ဂျပန်မှာရာသီဥတုအနေနဲ့လေးမျိုးရှိပါတယ်။သုံးလပိုင်းကနေငါးလပိုင်းအထိကနွေဦး၊ခြောက်လပိုင်းကနေရှစ်လပိုင်းအထိကိုနွေရာသီ၊ကိုးလပိုင်းကနေဆယ့်တစ်လပိုင်းအထိကိုဆောင်းဦး၊ဆယ့်နှစ်လပိုင်းကနေနှစ်လပိုင်းအထိကိုဆောင်းရာသီအဖြစ်သတ်မှတ်ထားပါတယ်။မိုးရာသီဆိုပြီးအဓိကအနေနဲ့သတ်မှတ်ထားတာမရှိပါဘူး။မိုးကတစ်နှစ်ပတ်လုံးအချိန်မရွေးရွာတတ်တဲ့အတွက်ကြောင့်ဖြစ်ပါတယ်။မိုးရွာတဲ့အခါမျိုးမှာမိုးသည်းထန်စွာရွာတတ်ပြီး၊မုန်တိုင်းများလည်းမကြာခဏဝင်ရောက်တိုက်ခတ်တတ်ပါတယ်။ငလျင်များကလည်းမကြာခဏလှုပ်တတ်ပါတယ်။ရာသီအလိုက်ပွဲတော်များစွာရှိပါတယ်။ရာသီပေါ်လိုက်ပြီးပွင့်ကြတဲ့ပန်းအမျိုးအစားကလည်းများစွာရှိပါတယ်။ရာသီပေါ်လိုက်ပြီးစားသောက်မှုပုံစံကလည်းကွဲပြားပြီးစိတ်ဝင်စားစရာကောင်းလှပါတယ်။
နွေဦးနဲ့ပတ်သက်ပြီးဗဟုသုတ
နွေဦးကတော့သုံးလပိုင်းကနေငါးလပိုင်းအထိဖြစ်ပါတယ်။ဆောင်းရာသီပြီးခါစအချိန်ဖြစ်တာကြောင့်သိပ်မပူသေးဘဲနေရထိုင်ရအဆင်ပြေလှပါတယ်။သုံးလပိုင်းကနေလေးလပိုင်းကဂျပန်ရဲ့နာမည်ကြီးပန်းဖြစ်တဲ့ဆာကူရာလို့ခေါ်တဲ့ချယ်ရီပန်းများပွင့်ပြီးပန်းကြည့်ပွဲတော်များနဲ့စည်းကားပါတယ်။နွေရာသီမှာရာသီပေါ်အသီးအနှံဖြစ်တဲ့စတော်ဘယ်ရီ၊ကီဝီသီး၊ပန်းသီးနဲ့နွေရာသီမှာသီးတဲ့လိမ္မော်သီးများလည်းရာသီစာအနေနဲ့ပေါ်ပြီးအရသာရှိပါတယ်။ရာသီပေါ်နွေဦးငါးပါးနီလိုငါးများနဲ့ပင်လယ်စာခရုလေးတွေလည်းရာသီပေါ်စာစားရပါတယ်။နွေရာသီဂေါ်ဗီထုတ်၊ကညွန်၊အာလူးအစရှိသဖြင့်အသီးအရွက်တော်တော်များများလည်းရာသီပေါ်စားရပါတယ်။၆လပိုင်းကနေ၇လပိုင်းလလယ်အထိမိုးသည်းထန်စွာရွာတတ်ပါတယ်။တစ်ခါတရံမုန်တိုင်းများလည်းဝင်ရောက်တတ်ပါတယ်။(၃)လပိုင်း(၃)ရက်နေ့မှာ「ひな祭り」လို့ခေါ်တဲ့မိန်းကလေးပွဲတော်ရှိပါတယ်။မိန်းကလေးမွေးထားတဲ့မိသားစုကနတ်ဘုရားဆီမှာကျန်းမာစွာကြီးပြင်းလာအောင်ဆုတောင်းရတဲ့ပွဲတော်ဖြစ်ပါတယ်။အဲလိုကာလကကျောင်းဆင်းပွဲကျင်းပတဲ့အချိန်ကာလလည်းဖြစ်ပါတယ်။
စာရေးသူရွေးချယ်သောဆောင်းပါး
နွေရာသီနဲ့ပတ်သက်တဲ့ဗဟုသုတ
နွေရာသီကတော့ခြောက်လပိုင်းကနေရှစ်လပိုင်းကနွေရာသီအဖြစ်သတ်မှတ်ထားပါတယ်။အပူချိန်မြင့်မားလာပြီးခုနှစ်လပိုင်းဝင်လာပြီဆိုတာနဲ့နေ့ခင်းနေ့လည်အချိန်အပူချိန်၃၀ဒီဂရီအထက်ရှိလာပါတယ်။ရှစ်လပိုင်းမှာလည်းအဲဒီထက်ပိုပူလာပါတယ်။အဲလိုအချိန်မှာဂျပန်ရဲ့နာမည်ကြီးပန်းဖြစ်တဲ့အာဂျီဆိုင်းလိုပန်းများပွင့်ပါတယ်။အဆုတ်လိုက်ပွင့်တတ်တဲ့အပြာရောင်ပွင့်ဖတ်နဲ့အရမ်းလှပတဲ့အာဂျီဆိုင်းဟာနွေရာသီမှာပွင့်ပါတယ်။၇လပိုင်းကနေ၈လပိုင်းအထဲမှာဂျပန်မှာနာမည်ကြီးတဲ့မီးပန်းပွဲတော်ကျင်းပပါတယ်။မြို့များစွာ၊နေရာများစွာကလွတ်တင်တဲ့မီးပန်းများကအလွန်လှပပြီး၊မီးပန်းပွဲဆီသို့သွားရောက်ပြီးကြည့်ရတာကလည်းပျော်ရွင်စရာကောင်းလှပါတယ်။နွေရာသီမှာဖရဲသီး၊သရက်သီး၊သင်္ဘောသီး၊နာနတ်သီးအစရှိသဖြင့်အသီးအနှံများဖြစ်ပါတယ်။အသီးအရွက်အနေနဲ့ခရမ်းချဥ်သီး၊ခရမ်းသီး၊သခွားသီးနဲ့ငရုတ်သီးအစရှိသဖြင့်နွေရာသီစာများပေါများစွာစားကြရပါတယ်။(七夕祈願祭)ကတော့(၇)လပိုင်းမှာကျင်းပတဲ့ပွဲတော်ဖြစ်ပြီး၊ဆန္ဒများပြည့်စုံစေရန်နှင့်ဘေးအန္တရာယ်ကယ်ဆယ်ရေး၏ကောင်းချီးအတွက်ဆုတောင်းတဲ့ပွဲတော်ဖြစ်ပါတယ်။
ဆောင်ဦးနဲ့ပတ်သက်တဲ့ဗဟုသုတ
ဆောင်းဦးကတော့ကိုးလပိုင်းကနေဆယ့်တစ်လပိုင်းအထိကိုဆောင်းဦးအဖြစ်သတ်မှတ်ပါတယ်။နွေရာသီပြီးတဲ့နောက်မှာအပူချိန်လျော့ပြီးစအေးလာတဲ့အချိန်ဖြစ်ပါတယ်။နေလို့ကောင်းပြီးအရမ်းမအေးသေးတဲ့အချိန်အခါဖြစ်ပါတယ်။ဂျပန်ရဲ့နာမည်ကြီးမိုးမင်းဂျီအရောင်ပြောင်းလဲပြီးနီရဲရဲပုံစံပြောင်းလဲပြီး၊ခရီးသွားရာသီဖြစ်ပါတယ်။နိုင်ငံခြားခရီးသွားများနဲ့ပြည်တွင်းခရီးသွားများအသွားများတဲ့ရာသီအပိုင်းအခြားဖြစ်ပါတယ်။ထောပတ်သီး၊ပန်းသီး၊စပျစ်သီးအစရှိသဖြင့်ဆောင်းဦးအချိန်အသီးအနှံများဖြစ်ပါတယ်။(アジ)လိုငါးကိုမုန့်အနှစ်နဲ့ကြော်ပြီးစားရတာအရသာရှိပြီး၊(サンマ)လိုငါးများကအရသာရှိပြီးဂျပန်စတိုင်ကင်ပြီးအပေါ်ကနေသံပုရာရည်ဖြုန်းပြီးစားရတာအရသာရှိလှပါတယ်။အသီးအရွက်အနေနဲ့မုန်လဥနီ၊မှို၊ကန်စွန်းဥအစရှိသဖြင့်နွေရာသီမှာပိုမိုစားသုံးကြရပါတယ်။ဆောင်းရာသီပွဲတော်ထဲကမှရှေးဟောင်းပုံစံကျင်းပတဲ့(時代祭)ကရှေးရိုးရာပုံစံဝတ်ဆင်ကြတဲ့ပွဲတော်ဖြစ်ပြီး၊ကျိုတိုမှာကျင်းပတဲ့အဓိကပွဲတော်ဖြစ်ပါတယ်။ဆောင်းဦးရဲ့အောက်တိုဘာလနှောင်းပိုင်းတွင်ကျင်းပပါတယ်။
ဆောင်းရာသီနဲ့ပတ်သက်တဲ့ဗဟုသုတ
ဆောင်းရာသီကတော့ဆယ့်နှစ်ပိုင်းကနေနှစ်လပိုင်းအထိသတ်မှတ်ထားပါတယ်။၁၂လပိုင်းရောက်လာပြိဆိုရင်ဂျပန်မှာအရမ်းအေးလာပါတယ်။ရေခဲနဲ့နှင်းမိုးများကျတဲ့အထိအေးပါတယ်။တိုက်တဲ့လေကအစအေးစက်ပြီးအနွေးထည်အထူတွေနဲ့ထပ်ကာဝတ်ရပါတယ်။တည်သီး၊စတော်ဘယ်ရီ၊သံပုရာသီးအစရှိသဖြင့်ရာသီစာအသီးများပေါ်ပါတယ်။ပန်းဂေါ်ဖီ၊ဆလပ်ရွက်၊မုန်ညင်အစရှိသဖြင့်အသီးအရွက်များပေါများစွာစားသောက်ကြရပါတယ်။(カレイ)ငါးများချက်စား၊ကြော်စားအဆင်ပြေပြီးစားရတာလည်းအရသာရှိပါတယ်။(シシャモ)လိုငါးမျိုးကကင်စားရတာအရသာရှိလှပါတယ်။ဆောင်းရာသီမှာအရသာရှိစွာစားရတဲ့ငါးအမျိုးအစားများဖြစ်ပါတယ်။(秩父夜祭)ပွဲတော်ကလွန်ခဲ့တဲ့နှစ်ပေါင်းသုံးရာကတည်းကဆင်းသက်လာတဲ့ပွဲတော်ဖြစ်ပြီး၊နတ်ဘုရားတင်ထားတဲ့ထမ်းစင်ကိုမြို့အနှံလှည့်လယ်ပူဇော်ပြီး၊စီးပွားရေးဖွဲ့ဖြိုးရန်အတွက်ပူဇော်တဲ့ဆောင်းရာသီပွဲတော်တစ်ခုဖြစ်ပါတယ်။
