ဒီဇင်ဘာသည် တစ်နှစ်တာ၏နောက်ဆုံးလဖြစ်သည်။ လူတော်တော်များများဟာ နှစ်သစ်ကူးအတွက် ပြင်ဆင်မှုတွေနဲ့ အလုပ်ရှုပ်နေကြပြီး နှစ်ကုန်မှာ ပြီးစီးအောင်လုပ်ချင်တဲ့ အလုပ်တွေ လုပ်ကြပါတယ်။
အလုပ်များလွန်းတာကို သတိပြုမိပါက ဒါဟာနှစ်ကုန်ရောက်ပြီလို့ပြောလို့ရပါတယ်၊
ဒီဇင်ဘာမှာလည်း ပွဲလမ်းသဘင် အမျိုးမျိုးရှိပါတယ်။
မာတိကာ
၁။ နှစ်ကုန်လက်ဆောင် (seibo)
၂။နှစ်သစ်အတွက် ပြင်ဆင်သည့်နေ့ နှင့် အထွေထွေသန့်ရှင်းရေးနေ့
၃။Touji(နေ့တာအတိုဆုံးနှင့်ညတာအရှည်ဆုံးနေ့)
၄။ခရစ္စမတ်
၅။နှစ်သစ်ကူးအကြိုရက်(အိုးမိဆိုက) (ဒီဇင်ဘာ ၃၁ ရက်)
၆။Toshikoshi ဆိုဘ ခေါက်ဆွဲကိုစားသုံးခြင်း
၁။ နှစ်ကုန်လက်ဆောင် (oseibo)
နှစ်ကုန်လက်ဆောင် (oseibo) သည် "နှစ်၏အဆုံးရောက်ခြင်း"ကိုဆိုလိုခြင်းဖြစ်သည်။
၎င်းသည် တစ်နှစ်တာ၏နှစ်ကုန်တွင် ဒီဇင်ဘာလအတွက် ရာသီစကားလုံးလည်းဖြစ်သည်။ ထို့အပြင် ၎င်းသည် ဘဝတွင် အသက်ကြီးသည့်အချိန်ဟုလဲအဓိပ္ပာယ်ဆို၍ရသည်။
ဂျပန်တွင် နှစ်ကုန်လက်ဆောင်များကို တစ်နှစ်တာ၏နှစ်ကုန်ဆုံးချိန်တွင် စောင့်ရှောက်ပေးခဲ့သူများကို ကျေးဇူးတင်ခြင်းသည့်အနေဖြင့်လက်ဆောင်ပေးပို့ခြင်းကိုနှစ်စဉ်ကျင်းပလေ့ရှိသည်။ ဤလက်ဆောင်ကို နှစ်ကုန်လက်ဆောင်ဟု ခေါ်တွင်ကြပြီး ယနေ့ခေတ်တွင် "နှစ်ကုန်လက်ဆောင်" ပေးသည်မှာဓလေ့ထုံးစံလိုဖြစ်လာသည်။
ဤသည်မှာကျေးဇူးတင်ထိုက်သူများအတွက် နှစ်ကုန်နှုတ်ခွန်းဆက်စကားဟုဆိုလို၍လဲရသည်။ Kanto ဒေသတွင် ဒီဇင်ဘာလအစမှ ဒီဇင်ဘာလ 25 ရက်နေ့အထိဖြစ်ပြီး Kanto ဒေသပြင်ပ တွင် ဒီဇင်ဘာ 13 ရက်မှ ဒီဇင်ဘာ 25 ရက်အထိဟု ယေဘူယျအားဖြင့်ဆိုကြသည်။မကြာသေးမီက နှစ်ကုန်လက်ဆောင်များ စတင်ပေးပို့ရမည့်အချိန်သည်သတ်မှတ်ချိန်အတိုင်းမဟုတ်တော့ပုံရသည်။ သို့သော် နောက်ကျမှရောက်လျှင် ယဥ်ကျေးမှုမရှိဟု လူအများက ထင်နေကြပုံရသည်၊ ထို့ကြောင့် ဒီဇင်ဘာ ၂၅ ရက်ကို နောက်ဆုံးထားပြီးရောက်အောင်ပို့ကြပါစို့။
စာရေးသူရွေးချယ်သောဆောင်းပါး
၂။နှစ်သစ်အတွက် ပြင်ဆင်သည့်နေ့ နှင့် အထွေထွေသန့်ရှင်းရေးနေ့
နှစ်သစ်အတွက် ပြင်ဆင်သည့်နေ့
ယခင်ခေတ်မှာ အိုးမဲတွေကိုသန့်ရှင်းရေးလုပ်ပြီး ထင်းရှူးကိုင်းများကိုကောက်တာ ထုံးစံပါပဲ။
ယခုအချိန်တွင်သန့်ရှင်းရေးကို ဘုရားကျောင်းများနှင့်နတ်ကွန်းများတွင် လုပ်ဆောင်ကြသော်လည်း သာမန်အိမ်ထောင်စုများတွင် အထွေထွေသန့်ရှင်းရေးအဖြစ် ပြောင်းလဲကာ ဓလေ့အဖြစ် ဆက်လက်တည်ရှိနေပါသည်။
ထင်းရှူးကောက်ခြင်းသည် တစ်နိုင်ငံလုံးနီးပါး ပျောက်ကွယ်လုနီးပါးဖြစ်နေပါပြီ။
အထွေထွေသန့်ရှင်းရေးနေ့ (ဒီဇင်ဘာလလယ်ပိုင်း)
အထွေထွေသန့်ရှင်းရေးနေ့သည် မူလက အိုးမဲဖယ်ရှားခြင်းဟုခေါ်သော နှစ်သစ်ကူးအတွက် ပြင်ဆင်မှုတစ်ခုဖြစ်သည်။
မီးသွေး (သို့) ထင်းကိုမသုံးတော့သောကြောင့် သာမန်အိမ်ထောင်စုများသည် အိုးမဲဖယ်ရှားခြင်းကို မပြုလုပ်တော့ဘဲ သန့်ရှင်းေရးကိုပဲလုပ်နေပုံရသည်။
အထွေထွေသန့်ရှင်းရေးကို တစ်ရက်အတွင်း အပြီးသတ်ရန် အလွန်ခက်ခဲသောကြောင့် ၎င်းအား ဒီဇင်ဘာလလယ်မှ ဒီဇင်ဘာလကုန်အထိ ရက်များစွာခွဲ၍လုပ်လျှင် ပိုကောင်းပါသည်။
၃။Touji(နေ့တာအတိုဆုံးနှင့်ညတာအရှည်ဆုံးနေ့)
၎င်းသည် တစ်နှစ်တာ၏ နေ့တာအတိုဆုံးနေ့နှင့် ညတာအရှည်ဆုံးညဖြစ်သည်။ ရွှေဖရုံသီးစားပြီး ဆောင်းရာသီမှာရှောက်သီးနဲ့ ရေချိုးတာကောင်းတယ်လို့ ဆိုကြပေမယ့် ဒါက အေးခဲကြမ်းတမ်းတဲ့ ဆောင်းရာသီကိုဘယ်လိုကျော်လွှားရမလဲဆိုတဲ့ ဘိုးဘေးဘီဘင်တွေရဲ့ အသိပညာဖြစ်ပုံရပါတယ်။
၄။ခရစ္စမတ်
ဂျပန်၏ ခရစ္စမတ်သမိုင်းသည် 1552 ခုနှစ်တွင် စတင်ခဲ့သည်ဟု ဆိုပါသည်။
အချိန်တစ်ခုတွင် Edo ခေတ်ရှေားဂွန်းများ ၏ ခရစ်ယာန်ဘာသာနှင့် ဒုတိယကမ္ဘာစစ်၏ အခြေအနေကြောင့် ခရစ္စမတ်ပွဲတော်မှာ ပျောက်ကွယ်သွားခဲ့သော်လည်း စစ်ပွဲအပြီးတွင် စီးပွားရေးဆိုင်ရာ ပွဲအခမ်းအနားတစ်ခုဖြစ်လာပြီး ယနေ့အထိ ဆက်လက်တည်ရှိနေပါသည်။
၅။နှစ်သစ်ကူးအကြိုရက်(အိုးမိဆိုက) (ဒီဇင်ဘာ ၃၁ ရက်)
နှစ်သစ်ကူးအကြိုနေ့သည် တစ်နှစ်တာ၏နောက်ဆုံးနေ့ဖြစ်သည်။
နှစ်သစ်ကူးအကြိုနေ့မှာ ပျော်ပွဲရွှင်ပွဲတွေသွားတာ ဒါမှမဟုတ် အိမ်ပြန်ပြီး မိသားစုတွေနဲ့ အချိန်ဖြုန်းတဲ့သူတွေ အများအပြားရှိပြီး ဂျပန်တစ်ဝှမ်းမှာ နှစ်သစ်ကြိုဆိုပွဲတွေ ကျင်းပကြပါတယ်။
Joya no kane ရဲ့ ခေါင်းလောင်းကို တီးပြီး ဒီနှစ်မှာ အပြစ်လုပ်မိတဲ့ စိတ်ကို ဆေးကြောပြီး နှစ်သစ်ကို ဖြူစင်တဲ့နှလုံးသားနဲ့ ကြိုဆိုတဲ့ ပွဲဖြစ်တယ်လို့ ဆိုကြပါတယ်။
၆။Toshikoshi ဆိုဘ ခေါက်ဆွဲကိုစားသုံးခြင်း
Toshikoshi soba သည် ကံကောင်းခြင်းကိုခေါ်ဆောင်သောအရာတစ်ခုအဖြစ် နှစ်သစ်ကူးအကြိုတွင် စားသုံးသော ဓလေ့တစ်မျိုးဖြစ်သည်။ နှစ်သစ်ကူးအကြိုညစာ ကို စားသုံးကြသူတွေဟာ ရွှင်လန်းချမ်းမြေ့ဖွယ် ခေါင်းလောင်းသံကို နားထောင်ရင်း နှစ်သစ်ကူး ကိုကြိုဆိုကြပါတယ်။
credit to 12月のイベント・行事・記念日・風物詩といえば - 日本文化研究ブログ - Japan Culture Lab (jpnculture.net)
