ဒီနေ့မှာတော့ ဂျပန်စာလေ့လာနေတဲ့သူတွေအတွက် ရတနာသိုက်လို့ပြောလို့ရမယ့် ဝက်က်ဆိုက်တစ်ခုကို မိတ်ဆက် ပေးချင်ပါတယ်။ သင်ဟာ ဂျပန်စာကို ဖတ်စာအုပ်အပြင် တခြားးဝက်ဘ်ဆိုက်တွေ၊ အက်ပလီကေးရှင်ကနေ လေ့လာချင်နေမယ့် ဘယ်လိုရှာရမလဲမသိ အခက်ခဲဖြစ်နေပါသလား။ ဒါဆိုဒီဆောင်းပါးကို ဖတ်လိုက်ပါ။ ဒီဆောင်းပါးမှာ ဖတ်စာအုပ် အပြင် ဂျပန်စာကိုလေ့လာလို့ရမယ့် ပျော်စရာ စိတ်ဝင်စားဖွယ်ရာ နည်းလမ်းတွေနဲ့ ပလက်ဖောင်းတွေကို မိတ်ဆက်ပေးသွားပါ့မယ်။
Nihongo e na Website
Nihongo e na Website ဆိုတာကတော့ ဂျပန်စာလေ့လာနေတဲ့သူတွေအတွက် အသုံးဝင်တဲ့ ဝက်ဘ်ဆိုက်တွေ၊ အက်ပလီကေးရှင်းတွေကိုတနေရာတည်းမှာ စုစည်းပေးထားတဲ့ ဝက်ဘ်ဆိုက်တစ်ခုဖြစ်ပါတယ်။ ဒီ ဝက်ဘ်ဆိုက်ထဲမှာရှိတဲ့ အရင်းမြစ်တွေ နဲ့ ဂျပန်စာလေ့လာဖို့လုံလောက်တဲ့အနေအထားမျိုးအထိဖြစ်ပါတယ်။ အားသားချက်တွေနဲ့ပြည့်နေပြီး ဂျပန်စာလေ့လာနေသူတိုင်းအတွက် အသုံးဝင်တဲ့ ဝက်ဘ်ဆိုကတစ်ခုဆိုရင်လဲမမှားပါဘူး။ဒါဆို ဘယ်လိုအားသာချက်မျိုးတွေရှိလဲဆိုတာကို အသေးစိတ်ကြည့်လိုက်ကြရအောင်။
စာရေးသူရွေးချယ်သောဆောင်းပါး
Nihongo e na Website ရဲ့အားသာချက်များ
Level အလိုက် Website ပေါင်းမျိုးစုံရှိခြင်း
ဒီထဲမှတော့ ဂျပန်စာလေ့လာတဲ့နေရာမှဦ အသုံးဝင်တဲ့ ဝက်ဘ်ဆိုက်ပေါင်းများစွာရှိပါတယ်။
ဂျပန်စာစလေ့လာနေတဲ့သူတေအတွက် အရေးကြီးတဲ့ ဝက်ဘ်ဆိုက်တွေကို Category အလိုက်ခွဲပြီး ရှာနိုင်ပါတယ်၊ ဒီအချက်က စလေ့လာနေတဲ့သူတွေအတွက်လဲ အဆင်ပြေသလို Level မြင့်ပြီး ဂျပန်စာလေ့လာနေဆဲလူတွေအတွက်တော့ တော်တော်အဆင်ပြေတဲ့အချက်ပါ။
ဂျပန်နဲ့ပတ်သက်တဲ့ ဗဟုသုတရစရာ တွေကိုပါ လေ့လာနိုင်ခြင်း
ဂျပန်စာတစ်ခုတည်းမဟုတ်ဘဲ ဂျပန်နဲ့ပတ်သက်တဲ့ ဗဟုသုတတွေကိုပါ လေ့လာနိုင်မယ့် ပလက်ဖောင်းတွေ ကိုရှာဖွေနိုင်ပါတယ်။ ဒါတင်မကသေးဘဲ ဂျပန်စာ နဲ့ပတ်သက်နဲ့ဂိမ်းတွေကိုပါ ရှာဖွေနိုင်ပါတယ်။ နောက်ပြီး ဂျပန်စာလေ့လာတဲ့အချိန်မှာ အသုံးဝင်နဲ့ Tools တွေကိုပါ သေချာရှာဖွေနိုင်မှာဖြစ်ပါတယ်။
အက်ပလီကေးရှင်းတွေကို မိမိ အသုံးပြူနေတဲ့ ဖုန်းအမျိုးအစားအလိုက်ရှာဖွေနိုင်
အက်ပလီကေးရှင်းတွေကိုလဲ မိမိအသုံးပြုနေတဲ့ ဖုန်းအမျိုးအစားအလိုက် ရှာဖွေနိုင်တာမို့လို့ အဆင်ပြေပါတယ်။ Category အလိုက်အပြင် Level ကိုလဲ သေချာ ခွဲထားတာမို့မိမိနဲ့ကိုက်ညီပြီး မိမိလိုချင်တဲ့ အက်ပလီကေးရှင်းကိုလဲ အလွယ်တကူရှာတွေ့နိုင်ပါတယ်။
အက်ပလီကေးရှင်း၊ ဝက်ဘ်ဆိုက်တွေရဲ့ အသုံးပြုပုံတွေကိုသေချာရေးသားထားခြင်း
နောက်ပြီး ဝက်ဘ်ဆိုက်မှာဖော်ပြထားတဲ့ ဝက်ဘ်ဆိုက်၊ အက်ပလီကေးရှင်းတွေကိုသေချာ ဖော်ပြထားတာတဲ့အချက်ကလဲ အဆင်ပြေတဲ့အချက်တချက်ပါ။ How To ဆိုတဲ့နေရာမှာ သေချာရေးထည့်ထားပြီးဘယ်လိုအသုံးပြုရမလဲဆိုတာကိုသေချာ ရှင်းလင်းထားပါတယ်။ စာတင်မက ပုံတွေနဲ့ပါ ထည့်ပြီးရှင်းလင်းထားတာမို့ သေချာ နားလည်ရလွယ်ပါတယ်။ ဒါကြောင့် ကိုယ် အသုံးပြုချင်တဲ့ အက်ပလီကေးရှင်းတစ်ခုကို တွေ့ရင် အသုံးပြုပုံကိုဖတ်ပြီးမှ ဒေါင်းလုတ်ဆွဲရင် ပိုပြီးတော့ ထိထိရောက်ရောက်အသုံးချနိုင်မှာဖြစ်ပါတယ်။
ကိုယ်လေ့လာတဲ့ ဂျပန်စာဖတ်စာအုပ်ရဲ့ အကြောင်းအရာကို ပြန်လည်လေ့ကျင့်နိုင်မယ့် ဝက်ဘ်ဆိုဒ်တွေရှိခြင်း
နောက်ပြီး ကိုယ့်လေ့လာနေတဲ့ ဖတ်စာအုပ် တွေထဲက အကြောင်းအရာတွေကို ထပ်ပြီး ပြန်လည်လေ့ကျင့်ခန်းလုပ်တဲ့အချိန်မှာ အသုံးဝင်မယ့် ဝက်ဘ်ဆိုဒ်တွေကိုလဲရှာတွေ့နိုင်ပါတယ်။ ဥပမာ သင်က ဂျပန်စာကို Minnano Nihongo နဲ့ လေ့လာနေပါတယ်ဆိုပါက ဖတ်စာအုပ်ထဲက သဒ္ဒါတွေ၊ ဝေါဟာရတွေကို ပြန်ပြီးလေ့ကျင့်နိုင်မယ့် လေ့ကျင့်ခန်းတွေ၊ မေးခွန်းတွေ၊ Quiz တွေကို လေ့ကျင့်နိုင်မယ့် ဝက်ဘ်ဆိုက်တွေလဲရှိပါတယ်။
ဒီဆောင်းပါးမှာတော့ ဂျပန်စာလေ့လာနေတဲ့သူတွေအတွက် အသုံးဝင်မယ့် ဝက်ဘ်ဆိုက် တစ်ခု အကြောင်းကို အးးသာချက်တွေနဲ့ဖော်ပြပြီး မိတ်ဆက်လိုက်ပါတယ်။ အားသာချက်တွေကိုသေချာသိပြီး ဝက်ဆိုက်ကိုအသုံးပြုပါက ပိုပြီးထိထိရောက်ရောက် အသုံးချနိုင်မယ်လို့ထင်ပါတယ်။
