prefecture: 39,404 yen

• Yamagata prefecture: 42,234 yen

• Fukushima prefecture: 41,386 yen

• Ibaraki prefecture: 45,231 yen

• Tochigi prefecture: 44,953 yen

• Gunma prefecture: 42,601 yen

• Saitama prefecture: 59,358 yen

• Chiba Prefecture: 57,421 yen

• Tokyo: 81,001 yen

• Kanagawa prefecture: 68,100 yen

• Niigata prefecture: 45,038 yen

• Toyama prefecture: 42,992 yen

• Ishikawa prefecture: 44,888 yen

• Fukui prefecture: 42,374 yen

• Yamanashi prefecture: 42,592 yen

• Nagano prefecture: 43,252 yen

• Gifu Prefecture: 44,046 yen

• Shizuoka prefecture: 50,038 yen

• Aichi prefecture: 52,492 yen

• Mie prefecture: 43,656 yen

• Shiga prefecture: 47,947 yen

• Kyoto prefecture: 54,605 ​​yen

• Osaka prefecture: 55,636 yen

• Hyogo prefecture: 55,337 yen

• Nara prefecture: 48,492 yen

• Wakayama prefecture: 40,984 yen

• Tottori prefecture: 40,275 yen

• Shimane prefecture: 39,797 yen

• Okayama prefecture: 45,489 yen

• Hiroshima prefecture: 48,361 yen

• Yamaguchi Prefecture: 39,559 yen

• Tokushima prefecture: 41,719 yen

• Kagawa prefecture: 44,020 yen

• Ehime prefecture: 40,819 yen

• Kochi prefecture: 40,255 yen

• Fukuoka prefecture: 48,429 yen

• Saga prefecture: 42,777 yen

• Nagasaki prefecture: 40,781 yen

• Kumamoto Prefecture: 40,361 yen

• Oita prefecture: 41,447 yen

• Miyazaki prefecture: 38,353 yen

• Kagoshima prefecture: 37,863 yen

• Okinawa prefecture: 45,560 yen

ဂျပန်နိုင်ငံမှာ အိမ်ငှားခ စျေးအကြီးဆုံးကတော့ တိုကျိုဖြစ်ပါတယ်၊ ပျမ်းမျှအိမ်ငှားခ အနိမ့်ဆုံး ဖြစ်တဲ့ Kagoshima prefecture နဲ့ ယှဥ်လိုက်ရင် ဂျပန်ငွေ ယန်း ၄သောင်းလောက်ကွာခြားပါတယ်။ ဂျပန်မှာတော့ မြို့ထဲရောက်လေ အိမ်ငှားခ စျေးပိုကြီးလေ ဖြစ်ပါတယ်။ ဒါကြောင့်အိမ်ငှားတော့မယ်ဆိုရင် နေရာ၊ ဒေသ ဝင်ငွေ စတဲ့အရာတွေကိုသေချာကြည့်ဖို့လိုအပ်ပါတယ်။ 

Ministry of Internal Affairs and Communications　မှကောက်ယူထားတဲ့ မူရင်း စစ်တမ်း https://www.moj.go.jp/isa/applications/guide/qaq5.html

စာရေးသူရွေးချယ်သောဆောင်းပါး

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

ဂျပန်မှာအမှိုက်ပစ်ပုံပစ်နည်း(How to take out the trash in Japan)

ဂျပန်နေထိုင်မှုဘဝ

ဟိနအရုပ်ပွဲတော်နဲ့ပတ်သက်သော သိထားသင့်တဲ့ ဗဟုသုတ အကြောင်းအရာများ

ဂျပန်ယဥ်ကျေးမှု

ဘတ်ဂျက်တဲ့ ကိုက်ညီတဲ့ အိမ်ရှာဖွေနည်း

သတ်မှတ်ထားတဲ့ ဘတ်ဂျက်တစ်ခုအတွင်းမှာ ကိုယ်နဲ့ကိုက်ညီတဲ့ အိမ်ကိုက်ညီ တဲ့ အိမ်ကို ရှာဖွေ နိုင်ဖို့အတွက် တချို့သော အချက်တွေကို သိထားဖို့လိုအပ်ပါတယ်။ ဒီလို အချက်အလက်တွေကို အောင်မှာ မျှဝေသွားပါ့မယ်။

ကိုယ်လိုချင်တဲ့ အိမ်ကွက်တိကြီး ရဖို့ကိုပဲမတွေးပါနဲ့ 

အိမ်ရှာတဲ့ အချိန်မှာ လိုအပ်တဲ့ အချက်အလက်တွေ အများကြီးရှိနေတာမျိုးက သက်သာတဲ့ အိမ်ရှာဖွေနိုင်မှာ မဟုတ်ပါဘူး။ လိုချင်တဲ့ အချက်အလက်တွေ များလေ၊ သုံးရမယ့် စာရိတ်များလာလေ ဖြစ်ပါတယ်။ ဥပမာ ဘူတာနဲ့ နီးလေ အိမ်ငှားခ စျေးကြီးလေ ဖြစ်ပါတယ်။ ဒီလို အခြေအနေမှာ ဆိုရင် ဘူတာနဲ့ လမ်းလျှောက် ၁၀ မိနစ် ဖြစ်တဲ့ အိမ်တွေကို‌ရွေးတာဖြစ်ဖြစ်၊ အိမ်သက်တမ်ူ ၁၅ နှစ် စတဲ့ အအခြေအနေတွေ မျိုးကို‌ရွေးတာ ဖြစ်ဖြစ် ကိုယ်လိုချင်တဲ့ အခြေအနေ ကနေ နည်းနည်းလျှော့ချတာမျိုးလုပ်ရင် ပိုပြီး စျေးသက်သာတဲ့ အိမ်ကိုရှာဖွေနိုင်ပါတယ်။

Off- Season မှာ အိမ်ရှာပါ။ 

ဂျပန်နိုင်ငံမှာတော့ အိမ်ငှားတဲ့ စျေးကွက်မှာ On-Season နဲ့ Off-Season ဆိုတာရှိပါတယ်။  Off-Season မှာဆိုရင် အခန်းရှာဖွေတဲ့သူနည်းပါးတဲ့ အတွက်ကြောင့်မို့လို့ အိမ်ငှားတဲ့ အေဂျင်စီတွေက အခန်းလွတ်တွေကိုတတ်နိုင်သမျှ လျှော့ချချင်ကြပါတယ်။ ဒါကြောင့် အရေးတကြီးမလိုအပ်ဘူးဆိုရင် Off-Season မှာ အိမ်ရှာဖို့ အကြံပေးချင်ပါတယ်။ Off-Season ကတော့ ဇွန်လ ကနေ စက်တင်ဘာ လအတွင်း ဖြစ်ပါတယ်။ အိမ်အပြောင်းများတာကတော့ ဇန်နဝါရီလကနေ ဧပြီ လ အထိဖြစ်ပါတယ်။ အများအားဖြင့် Off-Season မှာဆိုရင် အိမ်ပြောင်းတဲ့ စာရိတ်လဲ ပိုပြီး သက်သာပါတယ်။ ဒါကြောင့် တတ်နိုင်သလောက် ချွေတာချင်တဲ့ သူတွေ အတွက်တော့ Off-Season မှာ အိမ်ရှာဖို့အကြံပေးချင်ပါတယ်။ 

အိမ်ဆောက်သက်တမ်းကြာတဲ့ အိမ်တွေကိုငှားပါ

အိမ်ဆောက်ထားတဲ့ သက်တမ်းကြာလို့ အိမ်က ညစ်ပတ်နေတယ်လို့မဆိုလိုပါဘူး။ နောက်ပြီး ဟောင်းနေတယ်လို့လဲ သတ်မှတ်လို့မရပါဘူး။ ဂျပန်မှာက နှစ်တွေကြာသွားလဲ လက်ရှိခေတ်နဲ့ အညီ အဆောက်အအုံအတွင်းပိုင်းကိုအမြဲ တမ်း ပြန်လည်ပြင်ဆင် တတ်လို့ပါ။ အဆောက်အအုံတွေရဲ့ ခံနိုင်ရည်တွေကိုလဲ သေချာ ပြင်ဆင်ထားတာမို့လို့ ပြိုကျမှာလဲ စိတ်မပူရပါဘူး။ Reform ဆိုတာကတော့ အိမ်တွင်းပိုင်းကို ပြင်ဆင်ထားတာဖြစ်ပြီး၊ Renovation ဆိုတာကတော့ အတွင်းပိုင်း အပြင်းပိုင်းကို အကုန်လုံးသေချာ ပြင်ဆင်ထားတာ ဖြစ်ပါတယ်။ 

အိမ်အမျိုးအစားတွေကို သေချာစိစစ်ပါ။

ဂျပန်မှာတော့ ရှေးယခင်ကတည်းက အိမ်ဆောက်တဲ့ အချိန်မှာ သစ်သားကို အဓိက အသုံးပြုကြပါတယ်။ ဒါကြောင့် အိမ်ဟောင်းတော်တော်များများကတော့ သစ်သားကိုသုံးကြတာများပြားကြပါတယ်။ နောက်ပိုင်းမှာတော့ သံတွေ၊ သစ်သားတွေကို သုံးကြတာများပါတယ်။ အများအားဖြင့်လဲ သစ်သားနဲ့ဆောက်ထားတဲ့ အိမ်တွေကပိုပြီးတော့ စျေးသက်သာ ပါတယ်။ ဒါကြောင့် ဘာနဲ့ဆောက်‌ောက် အဆင်ပြေတဲ့သူတွေအတွက်တော့ သစ်သားနဲ့ဆောက်ထားတဲ့ အိမ်ကိုရွေးချယ်ရင် ပိုပြီးတော့ စျေးသက်သာလလို့ သက်သာတဲ့ဆောက်ထားတဲ့ အိမ်ကို‌ရွေးချယ်ဖို့ အကြံပေးချင်ပါတယ်။ 

ဂျပန်မှာ အိမ်ရှာတဲ့အချိန် သိထားသင့်တဲ့ အဆင့်နဲ့ လိုအပ်သော လုပ်ထုံးလုပ်နည်းများ

အိမ်ရှာတဲ့ အချိန်မှာ ‌အေဂျင်စီ ကုမ္ပဏီနဲ့ချိတ်ဆက်ရပါတယ်။ ကိုယ်လိုချင်တဲ့ အချက်တွေကိုသေချာပြောပြလိုက်ရင် လိုချင်တဲ့ အချက်အလက်တဲ့ကိုက်ညီတဲ့ အိမ်ကိုရှာဖွေပေးပါတယ်။ ဒါပေမယ့် အဆင့်တွေတော့ရှိပါတယ်။ ဒါကြောင့် ဒီဆောင်းပါးမှာတော့ အိမ်ငှား‌‌‌‌အေဂျင်စီ ကို အသုံးပြုပြီးတော့ အိမ်ရှာပုံ အဆင့်ဆင့် ကို ဖော်ပြသွားပါ့မယ်။ 

ကိုယ်လိုချင်တဲ့ အချက်တွေကို ကြိုတင်ဆုံးဖြတ်ပါ။

အိမ်ရှာဖွေတော့မယ်ဆိုရင် ကိုယ်လိုချင်တဲ့ အိမ်ရဲ့ အချက်အလက်တွေကို ကြိုတင် ဆုံးဖြတ်ဖို့လိုအပ်ပါတယ်။ ပထမဆုံး အိမ်လခ အတွက် ဘယ်လောက် အသုံးပြုမလဲ ဆိုတာကို အရင်ဆုံးဖြတ်ပါ။ အိမ်လခ က လစဥ်ပေးရင်မှာမို့လို မိမိလစာနဲ့ကိုက်ပြီး ဘယ်လောက်အသုံးပြုမလဲဆိုတာကိုသေချာချင့်ချိန် စဥ်းစားသင့်ပါတယ်။ 

အိမ်လခ ကိုသတ်မှတ်ပြီးရင် အိမ်အခြေအနေ ကိုစဥ်းစာပါ။ ဥပမာ ဘူတာနဲ့အကွာအဝေး၊ အိမ်သာနဲ့ ‌ရေချိုးခန်းသန့်သန့်၊ အိမ်ထောင်ပရိဘောဂ ပစ္စည်းအစသဖြင့် သေချာစဥ်းစားထားဖို့လိုအပ်ပါတယ်။ ကြိုတင်ပြီးဆုံးဖြတ်ထားရင် အိမ်ရှာဖွေရတာ ပိုပြီးလွယ်ကူမြန်ဆန်ပါတယ်။

ကိုယ်လိုချင်တဲ့ အချက်အလက်တွေ ဆုံးဖြတ်ပြီးသွားရင် ဝက်ဘ်ဆိုက်မှာ သွားရှာကြည့်ပါ။

အချက်အလက်တွေ ပြည့်စုံပြီဆိုရင် ဝက်ဘ်ဆိုက်မှာ အချက်အလက်တွေကိုထည့်ပြီး ရှာဖွေနိုင်ပါတယ်။ လိုချင်တဲ့ အခန်းကိုရှာတွေ့သွားပြီဆိုရင် တကယ် အိမ်ကို သွားကြည့်ဖို့ လျှောက်ထားလို့ရပါတယ်။ အိမ်ကိုကြည့်ကိုတော့ ဂျပန်လို 内見 (ないけん) လို့ခေါ်ပါတယ်။ နောက်ပြီး ဝက်ဘ်ဆိုက်အပေါ်မူတည်ပြီးတော့ တင်ထားတဲ့ အချက်အလက်တွေ မတူတာမို့ ဝက်ဘ်ဆိုက် အများကြီးကိုအသုံးပြုဖို့ အကြံပေးချင်ပါတယ်။ 

အိမ်ရှာဖွေ‌ရေး အေဂျင်စီနဲ့အတူတူ အိမ်အတွင်းပိုင်းကိုသွားကြည့်ပါ။ 

အိမ်အတွင်းပိုင်းကိုသွားရောက်ကြည့်ရှုဖို့လျှောက်ထားပါက အေဂျင်စီဘက်ကနေပြီးတော့ သင့်တော်မယ့် ရက်ကိုရွေးပေးပါလိမ့်မယ်။ တကယ် အိမ်မှာနေရဖို့က လုပ်ထုံးလုပ်နည်းတွေ၊ စစ်ဆေးမှုတွေ ရှိတာမို့ 内見 (ないけん)ကို အိမ်မငှားခင် ၁ လလောက်ကြိုပြီး လုပ်ထားဖို့ အကြံပေးချင်ပါတယ်။ ‌နောက်ပြီး 内見 (ないけん)သွားကြည့်တဲ့ အချိန်မှာ တံဆိပ်တုံး၊ စာရွက်စာတမ်း (နေထိုင်ခွင့် ကတ်ပြား ) စတဲ့အရာတွေကို တပါတည်းယူ‌ဆောင်သွားသင့်ပါတယ်။ ဘာလို့လဲဆိုတော့ သွားကြည့်တဲ့အိမ်ကို ကြိုက်ရင် တခါတည်း စာချုပ်ချုပ်လို့ရလို့ပါ။ 

အိမ်နေခွင့်လျှောက်ထားပြီး ရလာဒ်ကိုစောင့်ပါ။

အပေါ်မှာပြောခဲ့သလိုပဲ 内見 (ないけん) ကြည့်ပြီး အိမ်ကိုကြိုက်ရင် နေထိုင်ခွင့် （入居申請）လုပ်ဖို့လိုအပ်ပါတယ်။ နေထိုင်ခွင့် （入居申請） လုပ်ဖို့အတွက် လျှောက်ကြေး၊ စာရွက်စာတမ်း‌ တွေလိုအပ်ပါတယ်။ နောက်ပြီး ဂျပန်မှာတော့ အိမ်ငှားတဲ့ အချိန်မှာအာမခံ လိုအပ်တဲ့အတွက်ကြောင့်မို့လို အသိမိတ်ဆွေ တွေကိုအကူအညီ တောင်းဖို့လိုအပ်ပါတယ်။ တကယ်လို အသိမိတ်ဆွေမရှိပါက အာမခံကုမ္ပဏီကိုဆက်သွယ်ပြီး လုပ်ဆောင်နိုင်ပါတယ်။ နေထိုင်ခွင့် （入居申請）က ဖျက်လို့မရတာကြောင့် ကြိုတင်ပြီး သိလိုတဲ့အချက်အလက်တွေကို သေချာ မေးမြန်ပြီးမှလျှောက်ထားသင့်ပါတယ်။ နောက်ပြီး အိမ်ပိုင်ရှင်ဘက်ကတောင်းတဲ့ အချက်အလက်တွေကိုမှန်မှန်ကန်ကန်နဲ့ ပြည့်ပြည့်စုံစုံ ပို့ပေးရပါမယ်။ တကယ်လို့ အချက်အလက် မပြည့်စုံပါက နေထိုင်ခွင့် （入居申請）မအောင်ဘဲ မိမိ လိုချင်တဲ့ အိမ်ကိုမရဖြစ်တတ်တာကို သတိပြုစေချင်ပါတယ်။ 

အိမ်ငှားအေဂျင်စီနဲ့ စာချုပ်ချုပ်ဆိုပါ 

တကယ်လို့ နေထိုင်ခွင့် （入居申請）အောင်သွားပြီဆိုပါက အိမ်ငှားအေဂျင်စီနဲ့ စာချုပ်ချုပ်ဆိုရပါမည်။ စာချူပ်မှာတော့ အိမ်ငှားတဲ့ အခါမှာ သိထားရမယ့် အရေးကြီးနဲ့ အချက်အလက်တွေ၊ အိမ်နဲ့ ပတ်သက်တဲ့ အချက်အလက်တွေကိုသေချာ ရှင်းပြမှာမို့လို့ သေချာမှတ်စုနဲ့ မှတ်ထားစေချင်ပါတယ်။ စာချုပ်နဲ့ ပတ်သက်ပြီး အဆင်မပြေတာရှိရင် ချက်ချင်းပယ်ဖျက်နိုင်ပါတယ်။ စာချူပ်မှ လက်မှတ်ထိုးလိုက်ရင်တော့ စာချုပ်ချုပ်ဆိုတာ ပြီးဆုံးသွားပါပြီ။ နေထိုင်မယ့်နေ့မှာ အိမ်သော့ယူပြီး အိမ်ပြောင်းဖို့ ပြင်ဆင်နိုင်ပါပြီ။ 

အိမ်ရှာဖွေတဲ့ အချိန် သိထားသင့်တဲ့ ဂျပန်စကားနှင့် ဂျပန်စကားစုများ

အိမ်ရှာဖွေတဲ့ အချိန်မှာ တချို့ ဂျပန်စာ စကားလုံးတွေကို သိထားရင် ပိုပြီးတော့ လွယ်လွယ်ကူကူနဲ့ အိမ်ရှာဖွေနိုင်မှာပါ။ ဒါကြောင့် ဒီခေါက်မှာတော့ အိမ်ရှာတဲ့ အချိန်မှာ ဖြစ်စေ၊ စာချုပ်ချုပ်ဆိုတဲ့ အချိန်မှာဖြစ်စေ သိထားသင့်တဲ့ ဂျပန်စာ စကားလုံးတွေနဲ့ အဓိပ္ပာယ်တွေကို မိတ်ဆက်ပေးပါ့မယ်။ 

စာချုပ်မှာ တွေ့နိုင်တဲ့ စကားလုံးများ

• 不動産会社 （ふどうやさん） - အိမ်ခြံမြေအကျိုးတော်ဆောင်လုပ်ငန်း
• 普通賃貸借契約 (ちんたいしゃくけいやく) - ပုံမှန်အိမ်ငှားစာချုပ် ( ဂျပန်မှာပုံမှန်စာချုပ်ဖြစ်ပြီး အများအားဖြင့် ကာလ ၂ ခုနှစ်ဖြစ်ပြီး ၂ နှစ်ကြာရင် အလိုလိုသက်တမ်းတိုး။)
• 定期借家契約（ていきしゃっかけいやく）- သတ်မှတ်ကာလ အိမ်ငှားစာချုပ် (ပုံမှတ်စာချုပ်ကာလ ၁-၂ နှစ်ဖြစ်ပြီး အိမ်ရှင်အိမ်ငှား ညှိနှိုင်းပြီး စာချုပ်သက်တမ်းတိုးနိုင်။)
• 保証人（ほしょうにん）- အာမခံပေးမယ့်သူ။
• 保証会社　（ほしょうがいしゃ）- အာမခံကုမ္ပဏီ။
• 重要事項説明 （じゅうようじこうせつめい）- စာချုပ်နဲ့ ပတ်သက်ပြီးအရေးကြီးသောရှင်းပြချက်များ။
• 同居人（どうきょにん）- အတူတူနေမယ့်သူ။
• 火災保険（かさいほけん）- မီးဘေးအာမခံ။
• 家財保険（かざいほけん）- အိမ်သုံးပစ္စည်းအာမခံ။
• 礼金（れいきん）- Key Money 
• 管理費（かんりひ）- ထိန်းသိမ်းခ။
• 初期の費用　（しょきのひよう）- အစစချင်း ကုန်ကျစရိတ်။
• 敷金（しききん）- စပေါ်ငွေ။
• 申込金（もうしこみきん）- နေထိုင်ခွင့်လျှောက်ထားစရိတ်။ 

အိမ်အမျိုးအစားနှင့်ပတ်သက်သော စကားလုံးများ

• マンション - တိုက်ခန်းအကြီးစား။
• アパート - တိုက်ခန်း။
• シェアハウス - Share House 
• ルームシェア - Room Share
• 和室 （わしつ）- ဂျပန်စတိုင်အခန်း။
• 洋室 （ようしつ）- အနောက်တိုင်းစတိုင်အခန်း။
• L（リビング）- ဧည့်ခန်း။
• D（ダイニング）- ထမင်းစားခန်း။
• K（キッチン）- မီးဖိုချောင်။
• 1R（ワンルーム）- အခန်းတစ်ခန်းတည်းအိမ်။
• 宅配ボックス（たくはいボックス）- ပစ္စည်းပို့ဘောက်စ်။
• ごみ置き場（ごみおきば）- အမှိုက်ပစ်တဲ့နေရာ။

အကျဥ်းချုပ် 

ဒီနေ့မှာတော့ ဂျပန်မှာ အိမ်ရှာတဲ့အချိန်မှာ သိထားသင့်တဲ့ အချက်တွေနဲ့ အိမ်ရှာတဲ့ ‌‌‌‌အေဂျင်စီနဲ့ ဘယ်လို ပြုမှုရမလဲ ဆိုတဲ့ အချက်တွေကိုဖော်ပြခဲ့ပါတယ်။နောက်ပြီး အိမ်ရှာတဲ အချိန်ပိုပြီးတော့ လွယ်ကူစေဖို့ အိမ်ရှာတဲ့ အချိန် တွေ့ရများတဲ့ စကားလုံးတွေကိုဘဲ စူပေါင်းပြီးဖော်ပြခဲ့ပါ။ ဂျပန်မျာ အိမ်ရှာ၇တာ က အရမ်းလွယ်ကူတဲ့ အလုပ်မဟုတ်လို့ သေချာ အချိန်ယူစိစစ်ပြီး မိမိလိုချငိတဲ့ အိမ်ရဖို့ ရှာဖွေဖို့အကြံပေးချင်ပါတယ်။