အင်တာဗျူးမဝင်ခင်ပြင်ဆင်မှုများ(Preparing for the interview)
အင်တာဗျူးဖြေဆိုတဲ့ အချိန်မှာ ကြိုတင်ပြင်ဆင်ထားရင် ပိုပြီးတော့ ချောချော မွေ့မွေ့အဆင်ပြေစွာဖြေဆိုနိုင်မှာ ဖြစ်ပါတယ်။ အင်တာဗျူးအကြောင်းအရာ၊ မေးပုံမေးနည်းတွေ ကတော့ အလုပ်အပေါ်မူတည်ပြီး ပြောင်းလဲ နိုင်ကောင်းပြောင်းလဲ နိုင်ပါတယ်။ ဒါပေမယ့် ကြိုတင်ပြင်ဆင်ရမယ့် အကြောင်းအရာတွေကတော့ ဘယ်အင်တာဗျူးမဆို တူညီတဲ့ပြင်ဆင်မှုတွေကို ပြုလုပ်ဖို့လိုအပ်ပါတယ်။ ဒါကြောင့် ဒီဆောင်းပါးမှာတော့ အင်တာဗျူးမတိုင်ခင်မှာ ပြုလုပ်ထားသင့်တဲ့ပြင်ဆင်မှုတွေနဲ့ သတိထားသင့်တဲ့ အချက်တွေကိုထည့်သွင်းဖော်ပြသွားပါမယ်။
- အလုပ်ခေါ်စာကို သေချာဖတ်ပါ။
- အလုပ်အကြောင်းနဲ့ ကုမ္ပဏီ အကြောင်းကို သေချာလေ့လာပါ။
- အင်တာဗျူးမှာ မေးများတဲ့ မေးခွန်းတွေနဲ့ အဖြေတွေ ကို သေချာ ပြင်ဆင်စဥ်းစားပါ။
- အင်တာဗျူးမယ် သူကို ပြန်မေးမယ့် မေးခွန်း ကိုကြိုတင်ပြင်ဆင်ပါ။
- ယူဆောင်သွားရမယ့် ပစ္စည်းတွေကို သေချာ စိစစ်ပြီး ယူဆောင်ပါ။
- အင်တာဗျူးဖြေမယ့် နေရာနဲ့ သွားမယ့် နည်းလမ်းတွေ ကို ကြိုတင်သေချာစိစစ်ထားပါ။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
အလုပ်ခေါ်စာကို သေချာဖတ်ပါ။
အင်တာဗျူးမှာ ပြင်ဆင်ရမယ့် ပထမဆုံးအချက်လို့ပြောရရင် ကိုယ်လျှောက်မယ့် အလုပ်ရဲ့ အလုပ်ခေါ် စာပို အသေးစိတ် သေချာ ဖတ်ဖို့ဖြစ်ပါတယ်။ အလုပ်ခေါ် စာမှာ အလုပ်အကြောင်းအရာနဲ့ ပတ်သက်တဲ့ အကြောင်းအရာတွေနဲ့ လုပ်ငန်းအကြောင်းကို အသေးစိတ် သေချာရေးထားတာမို့လို့ ဒီအကြောင်းအရာတွေကိုမူတည်ပြီး အသေးစိတ် ပြင်ဆင်ရမယ့် အချက်အလက်တွေ ပြောင်းလဲ သွားမှာ ဖြစ်ပါတယ်။ ဒါကြောင့် မို့လို့ အလုပ်ပြောင်းစာ ကိုသေချာဖတ်ပြီး သေချာအင်တာဗျုးအတွက်ပြင်ဆင်ဖို့ အကြံပေးချင်ချင်ပါတယ်။ အလုပ်ခေါ် စာတွေကို မှန်မှန် ကန်ကန် ဖတ်နည်းကိုဆောင်းပါးမှာ အလုပ်ခေါ်စာဖတ်နည်းနဲ့ ပတ်သက်ပြီး အသေးစိတ်ကို ဖတ်ရှုနိုင်ပါတယ်။
စာရေးသူရွေးချယ်သောဆောင်းပါး
အလုပ်အကြောင်းနဲ့ ကုမ္ပဏီ အကြောင်းကို သေချာလေ့လာပါ။
နောက်တစ်ချက် ဆက်သွားရမှာကတော့ ကိုယ့်လျှောက်မယ့် ကုမ္ပဏီအကြောင်းနှင့် လုပ်ငန်းအမျိုးအစားမကြောင်းကို သေချာလေ့လာထားဖို့ လိုအပ်ပါတယ်။ ကိုယ်လျှောက်မယ့် အလုပ်အကြောင်းကို သေချာလေ့လာ ထားပါက အင်တာဗျူး ဖြေဆိုတဲ့ အချိန်မှာ တခြားသူထက် ပိုပြီးတော့ တပန်းသာမှာ ဖြစ်ပါတယ်။ ဒါကြောင့်မို့လို့အလုပ်အကြောင်းနဲ့ လုပ်ငန်းခွင်အကြောင်းတွေကို သေချာလေ့လာထားဖို့လိုအပ်ပါတယ်။ ဂျပန်လိုဆိုရင်တော့ 企業研究（きぎょうけんきゅう）လို့ပြောလေ့ရှိပါတယ်။
အင်တာဗျူးမှာ မေးများတဲ့ မေးခွန်းတွေနဲ့ အဖြေတွေ ကို သေချာ ပြင်ဆင်စဥ်းစားပါ။
ဒီအဆင့်ကတော့ လူတိုင်းလုပ်လေ့ရှိတဲ့ အချက်တချက် ဖြစ်ပါတယ်။ ဒီအချက်ကိုပြင်ဆင်တဲ့ အချိန်မှာတော့ အများအား ဖြင့် အပေါ်က အဆင့်တွေကို အခြေခံပြီး စဥ်းစားရမှာ ဖြစ်ပါတယ်။
အင်တာဗျူးမယ့် သူလိုအပ်တာဘယ်လိုလူမျိုးလဲ။
မေးခွန်းရဲ့ အဖြေတွေကို စဥ်းစားတဲ့ အချိန်မှာ အင်တာဗျူးမယ့် သူက ဘယ်လိုလူမျိုးကို သဘောကျလဲ၊ အကဲဖြတ်လဲ ဆိုတာကို ပထမဆုံးသိထားဖို့ လိုအပ်ပါတယ်။ ဒါကြောင့် ယျေဘုယ အားဖြင့် အင်တာဗျူးတဲ့ အချိန်မှာ အင်တာဗျုးမယ့် သူတွေသဘောကျတဲ့ သူမျိုးကဘယ်လိုလူမျိုးလဲ ဆိုတာကို ရှင်းပြသွားပါ့မယ်။
ရိုးသားကြိုးစားတဲ့ သူ ဟုတ်မဟုတ်။ ဒီအချက်ကတော့ ဘယ်လိုအင်တာဗျုးမှာမဆို အခြေခံကျတဲ့ အချက်တစ်ချက်ဖြစ်ပါတယ်။ ဒါကြောင့်မို့လို့ အင်တာဗျုးမှာဖြေဆိုမယ့် အဖြေတွေကို အတတ်နိုင်ဆုံး ရိုးရိုးသားသားနဲ့ ပြန်လည်ဖြေကြားဖို့ လိုအပ်ပါတယ်။
အချိန်အကြာကြီး အလုပ်လုပ်နိုင်သူ ဟုတ်မဟုတ်။ နောက်တချက်ကတော့ အလုပ်အများစုကတော့ အချိန်ကြာကြီး လုပ်နိုင်တဲ့ သူတွေကို ဦးစားပေးလေ့ရှိပါတယ်။ ဒါကြောင့်မို့လို့ အင်တာဗျူး အဖြေတွေကို စဥ်းစားတဲ့ အချိန်မှာ ဒီအချက်ကိုလဲ ထည့်သွင်းပြီးစဥ်းစားသင့်ပါတယ်။
ဆက်ဆံရေး ကောင်းမွန် သူဟုတ်မဟုတ်။ နောက်တစ်ချက်ကတော့ အင်တာဗျူးဖြေဆိတဲ့ သူဟာ ဆက်ဆံရေး ကောင်းမွန်သူဟုတ် မဟုတ်ကိုလဲ သေချာကြည့်တတ်ပါတယ်။ ဒါကြောင့် မို့လို့ အင်တာဗျုးအဖြေတွေမှာ ကိုယ့်ရဲ့ ဆက်ဆံရေးစွမ်းရည်တွေကို သေချာထုတ်ပြနိုင်ဖို့ အရေးကြီးပါတယ်။
အနာဂါတ်တွေ ရည်မှန်းချက် ရှိသူဟုတ်မဟုတ်။ ဒီအချက်ကလဲ အင်တာဗျူးမှာ အကဲဖြတ်တတ်တဲ့ အချက်တစ်ခု ဖြစ်ပါတယ်။ ဒါကြောင့် မို့လို့ ကိုယ့်ရဲ့ အနာဂါတ်ရည်မှန်းချက်တွေ အကြောင်းကို သေချာ ပြောပြတတ်အောင် လုပ်ထားဖို့ တော်တော်အရေးကြီးပါတယ်။
ဒီအပေါ်က မေးခွန်းတွေကို သေချာ ကြည့်ပြီးတော့ အင်တာဗျူးမေးခွန်းတွေကိုပြင်ဆင်သင့်ပါတယ်။ ပိုပြီး အသေးစိတ် ကျတဲ့ အချက်အလက် တွေကိုတော့ ဂျပန်အင်တာဗျူးများအတွက်အမေးများသောမေးခွန်းများနှင့်အဖြေများ ဆောင်းပါးမှာ ဝင်ရောက်ဖတ်ရှုနိုင်ပါတယ်။
အင်တာဗျုးကို သေချာလေ့ကျင့်ပါ။
အင်တာဗျုးမှာ မေးတတ်တဲ့ မေးခွန်းတွေကို သေချာ လေ့ကျင့်ထားဖို့ တိုက်တွန်းချင်ပါတယ်။ သေချာ လေ့မကျင့်ထားဘူးဆိုရင်တော့ စိတ်လှုပ်ရှားပြီး ကိုယ်ပြင်ဆင်ထားတဲ့ အဖြေတွေကို သေချာ မပြောပြနိုင်ဖြစ်တတ်ပါတယ်။ ဒါကြောင့် မို့လို့ သူငယ်ချင်းကိုအကူညီ တောင်းပြီးဖြစ်စေ သေချာပြင်ဆင်ထားဖို့ အကြံပေးချင်ပါတယ်။
အင်တာဗျူးမယ် သူကို ပြန်မေးမယ့် မေးခွန်း ကိုကြိုတင်ပြင်ဆင်ပါ။
အင်တာဗျူး နောက်ဆုံးမှာတော့ အင်တာဗျုးဖြေမယ့် သူတွေကို မေးခွန်း ပြန်မေးခိုင်းလေ့ရှိပါတယ်။ ဒါကြောင့်မို့လို့ ကြိုတင်ပြီး အင်တာဗျုးမယ့် သူတွေကို မေးခွန်းပြန်မေးမယ့် အချက်ကို ကြိုတင်ပြီး ပြင်ဆင်ထားရမှာ ဖြစ်ပါတယ်။ အင်တာဗျုးမယ့်သူကိုမေးမယ့် မေးခွန်းကနေပြီးတော့ ကိုယ့် လုပ်ငန်းနဲ့ပတ်သက်ပြီး ဘယ်လောက်သိထားလဲ ဘယ်လောက်ပြင်ဆင်ထားလဲ ဆိုတဲ့ အချက်တွေကို ထုတ်ပြနိုင်မှာ ဖြစ်ပါတယ်။ဒီအကြောင်းနဲ့ ပတ်သက်ပြီး အသေးစိတ်ကိုလဲ ဂျပန်အင်တာဗျူးများအတွက်အမေးများသောမေးခွန်းများနှင့်အဖြေများ ဆောင်းပါးမှာ ဝင်ဖတ်နိုင်ပါတယ်။
ယူဆောင်သွားရမယ့် ပစ္စည်းတွေကို သေချာ စိစစ်ပြီး ယူဆောင်ပါ။
နောက်ပြီး အင်တာဗျူး အထိ ယူဆောင်သွားမယ့် ပစ္စည်းတွေကို သေချာစာရင်းနဲ့ လုပ်ထားသင့်ပါတယ်။ ဒီနေရာမှာတော့ အခြေခံ လိုအပ်တဲ့ ပစ္စည်းတွေနဲ့ ဆောင်ထားရင် အသုံးဝင်မယ့် ပစ္စည်းတချို့ကို ရှင်းပြသွားပါ့မယ်။
A4 စာရွက်အရွယ်အစားထည့်လို့ရမယ့် အိတ်
စာရွက်စာတမ်းတွေကို အများကြီးသယ်ဆောင်ရမှာ ဖြစ်တဲ့ အတွက်ကြောင့်မို့လို့ A4 စာရွက်အရွယ်အစား ဝင်ဆန့်တဲ့ အိတ်ကိုပြင်ဆင်ထားရင် အဆင်ပြေပါတယ်။
လက်ကိုင်ဖုန်း
လက်ကိုင်ဖုန်းမှာတော့ လုပ်ငန်းဘက်ကို ဆက်သွယ်ရမယ့် နေရာတွေကို သေချာ ထည့်ထားပြီးတော့ ယူသွားသင့်ပါတယ်။ အင်တာဗျူးဖြေဖို့ သွားနေရင် မတော်တဆ နောက်ကျပါက သေချာ ဆက်သွယ်ပြီး အကြောင်းကြားသင့်ပါတယ်။
ကုမ္ပဏီရဲ့ အကြောင်းအကြားစာနဲ့ စာရွက်စာတမ်းများ
လုပ်ငန်းဘက်က အကြောင်းအရာတွေနဲ့ စာရွက်စာတမ်းတွေကို လဲ သေချာ ပရင့် ထုတ်ပြီး ပြင်ဆင်သွားသင့်ပါတယ်။
အကြည်ရောင် ဖိုင်တွဲ
စာရွက်စာတမ်းတွေကို မကျိုးအောင် သေချာ အကြည်ရောင်ဖိုင်အိတ်နဲ့ ထည့်ထားသင့်ပါတယ်။ နောက်ပြီး စာရွက်စာတမ်းတွေ တစ်ခုနဲ့ တစ်ခု မရော ထပ်နေအောင်လဲ အကြည်ရောင်ဖိုင်တွဲနဲ့ သေချာ ခွဲခြားပြီး ထည့်ထားဖို့ လိုအပ်ပါတယ်။
ဘောပင်၊ ခဲတံ အစရှိတဲ့ စာရေးကိရိယာများ
မတော်တဆ ကိုယ်ထပ်ရမယ့် စာရွက် စာတမ်းမှာ ဖြည့်မယ်နေရာတွေကျန်ခဲ့သည်ဖြစ်စေ၊ လက်မှတ်ထိုးဖို့ လိုအပ်လာသည်ဖြစ်စေ၊ အဲလိုအချိန်တွေမှာ အသုံးပြုဖို့ စာရွက်စာတမ်းဖြည့်တုန်းက အသုံးပြုခဲ့တဲ့အလားတူ ဘောပင် ကို ယူဆောင်သွားဖို့ အကြံပေးချင်ပါတယ်။
ပိုက်ဆံ နှင့် IC ကတ်များ
အင်တာဗျုးဖြေမယ့် နေရာကို အခက်အခဲမရှိချောမွေအောင်သွားနိုင်ဖို့အတွက် လိုအပ်တဲ့ ပိုက်ဆံနဲ့ ယာဥ်စီးတဲ့ အချိန်မှာ အသုံးပြုတဲ့ IC ကတ် တွေကို သေချာယူသွားဖို့အကြံပေးချင်ပါတယ်။
လက်ပတ်နာရီ
အင်တာဗျုးသွားရောက်ဖြေဆိုတဲ့ အချိန်မှာတော့ အချိန်က တော့အရေးကြီးဆုံးဖြစ်ပါတယ်။ ဒါကြောင့်မို့လို့ အချိန် ကို တိကျအောင်သွားနိုင်ဖို့ အချိန်တိကျတဲ့ လက်ပတ်နာရီကိုဆောင်သွားဖို့ အကြံပေးချင်ပါတယ်။ ဒါပေမယ့် အရမ်းစျေးကြီးတဲ့ နာရီတွေ၊ အားကစားလက်ပတ်နာရီတွေ၊ စမတ်နာရီတွေကို မဝတ်သွားဖို့ အကြံပြုချင်ပါတယ်။
ဒီဆောင်းပါးမှာတော့ အင်တာဗျုး မတိုင်ခင်ပြုလုပ်ရမယ့် ပြင်ဆင်မှုလေးလေးတွေကို ဖော်ပြလိုက်ပါတယ်။ တစ်ခုချင်းစီ ကို အသေးစိတ်ဆောင်းပါးမှာ ဆက်ပြီးတော့ ဝင်ရောက်ဖတ်ရှုနိုင်ပါတယ်။
ခေါက်ထီး
အင်တာဗျူး မတိုင်ခင်မှာ မိုးရွာသည်ဖြစ်စေ၊ နေပူတဲ့ အခါဖြစ်စေ၊ အသုံးပြုနိုင်ဖို့ ခေါက်ထီးလေးဆောင်သွားရင် တော်တော် အဆင်ပြေပါတယ်။
ဓာတ်ပုံအပို
ကိုယ်ရေးရာဇဝင်မှာ ဓာတ်ပုံကပ်တဲ့ အခါမှာ မေ့ကျန်နိုင်တဲ့ အတွက်ကြောင့်မို့လို့ ဓာတ်ပုံကို အပိုထည့်သွားဖို့ အကြံပေးချင်ပါတယ်။
အားသွင်းကြိုးနဲ့ ပါဝါဘဏ်များ
အားသွင်းကြိုးနဲ့ ပါဝါဘဏ်တွေကို ယူသွားရင်လဲ အသုံးဝင်ပါတယ်။
အင်တာဗျူးဖြေမယ့် နေရာနဲ့ သွားမယ့် နည်းလမ်းတွေ ကို ကြိုတင်သေချာစိစစ်ထားပါ။
နောက်ဆုံးနဲ့ အရေးကြီးဆုံး အချက်တချက်ကတော့ အင်တာဗျူးဖြေရမယ့် နေရာနဲ့ ဘယ်လိုသွားရမလဲဆိုတာကို သေချာ လေ့လာပြီး ရှာဖွေထားရမယ့် အချက်ပါ။ သွားရမယ့် နည်းလမ်းနဲ့ ကုန်ကျစာရိတ် စတဲ့ အရာတွေကို ကြိုတင်ပြီးရှာဖွေထားဖို့ အကြံပေးချင်ပါတယ်။ နောက်ပြီး အိမ်နေ စောစောကြိုပြီး ထွက်ဖို့လဲ အကြံပေးချင်ပါတယ်။
WeXpats Jobs ဆိုတာ?
WeXpats Jobs ဆိုတာကတော့ ဂျပန်မှာ အလုပ်လုပ်ကိုင်မယ့် နိုင်ငံခြားသားတွေကို အားပေးတဲ့ ဝက်ဘ်ဆိုက်ပဲဖြစ်ပါတယ်။ ဒီတခေါက် အင်တာဗျူးမှာ မိတ်ဆက်ခဲ့တဲ့ ဟိုတယ် အလုပ်အကိုင်တွေအပြင် တခြား လုပ်ငန်းတွေရဲ့ အလုပ်ခေါ် စာအမျိုးမျိုးမိတ်ဆက်ပေးလျက်ရှိပါတယ်။
ဂျပန်ဘာသာစကားအပါအဝင် ဘာသာစကား ၁၁ မျိုး (အင်္ဂလိပ်၊ ဗီယက်နမ်၊ ကိုးရီးယား၊ အင်ဒိုနီးရှား၊ တရုတ်၊ မြန်မာ၊ ထိုင်း၊ စပိန်၊ ပေါ်တူဂီ ) စတဲ့ဘာသာစကားတွေနဲ့ အလုပ်ရှာဖွေနိုင်မှာဖြစ်ပြီး ဂျပန်စကားကိုသေချာမပြောနိုင်တဲ့တွေလဲ ယုံကြည်မှုရှိရှိနဲ့ အလုပ်ရှာဖွေနိုင်ပါတယ်။
၁ ကိုယ်ဘာသာကို ရှာဖွေနိုင်ခြင်း
ဂျပန်စာအရည်အချင်း၊ လုပ်ကိုင်ချင်တဲ့အလုပ်အမျိုးအစား၊ အလုပ်နေရာ စတဲ့အရာတွေကိုဖြည့်စွက်ပြီး ကိုယ့်ဘာသာကို ရှာဖွေနိုင်ပါတယ်။
၂ လုပ်ငန်းဘက်က ကမ်းလှမ်းစာတွေကိုလက်ခံစာရယူပါ
လွယ်ကူတဲ့ မေးခွန်းတွေကိုဖြေဆိုပြီး မိမိနဲ့ကိုက်ညီတဲ့အလုပ်ခေါ်စာတွေကို လက်ခံရယူနိုင်ပါတယ် ။ လုံးဝအခမဲ့ဖြစ်တာကြောင့် အောက်က ပုံကနေတဆင့် နိုပ်ပြီး အလုပ်ရှာဖွေနိုင်ပါတယ်။
