အလုပ်ခေါ်စာတွေကို ဖတ်တဲ့အချိန်မှာ သတိထားဖို့ တော်တော်အရေးကြီးပါတယ်။ နောက်ပြီး ဂျပန်နိုင်ငံရဲ့ အလုပ်ခေါ်စာတွေမှာတော့ အမြဲတမ်းမြင်တွေ့နေရတဲ့ စကားလုံးတွေရှိသလို အမှားများတဲ့ စကားလုံး တွေလဲရှိပါတယ်။ ဒါကြောင့် အလုပ်ခေါ်စာတွေကိုဖတ်တဲ့ အချိန်မျာ သေချာ သိထားသင့်တဲ့ စကားလုံးတွေကို သိထားပြီးအလုပ်လျှောက်သင့်ပါတယ်။ အလုပ်ခေါ် စာမှာ မရှင်းလင်းတဲ့ စကားလုံးတွေရှိရင်တော့ အင်တာဗျူးမှာ ပြန်လည်မေးနိုင်ပါတယ်။ ဒီဆောင်းပါးမှာတော့ အလုပ်ခေါ်စာတွေကိုဖတ်တဲ့အချိန်မှာ သိထားသင့်တဲ့ ဂျပန်စာတွေကို သေချာရှင်းလင်းပြသွားပါ့မယ်။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
အလုပ်ခန့်တဲ့ပုံစံ
ပထမဆုံး အဓိက အကျဆုံးလို့ပြောရမယ့် အချက်ကတော့ အလုပ်ခန့်တဲ့ ပုံစံလို့ပြောလို့ရမှာပါ။ မြန်မာနိုင်ငံမှာနဲ့ မတူညီတဲ့ အချက်တချက် ဂျပန်မှာတော့ အလုပ်ခန့်တဲ့ ပုံစံ တော်တော် ပေါပါတယ်။ ဒါကြောင့် ကိုယ့်ရဲ့ နေထိုင်မှုပုံစံ အမျိုးအစား၊နှင့် ကိုယ့်ရဲ့ ဆန္ဒနဲ့ ကိုက်ညီတဲ့ အလုပ်ခန့်တဲ့ ပုံစံကိုရွေးဖို့ လုပ်ခန့်တဲ့ ပုံစံကို သိထားဖို့ အရေးကြီးပါတယ်။ ဒါကြောင့် ဒီဆောင်းပါးမှာတော့ အလုပ်ခန့်တဲ့ ပုံစံနဲ့ ဂျပန်နိုင်ငံတွင်း နေထိုင်မှုပုံစံ （在留資格）တွေကို ပူးတွဲဖော်ပြသွားပါ့မယ်။
正社員 （Seishain）
正社員 （Seishain） ကတော့ အချိန်ပြည့်ဝန်ထမ်း၊ ပုံမှန်ဝန်ထမ်းဖြစ်ပါတယ်။ အသေးစိတ်ပြောရရင်တော့ 正社員 （Seishain）ဆိုတာကတော့ သတ်မှတ်ကာလ မရှိဘဲ အလုပ်လုပ်လို့ရတဲ့ အလုပ်ခန့်တဲ့ပုံစံမျိုး ဖြစ်ပါတယ်။ 正社員 （Seishain）ရဲ့ အလုပ်လုပ်အချိန်ကတော့ တနေ့၈ နာရီ တပတ်ကို နာရီ ၈၀ ဆိုပြီးသတ်မှတ်ချက်ရှိပါတယ်။ 正社員 （Seishain）ရဲ့ ကောင်းတဲ့အချက်တွေကတော့ အလုပ်မထွက်ခြင်း ပင်စင်ယူတဲ့အချိန်အထိ အလုပ်လုပ်လို့ရပါတယ်။ တနည်းအားဖြင့် ဝင်ငွေ တည်ငြိမ်မှုရှိပါတယ်။ နောက်ပြီး ကုမ္ပဏီအပေါ် လိုက်ပြီး အကျိုးခံစားခွင့်တွေအများကြီးရှိနိုင်ပါတယ်။ မကောင်းတဲ့ အချက်တွေကတော့ အများအားဖြင့် လုပ်ငန်းနောက်တစ်ခု လုပ်လို့မရပါဘူး။ အလုပ်အကြောင်းအရာနဲ့ပတ်သက်ပြီ လွတ်လပ်မှုမရှိဘူး စတဲ့အကြောင်းအရာတွေ တော့ရှိနိုင်ပါတယ်။
契約社員 (Keiyaku Shain)
契約社員 (Keiyaku Shain) ကတော့ စာချုပ် ကာလ တစ်ခုသတ်မှတ်ပြီး အလုပ်လုပ်တဲ့ ပုံစံမျိုးဖြစ်ပါတယ်။ အပေါ်က အမြဲတမ်းဝန်ထမ်းနဲ့ မတူဘဲ စာချုပ်ကာလ တစ်ခုရှိပါတယ်။ စာချုပ်ကာလပြည့်ပါက ထပ်ပြီးတိုးမတိုး အလုပ်နဲ့ ထပ်ပြီးဆွေးနွေးရပါတယ်။ အများအားဖြင့် စာချုပ်သက်တမ်း ၃ နှစ်ဖြစ်ပါတယ်။ ပုံမှန်အားဖြင့်တော့ အကျိုးခံစားခွင့်တွေက အမြဲတမ်းဝန်ထမ်းနဲ့ အပြောင်းအလဲသိပ်မရှိပါဘူး။ သို့သော် ကုမ္ပဏီအပေါ်မူတည်ပြီးတော့ ကွာခြားချက်တော့အနည်းငယ်ရှိနိုင်ပါတယ်။
アルバイト ( Arubaito )
アルバイト ( Arubaito ) ကတော့ အချိန်ပိုင်းအလုပ် ဖြစ်ပါတယ်။ အများအားဖြင့် တက္ကသိုလ် ကျောင်းသားတွေ အတွက် အလုပ်တွေ ဖြစ်ပါတယ်။ နိုငင်ံခြားသားတွေအနေနဲ့ကတော့ Language School, Senmon Gakko, University တက်နေတဲ့ သူတွေကတော့ အချိန်ပိုင်းအနေနဲ့ アルバイト ( Arubaito ) ကိုလုပ်လေ့ရှိပါတယ်။ アルバイト ( Arubaito ) ကတော့ အချိန်အပေါ်မူတည်ပြီး လစာ ကိုပေးပါတယ်။ အလုပ်အပေါ်မူတည်ပေမယ့် アルバイト ( Arubaito ) မှာတော့ အကျိုးခံစားခွင့်သိပ်မရှိပါဘူး။
パート (Part Time)
パート (Part Time) ကလဲ ဘာသာပြန်လိုက်ရင်တော့ အချိန်ပိုင်းအလုပ် ဖြစ်ပါတယ်။ အပေါ်က アルバイト ( Arubaito ) လို့ခေါ်တဲ့ အချိန်ပိုင်းအလုပ်နဲ့ ဘယ်လိုကွာသလဲ? နိဂုံးကနေ ပြောရရင် ဥပဒေအရ ကွာခြားမှုတော့မရှိပါဘူး။ パート (Part Time) ကရော アルバイト ( Arubaito ) ရော အလုပ်ချိန်အပေါ်မူတည်ပြီးလစာ တွက်ပါတယ်။ သို့သော် アルバイト ( Arubaito ) ဆိုရင်တော့ ကျောင်းသားတွေအများပြားဖြစ်ပြီး パート (Part Time) ဆိုရင်တော့ တခြားလုပ်ငန်းတဖက်နဲ့ အလုပ်လုပ်နေကြတဲ့ အိမ်ရှင်မတွေများတဲ့ပုံစံများဖြစ်ပါတယ်။
ဒီပုံစံ ၄ မျိုးကတော့ တွေ့ရများတဲ့ ပုံစံတွေ ဖြစ်ပါတယ်။ ဒါကြောင့် 契約社員 (Keiyaku Shain)
ဖြစ်မယ် ဆိုရင်စာချုပ်သက်တမ်း ခံစားခွင့် စတဲ့အရာတွေကို ထပ်ပြီးသေချာဖတ်ဖို့ အကြံပေးချင်ပါတယ်။
စာရေးသူရွေးချယ်သောဆောင်းပါး
အလုပ်အကြောင်းအရာ
ဒါဆို မိမိနဲ့ကိုက်ညီတဲ့ အလုပ်ခန့်တဲ့ပုံစံကိုတွေ့ရပြီဆိုရင် အလုပ်အကြောင်းအရာကိုဖတ်ကြည့်ကြရအောင်။
ဘယ်လိုအလုပ်အကြောင်းအရာမျိုးလဲ ဆိုတဲ့အကြောင်းကိုတော့ အလုပ်ခေါ်စာရဲ့ 業務内容、仕事内容စတဲ့နေရာတွေမှာ ဖတ်ရှုနိုင်ပါတယ်။ အလုပ်အကြောင်းအရာတွေနဲ့ အတူ 試用期間 (အစမ်းခန့်ကာလ) ရှိမရှိ 、勤務地 (အလုပ်လုပ်တဲ့နေရာ) စတဲ့အရာတွေကို သေချာကြည့်ဖို့လိုအပ်ပါတယ်။ အလုပ်လုပ်တဲ့နေရာ မှာတော့ 最寄り駅 အနီးဆုံးဘူတာ ကိုသေချဖတ်ပါ။ မိမိနေအိမ်ကနေ အလုပ်အထိရထားနဲ့သွားပါက ရထားခ အလုပ်က စိုက်ပေး၊ မပေးကိုလဲ သေချာကြည့်ပါ။ အဲဒါကိုတော့ 交通費支給 ဆိုတဲ့နေရာမှာ ကြည့်နိုင်ပါတယ်။ 交通費 လမ်းစာရိတ်ကို တဝက်ပြန်ပေးတဲအလုပ်တွေလဲရှိသလို သတ်မှတ်ထားတဲ့ပမာဏ သာပြန်ပေးတဲ့ အလုပ်တွေလဲရှိပါတယ်။ ဒါကြောင့် ဒီအပိုင်းကိုလဲသေချာဖတ်ပါ။
လိုအပ်တဲ့ အရည်အချင်း (応募資格)
နောက်တစ်ချက်ကတော့ လိုအပ်တဲ့အရည်အချင်းကိုသေချာဖတ်ဖို့ဖြစ်ပါတယ်။လိုအပ်တဲ့အရည်အချင်းကိုတော့ အလုပ်ခေါ်စာရဲ့ (応募資格) ဆိုတဲ့နေရာမှာဖော်ပြထားလေ့ရှိပါတယ်။ 応募資格 မှာတွေ့ရတဲ့ စကားလုံးတွေကတော့ 必須条件、歓迎条件ဆိုတဲ့ စကားလုံးတွေပါ။ 必須条件 ဆိုရင်တော့ လိုအပ်တဲ့အရည်အချင်းတွေဖြစ်ပြီး 歓迎条件 ဆိုတာကတော့ ဖော်ပြထားတဲ့ အရည်အချင်းတွေရှိရင် ပိုပြီးတော့ ဦးစားပေးမယ်ဆိုတဲ့ အဓိပ္ပာယ်ဖြစ်ပါတယ်။ နောက်ပြီး ဒီလိုနေရာ မျိုးတွေမှာဆိုရင် 〇〇大歓迎 ဆိုတဲ့ စာသားတွေကိုလဲ မကြာခဏတွေ့နိုင်ပါတယ်။ ဥပမာ 未経験大歓迎 ဆိုပြီး အတွေ့အကြုံမရှိသူများလဲ ကြိုဆိုပါတယ် ဆိုတဲ့ စာသားဖြစ်ပါတယ်။
လစာ
အလုပ်အကြောင်းအရာနဲ့ အလုပ်ခန့်တဲ့ ပုံစံက ကိုယ်နဲ့ ကိုက်ညီမှုရှိတယ်ဆိုရင်တော့ လစာ ကိုကြည့်ဖို့လိုအပ်ပါတယ်။ အမြဲတမ်းဝန်ထမ်း၊ စာချုပ်ဝန်ထမ်းတွေကတော့ အများအားဖြင့် တနှစ်တာ ဝင်ငွေ 年収 အနေနဲ့ဖော်ပြလေ့ရှိပါတယ်။ တခါတရံ 月収 လစဥ် ပေးတဲ့ လစာ တဲ့လဲဖော်ပြလေ့ရှိပါတယ်။ တနှစ်တာ ဝင်ငွေကိုဖော်ပြထားရင် ဘောနပ်တွေပါ အပါအဝင်ဖြစ်ပါတယ်။ နောက် တချက် တော့ အများအားဖြင့် လစာ ကို လက်ကျန်လစာ（手取り） မဟုတ်ဘဲ ပုံမှန်လစာ （額面）အနေနဲ့သာဖော်ပြလေ့ရှိပါတယ်။ လက်ကျန်လစာ（手取り）ဆိုတာကတော့ အခွန်တွေ နုတ်ပြီးကျန်တဲ့ လစာ ကိုခေါ် ပြီး ပုံမှန်လစာ （額面）ဆိုတာကတော့ အခွန်တွေ မနုတ်သေးခင် လစာ ကိုဆိုလိုတာဖြစ်ပါတယ်။
ခံစားခွင့်
အပေါ်ကအချက်တွေအကုန်ုလုံးအဆင်ပြေပြီးဆိုရင် အကျိုးခံစားခွင့်ကိုကြည့်ပါ။ အကျိုးခံစားခွင့်မှာတော့ အောက်ပါ အချက်တွေပါဝင်ပါတယ်။
-
ဘောနပ်
-
လစာတိုး
-
အကျိုးခံစားခွင့် အမျိုးမျိုး
-
အာမခံအမျိုးမျိုး
ဘောနပ် （賞与）
ဘောနပ်ရှိမရှိကိုသေချာ ကြည့်ဖို့လိုအပ်ပါတယ်။ ဘောနပ်ကတော့ ဥပဒေအတွင်းသတ်မှတ်ထားခြင်းမရှိပါဘူး။ ဒါကြောင့် ကုမ္ပဏီအပေါ်မူတည်ပြီး ဘောနပ်ပေးတဲ့ ပမာဏ ကလဲ ကွာခြားနိုင်ပါတယ်။
လစာတိုး （昇給）
နောက်ပြီး လစာ တိုးခြင်းရှိမရှိကိုလဲ သေချာစိစစ်ဖို့လိုအပ်ပါတယ်။
အကျိုးခံစားခွင့် အမျိုးမျိုး （各種手当）
手当 ဆိုတဲ့ အကျိုးခံစားခွင့်တွေမှာတော့ ဥပဒေအရသတ်မှတ်ထားတဲ့အကျိူးခံစားခွင့် နဲ့ ဥပဒေအရ သတ်မှတ်ထားခြင်းမရှိတဲ့ အရာဆိုပြီး ၂ မျိုးရှိနိုင်ပါတယ်။ ဥပဒေအရသတ်မှတ်ထားတဲ့အကျိူးခံစားခွင့်တွေထဲမှာတော့
時間外手当／残業手当 (အချိန်ပိုကြေး)
တရက် ကို ၈ နာရီ တပတ် နာရီ ၄၀ ကျော်ရင် အချိန်ပိုကြေးပေးရပါတယ်။
深夜労働手当 (ညဆိုင်းကြေး)
ည၁၀ နာရီကနေ မနက် ၅ နာရီအတွင်းအလုပ်လုပ်ရပါက ပုံမှန်လစာထက် ၂၅ ရာခိုင်နှုန်းပိုပေးရပါတယ်။
休日出勤手当 (ပိတ်ရက်ကြေး)
အလုပ်သမားဥပဒေအရ တပတ် ကို တရက်နှင် အထက် နားရမည်ဆိုတာရှိပါတယ်။ ဒီလိုနားရက် တွေ မှာ အုပ်ဆင်းပါက ပုံမှန် လစာထက် ၃၅ ရာခိုင်နှုန်းပိုပြီးပေးရပါတယ် ။
ဒီခံစားခွင့်တွေကတော့ ကုမ္ပဏီတွေတိုင်းမှာရှိပါတယ်။ နောက်ထပ် ဥပဒေအရ မသတ်မှတ်ထားတဲ့ ခံစားခွင့်တွေထဲမှာတော့
役職手当 ရာထူးနဲ့ တာဝန်ကြီးတွေထမ်းဆောင်နေတဲ့ သူတွေအတွက်အကျိုးခံစားခွင့်။
扶養手当 မှီခိုနေတဲ့သူတွေ အတွက် အကျိုးခံစားခွင့်။
住宅手当 အိမ်လခ၊ ချေးငွေ စတဲ့အရာတွေ အတွက် အကျိုးခံစားခွင့်။
通勤手当 အလုပ်သွားတဲ့အချိန်မှာ ကုန်ကျတဲ့ သွားစာရိတ်အတွက် အကျိုးခံစားခွင့်။
皆勤手当 ပျက်ကွက်၊ နောက်ကျ မရှိတဲ့သူတွေအတွက် အကျိုးခံစားခွင့်။
資格手当 အလုပ်အတွက် စာမေးပွဲ၊ စတဲ အရာတွေလုပ်ဖို့အတွက် ထောက်ပံ့ပေးတဲ့ အကျိုးခံစားခွင့်။
ဒီအကျိုးခံစားခွင့်ကတော့ ဥပဒေအရ သတ်မှတ်ထားခြင်းမရှိလို့ ကုမ္ပဏီအပေါ်မူတည်ပြီးကွာခြားမှူတွေရှိနိုင်ပါတယ်။
အာမခံများ
အလုပ်ခေါ်စာတွေမှာ「社会保険完備」ဆိုပြီးရေးထားလေ့ရှိပါတယ်။ ဒီလိုရေးထားရင် 「社会保険完備」ဆိုတာက「雇用保険」「労災保険」「厚生年金保険」「健康保険」စတဲ့ အာမခံ ၄ မျိုးကိုဆိုလိုတာ ဖြစ်ပါတယ်။
နားရက်များ
နားရက်နဲ့ပတ်သက်ပြီးလဲ သေချာဂရုပြုဖို့လိုအပ်ပါတယ်။ ရောထွေ တတ်တဲ့ အသုံးအနှုန်းတွေ အနေနဲ့ကတော့ 「週休2日制」နဲ့ 「完全週休2日制」တို့ဖြစ်ပါတယ်။
|
週休2日制 |
လ တလအတွင်း အနည်းဆုံး ၁ ပတ်တော့ ၂ ရက်နားနိုင်။ |
|
完全週休2日制 |
တပတ်မှာ ၂ ရက် နားနိုင်။ |
週休2日制 ဆိုရင် ပထမအပတ်ဆို ၂ လ နားနိုင်ပေမယ့် ဒုတိယအပတ်တွေကနေစပြီး ၁ ရက်သာ နားရပါတယ်။
完全週休2日制 ဆိုရင်တော့ တပတ်မှာ ၂ ရက် ကျိန်းသေ နားရပါတယ်။ ဒါပေမယ့် ကျိန်းသေပေါက် စနေ၊ တနင်္ဂနွေ နားရမယ်လို့ မဆိုလိုပါဘူး။ ဒါကြောင့် သေချာ မေးမြန်းကြည့်ဖို့လိုအပ်ပါလိမ့်မယ်။
နောက်ပြီး 有給休暇 ဆိုတဲ့ လစာရတဲ့ ခွင့်ရှိမရှိကိုလဲ သေချာမေးမြန်းဖို့လိုအပ်ပါတယ်။
အလုပ်ခေါ်စာမှာတွေ့ရတတ်တဲ့ဂျပန်စကားလုံးတွေနဲ့ အတူ လုပ်ခေါ်စာ ဖတ်ပုံဖတ်နည်းတို့ကိုဖော်ပြလိုက်ပါတယ်။ အလုပ်လျှောက်တော့မယ်ဆိုရင် ဒီလို အလုပ်ခေါ် စာကို သေချာ မှန်ကန်စွာဖတ်ဖို့ တော်တော်အရေးကြီးတာမို့ ဒီဆောင်းပါးက အသုံးဝင်မယ်လို့မျှော်လင့် ပါတယ်
