ပုံမှန်ရထားကိုတော့နေ့စဥ်အသုံးပြုနေပေမယ့် ကျည်ဆန်ရထားကိုဘယ်လိုစီးရမလဲ မသိတဲ့သူတွေများပါတယ်။ ဒါကြောင့်ဒီဆောင်းပါးမှာတော့ ခရီးသွားတဲ့ အချိန်မှာလုံခြုံ မြန်ဆန်တဲ့ Shinkansen (新幹線) ဆိုတဲ့ကျည်ဆန်ရထားစီးပုံစီးနည်းနဲ့ပတ်သက်ပြီး ဖော်ပြသွားပါ့မယ်။
မာတိကာ
- ဂျပန်နိုင်ငံရဲ့ကျည်ဆန်ရထားအကြောင်း
- ကျည်ဆန်ရထား ထိုင်ခုံအမျိုးအစားများအကြောင်း
- ကျည်ဆန်ရထား လက်မှတ်ဘယ်လိုဝယ်မလဲ
- ကျည်ဆန်ရထားစီးတဲ့ အချိန်လိုက်နာရမယ့် အချက်များ။
- နိုင်ငံခြားခရီးသွားများအတွက် ကျည်ဆန်ရထားလက်မှတ်လျှော့စျေးများ။
- ကျည်ဆန်ရထားအချိန်ဇယားနှင့် ပြောင်းစီးရမယ့် အချက်အလက်များ။
- အကျဥ်းချုပ်
ကျည်ဆန်ရထားအကြောင်း
Shinkansen (新幹線) ဆိုတာကတော့ အားလုံးသိတဲ့အတိုင်းပဲ အရမ်းမြန်ဆန်ပြီး ချောမွေ့လွယ်ကူတဲ့။ဂျပန်နိုင်ငံကကျည်ဆန်ရထားဖြစ်ပါတယ်။ဂျပန်နိုင်ငံကကျည်ဆန်ရထားတွေကတော့ တစ်နာရီ ကို ၂၀၀ ကီလိုမီတာ နှုန်းနှင့် ပြေးဆွဲပါတယ်။ ဒါကြောင့် ခရီးအဝေးတွေကိုလဲ အလွယ်တကူသွားနိုင်ပါတယ်။ နောက်ထပ်အားသာချက်တစ်ချက်ကတော့ လေယာဥ်နဲ့ မတူဘဲ ဘူတာကြီးတွေကိုတန်းရောက်နိုင်တဲ့ အချက်ဖြစ်ပါတယ်။ဂျပန်နိုင်ငံရဲ့ အဓိက လမ်းပန်းဆက်သွယ်ရေးကတော့ ရထားလမ်းဖြစ်ပါတယ်။ ဒါကြောင့် လေယာဥ်နဲ့သွားရင် ဘူတာကိုထပ်သွားရတဲ့ အတွက်ကြောင့် အချိန်ရော၊ ငွေကြေးပါ ပိုပြီး ကုန်ကျပါတယ်။ ကျည်ဆန်ရထားဆိုရင်တော့ အဓီကကျတဲ့ ဘူတာတွေမှာပဲရပ်နားတဲ့အတွက်ကြောင့် အလွယ်တကူ ကိုယ်သွားချင်တဲ့ နေရာတွေကိုသွားနိုင်ပါတယ်။
ဂျပန်နိုင်ငံမှာ စတင်ပြီးပြေးဆွဲတဲ့ ခုနှစ်ကတော့ ၁၉၆၄ ခုနှစ်မှာဖြစ်ပါတယ်။ စတင်ပြေးဆွဲတဲ့ဘူတာကတော့ တိုကျိုဘူတာနှင့် ရှင်းအိုဆာကာဘူတာတို့ဖြစ်ပါတယ်။ Shinkansen (新幹線) ပေါ်လာပြီးကတည်းက ပုံမှန်ရထားလိုင်းတွေကို “conventional lines (在来線 zairaisen)”လို့ခေါ်ကြပါတယ်။
ကျည်ဆန်ရထားလိုင်းများနှင့်လည်ပတ်စရာနေရာများ
ကျည်ဆန်ရထားလိုင်း ၉ လိုင်းရှိပါတယ်။
|
ကျည်ဆန်ရထားလိုင်း |
လမ်းကြောင်း |
လည်စရာနေရာ |
|
Tokaido Shinkansen |
Tokyo - Osaka |
အိုဆာကာရဲတိုက်၊ Universal Studios၊ Tsutenkaku၊ Umeda Sky |
|
Sanyo Shinkansen |
Osaka - Fukuoka |
Fukuoka Tower၊ Kushida နတ်ကွန်း၊ Fukuoka ရဲတိုက်လက်ကျန် ၊ Ohori ပန်းခြံ |
|
Kyushu Shinkansen |
Fukuoka - Kagoshima |
Asoတောင်၊ Kumamotoရဲတိုက်၊Huis Ten Bosch, Inasa-yama ပန်းခြံ၊ Beppu "Jigoku Meguri" |
|
Hokuriku Shinkansen |
Tokyo - Kanazawa |
Kenroku-en, Hashizume-mon၊ Nagamachi Samurai၊ Omicho ငါးစျေး၊ D.T. Suzuki ပြတိုက်။ |
|
Joetsu Shinkansen |
Tokyo - Niigata |
Naeba Ski အပန်းဖြေစခန်း၊ Yahiko နတ်ကွန်း၊ Myōkō တောင်။ |
|
Tohoku Shinkansen |
Tokyo - Aomori |
Nebuta Museum၊Sannai-Maruyama Aomori အနုပညာပြတိုက်။ |
|
Hokkaido Shinkansen |
Aomari - Hokkaido |
Sapporo Odori ပန်းခြံ၊ Yōteiတောင်၊Shiretoko ပန်းခြံ။ |
|
Yamagata Shinkansen |
Tokyo - Shinjo |
Kamuro တောင်၊ Shinjō ပြတိုက်၊ Tozawa နတ်ကွန်း။ |
|
Akita Shinkansen |
Tokyo - Akita |
Tazawaရေကန်၊ Senshu ပန်းခြံ၊ Oga ငါးပြတိုက်၊ Akita အနုပညာပြတိုက်။ |
ကျည်ဆန်ရထားဝန်ဆောင်မှုများအကြောင်း
ကျည်ဆန်ရထားဝန်ဆောင်မှုကတော့ အဓီကအားဖြင့် ၃ မျိုးရှိပါတယ်။
-
အမြန်ရထား - အဓိကဘူတာမှာသာရပ်။
-
ရိုးရိုးအမြန်ရထား - အဓိကဘူတာနှင့်တချို့ဘူတာအသေးတွေမှာရပ်။
-
ရိုးရိုးရထား - ဘူတာတိုင်းမှာရပ်။
အသေးစိတ်ကို Tokaido Shinkansen ကိုဥပမာအနေနဲ့ကြည့်လိုက်ကြရအောင်။Tokaido Shinkansenမှာတော့ အမြန်ရထား ကို Nozomi၊ ရိုးရိုးအမြန်ရထားကို Hikari၊ဘူတာတိုင်းရပ်တဲ့ ရထားကိုတော့ Kodama လို့ခေါ်လေ့ရှိကြပါတယ်။ ဘာလို့ အဲလိုခွဲသိထားဖို့လိုအပ်လဲဆိုရင်တော့ ရထားအမျိုးအစားအပေါ်လိုက်ပြီးတော့ စျေးနှုန်းကွာခြားလို့ဖြစ်ပါတယ်။ နောက်ပြီး အမြန်ရထားပေါ်က ကြိုဝင်ဘိုကင်ယူတဲခုံတွေက ပိုပြီးတော့ စျေးကြီးလေ့ရှိပါတယ်။ နောက်ပြီး အမြန်ရထားတွေက Japan Rail Pass နဲ့ cover မလုပ်နိုင်တာလဲရှိပါတယ်။
စာရေးသူရွေးချယ်သောဆောင်းပါး
ကျည်ဆန်ရထား ထိုင်ခုံအမျိုးအစားများ
ထိုင်ခုံအမျိုးအစားအပေါ်လိုက်ပြီးလဲ စျေးနှုန်းကွာခြားပါတယ်။ ဒါကြောင့် မဝယ်ခင် ထိုင်ခုံကိုသေချာရွေးဖို့လဲ လိုအပ်ပါတယ်။ လက်မှတ်ဝယ်တဲ့ အခါသိထားသင့်တဲ့ စကားလုံးတချို့ကိုကြည့်လိုက်ကြရအောင်။
-
自由席 / jiyuu seki - သတ်မှတ်ထားတဲ့ ထိုင်ခုံအမျိုးအစားမဟုတ်ဘဲ လွတ်လွတ်လပ်လပ် ကြိုက်တဲ့နေရာမှာဝင်ထိုင်နိုင်ပါတယ်။ ဒါပေမယ့် တစ်ခုရှိတာကတော့ လူများတဲ့နေ့တွေမှာဆို ထိုင်ပြီး စီးလို့ရမှာမဟုတ်ပါဘူး။ စျေးကတော့ တခြားထိုင်ခုံအမျိုးအစားတွေထက်ပိုပြီး သက်သာပါတယ်။ နောက်တစ်ခုကတော့ / jiyuu seki ဝယ်ထားပြီး ထိုင်ခုံရချင်ရင် စထွက်တဲ့ ဘူတာကနေ စီးဖို့အကြံပေးချင်ပါတယ်။ အစထွက်တဲ့ ဘူတာဆိုရင် ပုံမှန်အားဖြင့် လူသိပ်မရှိတာမို့ ကြိုက်တဲ့ ထိုင်ခုံကနေ ဝင်စီးနိုင်ပါတယ်။
-
指定席 / shitei seki - ကတော့ ကြိုတင်ဘိုကင်ယူပြီးသတ်မှတ်ထားတဲ့ ခုံအမျိုးအစားဖြစ်ပါတယ်။ ဒါကြောင့် ကိုယ်ဝယ်ထားတဲ့ ခုံမှာဘဲ ထိုင်ရမှာဖြစ်ပြီး ကောင်းကွက်ကတော့ အာမခံချက်ရှိတဲ့ အချက်ဖြစ်ပါတယ်။
-
グリーン席 / guriin seki - ဆိုတာကတော့ green cars ဆိုတဲ့ တံဆိပ်ပါတဲ့ရထားတွဲတွေမှာရှိတဲ့ ထိုင်ခုံဖြစ်ပြီး first-class ထိုင်ခုံအမျိုးအစားတွေဖြစ်ပါတယ်။ ထိုင်ခုံတွေ အားလုံးက reserved လုပ်ထားရတဲ့အမျိုးအစားတွေဖြစ်ပြီး 指定席 / shitei seki တွေထက်ပိုပြီး ကြီးပြီးပိုပြီး ထိုင်ရတာ သက်တောင့် သက်သာရှိပါတယ်။
-
グランクラス / guran kurasu - : “grand class” ဆိုတာကတော့ ခုံအမျိုူအစား ၄ မျိုးထဲမှာ အသက်သာဆုံးခုံအမျိုးအစားတွေဖြစ်ပါတယ်။ ပိုပြီးကြီးပြီး ပိုလဲသက်တောင့်သက်သာရှိပါတယ်။ နောက်တစ်ခုကတော့ အစားအသောက်တွေနှင့် အအေးတွေနဲ့လဲ ဧည့်ခံပါသေးတယ်။ ဒါပေမယ့် Hokkaido၊ Tohoku နှင့် Hokuriku Shinkansen တွေမှာပဲ グランクラス / guran kurasu ထိုင်ခုံအမျိုးအစားရှိပါတယ်။
ကျည်ဆန်ရထား လက်မှတ်ဘယ်လိုဝယ်မလဲ
ကျည်ဆန်ရထား စီးဖို့အတွက် လက်မှတ်အမျိုးအစားနှစ်မျိုးလိုအပ်ပါတယ်။ တစ်မျိုးကတော့ ပုံမှန်ခရီးသွားလက်မှတ် （乗車券）နှင့် နောက်တစ်မျိုးကတော့ အထူးအမြန်ရထားလက်မှတ်（特急券）ဖြစ်ပါတယ်။အသေးစိတ်ကိုဆက်ကြည့်လိုက်ကြရအောင်။
ကျည်ဆန်ရထားလက်မှတ်ဝယ်လို့ရမယ့် နေရာများ။
Shinkansen လက်မှတ် တွေကိုတော့ JR လက်မှတ်ရုံးတွေဖြစ်တဲ့ (みどりの窓口 midori no madoguchi) တွေ၊ လက်မှတ်ဝယ်စက်တွေနှင့် အွန်လိုင်းတွေမှာ ဝယ်ယူနိုင်ပါတယ်။ JRလက်မှတ်ရုံးမှာဝယ်မယ်ဆိုရင်တော့ သွားချင်တဲ့နေရာနှင့် ခုံအမျိုးအစားကိုပြောပြီးဝယ်နိုင်ပါတယ်။ တကယ်လို့ ဂျပန်စကားပြောဖို့ အရမ်းယုံကြည်မှုမရှိဘူးဆိုရင်တော့ လက်မှတ်ဝယ်စက်တွေနှင့် အွန်လိုင်းတွေမှာ ဝယ်ယူဖို့အကြံပေးချင်ပါတယ်။ ဘာလို့လဲဆိုတော့ ဘာသာစကားအမျိုးမျိုးနဲ့ ဝယ်ယူနိုင်လို့ဖြစ်ပါတယ်။
Limited express tickets တွေကတော့ တလကြိုပြီးဝယ်ယူနိုင်ပါတယ်။အထူးသဖြင့် ခရီးသွားကာလတွေမှာဆိုရင် ကြိုပြီးဝယ်ယူဖို့အကြံပေးပါရစေ။
ကျည်ဆန်ရထားစီးဖို့ လက်မှတ် ၂ မျိူးလိုအပ်။
အပေါ်မှာပြောခဲ့သလိုပဲ ကျည်ဆန်ရထားစီးဖို့အတွက် လက်မှတ်အမျိုးအစား ၂ မျိုးလိုအပ်ပါတယ်.
乗車券 / jousha-ken / passenger ticket - ကတော့ ကိုယ့်ရဲ့ အနီးဆုံးဘူတာကနေ သွားဖို့ လက်မှတ်ဖြစ်ပါတယ်။
特急券 / tokkyu-ken / limited express ticket - ကတော့ ကျည်ဆန်ရထားစီးဖို့ လက်မှတ်ဖြစ်ပါတယ်။
特急券 / tokkyu-ken / limited express ticket တွေကတော့ အပေါ်မှာပြောခဲ့သလို ခုံအမျိုးအစားအပေါ် မူတည်ပြီးကွာခြားတဲ့အတွက်ကြောင့်မို့လို့ သေချာရွေးချယ်ပြီး ဝယ်ယူပါ။
Limited express tickets တွေကတော့ တလကြိုပြီးဝယ်ယူနိုင်ပါတယ်။အထူးသဖြင့် ခရီးသွားကာလတွေမှာဆိုရင် ကြိုပြီးဝယ်ယူဖို့အကြံပေးပါရစေ။
ဒါဆို ဒီလက်မှတ်နှစ်စောင်ကဘာလို့ ထွက်လာရတာလဲ ဆိုတော့ တကယ်လို့ အပေါ်မှာပြောခဲ့တဲ့ “conventional lines (在来線 zairaisen)” တနည်းအာဖြင့် Shinkansen (新幹線) မဟုတ်တဲ့ လိုင်းကနေ Shinkansen (新幹線) ရှိတဲ့ ဘူတာကိုသွားမယ်ဆိုရင်တော့ လက်မှတ်၂ စောင်ထွက်မှာဖြစ်ပါတယ်။ ဘယ်ကနေ စစီးမယ် ဆိုတာကိုလဲ လက်မှတ်ဝယ်ယူတဲ့ စက်မှာရွေးချယ်နိုင်ပါတယ်။ ဥပမာ “conventional lines (在来線 zairaisen) ကနေ စီးမယ်ဆိုရင်တော့ လက်မှတ်၂ စောင်ထွက်လာမှာဖြစ်ပြီး Shinkansen (新幹線) ရှိတဲ့ဘူတာ (ဥပမာ - တိုကျိုဘူတာ၊ ရှိနဂဝဘူတာ) တို့ကနေ စီးမယ်ဆိုရင်တော့特急券 / tokkyu-ken / limited express ticket တစ်ခုသာထွက်လာမှာဖြစ်ပါတယ်။ တကယ်လို့ “conventional lines (在来線 zairaisen)ကနေ စီးမှာ ဖြစ်ပေမယ့် လက်မှတ်ဝယ်တဲ့စက်မှာ Shinkansen (新幹線) ရှိတဲ့ဘူတာ (ဥပမာ - တိုကျိုဘူတာ၊ ရှိနဂဝဘူတာ) တို့ကနေ စီးမယ်ဆိုပြီး ရွေးလိုက်ရင်တော့ ကိုယ်နေတဲ့ အနီးဆုံးဘူတာကနေ Shinkansen (新幹線)စီးမယ့်ဘူတာအထိကို လက်မှတ် သတ်သတ်ထပ်ဝယ်ပြီး Shinkansen (新幹線) ဂိတ်ကို ဖြတ်တဲ့ အချိန်မှာ လက်မှတ် ၂စောင်ကို ၂ကြိမ်ဖြတ်ရမှာဖြစ်ပါတယ်။ တကယ်လို့ IC Card သုံးပြီးစီးလာတယ်ဆိုရင်လဲဂိတ်မှာ 特急券 / tokkyu-ken / limited express ticket ကိုအရင်ထည့်ပြီး IC Card ကိုပါ ထိပေးရမှာဖြစ်ပါတယ်။
ပလက်ဖောင်းရှာပြီး ကျည်ဆန်ရထားစီးပါ။
ဂိတ်ကိုဖြတ်ပြီးပြီဆိုရင်တော့ ကိုယ်သွားမယ့်နေရာနဲ့ ထိုင်ခုံကိုကြည့်ပြီးတော့ ကိုက်ညီတဲ့ ပလက်ဖောင်းကိုသွားပါ။ နောက်တစ်ခုက Shinkansen (新幹線) ကိုကြိုက်တဲ့ အချိန်မှာ တက်စီးလို့ရတဲ့ အတွက်ကြောင့်မို့လို့ ဝယ်တဲ့ အချိန်မှာ အချိန်တော့ သတ်မှတ်ပြီး ဝယ်စရာမလိုပါဘူး။ပုံမှတ်ရထားစီးသလိုမျိုးပဲ သတ်မှတ်ချက်နဲ့ ကိုက်ညီတဲ့ ရထားတွဲကိုဝင်စီးလို့ရပါတယ်။ နောက်ပြီး Shinkansen (新幹線) က သတ်မှတ်ထားတဲ့ အချိန်မှာ မြန်မြန်ထွက်တဲ့ အတွက်ကြောင့် မို့လို့ ရထားပေါ်ကတက်ဆင်းလုပ်တဲ့ အချိန်တွေကို တတ်နိုင်သလောက် မြန်မြန် အတက်အဆင်းလုပ်ဖို့ အကြံပြုချင်ပါတယ်။
ကျည်ဆန်ရထားပေါ်မှာရနိုင်မယ့် ဝန်ဆောင်မှုများ
- ကျဉ်ဆန်ရထားပေါ်မှာရော၊ ကျည်ဆန်ရထားရပ်တဲ့ ဘူတာအများစုမှာပါ ဝိုင်ဖိုင်ကိုအခမဲ့ အသုံးပြုနိုင်ပါတယ်။
- တချို့ ကျည်ဆန်ရထားပေါ်မှာတော့ ထမင်းဘူးတွေရောင်းတတ်ပါတယ်။ အအေးနှင့် မုန့်တွေကျွေးတဲ့ ကျည်ဆန်ရထားတွေလဲရှိပါတယ်။
- ရထားအတွဲအလိုက် အိမ်သာတွေရှိပါတယ်။
- တခြားခရီးသည်တွေ အနှောက်အယှက်မဖြစ်အောင် ဖုန်းပြောလို့ရတဲ့နေရာသီးသန့်ပါရှိပါတယ်။
- အမှိုက်ပုံးတွေလဲပါရှိပါတယ်။ အများအားဖြင့် အိမ်သာနားမှာထားရှိတတ်ပါတယ်။
- အလေးချိန်ပိုတဲ့ ပစ္စည်းတွေအတွက် သီးသန့်ထားတဲ့နေရာရှိပါတယ်။ အသေးစိတ်ကိုတော့ ဒီလင့်ကနေဝင်ကြည့်နိုင်ပါတယ်။
ကျည်ဆန်ရထားစီးတဲ့ အချိန်လိုက်နာရမယ့် အချက်များ။
- တတ်တိုင်သလောက် တခြားခရီးသည်တွေအတွက်စဥ်းစားပါ။ အရှေ့မှာ ပိတ်ရပ်တာတို့ အကြာကြီးနေနေတာတို့တွေမပြုလုပ်သင့်ပါဘူး။
- ဖုန်းကို silent mode ထားထားပြီးမလွဲသာရှောင်သာဖုန်းပြောရမယ်ဆိုပါက ဖုန်းပြောဖို့ လုပ်ထားတဲ့ သီးသန့်နေရာမှာ ဖုန်းသွားပြောပါ။
- နောက်ပြီး ဆေးလိပ်သောက်ရမယ့် သီးသန့် နေရာကလွဲရင် ဆေးလိပ်သောက်လို့မရပါဘူး။
- ထိုင်ခုံကို သန့်သန့်ရှင်းရှင်းအသုံးပြုပါ။ အမှိုက်တွေနဲ့ ပေပွနေအောင် ဖွထားတာမျိုးကိုရှောင်ကြဉ်ပါ။
- ကိုယ့်ထိုင်ခုံကို အောက်ကို မဆွဲချခင် အနောက်ကလူတွေ သေချာ သတိပေးပါ။
- ရထားပေါ်မှာ လူကြပ်နေတဲ့ အချိန် အထူးသဖြင့် 自由席 / jiyuu seki ကိုအသုံးပြုတဲ့ အချိန်မှာ နေရာကို အများကြီးမယူဘဲ အသုံးပြုပါ။
နိုင်ငံခြားခရီးသွားများအတွက် ကျည်ဆန်ရထားလက်မှတ်လျှော့စျေးများ။
ကျည်ဆန်ရထားနဲ့ ခရီးသွားတာက မြန်ဆန်ပြီး သက်တောင့် သက်သာရှိပါတယ်။ ဒါပေမယ့် တော်တော်စျေးကြီးပါတယ်။ တခါတလေဆိုရင် လေယာဥ်စျေးထက်တောင်ပိုပြီးတော့ ကြီးနိုင်ပါတယ်။ ဒါပေမယ့် တခါတလေ မှာတော့ စျေးနှုန်းကိုချွေတာနိုင်တဲ့ အခြေအနေမျိုးတွေလဲရှိပါတယ်။ ကျည်ဆန်ရထား ကိုအကြိမ်ရေအများကြီးစီးနိုင်တဲ့ လက်မှတ်တွေလဲရှိတဲ့ အတွက်ကြောင့်မို့လို့ တချက်လောက်ကြည့်လိုက်ကြရအောင်။ ဒါပေမယ့် ဒီလိုလျှော့စျေးတွေကတော့ နိုင်ငံခြားသားခရီးသွားတွေအတွက်ပဲ အကျုံးဝင်နိုင်ပါတယ်။
Japan Rail Pass
ပထမတစ်ခုကတော့ ကျည်ဆန်ရထား ကိုအကြိမ်ရေ အကန့်အသတ်မရှိစီးနိုင်တဲ့ လက်မှတ်ဖြစ်ပါတယ်။ ဒီလက်မှတ်ကတော့ အလည်ဗီဇာနဲ့ လာတဲ့ သူတွေသာအသုံးပြုနိုင်ပါတယ်။ ရက်အရေအတွက်အပေါ်မူတည်ပြီးတော့ စျေးနှုန်းအမျိုးမျိုးရှိတဲ့ အတွက်ကြောင့် အသေးစိတ်ကို ဒီနေရာကနေပြီးတော့ ဝင်ကြည့်ပါ။ Japan Rail Pass ကတော့ တောင်နဲ့မြောက်ကိုခရီးသွားတဲ့ အချိန်မှာတော်တော် လေးကို သက်သာပါတယ်။ နောက်ပြီး ကျည်ဆန်ရထား တစ်ခုတည်းမဟုတ်ဘဲ JR ကနေ ပြေးဆွဲလျက်ရှိတဲ့ “conventional lines (在来線 zairaisen) ရိုးရိုးရထားလိုင်းတွေကိုပါ အသုံးပြုနိုင်ပါသေးတယ်။ သတိထားရမယ့် အချက်တစ်ချက်ကတော့ Nozomi နှင့် Mizuho တွေမှာတော့ အကျုံးမဝင်ပါဘူး။
Japan East Pass
Japan East Pass ကတော့ ဂျပန်နိုင်ငံအရှေ့ပိုင်းနှင့် ဂျပန်နိုင်ငံရဲ့ ဟိုကိုင်ဒီုး ကိုသွားနိုင်တဲ့ စျေးသက်သာတဲ့ လက်မှတ်ဖြစ်ပါတယ်။ ဒီလက်မှတ်ကတော့ အမျိုးအစား ၆ မျိုးရှိပါတယ်။
နိုင်ငံခြားသား ခရီးသွားတွေနှင့် ဂျပန်မှာရှိတဲ့ နိုင်ငံခြားသားတွေအတွက်
ဒီလက်မှတ်ကတော့ အလည်ဗီဇာနဲ့တင်မဟုတ်ဘဲ ဂျပန်မှာနေထိုင်နေတဲ့ နိုင်ငံခြားသားတွေပါဝယ်ယူနိုင်ပါတယ်။ ဒါပေမယ့် ဝယ်ယူတဲ့ အချိန်မှာတော့ ပတ်စပို့ပြနိုင်ဖို့ လိုအပ်ပါတယ်။
- JR East Pass (Tohoku area) - ကတော့ JR-East ကိုအကန့်အသတ်မရှိစီးနိုင်ပြီး Shinkansen အပြင် တခြားရထားလိုင်းတွေကိုပါ ၅ရက်ဆက်တိုက် စီးနိုင်ပါတယ်။ Tokaido Shinkansen ကိုတော့အသုံးပြုလို့တော့မရပါဘူး။
- JR East Pass (Nagano, Niigata area) -JR-East ကိုအကန့်အသတ်မရှိစီးနိုင်ပြီး တိုကျို Naganoခရိုင်နှင့် Niigata ခရိုင်တွေမှာ အကန့်အသတ်မရှိစီးနိုင်ပါတယ်။ Tokaido Shinkansen ကိုတော့အသုံးပြုလို့တော့မရပါဘူး။
- JR Tokyo Wide Pass :ကတော့ JR-East ကိုအကန့်အသတ်မရှိစီးနိုင်ပြီးတိုကျိုနှင့်တခြားနီးနားတဝိုက်ဒေသတွေဖြစ်တဲ့ ဖူဂျီတောင်၊ Nikko၊Karuizawa၊Izu ဆိုတဲ့နေရာတွေမှာ ၃ ရက်ဆက်တိုက်အကန့်အသတ်မရှိစီးနိုင်ပါတယ်။ ဒါပေမယ့် Tokaido Shinkansen သို့မဟုတ် Haneda/Narita လေဆိပ်ကိုသွားတဲ့ လိုင်းတွေကိုတော့စီးလို့မရပါဘူး။
Japan West Rail Pass
Japan West Rail Pass ကလဲ JR East Pass လိုပဲ ဂျပန်နိုင်ငံရဲ့ အနောက်ဘက်မှာအကန့်သတ်မရှိစီးနိုင်တဲ့ လက်မှတ်တွေဖြစ်ပါတယ်။ JR West Rail pass ကတော့ လက်မှတ် အမျိုးအစား ၁၀ မျိုးရှိပါတယ်။ ဒါပေမယ့် JR West Rail pass ကတော့ ဂျပန်ပြည်တွင်းမှာ ကာလရှည်နေထိုင်နေတဲ့ နိုင်ငံခြားသားတွေအတွက်ကတော့ အချိန်ကာလ ကန့်သတ်ရှိပြီ လက်ရှိမှာတော့ ရောင်းချခြင်းမပြုတော့ပါဘူး။ အသေးစိတ်ကို ဒီနေရာကနေ ဝင်ပြီးကြည့်ရှုနိုင်ပါတယ်။
ကျည်ဆန်ရထားအချိန်ဇယားနှင့် ပြောင်းစီးရမယ့် အချက်အလက်များ။
ကျည်ဆန်ရထားစီးတဲ့ အချိန်မှာ အက်ပလီကေးရှင်းတွေအသုံးပြုတဲ့ အခါတော်တော်လွယ်ကူပြီးအဆင်ပြေပါတယ်။ ဒါဆို ကျည်ဆန်ရထားစီးတဲ့ အချိန်မှာဒေါင်းလုတ်လုပ်ထားသင့်တဲ့ အက်ပလီကေးရှင်းတစ်ချို့ကိုဖော်ပြပါ့မယ်။
- Japan Travel by NAVITIME - အင်္ဂလိပ်ဘာသာစကား အပြင်၊ တရုတ်ဘာသာစကား၊ကိုးရီးယားဘာသာစကားတို့နဲ့ အသုံးပြုနိုင်ပါတယ်။
- Japan Transit Planner ကတော့ အင်္ဂလိပ်ဘာသာစကား အပါဝင် ဘာသာစကား ၁၂ မျိုးနဲ့ အသုံးပြုနိုင်ပြီး ရထားပြောင်းစီးတဲ့ အချက်အလက်တွေ ပါဝင်ပါတယ်။
- Google Maps ကတော့ လူတော်တော် များများအသုံးပြုဖူးကြပြီး ဘာသာစကားပေါင်းစုံနဲ့ အသုံးပြုနိုင်ပါတယ်။
အကျဥ်းချုပ်
ကျည်ဆန်ရထားကတော့ သင့်ကို ဂျပန်နိုင်ငံရဲ့ တောင်ဘက်စွန်းနှင့် မြောက်ဘက်စွန်းကို အချိန်တိုတိုတွင်းမှာ ခဏလေးနှင့် ဆွဲခေါ်သွားနိုင်မှာဖြစ်ပါတယ်။ အချိန်မြန်ရုံတင်မက သက်လဲသက်သာပါတယ်။ နောက်ပြီး ဂျပန်ကို အလည်နဲ့ လာတဲ့ သူတွေအတွက်လဲ စျေးသက်သက်သာသာနှင့် အသုံးပြုနိုင်တဲ့ လက်မှတ်အမျိုးအစားတွေရှိတဲ့ အတွက်ကြောင့်မို့လို့ တော်တော် အဆင်ပြေပါတယ်။ဒါကြောင့်မို့လို့ အချိန်အတိုတိုအတွင်း ခရီးသွားချင်ရင်တော့ ကျည်ဆန်ရထား လေးနဲ့ ခရီးသွားရင်း ဇီမ်အပြည့် ခရီးသွားဖို့ အကြံပေးပါရစေ။
