နှစ်သစ်ကူးတဲ့ အချိန်ကတော့ အများအားဖြင့် မိသားစုတွေ များလည်စုဝေးနဲ့ အချိန်အခါလို့လဲဆိုနိုင်ပါတယ်။ဂျပန်နိုင်ငံရဲ့ နှစ်သစ်ကူးမှာတော့ ရိုးရာအတိုင်းဖြတ်သန်းတဲ့ နည်းလမ်းတွေလဲရှိသလို၊ ရိုးရာ အစားအသောက်တွေ၊ ကလေးတွေ ကစားနည်းတွေ အများကြီးရှိပါတယ်။ ဒီဆောင်းပါးမှာတော့ ဂျပန်နိုင်ငံရဲ့ နှစ်သစ်ကူးဖြတ်သန်းပုံ၊ အစားစာ၊ ကစားနည်း၊ ရိုးရာဓလေ့ထုံးစံတွေအကြောင်းတွေကို စုစည်းဖော်ပြလိုက်ပါတယ်။
မာတိကာ
- နှစ်သစ်ကူးနေ့နှုတ်ဆက်စကား။
- နှစ်သစ်ကူးနေ့ ဖြတ်သန်းပုံများ။
- နှစ်သစ်ကူးမှာစားတဲ့ အစားစာများ။
- အကျဥ်းချုပ်
နှစ်သစ်ကူးနေ့နှုတ်ဆက်စကား။
နှစ်သစ်ကူးမှာကို တစ်ယောက်နဲ့တစ်ယောက်နှုတ်ဆက်တဲ့ အချိန်မှာ တစ်ယောက်နဲ့ တစ်ယောက်တွေ့တဲ့ အချိန်မှာ နှုတ်ဆက်စကားတွေပြောလေ့ရှိကြပါတယ်။ ဓလေ့ထုံးစံ အရတော့ 年賀状 (nen ga jou) လို့ခေါ်တဲ့ နှစ်သစ်ကူးနှုတ်ဆက်တဲ့ ပို့စကတ်ကို အသုံးပြုပြီးနှုတ်ဆက်လေ့ရှိကြပါတယ်။ အနီးအနားမှာရှိတဲ့ သူတွေ နောက်ပြီး နှစ်သစ်ကူးမှာတွေ့တဲ့ သူတွေကိုတော့ နှုတ်နဲ့ နှုတ်ဆက်တာတို့၊ နောက်ပိုင်း ဖုန်း၊ အီးမေးလ် ကနေတဆင့် နှုတ်ဆက်တာတွေလဲ များလာကြပါတယ်။
- 新年おめでとうございます。(shinnen omedetou gozaimasu)
- あけましておめでとうございます。(akemashite omedetou gozaimasu)
- あけましておめでとう。(akemashite omedetou)
- あけおめ。(ake ome)
- 今年もよろしくお願いいたします。(kotoshimo yoroshiku onegaiitashimasu)
- 今年もよろしく。(kotoshimo yoroshiku)
- ことよろ。(kotoyoro)
အများအားဖြင့် နှစ်သစ်မှာပထမဆုံးတွေ့တဲ့ အခါမှာ 新年おめでとうございます。(shinnen omedetou gozaimasu) သို့မဟုတ် あけましておめでとうございます。(akemashite omedetou gozaimasu) တို့ကိုနှုတ်ဆက်လေ့ရှိကြပါတယ်။ သူငယ်ချင်းအချင်းချင်းဆိုရင်တော့ あけましておめでとう。(akemashite omedetou) ၊ あけおめ。(ake ome) အစသဖြင့်နှုတ်ဆက်လေ့ရှိကြပါတယ်။ あけおめ。(ake ome) တို့ ことよろ。(kotoyoro)
စတဲ့ စကားလုံးတွေကတော့ အသက်ငယ်တဲ့ လူတွေအသုံးများတဲ့ စကားလုံးဖြစ်ပြီး Formal ဆန်တဲ့နေရာတွေမှာတော့ သုံးလေ့မရှိပါဘူး။
စာရေးသူရွေးချယ်သောဆောင်းပါး
နှစ်သစ်ကူးနေ့ ဖြတ်သန်းပုံများ။
နှစ်သစ်ကူး ပထမဆုံးနေ့ဖြစ်တဲ့ ဇန်နဝါရီ ၁ရက်နေ့ကိုတော့ 元旦 (gantan) 元日 (ganjitsu) အစသဖြင့်ခေါ်လေ့ရှိကြပါတယ်။ ဒီလို နှစ်ဆန်း ၁ ရက်နေ့မှာ ဂျပန်လူမျိုးတွေ ကတော့ ဘုရားကျောင်းသွားခြင်း၊ နှစ်သစ်နေထွက်တာကိုကြည့်ခြင်း အစသဖြင့်ပြုလုပ်လေ့ရှိကြပါတယ်။ တစ်ခုချင်းစီကို ကြည့်လိုက်ကြရအောင်။
初日の出（hatsu hi no de）- နှစ်သစ် နေထွက်တာကိုကြည့်ခြင်း။
ဂျပန်နိုင်ငံနှစ်သစ်ကူးနေ့မှာတော့ နေစပြီးထွက်တာကိုကြည့်လေ့ရှိကြပါတယ်။ ဒီလို နေထွက်တာကို 初日の出（hatsu hi no de） လို့ခေါ်ပါတယ်။ မနက်စောစော ထပြီး နေထွက်တာကိုသေချာမြင်နိုင်မယ့်နေရာမှာသွားပြီးတော့ ကြည့်လေ့ရှိကြပါတယ်။ 初日の出（hatsu hi no de）ကိုကြည့်တာကို နိမိတ်ကောင်းတယ်လို့ အယူအဆရှိတဲ့ အတွက်ကြောင့်မို့လို့ ဂျပန်လူမျိူးတော်တော်များများက 初日の出（hatsu hi no de）ကိုကြည့်လေ့ရှိကြပါတယ်။
初詣（hatsu moude）- နှစ်သစ်ပထမဆုံး ဘုရားကျောင်း၊ နတ်ကွန်များကို လည်ပတ်ခြင်း။
နှစ်သစ်ကူးမှာတော့ ဂျပန်လူမျိုးတွေက နှစ်တစ်နှစ်ရဲ့ ပထမဆုံး အနေနဲ့ ဘုရားကျောင်းတို့၊ နတ်ကွန်းတို့ကိုသွားပြီအလည်ပတ်လေ့ရှိကြပါတယ်။ ဒီလို လည်ပတ်တာကို ဂျပန်လို 初詣（hatsu moude）လို့ခေါ်ပါတယ်။ ရှေ့နှစ်က မကောင်းတဲ့ အရာတွေကိုပယ်ဖျက်ပြီး နှစ်သစ်အတွက် ကောင်းတဲ့ အရာတွေဖြစ်လာဖို့အတွက် ဆုတောင်းတဲ့ အနေနဲ့ သွားခြင်းဖြစ်ပါတယ်။ ဒီလိုဆုတောင်းတာတွေအပြင် ဘုရားကျောင်းတွေကို သွားပြီး omikuji လို့ခေါ်တဲ့ မဲနှိုက်ခြင်း၊ omamori လို့ အဆောင်တွေကို ဝယ်ခြင်းတို့ကိုလဲ ပြုလုပ်လေ့ရှိကြပါတယ်။ 初詣（hatsu moude）ကိုတော့ နှစ်တစ်နှစ်ရဲ့ ပထမဆုံးရက်နေ့ ဖြစ်တဲ့ ဇန်နဝါရီ ၁ ရက်နေ့မှာသွားတဲ့လူတွေကနေများပြားကြပါတယ်။ သို့သော် ဇန်နဝါရီ ၇ ရက်နေ့အထိ ၇ ရက်နေ့အထိ ၊ ဂျပန်နိုင်ငံအနောက်ပိုင်းမှာတော့ ဇန်နဝါရီလ ၁၄ ရက်နေ့အထိ သွားရောက်နိုင်တယ်လို့ဆိုကြပါတယ်။
初夢 (hatsu yume) - နှစ်ဆန်း ၁ ရက်နေ့ အိပ်မက် နိမိတ်ဖတ်ခြင်း။
နှစ်ကုန်သွားတဲ့ ည မှာ မက်ခဲ့တဲ့ အိပ်မက်ကို 初夢 (hatsu yume) လို့ခေါ်ပါတယ်။ 初夢 (hatsu yume) ရဲ့အိပ်မက် အကြောင်းအရာကိုကြည့်ပြီးတော့ နိမိတ်ကောက်ယူလေ့ရှိကြပါတယ်။ အထူးသဖြင့် ဖူဂျီတောင်၊ သိမ်းငှက်၊ ခရမ်းသီး စတဲ့ အကြောင်းအရာ ၃ ခုကတော့ နိမိတ်ကောင်းစေတယ်လို့ ယူဆလေ့ရှိကြပါတယ်။
お年玉 (otoshi dama) - နှစ်သစ်ကူး မုန့်ဖိုး ပေးခြင်း
နှစ်သစ်ကူးမှာ ကလေးတွေရဲ့ ပျော်ရွှင်စရာတစ်ခုကတော့ နှစ်သစ်ကူး မုန့်ဖိုးဖြစ်ပါတယ်။ နှစ်သစ်ကူးမုန့်ဖိုးကိုတော့ ဂျပန်လို お年玉 (otoshi dama)လို့ခေါ်ပြီး ယနေ့အထိ လူကြီးတွေကနေပြီးတော့ ကလေးတွေကို မုန့်ဖိုးပေးလေ့ရှိတုန်းဖြစ်ပါတယ်။
ရိုးရာ ကစားနည်းများ ကစားခြင်း။
ဂျပန်နိုင်ငံရဲ့ နှစ်သစ်ကူးမှာ ကလေးတွေကစားလေ့ရှိတဲ့ ကစားနည်းတွေရှိပါတယ်။ ကစားနည်းတွေလဲအများကြီးရှိပါတယ်။ ဂျပန်ရိုးရာ ကစားနည်းတွေအပြင် ကြက်တောင်ရိုက်တာတို့၊ စွန့် လွှတ်တာတို့၊ ဂျင်နဲ့ဆော့တာတို့ကို ပြုလုပ်လေ့ရှိကြပါတယ်။
နှစ်သစ်ကူးမှာ စားသောက်သော ရိုးရာအစားစာများ
おせち料理 (osechi ryouri)
ဂျပန်နှစ်သစ်ကူးမှာလဲ ရိုးရာ အစားအသောက်တွေ အများကြီးကိုစားသောက်လေ့ရှိကြပါတယ်။ နာမည်အကြီးဆုံးနဲ့ လူအကြိုက်များဆုံး အစားစားတစ်ခုကတော့ ဂျပန်နိုင်ငံကတော့ おせち料理 (osechi ryouri) ဆိုတဲ့ နှစ်သစ်ကူးအစားစာဖြစ်ပါတယ်။ ဒီအစားစာမှာတော့ အမျိုးအစားတွေ အများကြီးရှိပြီး တစ်ခုချင်းစီမှာလဲ အဓိပ္ပာယ်တွေရှိပါတယ်။ ဒါပေမယ့် တစ်ခုချင်းစီကိုစုံအောင်ချက်ဖို့ကလဲ တော်တော်လေးကိုလက်ဝင်ပြီးခက်ခဲပါတယ်။ အခုနောက်ပိုင်းမှာတော့ အသင့်လုပ်ပြီးသား ကို ဝယ်တဲ့ သူတွေလဲ များလာကြပါတယ်။
お雑煮（ozou ni）
နောက်တစ်ခုကတော့ နှစ်သစ်ကူးမှာ စားလေ့ရှိတဲ့ အစားစာကတော့ お雑煮（ozou ni）ဖြစ်ပါတယ်။ ကောက်ညှင်းကို ဟင်းရည်နဲ့စားတဲ့ အစားစာတစ်မျိုးဖြစ်ပါတယ်။ နေရာနဲ့ ဒေသအပေါ် လိုက်ပြီးတော့ ပါဝင်ပစ္စည်းတွေ ကွဲပြားလေ့ရှိကြပါတယ်။ ဒါပေမယ့် ဘယ်နေရာမှာပဲ ဖြစ်ဖြစ် အဓိကပါဝင်ပစ္စည်း ကတော့ ကောက်ညှင်းဖြစ်ပါတယ်။
ဒီလိုမျိူး အပေါ် မှာဖော်ပြလိုက်တဲ့ အစားစာ ၂ မျိုးအပြင် ဆူရှီ၊ ဟော့ပေါ့တို့လိုမျိုး အစားအသောက်တွေကိုလဲစားလေ့ရှိကြပါတယ်။
おせち料理 (osechi ryouri) နှင့် お雑煮（ozou ni）အကြောင်းအသေးစိတ်ကို ဂျပန်နိုင်ငံနှစ်သစ်ကူးအစားအစာများမှာ ဖတ်ရှုနိုင်ပါတယ်။
အကျဥ်းချုပ်
ဒီဆောင်းပါးမှာတော့ ဂျပန်နိုင်ငံရဲ့ နှစ်သစ်ကူးမှာ ပြုလုပ်လေ့ရှိတဲ့ အလေ့အထတွေ၊ စားသောက်တဲ့ ဟင်းလျာတွေနဲ့ ပတ်သက်ပြီးဖော်ပြခဲ့ပါတယ်။ နှစ်သစ်ကူးမှာ ယူဆလေ့ရှိတဲ့ နိမိတ်တွေကိုပါ စုစည်းပြီးဖော်ပြခဲ့တဲ့ အတွက်ကြောင့်မို့လို့ နှစ်သစ်ကူးတဲ့ အချိန်မှာ ဒီဆောင်းပါးမှာဖော်ပြခဲ့တဲ့ အလေ့အထ တွေနဲ့ အကြောင်းအရာတွေကို နှစ်သစ်ကူးမှာ တခါတည်း
