BJTစာမေးပွဲ အတွက်ဘယ်လိုပြင်ဆင်မလဲ။ BJTမှာဘယ်လိုအကြောင်းအရာတွေပါဝင်လဲ။

WeXpats

2024/04/18

ဂျပန်စာလေ့လာနေတဲ့ သူတွေအတွက် ဂျပန်မှာ အလုပ်ရှာတဲ့ အချိန်မှာ အသုံးဝင်မယ့် စာမေးပွဲတစ်ခုကတော့ လုပ်ငန်းသုံး ဂျပန်စာ အရည်အချင်းစစ်စာမေးပွဲ BJT ဖြစ်ပါတယ်။ အရှည်ကောက်ကတော့ Business Japanese Test ဖြစ်ပါတယ်။ ဒီဆောင်းပါးမှာတော့ BJT အတွက်အသုံးဝင်မယ့် အချက်အလက်တွေနှင့် BJT ဖြေမယ့်သူတွေအတွက် စာလေ့လာနည်းတွေကိုမျှဝေသွားပါမယ်။

မာတိကာ

BJT မှာ ဘယ်လိုအကြောင်းအရာတွေကိုမေးလဲ။
BJT အတွက်ဘယ်လို လေ့လာမလဲ။
BJT စာမေးပွဲဖြေထားရင် ဘယ်လို ကောင်းကျိုးတွေရှိမလဲ။
အကျဥ်းချုပ်။

BJT မှာ ဘယ်လိုအကြောင်းအရာတွေကိုမေးလဲ။

BJT ကတော့ ဂျပန်နိုင်ငံရဲ့ လုပ်ငန်းခွင့်နဲ့ ပတ်သက်တဲ့ ဗဟုသုတ နှင့် ပြောဆိုဆက်သွယ်နိုင်စွမ်းတို့ကိုစစ်ဆေးနဲ့ စာမေးပွဲဖြစ်ပါတယ်။ ဂျပန်နိုင်ငံရဲ့ လုပ်ငန်းခွင်မှာ သုံးတဲ့ စကားပြောတွေနှင့် အသုံးအနှုန်းတွေကတော့ ပုံမှန်နေစဥ်ဘဝမှာ အသုံးပြုနေတဲ့ အသုံးအနှုန်းတွေနဲ့ မတူဘဲနဲ့ ကွာပြားခြားနားပါတယ်။ ဒါကြောင့်မိုလို့ လုပ်ငန်းခွင်မှာ အသုံးပြုတဲ့ လုပ်ငန်းခွင်သုံး သီးသန့် ဂျပန်စာ စကားပြောတွေကို သေချာသိထားဖို့လိုအပ်ပါတယ်။ ပုံမှန် ဂျပန်စာအရည်အချင်းအပြင် လုပ်ငန်းခွင်မှာအသုံးပြုတဲ့ ဂျပန်စာကိုသေချာသိထားတဲ့ သူတွေအတွက် ဂျပန်ကုမ္ပဏီမှာ အလုပ်လုပ်မယ့် သူတွေအတွက် ပိုပြီးအကျိုးရှိပြီး အသုံးဝင်ပါတယ်။ ဒီအရည်အချင်းတွေ ကိုစစ်ပေးတာကတော့ BJT လို့ခေါ်တဲ့ Business Japanese Test ဖြစ်ပါတယ်။

BJT မှာမေးတဲ့ အကြောင်းအရာနှင့် Level များ

BJT စာမေးပွဲမှာတော့ [Listening] [Listening & Reading][Reading] ဆိုပြီးတော့ အပိုင်း ၃ပိုင်းပါဝင်ပါတယ်။ အမှတ်ကို‌တော့ ၈၀၀ အတွင်းပေးပြီးတော့ ရမှတ်အပေါ်မူတည်ပြီးတော့ J5～J1+ အထိ အဆင့် ၆ ဆင့် သတ်မှတ်ခွဲခြားပါတယ်။ မှတ်ပြည့် (ရမှတ် ၈၀၀) ဆိုရင်တော့ J1＋ဖြစ်ပြီးတော့ အမြင့်ဆုံးအဆင့်ဖြစ်ပါတယ်။ BJT ရဲ့ ရမှတ်နဲ့ အဆင့်သတ်မှတ်ချက် အသေးစိတ်ကိုတော့ အောက်ပါဇယားမှာကြည့်နိုင်ပါတယ်။

ရမှတ်	အဆင့်	အရည်အချင်း
800 မှတ်	J1＋（600～800 မှတ် ）	ဘယ်လိုအခြေအနေမျိုးမှာဖြစ်ဖြစ် လုပ်ငန်းခွင်အတွင်းမှာ သေသေချာချာ ပြောဆို ဆက်ဆံနိုင်။
700 မှတ်	J1＋（600～800 မှတ် ）
600 မှတ်	J1 （530～599 မှတ်）	လုပ်ငန်းခွင်နဲ့ ပတ်သက်နဲ့ အခြေအနေအမျိုးမျိုးမှာ ဂျပန်ဘာသာစကားဖြင့် ပြောဆိုဆက်ဆံနိုင်။
500 မှတ်	J2 （420～529 မှတ်）	လုပ်ငန်းခွင်နဲ့ ပတ်သက်နဲ့ အခြေအနေတချို့မှာ အလုံအလောက် ဂျပန်ဘာသာစကားဖြင့် ပြောဆို ဆက်ဆံနိုင်။
400 မှတ်	J3 （320～419 မှတ်）	လုပ်ငန်းခွင်နဲ့ ပတ်သက်နဲ့ အခြေအနေတချို့မှာ အကြမ်းအဖျင်း ဂျပန်ဘာသာစကားဖြင့် ပြောဆို ဆက်ဆံနိုင်။
300 မှတ်	J4 （200~319 မှတ်）	တချို့သော လုပ်ငန်းခွင် အခြေအနေတွေမှာသာ ဂျပန်ဘာသာစကားဖြင့် ပြောဆိုဆက်ဆံနိုင်
200 မှတ်	J5 （0～199 မှတ်）	ဂျပန်ဘာသာစကားဖြင့် လုပ်ငန်းခွင်မှာ ပြောဆိုဆက်ဆံနိုင်စွမ်း အလုံအလောက်မရှိ။

စာမေးပွဲမှာ မေးတဲ့ အကြောင်းအရာများ

BJT မှာတော့ [Listening] [Listening & Reading][Reading] ၃ မျိုးစလုံးမှာ အဖြေ ၄ မျိုးထဲကနေ ၁ မျိုးကို ရွေးချယ်လို့ရတဲ့ ပုံစံနဲ့မေးမြန်းလေ့ရှိပါတယ်။ ရေးဖြေရတဲ့ မေးခွန်းမျိုးတော့မရှိပါဘူး။ နောက်ပြီးတော့ စာမေးပွဲကိုလဲ စာမေးပွဲစစ်တဲ့ စင်တာရဲ့ ကွန်ပျူတာကိုအခြေခံပြီးတော့CBT（Computer Based Testing）စနစ်ဖြင့် စစ်လေ့ရှိပါတယ်။

စာမေးပွဲ ဘယ်လိုဖြေမလဲ။

BJT စာမေးပွဲဖောင်ကိုတော့ အင်တာနက်ကနေ တဆင့်တင်နိုင်ပြီးတော့ စာမေးပွဲဖြေရမယ့်နေရာနှင့် အချိန်ကိုလဲ တခါတည်းရွေးနိုင်ပါတယ်။ ဂျပန်မှာဖြေမယ်ဆိုရင်တော့ စာမေးပွဲကြေးကတော့ အခွန်ပါဝင်ပြီး ယန်း ၇၀၀၀ ဖြစ်ပါတယ်။ နောက်ပြီးတော့ စာမေးပွဲကြေးကတော့ အကြွေးဝယ်ကဒ် သို့မဟုတ် ဘဏ်ကနေ ပိုက်ဆံသွင်းနိုင်ပါတယ်။

စာမေးပွဲ အချိန်နှင့် စာမေးပွဲမှာပါဝင်တဲ့ အကြောင်းအရာများ

BJT စာမေးပွဲမှာတော့ [Listening] မိနစ် ၅၀၊ [Listening & Reading]ကတော့ မိနစ် ၃၀ နှင့် [Reading] ကတော့ မိနစ် ၄၀ ဖြစ်ပါတယ်။ စာမေးပွဲမှာပါဝင်တဲ့ အကြောင်းအရာတွေနှင့် အချိန်တွေကတော့ အောက်ပါအတိုင်’ဖြစ်ပါတယ်။

聴解 [Listening]（မိနစ် ၅၀)

Listening ကိုတော့ စုစုပေါင်းမေးခွန်း ၃၅ ခုမေးပြီးတော့ 「場面把握問題」「発言聴解問題」「総合聴解問題」ဆိုတဲ့ ပုံစံ ၃ မျိုးနဲ့ မေးပါတယ်။

聴読解 [Listening & Reading] ( မိနစ် ၃၀)

Listening & Reading ကိုတော့တော့ စုစုပေါင်း မေးခွန်း ၃၀ ခုမေးပြီးတော့ 「状況把握問題」「資料聴読解問題」「総合聴読解問題」ဆိုတဲ့ ပုံစံ ၃ မျိုးနဲ့မေးပါတယ်။

読解 [Reading] （မိနစ် ၄၀)

Reading ကိုတော့ စုစုပေါင်း မေးခွန်း ၃၅ ခုမေးပြီးတော့ 「語彙・文法問題」「表現読解問題」「総合読解問題」ဆိုပြီး ပုံစံ ၃ မျိုးနဲ့မေးပါတယ်။

ကိုကား - BJTビジネス日本語能力テスト

စာရေးသူရွေးချယ်သောဆောင်းပါး

BJT အတွက်ဘယ်လို လေ့လာမလဲ။

BJT အတွက် ဘယ်လိုစာလေ့လာရမလဲ။ လိုအပ်တဲ့ ရမှတ်ရဖို့အတွက် BJT အတွက်စာလေ့လာနည်းကိုကြည့်လိုက်ကြရအောင်။

BJT ဝက်ဘ်ဆိုက်မှာ တင်ထားတဲ့ နာမူနာမေးခွန်းတွေကိုဖြေကြည့်ပါ။

BJT ဝက်ဘ်ဆိုက်မှာ မေးခွန်းပုံစံနှင့် နာမူနာမေးခွန်းတွေကို တင်ထားတဲ့အတွက်ကြောင့်မို့လို့ BJT ဖြေမယ်လို့ စိတ်ကူးထားတယ်ဆိုရင်တော့ အရင်ဆုံး ဝက်ဘ်ဆိုက်က မေးခွန်းတွေကို အရင်ဖြေကြည့်ဖို့ တိုက်တွန်းချင်ပါတယ်။ မေးခွန်းတွေကိုဖြေကြည့်ပြီးတော့ စာမေးပွဲဘယ်လောက်ခက်လဲ ကိုယ့် အရည်အချင်း ဘယ်လောက်ရှိလဲ ဆိုတဲ့ အချက်ကို အရင်နားလည်အောင်လုပ်ပြီးတော့ ကိုယ်အတွက် လိုအပ်တာကိုထပ်ပြီးတော့ ဖြည့်ကြည့်ပါ။

BJT မှ တရားဝင်ထုတ်ထားတဲ့ မေးခွန်းပေါင်းချုပ်တွေကို ဖြေကြည့်ပါ။

နောက်နည်းလမ်းတစ်ခုကတော့ BJT အဖွဲ့ အစည်းကနေ တရားဝင်ထုတ်ထားတဲ့ မေးခွန်းပေါင်းချုပ်စာအုပ်တွေကိုဝယ်ပြီးတော့ အကြိမ်ကြိမ်ဖြေကြည့်တာလဲ ကောင်းတဲ့ အလေ့အကျင့်တစ်ခုဖြစ်ပါတယ်။ ဒီလို မေးခွန်းပေါင်းချုပ်တွေကိုဖြေကြည့်လိုက်ရင် စာမေးပွဲ ရဲ့ အကြောင်းအရာတချို့ကို သိနိုင်မှာဖြစ်ပြီးတော့ ဘယ်လိုမျိုး စာလုပ်ရမလဲ ဆိုတာကိုပိုပြီးသိနိုင်လာမှာဖြစ်ပါတယ်။

လုပ်ငန်းခွင်သုံး အသုံးအနှုန်းတွေကို သေချာမှတ်သားထားရအောင်

နောက်တစ်ခုကတော့ ပြောနေစရာပဲမလိုအောင် လုပ်ငန်းခွင်မှာ အသုံးပြုတဲ့ အသုံးအနှုန်းတွေကို သေချာမှတ်ထားဖို့ ဖြစ်ပါတယ်။ ဂျပန်သတင်းတွေ နောက်ပြီးတော့ အင်တာနက်ပေါ်ကနေပြီးတော့ သတင်းတွေဖတ်ပြီးတော့ ကိုယ့်ရဲ့ လုပ်ငန်းခွင်နဲ့ ပတ်သက်တဲ့ ဂျပန်စာနှင့် ဂျပန်စာဝေါဟာရတွေကို ပိုပြီး တိုးလာအောင် လုပ်ဆောင်ရမှာဖြစ်ပါတယ်။

လူပ်ငန်းခွင်အခြေအနေ ကိုမှန်းဆပြီးတော့ စကားပြောကြည့်ပါ။

နောက်တစ်ခုကတော့ လုပ်ငန်းခွင် အခြေအနေကိုမှန်းဆပြီးတော့ လုပ်ငန်းခွင်မှာ အသုံးပြုတဲ့ အသုံးအနှုန်းတွေကိုအသုံးပြုပြီးတော့ ဂျပန်စကားကိုပြောကြည့်ပါ။ ဒီလိုလုပ်ခြင်းအားဖြင့် အပြောစွမ်းရည်လဲတိုးလာမှာဖြစ်သလို အလုပ်ဝင်တဲ့ အချိန်မှာလဲ အသုံးဝင်ပါတယ်။

ဂျပန်ရုပ်ရှင်တွေကနေ ဆင့် လေ့လာကြည့်ပါ။

တချို့ ဂျပန်ဇာတ်လမ်းတွဲတွေအထဲမှာဆိုရင်တော့ လုပ်ငန်းခွင်ကို အခြေခံထားတဲ့ ဇာတ်လမ်းတွဲတွေ အများကြီးရှိတဲ့ အတွက်ကြောင့်မို့လို့ ဇာတ်လမ်းတွဲကနေ လုပ်ငန်းခွင်သုံးဂျပန်စကားကိုလွယ်လွယ်ကူကူလေ့လာနိုင်ပါတယ်။

BJT စာမေးပွဲဖြေထားရင် ဘယ်လို ကောင်းကျိုးတွေရှိမလဲ။

ဒါဆိုရင် BJT စာမေးပွဲကို ဖြေခြင်းဖြင့် ဘယ်လိုမျိုးကောင်းကျိုးတွေရနိုင်လဲ။ BJT ဖြေပြီးရနိုင်တဲ့ ကောင်းကျိုးတွေကိုကြည့်လိုက်ကြရအောင်။

ဂျပန်မှာ အလုပ်ဝင်တဲ့ အချိန်မှာ ပိုပြီူတော့ အသုံးဝင်ခြင်း

BJT စာမေးပွဲ မှာ အမှတ်ကောင်းကောင်းရထားမယ်ဆိုရင် တခြားစာမေးပွဲလက်မှတ်တွေရှိထားတာထက်ဂျပန်မှာ အလုပ်ဝင်တဲ့ အချိန်မှာ ပိုပြီးတော့ အသုံးဝင်မှာဖြစ်ပါတယ်။ နောက်ပြီးတော့ BJT စာမေးပွဲကိုဖြေခြင်းဖြင့် လုပ်ငန်းခွင်မှာ အသုံးပြုတဲ့ ဂျပန်စာအရည်အချင်းကိုလဲ မြှင့်တင်ရာရောက်တဲ့ အတွက်ကြောင့်မို့လို့ လက်တွေ့ လုပ်ငန်းခွင် ဝင်ရောက်တဲ့ အချိန်မှာလဲ ပိုပြီးတော့ အသုံးတည့်မှာဖြစ်ပါတယ်။

ဂျပန်လဝကမှ ဂျပန်စာအရည်အချင်းစစ်စာမေးပွဲအစား အသိမှတ်ပြုပေးခြင်း။

BJT စာမေးပွဲရမှတ်ကို ဂျပန်နိုင်ငံ လူဝင်မှုကြီးကြပ်ရေးဝန်ကြီးဌာနကနေပြီးတော့ လဲ အသိမှတ်ပြုထားပါတယ်၊ JLPTလိုပဲ စာရွက်စာတမ်းတွေတင်တဲ့ အချိန်၊ နေထိုင်ခွင့်လျှောက်တဲ့ အချိန်မှာ BJTရမှတ်ကိုအသုံးပြုလို့ရပါတယ်။ BJT 300 မှတ်နှင့် အထက် ဆိုရင်တော့ JLPT N5 နှင့် Level တူလို့ အသိမှတ်ပြုပြီးတော့ နေထိုင်ခွင့်လျှောက်ထားတဲ့ အချိန်မှာလဲ အသုံးပြုနိုင်ပါတယ်။

BJT 400 မှတ်နှင့် အထက်ဆိုရင်တော့ ဂျပန်မှာ JLPT N2 နဲ့ အတူတူ ပွိုင့် ၁၀ ပွိုင့်ရနိုင်ပါတယ်။ BJT 480 နှင့် အထက်ရရှိမယ်ဆိုရင်တော့ဂျပန်လဝက ကနေသတ်မှတ်ထားတဲ့ ပွိုင့်စနစ်အရ ၁၅ ပွိုင့်ရရှိနိုင်ပါတဘ်၊

အကျဥ်းချုပ်။

ဒီဆောင်းပါးမှာတော့ ဂျပန်ဘာသာ လုပ်ငန်းခွင်သုံးစာမေးပွဲနဲ့ ပတ်သက်ပြီးတော့ဖော်ပြလိုက်ပါတယ်။ ဂျပန်မှာ အလုပ်လုပ်မယ် တွေးထားတဲ့ သူတွေအတွက် အရမ်းကိုအရေးပါတဲ့ စာမေးပွဲဖြစ်တဲ့ အတွက်ကြောင့်မို့လို့ တခေါက်လောက်ဖြစ်ဖြစ်ကိုယ့်ရဲ့ လုပ်ငန်းခွင်သုံး ဂျပန်စာအရည်အချင်းကိုစမ်းသပ်တဲ့ အနေနဲ့ ဖြေကြည့်ဖို့ အကြံပြုချင်ပါတယ်။

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။