အလုပ်အကိုင်အခွင့်အလမ်းအများစုမှာ လုပ်ငန်းအတွေ့အကြုံလိုအပ်ကြသော်လည်း ဂျပန်နိုင်ငံတွင် လုပ်ငန်းအတွေ့အကြုံမရှိသေးသော လုပ်ငန်းနယ်ပယ်အသီးသီးက ဘွဲ့ရကာစလူငယ်များကိုအလုပ်ခန့်လေ့ရှိကြသည်။ ယခုမှစ၍ လုပ်ငန်းခွင်ဝင်ချင်ကြသူများအတွက် စွမ်းဆောင်ရည်ကိုပြသရန် အခွင့်အရေးဖြစ်သည်။
မာတိကာ
၁။လုပ်ငန်းအတွေ့အကြုံမလိုအပ်သည့် လုပ်ငန်းအမျိုးအစားများ
၂။ထိုလုပ်ငန်းအမျိုးအစားများကို မည်သည့်နေရာတွင် ရှာဖွေနိုင်မည်နည်း။
၃။ထိုလုပ်ငန်းအမျိုးအစားများကို လုပ်ခနှင့်လစာ မည်သို့တွက်ယူကြသနည်း။
၄။လုပ်ငန်းရှင်နှင့် အလုပ်လျှောက်ထားသူများ မည်သို့ဆက်သွယ်နိုင်မည်နည်း။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
၁။လုပ်ငန်းအတွေ့အကြုံမလိုအပ်သည့် လုပ်ငန်းအမျိုးအစားများ
လုပ်ငန်းခွင်အတွေ့အကြုံမရှိသော်လည်း မည်သည့်လုပ်ငန်းများတွင်လျှောက်ထားနိုင်ပါသလဲ။
လုပ်ငန်းအတွေ့အကြုံမလိုအပ်သည့် လုပ်ငန်းအများစု၏ အလုပ်တာဝန်များသည် လေ့လာရလွယ်ကူစေသည်။ ထို့ပြင် နောက်ခံအတွေ့အကြုံရှိရန် မလိုအပ်၍ဖြစ်စေ၊ အလုပ်ရှင်ကိုယ်တိုင် လျှောက်ထားသူများကို ကိုယ်တိုင် သင်ပေးချင်သောကြောင့် ဖြစ်သည်။
ထိုသို့လုပ်ငန်းအတွေ့အကြုံမလိုအပ်သည့် လုပ်ငန်းများမှာ
-
အသီးအနှံမျာကိုဆွတ်ခူးခြင်းနှင့် လယ်ယာလုပ်ငန်းများ
-
ဆောက်လုပ်ရေးလုပ်ငန်းများ
-
စက်ရုံလုပ်ငန်းများ
-
သက်ကြီးရွယ်အိုစောင့်ရှောက်သည့်လုပ်ငန်းများ
-
အခြား ဧည့်ကြိုဝန်ဆောင်မှုလုပ်ငန်းများ
အသီးအနှံဆွတ်ခူးခြင်း နဲ့ လယ်ယာလုပ်ငန်း အများစုတွင် သစ်သီးခြံထိန်းသိမ်းခြင်း၊ တိရိစ္ဆာန် အစာကျွေးခြင်း နှင့် နေရာများကိုကူညီထိန်းသိမ်းပေးခြင်း စသည်များကိုလုပ်ကိုင်ကြရသည်။ လုပ်ငန်းတာဝန်အများစုမှာ လွယ်ကူရိုးရှင်းသည်။ ၎င်းတို့သည် အသီးအနှံများ၊ ထုတ်ကုန်များ၊ တိရစ္ဆာန်များ ကောင်းမွန်ကြီးထွားစေရန်ကိုသာ အဓိကလုပ်ဆောင်ရသည်။
ဆောက်လုပ်ရေးနဲ့ စက်ရုံလုပ်ငန်းများတွင်လုပ်ကိုင်သူများသည် လုပ်ငန်းစဉ်နဲ့ရင်းနှီးပြီး ညွှန်ကြားချက်များကိုလိုက်နာရန်သာလိုအပ်သည်။ လျှောက်ထားသူအသစ်များသည် လေးလံသောပစ္စည်းများကို မပေးခြင်း (သို့မဟုတ်) လေးလံသောစက်ပစ္စည်းများ၏ လည်ပတ်မှုနည်းလမ်းများကို သင်ယူခြင်းမပြုခင် အခြားသူများကို ကူညီလုပ်ကိုင်ပေးရသည်။
ဟော်တယ်အခန်းများကိုထိန်းသိမ်းရသည့်ဝန်ထမ်းနှင့် ဧည့်ကြိုဝန်ဆောင်မှုလုပ်ငန်းများသည် အခန်းများကိုရှင်းလင်းခြင်း၊ နားနေဆောင် နေရာများကို ရှင်းလင်းခြင်း၊ ဧည့်သည်များအား ဂရုစိုက်ကူညီပေးရသည်။ ၎င်းတို့သည် ပေးအပ်သောတာဝန်များအတွက် ဂရုတစိုက်ကျေပွန်ရန်နှင့် ဧည့်သည်များ၏ လိုအပ်ချက်များကို ကူညီရန် အမြဲအကဲခတ်လေ့လာစောင့်ကြည့်ရန်လိုအပ်သည်။
အထက်ပါလုပ်ငန်းအမျိုးအစားများသည် လုပ်ငန်းအတွေ့အကြုံလိုအပ်ခြင်း မရှိပါ။ အဘယ့်ကြောင့်ဆိုသော် ကုမ္ပဏီက ဝန်ထမ်းများကို ကိုယ်တိုင် သင်တန်းပေးလေ့ကျင့်ခြင်း (သို့မဟုတ်) ဝန်ထမ်းများကိုယ်တိုင် လုပ်သက်ရင့်လာသည်နှင့်အမျှ သင်ယူလေ့လာနိုင်ပါသည်။ လုပ်ငန်းရှင်များဘက်မှ ဝန်ထမ်းများ လုပ်ငန်းအတွင်းလုပ်ဆောင်ရမည့် လုပ်ငန်းဆောင်တာများနှင့် ရင်းနှီးကျွမ်းဝင်မှုရှိစေရေးအတွက် တက်ကြွသည့်အစီအစဉ်များကို စီစဉ်ဆောင်ရွက်ပေးသည်။ ထိုအပြင် ဝါရင့်ဝန်ထမ်းများအား ဝန်ထမ်းအသစ်များကို ပြန်လည်သင်ကြားခြင်းဖြင့်လည်ကောင်း သင်ယူတတ်မြောက်နိုင်သည်။ ထိုကြောင့် အထက်ပါလုပ်ငန်းအမျိုးအစားများသည် အလုပ်အတွေ့အကြုံမရှိသော်လည်း အချိန်တိုအတွင်း အလျင်အမြန်သင်ယူတတ်မြောက်နိုင်သည့် လုပ်ငန်းအမျိုးအစားများဖြစ်ကြသည်။
စာရေးသူရွေးချယ်သောဆောင်းပါး
၂။ထိုလုပ်ငန်းအမျိုးအစားများကို မည်သည့်နေရာတွင် ရှာဖွေနိုင်မည်နည်း
အထက်ပါလုပ်ငန်းအမျိုးအစားများကို မည်သို့အလွယ်တကူရှာနိုင်မလဲ။
လုပ်ငန်းအများစုကို အွန်လိုင်းတွင် အလွယ်တကူရှာဖွေနိုင်ပြီဖြစ်သည်။ အများအားဖြင့် အစိုးရကော်မရှင်များမှသော်လည်ကောင်း၊ အလုပ်အကိုင်ရှာဖွေရေးအေဂျင်စီများမှလည်းကောင်း အလုပ်အကိုင်စာရင်းများကိုရရှိနိုင်ပါသည်။ မည်သည့်လုပ်ငန်းအမျိုးအစားကိုမဆို လုပ်ကိုင်ရာတွင် အန္တရာယ်ကင်း ဝေးစေရန် တရားဝင်နည်းလမ်း နှင့် အသိအမှတ်ပြုထားသော လမ်းကြောင်းများကို ရွေးချယ်ရန်လိုအပ်ပါသည်။
၃။ထိုလုပ်ငန်းအမျိုးအစားများကို လုပ်ခနှင့်လစာ မည်သို့တွက်ယူကြသနည်း
၎င်းတို့လုပ်ကိုင်သည့်လုပ်ငန်းအမျိုးအစားပေါ်မူတည်၍ ပုံသေလစာ (သို့မဟုတ်) လုပ်ခလစာ စသည်ဖြင့် သတ်မှတ်ထားသည်။ အချိန်ပြည့်လုပ်ကိုင်ခြင်းနဲ့ အချိန်ပိုင်းအလုပ်များတွင် ကွာခြားချက်ရှိနိုင်ပါသည်။ ထိုလုပ်ငန်းအမျိုးအစားများသည် လုပ်ငန်းအတွေ့အကြုံမလိုအပ်သော်ငြားလည်း လုပ်သက်ကြာလာသည်နှင့်အမျှ လစာနှုန်းထားများတိုးပေးရန် တောင်းဆိုနိုင်ပါသည်။
အကယ်၍ အချိန်ပြည့်အလုပ်ရှိထားသူများ အချိန်ပိုင်းအလုပ် ဝင်လျှောက်ခွင့်ရှိပါသလား။
ဂျပန်နိုင်ငံတွင်နေထိုင်သူများသည် အလုပ်ကိုနှစ်ခုလုပ်ကိုင်လေ့ရှိကြသည်။ အချိန်ပိုင်းအလုပ်ကိုလုပ်ကိုင်ကြသူအများစုသည် အပိုဝင်ငွေရှာချင်သူများဖြစ်ကြသည်။ ဂျပန်ဝန်ထမ်းအများစု အလုပ်ချိန်သည် လုပ်ငန်းရှင်များ၏ သတ်မှတ်ချက်နှင့် သဘောတူညီချက်များအ ပေါ် မူတည်၍ တစ်ပတ်လျှင်အလုပ်ချိန်ကို ကန့်သတ်ထားပါသည်။ ကြိုတင်ဂရုစိုက်ရမည့်အချက်မှာ ၎င်း၏အချိန်ပြည့်လုပ်ရန်ချုပ်ဆိုထားသော အလုပ်ချိန်နှင့် တိုက်ဆိုင်မှုမရှိစေရန်၊အလုပ်ရှင်ကဒုတိယမြောက်အလုပ်ကိုလုပ်ကိုင်ခွင့်ပြုထားသည်၊မပြုထားသည်ကို သတိပြုရပါမည်။
၄။လုပ်ငန်းရှင်နှင့် အလုပ်လျှောက်ထားသူများ မည်သို့ဆက်သွယ်နိုင်မည်နည်း
ယေဘူယျအားဖြင့် လိုအပ်သည့်အချက်အလက်များကို လုပ်ငန်းရှင်များက ၎င်းတို့အလုပ်ခေါ်စာတင်ထားသည့်အခါ တခါထဲဖော်ပြလေ့ရှိကြသည်။ ယနေ့ခေတ် ဂျပန်နိုင်ငံတွင် ဖုန်းနဲ့ဆက်သွယ်ခြင်းထက် email ဖြင့်ဆက်သွယ်ခြင်း ကို ပိုမိုလုပ်ဆောင်လာကြသည်။ အထူးသတိပြုရန်အချက်မှာ အလုပ်ရှင်ဘက်က ဖုန်းခေါ်ဆိုခြင်းပြုနိုင်ကြောင်း အလုပ်ခေါ်စာတွင်ထည့်သွင်းထားမှသာ ဖုန်းဖြင့်ဆက်သွယ်နိုင်ပါသည်။ ထိုသို့ အလုပ်ရှင်နှင့်တိုက်ရိုက်ဖုန်းခေါ်ဆိုသည့်အခါ ၎င်းသည် ဂျပန်ဘာသာစကားကို အလွယ်တကူပြောဆိုဆက်ဆံနိုင်သည်အထိ တတ်မြောက်ထားရန်လိုအပ်ပါသည်။ ဤသို့ဖုန်းခေါ်ဆိုခြင်းက အချိန်ကုန်သက်သာစေသည့်အပြင် အလုပ်လျှောက်သူကို အလုပ်ရှင်က ပို၍သတိထားမိစေသည်။
အနိမ့်ဆုံးပညာအရည်အချင်းသည် မည်သည့်အဆင့်ထိ သင်ယူတတ်မြောက်ထားသင့်သလဲ
အလုပ်လျှောက်ထားသူများသည် ပညာရေးအဆင့်အနေဖြင့် အနည်းဆုံးအထက်တန်းအောင်ထားရပါမည်။ ဤလုပ်ငန်းများသည် အရည်အချင်းနည်းပါးသည့် လုပ်ငန်းအမျိုးအစားများဖြစ်ကြသော်လည်း သက်ဆိုင်ရာကော်လိပ်များတွင် ဘွဲ့ရရှိထားပါက အခွင့်အလမ်းပိုမိုရရှိကာ လစာတိုးပေးသည်အထိ ညှိနှိုင်းဆွေနွေးနိုင်ကြပါသည်။
သင်ယူလိုစိတ်ရှိစေရန်နှင့် အများနှင့်ပူးပေါင်းလုပ်ဆောင်နိုင်ရမည်
အခြားသူများထံမှသင်ယူ လေ့လာပါ။ ကြိုးစားပါ။ နောင်တစ်ချိန်တွင် ၎င်းသည်မိမိမှ အခြားသူများကို သင်ပေးရန်လိုအပ်လာနိုင်ပါသည်။ အဘယ်ကြောင့်ဆိုသော် ဝါရင့်ဝန်ထမ်းများက ဝန်ထမ်းအသစ်များကို သင်ပေးရန်လိုအပ်သလို၊ တခါတရံတွင်ပူးပေါင်းလုပ်ဆောင်ရသောကိစ္စများရှိလာနိုင်ပါသည်။ ထိုဝါရင့်ဝန်ထမ်းများသည် လုပ်ငန်းစဉ်အတွက် လိုအပ်သည့်အဆင့်များကို သေချာစွာသင်ကြားပေးရပါသည်။ ဝန်ထမ်းအသစ်များသည်လည်း လုပ်ငန်းဆောင်တာအသေးစိတ်ကို သေချာနာလည်ထားဖို့လိုအပ်ပါသည်။ အလုပ်ရှင်အများစုသည် ဝါရင့်ဝန်ထမ်းဟောင်းများက ဝန်ထမ်းအသစ်များကို လိုအပ်သည့်နည်းစနစ်များကို လက်ဆင့်ကမ်းသင်ကြားပေးနိုင်ခြင်းကို လိုလားကြသည်။
ဘာသာစကားကျွမ်းကျင်ခြင်းသည် လုပ်ငန်းအတွင်းဆက်ဆံရေးအတွက် အခြေခံလိုအပ်ချက်ဖြစ်သည်
လုပ်ငန်းခွင်ဝင်တဲ့အချိန်တွင်းမှာ ဂျပန်စကားပြောဆိုကျွမ်းကျင်ခြင်းက အမှန်တကယ်လိုအပ်ပါသည်။ လုပ်ငန်းခွင်အတွင်း ခိုင်းထားသောအလုပ်တာဝန်များကို သေချာစွာလိုက်နာနိုင်စေရန်၊ အလုပ်ကိုကောင်းမွန်စွာလုပ်ကိုင်နိုင်စေရန်၊ နာလည်မှုလွဲနေသောကိစ္စရပ်များကိုဆွေးနွေးတိုင်ပင်နိုင်စေရန် စသည်တို့အတွက် အဓိကလိုအပ်ချက်မှာ ဂျပန်ဘာသာစကားကိုနားလည်တတ်ကျွမ်းမှသာ အဆင်ပြေစေမှာဖြစ်ပါသည်။ အကယ်၍ အလားအလာကောင်းသောဝန်ထမ်းများ ဘာသာစကားကျွမ်းကျင်ခြင်းမရှိလျှင် အလုပ်ရှင်များက ဘာသာစကားသင်တန်းများကို သွားရောက်သင်ကြားစေပါသည်။ ထို့ကြောင့် ဘာသာစကားမတတ်ကျွမ်းသော်လည်း အလုပ်ကိုရဲရဲသာလျှောက်ထားလိုက်ပါ။ ဂျပန်စကားကို အလုပ်လုပ်နေရင်းနှင့် အချိန်တစ်ခုကြာလာလျှင် အလိုလိုတိုးတက်လာနိုင်ပြီး အလုပ်နဲ့သက်ဆိုင်သော စကားလုံးများကို ကျွမ်းကျွမ်းကျင်ကျင်တတ်မြောက်လာပါလိမ့်မည်။
၎င်းတို့လျှောက်ထားသောအလုပ်နှင့်ပတ်သတ်၍ အလုပ်ရှင်သည် တရားဝင်လမ်းကြောင်းမှ ခေါ်ဆိုထားခြင်းရှိ၊မရှိ မည်သို့သိနိုင်မည်နည်း
အလုပ်အကိုင်သစ်ရှာဖွေပေးသော အေဂျင်စီသည် တရားဝင်လုပ်ကိုင်သည့်လုပ်ငန်းဖြစ်ရပါမည်
ပထမဆုံးအနေဖြင့် အလုပ်မလျှောက်ခင်မှာ အေဂျင်စီ၏ အသိအမှတ်ပြုလက်မှတ်များကို သေချာစွာစီစစ်သင့်ပါသည်။ အကယ်၍ မှန်ကန်ပြီး တရားဝင်လုပ်ကိုင်နေသော အေဂျင်စီများသည် မည်သည့်အခါမှ တရားမဝင်အလုပ်များကို ရှာဖွေပေးမှာမဟုတ်ပါ။ ထို့ကြောင့် ၎င်းအေဂျင်စီသည် နာမည်ကောင်းရှိ၊မရှိနှင့် ဝန်ဆောင်ခ အလွန်အကျွံတောင်းဆိုခြင်း ရှိ၊မရှိ သေချာစွာလေ့လာရပါမည်။ ပို၍သေချာသိစေရန် အတွေ့အကြုံရှိခဲ့ဖူးသူများထံမှတဆင့် မေမြန်းစုံစမ်းနိုင်ပါသည်။
စနစ်တကျဖွဲ့စည်းထားသောအဖွဲ့အစည်းများထံ အကြံဉာဏ်တောင်းခံခြင်းနှင့် တရားဝင်တောင်းဆိုခြင်းပြုလုပ်နိုင်သည်
ဂျပန်နိုင်ငံတွင် သာမန်လိုအပ်ချက်များကို လေ့လာထားရုံမျှမက လိုအပ်ပါက အစိုးရ၏လုပ်ငန်းစဉ်များနှင့် အကူအညီပေးမှုများကိုပါလေ့လာထားသင့်ပါသည်။ အကယ်၍ ဂျပန်အစိုးရအဖွဲ့အစည်းများမှကူညီနိုင်သည့် အပိုင်းတွင် ၎င်းတို့ကို အကူအညီတောင်းခြင်းသည် အကျိုးကျေးဇူးများစွာရရှိမည်ဖြစ်သည်။ အချို့ကိစ္စများတွင် အလုပ်အကိုင်ကုမ္ပဏီများမှဗီဇာနဲ့ လေယာဉ်စရိတ်ပြန်တောင်းခံနိုင်သည်အထိ ကူညီပေးနိုင်ပါသည်။ သို့သော် အထက်ပါ အကူအညီများသည် မိမိတို့ရဲ့မိခင်နိုင်ငံပေါ်မူတည်၍ လိုအပ်ချက်ကွဲပြားခြားနားနိုင်ပါသည်။
ဂျပန်တွင် တရားဝင်အလုပ်လုပ်ကိုင်နိုင်ရန် ဗီဇာရှိထားရပါမည်။
ဗီဇာရှိမှသာ အလုပ်လုပ်ကိုင်ခြင်းသည် မှန်ကန်သောတရားဝင်နည်းလမ်းဖြစ်ပါသည်။ အကယ်၍ ဗီဇာမရှိထားပါက အလုပ်လုပ်ကိုင်နိုင်မည်မဟုတ်ပါ။ သို့ပေမယ့်လည်း အခြားနည်းလမ်းအနေဖြင့် ကျောင်းသားဗီဇာရှိထားသူများသည်အလုပ်လုပ်ကိုင်ခွင့်ရှိပါသည်။ သတိထားရမည့်အချက်မှာ ကျောင်းသားဗီဇာသည် တစ်ပတ်လျှင် လုပ်ကိုင်နိုင်မည့်အချိန်ကန့်သတ်ချက်ရှိပါသည်။ အကယ်၍ ၎င်းသည် ရေရှည်အတွက် စိတ်ချရသောအလုပ်တစ်ခုကို ရရှိနိုင်စေရဖို့ရာ လိုအပ်သောစာရွက်စာတန်းများ ကိုပြည့်စုံအောင်ဆောင်ရွက်ပြီးမှသာ အလုပ်လျှောက်ထားသင့်ပါသည်။
လက်ရှိဂျပန်နိုင်ငံတွင် အလုပ်လုပ်နေသူများအား အကူအညီတောင်းခံနိုင်သည်။
လက်ရှိဂျပန်နိုင်ငံတွင်အလုပ်လုပ်ကိုင်နေသူများသည် ဂျပန်နိုင်ငံ၏ လုပ်ထုံးလုပ်နည်း၊ ယဉ်ကျေးမှု၊ လိုက်နာရမည့်စည်းကမ်း၊ သတိထားရမည့်အရာ စသည်များကို သေချာစွာ ပြောပြပေးနိုင်ပါသည်။ ၎င်းတို့သည် လိုအပ်သည့်စာရွက်စာတန်းများ နှင့် လိုအပ်လာမည့်အရာများကို ကြိုတင်ပြင်ဆင်ထားနိုင်ရန် ကူညီပေးနိုင်ပါလိမ့်မည်။ ရင်းနှီးသောသူငယ်ချင်းများ၊ လုပ်ဖော်ကိုင်ဖက်များ၊ ဆွေမျိုးနီးစပ်အသိများထဲမှ အတွေ့အကြုံရှိထားသော ရင်းနှီးသူများထံအကူအညီတောင်းခံနိုင်ရန်လိုအပ်ပါသည်။
နိဂုံးချုပ်
နိဂုံးချုပ်အနေဖြင့် ဂျပန်နိုင်ငံတွင် အချိန်ပြည့် နှင့်အချိန်ပိုင်းအလုပ်အကိုင်များစွာရှိပါသည်။ အများအားဖြင့် ထိုအလုပ်အကိုင်များသည် လုပ်ငန်းအတွေ့အကြုံနှင့်ပညာအရည်အချင်းများမလိုအပ်ပေ။ လိုအပ်သည့်အရာများမှာ ကြိုးစားအားထုတ်ခြင်းနဲ့ သင်ယူတတ်မြောက်လိုစိတ်ဖြစ်သည်။ ဇွဲရှိရှိနှင့်အလုပ်ကြိုးစားသူများသည် အချိန်တိုအတွင်းအလုပ်များကို ကျွမ်းကျင်စွာလုပ်ကိုင်နိုင်လာမည်ဖြစ်သည်။
.jpg)
