ဂျပန်နိုင်ငံဟာသဘာဝဘေးအန္တာရယ်အများဆုံးဖြစ်ပွားတဲ့နိုင်ငံတစ်နိုင်ငံထဲမှာပါဝင်ပါတယ်။သဘာဝဖြစ်ပွားတဲ့အချိန်မှာဘယ်လိုပုံစံနဲ့ကာကွယ်ရမလဲဆိုတာကိုလည်းဂျပန်ရဲ့မူလတန်းပညာရေးကနေလေ့ကျင့်သင်ကြားပေးထားပါတယ်။သဘာဝဘေးအန္တာရယ်ဖြစ်ခဲ့မယ်ဆိုရင်အရေးပေါ်ဆက်သွယ်လို့ရမယ့်ဖုန်းနံပါတ်နဲ့သတင်းအချက်အလက်များကိုရုပ်မြင်သံကြား၊ရေဒီယို၊အင်တာနက်တို့ကနေရယူနိုင်ပါတယ်။ငလျင်ရဲ့ပြင်အား၊ရှောင်ရှားရမယ့်လုံခြုံမယ်နေရာ၊ကယ်ဆယ်ရေးစခန်းတွေရဲ့အချက်အလက်တွေကိုသေချာနားထောင်ပြီးတည်ငြိမ်စွာနဲ့အန္တရယ်ကင်းအောင်ဆောင်ရွက်ဖို့အရေးကြီးပါတယ်။ ဒါကြောင့် ဂျပန်နိုင်ငံမှာနေထိုင်တဲ့ အချိန်မှာ သဘာဝဘေးအန္တာရယ် ဖြစ်တဲ့ အချိန်သိထားသင့်တဲ့ အချက်အလက်တွေကိုမျှဝေလိုက်ပါတယ်။
မာတိကာ
- ငလျင်နဲ့ပတ်သတ်ပြီးရှောင်ရှားသင့်တဲ့နေရာများ
- ဘေးအန္တာရာယ်ရှောင်တိမ်းတဲ့နေရာ 避難所（hinanjo）ကိုသွားတဲ့ အချိန်သတိထားရမယ့်အချက်များ
- ငလျင်ဖြစ်နေအချိန် ဘယ်လို ကာကွယ်ရမလဲ။
- ငလျင်နဲ့ပတ်သတ်ပြီးရှောင်ရှားသင့်တဲ့နေရာများ။
- ကယ်ဆယ်ရေးလုပ်ငန်းများနဲ့တိမ်ရှောင်ရေးနဲ့ပတ်သက်နဲ့ သတင်းအချက်အလက်များ။
- အရေးပေါ်အခြေအနေ အတွက်ပြင်ဆင်ထားရမယ့် ပစ္စည်းများ။
- အကျဥ်းချုပ်
ငလျင်နဲ့ပတ်သတ်ပြီးရှောင်ရှားသင့်တဲ့နေရာများ
ငလျင်ဖြစ်တဲ့ အချိန်မှာ အများအားဖြင့်ဖုန်းတွေကနေတဆင့် အရေးပေါ်သတိပေးချက်တွေဝင်လာတတ်ပါတယ်။ ဒီလိုအရေးပေါ်အချက်အလက်တွေကိုကိုဖတ်ပြီးတော့ အချက်အလက်တေါကိုစနစ်တကျလိုက်နာဖို့လိုအပ်ပါတယ်။ ဒါကြောင့် ပထမဆုံးမှာတော့ လုံခြုံတဲ့နေရာမှာ နေရာမလား၊ နောက်ပြီး ဒေသအလိုက်သတ်မှတ်ထားတဲ့ သဘာဝ ဘေးအန္တာရယ်လွတ်မြောက်တဲ့နေရာကိုသွားရမလားဆိုတဲ့ အချက်ကိုသေချာ ကြည့်ပါ။ ဂျပန်မှာတော့ သဘာဝဘေးအန္တာရယ်ဖြစ်ပေါ်တဲ့ အချိန်မှာ ရှောင်တိမ်းရယ့် နေရာတွေကို သတိမှတ်ထားလေ့ရှိကြပါတယ်။ ဒီလိုနေရာတွေကို 避難所（hinanjo）လို့ခေါ်ပါတယ်။ ဒီလို 避難所（hinanjo）တွေကို ကိုယ်နေထိုင်တဲ့ နေရာတွေမှာ ကြိုတင်ပြီးတော့ ကြည့်ရှုထားသင့်ပါတယ်။ 避難所（hinanjo）ကတော့ အများအားဖြင့် စာသင်ကျောင်းတို့၊ အားကစားခန်းမတို့ တွေဖြစ်ပါတယ်။ အိမ်ရဲ့ အနီးတဝိုက်က 避難所（hinanjo）၊ ပြီးတော့ အလုပ်လုပ်နေရင်လဲ အလုပ်နားက 避難所（hinanjo）၊ ကျောင်းတက်နေရင်လဲ ကျောင်းအနားတဝိုက်က 避難所（hinanjo）တွေကိုသေချာကြည့်ရှုထားသင့်ပါတယ်။ဒါဆို 避難所（hinanjo）ကိုသွားတဲ့ အချိန်မှာသတိထားသင့်တဲ့အချက်တွေကိုသေချာကြည့်လိုက်ကြရအောင်။
避難所（hinanjo）ကိုရှောင်ရတော့မယ့်အနေအထားဆိုရင်တော့ သတိပေးချက်တွေ ထွက်ပေါ်ပါတယ်။ သတိပေးချင်တွေကိုကြည့်လိုက်ကြရအောင်။ ကမ်းရိုးတမ်းဒေသတွေ ပင်လယ်နဲ့ နီးတဲ့ နေရာတွေကတော့ ငလျင်ဖြစ်ပေါ်ပါက ချက်ချင်း ပြေးတာအကောင်းဆုံးဖြစ်ပါတယ်။ ဖုန်းကနေတဆင့် အသိပေးစာတွေ လဲ ရုတ်တရက် ဝင်လာနိုင်ပါတယ်။ ဂျပန်စာ သို့မဟုတ် အင်္ဂလိပ်စာနဲ့ဖော်ပြလေ့ရှိပါတယ်။ ဒီလို အရေးပေါ်အချိန်မှာ အသုံးဝင်တာကတော့ အတိုကောက်စာတွေနဲ့ သင်္ကေတတွေဖြစ်ပါတယ်။ ဒါကြောင့် အတိုကောက်စကားလုံးတွေနဲ့ သင်္ကေတတွေကို အကျွမ်းတဝင်ဖြစ်အောင်လုပ်ထားသင့်ပါတယ်။ အတိုကောက်စာလုံး တချိုကတော့
- 津波！逃げろ。 - tsunami!nigero!
- 津波！避難！tsunami!hinan!
- 大きい地震がきます。頭を守ってください。ookiii jishin ga kimasu. atamawo mamottekudasai.
တို့ပဲဖြစ်ပါတယ်။ ဒီလိုမျိုး မက်ဆေ့တွေ ဝင်လာနိုင်ပါတယ်။
စာရေးသူရွေးချယ်သောဆောင်းပါး
ဘေးအန္တာရာယ်ရှောင်တိမ်းတဲ့နေရာ 避難所（hinanjo）ကိုသွားတဲ့ အချိန်သတိထားရမယ့်အချက်များ
- ဘေးအန္တာရာယ်ရှောင်တိမ်းတဲ့နေရာ 避難所（hinanjo）ကိုသွားတဲ့ အချိန်မှာ လမ်းလျှောက်သွားပါ။ ကားဖြင့်မသွားပါနဲ့။
- တာဝန်ရှိတဲ့ သူတွေက သင့်ရဲ့ နာမည်၊ နေရပ်လိပ်စာတွေကိုမေးပါလိမ့်မယ်။ တကယ်လို့ သင့်မိသားစုတွေရှိပါက အတူတူစုံစည်းနိုင်ဖို့ဖြစ်ပါတယ်။
- 避難所（hinanjo）မှာတော့ လူတွေအများကြီးရှိတဲ့ အတွက်ကြောင့်မို့လို့ တတ်နိုင်သလောက် အပြန်အလှန်ဖေးမကူညီပါ။
- 避難所（hinanjo）မှာလဲစည်းမျဥ်းစည်းကမ်းတွေ အများကြီးရှိပါတယ်။ ဒါကြောင့် ထုတ်ပြန်ထားတဲ့ စည်းမျဥ်းစည်းကမ်းတွေကို သေချာလိုက်နာပါ။
- 避難所（hinanjo）မှာတော့ ရေနဲ့ အစားအသောက်တွေရှိပေမယ့် လုံလုံလောက်လာက်မရှိတဲ့အခါမှာ အားလုံးနဲ့ မျှမျှတတ ခွဲဝေယူဆောင်ပါ။
- သန့်စင်ခန်းကိုသွားတဲ့ အချိန်မှာလဲ တာဝန်ရှိတဲ့ သူကိုမေးပြီးမှသာ သွားပါ။
- အမှိုက်မပစ်ခင်မှာလဲ တာဝန်ရှိတဲ့ သူကိုသေချာမေးပါ။
- ဆေးလိပ်သောက်တဲ့ အချိန်မှာလဲ တာဝန်ရှိသူကိုသေချာမေးမြန်းပြီးမှသောက်ပါ။
- နောက်ပြီး အသံကျယ်ကျယ်နဲ့စကားပြောခြင်းကိုလဲ ရှောင်ကြဥ်သင့်ပါတယ်။
ငလျင်ဖြစ်နေအချိန် ဘယ်လို ကာကွယ်ရမလဲ။
ငလျင်ဖြစ်နေတဲ အချိန် ဘယ်လိုအရာတွေကို ဂရုစိုက်ရမလဲ။ ကိုယ်ရောက်နေတဲ့ နေရာအပေါ်မူတည်ပြီးတော့ လုပ်ရမယ့်အချက်တွေကိုကြည့်လိုက်ကြရအောင်။
အိမ်အတွင်းမှာရှိနေတဲ့ အချိန်။
ကိုယ်ကိုကို ကာကွယ်ပေးမယ့်နေရာကို ရောက်အောင်သွားပါ။ ငလျင်လုပ်နေတဲ့ အချိန်မှာတော့ အပေါ်ကနေ ပစ္စည်းတွေ ပြုတ်ကျလာနိုင်တဲ့ အတွက်ကြောင့်မို့လို့ ကိုယ့်ကို ကာကွယ်ပေးမယ့်နေရကိုအရင်ဆုံးရောက်အောင်သွားရမှာဖြစ်ပါတယ်။ ဥပမာ စားပွဲခုံအောက် ကိုဝင်ပုန်းတာတို့လုပ်ရမှာဖြစ်ပါတယ်။ နောက်ပြီး ဂစ်တွေ အသုံးပြုနေတဲ့ အချိန်မှာဆို မီးနဲ့ ဝေးဝေးမှာနေဖို့လိုအပ်ပါတယ်။ ငလျင်လှုပ်နေတဲ့ အချိန်မှာ သွားပြီး မီးကိုပိတ်ဖို့ မကြိုးစားပါနဲ့။ ငလျင်လှုပ်တာ ရပ်သွားတဲ့ အချိန်မှာသာ ဂစ်စ်ကိုသွားပိတ်ဖို့ကြိုးစားပါ။ နောက်ပြီး အပြင်ထွက်သွားနိုင်အောင် ပြတင်းပေါက်တွေနဲ့ တံခါးပေါက်တွေကိုဖွင့်ထားပါ။ ငလျင်ကြောင့် တံခါးနှင့် ပြတင်းပေါက်တွေ ပုံစံပြောင်းသွားပြီး မပွင့်တဲ့ အချိန်တွေလဲရှိတတ်လို့ပါ။ အပြင်ထွက်တဲ့ အခါမှာလဲ ချက်ချင်းကြီးမပြေးထွက်ဘဲ အပေါ်ကနေ ပစ္စည်းတွေ ကျလာခြင်း ရှိ၊ မရှိကိုသေချာ စိစစ်ပြီးမှ ထွက်ပြေးပါ။ နောက်ပြီး ဓာတ်လေးကားကို အသုံးမပြုဘဲ ထွက်ပါ၊ အကယ်လို့ ဓာတ်လှေကားထဲရောက်နေတဲ့ အချိန်မှာဆိုရင် အနီးဆုံးထပ်မှာဆင်းပြီး ချင်ချင်းဆင်းပြီးထွက်ပါ။ တကယ်လို့ မပွင့်ပါက 緊急連絡ボタン (kinkyu renraku botan) အရေးပေါ်ခလုတ်ကိုနိုပ်ပြီး လာကယ်မယ့် အချိန်ကိုစောင့်ပါ။
အိမ်အပြင် မှာရှိနေတဲ့ အချိန်။
အပေါ်က ပစ္စည်းတွေကျလာတတ်နဲ့ အတွက်ကြောင့်မို့လို့ ဦးခေါင်းကို တစ်ခုခုနဲ့ ကာကွယ်ထားဖို့လိုအပ်ပါတယ်၊ နောက်ပြီး မြင့်မားတဲ့ အရာတွေရှိတဲ့ အရာတွေနဲ့ ဝေးရာ၊ ကျယ်ပြန့်တဲ့နေရာကိုပြေးဖို့လိုအပ်ပါတယ်။
ကားစီးနေတဲ့ အချိန်
ရုတ်တရက်ကြီးကားကိုမရပ်ဘဲ တဖြေးဖြေး ရပ်ပြီးမှကားကို ဘယ်ဘက် ကပ်ပြီး စက်ကိုရပ်ပြီးမှအပြင်ထွက်ပါ။ နောက်ပြီး ပြေးတဲ့ အချိန်မှာလဲ ကားမှာ သော့ကိုဒီအတိုင်းထာခဲ့ပါ။ ကိုယ့် ဖုန်းနံပါတ် ပါတဲ့ စာရွက်ကို ကားထဲမှာထားခဲ့ပြီးမှ အရေးကြီးတဲ့ ပစ္စည်းတွေကိုယူပြီး ထွက်ပြေးပါ။
ဘတ်စကား၊ ရထားစီးနေတဲ့ အချိန်
ဘေးပတ်ဝန်းကျင်မှာရှိတဲ့ အရာတွေကိုသေချာဆုပ်ကိုင်ထားဖို့လိုအပ်ပါတယ်။ နောက်ပြီး ရုတ်တရက်ကြီး အပြင်ကိုထွက်မပြေးဖို့နဲ့ ယာဥ်မောင်းတဲ့ သူရဲ့ စကားကိုသေချာလိုက်နာဖို့လိုအပ်ပါတယ်။
မြေအောက်မှာရှိနေတဲ့ အချိန်
မြေအောက်မှာရှိနေတဲ့ အချိန်မှာတော့ 出口 (deguchi) ထွက်ပေါက်ကို အရင်ရောက်အောင်သွားပြီး ထွက်ပြေးပါ။ နောက်ပြီး လမ်းညွှန်ပြသပေးတဲ့ သူရဲ့ စကားကိုသေချာနားထောင် လိုက်နာပြီး နံရံ ကိုကပ်ပြီး လမ်းလျှောက်ပါ။
ဒီအချက်တွေကတော့ ငလျင်လှုပ်တဲ့ အချိန်မှာ အခြေခံလိုက်နာရမယ့် နည်းလမ်းတွေဖြစ်ပါတယ်။
နီးစပ်ရာ ဒေသများရဲ့ လေ့ကျင့်ရေး စင်တာတွေမှာ ဝင်ရောက်ပါဝင်ပါ။
ဒီနည်းလမ်းတွေရှိပေမယ့် လဲ ရုတ်တရက်ကြီးဖြစ်လာတဲ့ အချိန်မှာ ကြိုတင်ပြီး မပြင်ဆင်ထားဘူးဆိုရင် တကယ်လက်တွေ့ဖြစ်တဲ့ အချိန်မှာ လှုပ်ရှားနိုင်ဖို့ အခွင့်အလမ်းနည်းပါးပါတယ်။ ဒါကြောင့်မို့လို့ ဒေသ အလိုက်ပြုလုပ်လေ့ရှိတဲ့ 防災訓練（bousai kunren）သဘာဝဘေးအန္တာရာယ် ကြိုတင်ကာကွယ်ရေးနဲ့ပတ်သက်တဲ့ လေ့ကျင့်ရေးအစီစဥ်တွေမှာ ပါဝင်သင့်ပါတယ်။ မိမိ ပတ်ဝန်းကျင် ဒေသအသီးသီးတွေမှာ ပြုလုပ်လေ့ရှိတဲ့အတွက်ကြောင့်မို့လို့ အခွင့်အရေးရတဲ့ အချိန်မှာ တက်တက်ကြွကြွ ပါဝင်ဖို့တိုက်တွန်းအပ်ပါတယ်။ ဒီလိုလေ့ကျင့်မှုတွေကတော့ အများအားဖြင့် တကယ်မြေပြင်မှာ ဖြစ်နေတဲ့ အတိုင်းလက်တွေ့ပြုလုပ်တဲ့ အတွက်ကြောင့်မို့လို့ လေ့ကျင့်ထားရင် လက်တွေ့လုပ်တဲ့ အချိန်မှာတော်တော်အသုံးဝင်ပါတယ်။
ဆူနာမီနဲ့ပတ်သက်ပြီးသတိထားစရာအချက်များ
ဂျပန်မှာငလျင်နဲ့အတူတူဆူနာမီပါဖြစ်ပွားတဲ့အတွက်သတိထားဂရုစိုက်ရမှာဖြစ်ပါတယ်။ဆူနာမီမှကာကွယ်နိုင်ရန်ဘေးအန္တရာယ်ပြမြေပုံနဲ့တိမ်းရှောင်လို့ရမယ့်အန္တရာယ်ကင်းတဲ့လမ်းကြောင်းကိုရှာဖွေထားဖို့ကအရေးကြီးပါတယ်။ပင်လယ်မြစ်ဝနဲ့နီးတဲ့ပြင်းထန်တဲ့လှုပ်ယမ်းမှုမျိုးခံစားရတဲ့အခါထိုပင်လယ်မြစ်ဝနဲ့ဝေးကွာတဲနေရာသို့အလျင်အမြန်ရှောင်ခွာပြီးကုန်မြင့်ထက်နဲ့အထပ်အမြင့်အဆောက်အဦးများသို့တိမ်းရှောင်သင့်ပါတယ်။ငလျင်မလှုပ်ပေမယ့်လည်းမိုးလေဝသဌာနကဆူနာမီသတိပေးထုတ်ပြန်ပါကပင်လယ်မြစ်ဝနဲ့ဝေးကွာတဲ့နေရာသို့တိမ်ရှောင်ပြီး၊ကုန်းမြင့်နဲ့မြင့်မားတဲ့အဆောက်အဦးများကိုတိမ်ရှောင်ပြီး၊ကယ်ဆယ်ရေးနေရာများသို့သွားရောက်သင့်ပါတယ်။နောက်တစ်ခုကသဘာဝဘေးအန္တရာယ်နဲ့ပတ်သက်တဲ့အပီလီကေရှင်းများကိုအသုံးပြုသင့်ပါတယ်။စမတ်ဖုန်းအပီလီကေရှင်းများအနေနဲ့Safety tips,goo ဘေးအန္တရယ်ကာကွယ်တာဆီးရေးအပီလီကေရှင်းနဲ့မိုးလေဝသ web Earthquake information,Tsunami warning / advisoryအစရှိသဖြင့်အောက်ပါလင့်မှဝင်ရောက်ကြည့်ရှုနိုင်ပါတယ်။
ကယ်ဆယ်ရေးလုပ်ငန်းများနဲ့တိမ်ရှောင်ရေးနဲ့ပတ်သက်နဲ့ သတင်းအချက်အလက်များ
ငလျင်လှုပ်သည်ဖြစ်စေ၊ဆူနာမီအတွက်ရောသဘာဝဘေးအန္တရာယ်နဲ့ကြုံတွေ့ခဲ့ရင်မိမိနေထိုင်တဲ့ရပ်ကွက်၊မြို့နယ်ရဲ့အင်တာနက်စာမျက်နှာမှာသတင်းအချက်အလက်များကိုရှာဖွေဖတ်ရှုနိုင်ပါတယ်။ကယ်ဆယ်ရေးစခန်းသွားတဲ့နေရာမှာလည်းအန္တရာယ်ကင်းတဲ့နေရာများမှရွေးချယ်သွားသင့်ပါတယ်။နောက်တစ်ခုကသက်ကြီးရွယ်အို၊မသန်းစွမ်းသူ၊ကလေးသူငယ်များကိုလည်းစိတ်ချရတဲ့နေရာသို့အလျင်အမြန်ရွေ့ပြောင်းသင့်ပါတယ်။အရေးပေါ်အမိန့်အချက်အလက်များကိုလိုက်နာပြီးစိတ်ချရတဲ့နေရာများကိုအန္တရာယ်ကင်းရှင်းမှုရှိမရှိစစ်ဆေးပြီးတိမ်းရှောင်ရပါမည်။ မဖြစ်ခင် ကြိုတင်ပြီးတော့ အချက်အလက်တွေကိုစုဆောင်းထားဖို့ကလဲ တော်တော်အရေးကြီးပါတယ်။ ဒါကြောင့်မို့လို့ ဂျပန်အစိုးရရုံးတွေကနေပြီးတော့ တင်ပြထားတဲ့အချက်အလက်တွေ၊ ဝက်ဘ်ဆိုက်တွေကိုစုစည်းပြီးဖော်ပြလိုက်ပါတယ်။
သဘာဝဘေးအန္တရာယ် ဖြစ်ပေါ်တဲ့ အချိန်အသုံးပြုနိုင်တဲ့ အက်ပလီကေးရှင်းများ
ပထမဆုံးတစ်ခုကတော့ ဘဘာဝ ဘေးအန္တာရာယ်ဖြစ်တဲ့ အချိန်မှာ အသုံးပြုတဲ့ အက်ပလီကေးရှင်းတွေကို အသုံးပြုပြီး ပိုပြီးတော့ အန္တာရာယ်ကင်းကင်းနဲ့ ပိုပြီးတော့ သတင်းအချက်အလက်တွေကိုပိုပြီးတော့ မြန်မြန်ဆန်ဆန်ရယူနိုင်ပါတယ်။ နောက်ပြီး မြန်မာလိုနဲ့ ဖော်ပြထားတဲ့ အတွက်ကြောင့် ဖတ်ရှုရလဲ လွယ်ကူပါတယ်။ သို့သော် ဒီထဲမှာ ဖော်ပြထားတဲ့ Japan Official Travel App ကတော့ ဝန်ဆောင်မှုရပ်တန့်ထားတဲ့ အတွက်ကြောင့်မို့လို့ အသုံးပြုလိုရနိုင်မည်မဟုတ်ပါ။
သဘာဝဘေးအန္တရာယ်အတွင်း ကူညီတောင်းခံနိုင်ရန်ကတ်ပြား
ဒီတစ်ခုကတော့ သဘာဝဘေးအန္တာရယ်ဖြစ်တဲ့ အချိန်မှာ အသုံးဝင်မယ့် အချက်အလက်တွေကိုဖြည့်စွက်နိုင်မယ့် ကတ်ပြားဖြစ်ပါတယ်။ ဒီကတ်ပြားမှာတော့ မြန်မာဘသာ၊ ဂျပန်ဘာသာနဲ့ ကိုယ်ပိုင်အချက်အလက်တွေကို ဖြည့်စွက်နိုင်တဲ့ အပြင်သဘာဝဘေးအန္တာရယ် အတွင်း အသုံးဝင်မယ့် မြန်မာနဲ့ ဂျပန် ဘာသာပြန်စကားတွေကိုရေးသားထားတာကိုတွေ့မြင်ရမည်ဖြစ်ပါတယ်။
အသုံးဝင်မယ့် ဝက်ဘ်ဆိုက်များ
နောက်ဝက်ဘ်ဆိုက်တစ်ခုကတော့ သဘာဝဘေးအန္တာရာယ်ကျရောက်နေစဥ်အတွင်းမှာ အသုံးပြုနိုင်မယ့် အချက်အလက်တွေကို လွယ်ကူတဲ့ဂျပန်စကားနှင့်မြန်မာဘာသာစကားအပါအဝင် တခြားဘာသာစကားတွေနဲ့ ပါဖော်ပြထားတဲ့ အတွက်ကြောင့်မို့လို့ သေချာဖတ်ရှုထားသင့်ပါတယ်။
အရေးပေါ်အခြေအနေ အတွက်ပြင်ဆင်ထားရမယ့် ပစ္စည်းများ
တခြားသဘာဝဘေးအန္တာရာယ်ကိုကြိုတင်ခန့်မှန်းလို့ရနိုင်ပေမယ့် ငလျင်ကိုတော့ ကြိုတင်ပြီးတော့ ခန့်မှန်းလို့မရနိုင်ပါ။ ဒါကြောင့်မို့လို့ အမြဲတမ်းအရေးပေါ်ကြိုတင်ကာကွယ်တဲ့ အိတ်ကို ထုပ်ပိုးထားဖို့လိုအပ်ပါတယ်။ အရေးပေါ်လိုအပ်တဲ့ ပစ္စည်းတွေနဲ့ အရေးကြီးတဲ့ ပစ္စည်းတွေကိုတော့ စုစည်းပြီးဖော်ပြလိုက်ပါတယ်။
အစားအသောက်နှင့်ရေ
အစားအသောက်တွေကိုတော့ အရေးပေါ်အခြေအနေမှာ စားသောက်နိုင်မယ့် အစားအသောက်တွေကို သေချာထည့်ထားပါ။ အစားအသောက်တွေကိုတော့ အများအားဖြင့် ကြာရှည်ခံ ထားနိုင်တဲ့ အစားအသောက်တွေ ဖြစ်တဲ့ စည်သွတ်ဘူးတွေ နဲ့ ပေါင်မုန့်ခြောက်တွေ ထည့်ထားသင့်ပါတယ်။ နောက်ပြီး အများအားဖြင့် ၃ ရက်စာ ကြိုတင်ပြီးပြင်ဆင်ထားသင့်ပါတယ် ။
ယာယီသုံး စက္ကူ အိမ်သာ
ယာယီသုံး အိမ်သာကတော့ ဘေးရှောင်တဲ့ နေရာတွေမှာ လွယ်လွယ်ဝယ်ယူနိုင်တဲ့ အိမ်သာမျိုးဖြစ်ပါတယ်။ရှေးယခင်တုန်းက အဖြစ်အပျက်ထားတဲ့ အချက်အလက်တွေကိုကြည့်လိုက်ရင် ငလျင်ဖြစ်ပြီးချက်ချင်း ယာယီအိမ်သာတွေရောက်လာတာမျိူးမရှိပါဘူး။ ဒါကြောင့်မို့လို့ ကိုယ်တိုင် ပြင်ဆင်ထားပြီး အလွယ်တကူအသုံးပြုနိုင်တဲ့အိမ်သာမျိုးကို အသုံးပြုနိုင်ဖို့ ကြိုတင်ပြီး ဝယ်ထားသင့်ပါတယ်။
သွားတိုက်ဆေးသွားတိုက်တံ
သွားတိုက်ဆေး သွားတိုက်တံ တွေလဲ ဆောင်ထားသင့်ပါတယ်။ သွားတိုက်လို့ရတဲ့ Sheet တွေဆောင်ထားတာလဲ သင့်တော်ပါတယ်။
လက်နိုပ် ဓာတ်မီးနှင့် တခြားအရေးပေါ် ပစ္စည်းများ
နောက်ထပ်အရေးကြီးတာကတော့ လက်နိုပ်ဓာတ်မီး၊ ရေဒီယို၊ ဓား အစရှိတဲ့ အရေးပေါ်သုံးပစ္စည်းတွေဖြစ်ပါတယ်။ လက်နိုပ်ဓာတ်မီးကတော့ ညဘက်တစ်နေရာရာကိုသွားတဲ့အချိန်မှာ အသုံးဝင်မှာဖြစ်ပြီး ရေဒီယိုကတော့ မှန်ကန်တဲ့ သတင်းအချက်အလက်တွေရရှိနိုင်ဖို့ အသုံးဝင်မှာဖြစ်ပါတယ်။ ငလျင်ပြီးသွားပြီဆိုရင်တောင်မှ နောက်ထပ် ထပ်လှုပ်နိုင်တဲ့ ငလျင်အသေးစားတွေ၊ နောက်ဆက်တွဲ မိုးရွာသွန်းမှု၊ မြေပြိုမှု အစရှိတဲ့အရာတွေ အများကြီးရှိနိုင်ပါတယ်။ ဒါကြောင့်မို့လို့ မှန်ကန်တဲ့ အချက်အလက်တွေကို ရရှိနိုင်ဖို့ ရေဒီယို ရှိဖို့လဲ အရေးပါပါတယ်။ နောက်ပြီး မျက်မှန်တပ်နေကျသူဆိုရင် မျက်မှန်၊ ဂျပန်စကားအရမ်းမရဘူးဆိုရင် အဘိဓာန်၊ အီလက်ထရောနစ် အဘိဓာတ်အစရှိတဲ့ အရာတွေကိုဆောင်ထားသင့်ပါတယ်။
ရာသီသုံးပစ္စည်းများ
နောက်ပြီး ရာသီနဲ့လိုက်ပြီးလိုအပ်တဲ့ ပစ္စည်းတွေကိုထည့်ဖို့လိုအပ်ပါတယ်။ ဥပမာ ဆောင်းရာသီဆိုရင် အပူချိန် အရမ်းကျဆင်းတဲ့ အတွက်ကြောင့်မို့လို့ ခန္ဓာကိုယ် နွေးစေမယ့် ပစ္စည်းတွေကို သေချာထုပ်ပိုးသင့်ပါတယ်။
အရေးပေါ်မှတ်စု
အရေးပေါ်မှတ်စု လို့ဘာသာပြန်လိုက်ပေမယ့် ဂျပန်လိုဆိုရင်တော့ 防災メモ(bousaimemo) 防災カード(bousaika-do) 防災手帳(bousaitechou)အစသဖြင့်ခေါ်လေ့ရှိကြပါတယ်။ သဘာဝဘေးအန္တာရာယ်နဲ့ ကြုံတွေ့ပြီး အိမ်ပြန်မရောက်နိုင်တာတို့၊ မိသားစုနဲ့ မဆုံနိုင်တာတို့ဖြစ်တတ်ပါတယ်၊ ဒီလိုအချိန်မှာ အသုံးဝင်တာကတော့ အရေးပေါ်မှတ်စုဖြစ်ပါတယ်။ အရေးပေါ်မှတ်စုမှာတော့ အများအားဖြင့် အရေးပေါ်ဆက်သွယ်ဖို့လိပ်စာ၊နာမည်၊ တော်စပ်ပုံ၊ ဖုန်းနံပါတ်အစရှိတဲ့ အရာတွေကို ရေးမှတ်ထားရမှာဖြစ်ပါတယ်။
အကျဥ်းချုပ်
ဂျပန်နိုင်ငံကတော့ ငလျင်ဖြစ်ပေါ် မှုများတဲ့ နိုင်ငံဖြစ်ပါတယ်။ ဒါကြောင့်မိုလို့ အမြဲတမ်း ငလျင်အတွက်ကြိုတင်ပြင်ဆင်မှုတွေနဲ့ လေ့ကျင့်မှုတွေလုပ်လေ့ရှိပြီး ပျက်စီးဆုံးရှုံးမှုနည်းအောင်ကြိုးပမ်းလေ့ရှိကြပါတယ်။ ဒါကြောင့် ကျွန်တော်တို့လို သဘာဝ ဘေးအန္တာရာယ် နည်းပါးတဲ့ နိုင်ငံက လာတဲ့ သူတွေ အနေနဲ့လဲ ဂျပန်နိုင်ငံမှာနေထိုင်ဖို့ဆိုရင် လိုအပ်တဲ့ ဗဟုသုတတွေနဲ့ လေ့ကျင့်မှုတွေကိုပြုလုပ်ထားဖို့ အင်မတန်မှ အရေးကြီးပါတယ်။ နေတိုင်း သဘာဝဘေးအန္တာရာယ်အတွက်ကြိုတင်ပြင်ဆင်ထားဖို့လိုအပ်တဲ့ အချက်ကလဲ ဂျပန်မှာနေထိုင်ရင် မဖြစ်မနေ လုပ်သင့်တဲ့ အချက်တစ်ချက်ပါ။ ဒီဆောင်းပါးမှာတော့ အရေးကြီးတဲ့ အချက်တွေကိုဖော်ပြခဲ့ပေမယ့် ဒီလောက်ထဲနဲ့ မရပ်တန့်ဘဲ နေ့စဥ်နိုးနိုးကြားကြားနဲ့ တက်တက်ကြွကြွ ပြင်ဆင်ထားဖို့ အကြ့ပေးလိုက်ပါတယ်။
