ဂျပန်နိုင်ငံမှာခရီးသွားရ ပိုက်‌ဆံချေရလွယ်ကူတဲ့   IC Card များ။

ဂျပန်နိုင်ငံရဲ့ ဆက်သွယ်ရေးစနစ်ကတော့ အရမ်းကိုယုံကြည့်စိတ်ချရပြီးတော့ အသုံးပြုရလဲလွယ်ကူပါတယ်။ IC Card တွေရှိထားရင်တော့ ဂျပန်မှာ ရထားစီးရတာတစ်မျိုးတည်းမဟုတ်ဘဲ စျေးဝယ်ရတာ တခြားပိုက်ဆံပေးချေရတာပိုပိုပြီးတော့ အဆင်ပြေသွားမှာဖြစ်ပါတယ်။ နောက်ပြီးတော့ IC Card တွေကလဲ အမျိုးအစားတွေ အများကြီးရှိပါတယ်။ ဒါကြောင့် ဒီဆောင်းပါးမှာတော့ IC Card တွေအသုံးဝင်ပုံအကြောင်းနှင့် ဂျပန်နိုင်ငံတစ်ဝှမ်းမှာ အသုံးပြလျက်ရှိတဲ့ IC Card တွေအကြောင်းကို ဖော်ပြ ပေးသွားပါ့မယ်။ 

မာတိကာ

•  IC Card တွေအကြောင်း။
•  IC Card တွေရဲ့ အသုံးဝင်ပုံ။
• ဂျပန်နိုင်ငံတဝိုင်းမှာ အသုံးပြုများတဲ့ IC Card ၁၀ ခု။ 
• အကျဥ်းချုပ် 

 IC Card တွေအကြောင်း။

 IC Card ကိုတော့ အရှည်ဆိုရင်  “integrated circuit” cards လို့ခေါ်ပြီးတော့ “smart cards” လို့လဲခေါ်လေ့ရှိကြပါတယ်။ Credit cards, debits, SIM cards အစသဖြင့် IC အပြားးပါတဲ့ ကတ်တွေလဲ IC cards ဖြစ်ပါတယ်။ ICカード (IC ka-do) လို့ဆိုလိုက်ရင် ဂျပန်မှာတော့ ခရီးသွားဆက်သွယ်ရေးမှာအသုံးပြုတဲ့ ကတ်တွေကို ရည်ညွှန်းလေ့ရှိကြပါတယ်။ နောက်ပြီးတော့ 交通系ICカード (Koutsuukei IC ka-do) လို့လဲခေါ်လေ့ရှိကြပါတယ်။ နောက်ပြီးတော့ Suica, PASMO ICOCAတွေကြိ ဖုန်းထဲမှာ ထည့်ပြီူတော့ အသုံးပြုနိုင် လာပြီဖြစ်ပါတယ်။ 

Denshi Money (電子マネー) ဆိုတာဘယ်လိုမျိုးလဲ။

電子マネー (Denshi Mane-)“eMoney” ကိုဆိုလိုတာဖြစ်ပြီးတော့ 電子 (Denshi) ဆိုတာကတော့ အီလက်ထရောနစ်၊ マネー (Mane-) ဆိုတာကတော့ ပိုက်ဆံကိုဆိုလိုတာဖြစ်ပါတယ်။ 電子マネー (Denshi Mane-) သို့မဟုတ် “eMoney” ကိုသုံးပြုဖို့အတွက် စမတ်ဖုန်း သို့မဟုတ် ကတ်တစ်ခုရှိမှ အသုံးပြုလို့ရပါတယ်။ ဂျပန်မှာ အသုံးများတဲ့ “eMoney” တချို့ဥပမာတွေကတော့ QUICPay, iD, PayPay, RakutenPay, LINE Pay and WAON တို့ဖြစ်ပါတယ်။ 

IC Card ကိုတော့ လမ်းပန်းစပပ်ငွယ်ရေး အတွက် အသုံးပြုဖို့အတွက်ပြုလုပ်ထားပြီး 電子マネー (Denshi Mane-) ကိုတော့ စျေးဝယ်ဖို့အတွက် အသုံးပြုခြင်းဖြစ်ပါတယ်။ ဒါပေမယ့် ယနေ့ခေတ်မှာတော့ IC Card တွေကို စျေးဝယ်တဲ့ အချိန်မှာ အသုံးပြုနိုင်လာပြီဖြစ်ပါတယ်။ ဒါ‌ပေမယ့် ဝက်ဘ်ဆိုက်ကနေ စျေးဝယ်တဲ့ အချိန်မှာ တချို့ဝက်ဘ်ဆိုက်တွေမှာတော့ IC Card ကိုအသုံးပြုလို့မရပါဘူး။ ပုံမှန်စတိုးဆိုင်မှာ စျေးဝယ်တဲ့ အချိန်မှာတော့ တော်တော်များများနေရာတွေမှာ IC Card ကိုအသုံးပြုလို့ရပါတယ်။ 

စာရေးသူရွေးချယ်သောဆောင်းပါး

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

ယဥ်ကျေးတဲ့ အသုံးအနှုန်း (敬語, Keigo) အမျိုးအစားများ

ဂျပန်စာလေ့လာခြင်း

နိုင်ငံခြားသားများအတွက်ဘဏ်အကောင့်ဖွင့်နည်းကိုရှင်းပြခြင်း။ ဘယ်လို စာရွ...

ဂျပန်နေထိုင်မှုဘဝ

IC Card တွေရဲ့ အသုံးဝင်ပုံ။

IC Card တွေကို လမ်းပန်းဆက်သွယ်ရေးစနစ်တွေမှာ အလွယ်တကူလျင်မြန်မြန် အသုံးပြုနိုင်ရုံသာမက တခြားနေရာတွေမှာလဲ အသုံးပြုနိုင်ပါ‌သေးတယ်။ အသုံးပြုနိုင်တဲ့ နေရာတွေကိုကြည့်လိုက်ကြရအောင်။ 

ဂျပန်နိုင်ငံတစ်ဝှမ်းမှာ နေရာတိုင်းနီးပါးမှာ အသုံးပြုနိုင်ခြင်း။

IC Card တွေကိုတော့ နိုင်ငံတဝှမ်း နေရာတိုင်းနီးပါးမှာ အသုံးပြုနိုင်ပါတယ်။ နေရာဒေသ အမျိုးမျိုးမှာ အသုံးပြုနိုင်ပါတယ်။ ဒါကြောင့်မို့လို့ IC Card တစ်ခုရှိတာရင် IC Card အသုံးပြုနိုင်တဲ့ နေရာတွေမှာ အသုံးပြုနိုင်ပါတယ်။ သို့သော် တချို့ နေရာတွေမှာတော့ IC Card တူတဲ့ အမျိုးအစားတွေကိုသာ အသုံးပြုနိုင်တာမျိုးတွေလဲရှိပါတယ်။ 

IC Card သုံးလို့ရမရ ဘယ်လိုသိနိုင်မလဲ။

IC Card တွေကိုတော့ အပေါ်မှာပြထားတဲ့ ပုံကိုမြင်တဲ့ နေရာတိုင်းမှာအသုံးပြုနိုင်ပါတယ်။ အဲလိုပုံတွေ့ရင်တော့ IC Card တိုင်းအသုံးပြုနိင်ပါတယ်၊ ဒါပေမယ့် ပိုပြီးတော့ သေချာချင်ရင်တော့ IC Card ကိုထိကြည့်လိုက်ပါ။ 

IC Cardတွေကိုတော့ ရထား၊ ဘတ်စ်ကားနှင့် မြေအောက်ရထား တွေမှာပဲမဟုတ်ဘဲနဲ့ တခြား လမ်းပန်းဆက်သွယ်ရေးစနစ်တွေမှာလဲ အသုံးပြုလို့ရနိုင်ပါတယ်။ 

တချို့နေရာတွေမှာ ဆက်သွယ်ရေးခတွေ ပိုစျေးသက်သာ။

တိုကျိုမှာဆိုရင်တော့ IC Card ကိုအသုံးပြုပြီး ရထား၊ မြေအောက်ရထားစီးမယ်ဆိုရင် ပုံမှန်စျေးနှုန်းထက်ပိုပြီးတော့ သက်သာနိုင်ပါတယ်။ တိုကျိုပြင်ပနေရာတွေမှာလဲ စျေးသက်သာတဲ့ နေရာတွေရှိပေမယ့် နေရာတော်တော်များများမှာတော့ IC Card ကတ်နှင့် စက္ကူလက်မှတ်စျေးနှန်း အတူတူဖြစ်ပါတယ်။ 

စျေးဝယ်တဲ့ အချိန်မှာလဲ အသုံးပြုနိုင်ခြင်း။

IC Card တွေကိုစျေးဝယ်တဲ့ အချိန်တွေမှာလဲ အသုံးပြုနိုင်ပါသေးတယ်။ အများအားဖြင့် convenience stores, supermarkets နှင့် တချို့ဆိုင်တွေ အပြင် အော်တိုအရောင်းစစ်တွေမှာလဲ အသုံးပြုနိုင်ပါတယ်။ နောက်ပြီးတော့ ဘူတာအနီးမှာရှိတဲ့ ဆိုင်တွေဆိုရင် IC Card တွေနဲ့ စျေးဝယ်ရတာ ပိုပြီးတော့ လွယ်ကူနိုင်ပါတယ်။ 

ဂျပန်နိုင်ငံတဝိုင်းမှာ အသုံးပြုများတဲ့ IC Card ၁၀ ခု။ 

ဂျပန်နိုင်ငံမှာတော့ နိုင်ငံတဝိုက်လုံးမှာ IC Card အမျိုးအစား ၁၀ မျိုးရှိပါတယ်။ ဒီအမျိုးအစားတွေကတော့ ခရိုင်အလိုက်ရရှိနိုင်တဲ့ ကတ်များ၊ မြို့နယ်အလိုက်ထုတ်ထားတဲ့ ကတ်များ နှင့် ပို့ဆောင်ဆက်သွယ်ရေးစနစ်အသုံးပြုဖို့အတွက် ကတ်တွေအစသဖြင့်ရှိကြပါတယ်။ ကတ်တွေကိုတော့ တစ်နိုင်ငံလုံးမှာရှိတဲ့ မတူညီတဲ့ စနစ်တွေမှာလဲ အသုံးပြုလို့ရနိုင်ပါတယ်။ 

 နိုင်ငံတစ်ဝှန်း အပြန်လှန် အသုံးပြုနိုင်တဲ့ စနစ် (全国相互利用サービス) ကိုတော့ ၂၀၂၃ ခုနှစ် မတ်လ ၂၃ ရက်နေ့မှာ အသုံးပြုနိုင်ပါတယ်။ ၂၀၂၃ ခုနှစ်မှာ ၁၀ နှစ်ပြည့် အထိမ်းအမှတ်အနေနဲ့ limited edition ဒီဇိုင်းတွေနဲ့ ကတ်တွေကို ထုတ်တာမျိုးတွေရှိနိုင်ပါတယ်။ IC Card ၁၀ မျိုးရှိတယ်ဆိုပေမယ့် ဘယ် IC Card ရှိရှိ ဘယ်ဝန်ဆောင်မှုတိုင်းကို အသုံးပြုနိုင်ပါတယ်။

နောက်ပြီးတော့ PiTaPa ကလွဲပြီးတော့တခြားကတ်တွေကိုတော့ eMoney (Denshi Money) အစားအသုံးပြုနိုင်ပါတယ်။ 

ဒါဆို အသုံးများဆုံး IC Card ၁၀ မျိုးကိုကြည့်လိုက်ကြရအောင်။ 

Suica

မူရင်း - PR Times

Suica ကတော့ JR East ကတော့ ထုတ်ထားတဲ့ ကတ်အမျိုးအစားဖြစ်ပြီးတော့ အများအားဖြင့် တိုကျို၊ Sendai၊ Niigata တို့နေရာတဝိုက်မှာ အသုံးများပါတယ်။ ၂၀၂၃ ခုနှစ် နေလမှာတော့ Aomori, Akita နှင့် Morioka တွေမှာပါ Suica ကိုချဲ့ သုံးနိုင်လာပါတယ်။Suica ရဲ့ အရှည်ကောက်ကတော့ “Super Urban Intelligent CArd” ဖြစ်ပါတယ်။ ကတ်ရဲ့ ကာရိုက်တာကတော့ ပင်ဂွင်း ပုံစံလေးဖြစ်ပါတယ်။ နောက်ပြီးတော့ Suicaကတော့ မိုဘိုင်းဖုန်းနဲ့ ချိတ်ပြီးတော့ အသုံးပြုနိုင်တဲ့ ပထမ‌ဆုံးသော IC Card ဖြစ်ပါတယ်။ 

PASMO

PASMO ကတော့ တိုကျိုမြေအောက်ရထားစနစ်အတွက် အဓိပ အသုံးပြုတဲ့ ကတ်ဖြစ်ပြီးတော့ တိုကျိုဧရီယာတဝိုက်မှာရှိတဲ့ နေရာတွေ တော်တော်များများမှာ အသုံးပြုနိုင်ပါတယ်။ မိုဘိုင်းဖုန်းနဲ့ လဲ ချိတ်ပြီးအသုံးပြုနိင်တဲ့ ကတ်ဖြစ်ပါတယ်။ နောက်ပြီးတော့ ကတ်ကတော့ အပန်းရောင်ဖြစ်ပြီးတော့ ဘတ်စကားပုံနှင့် ရထားပုံ ၂ မျိုးရှိပါတယ်။ 

ICOCA

ICOCA ကတော့ ဂျပန်နိုင်ငံနောက်ပိုင်းမှာအဓိက အသုံးပြုတဲ့ကတ်ဖြစ်ပါတယ်။ အထူးသဖြင့် Osaka, Kyoto, Kobe တို့မှာ အသုံးပြုလေ့ရှိကြပါတယ်။ ICOCA ကတော့ 行こうか (Ikouka?) သွားကြရအောင် ဆိုတဲ့ အသံထွက်လေးကနေ ဆင်းသက်လာတာဖြစ်ပါတယ်။ ကာရိုက်တာကတော့ platypus ကောင်လေးဖြစ်ပြီးတော့ အပြာရောင်ကတ်လေးဖြစ်ပါတယ်။ ၂၀၂၃ ခုနှစ်မှာတော့ Mobile ICOCA ဆိုပြီးတော့ ICOCA ကတ်တွေကို ဖုန်းထဲမှာ ထည့်ပြီးအသုံးပြုနိင်လာပြီဖြစ်ပါတယ်။ 

PiTaPa

PiTaPa ကတော့ Surutto Kansai ကနေထုတ်ထားပြီးတော့ ဂျပန်နိုင်ငံအနောက်ပိုင်းမှာ များအားဖြင့် အသုံးပြုလေ့ရှိကြပါတယ်။ တခြား IC card တွေနဲ့ မတူဘဲနဲ့ PiTaPa ကတော့ postpaid ကတ်ဖြစ်ပါတယ်။ ဒါကြောင့်မို့လို့ ဂျပန်ကိုအလည်လာတဲ့ နိုင်ငံထခြားသားတွေ အတွက် အသုံးပြုလို့မရနိုင်ပါဘူး။PiTaPaရဲ့ အရှည်ကတော့ “Postpay iC for Touch and Pay” ဖြစ်ပါတယ်။ 

Kitaca

Kitaca ကတော့ ဂျပန်နိုင်ငံ မြောက်ဘက်ဖြစ်တဲ့ ဟိုကိုင်းဒိုး ရဲ့ JR ဝန်ဆောင်မှုတွေမှာ အသုံးပြုပါတယ်။ Kita (北) ဆိုတာကတော့ ဂျပန်လိုဆို မြောက်ပိုင်းဆိုတဲ့ အဓိပ္ပာယ်ဖြစ်ပြီးတော့ ကတ်ရဲ့ ကာရိုက်တာကတော့ Ezo Momonga လို့ခေါ်တဲ့ ပျံတတ်တဲ့ ငရုဥ့် ကောင်လေးပုံစံဖြစ်ပါတယ်။ 

SUGOCA

SUGOCA ဆိုတာကတော့ ကျူးရှုးဒေသေမှာ အသုံးပြုတဲ့ IC card ဖြစ်ပါတယ်။ သူ့ရဲ့ အရှည်ကတော့ “Smart Urban GOing CArd”ဖြစ်ပြီးတော့ SUGOCA ရဲ့ ကာရိုက်တာကတော့ အစိမ်းရောင်ဖားပုံလေးဖြစ်ပါတယ်။ ၂၀၂၂ ခုနှစ် သြဂုတ်လမှာတော့ SUGOCA ကိုအသုံးပြုနိုင်တဲနေရာပိုပြီးတော့ ကျယ်ပြန့်လာပါတယ်။

TOICA

TOICA ကတော့ နာဂိုရာ ဧရိယာတဝိုက်မှာ အသုံးများတဲ့ IC card ဖြစ်ပါတယ်။ အရှည်ကတော့ “TOkai Ic CArd” ဖြစ်ပြီးတော့ အဝါရောက်ကြက်လေးကတော့ သူ့ရဲ့ကာရိုက်တာဖြစ်ပါတယ်။

manaca

manaca ကတော့ နာဂီုရာနှင့် အနီးအနားတဝိုက် ပြီးတော့ Aichi ခရီုင်အတွင်းမှာ အသုံးများတဲ့ ကတ်ဖြစ်ပြီးတော့ 真ん中 (Mannaka) လို့ခေါ်တဲ့ အလယ်ဗဟိုဆိုတဲ့ စကားလုံးကနေဆင်းသက်လာပြီးတော့ ပြုံးနေတဲ့ မျက်နှာပုံလေးက ကတ်ပုံစံဒီဇိုင်းဖြစ်ပါတယ်။ 

nimoca

nimoca ကတော့ Nishitetsu ကတော့ ထုတ်တဲ့ ကတ်ဖြစ်ပြီးတော့ Fukuoka နှင့် Kyushu ဒေသအတွင်းမှာ အသုံးများလေ့ရှိပါတယ်။ Hokkaido မှာလဲ အသုံးမှားပါတယ်။ အထူးသဖြင့် Hakodate မှာအသုံးများပြီးတော့ にも (Nimo) လို့ခေါ်တဲ့ လည်းပဲ ဘတ်စ်ကားလဲဘဲ၊ ရထားလဲဘဲ၊ ဆိုတဲ့ အဓိပ္ပာယ်နဲ့ နာမည်ပေးထားခြင်းဖြစ်ပါတယ်။ ကာရိုက်တာလေးကတော့ ဖျံလေးဖြစ်ပါတယ်။ 

Hayakaken

Hayakaken ကို‌တော့ Hiragana နဲ့ はやかけん လို့ရေးလေ့ရှိပြီးတော့ Fukuoka မြို့ကနေ ထုတ်တဲ့ ကတ်အမျိုးအစားဖြစ်ပါတယ်။ Fukuoka မြို့မှာပြေးဆွဲတဲ့ ပို့ဆောင်ဆက်သွယ်ရေးစနစ်တွေမှာ အသုံးပြုလေ့ရှိကြပါတယ်။ 速い (Hayai), 優しい (Yasashii), 快適 (Kaiteki) 券 (Ken) လျင်မြန်သော၊ ကောင်းမွန်သော၊ သက်သာသော၊ လက်မှတ်ဆိုတဲ့အဓိပ္ပာယ်မျိုးရှိပါတယ်။ はやかけん ရဲ့ ကာရိုက်တာလေးကတော့ “Chikamaru” လို့ခေါ်တဲ့ ခွေးပုံလေးဖြစ်ပါတယ်။ 

အကျဥ်းချုပ် 

ဂျပန်နိုင်ငံမှာတော့ IC Card တွေရှိထားရင်တော့ ခရီးသွားတဲ့အချိန်မှာ သာမက စျေးဝယ်တဲ့ အချိန်တွေမှာလဲ အသုံးပြုနိုင်တဲ့ ကတ်တွေဖြစ်ပါတယ်။ ဒါပေမယ့် IC Card ကို Shinkansen တို့ ညဘတ်စ်ကားတို့မှာ အသုံးပြုလို့မရပါဘူး။