ဂျပန်မှာ အလုပ်လုပ်တဲ့ အချိန်မှာတော့ ဂျပန်စကားနှင့် ဂျပန်ယဥ်ကျေးမှုကို သိထားဖို့ အရေးကြီးပါတယ်။ ပြည်ပမှာရှိနေတဲ့ သူတွေအတွက် ဂျပန်လုပ်ငန်းခွင်သုံးစကားနှင့် လုပ်ငန်းခွင် အတွင်းမှာတွေ့ရတဲ့ ယဥ်ကျေးမှုတွေကို လေ့လာဖို့အတွက် ခက်ခဲပါတယ်။ ဒါကြောင့် ဒီဆောင်းပါးမှာတော့ ဂျပန်လုပ်ငန်းခွင်သုံး ဂျပန်စာနှင့် ဂျပန်နိုင်ငံရဲ့ လုပ်ငန်းခွင် ယဥ်ကျေးမှူတွေကိုလေ့လာနိုင်မယ့် ဝက်ဘ်ဆိုက်တွေကို စုစည်းပြီးတော့ ဖော်ပြလိုက်ပါတယ်။
မာတိကာ
Easy Japanese For Work
ဝက်ဘ်ဆိုက် - Easy Japanese for Work
ပထမဆုံးမိတ်ဆက်ပေးမယ့် ဝက်ဘ်ဆိုက်ကတော့ Easy Japanese For Work လို့ခေါ်တဲ့ NHK ရဲ့ အစီအစဥ်တစ်ခုကို မိတ်ဆက်ပေးချင်ပါတယ်။ ဒီအစီအစဥ်မှာတော့ နာမည်အတိုင်းပဲ ဂျပန်နိုင်ငံရဲ့ လုပ်ငန်းခွင်မှာ သုံးတဲ့ ဂျပန်စာကို သေချာ လေ့လာနိုင်မှာဖြစ်ပါတယ်။ စကားပြောလေးတွေကို ဗီဒီယိုဖိုင်နဲ့ ကြည့်ရှုရမှာဖြစ်ပြီးတော့ ဒီဗီဒီယိုကနေ တဆင့် သင်ယူလေ့လာနိုင်မှာဖြစ်ပါတယ်။ ဒီသင်ယူလေ့လာနိုင်တဲ့ အထဲမှာလဲ အစီအစဥ်တွေ အများကြီးရှိပါတယ်။
လောလာနိုင်မယ့် ဗီဒီယို သင်ခန်းစာပေါင်း လက်ရှိအချိန် (၂၀၂၄ ခုနှစ်၊ဇူလိုင်လ၊ ၂၄ရက်နေ့)အထိမှာတော့ သင်ခန်းစာပေါင်း ၄၈ ခုရှိပါတယ်။
ပထမဆုံး စကားပြောတွေကို ဝါကျအလိုက်ပြန်ရှင်းပြထားပါတယ်။ နောက်ပြီးတော့ အသုံးအနှုန်းတွေကိုတော့ ဘယ်အချိန်မှာ အသုံးပြုရမလဲဆိုတဲ့ အချက်ကိုပါဖော်ပြထားပါတယ်။ ဝါကျတွေကို လေ့လာနေရင်း စကားပြောတွေကိုပါပြန်လည်ပြီးတော့ ကြည့်ရှုနိနိုင်ပါသေးတယ်။ နောက်ပြီးတော့ ဂျပန်စာ အရမ်းမရ တဲ့သူတွေအတွက် အထောက်အကူပြုတဲ့ အနေနဲ့ Hiragana Kanji နှစ်မျိုးကိုရွေးချယ်ပြီးတော့ ကြည့်ရှုနိုင်ပါသေးတယ်။
နောက်ပြီးတော့ စကားပြောတွေထဲမှာပါဝင်တဲ့ ခန်းဂျိတွေကို တစ်လုံးချင်းစီ အသေးစိတ်လေ့လာနိုင်မှာဖြစ်ပါတယ်။ ခန်းဂျိတွေကိုလေ့လာတဲ့အချိန်မှာလဲ ခန်းဂျိကိုအသေးစိတ်သာမက ခန်းဂျိနှင့် ပါဝင်ပတ်သက်နေတဲ့ စကားလုံးတွဲတွေကိုပါလေ့လာနိုင်မှာဖြစ်ပါတယ်။ ဒါ့အပြင်အလုပ်မှာ အသုံးပြုမယ့် စကားလုံးတွေရဲံ အသုံးအနှုန်းကို အကျယ်ဖွင့်ပြီး ရှင်းပြမှာဖြစ်ပါထားတဲ့ အတွက်ကြောင့်မို့လို့ ထဲထဲဝင်ဝင် လေ့လာနိုင်မှာဖြစ်ပါတယ်။
စာရေးသူရွေးချယ်သောဆောင်းပါး
Nihongo de Care Navi
ဝက်ဘ်ဆိုက် - Nihhongo de Care-navi
နောက်ဝက်ဘ်ဆိုက်တစ်ခုကတော့ ဂျပန်နိုင်ငံမှာ ခိုင်းဂေါ့လုပ်မယ့်သူတွေအတွက် အသုံးဝင်မယ့် ဂျပန်စကားလုံးတွေကို သေချာလေ့လာနိုင်မယ့် ဝက်ဘ်ဆိုက်ဖြစ်ပါတယ်။ ခိုင်းဂေါ့နဲ့ ပတ်သက်တဲ့စကားလုံးတွေကို ပုံစံ မျိုးစုံနဲ့လေ့လာနိုင်မှာဖြစ်တဲ့အတွက်ကြောင့်မို့လို့ ခိုင်းဂေါ့အလုပ်လုပ်မယ့်သူတွေအတွက် ထိထိရောက်ရောက် လေ့လာနိုင်တဲ့ဝက်ဘ်ဆိုက် တစ်ခုဖြစ်ပါတယ်။ ဝက်ဘ်ဆိုက်မှာတော့ အဓိကအားဖြင့် လေ့လာနိုင်မယ့် နေရာ၃ နေရာပါဝင်ပါတယ်။ အသေးစိတ်ကိုကြည့်လိုက်ကြရအောင်။
ဒီဝက်ဘ်ဆိုက်မှာတော့ ဂျပန်ဘာသာစကားနှင့် အင်္ဂလိပ်ဘာသာစကား ဘာသာစကားနှစ်မျိုးနဲ့ လေ့လာနိုင်တဲ့ အကြောင်းအရာဖြစ်ပါတယ်။ ဒါကြောင့်မို့လို့ ဂျပန်စကား အရမ်းမရတဲ့သူတွေအတွက်လဲ အဆင်ပြေနိုင်မှာဖြစ်ပါတယ်။ လေ့လာနိုင်တဲ့ အကြောင်းအရာ ၃ ခုကတော့
- ことばを調べる - စကားလုံးတွေကိုရှာဖွေခြင်း။
- タグナビ - သိချင်တဲ့ စကားလုံးတွေကိုပေါင်းစပ်ပြီးရှာဖွေခြင်း။
- 例文をさがす - ဥပမာစာကြောင်းများကိုရှာဖွေခြင်း။
ပထမဆုံး တစ်ခုကတော့ ことばを調べる - စကားလုံးတွေကိုရှာဖွေခြင်း။ ဖြစ်ပါတယ်။ ဥပမာ 介護ဆိုတဲ့ စကားလုံးကိုရှာကြည့်လိုက်မယ်ဆိုရင်တော့ ဒီစကားလုံးပါဝင်တဲ့ စကားလုံးတွေ စုစုပေါင်း ၂၂ လုံးကိုမြင်ရမှာဖြစ်ပြီးတော့ တစ်ခုချင်းစီကို ဘာသာပြန်စကားလုံးတွေနှင့် လေ့လာနိုင်မှာဖြစ်ပါတယ်။ နောက်ပြီးတော့ အသံထွက်ကလဲ အသံထွက်ကိုလဲ AI နဲ့လုပ်ထားတာမျိုးမဟုတ်ဘဲ လူကနေ ထွက်တဲ့ အသံဖြစ်တဲ့ အတွက်ကြောင့်မိုလို့ ပိုပြီးတော့ သဘာဝ ဆန်ဆန်လေ့လာနိုင်မှာဖြစ်ပါတယ်။
နောက်တစ်ခုကတော့ タグナビ ဆိုတဲ့နေရာဖြစ်ပြီးတော့ ဒီကနေပြီးတော့ စကားလုံးတွေကို တွဲဖက်ပြီးတော့ ပိုပြီးကျယ်ကျယ်ပြန့်ပြန့်ရှာဖွေနိုင်မှာဖြစ်ပါတယ်။ タグを始めるဆိုတာကိုနိုပ်လိုက်ရင်စကားလုံးတွေအများကြီးကျလာမှာဖြစ်ပြီးတော့ရှာချင်တဲ့စကားလုံးတွေကိုနိုပ်ပြီးရှာနိုင်ပါတယ်။နောက်ပြီးတော့ ကိုယ့်ရှာလိုက်တဲ့ စကားလုံးအတိုင်း ရှာလိုက်ရင်စကားလုံးအရေအတွက်တွေ ပေါ်ထွက်လာပြီးတော့ဒီထွက်လာတဲ့ စကားလုံးတွေကိုတော့Quiz တွေအနေနဲ့ ပြန်ပြီးလေ့လာနိုင်ပါသေးတယ်။
နောက်ဆုံးတစ်ခုကတော့ 例文をさがす ဆိုတဲ့ နေရာဖြစ်ပြီးတော့ဥပမာစာကြောင်းတွေကို ရှာဖွေနိုင်ပါတယ်။ဒီ ဥပမာစာကြောင်းတွေကိုတော့ 場面 (bamen) -ဘယ်အချိန်မှာ誰に (dareni) - ဘယ်သူ့ကိုပြောရမလဲ ဆိုတာကိုရွေးပြီးတော့ ပိုပြီးတော့ သဘာဝ ဆန်တဲ့ စကားပြောတွေကို ရှာနိုင်ပါတယ်။
TSUNAHIRO
ဝက်ဘ်ဆိုက် - TSUNAHIRO
နောက်ထပ် ဝက်ဆိုက်တစ်ခုကတော့ TSUNAHIRO လို့ခေါ်တဲ့ ဝက်ဘ်ဆိုက်တစ်ခုဖြစ်ပါတယ်။ ဒီဝက်ဘ်ဆိုက်ကတော့ ဂျပန်နိုင်ငံရဲ့ ပညာရေး၊ ယဥ်ကျေးမှု၊အားကစား၊ သိပ္ပံနှင့် နည်းပညာ ဝန်ကြီးဌာန (MEXT) ကနေပြီးတော့ထုတ်ထားတဲ့ ဝက်ဘ်ဆိုက်ဖြစ်ပါတယ်။ ဒီဝက်ဘ်ဆိုက်မှာတော့ ဂျပန်နိုင်ငံမှာနေထိုင်တဲ့ အချိန်မှာလိုအပ်တဲ့ ဗဟုတ်သုတ တွေ အပြင် ဂျပန်ဘာသာစကားကိုပါ ထဲထဲဝင်ဝင်လေ့လာနိုင်မှာဖြစ်ပါတယ်။ မြန်မာဘာသာစကားအပါအဝင် ဘာသာစကားပေါင်း ၁၈ ခုနှင့်လေ့လာနိုင်တဲ့ အတွက်ကြောင့် ပိုပြီးတော့ ထိထိရောက်ရောက်ဖြင့် လေလာနိုင်မှာဖြစ်ပါတယ် အသေးစိတ်ကိုကြည့်လိုက်ကြရအောင်။
ပထမဆုံး အနေနဲ့ အလက်တတွေ့ အသုံးဝင်တဲ့ ဂျပန်စာ စကားစုတွေကို လေ့လာနိုင်မယ့်နေရာဖြစ်ပါတယ်။ ဒီနေရာမှာတော့ တဖက်လူကို စကားစပြောတဲ့ အချိန်မှာ၊ စျေးဝယ်တဲ့အချိန်မှာ၊ ပစ္စည်းမှာယူတဲ့ အချိန်မှာ အစသဖြင့် အခြေအနေ တွေအပေါ်မူတည်ပြီးတော့ သဘာဝကျကျ အသုံးပြုနိုင်တဲ့ ဂျပန်စကားလုံးတွေကို တစ်စုတစ်စည်းတည်းလေ့လာနိုင်မှာဖြစ်ပါတယ်။ အဆင့် ၃ ဆင့်ခွဲထားပြီးတော့ အဆင့်တွေမြင့်လာတာနဲ့ ပိုပြီးတော့ အသုံးအနှုန်းတွေက ပိုပြီးခက်ခဲ သဘာဝကျလာမှာဖြစ်ပါတယ်။
ဂျပန်ဘာသာစကားအပြင် ဂျပန်နိုင်ငံမှာ နေထိုင်တဲ့ အချိန်မှာ သိထားသင့်တဲ့ အခြေအခံအမူအရာတွေကိုပါလေ့လာနိုင်ပါတယ်။ လေ့လာတဲ့ အချိန်မှာလဲ မိမိရဲ့ ဂျပန်စာ အရည်အချင်းအပေါ်မူတည်ပြီးတော့ အကြောင်းအရာတွေကိုရွေးချယ်နိုင်ပါတယ်။ နောက်ပြီးတော့ အကြောင်းအရာတွေကို ဗီဒီယိုနှင့်လေ့လာနိုင်တဲ့ အတွက်ကြောင့်မို့လို့ ပိုပြီးတော့ လွယ်လွယ်ကူပိုပြီးတော့လေ့လာနိုင်မှာဖြစ်ပါတယ်။
နောက်တချက်ကတော့ ဒီဝက်ဘ်ဆိုက်မှာဆိုရင်တော့ ဂျပန်နိုင်ငံမှာ နေထိုင်တဲ့ အချိန်မှာ လိုအပ်တဲ့ ဗဟုသုတတွေကိုလဲ သေချာလေ့လာနိုင်မှာဖြစ်ပါတယ်။ လေ့လာတဲ့ အချိန်မှာလဲ ဗီဒီယိုတွေနှင့်သေသေချာချာ လေ့လာနိုင်တဲ အတွက်ကြောင့်မိုလို့ ပိုပြီးတော့ လွယ်ကူပါတယ်။ ဥပမာ ရပ်ကွက်ရုံးသွားတဲ့ အချိန်လုပ်ရမယ့် အချက် အစသဖြင့်တွေကို ဂျပန်နိုင်ငံမှာသိထားသင့်တဲ့ အချက်တွေကိုလေ့လာနိုင်မှာဖြစ်ပါတယ်။
သာမန် ဂျပန်ဘာသာစကားနှင့် ဂျပန်နိုင်ငံမှာ နေထိုင်တဲ့ အချိန်သိထားသင့်တဲ့ အကြောင်းအရာတွေ အပြင် ဂျပန်ဘာ ဂျပန်ဘာသာစကားကို ထဲထဲဝင်ဝင်လေ့လာနိုင်တဲ့ ကော်လံ ကိုပြင်ဆင်ထားပါတယ်။ဒီကော်လံနှင့်ပတ်သက်ပြီးတော့ အထောက်ကူပစ္စည်းတွေကိုလဲ အခမဲ့ ဒေါင်းလုတ်ဆွဲပြီးကြည့်ရှုနိုင်ပါတယ်။
Wexpats
📌仕事×単語まとめ အလုပ်နဲ့ ပတ်သက်တဲ့ ဂျပန်စာပေါင်းချုပ်📌 📌အသစ်တင်တဲ့ ပို့စ်တွေကိုလဲ ဒီပို့စ်မှာပေါင်းထည့်သွားပါ့မယ်။ ဂျပန်မှာ...
Posted by WeXpats Myanmar on Friday, March 8, 2024
နောက်ဆုံးမိတ်ဆက်ပေးချင်တဲ့နေရာကတော့ WeXpats ဖြစ်ပါတယ်။ WeXpats Guide ရဲ့ အလုပ်အကိုင်ရှာဖွေခြင်းဆိုတဲ့ နေရာကိုကြည့်လိုက်မယ်ဆိုရင် ဂျပန်နိုင်ငံမှာ ဗီဇာ အမျိုးမျိုးနဲ့ အလုပ်အကိုင်ရှာဖွေနည်းတွေသာမက ဂျပန်နိုင်ငံရဲ့ အလုပ်ယဥ်ကျေးမှု အကြောင်းတွေကိုပါ အမျိုးအမျိုးတင်ပြနေတဲ့ အတွက်ကြောင့်မို့လို့ သေချာပေါက် Follow လုပ်ထားရမှာဖြစ်ပါတယ်။ အများအားဖြင့် ဂျပန်လုပ်ငန်းခွင်မှာ အသုံးချတဲ့ ဂျပန်စကားတွေ အပြင် ဂျပန်မှာအလုပ်လုပ်ဖို့ အတွက် လိုအပ်မယ့် ဂျပန်စကားတွေကိုပါဖော်ပြထားပါတယ်။
