မာတိကာ
- ဂျပန်ရိုးရာ နှစ်သစ်ကူးမှာ ဘယ်လိုပစ္စည်းတွေ အလှဆင်လေ့ရှိလဲ။
- နှစ်သစ်ကူးအလှဆင်ပစ္စည်းတွေကိုဘယ်အချိန်မှာ အလှဆင်မလဲ။
- အလှဆင်ထားတဲ့ ပစ္စည်းတွေကို ဘယ်လိုအချိန်မှာဘယ်လို သိမ်းမလဲ။
- အကျဥ်းချုပ်
ဂျပန်ရိုးရာ နှစ်သစ်ကူးမှာ ဘယ်လိုပစ္စည်းတွေ အလှဆင်လေ့ရှိလဲ။
ဂျပန်နိူင်ငံမှာတော့ နှစ်သစ်ကူးတော့မယ့် အချိန်မှာ အလှဆင်တဲ့ ပစ္စည်းတွေရှိပါတယ်။ ဒီလိုအလှဆင်တဲ့ ပစ္စည်းတွေကိုတော့ နှစ်မကုန်ခင်မှာ အလှဆင်လေ့ရှိပါတယ်။ အလှဆင်တယ်ဆိုတာထက် နိမိတ်တစ်ခုအနေနဲ့ နှစ်သစ်မှာကြွရောက်လာမယ့် 年神様（toshikamisama） နတ်ဘုရားကို ကြိုဆိုဖို့အတွက် အလှဆင်ပြီးကြိုဆိုတယ်လို့ ဆိုပါတယ်။ ဒါကြောင့်လဲ သေချာ ပြင်ဆင်ဖို့လိုသလို မှန်မှန်ကန်ကန်နဲ့ အလှဆင်ဖို့လိုအပ်ပါတယ်။ အများအားဖြင့် နှစ်သစ်မှာ အလှဆင်တဲ့ ပစ္စည်း အမျိုးအစား ၃ မျိုးရှိပါတယ်။ အမျိုးအစားတစ်ခုချင်းစီအပေါ် မူတည်ပြီးတော့ အလှဆင်တဲ့ အချိန်နှင့် နေရာတွေရှိပါတယ်။ နောက်ပြီး ဒီလိုအလှဆင်ထားတဲ့ ပစ္စည်းတွေကို အချိန်တစ်ခုကြာသွားရင်လဲ သေချာသိမ်းဆည်းပြီး ပစ်ဖို့လိုအပ်ပါတယ်။
-
門松（kadomatsu）
နှစ်သစ်ကူးတော့မယ်ဆို ဂျပန်နိုင်ငံရဲ့ အိမ်တွေမှာမြင်ရမယ့်အရာတွေကတော့ 門松（kadomatsu）လို့ခေါ်တဲ့ ထင်းရှူးအလှဆင်တန်ဆာတွေဖြစ်ပါတယ်။ နေရာတိုင်းအလိုလိုမှာလဲ မလွယ်တကူဝယ်ယူနိုင်ပါတယ်။ 門松（kadomatsu）ကိုတိုက်ရိုက်ဘာသာပြန်လိုက်ရင်တော့ ဝင်ပေါက်မှာ အလှဆင်တဲ့ ထင်ရှုးဖြစ်ပါတယ်။
-
しめ飾り (shimekazari)
နောက်တစ်ခုကတော့ しめ飾り (shimekazari) လို့ခေါ်တဲ့ နတ်ဘုရားနှင့် တကယ်လက်တွေ့လောက ကိုခွဲခြားဖို့အတွက် ပစ္စည်းတစ်ခုဖြစ်ပါတယ်။ ဒီလို しめ飾り (shimekazari) ကိုအလှဆင်ပြီးတော့ အိမ်ကိုလာမယ့် နတ်ဘုရားကို နေရာပေးတယ်ဆိုပြီး အယူရှိပါတယ်။
-
鏡餅 (kagamimochi)
鏡餅 (kagamimochi) ကတော့ နှစ်သစ်ကူးမှာအလှဆင်တဲ့ ကောက်ညှင်းတစ်ခုဖြစ်ပါတယ်။ ဒီကောက်ညှင်းကတော့ နတ်ဘုရားတွေကိုပူဇော်ဖို့အတွက် ရည်ရွယ်ပြီးလုပ်တဲ့ကောက်ညှင်းတစ်ခုဖြစ်ပါတယ်။
ဒီလိုမျိုး နှစ်သစ်ကူးမှာ အလှဆင်တဲ့ ပစ္စည်းတွေကိုပြန်ပြီးကြည့်လိုက်မယ်ဆိုရင် ၃ မျိုးရှိပါတယ်။ တစ်ခုကတော့နှစ်သစ်ကူးမှာ အိမ်ကိုကြွလာမယ့် နတ်ဘုရားတွေကို ကြိုဆိုမယ့် 門松（kadomatsu）၊ နတ်ဘုရားတွေကို နေနိုင်မယ့်နေရာအဖြစ် しめ飾り (shimekazari) ၊ နတ်ဘုရားတွေကိုပူဇော်နိုင်ဖို့အတွက် ကောက်ညှင်းဖြစ်တဲ့ 鏡餅 (kagamimochi) တို့ဖြစ်ပါတယ်။
စာရေးသူရွေးချယ်သောဆောင်းပါး
နှစ်သစ်ကူးအလှဆင်ပစ္စည်းတွေကိုဘယ်အချိန်မှာ အလှဆင်မလဲ။
နှစ်သစ်ကူးမှာ အလှဆင်တဲ့ အချိန်မှာ အသုံးပြုတဲ့ ပစ္စည်း၃ မျိုးအကြောင်းကိုဖော်ပြခဲ့ပြီးပြီဖြစ်ပါတယ်။ ဒီလိုမျိုး ပစ္စည်း ၃ မျိုးကို ဘယ်အချိန်မှာ၊ ဘယ်လိုနေရာမျိုးမှာအလှဆင်ရမလဲ ဆိုတဲ့အကြောင်းကို ထပ်ပြီးကြည့်လိုက်ကြရအောင်။
အလှဆင်ရမယ့် အချိန်
ဒီလို နှစ်သစ် အလှဆင်ပစ္စည်းတွေကို အလှဆင်မယ့် အချိန်ကတော့ နှစ်မကူးခင် ဒီဇင်ဘာလကုန်ခါနီးမှာ အလှဆင်ရပါတယ်။ သို့သော် ဒီဇင်ဘာလ ၂၉ ရက်နေ့နှင့် ၃၁ ရက်နေ့တွေမှာတော့ နိမိတ်မကောင်းလို့ အလှမဆင်သင့်ဘူးလို့ပြောကြပါတယ်။
၂၉ ရက်နေ့ကတော့ ဂျပန်ဘာသာ အသံထွက်နဲ့ဆိုရင် ဆင်းရဲပင်ပန်းခြင်း နှစ်ထပ်ဆိုတဲ့ အဓိပ္ပာယ်ဖြစ်ပြီး ၃၁ ရက်နေ့ကတော့ နှစ်ကူးခင် တစ်ညတည်းအလှဆင်သလိုဖြစ်သွားသလိုဖြစ်ပြီး နိမိတ်မကောင်းသလိုဖြစ်သွားတဲ့ အတွက်ကြောင့်မို့လို့ ဆိုကြပါတယ်။ ဒါကြောင့် ဒီဇင်ဘာလ ၂၈ရက်နေ့၊ ၃၀ ရက်နေ့တို့မှာ အလှဆင်လေ့ရှိကြပါတယ်။
အလှဆင်ရမယ့် နည်းလမ်း
ဒါဆို အလှဆင်ရမယ့် နည်းလမ်းကဘယ်လိုမျိုး လှဆင်ရမလဲ။ အလှဆင်တဲ့ ပစ္စည်းတွေ ၃ မျိုး ကိုတစ်ခုချင်းစီ ကြည့်လိုက်ကြရအောင်။
-
門松（kadomatsu）
門松（kadomatsu）ကတော့ နတ်ဘုရားတွေကိုကြိုဆိုဖို့အတွက် အလှဆင်တဲ့ ပစ္စည်းဖြစ်ပြီး အပေါ်မှာပြောခဲ့သလို တိုက်ရိုက်ဘာသာာပြန်ရရင်တော့ ပြတင်းပေါက်မှာ အလှဆင်တဲ ထင်ရှူးလို့ အဓိပ္ပာယ်ရတဲ့ အတွက်ကြောင့်မို့လို့ အများအားဖြင့် အိမ်ပေါက်ဝ တံခါးပေါက်မှာအလှဆင်လေ့ရှိကြပါတယ်။
-
しめ飾り (shimekazari)
နောက်တစ်ခုကတော့ しめ飾り (shimekazari) လို့ခေါ်တဲ့ နတ်ဘုရားတွေကို နေရာပေးဖို့ အတွက် အလှဆင်တဲ့ ပစ္စည်းတစ်ခုဖြစ်ပါတယ်။ ဒါကြောင့်မို့လို့ အိမ်ထဲဝင်လာနိုင်ဖို့ အတွက် အိမ်အဝင်ပေါက် အထက်ဘက်မှာအလှဆင်ရပါတယ်။
-
鏡餅 (kagamimochi)
鏡餅 (kagamimochi) ကတော့ တစ်ခုတည်းမဟုတ်ဘဲ အများကြီးအလှဆင်လဲရပါတယ်။ သို့သော် အကြီးဆုံး 鏡餅 (kagamimochi) ကတော့ ကြမ်းပြင်ပေါ်နှင့် အိမ်အဝင်ဝမှာ အလှဆင်လေ့ရှိကြပါတယ်။ သေးတဲ့ 鏡餅 (kagamimochi) တွေကိုတော့ တခြားနေရာတွေမှာထားလေ့ရှိကြပါတယ်။
အလှဆင်ထားတဲ့ ပစ္စည်းတွေကို ဘယ်လိုအချိန်မှာဘယ်လို သိမ်းမလဲ။
အလှဆင်ထားတဲ့ ပစ္စည်းတွေကို မှန်မှန်ကန်ကန်အသုံးပြုဖို့လိုအပ်ပါတယ်။ သိမ်းဆည်းတဲ့ အချိန်ကတော့ ဒေသအပေါ်လိုက်ပြီးကွာပါတယ်။ ဂျပန်နိုင်ငံရဲ့ အနောက်ပိုင်းမှာကတော့ ဇန်နဝါရီလ ၁၇ ရက်နေ့ဖြစ်ပြီး၊ ကျန်တဲ့ ဒေသတွေမှာတော့ ဇန်နဝါရီလ ၇ ရက်နေ့ဖြစ်ပါတယ်။ အလှဆင်ထားတဲ့ ပစ္စည်းတွေကိုတော့ 左義長（sagichou)လို့ခေါ်တဲ့ မီးပွဲတော်မှာ ကျင်းပလေ့ရှိကြပါတယ်။ ဒီလို မီးပွဲတော်မှာ ပစ္စည်းတွေကိုယူလာပြီး မီးနဲ့ရှို့လေ့ရှိကြပါတယ်။ ဒီပွဲတော်ကတော့ ဒေသအပေါ်မူတည်ပြီး အခေါ်အဝေါ်လဲမတူသလို မကျင်းပတဲ့ ဒေသတွေလဲရှိပါတယ်။ တချို့ဒေသတွေကတော့ Dondo Yaki Onibo Taki အစသဖြင့်လဲ ခေါ်လေ့ရှိကြပါတယ်။ မကျင်းပတဲ့ ဒေသတွေကတော့ နီးနားမှာရှိတဲ နတ်ကွန်းတွေမှာ လုပ်၊ မလုပ်ကိုစုံစမ်းကြည့်နိုင်ပါတယ်။
အကျဥ်းချုပ်
နှစ်သစ်ကူးရောက်လာရင် ဂျပန်မှာတော့ ရိုးရာအတိုင်း အလှဆင်တ့ အရာတွေအများကြီးရှိပါတယ်။ ဒီအလှဆင်တဲ့ အရာတွေကိုတော့ သင့်တော်တဲ့ နေရာနဲ့ သင့်တော် တဲ့ အချိန်မှာ အလှဆင်ဖို့ လိုအပ်ပါတယ်။ ဒီဆောင်းပါးကနေ တဆင့် အသုံးဝင်မယ်လို့ထင်ပါတယ်။
