ဂျပန်မှာဖျားရင်ဘယ်လိုလုပ်ရမလဲ။ဆေးကုသမှုဘယ်လိုခံယူရမလဲ။ Flow of reception to Japanese hospitals
နေရာအနေအထားအပြောင်းအလဲတွေထဲမှာ ကျန်းမာရေးကိုဂရုစိုက်ရတာ တော်တော်အဆင်မပြေပါဘူး။ ဂျပန်ရောက်လို့နေမကောင်းဖြစ်ရင်လဲ ကျန်းမာရေးဌာနတွေကို သွားရောက်တာကလဲ တော်တော် ခက်ခဲတဲ့ ကိစ္စ ဖြစ်ပါတယ်။ ဘာလို့လဲဆိုတော့ ဂျပန်မှာတော့ ဆေးခန်းမှာ ဌာနတွေအများကြီးရှိပြီး မိမိနဲ့ ရောဂါ လက္ခဏာ နဲ့ကိုက်ညီတဲ့ ဌာန ကိုသွားရောက်ဖို့လဲ အင်မတန်ခက်ခဲပါတယ်။ ဒါကြောင့် ဒီဆောင်းပါးမှာတော့ ဂျပန်မှာ နေမကောင်းဖြစ်ရင် ကျန်းမာရေး စောင့်ရှောက်မှုကို ဘယ်လိုခံယူရမလဲဆိုတာ ကို အဆင့်လိုက်ဖော်ပြလိုက်ပါတယ်။
- ဂျပန်မှာနေမကောင်းဖြစ်ရင် ဘာကိုလုပ်ရမလဲ။
- ဆေးခန်း ဘယ်လိုပြရမလဲ။
- ကျန်းမာရေး အာမခံမရှိရင် ဘယ်လို ဖြစ်မလဲ။
- အရေးပေါ် အခြေအနေမှာ ဘယ်လိုလုပ်ရမလဲ။
- အကျဥ်းချုပ်
ဂျပန်မှာနေမကောင်းဖြစ်ရင် ဘာကိုလုပ်ရမလဲ။
ဂျပန်နိုင်ငံရဲ့ ကျန်းမာရေး ဝန်ဆောင်မှုနဲ့ မြန်မာနိုင်ငံရဲ့ ကျန်းမာရေး ဝန်ဆောင်မှု က တော်တော် ကွာပါတယ်။ မြန်မာပြည်မှာဆော့ နေမကောင်းဖြစ်ရင် နီးစပ်ရာ ဆေးခန်းသွားပြီး ဆေးကုသမှုခံယူနိုင်ပေမယ့် ဂျပန်မှာတော့ ဆေးကုသခံယူမှုအပြင် တခြားလုပ်ထုံးလုပ်နည်းတွေလဲ လိုအပ်လာပါတယ်။
ပထမဆုံးသိထားရမှာက ဂျပန်မှာတော့ မိမိရဲ့ ရောဂါ၊ အချိန် အရာတွေအပေါ်မူတည်ပြီး ကျန်းမာရေး ဝန်ဆောင်မှုအမျိုးအစားအများကြီးရှိပါတယ်။ အကြမ်းအားဖြင့်တော့ ဆေးခန်းနဲ့ဆေးရုံးဆိုပြီး ၂ ပိုင်းခွဲခြားနိုင်ပါတယ်။
ဆေးရုံလား၊ ဆေးခန်းလား။
ဂျပန်မှာတော့ ပုံမှန်ဖျားတဲ့အချိန်မှာ ဆေးခန်းကိုပဲသွားလေ့ရှိပါတယ်။ သို့သော် အရေးပေါ်အခြေအနေမှာ ၁၁၉ ကိုခေါ်လို့ရှိရင်တော့ ဆေးရုံကို ခေါ် သွားမှာ ဖြစ်ပြီး ဘယ်ဆေးရုံကို သွားရမလဲဆိုတာကိုလဲ ရွေးချယ်လို့မရပါဘူး။
အရေးပေါ်အချိန်မဟုတ်သရွေ့ကတော့ ဆေးခန်းကိုသွားသင့်ပါတဘ်၊ အဲဒါဆိုရင် ဆေးခန်း ဘယ်ဌာန ကိုသွားရမလဲဆိုတာကို ထပ်ရှင်းပြသွားပါ့မယ်။
ဘယ်ဌာနကို သွားပြရမလဲ။
ဂျပန်မှာတော့ အထွေထွေကုဆရာဝန်မရှိပါဘူး။ ဒါကြောင့်အထူးကုဆရာဝန်တွေ ပဲရှိပြီး ကိုယ့်ရဲ့ ရောဂါကိုမူတည်ပြီး ဘယ်ဆေးခန်းကို သွားရမလဲဆိုတာကို သေချာသိထားဖို့လိုအပ်ပါတယ်။
အဲဒါဆိုရင် မိမိရဲ့ ရောဂါအပေါ်မူတည်ပြီးတော့ ဘယ်ဆေးခန်းကိုသွားရမလဲဆိုတာကို အောက်က ဇယားမှာဖော်ပြသွားပါ့မယ်။
|
ရောဂါလက္ခဏာ |
ဆေးခန်း |
|
ဖျားနာ၊ လည်ချောင်းနာ၊ ချောင်းဆိုး၊ နှာစေး၊ ခေါင်းကိုက်၊ ဗိုက်အောင့်ဗိုက်နာ။ |
内科 (naika) ကိုယ်တွင်းအင်္ဂါအထူးကုသဌာန |
|
အရိုးကျိုး၊ အဆစ်လွဲ |
整形外科（seikeigeka） ကြောရိုးအထူးကုဌာန |
|
လည်ချောင်း၊နှာခေါင်း၊ နား |
耳鼻科、耳鼻咽喉科（jibika,jibiinkouka） နှားနာခေါင်းနဲ့ လည်ချာင်းဌာန။ |
|
အဖုအဖိတ်ထခြင်း၊ ယားယံခြင်း၊ အရေပြားရောဂါ |
皮膚科 (hifuka) ရေပြားရောဂါ အထူးကုဌာန |
|
မျက်လုံးပြသနာများ |
眼科 (ganka) မျက်လုံးအထူးကု |
|
စိတ်ရောဂါများ |
心療内科 (shinryounaika) စိတ်ကျန်းမာရေး အထူးကုဌာန |
|
အမျိုးသမီးရောဂါနဲ့ ကိုယ်ဝန်ဆောင်သည်များ |
婦人科、産婦人科 (fujinka,sanfujinka) မီးယပ်နှင့် သားဖွားဌာန |
|
သွားပိုးစားခြင်း၊ သွားနာကြဥ်ကိုက်ခဲခြင်း |
歯科 သွားအထူးကုဌာန |
ဆေးရုံမှာ ယူလို့ရတဲ့ ဆေးစာ။
တခါတလေ ကျရင် ကိုယ်ပြနေကျ ဆရာဝန်ကဆေးပြတ်နေတာမျိုး၊ ရောဂါအခြေအနေကိုဆုံးဖြတ်ရ ခက်ခဲတဲ့အခြေအနေတွေမျိုးမှာဆိုရင် ပိုပြီး ပစ္စည်းတွေပြည့်စုံ ဆေးခန်း၊ ဆေးရုံကိုသွားဖို့လိုအပ်လာပါတယ်။ ဒီလို အခြေအနေမျိုးမှာဆိုရင် ဆရာဝန်ဆီကနေ 「紹介状 shoukaijyou」ဆေးစာယူဖို့လိုအပ်ပါတယ်။
တကယ်လို ဆေးစာမပါဘူးဆိုရင်သပ်သပ် 「選定療養費 sentei ryouyouhi」ဆေးစာရိတ် ထပ်ကုန်ကျပါလိမ့်မယ်။ ဒါပေမယ့် ၂ကြိမ်နဲ့ အထက်ဆိုရင်တော့ပုံမှန်ဆေးစာရိတ်အတိုင်းကုန်ကျမှာ ဖြစ်ပါတယ်။
စာရေးသူရွေးချယ်သောဆောင်းပါး
ဂျပန်ဆေးခန်းမှာပြုလုပ်ရမယ့် အဆင့် များ
ဆေးခန်းမှာကြိုတင်ဘိုကင်ယူပါ
ဂျပန်မှာတော့ ကိုလိုနာ ကူးစက်မှုကိုကာကွယ်ဖို့အတွက် ဆေးခန်းတော်တော်များများက ဘိုကင်စနစ်ကိုကျင့်သုံးကြပါတယ်။ အမြန်လိုနေပေမယ့် ဘိုကင် ပြည့်နေတဲ့အချိန်မှာဆို ကျိန်းသေပေါက် ဆေးခန်းကို ဖုန်းဆက်ပြီး ဆေးခန်း ဘိုကင်မလုပ်ဘဲ လာလို့ရလားမေးမြန်းပါ။ ဒါပေမယ့် ဆေးခန်းတော်တော် များများက ပထမဆုံးလာတဲ့ လူနာကို ဘိုကင်မရှိဘဲ မလာခိုင်းပါဘူး။
ဘာလို့လဲဆိုရင်တော့ လူနာရဲ့ ရောဂါအကြောင်း၊ သုံးစွဲနေတဲ့ ဆေးတွေအကြောင်းကို သေချာမေးမြန်းဖို့အချိန်လိုအပ်တဲ့အတွက်ကြောင့်ဖြစ်ပါတယ်။ ဒါကြောင့် သေချာအောင်ရော မိမိအချိန်တွေကိုအကျိုးရှိအောင်ရော ကိုယ်သွားမယ့် ဆေးခန်းရဲ့ ဝက်ဘ်ဆိုက်ကနေ ကြိုတင်ပြီး ဘိုကင်ယူထားဖို့ အကြံပေးချင်ပါတယ်။
ဘာတွေယူသွားသင့်လဲ။
ဆေးခန်းကိုသွားတဲ့အချိန်မှာ အောက်ပါပစ္စည်းတွေကို ယူသွားရပါမယ်။
ကျန်းမာရေး အာမခံကတ်ပြား (保険証 hokensho)
ကျန်းမာရေး အာမခံကတ်ပြားကတော့ အရမ်းကိုအရေးကြီးပြီး ကျန်းမာရေး အာမခံ ကတ်ပြားနဲ့ဆိုရင် ဆေးစာရိတ်ရဲ့ ၃၀ ရာခိုင်နှုန်းကိုသာ ပေးဆောင်ဖို့လိုအပ်ပါတယ်။ တလ အတွင်းမှာ ဆေးခန်းထပ်ပြမယ် ဆိုရင်တော့ အာမခံ ကတ်ပြားကိုပြစရာမလိုပါဘူး။ ဒါပေမယ့် ယူသွားရင်တော့ အန္တာရာယ်ကင်းပါတယ်။
ဆေးခန်းမှတ်ပုံတင်ကတ်ပြား (診察券 shinsatsuken)
ဆေးခန်းမှတ်ပုံတင်ကတ်ပြားကတော့ ပထမဆုံးဆေးခန်းပြတဲ့အချိန်မှာ ဆေးခန်းမှာလုပ်ပေးပါတယ်။ ဒီကတ်ကတော့ ဆေးခန်းပြတဲ့အချိန်ဘိုကင် တင်တဲ့အချိန်မှာ အမြဲ တမ်းလိုအပ်ပါတယ်။
ဆေးမှတ်တမ်းစာအုပ် (薬手帳 kusuri techou)
ဆေးမှတ်တမ်းအုပ် ကတော့လူနာ အသုံးပြုနေတဲ့ ဆေးကိုမှတ်တမ်းတင်ထားတဲ့ စာအုပ်ဖြစ်ပါတယ်။ ဆေးဆိုင်ကနေပြီးတော့ဝယ်တဲ့ ဆေးတွေနဲ့ ပတ်သက်ပြီး စတေကာ ကိုကပ်ပါလိမ့်မယ်။ အကယ်၍ ဆေးမှတ်တမ်းစာအုပ်မေ့ကျန်ခဲ့ပါက ဆေးဆိုင်က စတေကာ ပေးပြီး ကိုယ်ဘာသာကိုယ် ကပ်ခိုင်းပါလိမ့်မယ်။ နောက်ပြီး ဆရာဝန်ကို ကိုယ်ဘာဆေးသုံးနေလဲဆိုတာကို ပြောပြတဲ့အချိန်မှာလဲ ဆေးမှတ်တမ်းစာအုပ်က တော်တော် အသုံးဝင်ပါတယ်။
ငွေသား
ဆေးခန်းတော်တော် များများကတော့ ငွေသားကိုသာ လက်ခံကြပါတယ်။ တကယ်လို့ ဆေးခန်းကိုပထမဆုံးသွားမယ်ဆိုရင်တော့ ငွေသားဆောင်သွားဖို့ အကြံပြုပါတယ်။
ဆေးဖိုး ကို ဘယ်လို ပေးရမလဲ။
ဆရာဝန်နဲ့ပြသပြီးတဲ့အချိန်မှာ ပြန်ထွက်လာရင် ကောင်တာမှာငွေရှင်းရပါမည်။ အာမခံဝင်ထားရင်တော့ ဆေးစာရိတ်ရဲ့ ၃၀ ရာခိုင်နှုန်းကိုသာပေးချေရပါမည်။ ဆရာဝန်ကနေပြီးတော့ (処方箋 shohousen) ကိုပေးမှာဖြစ်ပြီး အဲဒီဆေးစာရင်းနဲ့ ဆေးဆိုင်မှာ စျေးဝယ်ယူရပါမည်။
ဆေးစာရိတ်ကင်းလွှတ်ခွင့်
ဆေးစာရိတ်ကင်းလွှတ်ခွင့်က တော်တော် အရေးကြီးတဲ့ အကြောင်းအရာဖြစ်ပါတယ်။ ဆေးဖိုးကို သတ်မှတ်ထားတဲ့ ပမာဏတစ်ခုအနေနဲ့ပေးထားရင် (ဝင်ငွေအပေါ်မူတည်ပြီး) တနှစ်ကြာရင် ဆေးဖိုး အခွန်ကင်းလွှတ်ခွင့်ကိုလျှောက်ထားပြီး အခွန်တွေပြန်ရနိုင်ပါတယ်။
အသေးစိတ်ကို အောက်ပါလင့်ကနေ ဝင်ကြည့်နိုင်ပါတယ်။
https://www.nta.go.jp/taxes/shiraberu/taxanswer/shotoku/1120.htm
ကုန်ကျစရိတ် ပမာဏ တချို့ကို ထောက်ပံ့မှုရယူခြင်း
ဂျပန်မှာတော့ ဝင်ငွေ အပေါ်လိုက်ပြီး တလအတွင်း နိုင်ငံသားတွေ ကိုယ် တိုင်ကုန်ကျခံရမယ့် ပမာဏ ကိုသတ်မှတ်ထားပါတယ်။
အကယ်၍ တလတွင်း ကိုယ်တိုင်ပေးချေရတဲ့ ဆေးစာရိတ် က သတ်မှတ်ပမာဏထက်ကျော်လွန်နေပါက (高額療養費) ဆိုတဲ့ စနစ်ကို အသုံးပြုပြီး လျှောက်ထားနိုင်ပါတယ်။ ဒီစနစ်ကိုအသုံးပြုရင် သတ်မှတ်ထားတဲ့ ပမာဏ ထက်ကျော်နေနဲ့ ပိုက်ဆံကို ပြန်ရနိုင်မည်ဖြစ်ပါတယ်။ သို့သော တလ တွင်းသာ ဖြစ်ပြီး တလ ကျော်သွားပါက အစကနေ ပြန်ပြီး တွက်မှာ ဖြစ်ပါတယ်။
※ ဂျပန် ကျန်းမာရေးအာမခံဌာန https://www.kyoukaikenpo.or.jp/g3/sb3030/r150/
ဆေးကို ဘယ်မှာ လက်ခံရမလဲ။
ဆေးကိုတော့ ဆေးခန်းမှာ တိုက်ရိုက်ပေးတာမဟုတ်ဘဲ ဆေးခန်းမှာ အနီးနားတဝိုက်မှာရှိတဲ့ ဆေးဆိုင် 薬局（やっきょく）တွေမှာ ယူရပါတယ်။ 「調剤薬局 chouzai yakkyoku」 ဆိုပြီးရှာကြည့်ပါ။ တချို့ ဆေးဆိုင်တွေကတော့ ဒီလိုနေရာတွေနဲ့တွဲဖွင့်ထားလေ့ရှိပါတယ်။ အများအားဖြင့် 処方箋受付 shouhousen uketsuke」လို့ရေးထားလေ့ရှိပါတယ်။
နေအိမ်နဲ့ နီးတဲ့ ဆေးဆိုင်လား၊။ ဆေးခန်းနဲ့ နီးတဲ့ ဆေးဆိုင်လား။
ဆေးခန်းပြပြီး ဆေးယူရမယ့် ဆေးဆိုင်ကတော့ 処方箋受付 shouhousen uketsuke」လို့ရေးထားတဲ့ ဘယ်ဆေးဆိုင်မှာမဆို ဆေးကိုရယူနိုင်ပါတယ်။ သို့သော် ဆေးရမရ ဆိုတဲ့ ပြသနာ တွေလဲရှိနိုင်တာမို့ တတ်နိုင်ဆုံး မြန်မြန်ဆေးခန်းနားက ဆေးဆိုင် မှာ တခါတည်း ဝယ်ဖို့ အကြံပြုချင်ပါတယ်။ ဆေးခန်းရဲ့အနီးနားမှာရှိတဲ့ ဆေးဆိုင်တွေကိုတော့ 「門前薬局 monmae yakkyokuလို့ခေါ်ကြပါတယ်။ အများအားဖြင့် ဆေးခန်းရဲ့ ညာဘက် သို့မဟုတ် အရှေ့မှာရှိကြပါတယ်။
ပထမဆုံးဆေးဆိုင်ကိုသွားပါက လုပ်ရမယ့် အရာ
ဆေးခန်းကိုသွားခဲ့သလိုပဲ ဆေးဆိုင်ကိုသွားတဲ့အချိန်မှာလဲ ပထမဆုံးဖောင်ဖြည့်ရပါမယ်။ ဖောင်ထဲမှာတော့ ဆေးလက်ကျန်အကြောင်း၊ ဆေးသောက်မှုအခြေအနေ၊ မိမိရဲ့ နေထိုင်မှုအခြေပနေ အစသဖြင့် မေးခွန်းတွေပါဝင်ပါတယ်။
မေးခွန်းတွေထဲမှာ တွေ့ရမယ့် အရာတစ်ခုကတော့ ジェネリック医薬品 generic ဆေးတွေ လိုအပ်လားဆိုတဲ့ မေးခွန်းတစ်ခုကို တွေ့ရလိမ့်မယ်။ generic ဆေး ဆိုတာကတော့ မူလဆေးလိုင်စင် ကုန်သွားပြီး ဒီအတိုင်းဆက်ထုတ်ထားတဲ့ ဆေးကိုဆိုလိုပါတယ်။ ဂျပန်မှာတော့ ဒီလို ဆေးတွေကို ဂျပန်အစိုးရကလဲ တရားဝင် အသိမှတ်ပြုထားပါတယ်။ ပုံမှန်ထက်လဲ ပိုပြီးတော့ စျေးသက်သာပါတယ်။
ကျန်းမာရေး အာမခံမရှိရင် ဘယ်လို ဖြစ်မလဲ။
အကုန်ကျစာရိတ် အကုန်လုံးကို ပေးချေရမည်။
ကျန်းမာရေး အာမခံ မဝင်ထားလဲ ဂျပန်မှာ ဆေးကုသလို့ရပါတယ်။ သို့သော် ကုန်ကျစာရိတ် အကုန်လုံးကိုပေးချေဖို့တော့လိုအပ်ပါတယ်။ တကယ်လို့ ကျန်းမာရေးအာမခံ ဝင်ထားပါက ၃၀ ရာခိုင်နှုန်းသာ ပေးဆောင်ရမှာ ဖြစ်ပါတယ်။
ဥပမာ ဆေးကုန်ကျစာရိတ် က ယန်း ၁၀၀၀ ဆိုပါစို့။
-
ကျန်းမာရေးအာမခံဝင်ထားသူ ယန်း ၃၀၀ သာပေးဆောင်ရမည်။
-
ကျန်းမာရေးအာမခံ မဝင်ထားသူ ယန်း ၁၀၀၀ လုံးပေးဆောင်ရမည်။
ကျန်းမာရေး အာမခံ ဝင်ထားပေမယ့် ကျန်းမာရေး ကတ်ပြားမရှိရင် ဘယ်လိုလုပ်မလဲ။
တခါတလေကျရင် အာမခံကတ်ပြားမေ့ကျန်ခဲ့တာဖြစ်ဖြစ် ပျောက်တာ ဖြစ်ဖြစ် ၊ ပြောင်းလာလို့ မလှဲရသေးတဲ့ အချိန်မှာပဲ ဖြစ်ဖြစ် ဒီလိုအခြေအနေမျိုးမှာ ဆိုရင် ဘယ်လိုလုပ်ရမလဲ။
ပထမဆုံး အာမခံကတ် မပါတဲ့ အကြောင်းကို ကောင်တာမှာသေချာ ပြောပြပါ။ နောက်ပြီး ပထမတော့ ကျသင့်ငွေ အကုန်လုံးပေးရပါမည်။ နောက်မှ အာမခံ ကတ်ပြားကိုပြန်ပြပြီး အာမခံ ငွေကို ပြန်ထုတ်ယူနိုင်ပါတယ်။
အရေးပေါ် အခြေအနေမှာ ဘယ်လိုလုပ်ရမလဲ။
၉၁၁ ကိုဖုန်းခေါ် ပါ။
အရေးပေါ်အခြေအနေမှာတော့ ၉၁၁ ကိုဖုန်းခေါ်ရပါမယ်။ တကယ်လို့ ဂျပန်စာ သိပ်မပြောတတ်ဘူးဆိုရင် နံဘေးမှာရှိတဲ့ ဂျပန်လူမျိုးကို ဖြစ်ဖြစ် အရေးပေါ်ကားခေါ်ပေးဖို့ပြောပါ။ ကိုယ်တိုင်ပြောမယ်ဆိုရင်တော့ရောက်နေတဲ့ နေရာ၊ လိပ်စာ ကိုသေချာ ပြောပြနိုင်အောင်လုပ်ထားပါ။
ဆေးခန်းဖွင့်ချိန်မဟုတ်တဲ့အချိန်မှာဆို စာရိတ်သပ်သပ်ကျသင့်ပါတယ်။
ဆေးခန်းသွားတဲ့အချိန်မှာ ပုံမှန်အချိန်မဟုတ်ရင်တော့ ပုံမှန်ထက်ပိုပြီးတော့ ကုန်ကျစာရိတ်ကျသင့်ပါတယ်။အသေးစိတ်ပြောရရင်တော့ ညဘက် ၁၀ နာရီကနေ မနက် ၆ နာရီ၊ တနင်္ဂနွေ စတဲ့ အချိန်တွေမှာ ပုံမှန်ထက် ပိုပြီး ကျသင့်ပါတယ်။ အများအားဖြင့်ပုံမှန်စာရိတ်ထက် ၂ဆ သို့မဟုတ် ၃ ဆ လောက်ပိုပြီး များပါတယ်။
https://www.kyoukaikenpo.or.jp/g5/cat525/r2/21015/
အကျဥ်းချုပ်
ဆေးရုံ၊ ဆေးခန်း ကတော့ ကျန်းမာရေးအတွက်လုံးဝ မသွားမဖြစ် သွားရမယ့်နေရာဖြစ်ပါတယ်။ တိုင်းတပါးမှာ နေထိုင်ရင်တော့ ဒီလို ကျန်းမာရေးနဲ့ ပတ်သက်ပြီး ပိုပြီးတော့ ဂရုစိုက် ရပါတယ်။ ဒါကြောင့် ဒီဆောင်းပါးမှာတော့ ဂျပန်နိုင်ငံရဲ့ ဆေးခန်းကိုသွားတဲ့အချိန်မှာ အသုံးဝင်မယ့်အချက်အလက်တွေအပြင်သိထားတဲ့ အချက်တွေကိုမျှဝေလိုက်ပါတယ်။
