日本留学試験(EJU) ဆိုတာဘာလဲ။
EJU ဆိုတာ Examination for Japanese University Admission for International Students ရဲ့အတိုကောက်ဖြစ်ပြီး ဂျပန်လိုဆိုရင်တော့ 日本留学試験(nihonryūgakushiken) လို့ခေါ်ပါတယ်။
ဂျပန်တက္ကသိုလ်တက်ရောက်ရန် လိုအပ်သော ဂျပန်စာအရည်အချင်းများနှင့် ပညာရေးဆိုင်ရာ စွမ်းရည်ဗဟုသုတများကို ဆန်းစစ်ရန်အတွက် ပြုလုပ်သောစာမေးပွဲဖြစ်ပါတယ်။ ဂျပန်နိုင်ငံရှိ တက္ကသိုလ်သို့တက်ရောက်လိုသူတိုင်း ဝင်ခွင့်ဖြေဆိုရန်လိုအပ်ပါတယ်။ 2002 ခုနှစ်မှာ EJU စာမေးပွဲကို စတင်ခဲ့ပြီး တစ်နှစ်မှာ နှစ်ကြိမ်(ဇွန်လ နှင့် နိုဝင်ဘာလ)မှာ ဂျပန်နိုင်ငံနှင့်အခြားသောနိုင်ငံများမှာ ကျင်းပပါတယ်။ဒီEJU စာမေးပွဲကို JASSO(Japan Student Services Organization) ကကြီးမှူးပြီး ကျင်းပပြုလုပ်ပါတယ်။
တက္ကသိုလ်ဝင်ခွင့်စာမေးပွဲများမှာ ရေးဖြေ၊နှုတ်ဖြေ၊အင်တာဗျူး စသည်ဖြင့် တက္ကသိုလ်အလိုက်အမျိုးမျိုးကွဲပြားပါတယ်။ နိုင်ငံခြား ကျောင်းသား/သူများသည် ဂျပန်နိုင်ငံရှိတက္ကသိုလ်များတွင် တက်ရောက်နိုင်ရန် မဖြစ်မနေ ဖြေဆိုသင့်သော စာမေးပွဲ ဖြစ်ပါတယ်။ တက္ကသိုလ်နှင့် ကောလိပ်အများစုက ဝင်ခွင့်လိုအပ်ချက် အနေနဲ့ EJU စာမေးပွဲအမှတ်ကိုတောင်းတတ်ကြပါတယ်။
ဂျပန်မှာရှိတဲ့ တက္ကသိုလ်၊ ကောလိပ်များတက်ချင်ရင်တော့
မြန်မာနိုင်ငံတွင် EJU ဖြေပြီး တိုက်ရိုက်ဝင်ခွင့်လျှောက်ခြင်း
ဂျပန်ရှိ ဂျပန်စာသင်တန်းကျောင်းတက်ရင်း EJU ဖြေပြီး ဝင်ခွင့်လျှောက်ခြင်း တို့ပဲဖြစ်ပါတယ်။
ビジネス日本語能力テスト စာမေးပွဲအကြောင်းသိကောင်းစရာ (BJT)
စာရေးသူရွေးချယ်သောဆောင်းပါး
EJU စာမေးပွဲမှာ ဘယ်ဘာသာရပ်တွေပါလဲ။
1)Japanese
{ဂျပန်တက္ကသိုလ်တွေမှာ ပညာသင်ကြားနိုင်လောက်တဲ့ ဂျပန်စာအရည်အချင်း}
စာမေးပွဲကြာချိန်ー ၁၂၅ မိနစ်
ပေးမှတ်ー ၄၀၀ မှတ်(စာစီစာကုံး ၀ 〜၅၀ မှတ်)
2)Science (Physics, Chemistry, Biology)
{ဂျပန်တက္ကသိုလ်တွေမှာ သိပ္ပံဘာသာတွဲကိုအခြေခံတဲ့ ဘာသာရပ်တွေကိုလေ့လာတဲ့အခါမှာ လိုအပ်တဲ့ ရူပဗေဒ၊ဓာတုဗေဒ၊ ဇီဝဗေဒ တို့ရဲ့ အခြေခံ}
စာမေးပွဲကြာချိန်ー ၈၀ မိနစ်
ပေးမှတ်ー ၂၀၀ မှတ်
3)Japan and the World
{ဂျပန်တက္ကသိုလ်တွေမှာ ဝိဇ္ဇာဘာသာတွဲကိုအခြေခံတဲ့ ဘာသာရပ်တွေကိုလေ့လာတဲ့အခါမှာ လိုအပ်တဲ့ မျက်မှောက်ခေတ်(နိုင်ငံရေး၊ စီးပွားရေး၊ လူမှုရေး)၊ ပထဝီ ၊ သမိုင်း }
စာမေးပွဲကြာချိန်ー ၈၀ မိနစ်
ပေးမှတ်ー ၂၀၀ မှတ်
4)Mathematics(Course I & Course II)
{ဝိဇ္ဇာဘာသာတွဲအတွက် အခြေခံသင်္ချာ အတွဲ ၁ နှင့် သိပ္ပံဘာသာတွဲအတွက် အဆင့်မြင့်သင်္ချာ အတွဲ ၂}
စာမေးပွဲကြာချိန်ー ၈၀ မိနစ်
ပေးမှတ်ー ၂၀၀ မှတ်
အထက်ပါဘာသာရပ်များကို ဝိဇ္ဇာဘာသာတွဲကို အခြေခံသောမေဂျာ(လူမှုရေး၊ စီးပွားရေးစသည်ဖြင့်) နှင့် သိပ္ပံဘာသာတွဲကို အခြေခံသောမေဂျာ((အင်ဂျင်နီယာ၊ ဆေးပညာစသည်ဖြင့်)မိမိ တက်မယ့် တက္ကသိုလ်၊ မေဂျာကိုလိုက်ပြီး လိုအပ်မယ့် ဘာသာရပ်တွေကို ရွေးပြီးဖြေဆိုရပါတယ်။
ဥပမာ- ဝိဇ္ဇာဘာသာတွဲကို အခြေခံသောမေဂျာကို တက်ချင်ပါက
1)Japanese
2)Japan and the world
3)Mathematics (Course I)
အင်ဂျင်နီယာနှင့်ဆိုင်သော မေဂျာကို တက်ချင်ပါက
1)Japanese
2)Science (Physics & Chemistry)
3)Mathematics (Course II)
ဆေးပညာနှင့်ဆိုင်သော မေဂျာကို တက်ချင်ပါက
1)Japanese
2)Science (Chemistry & Biology)
3)Mathematics (Course II)
ဖြေဆိုရမည့် ဘာသာရပ်အလိုက် သင်ရိုးမာတိကာများကို အောက်ပါလင့်များမှလေ့လာနိုင်ပါတယ်။
https://www.jasso.go.jp/en/eju/examinee/syllabus/index.html
https://www.jasso.go.jp/ryugaku/study_j/eju/examinee/syllabus/index.html
ဂျပန်စာကလွဲရန် ကျန်တဲ့ဘာသာရပ်များကို အင်္ဂလိပ် သို့ ဂျပန်ဘာသာဖြင့် ကျွမ်းကျင်နှစ်သက်ရာ ဘာသာစကားဖြင့် ဖြေဆိုနိုင်ပါတယ်။အဲ့ဒီအတွက် ကိုယ်ဘယ်ဘာသာကို ဖြေရမလဲဆိုတာ အရင်ဆုံးသိဖို့လိုအပ်ပါတယ်။ ကိုယ်တက်မယ့်ကျောင်း၊ ကိုယ်တက်မယ့်မေဂျာအတွက် ဘယ်ဘာသာတွေလိုအပ်သလဲ၊ ဘယ်ဘာသာကို ဖြေရမလဲဆိုတာ အရင်ဦးဆုံး ရှာဖွေ စုံစမ်းဖို့လိုအပ်ပါတယ်။
ဘယ်ဘာသာတွေလိုအပ်တယ်ဆိုတာကို ဝင်ရောက်ရှာဖွေနိုင်ပါတယ်။
ဝင်ခွင့်စာမေးပွဲ မှာ EJU စာမေးပွဲအမှတ်အသုံးပြုတဲ့ တက္ကသိုလ်၊ကောလိပ်များ စာရင်း
https://www.jasso.go.jp/en/eju/examinee/use/index.html
https://www.jasso.go.jp/ryugaku/study_j/eju/examinee/use/index.html
EJU စာမေးပွဲအမှတ်ဖြင့် နိုင်ငံခြားမှဝင်ခွင့်တခါတည်းလျှောက်လို့ ရတဲ့ တက္ကသိုလ်၊ကောလိပ်များ စာရင်း
https://www.jasso.go.jp/en/eju/examinee/prearrival/index.html
https://www.jasso.go.jp/ryugaku/study_j/eju/examinee/prearrival/index.html
စသည်ဖြင့် ဘယ်ကျောင်းက ဘယ်ဘာသာရပ်ရဲ့ အမှတ်တွေလိုအပ်တယ်ဆိုတာကို ဝင်ရောက်ရှာဖွေနိုင်ပါတယ်။
စာမေးပွဲကြေး
စာမေးပွဲကြေးမှာ
မြန်မာနိုင်ငံမှာဖြေဆိုလျှင်
ဘယ်နှစ်ဘာသာဖြေဖြေ အမေရိကန်ဒေါ်လာ ၁၅ဒေါ်လာပေးဆောင်ရပါမယ်။
ဂျပန်နိုင်ငံမှာဖြေဆိုလျှင်
တစ်ဘာသာ တည်းဖြေဆိုလျှင် 7,560 ယန်း
နှစ်ဘာသာနှင့်အထက်ဖြေဆိုလျှင် 14,040 ယန်း ပေးဆောင်ရပါမယ်။
စာမေးပွဲရလဒ်
EJU စာမေးပွဲဟာ အောင်တယ်၊ ကျတယ်ဆိုတာ မရှိပါ။
ဘာသာအလိုက် ရမှတ်များကိုသာ ဖော်ပြပေးပါတယ်။
အမှတ်ကောင်းတဲ့လူတွေကစကော်လာရကြပါတယ်။
စာမေးပွဲရမှတ်အလိုက် ဝင်ခွင့်လက်ခံတဲ့ ကျောင်းတွေကို လျှောက်ရပါတယ်။
EJU စာမေးပွဲရလဒ်ဟာ အမှတ်စာရင်းထွက်ပြီး ၂ နှစ်အတွင်းသာ အသုံးဝင်ပါတယ်။
EJU စာမေးပွဲမှာ သိပ္ပံဘာသာတွဲနှင့်ဝိဇ္ဇာဘာသာတွဲကိုတစ်ကြိမ်တည်းမှာ ဖြေဆိုခွင့်မရှိပါဘူး။
စာမေးပွဲဖြေဆိုပုံကတော့ Marking Sheet System ပါ။(ဂျပန်ဘာသာမှာ စာစီစာကုံးပုံစံ အတိုလေးရေးရပါတယ်။)
ကိုးကားဝက်ဆိုဒ်များ