ငါးကြင်းတံခွန်တွေနေရာအနှံ့ပျံသန်းနေတာကို မြင်ဖူးပါသလား။ ဒီအမှတ်အသားကတော့ ဂျပန်နိုင်ငံရဲ့ ကလေးများနေ့ကို အထိမ်းအမှတ်အဖြစ် အလှဆင်ထားတဲ့ ငါးကြင်းလေးနတွေ ဖြစ်ပါတယ်။ မတ်လ ၃ ရက်နေ့မှာ မိန်ကလေးပွဲတော် ( Hinamatsuri ) ကိုကျင်းပပြီး မေလ ၅ ရက်နေ့မှာတော့ ဂျပန်နိုင်ငံရဲ့ ကလေးများနေ့ကို ကျင်းပပါတယ်။ ဒီဆောင်းပါးမှာတော့ ဂျပန်နိုင်ငံရဲ့ ကလေးများနေ့ က ဘယ်ကနေ စဖြစ်ပေါ်လာလဲ၊ ဘယ်လိုအစားစာတွေကိုစားကြသလဲ၊ ကလေးများနေ့မှာ ဘယ်လိုအထိမ်းအမှတ်မျိုးကို ပြုလုပ်လေ့ရှိလဲဆိုတာကို ရေးသားသွားပါ့မယ်။
မာတိကာ
ဂျပန်နိုင်ငံရဲ့ ကလေးများနေ့ဆိုတာ။
မေလ ၅ ရက်နေ့ကတော့ ဂျပန်နိုင်ငံရဲ့ ကလေးများနေ့ဖြစ်ပါတယ်။ တရားဝင် အများပြည်သူရုံးပိတ်ရက်ရက်လဲ ဖြစ်ပြီး Golden Week ထဲမှာ ပါဝင်တဲ့ ပိတ်ရက်တရက်လဲ ဖြစ်ပါတယ်။ ကလေးများနေ့က ဂျပန်နိုင်ငံတစ်ခုတည်းမဟုတ်ဘဲ ကမ္ဘာတဝှမ်း မှာပြုလုပ်လျက်ရှိပါတယ်။ ဒါပေမယ့် ဖြတ်သန်းပုံ၊ ကျင်းပရခြင်းရဲ့ ရည်ရွယ်ချက်တွေကတော့ တနိုင်ငံနဲ့ တနိုင်ငံ မတူပါဘူး။ ဂျပန်နိုင်ငံရဲ့အများပြည်သူရုံးပိတ်ရက် ဥပဒေ ထဲမှာတော့ ကလေးတွေရဲ့ အကျင့်စရိုက်ကို အလေးထားပြီး ကလေးတွေကို သန်မာပျော်ရွှင်အောင် ပြုစြပေးခဲ့တဲ့ မိခင်တွေကို ကျေးဇူး ကို အောက်မေ့တမ်းတ စေရန် ဆိုပြီး ဖော်ပြထားပါတယ်။
စာရေးသူရွေးချယ်သောဆောင်းပါး
ဂျပန်နိုင်ငံရဲ့ ကလေများနေ့ရဲ့ မူလ အစ။
ဂျပန်နိင်ငံရဲ့ ကလေးများနေ့မှာ ဂျပန်နိုင်ငံရဲ့ ကလေးများနေ့ရဲ့ မူလအစကို ပြောရမယ်ဆိုရင်တော့ たんごの節句 (tango no sekku) ကနေ ပြန်စပြီးပြောရမှာ ဖြစ်ပါတယ်။ 節句 (sekku)ဆိုတာကတော့ နာရခေတ်မှာ တရုတ်နိုင်ငံက ဆင်းသက်လာပြီး ဂျပန်နိုင်ငံရဲ့ ရှေးယခင်က ရာသီတစ်ခုနဲ့ တစ်ခုရဲ့ အကူးအပြောင်းကို ကိုယ်စားပြူတဲ့ ပွဲတော်တွေ ဖြစ်ပါတယ်။ ဂျပန်နိင်ငံရဲ့ ရှေးယခင် ကတော့ 節句 (sekku) တွေ အများကြီးရှိပေမယ့် အဲဒိုခေတ်မှာတော့ 五節句 လို့ခေါ်တဲ့ ဂျပန်နိုင်ငံ အောက်ပါပွဲတော် ၅ ခုကို သာတွေ့နိုင်ပါတော့တယ်။
- 1 လပိုင်း 7 ရက်နေ့ 人日（じんじつ） 七草の節句
- 3 လပိုင်း 3 ရက်နေ့ 上巳（じょうし） 桃の節句、ひな祭り
- 5 လပိုင်း 5 ရက်နေ့ 端午（たんご） 菖蒲の節句
- 7 လပိုင်း 7 ရက်နေ့ 七夕（たなばた） 星の祭り
- 9 လပိုင်း 9 ရက်နေ့ 重陽（ちょうよう）菊の節句
ဒီလိုမျိုး 節句 (sekku) တွေထဲမှာတော့ ရုံးပိတ်ရက် အနေနဲ့ တရာဝင် ကြေဘာထားတာတော့ ယနေ့ခေတ် ကလေးများနေ့ 5 လပိုင်း 5 ရက်နေ့ 端午（たんご） 菖蒲の節句 တစ်ခုတည်းသာဖြစ်ပါတယ်။ ကဲဒါဆို ဘာကြောင့် ကလေးများနေ့က 端午（たんご） 菖蒲の節句 နဲ့ ထပ်တူကျနေရာတာလဲ။
ဒုတိယ ကမ္ဘာစစ်မှာတော့ ဂျပန်နိုင်ငံမှာ ဥပဒေကို ပြန်လည်ပြင်ဆင်ပြီး ဂျပန်နိုင်ငံရဲ့ အများပြည်သူရုံးပိတ်ရက်ကို သတ်မှတ်ကြတဲ့အချိန်မှာ အများပြည်သူရုံးပိတ်ရက်ကို ယဥ်ကကျေးမှုနဲ့ သမိုင်းဝင်တဲ့ နေ့မျိုးကို ဆုံးဖြတ်ကြမယ် ဆိုပြီး မေလ ၅ရက်နေ့ကိုသတ်မှတ်လိုက်ကြတယ်လို့မှတ်တမ်းတွေအရ သိရပါတယ်။
ကလေးများနေ့မှာ ဘယ်လိုအစားစာတွေကိုစာလေ့ရှိလဲ။
ဂျပန်နိုင်ငံရဲ့ ကလေးများနေ့မှာတော့ အထူးအစားစာတွေ ကိုစားသောက်ကြလေ့ရှိပါတယ်။ ဒေသအပေါ်လိုက်ပြီး ကွာခြားမှုတွေလဲအနည်းငယ်ရှိနိုင်တာမို့ အသေးစိတ်ကို ဖော်ပြပေးသွားပါ့မယ်။
Kashiwa ကောက်ညှင်း
Kashiwa ဆိုတာကတော့ သစ်ရွက် တမျိုးရဲ့ နာမည်ဖြစ်ပါတယ်။ဂျပန်မှာလည်း မြန်မာ နိုင်ငံလိုပဲ မုန့်တွေကို သစ်ရွက်တွေနဲ့ ထုပ်ပြီးစားလေ့ရှိကြပါတယ်။ Kashiwa သစ်ရွက်ကတော့ တခြားအရွက်တွေနဲ့ မတူပဲ အနံ့လဲမွေးပြီး ဆောင်းရာသီမှာလဲ မကြွေတဲ့ အတွက်ကြောင့် နတ်ကောင်းနတ်မြတ်တွေ စောင်မ တဲ့အရွက် လို့လဲ သတ်မှတ်ထားလေ့ရှိကြပါတယ်။ နောက်ပြီး ရွက်ဟောင်းကြွေတာနဲ့ ချက်ချင်း ရွက်အသစ် ထွက်တာကြောင့် ဆက်ခံသူမပြတ်တဲ့ အရွက်လို့လဲ နိမိတ်ယူကြတဲ့ သူတွေလဲရှိပါတယ်။
Chimaki
Chimaki ကောက်ညှင်းထုပ် ဝါးရွက် တမျိုးနဲ့ ထုပ်ပြီး စားတဲ့ ကောက်ညှင်းထုပ်ဖြစ်ပါတယ်။ အချိုမုန့် ဖြစ်ပြီး ကလေးတွေအတွက် သင့်တော်တဲ့ မုန့်လဲ ဖြစ်ပါတယ်။
ဒီနှစ်ခုကတော့ ဂျပန်နိုင်ငံရဲ့ ကလေးများနေ့မှာ စားလေ့ရှိတဲ့ မုန့်တွေ့ ဖြစ်ပါတယ်။ စစ်တမ်းတွေအရတော့ ဂျပန်နိုင်ငံရဲ့ အရှေ့ဘက် (ခန်းတို) မှာတော့Kashiwa ကောက်ညှင်း ကိုစားလေ့ရှိကြပြီး ဂျပန်နိုင်ငံရဲ့ အနောက်ဘက်ပိုင်း (ခန်းဆိုင်း) မှာတော့ Chimaki ကိုစားတဲ့သူတွေပိုများကြပါတယ်။
ကလေးများနေ့မှာ ဘယ်အရာတွေ လုပ်လေ့ရှိလဲ။၏
အပေါ် မှာလဲ ပြောခဲ့သလို ကလေးများနေ့ရောက်ရင် ငါးကြင်း တံခွန်တွေကို အလှဆင်လေ့ရှိကြပါတယ်။ အသေးစိတ်ပြောရရင် ကလေးများနေမှာ အပြင်ပိုင်းအလှဆင်နဲ့ အတွင်းပိုင်းအလှဆင် တဲ့အပိုင်း ၂ ပိုင်းရှိပါတယ်။ ပြင်ဘက်မှာတော့ ငါးကြင်းတံခွန်တွေကိုအလှဆင်လေ့ရှိပြီး အတွင်းပိုင်းမှာတော့ 五月人形（ごかつにんぎょう）လို့ခေါ်တဲ့ စစ်သူကြီးအရုပ်ကို အလှဆင်လေ့ရှိကြပါတယ်။ အသေးစိတ်ကို အောက်မှာ ဆက်ပြီးရှင်းပြသွားပါ့မယ်။
ငါးကြင်း တံခွန်
ပထမဆုံး အိမ်အပြင်ပမှာ အလှဆင်တဲ့ ငါးကြင်းတံခွန်အကြောင်းဖြစ်ပါတယ်။ ငါးကြင်တံခွန်ကို အလှဆင်ရတဲ့ အကြောင်းအရင်ကတော့ ရှေးခေတ်က စစ်သူကြီးအိမ်တွေမှာသားယောကျာ်းလေးမွေးရင် အိမ်အရှေ့မှာ ငါးအမှတ်အသားတွေ၊ငါးကြင်းတံခွန်တွေ ထောင်ပြီးဂုဏ်ပြုလေ့ရှိရာမှ အစပြုလာတယ်လို့ဆိုကြပါတယ်။
နောက်တစ်ခုကတော့ ငါးကြင်းတွေက သန်မာပြီး ရေစီးသန်တဲ့မြစ်တွေကိုတောင်ဒီအတိုင်းကူးခတ်သွားလေ့ရှိပါတယ်။ ဒါကြောင့် ကလေးတွေကိုလဲ ငါးလိုသန်မာလာစေရန် ရည်ရွယ်ပြီး ကလေးများနေ့မှာ အလှဆင်ကြတယ်လို့ဆိုကြပါတယ်။
ငါးကြင် တံခွန်ကိုအလှဆင်တဲ့အချိန်မှာတော့ အများအားဖြင့် ၃ ကောင် အလှဆင်လေ့ရှိကြပါတယ်။
ငါးသုံးကောင်ကတော့ အိမ်သားတွေကို ကိုယ်စားပြုကြပါတယ်။
-
真鯉(まごい magoi)：အနက်ရောင်ငါးကြင်း ကတော့ အဖေကို ကိုယ်စားပြုတယ်။
-
緋鯉(ひごい higoi )：အနီရောင်ငါးကြင်းကတော့ အမေကို ကိုယ်စားပြုတယ်။
-
子鯉(こごい)：အပြာရောင်ငါးကြင်းကတော့ သားကိုကိုယ်စားပြုတယ်။
စစ်သူကြီးအရုပ်
အတွင်းပိူင်းအလှဆင်မှုကတော့ 五月人形（ごかつにんぎょう）လို့ခေါ်တဲ့ စစ်သူကြီးအရုပ်ကို အလှဆင်လေ့ရှိကြပါတယ်။ စစ်သူကြီးအရုပ်ကိုအလှဆင်ရတဲ့ ရည်ရွဘ်ချက်ကတော့ ကလေးတွေကိုသန်မာလာစေရန် ဖြစ်ပါတယ်။ သံချပ်ဝတ်စုံကတော့ ကလေးတွေကို မကောင်းတဲ့ ဘေးအန္တာရာယ်ကနေ ကာကွာပေးရန်ဆိုတဲ့ အဓိပ္ပာယ်ကိုဖော်ဆောင်ပါတယ်။ စစ်သူကြီးအရုပ် ကိုဧပြီလကနေ မေလ အလယ်လောက်မှာ အလှဆင်လေ့ရှိကြပြီး ပုံမှန်တော့ အချိန်ကာလကို သတ်မှတ်ထားလေ့ရှိပါတယ်။ သို့သော် ကလေးများနေ့မတိုင်မှီ တရက်အတွင်းအလှဆင်တာကတော့ မကောင်းဘူးလို့ ဆိုကြပါတယ်။
အိုင်းရစ်အရွက် စိမ်ထားတဲ့ ရေချိုးကန်ထဲဝင်ခြင်း
တရုတ်နိုင်ငံမှာတော့ ရှေးခေတ်က မိုးရာသီရောက်လာရင် အိမ်တွင်းနေရာအသီးသီးမှာ မကောင်းတဲ့အရာတွေကိုဖယ်ရှားဖို့အတွက် အိုင်းရစ်အရွက်ကိုထားလေ့ရှိကြပါတယ်။ ကလေးများနေ့မှာတော့ ရေချိုးကန်ထဲမှာ အိုင်းရစ်ရွက်ကို စိမ်ပြီး မိသားစုအလိုက်ရေချိုးလေ့ရှိပါတယ်။
နိုင်ငံတဝှမ်းလုံးရှိကလေးများနေ့ပွဲတော်။
ဒီလိုကလေးများနေ့ရောက်လာရင် နိုင်ငံတဝှမ်းမှာ ငါးကြင်းတံခွန်တွေကို နေရာအနှံမှာ ငါးကြင်းတံခွန်တွေကို အလှဆင်ပြီး ပွဲတော်တွေကို ကျင်းပလေ့ရှိကြပါတယ်။ ဒီလို ငါးကြင်းတံခွန်တွေဟာ မိုးကောင်းကင်ပြာပြာနဲ့ လိုက်ဖက် လှပ လွန်းလှပါတယ်။ နိုင်ငံတဝှမ်းမှာ ကျင်းပတဲ့ ပွဲတော် အများကြီးထဲမှ နာမည်ကြီးတဲ့ ပွဲတော်တွေကို ဖော်ပြပေးလိုက်ပါတယ်။
ဂျပန်နိုင်ငံရဲ့ အကြီးဆုံး ငါးကြင်းတံခွန် (Kazo မြို့၊ Saitama ခရိုင်)
ကိုးကား - Kazo City Official Site
ပထမဆုံးမိတ်ဆက်ပေးချင်တာကတော့ Kazo မြို့၊ Saitama ခရိုင် မှာကျင်းပပြုလုပ်တဲ့ ငါးကြင်းတံခွန်လွင့်ထူပွဲ ဖြစ်ပါတယ်။ ဒီပွဲတော်ကတော့ Kazo မြို့ရဲ့ ငြိမ်းချမ်းရေးပွဲတော် နဲ့ အတူတူ ကျင်းပပြုလုပ်တဲ့ပွဲ ဖြစ်ပါတယ်။ နောက်ပြီး ပွဲတော်မှာလဲ စျေးရောင်းပွဲတော် တွေလဲ ကျင်းပလေ့ရှိကြပါတယ်။
ငါးကြင်း အကောင်ရေ ၄ထောင်ကျော် လွင့်ထူပွဲ (Tatebayashiမြို့၊ Gunma ခရိုင်။)
(Tatebayashiမြို့၊ Gunma ခရိုင်။) မှာကျင်းပပြုလုပ်တဲ့ ပွဲတော် ကတော့ နာမည်ကြီးတဲ့ ပွဲတော် တစ်ခု ဖြစ်ပါတယ်။ (Tatebayashiမြို့ ရဲ့ ဆာကူရာပန်းပွင့်ချိန်ကလဲ မတ်လကနေ မေလအတွင်း ဖြစ်ပါတယ်။ ဒါကြောင့် ငါးကြင်းတံခွန်တွေနဲ့ အတူ ဆာကူရာပန်းတွေရဲ့ အလှကိုပါ တချိန်တည်းခံစားကြည့်ရှုနိုင်မှာ ဖြစ်ပါတယ်။
ငါးကြင်း အကောင်ရေ ၄ထောင်ကျော် လွင့်ထူပွဲ (Takatsukiမြို့၊ Osaka။)
ဂျပန်နိုင်ငံရဲ့ အနောက်ဘက်ပိုင်း ဖြစ်တဲ့ အိုဆာကာ ရဲ့ အနီးနားမှာရှိတဲ့ Takatsukiမြို့ မှာ ကျင်းပပြူလုပ်တဲ့ ပွဲတော်ကလဲ စည်ကားသိုက်မြိုက်ပြီး နာမည်ကြီးပါတယ်။ ငါးကြင်းတံခွန်ပေါင်း ၁၀၀၀ ကျော် ကို ကလေးတွေရဲ့နာမည်ရေးပြီး လွင့်ထူပြီး ကျင်းပပါတယ်။ ကျင်းပတဲ့နေရာကလဲ မြစ်နံဘေးမှာ ဖြစ်ပါတယ်။ တခြား ဗုံတီးပွဲ၊ ကပွဲ စတဲ့ ပွဲတော်တွေကိုပါကျင်းပလေ့ရှိပါသေးတယ်။ ပွဲတော် ကိုတော့ ဧပြီလ ၂၉ ရက်နေ့ကနေ စ ကျင်းပလေ့ရှိကြပါတယ်။ ငါးကြင်းတံခွန်လွင့်ထူတဲ့ နေ့ကတော့ ဧပြီလ ၂၄ ရက်ကနေပြီးတော့ မေလ ၆ ရက်နေ့အထိ ဖြစ်ပါတယ်။
အကျဥ်းချုပ်
ဂျပန်နိုင်ငံရဲ့ ကလေးများနေ့ကတော့ ကလေးများရဲ့ ကျန်းမာရေးအတွက် ဆုတောင်းတဲ့ နေ့တနေ့ဖြစ်ပါတယ်။ ကလေးတွေရဲ့ ကျန်းမာရေးနဲ့အတူ ကလေးတွေကို ပြုစုပျိုးထောင်ပေးတဲ့ မိဘ တွေကိုပါ ဂုဏ်ပြုတဲ့ နေ့တနေ့လဲ ဖြစ်ပါတယ်။ ဒီလိုနေ့မှာတော့ ဂျပန်နိုင်ငံရဲ့ နိုင်ငံတဝှမ်းမှာ ပွဲတော် တွေကိုကျင်းပလေ့ရှိကြပါတယ်။ သမိုင်းကြောင်းလဲ ရှိပြီး ချစ်စရာကောင်းတဲ့ နေ့လေးတနေ့ ဖြစ်ပြီး ဂျပန်နိုင်ငံရဲ့ သမိုင်းကြောင်းနဲ့ ရိုးရာ ယဥ်ကျေးမှုကိုပါ သိရှိနိုင်မယ့် နေ့ ဖြစ်ပါတယ်။
