ဂျပန်မှာအချိန်ပိုင်းအလုပ်ကိုရှာနေကြတဲ့နိုင်ငံခြားသားတချို့မှာ"ဂျပန်စကားလည်လည်ဝယ်ဝယ်မပြောတတ်သူတွေအတွက်အလုပ်ရနိုင်ပါ့မလား" နဲ့ "အလုပ်ရှာနည်းကိုသိချင်တယ်" လို့ တွေးနေကြတယ်လို့ထင်ပါတယ်။ ဂျပန်စကားမပြောတတ်သူများပင် ဂျပန်မှာအချိန်ပိုင်းအလုပ်ရနိုင်ပါတယ်။ သို့သော် ဝန်ထမ်းများအချင်းချင်းဆက်သွယ်ရန်အတွက်လွယ်ကူသောစကားပြောဆိုမှုများတတ်ရှိထားရန်လိုအပ်ပါသည်။
မာတိကာ
- ဂျပန်စာ ကျွမ်းကျွမ်းကျင်ကျင် မပြောတတ်တဲ့ သူတွေလဲ အချိန်ပိုင်းအလုပ် ရနိုင်ပါတယ်။
- ဂျပန်ဘာသာမကျွမ်းကျင်သေးသောသူများအတွက်အလုပ်ဘယ်လိုရှာမလဲ။
- ဂျပန်စကားမကျွမ်းကျင်သေးသောသူများအတွက်သင့်တော်သော အချိန်ပိုင်းအလုပ်များ။
- အကျဥ်းချူပ်
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
ဂျပန်စာ ကျွမ်းကျွမ်းကျင်ကျင် မပြောတတ်တဲ့ သူတွေလဲ အချိန်ပိုင်းအလုပ် ရနိုင်ပါတယ်။
ဂျပန်ဘာစာစကားကို ကျွမ်းကျွမ်းကျင်ကျင် မပြောတတ်တဲ့ သူတွေ လဲ ဂျပန်မှာ အချိန်ပိုင်းအလုပ်ရရှိနိုင်ပါတယ်။ ဂျပန်မှာ နေခိုင်ဖို့အတွက်၊ စားစာရိတ်၊ သောက်စာရိတ်အတွက် ဂျပန်မှာတော့ ကျောင်းတက်ရင်း အချိန်ပိုင်းအလုပ်ကို လုပ်ကိုင်ရပါတယ်။ သို့သော် ဂျပန်စာ မကျွမ်းကျင်သေးဘူးဆိုတဲ့ အချက်နဲ့ လက်လျှော့ သွာလေ့ရှိတဲ့ သူတွေလဲ အများကြီးရှိပါတယ်။ အရှေ့မှာပြောခဲ့သလိုပါပဲ ဂျပန်စာ မကျွမ်းကျင်သေးတဲ့ သူတွေ လဲ ဂျပန်မှာ အချိန်ပိုင်းအလုပ်ရနိုင်ပါတယ်။ သို့သော် အလုပ်ရွေးချယ်နိုင်မှု အပိုင်းမှာတော့ နည်းပါးနိုင်ပါတယ်။ ဒါကြောင့် ဂျပန်စကားအရမ်းသုံးစရာမလိုတဲ့ အလုပ်တွေနဲ့ ၊ ဂျပန်စကား အဓိကမကျတဲ့ အချိန်ပိုင်းအလုပ်တွေကို ရွေးချယ်ပြီး လုပ်ရမှာဖြစ်ပါတယ်။ သို့သော် လုပ်တဲ့ အလုပ် အမျိုးအစားအပေါ် မှာလဲ မူတည်ပြီးတော့ ဂျပန်လူမျိုးတွေနဲံ အပြန်အလှန် ဆက်သွယ်စကားပြောရင်း မိမိဂျပန်စာတိုးတက်လာနိုင်ပါတယ်။ ဒါကြောင့် ဒီဆောင်းပါးမှာတော့ ဂျပန်စာလဲ အရမ်းအဓိက မကျဘဲ ဂျပန်လူမျိုးတွေနဲ့ ပြောဆိုဆက်ဆံရင်း မိမိဂျပန်စာတိုးတက်နိုင်မယ့် အလုပ်မျိုးကိုမျှဝေပေးသွားပါ့မယ်။
စာရေးသူရွေးချယ်သောဆောင်းပါး
ဂျပန်ဘာသာမကျွမ်းကျင်သေးသောသူများအတွက်အလုပ်ရှာပုံ
ကျောင်းသားတွေ အနေနဲ့ ကျောင်းကနေ တဆင့် သို့ မဟုတ် သူငယ်ချင်းမှတဆင့် မိတ်ဆက်ပေးခြင်း သို့မဟုတ် နိုင်ငံခြားသားများအတွက် သီးသန့် အလုပ်ခေါ်သည့်ဝဘ်ဆိုက်ကို အသုံးပြုခြင်းဖြင့် အချိန်ပိုင်းအလုပ်ကို ရှာဖွေနိုင်သည်။ ဂျပန်စကားကောင်းကောင်း မပြောတတ်ရင် အချိန်ပိုင်းအလုပ်ရှာဖို့ ခက်ခဲနိုင်ပါတယ်။ သို့သော် ကျောင်း သို့မဟုတ်မိတ်ဆွေတစ်ဦးကမိတ်ဆက်ပေးပါက ယုံကြည်စိတ်ချစွာ လျှောက်ထားနိုင်ပါသည်။ နောက်ပြီး ကျောင်းတွေကနေ မိတ်ဆက်ပေးတဲ့ အလုပ်တွေကတော့ နိုင်ငံခြားသားကျောင်းသားတွေကို အလုပ်လုပ်တဲ့ ဥပဒေ စတဲ့ အရာတွေနဲ့ ပတ်သက်ပြီးရင်နှီးကျွမ်းဝင်ပြီးသားဖြစ်တဲ့ အတွက်ကြောင့်မို့လို့ပိုပြီးတော့ စိတ်ချ ယုံကြည်လို့ရပါတယ်။ အချိန်ပိုင်းအလုပ်လုပ်တဲ့ အချိန်မှာလဲ သတိထားရမယ့် ဥပဒေေတွေ အများကြီးရှိပါတယ်။ သတ်မှတ်ထားတဲ့ ဥပဒေတွေကို မလိုက်နာပါက တိုင်းပြည်ကို အတင်းပြန်လည်ပို့တာတို့ဖြစ်နိုင်ပါတယ်။ ဒါကြောင့် မို့လို့ အချိန်ပိုင်းအလုပ်မလုပ်ခင်မှာအမြဲတမ်း လိုက်နာရမယ့် စည်းကမ်းတွေကို သေချာ ဖတ်ရှုပြီး နားလည်ထားဖို့ အကြံပေးချင်ပါတယ်။
သင့်အား အလုပ်မိတ်ဆက်ပေးရန် သူငယ်ချင်း သို့မဟုတ် အသိမိတ်ဆွေကို မေးကြည့်ပါ
အကယ်၍ သင်သည် ဂျပန်စကားမပြောတတ်သည့် နိုင်ငံခြားသားတစ်ဦးဖြစ်သော်ငြား သင့်တွင်သူငယ်ချင်းများနှင့် အသိအကျွမ်းများကအလုပ်လုပ်သည့် အချိန်ပိုင်းအလုပ်ရှိပါက အလုပ်ရရန်မှာ အတော်လေးလွယ်ကူပါသည်။ သင့်သူငယ်ချင်းများနှင့် အသိအကျွမ်းများသည် အလုပ်တွင်ကြိုးစားသူများဖြစ်ပါကအလုပ်ခန့်သူမန်နေဂျာမှ အားထားရသောသင့်သူငယ်ချင်းက မိတ်ဆက်ပေးထား၍ စိတ်ချရသည်ဟု ထင်လိမ့်မည်ဖြစ်သောကြောင့် အလုပ်ရရှိရန် အလားအလာ ပိုများလေဖြစ်သည်။ သင့်သူငယ်ချင်း သို့မဟုတ် အသိမိတ်ဆွေသည် အလုပ်ခန့်မည့်မန်နေဂျာနှင့် အင်တာဗျူးမည့်ရက်ကို စီစဉ်ပေးနိုင်သည်။ ဂျပန်စကား နားမလည်သော နိုင်ငံခြားသားများအတွက် အချိန်ပိုင်းအလုပ်လျှောက်ထားခြင်းမှ လူတွေ့စစ်ဆေးခြင်းအထိ အဆင့်ဆင့်မှာ ခက်ခဲမည်ဖြစ်ပါသည်။ ထိုလုပ်ထုံးလုပ်နည်းကိုအဆင့်ကျော်လွှားရန်မှာ သူငယ်ချင်းများနှင့် အသိမိတ်ဆွေများမှ မိတ်ဆက်ပေးခြင်းသည်အားသာချက်တစ်ခုလည်းဖြစ်သည်။
ကျောင်းကနေတဆင့် မိတ်ဆက်ပေးတဲ့ အလုပ်ကိုလျှောက်ပါ။
သင့်ဝာာဝန်ခံဆရာကိုမိတ်ဆက်ပေးစေခြင်း သို့မဟုတ် ကြော်ငြာသင်ပုန်းပေါ်တွင်ကပ်ထားသော အလုပ်များကိုဖတ်ရှုခြင်းဖြင့်လျှောက်ထားကြည့်ရန် အကြံပြုအပ်ပါသည်။ကျောင်းမှမိတ်ဆက်ပေးသည်ဆိုလျှင် နိုင်ငံခြားသားများကို တက်ကြွစွာအလုပ်ခန့်ချင်ကြသောကုမ္ပဏီအများအပြားရှိသည်။သင်စိတ်ပါဝင်စားသော အလုပ်ကို လျှောက်ထားနိုင်ပါသည်။ လျှောက်လွှာတင်ခြင်းနှင့် လူတွေ့စစ်ဆေးခြင်းကို သင်ကိုယ်တိုင် အချိန်ဇယားသတ်မှတ်ရမည်ဖြစ်ပြီး၊ သို့သော် ၎င်းသည်တစ်မှစ၍ အလုပ်ရှာခြင်းထက်ထိရောက်သည်။
နိုင်ငံခြားသားများအတွက် အလုပ်ရှာပေးသောအေဂျင်စီကိုအသုံးပြုပါ
နိုင်ငံခြားသားများအတွက်အလုပ်ခေါ်သည့်ဆိုဒ်တွင် အလုပ်အမျိုးအစားနှင့်အခြေအနေများကို ရွေး၍လျှောက်ထားခြင်းဖြင့် အချိန်ပိုင်းအလုပ်ရှာဖွေရန် နည်းလမ်းကောင်းတစ်ခုလည်းဖြစ်သည်။ အချို့သောနိုင်ငံခြားသားများအတွက် အလုပ်ခေါ်သည့်ဆိုဒ်များသည် ကိုယ်ရေးရာဇဝင်နှင့် အင်တာဗျူးမန်နာကို မည်သို့ကျင့်ကြံရမည်ကို ဖော်ပြထားသည်။ ကိုယ်ရေးရာဇဝင်ရေးပုံများနှင့် အင်တာဗျူးဖြေပုံများအကြောင်း ဗဟုသုတရရှိခြင်းဖြင့်စိတ်ချစွာအလုပ် လျှောက်ထားနိုင်မည်ဖြစ်သည်။ နောက်ပြီး နိုင်ငံခြားသားသီးသန့် အလုပ်ရှာပေးတဲ့ အေဂျင်စီတွေမှာတော့ နိုင်ငံခြားသားတွေအတွက်သီးသန့်ရှာပေးတဲ့ အလုပ်မျိုးတွေလဲရှိနိုင်ပါတယ်။ ဒါကြောင့်မို့လို့ ပိုပြီးတော့ လွယ်လွယ်ကူကူ အလုပ်ရနိုင်မှာဖြစ်ပါတယ်။ ဘာသာစကားမျိုးစုံနှင့် အလုပ်အကိုင်ရှာဖွေသည်ကို ပံ့ပိုးပေးသည့် ဝက်ဘ်ဆိုက်များလည်း ရှိတဲ့ အတွက်ကြောင့်မို့လို့ မိခင်ဘာသာစကားနှင့် မိမိလိုချင်တဲ့ အလုပ်ကို ထိထိရောက်ရောက်နဲ့ ရှာဖွေနိုင်တဲ့ အချက်ကလဲ အားသာမှုတစ်ခုဖြစ်ပါတယ်။
ဂျပန်စကားမကျွမ်းကျင်သေးသောသူများအတွက်သင့်တော်သော အချိန်ပိုင်းအလုပ်များ။
စားသောက်ဆိုင် မီးဖိုချောင်
ဂျပန်ဘာသာကို ကျွမ်းကျင်မှုမရှိသေးသော နိုင်ငံခြားသားများအတွက်၊ စားသောက်ဆိုင်၏ မီးဖိုချောင်တွင် အချိန်ပိုင်းအလုပ်လုပ်ရန် သင့်တော်ပါတယ်။ စားသောက်ဆိုင်များ၊ ကော်ဖီဆိုင်များ၊ Izakaya လို့ ခေါ်သောအရက်ပါရောင်းသည့်ဆိုင်အများစုသည် ဧည့်သည်များစားသောက်ရာနေရာနှင့် မီးဖိုချောင်ဟူ၍အလုပ်ကိုခွဲခြားထားသည်။ မီးဖိုချောင်ရှိ အချိန်ပိုင်းအလုပ်များသည် ချက်ပြုတ်ခြင်း၊ ပန်းကန်ဆေးခြင်း၊ မီးဖိုချောင်ကို သန့်ရှင်းရေးလုပ်ခြင်းတို့ကအဓိကဖြစ်သည်။ ချက်ပြုတ်ခြင်းသည် ရိုးရှင်းသော ဟင်းလျာပြင်ဆင်မှုနှင့် စျေးဝယ်ခြင်းမှအစပြုလေ့ရှိသောကြောင့် ချက်ပြုတ်ခြင်းအပေါ် ယုံကြည်မှုမရှိသူများသည်ပင် စိတ်အေးချမ်းသာစွာဖြင့် လုပ်ဆောင်နိုင်ပါသည်။ ဧည့်သည်များစားသောက်ရာနေရာရှိအလုပ်နှင့်မတူဘဲ မီးဖိုချောင်သည် စားသုံးသူများနှင့်တိုက်ရိုက်ဆက်ဆံရန် အခွင့်အ ရေးအနည်းငယ်သာရှိသည်။ ထို့ကြောင့် ဂျပန်စကားကျွမ်းကျွမ်းကျင်ကျင် မပြောတတ်သော နိုင်ငံခြားသားများပင်လျှင် အဆင်ပြေစွာအလုပ်လုပ်နိုင်မည်ဖြစ်သည်။ အကယ်၍ ဂျပန်စာအရည်အချင်းအသင့်တင့်ရှိပြီး ဂျပန်စကား ကျွမ်းကျင်လာဖို့အတွက် ဧည့်သည် တွေနဲ့ ပြောဆိုဆက်ဆံရတဲ့ အလုပ်ကိုလုပ်ချင်ရင်တော့ ဂျပန်အရက်ဆိုင်အချိန်ပိုင်းအလုပ်နှင့် အသုံးဝင်သောဂျပန်စကားစုများဆိုတဲ့ ဆောင်းပါးမှာ ဝင်ရောက်ပြီး ဂျပန်စာနဲ့ ပတ်သက်တဲ့ စကားလုံး၊ စကားစုတွေကို ဝင်ရောက်လေ့လာနိုင်ပါတယ်။
စက်ရုံ၊ ဂိုဒေါင်အလုပ်များ
ပေါ့ပါးသော အလုပ်သည် ဂျပန်စာကိုမကျွမ်းကျင်သေးသော နိုင်ငံခြားသားများအတွက် သင့်တော်သောအချိန်ပိုင်းအလုပ်တစ်ခုဖြစ်သည်။ ကုန်ပစ္စည်းများကို ခွဲထုတ်ရန်နှင့် ထုပ်ပိုးရန်အတွက် စက်ရုံများနှင့် ဂိုဒေါင်များတွင် အလုပ်လုပ်သောကြောင့် ဂျပန်ဘာသာဖြင့် စကားစမြည်ပြောဆိုလေ့မရှိပါ။ သို့သော်လည်း ဝန်ထမ်းများသည် အလုပ်အခြေအနေကို အစီရင်ခံရသည်လည်းရှိသောကြောင့်အခြေခံ ဂျပန်စာကို နားလည်အောင်လုပ်ထားသင့်ပါသည်။ပေါ့ပါးသော အလုပ်များသည် မှတ်မိလွယ်သော အလုပ်ကိုသာ အာရုံစိုက်ရသောကြောင့် နိုင်ငံခြားသားများပင် အလွယ်တကူ စတင်နိုင်သော အချိန်ပိုင်းအလုပ်တစ်ခုဖြစ်သည်။ ခရီးဆောင်အိတ်များ သယ်ဆောင်ခြင်းအလုပ်လဲရှိသောကြောင့် ကာယကြံ့ခိုင်မှုရှိသူများအတွက် သင့်လျော်ပါသည်။
လုံခြုံရေးအစောင့်
အဆောက်အအုံများနှင့် စျေးဝယ်စင်တာများရှိ လုံခြုံရေးအစောင့်များသည် အခြေခံအားဖြင့် ဧည့်သည်များကိုတိုက်ရိုက်ဝန်ဆောင်မှုမရှိပေ။စက်ရုံအား လှည့်လည်ခြင်းနှင့် လုံခြုံရေးကင်မရာများကိုစစ်ဆေးခြင်းဖြင့် ဝန်ထမ်းများနှင့် သုံးစွဲသူများ၏ ဘေးကင်းမှုကို စောင့်ရှောက်ခြင်းဖြစ်သည်။ ရံဖန်ရံခါတွင် စက်ရုံနှင့်ပတ်သက်သည့် မေးခွန်းများအမေးခံရတတ်သောကြောင့် အခြေခံဂျပန်ဘာသာစကားကို တတ်ထားရန်ပြင်ဆင်ထားသင့်သည်။ အချို့သော လုံခြုံရေးအလုပ်များတွင် တစ်ယောက်တည်း လုပ်ကိုင်ရခြင်းလဲရှိသည်။ ဂျပန်လူမျိုးများနှင့် ဆက်ဆံရာတွင် ကျင့်သားမရသေးသော နိုင်ငံခြားသားများသည် မိမိတို့၏ အဆင်ပြေသောနှုန်းဖြင့် အလုပ်လုပ်နိုင်မည်ဖြစ်သည်။
သန့်ရှင်းရေးအလုပ်များ
စျေးဝယ်စင်တာတွေ၊ဟိုတယ်တွေမှာ သန့်ရှင်းရေးလုပ်ရတဲ့ အလုပ်တွေကလဲ ဂျပန်စာ အရည်အချင်း အရမ်းမရှိသေးတဲ့ သူတွေအတွက် သင့်တော်တဲ့ အလုပ်တစ်မျိုးဖြစ်ပါတယ်။ အများအားဖြင့် N5/N4 အဆင့်လောက်ရှိရုံနဲ့ အလုပ်စလုပ်နိုင်ပြီး ဂျပန်စကားစွမ်းရည်လဲ အရမ်းမလိုအပ်ပါဘူး။ နောက်ပြီး ဂျပန်လူမျိုးတွေနဲ့ အတူတူလုပ်ရင်း ဂျပန်စကားနဲ့ ပြောဆိုဆက်ဆံနိုင်အတွက်ကြောင့်မို့လို့ ဂျပန်ဘာသာစကားလဲ တိုးတက်လာနိုင်ပါတယ်။ နောက်ပြီး သန့်ရှင်းရေးနဲ့ ပတ်သက်တဲ့ နည်းလမ်းတွေကိုလဲ ပိုပြီဂတော့ သိရှိနိုင်ပါတယ်။
Convenience store ဆိုင်ဝန်ထမ်း
နိုင်ငံခြား ကျောင်းသားတွေ ကြားထဲမှာ နာမည်ကြီးတဲ့ အလုပ်ကတော့ convenience store ဆိုင်ဝန်ထမ်း ဖြစ်ပါတယ်။ convenience store ဆိုင်ဝန်ထမ်းဆိုရင်တော့ စျေးဝယ်သူတွေနဲ့ စကားပြောရတာအပြင် တခြား အလုပ်တွေ အများကြီးရှိပါတယ်။ နောက်ပြီး convenience store တွေကတော့ ၂၄ နာရီဖွင်တဲ့ အတွက်ကြောင့်မို့လို့ အလုပ်ချိန်ကိုလဲ သေချာရွေးချယ်နိုင်တဲ့အချက်ကလဲ အားသာတဲ့ အချက်တစ်ချက်ဖြစ်ပါတယ်။ နောက်ပြီး အလုပ်ချိန်အပေါ်မူတည်ပြီးတော့ အဓိက လုပ်ရတဲ့ အလုပ်တွေလဲ ကွဲပြားပါတယ်။ ဥပမာ စျေးဝယ်တဲ့ သူတွေများတဲ့ အချိန်ဆိုရင် အဓိက ကောင်တာမှာစျေးဝယ်တဲ့ သူတွေကိုစျေးရောင်းရတဲ့ အလုပ်ဖြစ်ပြီး စျေးဝယ်တဲ့ အလုပ် ဧည့်သည်တွေ နည်းတဲ့ အချိန်မှာတော့ တခြား ပစ္စည်းတွေကို စီတာတို့၊ တခြားပစ္စည်းတွေနဲ့ ပတ်သက်တဲ့ အလုပ်တွေကိုလုပ်ခိုင်းလေ့ရှိပါတယ်။ ဒါပေမယ့် 接客 (sekkyaku) စျေးဝယ်သူတွေကို ဆက်ဆံတဲ့ အချိန်မှာ အသုံးပြုတဲ့ ဂျပန်စာတွေကိုတော့ သေချာလေ့လာထားဖို့လိုအပ်ပါတယ်။ ကွန်ဘီနီမှာ အသုံးပြုတဲ့ ဂျပန်စာ၊ အလုပ်အကြောင်းအရာနှင့်ပတ်သက်တဲ့ အကြောင်းအရာတွေကိုလဲ ဆောင်းပါမှာဝင်ဖတ်နိုင်ပါတယ်။
အကျဥ်းချုပ်
ဂျပန်နိုင်ငံမှာ ကျောင်းတက်ရင်းအချိန်ပိုင်းအလုပ်လုပ်တော့မယ်ဆိုရင်တော့ ဂျပန်နိင်ငံက အစိုးရက မှတ်ထားတဲ့ ဥပဒေ ကိုလိုက်နာနိုင်ဖို့ရယ်၊ စာနဲ့ အလုပ်ကို သေသေချာချာ ညီမျှအောင် လုပ်ဖို့ကလဲ အရမ်းအရေးကြီးပါတယ်။ အချိန်ပိုင်းအလုပ်တွေကတော့ ဂျပန်မှာ စားသောက်နေထိုင်ဖို့အတွက် လိုအပ်တဲ့ စာရိတ်တွေကို ကာမိဖို့အတွက် တစ်ခုတည်းမဟုတ်ဘဲ ဂျပန်စာ တိုးတက်လာဖို့အတွက် အရေးပါတယ်တဲ့ အရာတွေလဲဖြစ်ပါတယ်။ တခြား နိုင်ငံခြားသားကျောင်းသားတွေလဲ အများကြီး အချိန်ပိုင်းအလုပ်လုပ်နေကြတဲ့ အတွက်ကြောင့်မိုလို့ ဂျပန်က အချိန်ပိုင်းအလုပ်ခွင်တွေထဲမှာဆိုရင် နိုင်ငံခြားသားတွေကိုလဲ သေချာလက်ခံပြီး သင်ကြားပြသပေးတဲ့ အလုပ်ခွင်တွေလဲ အများကြီးရှိပါတယ်။ ဒါကြောင့်မို့လို့ စိုးရိမ်စိတ်တွေကို ဖယ်ရှားပြီး သေချာ အလုပ်ကိုရွေးချယ်ပြီး လုပ်ဖို့အကြံပေးချင်ပါတယ်။
WeXpats Jobs ဆိုတာ?
WeXpats Jobs ဆိုတာကတော့ ဂျပန်မှာ အလုပ်လုပ်ကိုင်မယ့် နိုင်ငံခြားသားတွေကို အားပေးတဲ့ ဝက်ဘ်ဆိုက်ပဲဖြစ်ပါတယ်။ ဒီတခေါက် အင်တာဗျူးမှာ မိတ်ဆက်ခဲ့တဲ့ ဟိုတယ် အလုပ်အကိုင်တွေအပြင် တခြား လုပ်ငန်းတွေရဲ့ အလုပ်ခေါ် စာအမျိုးမျိုးမိတ်ဆက်ပေးလျက်ရှိပါတယ်။
ဂျပန်ဘာသာစကားအပါအဝင် ဘာသာစကား ၁၁ မျိုး (အင်္ဂလိပ်၊ ဗီယက်နမ်၊ ကိုးရီးယား၊ အင်ဒိုနီးရှား၊ တရုတ်၊ မြန်မာ၊ ထိုင်း၊ စပိန်၊ ပေါ်တူဂီ ) စတဲ့ဘာသာစကားတွေနဲ့ အလုပ်ရှာဖွေနိုင်မှာဖြစ်ပြီး ဂျပန်စကားကိုသေချာမပြောနိုင်တဲ့တွေလဲ ယုံကြည်မှုရှိရှိနဲ့ အလုပ်ရှာဖွေနိုင်ပါတယ်။
၁ ကိုယ်ဘာသာကို ရှာဖွေနိုင်ခြင်း
ဂျပန်စာအရည်အချင်း၊ လုပ်ကိုင်ချင်တဲ့အလုပ်အမျိုးအစား၊ အလုပ်နေရာ စတဲ့အရာတွေကိုဖြည့်စွက်ပြီး ကိုယ့်ဘာသာကို ရှာဖွေနိုင်ပါတယ်။
၂ လုပ်ငန်းဘက်က ကမ်းလှမ်းစာတွေကိုလက်ခံစာရယူပါ
လွယ်ကူတဲ့ မေးခွန်းတွေကိုဖြေဆိုပြီး မိမိနဲ့ကိုက်ညီတဲ့အလုပ်ခေါ်စာတွေကို လက်ခံရယူနိုင်ပါတယ် ။ လုံးဝအခမဲ့ဖြစ်တာကြောင့် အောက်က ပုံကနေတဆင့် နိုပ်ပြီး အလုပ်ရှာဖွေနိုင်ပါတယ်။
