ဂျပန်မှာနေထိုင်တဲ့ သူတွေအတွက် အသုံးဝင်တဲ့ App တွေအများကြီးရှိပါတယ်။ ဒီဆောင်းပါးမှာတော့ ဂျပန်မှာ ခရီးသွားတဲ့အချိန်၊ အစားအသောက်နဲ့ ပတ်သက်ပြီးဖြစ်စေ၊ သဘာဝဘေးအန္တာရာယ်ကျရောက်တဲ့ အချိန်မှာဖြစ်စေ၊ စျေးဝယ်တဲ့ အချိန်နဲ့ ပျော်ပါးတဲ့ အချိန်မှာဖြစ်စေ အသုံးဝင်တဲ့ Appတွေကို ဖော်ပြသွားပါ့မယ်။
မာတိကာ
- ခရီးသွားတဲ့ အချိန်မှာ အသုံးဝင်တဲ့ App များ။
- အစားအသောက်နဲ့ ပတ်သက်ပြီး အသုံးဝင်တဲ့ App များ။
- သဘာဝဘေးနဲ့ပတ်သက်ပြီး အသုံးဝင်တဲ့ App များ။
- စျေးဝယ်ထွက်ချိန်၊ အပျော်အပါး၊ ဖက်ရှင်တို့နဲ့ ပတ်သက်ပြီး အသုံးဝင်တဲ့ App များ။
ခရီးသွားတဲ့ အချိန်မှာ အသုံးဝင်တဲ့ App များ။
ဂျပန်မှာတော့ အဓိကအားဖြင့် ရထားကို အသုံးပြုတာများပါတယ်။ ဂျပန်ပြည်ပကနေ ပြည်တွင်းခရီးသွားချင်တဲ့အချိန် ဖြစ်စေ၊ ဂျပန်ပြည်တွင်းတစ်နေရာကနေ တစ်နေရာ၊ နောက်ပြီး နေ့စဥ် ရုံး၊ ကျောင်းကိုရထားနဲ့ သွားလာတဲ့ အချိန်မှာ ရှိထားသင့်တဲ့ အသုံးပြုရမယ့် App တွေအများကြီးရှိပါတယ်။ App တွေ အကုန်လုံးကိုဖော်ပြသွားပါ့မယ်။
Japan Travel
- IOS - Japan Travel
- Andriod - Japan Travel
ဒီ App ကတော့ ဂျပန်ကိုလာရောက်လည်ပတ်တဲ့ သူတွေအတွက် တစ်နေရာနှင့် တစ်နေရာကို လွယ်လွယ်ကူကူ လည်ပတ်နိုင်အောင် လမ်းညွှန်ပေးတဲ့ App ဖြစ်ပါတယ်။ ရထားလမ်းစဥ်တွေကို လွယ်လွယ်ကူကူနဲ့ ရှင်းရှင်းလင်းလင်းဖော်ပြတဲ့ အပြင် လမ်းကြောင်း အမျိုးမျိုးကိုလဲ ဖော်ပြပေးတဲ့ အတွက်ကြောင့်မို့လို့ ကိုယ်တဲ့ ကိုက်ညီပြီး အဆင်ပြေမယ့် လမ်းကြောင်းကို သေချာရွေးချယ်နိုင်ပါတယ်။ နောက်ပြီး ပွဲတော်၊ နေရာ၊ အစသဖြင့် ခရီးနှင့်ပတ်သက်တဲ့ ဆောင်းပါးတွေကိုလဲရေးထားလေ့ရှိပါတယ်။ အရေးကြီးတဲ့ အချက်တစ်ချက်ကတော့ အင်္ဂလိပ်ဘာသာစကားအပါအဝင် တခြားဘာသာစကား ၁၀ မျိုးလောက်နဲ့ အသုံးပြုနိုင်ပါတယ်။
Japan Transit Planner
- IOS - Japan Transit Planner
- Andriod - Japan Transit Planner
ခရီးသွားတဲ့ အချိန်မှာ တစ်ဘူတာနဲ့ တစ်ဘူတာကို တိုက်ရိုက်မရောက်ဘဲ ကြားခံ ပြောင်းစီးရတဲ့ အချိန်တွေများပါတယ်။ အသားမကျသေးတဲ့ သူအတွက်ဆိုရင် ဒီလိုပြောင်းစီးဖို့ခက်ခဲပါတယ်။ ဒီပြသနာကိုဖြေရှင်းဖို့အတွက် ကတော့ Japan Transit Planner ဆိုတဲ့ App ကအသုံးဝင်မှာဖြစ်ပါတယ်။ ဒီ App မှာတော့ အင်္ဂလိပ်ဘာသာစကားအပါအဝင် တခြားဘာစကား များစွာနဲ အသုံးပြနိုင်မှာဖြစ်ပါတယ်။ သွားမယ့်နေရာအတွက်လမ်းကြောင်းဦ အချိန်၊ ကျသင့်ငွေ၊ အချိန်ဇယားတို့ကိုရှာဖွေနိုင်ပါတယ်။ နောက်ပြီး ရထားလက်မှတ်နဲ့ ရထားတွဲ အမျိုးအစားတွေကိုပါ ထည့်ပြီးရှာဖွေနိုင်ပါတယ်။
Japan2Go!
နောက်ထပ် App တစ်ခုကနော့ ဂျပန်မှာ လည်ပတ်စရာနေရာတွေနဲ့ သွားနိုင်မယ့်လမ်းကြောင်းတွေကိုဖော်ပြတဲ့ App ဖြစ်ပါတယ်။ ဘာသာစကားပေါင်း ၆ မျိုးနဲ့ အသုံးပြုနိုင်တဲ့အတွက်ကြောင့်မို့လို့ လဲ အဆင်ပြေပါတယ်။
Suica
IC card တွေကတော့ ဂျပန်မှာခရီးသွားတဲ့ အချိန်တွေမှာ လုံးဝအရေးပါတဲ့ ကတ်တွေဖြစ်ပါတယ်။ ဒီကတ်တွေကိုတော့ လေဆိပ်မှာလဲ ဝယ်နိုင်သလို ဂျပန်ပြည်ပြမှာကတည်းက ဖုန်းနဲ့ အသုံးပြုနိုင်တဲ့ ကတ် အမျိုးအစားကိုတခါတည်းဝယ်ထားလို့လဲရပါတယ်။ အသေးစိတ်ကို IC card ဆောင်းပါးမှာဝင်ဖတ်နိုင်ပါတယ်။ ဂျပန်မှာ အလုပ်လုပ်နေတဲ့ သူတွေရော၊ ကျောင်းတက်နေတဲ့ သူတွေပါ အသုံးပြုသင့်တဲ့ App ဖြစ်ပါတယ်။
JRE POINT
ဒီ app ကတော့ JR East ရထားစီးနေတဲ့ သူတွေနဲ့ ဘူတာအတွင်းမှာရှိတဲ့ နေရာတွေမှာစျေးဝယ်နေတဲ့ သူတွေအတွက် အဆင်ပြေတဲ့ App ဖြစ်ပါတယ်။ JR East စီးနေတဲ့ သူဆိုပါက Suica နဲ့ချိတ်ပြီးအသုံးပြုနိုင်မှာဖြစ်ပြီး အသုံးပြုသမျှ Point တွေရမှာဖြစ်ပါတယ်။ ရရှိတဲ့ Point တွေကိုတော့ Suica ကိုပြန်ဖြည့်ပြီးအသုံးပြုနိုင်ပါတယ်။
えきねっと
えきねっと ကတော့ ရထားလက်မှတ်၊ ကျည်ဆန်ရထားလက်မှတ်တွေကို စျေးသက်သက်သာသာနဲ့ လွယ်ကူစွာဝယ်ယူနိုင်မှာဖြစ်ပါတယ်။ ပြီးတော့ ရထားနဲ့ အတူတူ တည်းမယ့် ဟိုတယ် ကိုပါတခါတည်း Booking တင်နိုင်မှာဖြစ်ပါတယ်။ တက္ကစီလဲ ငှားနိုင်တဲ့ အပြင် ဒီ app ကနေပြီးတော့ JRE POINT
ကိုပါရရှိနိုင်နိုင်မှာဖြစ်ပါတယ်။
乗換案内 YAHOO
- IOS - 乗換案内 YAHOO
- Andriod - 乗換案内 YAHOO
ဒီ app ကတော့ ဂျပန်ပြည်တွင်းမှာနေနေတဲ့ သူတွေအတွက်အထူးအသုံးဝင်မှာဖြစ်ပါတယ်။ ဒီ app မှာတော့ ပိုပြီးအသေးစိတ်ပြီး ရထားစီးမယ့် အချက်တွေကို ပိုပြီးတော့ အသေးစိတ်ထည့်ပြီးရှာနိုင်ပါတယ်။ ဥပမာ - လစဥ်ပေးလက်မှတ်ဝယ်ထားရင် ကိုယ်ဝယ်ထားတဲ့ လမ်းကြောင်းအပြင် တခြားလမ်းကြောင်းကိုသွားရင် လစဥ်ပေးလက်မှတ်ကိုအသုံးပြုလို့ရအောင်ဘယ်လိုသွားရမလဲ အစသဖြင့် ရှာဖွေကြည့်ရှုနိုင်ပါတယ်။
スマートEX
ဒီ app ကလဲ ဂျပန်နိုင်ငံမှာ ကျည်ဆန်ရထားတွေကို ကြိုတင်ဝယ်ယူနိုင်ခြင်း၊ ဟိုတယ်အခန်းကြိုတင် Booking တင်ခြင်းတို့ကိုပြုလုပ်နိုင်ပါတယ်။
တက္ကစီခေါ်တဲ့ apps များ
ဂျပန်မှာနေတဲ့ သူတွေအတွက်တော့ ရထားစီးတာ အဆင်ပြေဆုံးဖြစ်မှာပါ၊ ဒါပေမယ့် ဂျပန်ကိုအလည်လာပြီး တက္ကစီစီးဖို့ လိုအပ်လာတဲ့ အချိန်မှာဆိုရင် တက္ကစီခေါ်တဲ့ apps တွေရှိထားဖို့လိုအပ်ပါတယ်။ ဂျပန်မှာအသုံးများတဲ့ တက္ကစီခေါ်တဲ့ app တွေကတော့
စာရေးသူရွေးချယ်သောဆောင်းပါး
အစားအသောက်နဲ့ ပတ်သက်ပြီး အသုံးဝင်တဲ့ App များ။
ဂျပန်ကိုခရီးအနေနဲ့လာတာပဲဖြစ်ဖြစ် ဂျပန်မှာနေနေတဲ့ သူတွေအတွက်ပဲဖြစ်ဖြစ် ဆိုင်တစ်ဆိုင်ကိုဝင်တော့မယ့်အချိန်သို့မဟုတ် အပြင်မှာထွက်ပြီးစားဖို့ ဆိုင်ရှာတဲ့ အချိန်မှာဖြစ်စေ အသုံးပြုနိုင်မယ့် app တွေကို ဖော်ပြသွားပါ့မယ်။
食べログ (Taberogu)
ဒီ app ကတော့ ၂၀၀၅ ခုနှစ်ကတည်းကစပြီးမိတ်ဆက်တဲ့ app ဖြစ်ပြီးတော့ အသုံးပြတဲ့ သူတွေကနေပြီးတော့ ဂျပန်တစ်နိုင်ငံလုံးမှာရှိတဲ့ စားသောက်ဆိုင်တွေကို Review ပေးပြီး Rate ရတဲ့ app ဖြစ်ပါတယ်။ ဒါကြောင့် တနိုင်ငံလုံးမှာရှိတဲ့ စားသောက်ဆိုင်တွေမှာရှိတဲ့ app တွေရဲ့ အချက်အလက်တွေအပြင် စားသုံးသူတွေရဲ့ Review ကိုပါဖတ်နိုင်တဲ့ အတွက်ကြောင့်မို့လို့ အပြင်မှာထွက်ပြီးစားတဲ့ အချိန်မှာ အသုံးဝင်မှာဖြစ်ပါတယ်။
Rakuten ぐるなび
- IOS - Rakuten ぐるなび
- Andriod - Rakuten ぐるなび
နောက်တစ်ခုကတော့ 食べログ လိုမျိုးအစားအသောက်နဲ့ ပတ်သက်တဲ့ app ဖြစ်ပါတယ်။ ဒီ app ကတော့ ကိုယ်သွားချင်တဲ့ စားသောက်ဆိုင်တွေကိုကြိုပြီးတော့ Booking တင်နိုင်တဲ့ app မျိုးဖြစ်ပါတယ်။ နောက်ပြီးတော့ ကူပွန်တွေလဲ ရရှိနိုင်ပါတယ်။
Happy Cow
သင်က ဟင်းရွက်တွေပဲ စားလေ့ရှိတဲ့ သူတစ်ယောက်လား၊ ဒါဆိုရင်တော့ ဒီ Happy Cow ကိုအသုံးပြုဖို့ညွှန်းချင်ပါတယ်။ ဒီ app မှာတော့ Vegan Restaurants တွေအများကြီးကိုရှာနိုင်မှာဖြစ်တဲ့အတွက်ကြောင့်မို့လို့ အသီးအရွက်သီးသန့်စားတဲ့ သူတွေအတွက် အရမ်းအသုံးဝင်ပါတယ်။
辛メーター
နောက်တစ်ခုကတော့ ကျွန်တော်တို့မြန်မာတွေဂျပန်ကိုလာရင် အဓိက ရှာရခက်တာကတော့ အစပ်ပဲဖြစ်ပါတယ်။ ဒီပြသနာကိုဖြေရှင်းဖို့အတွက် app ကဖြေရှင်းပေးနိုင်မှာဖြစ်ပါတယ်။ ကိုယ့်ရဲ့ အနီးဆုံးမှာရှိတဲ့ အစပ်ရောင်းတဲ့ဆိုင်တွေအပြင် စားသုံးသူတွေရဲ့ Review တွေကိုပါတခါတည်းကြည့်နိုင်မှာဖြစ်ပါတယ်။ ဒါကြောင့်မို့လို့ အစပ်စားချင်တဲ့ အချိန်မှာဖြစ်စေ၊ သွားစားချင်တဲ့ ဆိုင်ရှိတဲ့ အချိန်မှာကြိုတင်ပြီးတော့ အချက်အလက်တွေ သိချင်တဲ့ အချိန်မှာဖြစ်စေ
Delivery App များ
ဂျပန်မှာတော့ Delivery App တွေ အများကြီးရှိပါတယ်။ အသုံးများတဲ့ Delivery App တွေကတော့ အောက်ပါ ၄ မျိုးကိုတွေ့ရပါတယ်။
သဘာဝဘေးနဲ့ပတ်သက်ပြီး အသုံးဝင်တဲ့ App များ။
ဂျပန်နိုင်ငံမှာတော့ ငလျင်ခဏခဏလှုပ်တဲ့ အချက်ကိုလဲမေ့ထားလို့မရပါဘူး။ ဒါကြောင့်မို့လို့ သဘာဝဘေးအန္တာရာယ်ကျရောက်တဲ့ အချိန်မှာအသုံးဝင်တဲ့အချက်အလက်တွေကိုစုဆောင်းထားဖို့လိုအပ်ပါတယ်။ အရင်ဆုံး သင့်စမတ်ဖုန်းထဲမှာ ထည့်ထားလို့ရမယ့် အသုံးဝင်တဲ့ App တွေကိုကြည့်လိုက်ကြရအောင်။
NHKニュース・防災
- IOS - NHKニュース・防災
- Andriod - NHKニュース・防災
ပထမဆုံးတစ်ခုကတော့ NHKニュース・防災ဆိုတဲ့ Appဖြစ်ပြီးတော့ ဂျပန်မှာဖြစ်လေ့ဖြစ်ထရှိတဲ့ ငလျင်၊ ဆူနာမီ၊ မုန်တိုင်း အစရှိတဲ့ အကြောင်းအရာတွေနဲ့ ပတ်သက်ပြီးတော့ အချက်အလက်တွေကို အချိန်နဲ့ တပြေးညီသိရှိနိုင်မှာဖြစ်ပါတယ်။ ဘာသာစကားကတော့ ဂျပန်လို တစ်မျိုးနဲ့သာတင်ပြလေ့ရှိတဲ့ အတွက်ကြောင့်မို့လို့ ဂျပန်လိုအရမ်းမရတဲ့ သူတွေအတွက်ဆိုရင်တော့ အနည်းငယ် အခက်အခဲရှိနိုင်ပါတယ်။
防災速報 Yahoo
- IOS - 防災速報 Yahoo
- Andriod - 防災速報 Yahoo
နောက် တစ်ခုကတော့ Yahoo ရဲ့ Appဖြစ်ပြီး ရာသီဥတု အကြောင်ူအရာတွေကို အချိန်နဲ့ တပြေးညီ သိရှိရမှာဖြစ်ပါတယ်။ သဘာဝဘေးတွေ တင်မဟုတ်ဘဲ ရာသီဥတုအကြောင်ူအရာတွေကိုပါ အချိန်နဲ့ တပြေးညီသိနိုင်မှာဖြစ်ပါတယ်။ ဘာသာစကားကတော့ ဂျပန်လို တစ်မျိုးနဲ့သာတင်ပြလေ့ရှိတဲ့ အတွက်ကြောင့်မို့လို့ ဂျပန်လိုအရမ်းမရတဲ့ သူတွေအတွက်ဆိုရင်တော့ အနည်းငယ် အခက်အခဲရှိနိုင်ပါတယ်။
NHK WORLD-JAPAN
- IOS - NHK WORLD-JAPAN
- Andriod - NHK WORLD-JAPAN
NHK WORLD-JAPAN မှာတော့ NHK သတင်းများအပြင် သဘာဝဘေးအန္တာရယ်နဲ့ ပတ်သက်နဲ့ အချက်အလက်တွေကို မြန်မြန်ဆန်ဆန်ဖြန့်ဝေ ပေးတဲ့ အတွက်ကြောင့်မို့လို့ အရမ်းကိုအသုံးဝင်ပါတယ်။ နောက်ပြီး အင်္ဂလိပ်လိုနဲ့ ဖော်ပြပေးတဲ့ အတွက်ကြောင့်မို့လို့ အသုံးပြုရလဲ အဆင်ပြေပြီးလွယ်ကူပါတယ်။
Safety tips
- IOS - Safety tips
- Andriod - Safety tips
Safety tips ဆိုတဲ့ app မှာတော့ မတော်တဆ ဘေးန္တာရာယ် ကျရောက်လာတဲ့ အချိန်မှာ ကာကွယ်နိုင်ဖိုအတွက် အသုံးပြုနိုင်တဲ့ အချက်အလက်တွေ ကို ဖော်ပြထားပါတယ်။ နောက်ပြီးတော့ အသုံးပြုနိုင်တဲ့ စကားစုတွေကိုလဲ မိတ်ဆက်ပေးထားတဲ့ အတွက်ကြောင့်မို့လို့ အသုံးဝင်ပါတယ်။
စျေးဝယ်ထွက်ချိန်၊ အပျော်အပါး၊ ဖက်ရှင်တို့နဲ့ ပတ်သက်ပြီး အသုံးဝင်တဲ့ App များ။
နောက်ဆုံးတစ်ခုကတော့ ဂျပန်မှာ စျေးဝယ်ပျော်ပါးတဲ့ အချိန်မှာ အသုံးဝင်တဲ့ app တွေကိုဖော်ပြသွားပါ့မယ်။
チケットぴあ
ပထမဆုံးတစ်ခုကတော့ ဂျပန်မှာလုပ်တဲ့ ပွဲတွေ၊ အားကစားပွဲတွေ၊ ပြဇာတ်၊ ရုပ်ရှင် အစရှိတဲ့ အရာတွေအားလုံးရဲ့ လက်မှတ်တွေကို ဒီ app တစ်ခုတည်းကနေ ဝယ်ယူနိုင်ပါတယ်။ ဒါကြောင့်မို့လို့ ဒီ app ကို ဒေါင်းလုတ်လုပ်ထားရင်တော့ လွယ်လွယ်ကူကူနဲ့ လိုချင်တြ့ လက်မှတ်တွေကို ဝယ်ယူနိုင်မှာဖြစ်ပါတယ်။ နောက်ပြီး ပိုက်ဆံကိုလဲ အကြွေးဝယ်ကတ်၊ ကွန်ဘီနီ အစရှိတဲ့နေရာတွေမှာ ချေနိုင်တဲ့ အတွက်ကြောင့်မို့လို့ သက်သာပြီးလွယ်ကူပါတယ်။
TVer
ဂျပန်ဇာတ်လမ်းတွဲတွေ၊ အစီစဥ်တွေကို ကြည့်ချင်ရင်တော့ TVer ဆိုတဲ့ app ကတော့ တော်တော် အသုံးဝင်ပါတယ်။ လွင့်ပြီးသား အကြောင်းအရာတွေကို ကြည့်ဖို့အတွက် လွတ်သွားတဲ့ အချိန်မှာ ပြန်လည်ကြည့်ရှုနိုင်တဲ့ အတွက်ကြောင့် မို့လို့ တော်တော်အဆင်ပြေပါတယ်။
Pay Pay
Pay Pay ကတော့ ဂျပန်မှာအသုံးများတဲ့ ငွေပေးချေတဲ့ app တစ်မျိုးဖြစ်ပါတယ်။ ဒီ app ကတော့ လူတော်တော်များများအသုံးပြလေ့ရှိပြီး ဆိုင်တော်တော်များများလဲ ဒီ app ကိုအသုံးပြုပြီးငွေပေးချေနိုင်ပါတယ်။ ဒါကြောင့် ရှိထားရင် အဆင်ပြေတဲ့ app တစ်ခုလို့ဆိုနိုင်ပါတယ်။
Amazon
နောက်တစ်ခုကတော့ အရမ်းမိတ်ဆက်ပေးစရာမလိုတဲ့ အွန်လိုင်းကနေ စျေးဝယ်လို့ရမယ့် Amazon ဆိုတဲ့ app ဖြစ်ပါတယ်။ ဂျပန်မှာလဲ လူသုံးများတဲ့ app ဖြစ်ပြီး ဝယ်လို့ရတဲ့ ပစ္စည်းတွေလဲ အများကြီးရှိတဲ့ အတွက်ကြောင့် အဆင်ပြေပါတယ်။
ZOZO TOWN
အဝတ်အစားတွေဝယ်မယ်ဆိုရင်တော့ ဂျပန်မှာ နာမည်ကြီးပြီး အဆင်ပြေတဲ့ app ကတော့ ZOZO TOWN ဖြစ်ပါတယ်။ ဒီ app မှာတော့ ဆိုင်တွေ အများကြီးက အဝတ်အစားတွေကိုဝယ်ယူနိုင်ပြီး ကူပွန်တွေလဲ ရနိုင်ပါတယ်။
Style hint
- IOS - Style hint
- Andriod - Style hint
ဒီ app ကတော့ ဂျပန်မှာ လူငယ်တွေကြားရေပန်းစားတဲ့ ဖက်ရှင်တဲ တံဆိတ်တွေဖြစ်တဲ့ Uniqlo GU တို့ကိုဘယ်လို ဝတ်ရမလဲ ဆိုပြီးတော့ ဝတ်ဆင်ပုံကို ကြည့်ရမှာဖြစ်ပါတယ်။ သူတို့ဝတ်ဆင်ပုံကိုလေ့လာပြီး ကိုယ်တိုင်လဲ လှလှပပ ဝတ် ဆင်နိုင်ပါတယ်။
Wear
Wear ကလဲ Style hint လို ပဲဖက်ရှင်နဲ့ ပတ်သက်တဲ့ app ဖြစ်ပြီးတော့ မတူတဲ့ အချက်တစ်ချက်ကတော့ Uniqlo GU တို့အပြင် တခြားတံဆိတ်အများကြီးကို ဝတ်ပြတဲ့ အသုံးပြုသူတွေရှိတဲ့ အချက်ဖြစ်ပါတယ်။
Mercari
Mercari ဆိုတဲ့ app ကတော့ အသုံးပြုပြီးသာ ပစ္စည်းတွေကို ဝယ်၊ ရောင်းနိုင်တဲ့ appဖြစ်ပါတယ်။ နောက်ပြီး ပစ္စည်း တွေအပြင် အသီးအနှံတွေကိုပါ ဝယ်ယူနိုင်တဲ့ အချက်က ဒီ app ရဲ့ ကောင်းမွန်တဲ့ အချက်ဖြစ်ပါတယ်။
