Himawari (向日葵)လို့ခေါ်တဲ့နေကြာပန်းလေးတွေကတော့ နွေရာသီရဲ့သင်္ကေတအဖြစ် ဂျပန်နိုင်ငံမှာနာမည်ကြီးပါတယ်။ နွေရာသီရောက်လာတာနဲ့နေရာအနှံ့မှာ နေကြာပန်းခင်းကြီးတွေကိုတွေ့နိုင်ပါတယ်။ ဒီဆောင်းပါးမှာတော့ ဂျပန်မှာသွားရောက်လည်ပတ်နိုင်တဲ့နေကြာပန်းခင်းတွေကိုဖော်ပြသွားပါ့မယ်။
မာတိကာ
- Himawari (向日葵)ဆိုတာ။
- နေကြာပန်းဘယ်အချိန်မှာပွင့်လဲ။
- ဂျပန်မှာလည်ပတ်ဖို့ကောင်းမွန်တဲ့နေကြာပန်းခင်းများ။
- အကျဥ်းချုပ်။
Himawari (向日葵)ဆိုတာ။
Himawari (向日葵)ဆိုတာကတော့ ဂျပန်လိုဖြစ်ပြီး နေကြာပန်းလို့အဓိပ္ပာယ်ရပါတယ်။ “ひまわり” ရေးလေ့ရှိပြီး နေကြာပန်းပွင့်အကြီးအမျိုးအစားတွေဖြစ်ပါတယ်။ နေကြာပန်းတွေကတော့တောင်နှင့် မြေုက်အမေရိက ကမူလဖြစ်ပြီး ဂျပန်မှာလဲ နေရာအနှံမှာ တွေ့ရှိနိုင်ပါသေးတယ်။
ဂျပန်ယဉ်ကျေးမှုအရဆိုရင်လဲ နေကြာပန်းတွေကတော့ အကောင်းမြင်တတ်မှု၊ ပျော်ရွှင်မှု အစရှိတဲ့ အနက်အဓိပ္ပာယ်တို့ကိုဖော်ဆောင်လေ့ရှိပါတယ်။ ဂျပန်လို “日廻り (Hi Mawari)”နေကြာပန်းဆိုတဲ့စကားလုံးကတော့ 日 (Hi) နေ 廻り (Mawari) လှည့်ပတ်ခြင်း တနည်းအားဖြင့် နေရှိတဲ့ဘက်ကိုလှည့်ပတ်ခြင်းဆိုတဲ့အဓိပ္ပာယ်ကနေပြီးတော့ဆင်းသက်လာပါတယ်။ 向日葵 (Himawari) ဆိုတဲ့စကားလုံးနဲ့ရေးလေ့ရှိပြီး ဒီစကားလုံးကိုကြည့်လိုက်မယ်ဆိုရင်လဲ
- 向 မျက်နှာမူခြင်း
- 日 နေ
- 葵 ပန်း အားလုံးပေါင်းစပ်လိုက်ရင်နေဘက်ကိုမျက်နှာမူတဲ့ပန်းဆိုတဲ့ အဓိပ္ပာယ်ဖြစ်ပါတယ်။
※အသံထွက်ကတော့ ဟိမာဝါရီ ဖြစ်ပါတယ် ။
စာရေးသူရွေးချယ်သောဆောင်းပါး
နေကြာပန်းဘယ်အချိန်မှာပွင့်လဲ။
နေကြာပန်းကနွေရာသီမှာပွင့်တယ်လို့အပေါ်မှာလဲဖော်ပြခဲ့ပါတယ်။ အတိအကျပြောရရင် ဇူလိုင်လအကုန်မှာပွင့်ပြီး အလှဆုံးအချိန်ကတော့ ဩဂုတ်လကနေ စက်တင်ဘာအထိဖြစ်ပါဘူး။ နေရာဒေသနှင့် ရာသီဥတုအပေါ်မှာလဲ မူတည်ပါတယ်။ ဒီအချိန်ရောက်ရက် အဝါရောင်နေကြာပန်းနှင့်အပြာရောငါကောင်းကင်ကြီးက လှပနေပြီး လာရောက်လည်ပတ်တဲ့သူတွေလဲ အများကြီးရှိပါတယ်။ နောက်ပြီးတော့ နေကြာနဲ့ပတ်သက်တဲ့ပွဲတွေကိုလဲ ကျင်းပလေ့ရှိကြပါတယ်။
ဂျပန်မှာလည်ပတ်ဖို့ကောင်းမွန်တဲ့နေကြာပန်းခင်းများ။
ဒါဆို လည်ပတ်လို့ကောင်းတဲ့နေကြာပန်းခင်းလေးတွေကိုကြည့်လိုက်ကြရအောင်။
[Hokkaido] Hokuryu နေကြာပန်းတောင်ကုန်း
လည်ပတ်ဖို့အကောင်းဆုံးအချိန် ဇူလိုင်လအလယ်မှ ဩဂုတ်လ တတိယအပတ်
Hokuryu Sunflower Village (北竜町ひまわりの里) ကတော့ Uryu ခရိုင်, Hokkaido စီရင်စုမှာရှိပြီးတော့ ဂျပန်မှာအကြီးမားဆုံးသော နေကြာပန်းခင်းထဲကတစ်ခုဖြစ်ပါတယ်။ နှစ်စဉ်နှစ်တိုင်း လာရောက်လည်ပတ်တဲ့သူတွေပြည့်နှက်နေပြီးတော့ နေကြာပန်းခင်းကြီးမှာတော့ နေကြာပန်းတွေနဲ့ မြင်ကွင်းတစ်ဆုံးမြင်တွေ့နိုင်ပါတယ်။
[Yamanashi] Akeno နေကြာပန်းခင်း
လည်ပတ်ရန်အကောင်းဆုံးအချိန် - ဇူလိုင်လကုန်မှ ဩဂုတ်လအကုန်
Akeno Sunflower Field (明野の向日葵畑)ကတော့ Hokuto မြို့၊ Yamanashi စီရင်စုမှာရှိပါတယ်။ နေကြာပန်းပင်ပေါင်း 400,000 ကျော်ရှိပြီးတော့ Yatsugatake တောင်တန်းကြီးကိုလဲ အနောက်ခံထားပါသေးတယ်။ နှစ်စဉ်နှစ်တိုင်း ပြုလုပ်ကျင်းပလေ့ရှိတဲ့ Akeno နေကြာပန်းပွဲတော် (北杜市明野サンフラワーフェス)ကိုတော့ ဇူလှိုင်လ အလယ်ကနေ ဩဂုတ်လ နောက်ဆုံးအပတ်မှာ ကျင်းပပြီးတော့ ဒေသအတွက်း နွေရာသီအတွက်ကြီးမားတဲ့အမှတ်အသားတစ်ခုအဖြစ်နာမည်ကြီးပါတယ်။ နေကြာစေ့ ရေခဲမုန့်ကတော့နာမည်အကြိးဆုံးဖြစ်ပါတယ်။
[Kanagawa] Zama နေကြာပန်းခင်း
လည်ပတ်ရန်အကောင်းဆုံးအချိန် - ဩဂုတ်လအလယ်
Zama Sunflower Field (座間ひまわり畑) ကတော့ Zama မြို့ Kanagawa ခရိုင်မှာရှိပြီးတော့ Kanagawaမှာ ကြည့်လို့ကောင်းတဲ့ ပန်းခင်း ၁၀၀ ထဲကတစ်ခုဖြစ်ပါတယ်။ နောက်ပြီးတော့ တိုကျိုဘက်မှာရှိတဲ့ နေကြာပန်းခင်းတွေထဲမှာလဲ အကြီးဆုံးပန်းခင်းကြီးတစ်ခုဖြစ်ပါတယ်။ နေကြာပန်းပင်ပေါင်း 550,000 ကျော်ရှိပြီးတော့ နှစ်စဥ် သြဂုတ်လမှာ ပွဲတော်ကိုကျင်းပလေ့ရှိကြပါတယ်။
[Osaka] Nagai ရုက္ခဥယျာဥ်
လည်ပတ်ရန်အကောင်းဆုံးအချိန် - ဇူလိုင်လ အလယ်မှ စက်တင်ဘာလအစောပိုင်းအထိ။
Nagai ပန်းခြံ ကြီးမှာတော့ နေကြာပန်းပင်ပေါင်း 100,000 ကျော်နေရာယူထားတဲ့ ပန်းခြံကြီးရှိပါတယ်။ ပင်လယ်ဘက်မှာရှိတဲ့ ပန်းခြံဖြစ်တဲ့ အတွက်ကြောင့်မို့လို့ ပင်လယ်နှင့် နေကြာပန်းကိုအနောက်ခံပြီးတော့ ဓာတ်ဖမ်းလို့ရနိုင်ပါသေးတယ်။ နောက်ပြီးတော့ ခြားကြီးလဲရှိတဲ့အတွက်ကြောင့်ပိုပြီးလှပတဲ့ ရှုခင်းလေးကို ကြည့်ရှုခံစားနိုင်ပါသေးတယ်။
[Hyogo] နေကြာတောင်ကုန်းပန်းခြံ
လည်ပတ်ရန်အကောင်းဆုံးအချိန် - ဇူလှိုင်လ အလယ်မှ ဩဂုတ်လအလယ်အထိ
နေကြာတောင်ကုန်းပန်းခြံ (ひまわりの丘公園) ကတော့ Onoမြို့,Hyogoစီရင်စုမှာရှိတဲ့ပန်းခြံဖြစ်ပြီးတော့ နေကြာပန်းပင်ပေါင်း400,000ခန့်ရှိပါတယ်။ပန်းခြံအတွင်းမှာတော့ကလေးကစားဖို့နေရာတွေနဲ့ပစ္စည်းတွေလဲရှိပါတယ်။
[Hiroshima] Serakogen ခြံ
လည်ပတ်ရန်အကောင်းဆုံးအချိန် - သြဂုတ်လ။
Serakogenခြံ (世羅高原農場) ကတော့ Sera , Hiroshima စီရင်စုမှာတည်ရှိပါတယ်။ ပန်းခြံအတွင်းမှာတော့ နေကြာပန်းပင်ပေါင်းသန်းနဲ့ချီပြီးရှိပါတယ်။ ပန်းတွေကိုအလှကြည့်လို့ရတဲ့နေရာတွေအပြင် ပန်းခူးလို့ရတဲ့နေရာတွေလဲရှိပါသေးတယ်။ ပန်းခြံတစ်ခုလုံးကိုပတ်ဖို့ကတော့ ၂ နာရီကြာပြီးတော့ သြဂုတ်လကုန်လောက်မှာဆိုရင်တော့ နေကြာပန်းပွဲတော်ကိုလဲ ကျင်းပပါသေးတယ်။
တခြားနာမည်ကြီး နေကြာပန်းခင်းများ။
အထက်ပါဖော်ပြခဲ့တဲ့နေကြာပန်းခင်းတွေအပြင် တခြားနာမည်ကြီးတဲ့နေကြာပန်းခင်တွေဆိုရင်တော့ အောက်ပါအတိုင်းဖြစ်ပါတယ်။
- Sakura Furusato Square - Sakura မြို့၊ Chiba ခရိုင်ကတော့ တိုကျိုကနေ တစ်ရက်တာခရီးထွက်ဖို့အဆင်ပြေပါတယ်။
- Nayoro Chiebun နေကြာပန်းခြံ - Nayoro၊Hokkaido - နေကြာပန်းခင်း ၅ သန်းကျော်ရှိ။
- Nagasakibana နေကြာပန်းခြံ - Kunisaki မြို့၊ Oita ခရိုင် - နေကြာပန်း ၁.၄ သန်းခန့်နှင့် ပင်လယ်ရှုခင်းကိုကြည့်ရှုနိုင်။
- Chikusei နေကြာပန်းခင်း - Chikusei မြို့၊ Ibaraki ခရိုင် - - နေကြာပန်း ၁ သန်းကျော်နှင့် Yaehimawari အမျိုးအစားရှိ။
အကျဥ်းချုပ်
ဒီဆောင်းပါးမှာတော့ဂျပန်နိုင်ငံတဝှမ်းမှာရှိတဲ့ နေကြာပန်းခင်းတွေနဲ့ သူတို့ရဲ့ ထူးခြားချက်တွေကိုဖော်ပြလိုက်ပါတယ်။ နေကြာပန်းကနွေရာသီရဲ့ထူးခြားချက်ဖြစ်တဲ့ အတွက်ကြောင့်မို့လို့ နွေရာသီရောက်တာနဲ့ နေကြာပန်းတွေကိုကြည့်ရှုဖို့ ဖိတ်ခေါ်လိုက်ပါတယ်။
