NAT-TEST ဆိုတာဘာလဲ။
NAT-TEST ရဲ့နာမည်အရှည်မှာ Nihongo Ability Test ဖြစ်ပါတယ်။ ဂျပန်ဘာသာအရည်အချင်းစစ်စာမေးပွဲ Nat-Test ဆိုသည်မှာ ဂျပန်ဘာသာစကားကို အမိဘာသာစကားမဟုတ်သောသူများ၏ ဂျပန်စာအရည်အချင်းကို တိုင်းတာသော စမ်းသပ်စာမေးပွဲဖြစ်ပါသည်။ Nat-Test စာမေးပွဲကို 2007 ခုနှစ်တွင်စတင်ကျင်းပခဲ့ပြီး နိုင်ငံအသီးသီးတွင် ဂျပန်စာလေ့လာနေသောကျောင်းသားများ၊ ဂျပန်ပညာတော်သင်ကျောင်းသားများ၏ ဂျပန်စာအရည်အချင်း တိုးတက်စေရန်အထောက်အကူ ဖြစ်စေပါတယ်။ NAT-TEST သည် စာမေးပွဲဖြေဆိုသူ၏ဂျပန်စာအရည်အချင်းဖြစ်သောခန်းဂျီး၊ ဝေါဟာရ၊ သဒ္ဒါသိကျွမ်းမှုစွမ်းရည်၊ စာပိုဒ်ဖတ်စွမ်းရည်၊ အကြားစွမ်းရည် စသည့်စွမ်းရည်များကို ယေဘုယျကျကျ ဆုံးဖြတ်ပေးပါသည်။
日本語能力試験အကြောင်းသိကောင်းစရာ(JLPT)
NAT-TEST စာမေးပွဲပုံစံ
NAT-TEST ၏စာမေးပွဲမေးခွန်းပုံစံမှာ ဂျပန်ဘာသာအရည်အချင်းစစ်စာမေးပွဲ ( JLPT )၏စာမေးပွဲမေးခွန်းပုံစံနှင့် တူညီပါတယ်။
Nat-Test (N1) သည် JLPT N1 နှင့် တူညီပြီး ဂျပန်စာလေ့လာချိန်နာရီပေါင်း 1,000 ခန့်ရှိသော AdvancedLevel လေ့လာပြီးသူများဝင်ရောက်ဖြေဆိုနိုင်ပါသည်။
Nat-Test (N2) သည် JLPT N-2 နှင့် တူညီပြီးဂျပန်စာလေ့လာချိန်နာရီပေါင်း 8,00 ခန့်ရှိသော Intermediate II လေ့လာပြီးသူများဝင်ရောက်ဖြေဆိုနိုင်ပါသည်။
Nat-Test (N3) သည် JLPT N-3 နှင့် တူညီပြီး ဂျပန်စာလေ့လာချိန်နာရီပေါင်း 6,00 ခန့်ရှိသော Intermediate I လေ့လာပြီးသူများဝင်ရောက်ဖြေဆိုနိုင်ပါသည်။
Nat-Test (N4) သည် JLPT N-4 နှင့် တူညီပြီး ဂျပန်စာလေ့လာချိန်နာရီပေါင်း 400 ခန့်ရှိသော Basic II လေ့လာပြီးသူများဝင်ရောက်ဖြေဆိုနိုင်ပါသည်။
Nat-Test (N5) သည် JLPT N5 နှင့် တူညီပြီး ဂျပန်စာလေ့လာချိန်နာရီပေါင်း 200 ခန့်ရှိသော Basic I လေ့လာပြီးသူများဝင်ရောက်ဖြေဆိုနိုင်ပါသည်။
စာရေးသူရွေးချယ်သောဆောင်းပါး
NAT-TEST စာမေးပွဲအောင်စာရင်း
စာမေးပွဲအောင်မြင်သူများ၏ စာမေးပွဲခုံနံပါတ်များကို စာမေးပွဲဖြေဆိုရက်မှစ၍ ၃ ပတ်အတွင်း NAT-TEST ၏ တရားဝင် ဝက်ဆိုဒ် တွင်ကြေငြာပေးပါတယ်။ စာမေးပွဲရလဒ်ကိုအချိန်တိုအတွင်းသိရှိနိုင်သောကြောင့် အောင်လက်မှတ်အတွက်အမြန်လိုအပ်သူများ၊ စာမေးပွဲအတွက်ကြိုတင်ပြင်ဆင်သောအနေဖြင့်မိမိ၏ဂျပန်စာအရည်အချင်းသိလိုသူများ အတွက် အထူးသင့်လျော်ပါတယ်။
NAT-TEST သည်စာမေးပွဲအောင်၊ မအောင် သတ်မှတ်ပေးခြင်းသာမက အပိုင်းတစ်ပိုင်းစီရှိ မေးခွန်းပုစ္ဆာတစ်ပုဒ်စီ၏ရမှတ်များကို ဖော်ပြပေးသောကြောင့် မိမိ၏ဂျပန်စာအရည်အချင်းဖြစ်သော (ခန်းဂျီး၊ ဝေါဟာရ၊ သဒ္ဒါသိကျွမ်းမှုစွမ်းရည်၊ စာပိုဒ်ဖတ်စွမ်းရည်၊ အကြားစွမ်းရည်) စသည့်နေရာများတွင်အားသာချက်၊အားနည်းချက်များကို သိရှိနိုင်ပါတယ်။
ဖြေဆိုသူ၏ဓါတ်ပုံကပ်ထားသောအောင်လက်မှတ်အား NAT-TEST ၏စာမေးပွဲအောင်လက်မှတ်အဖြစ်ထုတ်ပေးပါတယ်။
NAT-TEST စာမေးပွဲအချိန်စာရင်း
NAT-TEST ကို ဂျပန်နိုင်ငံ၏လူဝင်မှုကြီးကြပ်ရေး အဖွဲ့အစည်းမှ တရားဝင် အသိအမှတ်ပြုထားပြီး ဂျပန်နိုင်ငံ၊ မြန်မာနိုင်ငံ အပါအဝင် အရှေ့တောင်အာရှ နိုင်ငံများတွင် ၂ လ (၁)ကြိမ်နှုန်းဖြင့် တစ်နှစ်လျှင် (၆)ကြိမ် (February , April , June , August , October , December ) ကျင်းပလေ့ရှိပါတယ်။
( မှတ်ချက်။ N1 နှင့် N2 ကို ၄ လလျှင် တစ်ကြိမ်နှုန်းဖြင့် တစ်နှစ်လျှင် ( ၃ ) ကြိမ်ကျင်းပပါတယ်)
ကိုးကားဝက်ဆိုဒ်
http://www.nat-test.com/en/about.html
