Golden Week ဆိုတာဘယ်လိုမျိုးလဲ။ ဘယ်အချိန်ကနေ၊ ဘယ်အချိန်အထိလဲ။(၂၀၂၃၊ ၂၀၂၄)
Golden Week ဆိုတာကတော့ ဂျပန်နိုင်ငံရဲ့ရုံးပိတ်ရက် ကာလအရှည်ဖြစ်ပါတယ်။ ဂျပန်နိုင်ငံမှာ အလုပ်လုပ်နေတဲ့ သူတွေအနေနဲ့တော့ ရတောင့်ရခဲ့ ကာလတစ်ခုလည်းဖြစ်ပါတယ်။ ဒီကာလရောက်ရင် ခရီးရှည်ထွက်ကြတာတို့၊ နေရပ်ပြန်ကြတာတို့ လုပ်လေ့ရှိကြပါတယ်။ ဒါကြောင့် နေရာတိုင်းမှာ လူတွေနဲ့ ပြည်နှက်လို့နေပါတယ်။ ဒါကြောင့် တချို့တွေဆို ဘယ်မှမသွားဘဲ အိမ်မှာပဲ အေးဆေးနေကြတဲ့ သူတွေလဲရှိပါတယ်။ ဒီဆောင်းပါးမှာတော့ Golden Week ဆိုတာဘာလဲဆိုတာအကြောင်းကိုအသေးစိတ်ရှင်းပြသွားပါ့မယ်။
မာတိကာ
- ဂျပန်နိုင်ငံရဲ့ Golden Week ဆိုတာ။
- Golden Week မှာပါဝင်တဲ့ ရုံးပိတ်ရက်များ။
- Golden Week ပြက္ခဒိန် ၂၀၂၃ - ၂၀၂၄
- Silver Week အကြောင်း။
- မေလ စိတ်ကျရောဂါ (Gogatsu Byou ဆိုတာ)
ဂျပန်နိုင်ငံရဲ့ Golden Week ဆိုတာ။
Golden Week (ゴールデンウイーク) ကို အများအားဖြင့် GW လို့ခေါ်လေ့ရှိကြပါတယ်။ Golden Week ဆိုတာကတော့ ပိတ်ရက် တွေ အများကြီး ဆက်နေတဲ့ ရက်ရှည်ပိတ်ရက်ကိုဆိုလိုခြင်း ဖြစ်ပါတယ်။ အများအားဖြင့် ဧပြီလ ၂၉ ရက်နေ့ကနေ မေလ ၅ ရက်နေ့အထိ ပိတ်လေ့ရှိပါတယ်။ ပိတ်ရက်တွေထဲမှာတော့ ရှောဝဘုရင်မွေးနေ့၊ ဖွဲ့စည်းပုံအခြေခံဥဒေနေ့ ၊ စိမ်းလန်းစိုပြေရေးနေ့ ၊ ကလေးများနေ့ တို့ပါဝင်ပါတယ်။
ကြားထဲမှာဟနေတဲ့ ရက်တွေကိုတော့ ခွင့်ယူလိုက်ရင် တပတ်လုံးရုံးသွားစရာမလိုတော့ပါဘူး။
တချို့လူတွေကတော့ Golden Week မတိုင်ခင်၊ ဒါမှမဟုတ် Golden Week ပြီးတဲ့အချိန်မှာလဲ ခွင့်ရက်ယူပြီး မိမိဘာသာမိမိ ပိတ်ရက်ကို ဖန်တီးလေ့ရှိကြပါတယ်။ ဒီလိုအချိန်မှာ ပြည်ပခရီးသွာတာတို့၊ မိသားစုနဲ့ခရီးသွားတာတို့လုပ်လေ့ရှိကြပါတယ်။ ဒါကြောင့် Golden Week က ဂျပန်နိုင်ငံမှာ နှစ်သစ်ကူးရာသီပြီးရင်ဒုတိယ မြောက် အလုပ်ရှုပ်ဆုံး ရာသီလို့လဲ ဆိုကြပါတယ်။
စာရေးသူရွေးချယ်သောဆောင်းပါး
Golden Week မှာပါဝင်တဲ့ ရုံးပိတ်ရက်များ။
Golden Week မှာတော့ တရားဝင် ရုံးပတ်ရက် ၄ ရက် ပါဝင်ပါတယ်။ ရှောဝဘုရင်မွေးနေ့၊ ဖွဲ့စည်းပုံအခြေခံဥဒေနေ့ ၊ စိမ်းလန်းစိုပြေရေးနေ့ ၊ ကလေးများနေ့ တို့ပဲ ဖြစ်ပါတယ်။ ပိတ်ရက်တွေအကြောင်းကို အသေးစိတ် ရှင်းပြသွားပါ့မယ်။
ရှောဝဘုရင်မွေးနေ့ (ဧပြီ ၂၉ ရက်နေ့ )
ရှောဝဘုရင်မွေးနေ့၊ (Showa no Hi 昭和の日) ဆိုတာကတော့ ရှောဝခေတ် မှာ ဂျပန်ပြည်ကိုအုပ်ချုပ်ခဲ့တဲ့ ဘုရင် (Hirohito) ရဲ့ မွေးနေ့ ကိုဂုဏ်ပြုတဲ့အနေနဲ့ တရားဝင်ပိတ်တဲ့ ရုံးပိတ်ရက်ဖြစ်ပါတယ်။ ရှောဝ ဘုရင် Hirohito ကတော့ ဂျပန်နိုင်ငံကို ၁၉၂၆ ခုနှစ် ဒီဇင်ဘာလ ၂၅ ရက်နေကနေ စတင်အုပ်ချုပ်ပြီး၊
၁၉၈၉ ခုနှစ် ဇန်နဝါရီလ ၇ရက်နေ့မှာ ကင်ဆာရောဂါဖြင့် နတ်ရွာစံခဲ့ပါတယ်။
ဒီလို (Showa no Hi 昭和の日) ကတော့ ရှောဝဘုရင်ကို အမှတ်ရ အောက်မေ့တဲ့ နေ့ တနေ့ ဖြစ်တဲ့အပြင် ရှောဝခေတ်မှာ တိုးတက်ထွန်းကားခဲ့တဲ့ ဂျပန်နိုင်ငံရဲ့ အနေအထားကို ပြန်အမှတ်ရတဲ့ အနေနဲ့ ကျင်းပတဲ့ နေ့တနေ့လဲ ဖြစ်ပါတယ်။
Hirohito ဘုရင် နတ်ရွာစံပြီးနောက် ဧပြီလ ၂၉ ရက်နေ့မှာ စိမ်းလန်းစိုပြေရေးနေ့ကိုကျင်းပခဲ့ပါတယ်။ ၂၀၀၆ ခုနှစ်မှာတော့ ရှောဝဘုရင်မွေးနေ့ကို မိတ်ဆက်ပြီး စိမ်းလန်းစိုပြေရေးနေ့ ကို မေလ ၄ ရက်နေ့ကိုရွေ့လိုက်ပါတယ်။
ဖွဲ့စည်းပုံအခြေခံဥဒေနေ့ (မေလ ၃ရက်နေ့ )
ဖွဲ့စည်းပုံအခြေခံဥဒေနေ့ ကတော့ ၁၉၄၇ခုနှစ် ဂျပန်နိုင်ငံရဲ့ ဖွဲ့စည်းပုံအခြေခံဥဒေစတဲ့ အကောင်အထည်ဖော်တဲ့ နေ့ကို ဂုဏ်ပြုတဲ့အနေဲ့ ကျင်းပတဲ့ နေ့ဖြစ်ပါတယ်။
ဖွဲ့စည်းပုံအခြေခံဥဒေ ကို လက်ခံ ကျင်းသုံးပြီးနောက်မှာ ဂျပန်က ဒီမိုကရေစီနိုင်ငံဖြစ်လာခဲ့ပါတယ်။
စိမ်းလန်းစိုပြေရေးနေ့ (မေလ ၄ ရက်နေ့)]
စိမ်းလန်းစိုပြေရေးနေ့ (Midori no Hi みどりの日) ကတော့ အရင်က ဧပြီလ ၂၉ ရက်နေ့မှာ ပြုလုပ်ခဲ့ပေမယ့် လက်ရှိမှာတော့ မေလ ၄ ရက်နေ့မှာပြုလုပ်ခဲ့ပါတယ်။ ဒီနေ့မှာဆိုရ၍်တော့ ပန်းခြံတွေ၊ တိရစ္ဆာန်ဥယျာဥ်တွေ၊ စတဲ့ သဘာဝနဲ့ဆက်စပ်တဲ့ အရာတွေ အကုန်လုံး ဝင်ကြေးအခမဲ့နဲ့ဝင်ကြည့်နိုင်ပါတယ်။ စိမ်းလန်းစိုပြေရေးနေ့ကတော့ သဘာဝပတ်ဝန်းကျင်ကို ပိုပြီးတော့ ချစ်မြတ်နိုးတတ်လာဖို့အတွက်ကျင်းပတဲ့ နေ့ တနေ့လဲ ဖြစ်ပါတယ်။
ကလေးများနေ့ (မေလ ၅ ရက်နေ့ )
ကလေးများနေ့ (Kodomo no Hi 子供の日) ကတော့ မိဘတွေ ကလေးတွေ ကို ချစ်မြတ်နိုးတတ်စေရန်နဲ့ ကျန်းကျန်းမာမာ ပြုစုပျိုးထောင်နိုင်အောင် ရည်ရွယ်ပြီး ကျင်းပတဲ့နေ့တနေ့ ဖြစ်ပါတယ်။ ငါးကြင်းတွေလို သန်မာလာစေရန် ဆိုတဲ့ ရည်ရွယ်ချက်နဲ့
Koinobori 🎏 (鯉のぼり)ဆိုတဲ့ ငါးကြင်းပုံစံ ကိုလေတံခွန် ကို လေထဲမှာလွင့်ထူးထားလေ့ရှိပါတယ်။
မူလကတော့ ဒီနေ့ကို ango no Sekku (端午の節句) သို့မဟုတ် ယောကျာ်းလေးများနေ့ အနေနဲ့ လူသိများပေမယ့်
Golden Week ပြက္ခဒိန် ၂၀၂၃ - ၂၀၂၄
Golden Week ၂၀၂၄
|
တနင်္လာ |
အင်္ဂါ |
ဗုဒ္ဓဟူး |
ကြာသပတေး |
သောကြာ |
စနေ |
တနင်္ဂနွေ |
|
4/29 ရှောဝဘုရင်မွေးနေ့၊ |
4/30 ခွင့်ယူ |
5/1 ခွင့်ယူ |
5/2 ခွင့်ယူ |
5/3 ဖွဲ့စည်းပုံအခြေခံဥဒေနေ့ |
5/4 စိမ်းလန်းစိုပြေရေးနေ့ |
5/5 ကလေးများနေ့ |
|
5/6 |
5/7 |
5/8 |
5/9 |
5/10 |
5/11 |
5/12 |
ဧပြီ ၃၀၊ မေလ၁ရက်နေ့နဲ့ ၂ ရက်နေ့တွေမှာတော့ ခွင့်ယူရမှာ ဖြစ်ပါတယ်။
Golden Week ၂၀၂၃
|
တနင်္လာ |
အင်္ဂါ |
ဗုဒ္ဓဟူး |
ကြာသပတေး |
သောကြာ |
စနေ |
တနင်္ဂနွေ |
|
4/24 |
4/25 |
4/26 |
4/27 |
4/28 |
4/29 ရှောဝဘုရင်မွေးနေ့ |
4/30 |
|
5/1 ခွင့်ယူ |
5/2 ခွင့်ယူ |
5/3 ဖွဲ့စည်းပုံအခြေခံဥဒေနေ့ |
5/4 စိမ်းလန်းစိုပြေရေးနေ့ |
5/5 ကလေးများနေ့ |
5/6 |
5/7 |
မေလ ၁ ရက်နေ့နဲ့ ၂ ရက်နေ့ကို ခွင့်ယူလိုက်ရက် နားရက် ၉ရက် ရမှာပါ။
Silver Week အကြောင်း။
ဂျပန်မှာတော့ Golden Week အပြင် Silver Week ဆိုတာလဲရှိပါတယ်။ Silver Week ကတော့ ဆောင်းဦးရာသီရဲ့ Golden Week လို့လဲပြောလေ့ရှိကြပါတယ်။ ဒါပေမယ့် Golden Weekနဲ့မတူဘဲ Silver Week ကနှစ်တိုင်းမဖြစ်ပါဘူး။ ပိတ်ရက်တွေ အပေါ်မူတည်ပြီး Silver Week မဖြစ်တဲ့နှစ်တွေလဲရှိပါတယ်။ Silver Week မှာတော့ အောက်ပါပိတ်ရက်သုံးရက် ပါဝင်ဖွဲ့စည်းထားပါတယ်။
-
သက်ကြီးရွယ်အိုများနေ့ ( စက်တင်ဘာလ တတိယအပတ် တနင်္လာနေ့ )
-
ဆောင်းရာသီ ကူပြောင်းနေ့ (သတ်မှတ်ထားခြင်းမရှိပါ)
-
အများပြည်သူရုံးပိတ်ရက် (ဆောင်းရာသီ ကူပြောင်းနေ့အပေါ်မူတည်)
Sliver Week ကတော့ လွန်ခဲ့တဲ့ ၂၀၁၅ ခုနှစ်ခဲ့ ဖြစ်ပေါ် ခဲ့ပြီးနောက်ထပ်တခေါက် ဖြစ်မှာကတော့ ၂၀၂၆ ခုနှစ် မှာ ဖြစ်ပါတယ်။ ဒါကြောင့် ၂၀၂၃ ခုနှစ်န့ ၂၀၂၄ ခုနှစ်မှာတော့ Sliver Week မရှိပါဘူး။
မေလ စိတ်ကျရောဂါ (Gogatsu Byou 五月病ဆိုတာ)
မေလ စိတ်ကျရောဂါ ဆိုတာကတော့ ပိတ်ဝန်းကျင် အနေအထား အပြောင်းအလဲကြောင့် ဖြစ်ပေါ်တဲ့ စိတ်ကျရောဂါတမျိုးဖြစ်ပါတယ်။ ဂျပန်ိနိုင်ငံမှာတော ဧပြီလ က နှစ်တနှစ်ရဲ့ အစဖြစ်ပြီး လူတိုင်းလိုလို အလုပ်အသစ် ကျောင်းအသစ် အစသဖြင့် ဘဝသစ်ကို စကြတဲ့သူတွေ များပြားကြပါတယ်။ ဒီလိုပတ်ဝန်းကျင် အသစ်ကိုရောက်လာပြီး အသားမကျဘဲ စိတ်ကျတာတို့ စိတ်ပင်ပန်းတာတို့ အလွယ်တကူဖြစ်နိုင်ပါတယ်။ ဒီလိုမျိုး စိတ်ကျတဲ့ ရောဂါကို ဂျပန်လို ဆိုရင်တော့ Gogatsu Byou 五月病 လို့ခေါ်ကြပါတယ်။မြန်မာလိုတိုက်ရိုက်ပြန်ရရင်တော့ မေလ စိတ်ကျရောဂါဖြစ်ပါတယ်။
ဒီဆောင်းပါးမှာ တော့ ဂျပန်မှာအလုပ်လုပ်နေတဲ့သူတွေ တောင့်တတတ်ကြတဲ့ Golden Week အကြောင်းကိုဖော်ပြခဲ့ပါတယ်။ နောက်ပြီး ဆောင်းဦးရာသီရဲ့ Sliver Week ကိုလဲ ဖော်ပြခဲ့ပါတယ်။ Golden Week အချိန်ကာလကိုကြိုတင်သိပြီး ခရီးသွားမယ့် အစီအစဥ်တွေအတွက် အသုံးဝင်မယ်လို့မျှော်လင့်ပါတယ်။
