တတိယအကြိမ်မြောက် တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲ (International Job Fair Tokyo 2023) ကို နိုဝင်ဘာလ ၂၄ ရက်နေ့နှင့် နိုဝင်ဘာလ၂၅ ရက်နေ့တို့မှာ Tokyo Metropolitan Industrial Trade Center Hamamatsucho-Kan မှာကျင်းပသွားမှာဖြစ်ပါတယ်။ နိုင်ငံခြားသားတွေနှင့် ပညာတော်သင်ကျောင်းသားတွေကိုအလုပ်ခန့်တဲ့ ကုမ္ပဏီပေါင်း ၁၀၀ ခန့် စုဝေးပြီး အလုပ်အကိုင်အခွင့်အလမ်းတွေကိုမိတ်ဆက်ပေးသွားမှာဖြစ်ပါတယ်။
ဂျပန်မှာနေထိုင်နေတဲ့ နိုင်ငံခြားသားတွေအတွက် အလုပ်ရှာဖွေဖို့အတွက် အခွင်အလမ်းကြီးတစ်ခုဖြစ်ပြီး ကုမ္ပဏီကြီးတွေမှာ အလုပ်ရရှိနိုင်မယ့် ကောင်းမွန်တဲ့ အခွင့်အလမ်းတစ်ရပ်လဲဖြစ်ပါတယ်။ အလုပ်အကိုင်မိတ်ဆက်ပွဲရဲ့ အသေးစိတ်ကိုတော့ အောက်မှာထပ်မံဖော်ပြသွားမှာဖြစ်ပါတယ်။
ခေါင်းစဥ်မှ ဓာတ်ပုံမူရင်း - International Job Fair Tokyo 2023
တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲ (International Job Fair Tokyo 2023)
ဓာတ်ပုံ - International Job Fair Tokyo 2023
တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲကတော့ အလုပ်ခန့်အပ်ချင်နေတဲ့ လုပ်ငန်းတွေနှင့် အလုပ်အကိုင်ရှာဖွေသူတို့ကို ပေါင်းကူးအနေနဲ့ ဆက်သွယ်ပေးတဲ့ နေရာတစ်ခုဖြစ်ပါတယ်။ ဂျပန်မှာ အလုပ်ရှာချင်နေတဲ့ နိုင်ငံခြားသားကျောင်းသားတွေနှင့် အလုပ်ပြောင်းချင်နေတဲ့နိုင်ငံခြားသားတွေအတွက် အရမ်းကောင်းမွန်တဲ့ အခွင့်အရေးတစ်ရပ်ဖြစ်ပြီး ပွဲကြီးကိုကျင်းပလာတာ ၃ကြိမ်မြောက်အထိရောက်ရှိလာခဲ့ပြီဖြစ်ပါတယ်။ ယခင်အကြိမ်တွေကျင်းပခဲ့တုန်းကလဲ ပွဲကိုလာရောက်တဲ့သူတွေထဲမှာ အောင်အောင်မြင်မြင်နှင့် အလုပ်ရရှိသွားတဲ့သူတွေ၊ အလုပ်ပြောင်းနိုင်သွားတဲ့သူတွေ အများကြီးပေါ်ထွက်ခဲ့ပါတယ်။
ကျင်းပမယ့်နေ့ရက်
-
2023ခုနှစ် နိုဝင်ဘာလ 24ရက်နေ့ （သောကြာ）10:00～17:00
-
2023ခုနှစ် နိုဝင်ဘာလ 25ရက်နေ့ （စနေ）10:00～16:00
ကျင်းပမယ့်နေရာ
-
産業貿易センター浜松町館（Tokyo Metropolitan Industrial Trade Center Hamamatsucho-Kan）
လမ်းညွှန်
-
JR Hamamatsucho Station (North Exit) မှ လမ်းလျှောက် ၅ မိနစ်။
- Takeshiba လမ်းကိုထွက်ပြီးတော့ Takeshiba ဂိတ်ဘက်ကိုတည့်တည့် ထွက်လာပါ။
- Yurikamome Takeshiba Station (West Exit)မှ လမ်းလျှောက် ၂ မိနစ်။
- JR Hamamatsucho Station သို့ တည့်တည့်လမ်းလျှောက်လာပါ။
-
Toei Subway Asakusa Line Daimon Station မှလမ်းလျှောက် ၇ မိနစ်။
- B2 ထွက်ပေါက်ကနေ ထွက်ပြီး Takeshiba ဂိတ်ဘက်ကိုတည့်တည့် ထွက်လာပါ။
- Toei Subway Oedo Line Daimon Station
- B2 ထွက်ပေါက်ကနေ ထွက်ပြီး Takeshiba ဂိတ်ဘက်ကိုတည့်တည့် ထွက်လာပါ။
တက်ရောက်ရန် ရည်ရွယ်ထားသူများသို့
ဓာတ်ပုံ - International Job Fair Tokyo 2023
ဒီပွဲကို တက်ရောက်နိုင်မယ့်သူတွေကတော့ ကျောင်းပြီးခါနီးအလုပ်ရှာတဲ့သူတွေနှင့် အလုပ်ပြောင်းရန်ရည်ရွယ်ထားသူတွေအတွက်ဖြစ်ပါတယ်။ ဒီပွဲကိုတော့ လွတ်လွတ်လပ်လပ်နှင့် အခမဲ့ တက်ရောက်နိုင်မှာဖြစ်ပြီး ထွက်ခွါသွားချင်တဲ့ အချိန်မှာလဲ ပွဲကနေ လွတ်လွတ်လပ်လပ်ပြန်သွားနိုင်ပါတယ်။ နောက်ပြီး အလုပ်လျှောက်ထားရန် ကိုယ်ရေးရာဇဝင်ကော်ပီတွေကိုလဲ များများယူဆောင်လာဖို့လိုအပ်ပါတယ်။
တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲ (International Job Fair Tokyo 2023)မှာဘယ်လိုအဆင့်တွေကိုလုပ်ဖို့လိုအပ်လဲ။
ပထမုဆံအချိန်တက်ရောက်မယ့် သူတွေအတွက် အလုပ်အကိုင်မိတ်ဆက်ပွဲကို တက်ရောက်တဲ့ အချိန်လုပ်ရမယ့် အဆင့်တွေကိုဖော်ပြပေးသွားပါ့မယ်။
၁။ တက်ရောက်ရန်စာရင်းသွင်းပါ
တက်ရောက်ဖို့ ဆုံဖြတ်ထားတယ်ဆိုရင်တော့ ဒီလင့် ကနေ စာရင်းသွင်းပါ။
၂။ ပွဲအတွက်ပြင်ဆင်ပါ။
တက်မယ်ဆိုရင်တော့ ပွဲအတွက်ပြင်ဆင်မှု တချို့ကိုပြုလုပ်ရမှာဖြစ်ပါတယ်။ အထူးသဖြင့် ကိုယ်ရေးရာဇဝင်အကျဥ်းတွေကို ကော်ပီအများကြီးကူးသွားသင့်ပါတယ်။
၃။ ပွဲကိုတက်ရောက်ပါ။
ပွဲကိုသွားပြီး booth တွေကိုသွားရောက်ပြီးလေ့လာပါ။
seminar နှင့် workshop တွေကိုတက်ပြီး အလုပ်တွေကိုလျှောက်ပါ။ တကယ်လိုအဆင်ပြေရင် ဒီနေ့မှာပဲ အင်တာဗျူးဖြေဖို့ အခွင့်အရေးတွေလဲရှိပါတယ်။
အရေးကြီးတဲ့ အချက်အလက်များ
ထပ်ပြီးတော့ အရေးကြီးတဲ့ အချက်အလက်တွေကိုမျှဝေပါရစေ။
၁။ကိုယ်ရေးရာဇဝင်အကျဥ်းကော်ပီကိုအနည်းဆုံး၁၀စောင်ယူသွားပါ။
ပုံမှန်အားဖြင့် booth တစ်ခုကိုသွားတိုင်း ကိုယ်ရေးရာဇဝင်ကော်ပီ တစ်ခုလိုအပ်ပါတယ်။ ဒါကြောင့်မို့လို့ boothတွေအများကြီးကိုလိုက်ပတ်ပြီးသွားမယ်ဆိုရင် ကိုယ်ရေးရာဇဝင်အကျဥ်းကော်ပီတွေကိုအများကြီးဆောင်ထားဖို့လိုအပ်ပါတယ်။ ဓာတ်ပုံကတော့ ကိုယ်ရေးရာဇဝင်အကျဥ်းနဲ့ အတူ ကော်ပီလဲ အဆင်ပြေပါတယ်။
၂။လှလှပပနှင့်သပ်သပ်ရပ်ရပ် ဝတ်ဆင်ပါ။
ဒီပွဲကတော့ အဝတ်အစားကိုသတ်မှတ်ထားတာမျိုးတော့မရှိပေမယ့် အလုပ်အကိုင်မိတ်ဆက်ပွဲ ဖြစ်တဲ့ အတွက်ကြောင့်မိုလို့ first impression ကတော်တော်အရေးကြီးပါတယ်။ အရမ်း casual ဆန်ဆန်ဝတ်စားတာမျိုးကိုရှောင်ကြဥ်သင့်ပါတယ်။ ဥပမာ ခြေကြားညှပ်ဖိနပ်၊ ဘောင်းဘီတို၊ စကတ်တို တို့နဲ့သွားတာမျိုးကိုရှောင်ကြဥ်သင့်ပါတယ်။ ဒါကြောင့် ကိုယ်နဲ့သင့်တော်ပြီးကြည့်လို့ကောင်းတဲ့ အဝတ်စားကိုရွေးချယ်သင့်ပါတယ်။
၃။ အင်တာဗျူးအတွက် formal ဆန်ဆန်ဝတ်ဆင်သွားသင့်ပါတယ်။
booth တွေကိုသွားပြီး အဆင်ပြေရင်တခါတည်း အင်တာဗျူးဖြေရမှာဖြစ်တဲ့ အတွက်ကြောင့်မို့လို့ အင်တာဗျုးမှာ အသုံးပြုမယ့် formal ဆန်တဲ့ အဝတ်စားတွေကိုလဲ ယူသွားသင့်ပါတယ်။ မဝတ်သွားရင်တော့ အိတ်ထဲဖြစ်ဖြစ်ဆောင်သွားသင့်ပါတယ်။
တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲ (International Job Fair Tokyo 2023)ကို ဘာကြောင့် တက်ရောက်သင့်လဲ။
ဓာတ်ပုံ - International Job Fair Tokyo 2023
ဂျပန်မှာ အလုပ်ဘယ်လိုရှာရမလဲမသိဘူး။ ကောင်းတဲ့ ကုမ္ပဏီလားဆိုတာမသိနိုင်ဘူး။ အလုပ်အကိုင်နှင့်ပတ်သက်ပြီးဆွေးနွေးပေးမယ့်သူမရှိဘူး။
ဒီပြသနာတွေကိုအကုန်ဖြေရှင်းပေးနိုင်တာကတော့ အလုပ်အကိုင်မိတ်ဆက်ပွဲဖြစ်ပါတယ်။ ဒီပွဲရဲ့ အဓိကရည်ရွယ်ချက်ကလဲ သင့်ကိုဂျပန်မှာအလုပ်ရှာတဲ့ အချိန်မှာကူညီပေးဖို့ဖြစ်ပါတယ်။ ဒီပွဲကိုတော့ အပြည်ပြည်ဆိုင်ရာ အလုပ်အကိုင်မိတ်ဆက်ပွဲ ကော်မတီ ကနေကျင်းပမှာဖြစ်ပြီး ဂျပန်နိုင်ငံရဲ့ တရားရေးဝန်ကြီးဌာန နှင့် လူဝင်မှုကြီးကြပ်ရေးဝန်ကြီးဌာတို့ကနေပြီးတော့ ပါဝင်ပြီးကြီးကြပ်ထားတဲ့အတွက်ကြောင့်မို့လို့ အခွင့်အလမ်းကောင်းတရပ်လို့ဆိုရမှာပါ။
တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲ (International Job Fair Tokyo 2023)မှာ အောက်ပါအချက်တွေကိုလဲ လုပ်နိုင်ပါသေးတယ်။
၁။ ကျွမ်းကျင်သူတွေထံကနေတဆင့် အလုပ်အကိုင်ရှာဖို့အတွက် အကြံညဏ်ကောင်းတွေရယူနိုင်ခြင်း။
၂။ ကုမ္ပဏီတွေအများကြီးနဲ့ ဆုံတွေ့နိုင်မှာဖြစ်ပြီး ကိုယ်နဲ့ အကိုက်ညီဆုံး တစ်ခုကိုရွေးချယ်နိုင်ခြင်း။
၃။ လူအမျိုးမျိုးနှင့်တွေ့ပြီး သူငယ်ချင်းတွေဖြစ်လာနိုင်ခြင်း။
အလုပ်ခန့်တဲ့ ကုမ္ပဏီအပါအဝင် ပါဝင်တဲ့မယ့် ကုမ္ပဏီပေါင်း ၁၀၀ ကျော်ရှိ။
အလုပ်ခန့်တဲ့ ကုမ္ပဏီအပါအဝင် ပါဝင်တဲ့မယ့် ကုမ္ပဏီပေါင်း ၁၀၀ ကျော်မှ ဒီပွဲမှာပါဝင်သွားဖို့ရှိပါတယ်။ ၁၀၀ ကျော်ထဲမှာတော့ အောက်ပါကုမ္ပဏီတွေမျိုးပါဝင်ပါတယ်။
-
နိုင်ငံတကာကျောင်းသားတွေနှင့် ဘွဲ့ရပြီးခါစ၊ မကြာခင်ဘွဲ့ရတော့မယ့် ကျောင်းသားတွေ၊ အလုပ်အကိုင်ပြောင်းမယ့်သူတွေအတွက်အလုပ်ခန့်တဲ့ ကုမ္ပဏီများ။
-
90% နိုင်ငံခြားသားတွေကိုအလုပ်ခန့်တဲ့ ကုမ္ပဏီဖြစ်ပြီး နိုင်ငံခြားသားနှင့် ဂျပန်လူမျိုးကြားခွဲခြားမှုမရှိတဲ့ ကုမ္ပဏီများ။
-
နောက်အနာဂါတ်မှာ လုပ်ငန်းကိုဦးဆောင်းမယ့်သူနှင့် နိုင်ငံခြားရပ်မှာ မန်နေဂျာအဖြစ်လုပ်ကိုင်ပေးမယ့် သူကိုရှာနေတဲ့ ကုမ္ပဏီများ။
-
နိုင်ငံခြားသားတွေအတွက် အထူးအခွင့်အရေးနှင့် ကောင်းမွန်တဲ့အခွင့်လမ်းတွေကိုပေးတဲ့ ကုမ္ပဏီများ။
-
နေ့ချင်းအင်တာဗျုးမေးပြီးချက်ချင်း အလုပ်ခန့်နိုင်တဲ့ ကုမ္ပဏီများ။
-
WeXpats လိုမျိုး တစ်ဦးချင်းစီအတွက် အလုပ်နှင်ပတ်သက်ပြီးဆွေးနွေးပေးပြီး အလုပ်အကိုင်မိတ်ဆက်ပေးမယ့် ကုမ္ပဏီများ။
ပါဝင်တဲ့ ကုမ္ပဏီတွေအများကြီးထဲကနေပြီးတော့ အလုပ်အကိုင်အမျိုးအစားတွေလဲ စုံလင်လှပါတယ်။ ဥပမာ၊ အရောင်းပိုင်း၊ marketing၊IT၊ video productionတို့လိုဖန်တီးတဲ့အလုပ်အကိုင်များ၊ရုံးအလုပ်၊ နှင့် တခြားအလုပ်တွေဖြစ်ပါတယ်။ ဂျပန်စာအရည်အချင်းကို စိတ်ပူတယ်ဆိုရင်တော့ တချို့ ကုမ္ပဏီတွေက JLPT N4 level ကနေ စပြီး အလုပ်ခန့်တဲ့ ကုမ္ပဏီတွေလဲရှိပါတယ်။ ပါဝင်မယ့် ကုမ္ပဏီတွေကိုတော့ ဒီလင့်ကနေ ဝင်ကြည့်နိုင်ပါတယ်။
အကျဥ်းချုပ်
ဓာတ်ပုံ - International Job Fair Tokyo 2023
တိုကျိုအပြည်ပြည်ဆိုင်ရာ အလုပ်အကိုင်မိတ်ဆက်ပွဲ (International Job Fair Tokyo 2023) ကတော့ နိုင်ငံခြားသားတွေအတွက် အလုပ်ရှာနိုင်မယ့် အခွင့်ရေးကောင်းတစ်ရပ်ဖြစ်ပါတယ်။ သင်က ဘွဲ့ရကပြီးခါစလူတစ်ယောက်ဖြစ်စေ၊ ဘွဲ့ရတော့မယ့် သူတစ်ယောက်ဖြစ်စေ၊ အလုပ်ပြောင်းမယ့်သူတစ်ယောက်ဖြစ်စေ၊ သင့်အတွက် အခွင့်အလမ်းတွေအများကြီးရှိနိုင်ပါတယ်။ ပွဲမှာရှိတဲ့ အလုပ်တွေထဲမှာမှ သင့်နဲ့ကိုက်ညီတဲ့ အလုပ်တွေမရှာနိုင်ရင်တော့ တခြားအလုပ်တွေကိုမိတ်ဆက်ပေးမယ့် အလုပ်အကိုင်မိတ်ဆက်တဲ့ ကုမ္ပဏီတွေအများကြီးရှိနိုင်ပါတယ်။
WeXpats ကလဲ International Job Fair Tokyo 2023 မှာပါဝင်သွားဖို့ရှိတဲ့ အတွက်ကြောင့်မို့လို့ အားလုံးကို တွေ့ရဖို့ မျှော်လင့်နေပါတယ်။
International Job Fair Tokyo Official Website Link : https://inter-jobfair.jp
