မိမိအဓိကလုပ်ကိုင်လိုသောအလုပ်အမျိုးအစားနှင့်အလုပ်နေရာကိုလုပ်ကိုင်နိုင်ရန်အတွက်ထိုအလုပ်တွင်လိုအပ်သောအောင်လက်မှတ်ကိုယူထားရင်အဆင်ပြေမှာပါ။ဒါကြောင့်စီးပွားရေးကျောင်းတက်သူများသည်လည်းစီးပွားရေးမေဂျာနှင့်သက်ဆိုင်သောဘာသာရပ်များထဲမှမိမိလုပ်ကိုင်လိုသောဘာသာရပ်နှင့်သက်ဆိုင်သောလက်မှတ်များကိုယူထားသင့်ပါတယ်။ဂျပန်မှာအလုပ်လုပ်ဖို့အတွက်တက္ကသိုလ်၊ဆန်းမွန်းဆိုတဲ့ကျောင်းပြီးရမည့်အပြင်မိမိလုပ်ကိုင်မည့်အလုပ်အတွက်လိုအပ်တဲ့အရည်အချင်းများရှိသင့်ပါတယ်။နိုင်ငံခြားသားများအဖို့အလုပ်မဝင်ခင်ဒီပြင်အရည်အချင်းအောင်လက်မှတ်များလိုအပ်ပြီး၊ဂျပန်လူမျိုးများအတွက်ပါလိုအပ်ချက်များစွာရှိပါတယ်။မိမိမှာသူများထက်အောင်လက်မှတ်နဲ့ဒီပြင်အရည်အချင်းရှိပါကအလုပ်ရဖို့အတွက်အားသာချက်တစ်ခုဖြစ်လာပါမည်။ဥပမာအနေနဲ့အင်္ဂလိပ်စကားကျွမ်းကျင်ဖို့လိုအပ်သောနိုင်ငံခြားနဲ့ပတ်သက်တဲ့အရောင်းပိုင်းလုပ်ငန်းများနဲ့အိုင်တီလုပ်ငန်းများအတွက်အင်္ဂလိပ်စာအရည်အချင်းရှိထားခြင်း၊မိမိမှာအောင်လက်မှတ်ရှိထားခြင်းကအလုပ်ရရှိဖို့ရာခိုင်နှုန်းပိုများပါတယ်။အခုနောက်ပိုင်းမှာအလုပ်အတွက်လိုအပ်တဲ့လေ့လာမှုတွေမှာအများကြီးပေါ်ပေါက်လာပြီးအင်တာနက်ပေါ်ကနေရှာပြီးတော့လည်းလေ့လာမှုတွေပြုလုပ်နိုင်ပါတယ်။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
TOEICအောင်လက်မှတ်နဲ့ပတ်သက်ပြီး
TOEICဆိုတာကတော့မြန်မာနိုင်ငံမှာလူသိများတဲ့TOFEL&IELTSတို့နဲ့အတူတူလောက်ပါပဲ။ဂျပန်မှာတော့တိုးအိခုလို့လူခေါ်များပါတယ်။နှစ်စဉ်ဖြေဆိုမှုအများဆုံးဖြစ်ပါတယ်။လူကြိုက်များသောလက်မှတ်ဖြစ်ပါတယ်။အောင်/ရှုံးမရှိပါ။မိမိရရှိသောအမှတ်အလိုက်ဘယ်အရည်အချင်းရှိသည်ဆိုတာကိုသတ်မှတ်ကြပါတယ်။အမှတ်၅၀၀မှ၅၉၅အထိရရှိသူများကိုတော့ယခုနောက်ပိုင်းဂျပန်ကုမ္ပဏီများဘက်ကလိုအပ်သောအင်္ဂလိပ်စာအရည်အချင်းအဆင့်အဖြစ်သတ်မှတ်ထားပါတယ်။ဟိုတယ်နှင့်ခရီးသွားလုပ်ငန်းများ၊ဝန်ဆောင်မှုလုပ်ငန်းများတွင်နှင့်တိုက်ရိုက်ထိတွေ့ဆက်ဆံရသောလုပ်ငန်းများတွင်လုပ်ကိုင်လိုသူများအတွက်ကတော့မဖြစ်မနေရယူသင့်သောအမှတ်ဖြစ်ပါတယ်။အမှတ်၇၀၀အထက်ကတော့စီးပွားရေးသုံးအဆင့်လို့သတ်မှတ်ထားပါတယ်။လေ့လာမှုအနေနဲ့ရမှတ်၄၅၀ကနေ၆၅၀အထိရည်မှန်းထားသည်ဆိုပါကလိုအပ်သောစာလေ့လာမှုကြာချိန်နာရီ၄၅၀လိုအပ်ပါတယ်။တစ်လလျှင်နာရီ၅၀စာလေ့လာရန်လိုအပ်ပြီးအဲဒီလေ့လာမှုကို၉လဆက်တိုက်ပြုလုပ်ရမှာဖြစ်ပါတယ်။ရမှတ်၇၅၀အထိအောင်မြင်ချင်တဲ့သူတွေအနေနဲ့စာလေ့လာချိန်နာရီ၉၅၀အထိလိုအပ်ပါတယ်။အဓိကမိမိရည်မှန်းထားတဲ့ရမှတ်ကိုရဖို့စာလေ့လာမှုအချိန်ကိုသီးသန့်သတ်မှတ်ထားပြီးလေ့လာမှုများစွာပြုလုပ်သင့်ပါတယ်။
စာရေးသူရွေးချယ်သောဆောင်းပါး
日商簿記(にっしょうぼき)အောင်လက်မှတ်နဲ့ပတ်သက်ပြီး
စီးပွားရေးအထူးပြုဘာသာရပ်ကျောင်းသားများအတွက်အခက်ဆုံးနှင့်အောင်လက်မှတ်ရရှိထားပါကအလုပ်လျှောက်ထားရလွယ်ကူသောစာမေးပွဲဖြစ်ပါတယ်။Levelအနေနဲ့4,3,2,1စသည်ဖြင့်ရှိပါတယ်။level1ကအမြင့်ဆုံးဖြစ်ပါတယ်။တစ်နှစ်ပတ်လုံးတွင်2လ၊6လနှင့်11လပိုင်းများတွင်Level3,2စာမေးပွဲများရှိပြီးLevel1ကတော့6လနှင့်11လပိုင်းတစ်နှစ်တွင်၂ကြိမ်သာကျင်းပပါတယ်။Level4ကတော့အလယ်တန်းအထက်တန်းကျောင်းသားများသာဖြေဆိုလေ့ရှိကြပြီးLevel3မှစ၍ဆန်းမွန်း၊တက္ကသိုလ်ကျောင်းသားများနှင့်ကုမ္ပဏီဝန်ထမ်းများဝင်ရောက်ဖြေဆိုလေ့ရှိကြပါတယ်။level3အောင်လက်မှတ်ရှိထားသည်ဆိုရင်ကိုတော်တော်အသိအမှတ်ပြုထားပါတယ်။အထူးသဖြင့်နိုင်ငံခြားသားကျောင်းသားများအောင်လက်မှတ်ရရှိထားပါကအလုပ်လျှောက်ထားရာတွင်များစွာအထောက်အကူဖြစ်စေမှာပါ။Level2အောင်မြင်ပါကဂျပန်ကုမ္ပဏီစာရင်းဌာနတွင်အလုပ်လုပ်ကိုင်နိုင်ပါတယ်။တချို့သောကုမ္ပဏီများသည်နိုင်ငံခြားသားကျောင်းသားဆိုပါကLevel3နှင့်ပင်အလုပ်ခန့်အပ်ကြပါတယ်။အကြင်းဖျင်းစာလေ့လာမှုအနေနဲ့level3အောင်မြင်ဖို့အတွက်စာလေ့လာချိန်နာရီ50အထက်လိုအပ်ပါတယ်။နိုင်ငံခြားများအဖို့ပိုပြီးလေ့လာဖို့လိုအပ်ပါတယ်။level2အနေနဲ့နာရီ100အထက်လေ့လာမှုလိုအပ်ပါတယ်။လေ့လာတဲ့လူအပေါ်လိုက်စာလုပ်ချိန်ကွာခြားသွားနိုင်ပါတယ်။တစ်ရက်မှာတစ်နာရီလေ့လာမယ်ဆိုရင်တော့level3ကို2လနေ3လကြာလေ့လာရုံဖြင့်အောင်မြင်နိုင်ပါတယ်။level2အနေနဲ့စာမေးပွဲမဖြေခင်3လကနေ5လကြာလေ့လာခြင်းကအကောင်းဆုံးဖြစ်ပါတယ်။
အိုင်တီနဲ့ပတ်သက်ပြီးပြင်ဆင်ထားသင့်တဲ့အချက်များ
ITသမားများလည်းမိမိကျောင်းမှရရှိသောဘွဲ့လက်မှတ်တစ်ခုသာလျင်ရှိပါကအလုပ်လျှောက်ထားရာတွင်အနည်းငယ်အခက်အခဲရှိနိုင်ပါတယ်။မိမိလေ့လာနေသောဘာသာရပ်နှင့်သက်ဆိုင်သောအောင်လက်မှတ်များကိုဆရာများနှင့်တိုင်ပင်ပြီးဖြေဆိုရယူထားဖို့လိုအပ်ပါတယ်။ITသမားများအနေဖြင့်နောက်တစ်ခုအကြံပြုချင်တာကမိမိလေ့လာနေသောဘာသာရပ်နှင့်သက်ဆိုင်သောအရာတစ်ခုလောက်ကိုယ်ပိုင်စိတ်ကူးနဲ့လုပ်ဆောင်ထားပြီးအလုပ်လျှောက်ထားရာအတွက်ပြင်ဆင်ထားပါကအလုပ်လျှောက်ထားရာတွင်ပိုမိုအဆင်ပြေနိုင်ပါတယ်။။ဥပမာ-ကိုယ်ပိုင်ဖန်တီးထားတဲ့AndroidPhoneApplication၊WebDesignerလုပ်ချင်သူများအနေဖြင့်ကိုယ်ပိုင်စိတ်ကူးနဲ့ဖန်တီးထားသော Web Page စသည်ဖြင့် ပြသနိုင်ပါက အင်တာဗျူးတွင် အမေးခံရသောအခါပြသနိုင်ပြီးဖြေဆိုအောင်မြင်နိုင်မည်လို့ထင်ပါတယ်။အိုင်တီနဲ့ပတ်သက်တဲ့ကျွမ်းကျွမ်းကျင်ကျွင်တတ်မြောက်ထားတဲ့ဆိုတဲ့အောင်လက်မှတ်ရှိထားခြင်းကအလုပ်ရနိုင်ချေရာခိုင်နှုန်းပိုများပါတယ်။အကြမ်းဖျင်းအားဖြင့်အိုင်တီသမားအနေနဲ့နာရီ၅၀အထက်လေ့လာနိုင်မယ်ဆိုရင်လုံလောက်မယ်ထင်ပါတယ်။နေ့တိုင်း၃နာရီအထက်လေ့လာမယ်ဆိုရင်၃ပတ်ဆိုတဲ့အချိန်တိုအတွင်းစာမေးပွဲအောင်လက်မှတ်အထိရယူနိုင်မှာဖြစ်ပါတယ်။
ယဥ်မောင်းလိုင်စင်အတွက်ပြင်ဆင်သင့်သောအချက်များ
ဂျပန်ကုမ္မဏီမှာအလုပ်လျှောက်တဲ့အခါဂျပန်စာအရည်အချင်းအပြင်ယဥ်မောင်းလိုင်စင်ရှိမရှိကလည်းအရေးကြီးပါတယ်။စာမေးပွဲအနေနဲ့ယဥ်မောင်းလိုင်စင်အတွက်ကားစည်းကမ်း၊ကားအကြောင်းအရာတွေနဲ့ပတ်သက်တဲ့မေးခွန်းအပုဒ်ရေ၅၀ဖြေရပါတယ်။အဲ့ဒီထဲမှာမှမေးခွန်း၄၅ပုဒ်အထက်အမှန်မှစာမေးပွဲအောင်ပါတယ်။စာမျက်နှာပေါင်း၃၀၀နီးပါးရှိတဲ့စည်းမျဉ်းစာအုပ်ကိုနားလည်အောင်ဖတ်ပြီး၊စာမေးပွဲမေးခွန်းအပုဒ်၅၀၀လောက်ကိုလေ့ကျင့်ရပါတယ်။သင်မောင်းလိုင်စင်အတွက်လက်တွေ့ဖြေဆိုနေစဥ်မှာယာဥ်ထိန်းရဲကဘေးမှာထိုင်ပြီးသင်မောင်းကွင်းထဲမှာလက်တွေ့မောင်းပြရပါတယ်။အမှတ်၁၀၀မှတ်ထဲကနေအမှားတစ်ခုတွေ့တာနဲ့အမှတ်နှုတ်သွားပါတယ်။အမှတ်၇၀အထက်ရမှအောင်ပြီးသေသေချာချာမောင်းတတ်ပြီလို့ယူဆရမှသင်မောင်းလိုင်စင်ရပါတယ်။လက်တွေ့သင်မောင်းစာမေးပွဲလည်းမနက်တကြိမ်နေ့လည်တကြိမ်စာမေးပွဲရှိပါတယ်။လက်တွေ့စာမေးပွဲကတော့မနက်ပိုင်းဖြေလို့မအောင်ခဲ့ရင်နေ့လည်ပိုင်းဖြေလို့မရပါဘူး။နောက်ရက်ထပ်ပြီး စာရင်းသွင်းရပါတယ်။လက်တွေ့လေ့ကျင့်စာမေးပွဲအတွက်တစ်ခုပြီးတစ်ခုလေ့ကျင့်နိုင်ဖို့အတွက်မိနစ်၂၀ကနေ၃၀အထိအကြိမ်ကြိမ်အခါခါလေ့ကျင့်မှုများပြုလုပ်သင့်ပါတယ်။စာတွေ့မေးခွန်းလေ့ကျင့်မှုများအတွက်အားလုံးမှန်ကန်ဖို့လေ့ကျင့်မယ်ဆိုရင်၄နာရီကနေ၆နာရီကျော်အထိလေ့လာမှုများလိုအပ်ပါသည်။
ဂျပန်မှာ အလုပ်လျှောက်ဖို့ Japan CV Resume (履歴書) ကို ဘယ်လိုရေးကြမလဲ။
.png)
