ဂျပန်မှာနေထိုင်ခွင့်သက်တမ်းဗီဇာတိုးတဲ့အခါမိမိရဲ့ဝင်ငွေ၊ထွက်ငွေစရင်းနဲ့ပတ်သက်တဲ့စာရွက်ကိုတင်ပေးရပါတယ်။မိမိအလုပ်လုပ်နေသောအလုပ်အမည်၊အလုပ်အမျိုးအစား၊ထိုအလုပ်မှတစ်လဝင်ငွေဘယ်လောက်ဝင်ရောက်တာကအစစနစ်တကျတင်ပေးရပါတယ်။ဂျပန်လဝကထုတ်ပြန်ထားတဲ့စာရွက်စာတမ်းများကိုအင်တာနက်ကနေဒေါင်းလုတ်ဆွဲပြီးလိုအပ်တဲ့စာရွက်စာတမ်းများကိုပြင်ဆင်ပြီးဗီဇာသက်တမ်းမကုန်ခင်ကြိုတင်သွားတင်ရပါမည်။မိမိတင်ထားဗီဇာသက်တမ်းပြန်လည်ရရှိဖို့အတွက်၂ပတ်ကနေ၃ပတ်လောက်အထိကြာမြင့်တတ်ပါတယ်။ကျောင်းဗီဇာနဲ့လာတဲ့သူတွေအနေနဲ့ကျောင်းခေါ်ချိန်ပြည့်မပြည့်နဲ့တပတ်၂၈နာရီအလုပ်လုပ်ချိန်မကျော်အောင်လည်းသတိထားရမှာဖြစ်ပါတယ်။
သတိထားရမယ့်အချက်များ
တကယ်လို့မိမိကကျောင်းသားတစ်ယောက်ဖြစ်ခဲ့မယ်ဆိုရင်ဘဏ်စာအုပ်ကိုနှစ်အုပ်ခွဲပြီးပြသင့်ပါတယ်။ဝင်ငွေအနေနဲ့လည်း၈သောင်းနဲ့၁၂သောင်းအထိသာရှိတဲ့ဘဏ်စာအုပ်ကိုသာပြသင့်ပါတယ်။သတိထားရမှာကမိမိပေးလိုက်တဲ့ဘဏ်စာအုပ်မှာအလုပ်ချိန်ကျော်လုပ်ထားတဲ့ဘဏ်စာအုပ်ကိုမပေးမိဖို့သတိထားရမှာဖြစ်ပါတယ်။တကယ်လို့မလုံလောက်လို့ပိုလုပ်ချင်တဲ့သူတွေအနေနဲ့တတ်နိုင်သလောက်လက်ပေးအလုပ်များရှာထားသင့်ပါတယ်။အလုပ်ချိန်ကိုသက်ဆိုင်ရာရုံးတွေကိုအခွန်မတင်တဲ့အလုပ်မျိုးကိုရှာထားသင့်ပါတယ်။မိမိအလုပ်ချိန်ကိုအများကြီးကျော်လွန်လို့မရပါဘူး။ကျောင်းပိတ်ရက်ရှည်တဲ့အချိန်မျိုးမှာပိုလုပ်လို့ရတဲ့အတွက်အဲလိုအချိန်မျိုးမှပိုလုပ်တာကောင်းပါတယ်။အလုပ်ချိန်ပိုလုပ်ခြင်းကလည်းဗီဇာတိုးတဲ့အခါအခက်အခဲဖြစ်နိုင်ပါတယ်။ဘဏ်ထဲအဝင်အထွက်များတဲ့ဘဏ်စာအုပ်ကိုမပေးမိဖို့သတိထားသင့်ပါတယ်။
စာရေးသူရွေးချယ်သောဆောင်းပါး
ဗီဇာသက်တမ်းတိုးနေစဥ်အတွင်း
ဗီဇာတိုးနေစဥ်အတွင်းမိမိရဲ့ဇိုင်းလျူကဒ်မူရင်းနဲ့လိုအပ်သောစာရွက်များကိုတင်ပေးရပါမည်။အဲဒီတင်ထားတဲ့အချိန်မှာအလုပ်လုပ်ဖို့နဲ့တခုခုစစ်ဆေးလာခဲ့ရင်ပြဖို့အတွက်သက်ဆိုင်ရာစာရွက်ရရှိမှာဖြစ်ပါတယ်။နောက်တစ်ခုကကျောင်းသားတွေအနေနဲ့ကျောင်းလခကိုမိမိရဲ့မိဘကပို့ပေးတဲ့အထောက်အထားရှိရပါမည်။အဲလိုမျိုးအထောက်အထားအတွက်ပေးပို့တဲ့အခါမျိုးမှာလည်းမိမိသူငယ်ချင်းကျောင်းသားအချင်းချင်းကိုယူလာခိုင်းတာမျိုးမဟုတ်ဘဲဂျပန်မှာအလုပ်လုပ်နေတဲ့ဝန်ထမ်းတစ်ယောက်ယောက်ကိုအကူအညီတောင်းတာပိုကောင်းပါတယ်။နောက်တစ်ခုကယူလာတဲ့ကျောင်းလခပိုက်ဆံကတစ်ပတ်အတွင်းမိမိဘဏ်အတွင်းရှိနေရမှာဖြစ်ပါတယ်။ကျောင်းနဲ့လာတဲ့သူတွေအနေနဲ့လည်းကျောင်းကိုသေချာမတက်ဘဲအလုပ်ချည်းဘဲလုပ်နေရင်လည်းအဆင်မပြေနိုင်သလို၊တပတ်၂၈နာရီအထက်ပိုလုပ်ရင်လည်းသတိထားရမှဖြစ်ပါတယ်။ကျောင်းခေါ်ချိန်(၈၀)ရာခိုင်နှုန်းအောက်ကျဆင်းသွားမယ်ဆိုရင်လည်းဗီဇာတိုးတဲ့အခါအခက်အခဲရှိတဲ့အတွက်သတိထားဖို့လိုအပ်ပါတယ်။
ဗီဇာသက်တမ်းတိုးလို့မရတဲ့အကြောင်းအရင်းများ
အခုနောက်ပိုင်းမိမိရဲ့အချိန်ပိုင်းအလုပ်ချိန်ပိုလုပ်မလုပ်ကိုထပ်စစ်လို့ရအောင်My Numberလို့ခေါ်တဲ့ဇိုင်းလျူကဒ်အပြင်အခုအသစ်ကဒ်တစ်ခုနဲ့ထပ်စစ်လို့ရတဲ့အတွက်အလုပ်ချိန်တွေကိုသေသေချာချာခွဲထားဖို့လိုအပ်ပါတယ်။ဒီကဒ်မှာဂဏန်းလေးတွေကိုနှိပ်ပြီးရှာကြည့်လိုက်ရုံနဲ့မိမိကဘယ်နေရာမှာအလုပ်ဘယ်လောက်လုပ်ထားပြီးဝင်ငွေဘယ်လောက်ရှိတာကအစသိနိုင်တဲ့အတွက်သတိထားဖို့လိုအပ်ပါတယ်။တစ်ခါတလေလက်ပေးဆိုပြီးလုပ်လိုက်တဲ့အလုပ်ကလည်းအခွန်တင်တဲ့အလုပ်မျိုးဖြစ်နေတတ်တဲ့အတွက်သတိထားလုပ်တတ်ဖို့လိုအပ်ပါတယ်။နောက်တစ်ခုကကျောင်းတစ်ခုကနေတစ်ခုပြောင်းတဲ့အချိန်မျိုးမှာလည်းပထမကျောင်းရဲ့ကျောင်းခေါ်ချိန်မပြည့်တာနဲ့ဒုတိယကိုယ်တက်မယ့်ကျောင်းကအရမ်းမကောင်းတဲ့အချိန်မျိုးမှာလည်းဗီဇာသက်တမ်းတိုးလို့မရတာမျိုးရှိတတ်တဲ့အတွက်သတိထားဖို့လိုအပ်ပါတယ်။
ကျောင်းသားဗီဇာကနေ အလုပ်ဗီဇာကိုပြောင်းမယ်ဆိုရင်(Japan work)
ဂျပန်မှာပတ်စ်ပို့သက်တမ်း ဘယ်လိုတိုးရမလဲ(Myanmar embassy in japan)
