ဂျပန်ကိုခရီးသွားမယ်ဆိုရင်ဂျပန်ရဲ့အပြန်လက်ဆောင်ပစ္စည်းများအတွက်ဘာဝယ်ရမှန်းမသိတဲ့သူများအတွက်ဗဟုသုတအဖြစ်ဖော်ပြလိုက်ပါတယ်။အရသာရှိတဲ့ဂျပန်မုန့်ချိုများ၊ရိုးရာဝတ်စုံအသုံးအဆောင်များနဲ့ယဥ်ကျေးမှုကိုဖော်ပြတဲ့ပစ္စည်းများကိုများသောအားဖြင့်ဝယ်ယူကြပါတယ်။များသောားဖြင့်မိသားစု၊ချစ်တဲ့လူကိုလက်ဆောင်အဖြစ်ပေးတဲ့အတွက်အရမ်းစျေးကြီးရင်လည်းပေးရတဲ့သူတွေအတွက်အဆင်မပြေဖြစ်နိုင်တဲ့အတွက်အမှတ်တရလက်ဆောင်ကောင်းများဝယ်တတ်ဖို့လိုအပ်ပါတယ်။ဂျပန်ပစ္စည်းကိုဝယ်ပေးမှာဖြစ်တဲ့အတွက်တန်ဖိုးနည်းတဲ့ပစ္စည်းဝယ်ရင်တောင်တာရှည်ခံတဲ့အတွက်လက်ဆောင်အဖြစ်အမှတ်တရဝယ်ပေးဖို့အသင့်တော်ဆုံးဖြစ်ပါတယ်။လက်ခံရရှိတဲ့လူကဝမ်းသာပျော်ရွင်စွာလက်ခံရရှိဖို့အရေးကြီးပါတယ်။
လက်ဆေင်ပစ္စည်းနဲ့ပတ်သက်ပြီး
ဂျပန်ကနေမှတ်မှတ်ရရလက်ဆောင်ပစ္စည်းများကိုအောက်ပါအတိုင်းဝယ်ရင်အဆင်ပြေမယ်လို့ထင်ပါတယ်။မြန်မာမှာလည်းလူကြိုက်များတဲ့(お菓子)ထဲကMeiji chocolateနဲ့Kit katချောကလက်ထုတ်လေးများကလူကြိုက်များတဲ့အတွက်အပြန်လက်ဆောင်အဖြစ်ဝယ်မယ်ဆိုရင်လူကြိုက်များပြီးစျေးနှုန်းလည်းသက်သာနိုင်ပါတယ်။နောက်တစ်ခုကဂျပန်အရက်ကလည်းနာမည်ကြီးပါတယ်။ပုံမှန်ဂျပန်အရက်လောက်ဝယ်သွားပေမယ့်မြန်မာပြည်မှာတန်ဖိုးကြီးပုံစံဖြစ်သွားတဲ့အတွက်(日本酒)လို့ခေါ်တဲ့ဂျပန်အရက်ကိုဝယ်သွားသင့်ပါတယ်။နောက်တစ်ခုကတော့ဟင်းခတ်အမွေးအကြိုင်တွေနဲ့ချက်ပြုတ်တဲ့နည်းစာအုပ်ကိုဝယ်သင့်ပါတယ်။ဝယ်သင့်တဲ့နောက်တစ်ခုအနေနဲ့ဂျပန်ရဲ့ရေနွေးကြမ်း(နဲ့(茶器)လို့ခေါ်တဲ့ရေနွေးသောက်စရာပစ္စည်းတွေကိုအမှတ်တရအနေနဲ့ဝယ်သွားသင့်ပါတယ်။ရိုးရာပစ္စည်းတွေနဲ့ပတ်သက်ပြီး(浴衣)ဂျပန်ရိုးရာဝတ်စုံကိုအမှတ်တရအနေနဲ့ဝယ်သင့်ပါတယ်။ဂျပန်ရိုးရာအရုပ်များဖြစ်တဲ့(日本人形)လို့ခေါ်တဲ့ကီမိုနိုဝတ်စုံနဲ့အရုပ်များကိုဧည့်ခန်းနဲ့အမှတ်တရပစ္စည်းအဖြစ်ဝယ်ယူသင့်ပါတယ်။စျေးလည်းသိပ်မကြီးဘဲသယ်ရတာလည်းအဆင်ပြေတဲ့အတွက်ကြောင့်ဖြစ်ပါတယ်။မိန်းကလေးများအနေနဲ့လည်းဂျပန်နိုင်ငံရဲ့အလှကုန်ပစ္စည်းများ(化粧品)စိတ်ဝင်စားတဲ့သူတွေအနေနဲ့အမျိုးအစားစုံလင်ပြီးစျေးသက်သာတဲ့ဆိုင်များလည်းရှိပါတယ်။နောက်တစ်ခုကဂျပန်ရဲ့လျှပ်စစ်ပစ္စည်းများကတာရှည်ခံတဲ့အတွက်(電化製品)ပစ္စည်းများကိုလည်းဝယ်ယူသွားသင့်ပါတယ်။ပစ္စည်းအရည်အသွေးကောင်းမွန်မှုကြောင့်ဂျပန်ရဲ့လျှပ်စစ်ပစ္စည်းများကနာမည်ကြီးပါတယ်။
စာရေးသူရွေးချယ်သောဆောင်းပါး
စျေးသက်သာဝယ်လို့ရမယ့်နေရာ
ဂျပန်လက်ဆောင်ပစ္စည်းများကိုအစုံအလင်တစ်နေရာတည်းဝယ်ချင်ရင်(ドン・キホーテ)မှာဒီပြင်နေရာမှာရှာစရာမလိုဘဲတစ်နေရာတည်းမှာရှာဝယ်လို့ရနိုင်ပါတယ်။အစားအစာ၊ နေ့စဉ်သုံးပစ္စည်းများ၊ အဝတ်အစား၊ ကစားစရာများ၊ အထွေထွေကုန်ပစ္စည်းများနှင့်စိတ်ဝင်စားဖွယ်အမှတ်တရပစ္စည်းများကိုတစ်နေရာမှာအစုံရှာဝယ်လို့ရနိုင်ပါတယ်။ဒီဆိုင်တွေလည်းဂျပန်ရဲ့နေရာအတော်များများမှာရှိပြီးနိုင်ငံခြားသားတွေအနေနဲ့တိုကျိုရဲ့ရှင်ဂျူခု၊ရှိဘူယာ၊အိခေဘုခုရိုမြို့များတွင်များသောအားဖြင့်ဝယ်ယူကြပါတယ်။မိန်းကလေးများအနေနဲ့အလှကုန်ပစ္စည်းများကိုစျေးသက်သာပြီးတစ်နေရာမှာအစုံလိုချင်ရင်(マツモトキヨシ)လိုနေရာမှာရှာကြည့်တာအကောင်းဆုံးဖြစ်ပါမယ်။နေရာတော်တော်များများမှာဒီနာမည်နဲ့ဆိုင်ရှိပါတယ်။နိုင်ငံခြားသားအဝယ်များတဲ့နေရာတွေကတော့ရှင်ဂျူခု၊ရှိဘူယာ၊အိခေဘုခုရိုမြို့များရှိဆိုင်များတွင်ဝယ်ယူကြပါတယ်။လျှပ်စစ်ပစ္စည်းများနဲ့ပတ်သက်ပြီး(ヨドバシカメラ)လို့ခေါ်တဲ့နေရာမှာတော့ကင်မရာ၊ကွန်ပြူတာ၊ဂိမ်းနဲ့ပတ်သက်တဲ့ပစ္စည်း၊ဖုန်းနဲ့ပတ်သက်တဲ့ပစ္စည်းအစရှိသဖြင့်လျှပ်စစ်နဲ့ပတ်သက်တဲ့ပစ္စည်းများကိုတစ်နေရာတည်းမှာအစုံအလင်ရရှိနိုင်ပါတယ်။ဒီလိုဆိုင်တွေကတိုကျိုရဲ့နေရာတော်တော်များများမှာရှိပြီးအာခီဟဘာရမြို့မှာရှိတဲ့ဆိုင်ကပိုပြီးစုံလင်စျေးနှုန်းသက်သာပါတယ်။နောက်တစ်ခုကတော့နေ့စဥ်သုံးပစ္စည်းများနဲ့လှပတဲ့စာရေးကိရိယာပစ္စည်းများအတွက်(東急ハンズ)အစရှိသဖြင့်ရရှိနိုင်ပါတယ်။တိုကျိုရဲ့ရှိဘူယာ၊ဂင်စလိုနေရာနဲ့ရှင်ဂျူခုလိုနေရာမျိုးမှာဒီလိုဆိုင်တွေရှိပါတယ်။
စျေးနှုန်းများနဲ့ဝန်ဆောင်မှု
စားစရာချောကလက်လက်ဆောင်ပစ္စည်းတွေအနေနဲ့လည်းပါကင်ဗူးတစ်ဗူးဂျပန်ယန်းတစ်ထောင်ကျော်လောက်ပေးဝယ်ရုံဖြင့်လည်းအရသာကောင်းမွန်ပြီးထုပ်ပိုးမှုလှပစွာဖြင့်သယ်သွားနိုင်မှာဖြစ်ပါတယ်။ပုံမှန်ဂျပန်အရက်ကိုလက်ဆောင်အဖြစ်ဝယ်မယ်ဆိုရင်အရမ်းအကောင်းဆုံးဟာမဟုတ်ဘဲပုံမှန်စျေးနှန်းကတော့ဂျပန်ယန်းနှစ်ထောင်ကျော်လောက်ဖြင့်ရရှိနိုင်ပါတယ်။ဂျပန်လက်ဖက်ရည်ကြမ်းအနေနဲ့ဗူးအသေးလောက်ဝယ်မယ်ဆိုရင်ဂျပန်ယန်းတစ်ရာကျော်လောက်ဘဲပေးရမှာဖြစ်ပါတယ်။အလှကုန်တွေကိုအမှတ်တရာအနေနဲ့အရမ်းစျေးကြီးတဲ့ဘရန်းမဟုတ်ဘဲပုံမှန်ပစ္စည်းဆိုရင်ဂျပန်ယန်းနှစ်ထောင်ကနေသုံးထောင်လောက်ဆိုအများကြီးမဟုတ်ဘဲအမှတ်တရလက်ဆောင်အဖြစ်အဆင်ပြေလှပါတယ်။လျှပ်စစ်ပစ္စည်းတွေအနေနဲ့ကင်မရာအကောင်းစား၊ကွန်ပြူတာလိုစျေးကြီးပေးရတဲ့ပစ္စည်းကလွဲရင်အမှတ်တရပစ္စည်းအဖြစ်ကျန်တဲ့ပစ္စည်းကစျေးနှုန်းသက်သာပါတယ်။နောက်တစ်ခုကလည်ပတ်နေတဲ့အခါဂျပန်စာအနည်းငယ်ရဖို့လိုအပ်ပြီး၊ရထားဘူတာတွေသိဖို့လိုအပ်ပါတယ်။မသွားခင်မိမိသွားချင်တဲ့နေရာကြိုတင်ရှာထားပြီးစျေးနှုန်းသက်သာမယ့်နေရာကိုရွေးချယ်တတ်ဖို့လိုအပ်ပါတယ်။ဂျပန်မှာပါကင်ထုတ်ပေးမှုကလည်းသပ်ရပ်ပါတယ်။ပုံမှန်ပစ္စည်းရောင်းချထားတဲ့ပါကင်ပုံစံကလှပပါတယ်။နောက်တစ်ခုကတော့စျေးဝယ်ရတာစိတ်ချမ်းသာစရာကောင်းလှပြီးဧည်သည်အပေါ်မှာတလေးတစားဆက်ဆံပြီး၊ဖော်ရွေတဲ့ဝန်ဆောင်မှုကဂျပန်ရဲ့ခရီးသွားဝန်ဆောင်မှုအားသာချက်တစ်ခုလို့မြင်မိပါတယ်။
