မြန်မာတွေကြားထဲမှာ Language School နဲ့ဂျပန်ကိုလာမယ့်သူတွေလဲ တော်တော်များပါတယ်။ Language School နဲ့လာတော့မယ်ဆိုရင် ဘယ်ကျောင်းကိုရွေးရမလဲဆိုတာကို စိုးရိမ်ပူပန်တဲ့သူတွေ လဲများပြားပါတယ်။ ဒါကြောင့် ဒီနေ့မှာတော့ ဂျပန်နိုင်ငံတဝှမ်းလုံးမှာရှိတဲ့ ဂျပန်ဘာသာစကားသင်တန်းကျောင်း အများခေါ် Language School တွေအကြောင်းကိုဖော်ပြပေးသွားပါ့မယ်။ ဒီဆောင်းပါမှာတော့ Language School တွေရဲ့ အင်တာဗျူးတွေပါ ပါဝင်တာမို့လို့ Language School လျှောက်ဖို့ရည်ရွယ်ေနတဲ့သူတွေအတွက် အရမ်းတန်ဖိုးရှိတဲ့ အချက်အလက် တွေကိုစုစည်းထားတဲ့ ဆောင်းပါးဆိုလဲ မမှားပါဘူး။ ဒါကြောင့်အဆုံးထိ ဖတ်ရှုဖို့နဲ့ အချိန်မရရင် တနေရာရာမှာ သိမ်းထားပြီး ဖတ်ရှုဖို့အကြံပြူချင်ပါတယ်။ ာ Language Schoolကိုရွေးတဲ့အချိန် ထည့်စဥ်းစားရမယ့်အချက်တွေကိုတော့ ဒီဆောင်းပါးမှာဖတ်ရှုနိုင်ပါတယ်။
မာတိကာ
- ဂျပန်ဘာသာစကားသင်တန်းကျောင်း ( Language School ) ဆိုတာဘယ်လိုမျိုးလဲ။
- Language School ၄ ကျောင်း အကြောင်းမိတ်ဆက်
ဂျပန်ဘာသာစကားသင်တန်းကျောင်း ( Language School ) ဆိုတာဘယ်လိုမျိုးလဲ။
ဂျပန်ဘာသာစကားသင်တန်းကျောင်းဆိုတာကတော့ ဂျပန်စာကိုသီးသန့်လေ့လာနိုင်တဲ့ကျောင်း ဖြစ်ပြီး ဂျပန်ဘာစာအရည်အချင်းစစ်စာမေးပွဲတွေကို အောင်ဖို့အတွက် သို့မဟုတ် ဂျပန်မှာ ကျောင်းဆက်တက်ဖို အလုပ်ရှာဖို့ရည်ရွယ်ချက်တွေ နဲ့ ကမ္ဘာ အရပ်ရပ်မှာ ကျောင်းသားတွေ စုဝေးတဲ့နေရာလဲ ဖြစ်ပါတယ်။ သို့သော် ဂျပန်ဘာသာစကား သင်တန်းကျောင်းတွေက အများကြီးရှိပြီး သေချာမသိထားရင် ရွေးရတာ တော်တော် ခက်ခဲပါတယ်။ Language School ကိုဘယ်လိုရွေးချယ်မလဲ ဆိုတဲ့ ဆောင်းပါးကိုဝင်ရောက်ဖတ်ရှုနိုင်ပါတယ်။
စာရေးသူရွေးချယ်သောဆောင်းပါး
Language School ၄ ကျောင်း အကြောင်းမိတ်ဆက်
ဒီဆောင်းပါးမှာတော့ ဂျပန်မှာရှိတဲ့ Language School ၄ ခု ကိုမိတ်ဆက်ပေးသွားပါမယ်။ ဟိုကိုင်းဒိုးကနေပြီးတော့ ကျုးရှူးအထိ ကျယ်ကျယ်ပြန့်ပြန့် မိတ်ဆက်ပေးသွားပါ့မယ်။
Kitakyushu YMCA （北九州YMCA学院）
Home Page http://www.k-ymca.or.jp/
Kitakyushu YMCA ကတော့ ဖုကုအိုကာ ခရိုင်၊ ကျူးရှူးရဲ့မြောက်ဘက်မှာတည်ရှိတဲ့ သင်တန်းကျောင်းတစ်ခုဖြစ်ပါတယ်။ ဂျပပန်ဘာသာစကားသင်ကြားရေးနဲ့ပတ်သက်ပြီး နှစ်ပေါင်း ၃၀ ခန့်လောက် ပြူလုပ်လာတဲ့ ကျောင်းတစ်ခုဖြစ်ပြီး ကျန်းမာရေးနဲ့ပတ်သက်တဲ့ ပညာရေး၊ ဘာသာစကားပိုင်းနဲ့ပတ်သက်တဲ့ ပညာရေး ဝန်ဆောင်မှုပေးလာတာဟာ ၂၀၁၈ ခုနှစ်မှာဆိုရင် နှစ်ပေါင်း ၁၁၀ တောင်ရှိလာပြီးဖြစ်ပါတယ်။
|
ကျောင်းလိပ်စာ |
〒802-0004 福岡県北九州市小倉北区鍛冶町2-3-9 |
|
ကျောင်းသားအရေအတွက် |
၄၁၈ ဦး၊ ( ၂၀၂၀ ခုနှစ် ဖေဖော်ဝါရီလ၊ ၁ရက်နေံ အချက်အလက်အရ) |
|
နိုင်ငအလိုက်ကျောင်းသားဦးရေ |
ဗီယက်နမ် ၄၆%၊ တရုတ် ၂၉%၊ နီပေါ ၁၂%၊ ထိုင်ဝမ် ၅%၊ ကိုးရီးယား ၂%၊ မွန်ဂို ၂%၊ တခြား ၄% ( ၂၀၂၀ ခုနှစ် ဖေဖော်ဝါရီလ၊ ၁ရက်နေံ အချက်အလက်အရ) |
|
ကျောင်းသားတွေရဲ့ ရလာဒ် |
2019ခုနှစ် ဇူလိုင်လ ：N1အောင်မြင်သူ ၁ဦး (ဖြေဆိုသူ ၇ဦး )、N2အောင်မြင်သူ ၂၂ ဦး (ဖြေဆိူသူ ၅၅ ဦး) 2019ခုနှစ် ဒီဇင်ဘာလ ：N1အောင်မြင်သူ ၃ ဦး (ဖြေဆိုသူ ၁၇ဦး) 、N2အောင်မြင်သူ ၁၇ ဦး (ဖြေဆိူသူ ၇၀ ဦး) |
|
ကျောင်းပြီးသွားတဲ့သူများ |
ကျောင်းဝင်ခွင့်အခြေအနေ - ကျူးရှူတက္ကသိုလ်၊ Doushisha တက္ကသိုလ်၊ Keio တက္ကသိုလ်၊ တိုကျို နိုင်ငံခြားဘာသာတက္ကသိုလ်၊ Tokyo Kaiyo ၊တက္ကသိုလ်၊ ကျူးရှူးနည်းပညာ တက္ကသိုလ်၊ ဖုကုအိုကာ ပညာရေးတက္ကသိုလ်၊ ကျူးရှူး မြောက်ပိုင်းတက္ကသိုလ်။ အလုပ်အကိုင်အခြေအနေ - အရောင်းအဝယ်လုပ်ငန်း၊ ဘာသာပြန် စကားပြန်၊ ဟိုတယ်၊ နည်းပညာပိုင်းဆိုရာ လုပ်ငန်းများ။ |
ကျောင်းရဲ့ ဝာာဝန်ရှိသူမှ အမှာစကား
ဂျပန်ဘာသာစကား သင်ကြားရေးမှနေတဆင့် ဂျပန်မှာစိတ်ဝင်စားဖွယ်ရာ တစ်ခုခုကိုရှာတွေ့ပြီးနိုင်ငံပေါင်းစုံက လူတွေနဲ့ အပြန်အလှန်အချင်းချင်းဆက်သွယ်ရင်း ကိုယ်ပိုင်းအရည်အချင်းတွေ တိုးတက်မြင့်မားလာဖို့ Kitakyushu YMCA မှ အစွမ်းကုန် ဝန်ဆောင်မှုပေးလျက်ရှိပါတယ်။ Kitakyushu YMCA ကတော့ ဖုကုအိုကာ ခရိုင်၊ Kitakyushu မြို့အလယ်မှာတည်ရှိပြီး ကျောင်းဆကတက်ဖို့နဲ့ အလုပ်ရရှိဖို့ကြိုးစားနေတဲ့ ကျောင်းသားတွေအများကြီး ပညာသင်ယူလျက်ရှိပါတယ်။ နောက်ပြီး Kitakyushu YMCA မှာ ကျောင်းပြီးသွားတဲ့ကျောင်းသားတွေဟာ တနှစ်တာ အလုပ်အကိုင်ရှာဖွေခွင့်ရှိတဲ့ဆိုတဲ့ စနစ်ကိုဖော်ဆောင်ခဲ့တဲ့ ပထမဆုံးကျောင်းတကျောင်းလဲဖြစ်ပါတယ်။ ကျောင်းတည်ရှိရာ မြိူ့ကလဲ အာရှဒေသ နိုင်ငံအသီးသီးက မြို့တွေနဲ့ အနီးဆုံးမှာတည်ရှိတဲ့ မြို့တမြို့လဲဖြစ်ပါတယ်။ ကျူးရှူးဒေသကလဲ နေထိုင်ရအဆင်ပြေတဲ့ နေရာတစ်ခုဖြစ်ပြီး သဘာဝလဲပေါများကြွယ်ဝပြီး ပတ်ဝန်းကျင်းကလဲ တိတ်ဆိတ်ငြိမ်သက်လှပါတယ်။ လေဆိပ်၊ ဘူတာ စတဲ့နေရာတွေနဲ့လဲ အနီးအနားမှာတည်ရှိပြီး ကျောင်းသားတွေနေထိုင်တဲ့ နေရာကလဲ မြို့အလယ်မှာရှိတာမို့ တော်တော် အဆင်ပြေပါတယ်။ ကျောင်းနားတဝိုက်မှာလဲ ကုန်တိုက်တွေရှိတာမို့လို့ အဆင်ပြေပါတယ်။ နောက်ပိုင်း ယန်း၁၀၀ တန်ဆိုင်တွေ၊ ရုပ်ရှင်ရုံတွေလဲ ရှိတာမို့လို့ တော်တော် လေးကို အဆင်ပြေတဲ့နေရာ ဖြစ်ပါတယ်။ ကျုးရှုးမြောက်ပိုင်းဒေသရဲ့ ကုန်စျေးနှုန်းကလဲ သက်သာပြီး လစဥ် နေထိုင်စာရိတ်က အနည်းဆုံး ယန်း ၅ သောင်းလဲပဲကျသင့်ပါတယ်။
Kitakyushu YMCA ကျောင်းမှာ ကျောင်းဆက်တက်နိုင်မယ့် Course ကတော့ Senmongakkou တွေမှာ ပညာသင်ယူနိုင်ဖို့ ရည်ရွယ်ချက်နဲ့ပြူလုပ်ထားပါတယ်။ ဂျပန်မှာ လိုအပ်တဲ့အခြေခံ ဂျပန်စာကိုလေ့လာရင်း ဂျပန်နိုင်ငံရဲ့ ဝင်ခွင့်စာမေးပွဲအတွက်လိုအပ်တဲ့အရည်အချင်းတွေကို ဖြည့်ပေးတဲ့ အတန်းမျိုးဖြစ်ပါတယ်။ ဂျပန်စာရဲ့ အခြေအခံကို သေသေချာချာ လေ့လာနိုင်ပါတယ်။ ဒုတိယ နှစ်မြောက်ကနေ စပြီး ဂျပန်စာ အခြေခံအတန်း၊ အမြင့်တန်းတွေအထိ ကျယ်ကျယ်ပြန့်ပြန့် သင်ယူနိုင်ပါတယ်။ ဂျပန်ဘာသာ အရည်အချင်းစစ်စာမေးပွဲ JLPT၊ EJU စတဲ့အတန်းတွေကိုလဲ သင်ယူနိုင်ပါတယ်။ ကျောင်းဆက်လက်တက်ဖို့အတွက် နေရာတွေကိုလဲ ရှာဖွေရင်း ပံ့ပိုးပေးလျက်ရှိပါတယ်။ နောက်ပြီး တစ်ဦးချင်းစီ ဆွေးနွေးပေးခြင်း၊ အနာဂါတ်နဲ့ပတ်သက်ပြီး ဆွေးနွေးခြင်း၊ လျှောက်လွှာ များကိုစိစစ်ပပေးခြင်းစတဲ့ အရာတွေကိုလဲ လက်ခံဆောင်ရွက်ပေးပါတယ်။ နောက်ပြီး ကျောင်းဆက်တက်မယ့်သူတွေအတွက် ရှင်းလင်းပွဲ၊ စီနီယာတွေရဲ့ အကြံပေးစကားတွေကိုနားထောင်နိုင်မယ့် အတွေ့အကြုံဖလှယ်ပွဲ၊ တွေအပြင် ကျောင်းတွေကနေတဆင့် တိုက်ရိုက် ခေါ်တဲ့ အစီအစဥ်တွေ၊ Kitakyushu YMCA ကနေပြီးတော့မှ လှမ်းပြီး လျှောက်ပေးတဲ့ အစီအစဥ်တွေ အစသဖြင့် အမျိုးမျိူးရှိပါတယ်။ အလုပ်ဝင်မယ့်ကျောင်းသားတွေအတွက်လဲ အလုပ်အင်တာဗျူးအတွက် လေ့ကျင့်ပေးခြင်း ၊ ကိုယ်ရေးအချက်အလက်တွေပြင်ဆင်ပေးခြင်းတို့ကိုလုပ်ဆောင်းပေးလျက်ရှိပါတယ်။
Toa International Language School
Toa International Language School ကတော့ ဆိုင်းတမမှာရှိတဲ့ ကြီးမားတဲ့ကျောင်းတကျောင်းဖြစ်ပါတယ်။ ကျောင်းဆက်တက်ချင်တဲ့သူတွေ၊ အလုပ်ဝင်ချင်တဲ့သူတွေကို တစ်ဦး ချင်းစီ အလွှတ်သဘောအမျိုးတဲ့ ဆွေးနွေးပေးနေတဲ့ကျောင်းလဲဖြစ်ပါတယ်။
|
ကျောင်းလိပ်စာ |
〒350-0273 埼玉県坂戸市芦山町2-5 〒350-0229 埼玉県坂戸市薬師町10-6 |
|
ကျောင်းသားအရေအတွက် |
၄၆၀ ဦး၊ ( ၂၀၂၀ ခုနှစ်မတ်လ အချက်အလက်အရ) |
|
နိုင်ငအလိုက်ကျောင်းသားဦးရေ |
ဗီယက်နမ် ၅၀%၊ တရုတ် ၃၀%၊ တခြား ၁၀% |
|
ကျောင်းသားတွေရဲ့ ရလာဒ် |
N1အောင်မြင်သူ ၃၁ဦး (ဖြေဆိုသူ ၁၃ဦး ) N2အောင်မြင်သူ ၇၂ ဦး (ဖြေဆိူသူ ၁၂၀ ဦး) N3အောင်မြင်သူ ၅၉ ဦး (ဖြေဆိူသူ ၈၃ဦး) |
|
ကျောင်းပြီးသွားတဲ့သူများ |
ကျောင်းဝင်ခွင့်အခြေအနေ - Waseda တက္ကသိုလ်၊ Ochanomizu အမျိုးသမီးတက္ကသိုလ်၊ Tsukuba တက္ကသိုလ်၊ Josei တက္ကသိုလ်၊ Ritsumeikanတက္ကသိုလ်၊ Musashino တက္ကသိုလ်။ |
ကျောင်းရဲ့ ဝာာဝန်ရှိသူမှ အမှာစကား
Toa International Language School မှာဆိုရင် ဝါရင့်ဆရာ၊ ဆရာမတွေ ၅၀ဦးရှိပြီး ကျောင်းသားတစ်ဦးချင်းစီရဲ့ ရည်ရွယ်ချက်အပေါ်မူတည်ပြီး စာသင်ကြားပါတယ်။ JLPT,EJU စတဲံ့စာမေးပွဲတွေအတွက်လဲ ထိရောက်မှုရှိတဲ့ သင်ခန်းစာတွေကိုပို့ချပေးလျက်ရှိပါတယ်။
ကျောင်းမှာတော့ ၃လ တကြိမ် သာမေးပွဲဖြေရပြီး ရလာဒ်အပေါ်မူတည်ပြီး အတန်းအပြောင်းအလဲစနစ်ကို အကောင်အထည်ဖော်လျက်ရှိတာမို့ မိမိ ဂျပန်စာအရည်အချင်းနဲ့ကိုက်ညီတဲ့ သင်ခန်းစာတွေကိုလေ့လာနိုင်ပါတယ်။ နောက်ပြီး တက္ကသိုလ်ဆက်တက်ဖို့ရည်ရွယ်ထားကြတဲ့ သူတွေအတွက် သီးသန့်အတန်းတွေဖွင့်လှစ်ပြီး ပို့ချပပေးလျက်ရှိပါတယ်။
နောက်ပြီး လုပ်ငန်းသုံး ဂျပန်ဘာသာစကားကိုလဲ ပိုချလျက်ရှိပါတယ်။
အတွေ့အကြုံရှိတဲ့ဆရာ၊ ဆရာမတွေမှတဆင့် အလုပ်နဲ့ပတ်သက်ပြီးဆွေးနွေးပေးခြင်း၊ အမူအရာများကိုသင်ကြားပေးခြင်းတို့ကိုလဲ ပြူလုပ်ပေးနေပါတယ်။ နောက်ပြီး လုပ်ငန်းတွေနဲ့ဆက်သွယ်ပြီး ထူးခွန်တဲ့ကျောင်းသားတွေအတွက် အလုပ်အကိုင်အခွင့်အလှမ်းကိုလဲ ဖန်တီးပေးလျက်ရှိပါတယ်။ နေ့စဥ်ထောက်ပံ့မှုအနေနဲ့ကတော့ တရုတ်ဘာသာစကား၊ အင်္ဂလိပ်ဘာသာစကား၊ စပိန်ဘာသာစကား၊ ကိုးရီးယား ဘာသာစကား ၊ ဗီယက်နမ်ဘာသာစကား စတဲ့ ဘာသာစကားပေါင်းစုံနဲ့ ဆွေးနွေးပေးနေတဲ့အပြင် ဝန်ထမ်းတွေကလဲ အစွမ်းကုန် ကျောင်းသားတွေကို ထောက်ပံ့ပေးလျက်ရှိပါတယ်။
Japanese International School (J国際学院)
Home Page - http://jcom-ies.co.jp/
၂၀၀၄ မှာစတင်တည်ထောက်ပြီး အိုဆာကာမှာရှိတဲ့ ကျောင်းဖြစ်ပါတယ်။ နိုင်ငံပေါင်း ၂၀ ကျော်က ကျောင်းသားတွေ ပညာသင်ယူနေတဲ့ ကျောင်းတစ်ကျောင်းလဲဖြစ်ပါတယ်။ တရုတ်၊ ထိုင်ဝမ်၊ ကိုးရီးယား၊ ဗီယက်နမ်၊ အင်္ဂလိပ်ဘာသာစကားနဲ့စကားပြန်တွေလဲရှိပါတယ်။
|
ကျောင်းလိပ်စာ |
〒550-0012 大阪府大阪市西区立売堀1-1-3 |
|
ကျောင်းသားအရေအတွက် |
၄၈၀ ဦး၊ ( ၂၀၂၀ ခုနှစ် ဇန်နဝါရီလ အချက်အလက်အရ) |
|
နိုင်ငအလိုက်ကျောင်းသားဦးရေ |
တရုတ် ၂၄%၊ထိုင်ဝမ် ၂၀%၊ကိုးရီးယား ၁၈%၊ ဗီယက်နမ်၁၅%၊ တခြား ၂၃% |
|
ကျောင်းသားတွေရဲ့ ရလာဒ် |
၂၀၁၉ ခုနှစ်၊
|
|
ကျောင်းပြီးသွားတဲ့သူများ |
ကျောင်းဝင်ခွင့်အခြေအနေ - အိုဆာကာတက္ကသိုလ်၊အိုဆာကာ ခရိုင် တက္ကသိုလ်၊ အိုဆာကာ ပညာရေး တက္ကသိုလ်၊အိုကာရာမ တက္ကသိုလ်၊ အစသဖြင့်။ |
ကျောင်းရဲ့ ဝာာဝန်ရှိသူမှ အမှာစကား
ကျွန်တော်တို့ကျောင်းမှာတော့ ဂျပန်စာကိုလက်တွေ့အသုံးချနိုင်ခြင်းကို ရည်မှန်းချက်အနေနဲ့ သင်ကြားလေ့ရှိပါတယ်။ အရည်အချင်းစစ် စာမေးပွဲ မျှသာမဟုတ်ဘဲ ကျောင်းသားတွေ ကျောင်းပြီးသွားတဲ့ချိန်မှာ လဲ တကဘ်လက်တွေ့ ဂျပန်စာကို အသုံးချ နိုင်အောင်ရည်ရွယ်ပြီး လေ့ကျင့်သင်ကြားပေးလျက်ရှိပါတယ်။ စကားပြောကိ များများပြောဖို့ တိုက်တွန်းလေ့ရှိပါတယ်။ ကျောင်းသားတွေ စကားကိုသေချာပြောလာနိုင်အောင်လဲ ပတ်ဝန်းကျင်အနေအထားကို သေချာစီမံထားလျက်ရှိပါတယ်။ ဒါကြောင့် ဒီကျောင်းက ဆရာ၊ ဆရာမ တွေက သဘောကောင်းပြီး စကားပြောဆိုရလွယ်ကူတယ်ဆိုပြီး နာမည်ကြီးလေ့ရှိပါတယ်။ နောက်ပြီး ဂျပန်ဘာသာသင်ကြားရေး ဦးစီးဌာန ကနေတဆင့် အသိမှတ်ပြုခံထားရပြီး လုပ်ငန်းသုံးဂျပန်စာအပြင် ကျောင်းဆက်တက်မယ့်သူတွေအတွက်ရည်ရွယ်ပြီး အထူးသင်တန်းတွေကိုလဲပို့ချပေးလျက်ရှိပါတဘ် ။ နောက်ပြီး Japanese International School ကတော့ အိုဆာကာမှာ နာမည်ကြီးတဲ့ ဆက်သွယ်ရေး ကုမ္ပဏီကြီးကိုလဲ ဖွင့်လှစ်ထားပါသေးတယ်။ နောက်ပြီး ကျောင်းရဲ့ အနီးအနားမှာလဲကျန်းမာရေးစောင့်လျှောက်မှု စင်တာ တစ်ခုရှိပါသေးတယ်။ ဒါကြောင့် ကျောင်းသားတွေကို စာသင်ကြားရေးတစ်ခုတည်းမဟုတ်ဘဲ ကျန်းမာရေး၊ ပညာရေး စတဲ့နေရာတွေမှာပါ အစွမ်းကုန် ပံ့ပိုးလျက်ရှိပါတယ်။
ARC Tokyo Japanese Language School
Home Page -https://www.arc.ac.jp/Tokyo/
ARC Tokyo Japanese Language School ကတော့ ဂျပန်စာသင်ယူဖို့ စိတ်အားထက်သန်တဲ့ နိုင်ငံခြားသား စီးပွားရေးသမားတွေအတွက် ၁၉၈၆ ခုနှစ်မှာ စတင်ပြီး ဖွင့်လှစ်ခဲ့ပါတယ်။ ဒီကျောင်းကတော့ တိုကျို၊ ရှင်းဂျုခု၊ ကျိုတို၊ အိုဆာကာ စတဲ့နေရာတွေမှာလဲ ကျောင်းခွဲတွေတည်ရှိပါတယ်။
|
ကျောင်းလိပ်စာ |
〒112-0004 東京都文京区後楽2-23-10 |
|
ကျောင်းသားအရေအတွက် |
၅၇၄ ဦး၊ ( ၂၀၂၀ ခုနှစ် ဇန်နဝါရီလ အချက်အလက်အရ) |
|
နိုင်ငအလိုက်ကျောင်းသားဦးရေ |
တရုတ်၇၀%၊ ဗီယက်နမ်၁၄%။ |
|
ကျောင်းပြီးသွားတဲ့သူများ |
၅၉% တက္ကသိုလ်ဆက်တက်၊ ၁၃% အလုပ်ဝင်။ |
ကျောင်းရဲ့ ဝာာဝန်ရှိသူမှ အမှာစကား
ARC Tokyo Japanese Language School မှာတော့ ပညာတော်သင်ဗီဇာနဲ့ ရေရှည် လေ့လာနိုင်မယ့် Course နဲ့ ကျောင်းဝင်ခွင့်ဖြေဆိုနိုင်တဲ့ Course၊ အချိန်တိုအတွင်း အာရုံစိုက်ပြီး လေ့လာနိုင်မယ့် အချိန်တို Course၊အစသဖြင့် ခွဲခြားထားပါတယ်။ ကျောင်းသားတွေကလဲ ရည်ရွယ်ချက်တွေအပေါ်မူတည်ပြီး အတန်းတွေယူပြီး ဂျပန်စာကိုလေ့လာလျက်ရှိကြပါတယ်။
စာသင်ခန်းထဲက ဂျပန်စာသင်ယူမှုအပြင်ARC Tokyo Japanese Language School မှာကတော့ အနီးနားမှာရှိတဲ့ တက္ကသိုလ်၊ မူလတန်းအလယ်တန်း စတဲ့ ကျောင်းတွေနဲ့ နှီးနှော ဖလှယ်ပွဲတွေကိုလဲ ကျင်းပလေ့ရှိကြပါတယ်။ နောက်ပြီး တခြား အတန်းက ကျောင်းသားတွေနဲ့လဲ ဂျပန်စကားပြောနိုင်မယ့် အခွင့်အရေးတွေကိုလဲ ဖန်းတီးပေးလျက်ရှိပါတယ်။
ARC Tokyo Japanese Language School ရဲ့ အားသာချက်တစ်ခုကတော့အလုပ်ရှာနိုင်ဖို့အတွက် အစွမ်းကုန်ပံ့ပိုးပေးခြင်းဖြစ်ပါတယ်။ ဂျပန်နိုင်ငံရဲ့ လုပ်ငန်းတွေနဲ့ ချိတ်ဆက်ထားပြီး ကျောင်းသားတွေအတွက် အခမဲ့ အလုပ်အကိုင်အခွင့်အလမ်းတွေကိုလဲ ဖန်တီးပေးလျက်ရှိပါတယ်။ နောက်ပြီး ကျောင်းသားတွေအတွက် အလုပ်ရှာဖွေတဲ့အချိန်မှာ အသုံးဝင်မယ့် အချက်အလက်များကိုရှင်းပြပေးတဲ့ ရှင်းလင်းပွဲတွေကိုလဲ ပြုလုပ်ပေးလျက်ရှိပါတယ်။ ဒါ့အပြင် ကျောင်းသားတစ်ဦးချင်းစီအပေါ် ကိုလိုက်ပြီး လိုအပ်ချက်၊ စိတ်ဝင်စားမှု၊ စတဲ့အရာတွေကိုအလေးပေးရင်း အကြံညဏ်၊ ပံ့ပိုးမှု တွေကိုလဲ လုပ်ဆောင်ပေးလျက်ရှိပါတယ်။
နောက်ပြီး နေ့စဥ်ဘဝ မှာ ကြုံတွေနေရတဲ့ အခက်အခဲ ပြသနာ တွေကိုလဲ ဖြေရှင်းပေးနိုင်ဖို့အတွက် တစ်ဦးချင်းစီအလိုက်ဆွေးနွေးမှုများကိုပြုလုပ်ပေးလျက်ရှိပါတယ်။
ဒီဆောင်းပါးမှာတော့ Language School ၄ ကျောင်းကို မိတ်ဆက်ပေးခဲ့ပါတယ်။ Language School နဲ့ ဂျပန်ကိုလာဖို့ရည်ရွယ်နေတဲ့သူတွေ အနေနဲ့ Language School ဆိုတာ ဘယ်လိုပုံစံ၊ ဘယ်လိုစနစ်နဲ့သွားနေလဲဆိုတာ ကို အကြမ်းဖျင်းနားလည်သွားလိမ့်မယ်ထင်ပါတယ်။
