ဂျပန်တက္ကသိုလ်ကျောင်းပြီးတိုင်းလျှောက်လို့ဗီဇာသစ်အမျိုးအစား「特定活動」NO 46
မာတိကာ
- 「特定活動」NO 46 ဆိုတာဘယ်လိုဗီဇာမျိုးလဲ
- 「特定活動」NO 46 ရဲ့ ကောင်းကွက်များ
- လျှောက်ထားသူများအတွက်လိုအပ်ချက်များ
- ဗီဇာရဲ့ပြောင်းလဲမှုများ
- ပုံမှန် (技術・人文知識・国際業)ဗီဇာ နဲ့ ဘယ်လိုကွာခြားလဲ
- အကျဥ်းချုပ်
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
「特定活動」NO 46 ဆိုတာဘယ်လိုဗီဇာမျိုးလဲ
「特定活動」NO 46 ဆိုတာကတော့ ဂျပန်တက္ကသိုလ်တွေမှာ ၄ နှစ်တာ ပညာသင်ယူပြီးမြောက်ပြီး တတ်မြောက်ခဲ့တဲ့အတတ်ပညာနဲ့ ဂျပန်စာကိုအသုံးချနိုင်ဖို့ အတွက်ပြင်ဆင်ထားတဲ့ အလုပ်လုပ်ခွင့်ရှိတဲ့ နေထိုင်ခွင့် အမျိုးအစားဖြစ်ပါတယ်။ ဂျပန်နိုင်ငံမှာ တက္ကသိုလ်(သို့)မာစတာပြီးတဲ့နိုင်ငံခြားသားကျောင်းသားတွေဟာ ကိုယ်ယူထားတဲ့ မေဂျာနဲ့ မသက်ဆိုင်တဲ့ နေရာတွေမှာလည်း အလုပ်လုပ်ခွင့်ရရှိလာမှာဖြစ်ပါတယ်။လက်ရှိအချိန်ထိ နိုင်ငံခြားသား ကျောင်းသားတွေဟာ ကျောင်းပြီးတဲ့အခါ တက္ကသိုလ်မှာ သင်ကြားခဲ့တဲ့ဘာသာရပ်နဲ့ သက်ဆိုင်တဲ့အလုပ်နေရာ(ကုမ္ပဏီ)တွေမှာသာအလုပ်ရှာဖွေခွင့်ရှိခဲ့ပါတယ်။ Work Visaလို့အလွယ်ခေါ်တဲ့ 「技術・人文知識・国際業務」ဆိုတဲ့ ဗီဇာမှာဆိုရင် သာမန်ဝန်ဆောင်မှုလုပ်ငန်း၊ သာမန်လုပ်ငန်းစဥ်တွေမှာအလုပ်လုပ်ခွင့်မပြုပေမယ့် Tokutei Katsudo 46 မှာဆိုရင်သတ်မှတ်ထားတဲ့ သတ်မှတ်ချက် ပြည့်မှီပါကဒီလိုအလုပ် တွေကိုလုပ်နိုင်ပါတယ်။တနည်းအားဖြင့် ကွန်ဘီနီမှာ စျေးရောင်းတာနဲ့၊ ဟိုတယ်သန့်ရှင်းရေးလုပ်တာတို့ကို Tokutei Katsudo 46 ဗီဇာကို အသုံးပြုပြီး အချိန်အကန့်အသတ်မရှိ အလုပ်လုပ်နိုင်မှာဖြစ်ပါတယ်။ အလွယ်တကူထပ်ရှင်းပြရရင် ဥပမာ ကျောင်းသားတစ်ယောက်က ကျောင်းပြီးသွားပေမယ့် အလုပ်ရှာလို့မတွေ့သေးဘူးဆိုပါစို့။ သို့သော် အချိန်ပိုင်းအလုပ်လုပ်တဲ့ နေရာမှာတော့ အဆင်ပြေနေလို့ ဒီအချိန်ပိုင်အလုပ်မှာပဲ အချိန်ပြည့်ဝန်ထမ်းသဘောမျိုးနဲ့ ဝင်လုပ်ကြည့်ချင်တယ်ဆိုပါစို့၊ တကယ်လို့ 「技術・人文知識・国際業務」ဆိုတဲ့ ဗီဇာမှာဆိုရင် ဒီလိုမျိုးဝင်ရောက်လုပ်ကိုင်ခွင့်မရှိပေမယ့် Tokutei Katsudo 46 ဗီဇာဆိုရင်တော့ ဝင်ပြီးလုပ်နိုင်ပါတယ်။
စာရေးသူရွေးချယ်သောဆောင်းပါး
「特定活動」NO 46 ရဲ့ ကောင်းကွက်များ
ဒီဗီဇာကတော့ ၃လ, ၆လ, ၁နှစ်, ၃နှစ်, ၅နှစ် အထိတိုးနိုင်ပြီး သတ်မှတ်ချက်နှင် အချိန်ပြည့်မှီပါကPR အထိတိုးနိုင်ပါတယ်။အထူးကန့်သတ်ချက်အနေနဲ့ကတော့ ကျောင်းသားဗီဇာကနေ ပထမဆုံးအချိန်ပြောင်းတဲ့အချိန်မှာတော့ ၁နှစ်သာရနိုင်ပါတယ်။ နောက်ပြီး မိသားစုကိုလဲ ခေါ်ခွင့်ရှိပါတယ်။
လျှောက်ထားသူများအတွက်လိုအပ်ချက်များ
လျှောက်ထားတဲ့သူတွေအနေနဲ့တော့ အောက်ပါအချက်တွေနဲ့ ကိုက်ညီဖို့လိုအပ်ပါတယ်။
-
ဂျပန်တက္ကသိုလ် ၄ နှစ်ပြီးထားသူ။
-
ဂျပန်စာ ကျွမ်းကျင်ပိုင်နိုင်သူ
-
→ ဂျပန်စာ JLPT N1 သို့မဟုတ်
လုပ်ငန်းသုံးဂျပန်စာ BJT 480 မှတ်နှင့်အထက်ရရှိထားသူ။→ သို့မဟုတ် တက္ကသိုလ်မှာ ဂျပန်စာ major ယူထားသူ။အဓိကကတော့ဂျပန်တက္ကသိုလ်မှာ ကျောင်းပြီးထားဖို့လိုအပ်ပြီး ဂျပန်စာ ကျွမ်းကျင်ပိုင်နိုင်ဖို့လိုအပ်ပါတယ်။ ဂျပန်စာ ကျွမ်းကျင်ပိုင်နိုင်ဖို့လိုအပ်တဲ့ဆိုတဲ့ အချက်ကိုတော့ အချက် ၃ ချက်ထဲမှ တစ်ချက်နဲ့ ကိုက်ညီထားဖို့လိုအပ်ပါတယ်။ ပထမအချက် ဂျပန်စာအရည်အချင်းစစ်စာမေးပွဲ အောင်မြင်ထားသူ။ သို့မဟုတ် လုပ်ငန်းသုံးဂျပန်စာ စာမေးပွဲ မှာ ရမှာတ် 480 မှတ်နှင့် အထက်ရရှိထားသူ ၊ ဒါမှမဟုတ် တက္ကသိုလ်မှာဂျပန်စာ နိုင်ငံခြားက တက္ကသိုလ်က ဂျပန်စာမေဂျာနဲ့ ကျောင်းပြီးထားသူလဲ လျှောက်ထားနိုင်ပေမယ့် ထိုသူများသည် ဘွဲ့လွန်ပြီးထားသူဖြစ်ရန်လိုအပ်ပါတယ်။
ဗီဇာရဲ့ပြောင်းလဲမှုများ
ပုံမှန်အရကကျောင်းပြီးတဲ့သူတွေကသက်ဆိုင်တဲ့ကုမ္မဏီမှာဝန်ထမ်းအဖြစ်လုပ်ကိုင်ရတာဖြစ်ပြီး၊(技術・人文知識・国際業)ဗီဇာတိုက်ရိုက်မပြောင်းလဲဘဲအလုပ်အမျိုးအစားအစုံအလင်လုပ်လို့ရတဲ့(特定活動ပြောင်းလဲလို့ရပါတယ်။ဗီဇာသက်တမ်းက၅နှစ်အထိရရှိမှာဖြစ်ပါတယ်။ မိမိတို့ကျောင်းသားဘဝက အလုပ်လုပ်ခဲ့တဲ့စားသောက်ဆိုင်မှာသော်လည်းကောင်း၊အခြားနေရာမျိုးအထိအလုပ််အမျိုးအစားစုံလင်စွာလုပ်လို့ရပါတယ်။ဂျပန်တက္ကသိုလ်မှဘွဲ့ရပြီးသက်ဆိုင်ရာစာမေးပွဲအောင်ထားတဲ့လူအတွက်သာဒီလိုသီခြားဗီဇာရရှိပြီးကိုယ်ကြိုက်နှစ်သက်တဲ့အလုပ်လုပ်ခွင့်ရှိမှာဖြစ်ပါတယ်။
ပုံမှန် (技術・人文知識・国際業)ဗီဇာ နဲ့ ဘယ်လိုကွာခြားလဲ
ဒါဆို အသေးစိတ်(技術・人文知識・国際業)ဗီဇာ နဲဘယ်လိုကွာခြားသလဲ ဆိုတာကိုအချက်၃ ချက်နဲ့ ယှဥ်ကြည့်ကြရအောင်။
လိုအပ်ချက်
ပထမ အချက်ကတော့ လျှောက်ထားနိုင်တဲ့သူအမျိုးအစားဖြစ်ပါတယ်။ ဒီအချက်ကိုကြည့်ပြီးပြောရရင်「特定活動」NO 46ဟာ(技術・人文知識・国際業)ဗီဇာ ထက်ပိုပြီးတော့ လျှောက်ထားနိုင်တဲ့ သူအမျိုးအစား အကန့်အသတ်ရှိတယ်လို့ဆိုရမှာပါ။ 「特定活動」NO 46 လျှောက်ထားဖို့အတွက် ဂျပန်တက္ကသိုလ်မှာ ၄ နှစ်ကျောင်းပြီးထားဖို့လိုအပ်သလို ဂျပန်စာကိုကျွမ်းကျင်ပိုင်နိုင်နေဖို့ လိုအပ်ပါတယ်။ ဒီတော့ လျှောက်ထားနိုင်တဲ့ လူအမျိုးအစား အကန့်အသတ်ရှိတယ်လို့ ဆိုလိုရပါတယ်။ ဒါပေမယ့် (技術・人文知識・国際業)ဗီဇာ မှာတော့ ပြည်ပကလူတွေလဲ အသုံးပြုနိုင်သလို ဂျပန်နိုင်ငံမှာရှိတဲ့ ကောလိပ်၊ ကာလတိုတက္ကသိုလ် ၊ အသက်မွေးဝမ်းကျောင်းသင်တန်းကျောင်း ပြီးထားတဲ့သူတွေလဲလျှောက်ထားနိုင်တဲ့အတွက်ကြောင့်မို့လို့ လျှောက်ထားနိုင်တဲ့သူအမျိုးအစားက ပိုပြီးကျယ်ပြန့်တယ်လို့ဆိုနိုင်ပါတယ်။
အလုပ်လုပ်နိုင်တဲ့နေရာ
အလုပ်လုပ်နိုင်တဲ့နေရာအနေနဲ့ကတော့ 「特定活動」NO 46 မှာဆိုရင် အစိုးရ နဲ့ ပုဂ္ဂိလိက လုပ်ငန်းတွေမှာအလုပ်လုပ်နိုင်။ Haken ဝန်ထမ်းအနေနဲ့ရော အရံလုပ်ငန်း လုပ်ငန်းလုပ်ခွင့် မရှိပေမယ့် (技術・人文知識・国際業)ဗီဇာ မှာတော့ အစိုးရ နဲ့ ပုဂ္ဂိလိက လုပ်ငန်းတွေမှာအလုပ်လုပ်နိုင်။ Haken ဝန်ထမ်းအနေနဲ့ရော အချက်အလက်တွေပြည့်မှီရင် အရံလုပ်ငန်းပါလုပ်နိုင်ပါတယ်။
လုပ်နိုင်တဲ့ အလုပ်အကိုင်အမျိုးအစား
အလုပ်အကိုင်အမျိုးအစားကတော့ 「特定活動」NO 46 ကတော့ ပိုပြီးစုံစုံလင်လင် လုပ်နိုင်ပါတယ်။ သို့သော် (技術・人文知識・国際業)ဗီဇာ မှာတတော့ ပုံမှန်အားဖြင့် Academic ဆန်တဲ့ အလုပ်တွေကိုသာ အလုပ်ခွင့်ပြု၊ ရိုးရှင်းလွယ်ကူတဲ့ လုပ်အမျိုးအစားလဲ လုပ်ခွင့်ရှိပေမယ့် အကန့်သတ်ရှိပါတယ်။
အကျဥ်းချုပ်
ဒီဆောင်းပါးမှာတော့ ဂျပန်မှာ တက္ကသိုလ် ၄ နှစ်ပြီးထထားတဲ့ သူတွေအနေနဲ့ ဂျပန်မှာ နေထိုင်ပြီးလုပ်နိုင်တဲ့ နေထိုင်ခွင့် ဗီဇာ တစ်ခုဖြစ်တဲ့ 「特定活動」NO 46 ဆိုတဲ့ ဗီဇာ ကိုမိတ်ဆက်ပေးခဲ့ပါတယ်။ ဒီဗီဇာ ကတော့ အကန့်သတ်ချက်တွေလဲ ရှိသလို ကောင်းကွက်တွေလဲရှိပါတယ်။ ဒါကြောင့်မို့လို့ ကျောင်းပြီးထားတဲ့ သူတွေအနေနဲ့ အခွင့်အရေး တစ်ခုအနေနဲ့ စဥ်းစားကြည့်ဖို့ တိုက်တွန်းချင်ပါတယ်.
.jpg)
