၂၀၂၂ ခုနှစ် မတ်လ မှစပြီး ဗီဇာသက်တမ်း အွန်လိုင်းမှတဆင့် သက်တမ်းတိုးနိုင်လာပါပြီ။ သို့သော် လုပ်ထုံးလုပ်နည်းတွေကို သေချာမသိတဲ့သူတွေလဲ ရှိကြပါတယ်။ ဒီဆောင်းပါးမှာတော့ ဗီဇာသက်တမ်းကို အွန်လိုင်းကနေတဆင့် ဘယ်လိုတိုးမလဲဆိုတာရယ်၊ အွန်လိုင်းကနေတဆင့် ဗီဇာ သက်တမ်းတိုးဖို့အတွက် လိုအပ်တဲ့ My number card ကိုဘယ်လိုလျှောက်မလဲဆိုတာ ကိုရှင်းပြသွားပါ့မယ်။
မာတိကာ
အွန်လိုင်းကနေဆင့်ဗီဇာသက်တမ်းတိုးနိုင်လာခြင်း။
အွန်လိုင်းကနေဆင့်ဗီဇာသက်တမ်းတိုးဖို့ လိုအပ်သော ပြင်ဆင်မှုများ။
အွန်လိုင်းကနေတဆင့် ဗီဇာသက်တမ်းတိုးဖို့ ပြုလုပ်ရမယ့်အဆင့်များ။
အွန်လိုင်းကနေဆင့်ဗီဇာသသက်တမ်းတိုးခြင်းနဲ့ပတ်သက်သော အမေးများသော မေးခွန်းနှင့်အဖြေများ။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
အွန်လိုင်းကနေဆင့်ဗီဇာသက်တမ်းတိုးနိုင်လာခြင်း။
၂၀၂၂ ခုနှစ် မတ်လ မှစပြီး မိမိကိုယ်တိုင် ဗီဇာသက်တမ်း အွန်လိုင်းမှတဆင့် သက်တမ်းတိုးနိုင်လာပါပြီ။ အွန်လိုင်းမှတဆင့် ဗီဇာ သက်တမ်းတိုးခြင်းက ၂၀၁၉ခုနှစ်၊ ဇူလိုင်လမှစတင်ပြီး ပြုလုပ်နိုင်ပေမယ့် ဒီဝန် ဆောင်မှုကို အစိုးရဝန်ထမ်း တွေသာ လျှောက်ထားနိုင်ပါတယ်။ ဒါကြောင့် ဗီဇာလျှောက်ထားဖို့အတွက် လူဝင်မှူကြီးကြပ်ရေးဌာန ကိုမသွားမနေရသွားရပါတယ်။ ၂၀၂၂ခုနှစ် မတ်လမှာတော့ လူဝင်မှူကြီးကြပ်ရေးဌာန ကိုသွားစရာမလိုဘဲ အွန်လိုင်းကနေဆင့် မိမိဘာသာသက်တမ်းတိုးလာနိုင်ပါတယ်။
အွန်လိုင်းကနေတဆင့် သက်တမ်းတိုးနိုင်မယ့် နေထိုင်ခွင့် ပုံစံတွေကတော့ အောက်ပါအတိုင်းဖြစ်ပါတယ်။
( ၂၀၂၂ ခုနှစ် မတ်လ မတိုင်ခင် )
ရုံးပိုင်းဆိုင်ရာဝန်ထမ်းများ
( ၂၀၂၂ ခုနှစ် မတ်လနောက်ပိုင်း )
မိမိကိုယ်တိုင်လျှောက်ထားခြင်း
ကိုယ်စားလှယ် မှတဆင့် လျှောက်ထားခြင်း
မိသားစုဝင်များမှတဆင့် လျှောက်ထားခြင်း
သို့သော် အထက်ဖော်ပြပါ ဝန်ဆောင်မှုတွေကို လူတိုင်းဆောင်မရွက်နိုင်ပါဘူး။ ဥပမာ မိသားစုဝင်မှ ကိုယ်စားလှယ်အနေနဲ့ နေထိုင်ခွင့်ပုံစံ ပြောင်းလဲမှုကိုလျှောက်ထား လိုပါက လျှောက်ထားမည့်သူ ကံယာကံရှင်က၁၆နှစ်အောက်၊ရောဂါအခြေအနေကြောင့်သို့မဟုတ်တခြားအလားတူအကြောင်းပြချက်များကြောင့် မလျှောက်ထားနိုင်မှသာ အကျုံးဝင်ပါတယ်။ ဒါကြောင့် ဗီဇာသက်တမ်းတိုးတော့မည် ဆိုပါက သက်ဆိုင်ရာ ဝက်ဘ်ဆိုက်တွေမှာ သေချာ ဖတ်ပြီးမှလျှောက်ရန် အကြုံပြုပါတယ်။
အွန်လိုင်းမှတဆင့် မည်သို့သော လုပ်ထုံးလုပ်နည်းတွေကို လုပ်ဆောင်နိုင်မလဲ။
ကာလရှည် နေထိုင်ခွင့် အသိမှတ်ပြု ထောက်ခံလွှာ
နေထိုင်ခွင့် သတ်မှတ်ချက်ပြောင်းလဲခြင်း
နေထိုင်ခွင့် သက်တမ်းတိုးခြင်း
နေထိုင်ခွင့် ထောက်ခံစာ ရယူခြင်း
အလုပ်လုပ်ခွင့် ထောက်ခံစာ ရယူခြင်း
တကြော့ ပြန် ပြည်ဝင်ခွင့်လျောက်ထားခြင်း နှင့် အလုပ်လုပ်ခွင့်လျောက်ထားခြင်း တို့ဖြစ်ပါတယ်။
အွန်လိုင်းကနေ ဘယ်လိုဗီဇာ အမျိုးအစားတွေလျှောက်ထားနိုင်လဲ။
( ၂၀၂၂ ခုနှစ် မတ်လအထိ )
ဝန်ထမ်း/ ပါမောက္ခ/ အနုပညာ/ သာသနာရေး/ ပညာရှင်/ စီးပွားရေး/ ရှေ့နေ/ ဆေးဖက်ဆိုင်ရာဝန်ထမ်း/ သုတေသန/ အလုပ်ဗီဇာ/ နည်းပညာအလုပ်သင်/ အထူးအလုပ်သင်/ ယဥ်ကျေးမှု ဖြန့်ဖြူးရေး/ ပညာတော်သင်/ Tokutei Katsudo)
( ၂၀၂၂ ခုနှစ် မတ်လနောက်ပိုင်း)
အမြဲတမ်းနေထိူင်ခွင့်ဗီဇာ/ ဂျပန်လူမျိုးရဲ့အိမ်ထောင်ဖက်များ/ အမြဲတမ်းနေထိူင်ခွင့်ဗီဇာကိုင်ဆောင် သူ များ၏ အိမ်ထောင်ဖက်များ/ သတ်မှတ်ကာလ နေထိုင်သူများ။
ကိုးကား
出入国在留管理庁「在留申請のオンライン手続」
出入国在留管理庁「在留資格一覧表」
စာရေးသူရွေးချယ်သောဆောင်းပါး
အွန်လိုင်းကနေဆင့်ဗီဇာသက်တမ်းတိုးဖို့ လိုအပ်သော ပြင်ဆင်မှုများ။
အဲဒါဆို အွန်လိုင်းကနေတဆင့် ဗီဇာ သက်တမ်းတိုးဖို့ ဘယ်လို ပြင်ဆင်မှူတွေပြုလုပ်ရမလဲ။ ပထမဆုံးအနေနဲ့ My Number Card ပြုလုပ်ထားဖို့လိုအပ်ပါတယ်။ My Number Card ပြူလုပ်ပြီးရင်တော့ အချက်အလက် တွေကိုဖြည့်သွင်းပြီး စတင်လျှောက်ထားနိုင်ပါပြီ။ အသေးစိတ်ကိုအောက်မှာဖော်ပြသွားပါမည်။
My Number Card ပြုလုပ်ခြင်း
အွန်လိုင်းကနေတဆင့် ဗီဇာသက်တမ်းတိုးမယ်ဆိုရင် အရင်ဦးဆုံး My Number Card ရှိဖို့လိုအပ်ပါတယ်။
My Number Card ဆိုတာ ကိုယ်ပိုင်နံပါတ်၊ နာမည်၊ လိပ်စာ၊ မွေးနေ့ စသည့်တို့ပါရှိတဲ့ IC ကတ်ပြားဖြစ်ပြီး သက်သေခံကတ်ပြားအနေနဲ့လဲအသုံးပြူနိုင်ပါတယ်။ ဂျပန်နိုင်ငံတွင် နေထိုင်ခွင့်မှတ်ပုံတင်ထားပါက နိုင်ငံခြားသားတွေလဲ My Number Card ကိုလျှောက်ထားနိုင်ပါတယ်။ လျှောက်ထားရန်နည်းလမ်းကတော့ အမျိုးမျိုး အဖုံဖုံရှိပေမယ့် ဒီဆောင်းပါးမှာတော့ စမတ်ဖုန်းနဲ့ လျှောက်တဲ့နည်းလမ်းကိုပြောပြသွားပါ့မယ်။
- စမတ်ဖုန်းမှတဆင့် My Number Card လျှောက်လွှာမှာပါရှိသော QR Codeကို Scanဖတ်ပါ။
- အီးမေးလ်ကို မှတ်ပုံတင်ပြီး အီးမေးလ်မှတဆင့်ပို့လာသော ဝက်ဘ်ဆိုက်ကို ဝင်ပါ။
- ကြိုတင်ပြင်ဆင်ထားသော ဓာတ်ပုံ နှင့် ဒါမှမဟုတ် ဓာတ်ပုံကို စမတ်ဖုန်းမှတဆင့်ရိုက်ယူပြီးတင်ပါ။
- မွေးနေ့ မွေးလ များ၊ နာမည် စသောအချက်အလက်များကို ဖြည့်စွက်ပါ။
- လျှောက်ထားမှုပြီးစီးပါက ရပ်ကွက်ရုံး၊ မြို့နယ်ရုံးတို့မှ ဆက်သွယ်လာသည်ကို စောင့်ပါ။
- ရပ်ကွက်ရုံး၊ မြို့နယ်ရုံးတို့မှ စာရောက်ရှိလာပါက သတ်မှတ်ကာလအတွင်း ရပ်ကွက်ရုံး၊ မြို့နယ်ရုံးသို့သွားရောက်ပြီး လျို့ဝှက်နံပါတ်များကိုသတ်မှတ်ပါ။
My Number Cardကိုထုတ်ယူဖို့အတွက် ၁လ လောက်ကြာမြင့်သောကြောင့် နေထိုင်ခွင့်သတ်မှတ်ကာလ မကုန်ဆုံးခင်လျှောက်ထားနိုင်ရန် ကြိုတင်ပြင်ဆင်ပါ။
အချက်အလက်များကိုဖြည့်သွင်းခြင်း
အွန်လိုင်းကနေတဆင့် ကိုယ်ရေးအချက်အလက်တွေကို မှတ်ပုံတင်ထားဖို့လိုအပ်ပါတယ်။ လိုအပ်တဲ့အချက်အလက်တွေကတော့
-
My Number Card
-
နေထိုင်ခွင့်ကတ်ပြား (Zairyu Card)
-
ကွန်ပျူတာ (စမတ်ဖုန်းလဲအဆင်ပြေပါတယ်)
-
My Number Card Scan ဖတ်နိုင်သော IC Card ဖတ်စက် (လျှပ်စစ်ပစ္စည်းဆိုင်နှင့် အင်တာနက်တွေမှာလဲဝယ်ယူနိုင်ပါတယ်)
-
JPKI ဆော့ဝဲလ် (ဒေါင်းလုတ်ဆွဲယူနိုင်ပါသည်)
အထက်ဖော်ပြပါ စာရွက်စာတမ်းတွေ ပြည့်စုံပြီဆိုပါက လူဝင်မှုကြီးကြပ်ရေးဌာနရဲ့ ဝင်ဘ်ဆိုက်ကိုဝင်ရောက်ပြီး လိုအပ်တဲ့အချက်အလက်တွေကိုဖြည့်စွက်ပြီး မှတ်ပုံတင်နိုင်ပါတယ်။
ကိုးကား
J-LIS地方公共団体情報システム機構「マイナンバーカード交付申請」
出入国在留管理庁「在留申請オンラインシステム」
အွန်လိုင်းကနေတဆင့် ဗီဇာသက်တမ်းတိုးဖို့ ပြုလုပ်ရမယ့်အဆင့်များ။
ပြင်ဆင်မှုတွေပြုလုပ်ပြီးပါက စတင်လုပ်ဆောင်ရမယ့် လုပ်ဆောင်ချက်များကိုဖော်ပြပါမယ်။
- IC Card ဖတ်စက်နဲ့ My Number Card ကို Scan ဖတ်ပြီး ဗီဇာ သက်တမ်းတိုးမယ့် ဝက်ဆိုက်ကို Log in ဝင်ပါ။
- မိမိ လျှောက်ထားမည့်အမျိုးအစားကိုရွေးချယ်ပါ။
- ကိုယ်ရေးအချက်အလက်များကိုဖြည့်စွက်ပါ။
- လက်ရှိ ကိုင်ဆောင်ထားသော ဗီဇာ အမျိုးအစားကိုရွေးချယ်ပါ။
- အလုပ်၊ ကုမ္ပဏီနှင့်သက်ဆိုင်သော အချက်အလက်များကိုဖြည့်စွက်ပါ။
- ဖြည့်စွက်ထားသောအချက်အလက်များ မှန်မှန်စစ်ဆေးပါ။
- လိုင်စင်ဓာတ်ပုံနှင့် တင်ပြရမယ့် စာရွက်စာတမ်းများကို မှတ်ပုံတင်ပါ။
- အချက်အလက်များ မှန်ကန်ပါက မှတ်ပုံတင်ပါ။
- Log Out လုပ်ပါ။
- ရလဒ် ကိုစောင့်ပါ။
အွန်လိုင်းမှာဆိုရင် နေထိုင်ခွင့်ပုံစံပြောင်းလဲခြင်းနှင့် တကြော့ပြန်ပြည်ဝင်ခွင့်တို့ကို တကြိမ်တည်းလျှောက်ထားနိုင်ပါတယ်။
ကိုးကား
出入国在留管理庁「かんたん操作マニュアル（外国人本人等の個人申請方法）」
အွန်လိုင်းကနေဆင့်ဗီဇာသက်တမ်းတိုးခြင်းနဲ့ပတ်သက်သော အမေးများသော မေးခွန်းနှင့်အဖြေများ။
အွန်လိုင်းကနေဆင့်ဗီဇာသက်တမ်းတိုးခြင်းနဲ့ပတ်သက်သော အမေးများသောမေးခွန်းတွေကိုဖော်ပြပါမယ်။
ဂျပန်နိုင်ငံ ပြည်ပမှလည်း အွန်လိုင်းကနေ တဆင့် ဗီဇာသက်တမ်း တိုးနိုင်လား?
ဂျပန်နိုင်ငံ ပြည်ပမှလည်း အွန်လိုင်းကနေ တဆင့် ဗီဇာသက်တမ်း မတိုးနိုင်ပါ။ ဒါကြောင့် ဂျပန်ပြည်တွင်းမှာရှိသော မိသားစုများမှတဆင့် လျှောက်ထားနိုင်ပါတယ်။
စာရွက်စာတမ်းတင်တဲ့အခါ ဘယ်လိုအချက်တွေကိုသတိထားရမလဲ?
အွန်လိုင်းမှတဆင့် တင်နိုင်သော ဖိုင်ကတမျိုးတည်းဖြစ်ပြီး အောက်မှဖော်ပြမယ့်အကြောင်းအရာတွေကို သတိထားသင့်ပါတယ်။
PDF ဖိုင်အမျိုးအစားဖြစ်ရမည်။
ဖိုင်ဆိုဒ် 10MB အောက်ဖြစ်ရမည်။
ကြည်လင်ပြတ်သားသော ဖိုင်များဖြစ်ရမည်။
အပေါ်က အချက်အချက်တွေက မကိုက်ညိပါက errorဖြစ်နိုင်ခြေရှိပြီး စာတိုက်မှတဆင့် လဝကသို့ စာရွက်စာတမ်းများကိုပေးပို့ရမည်။
အွန်လိုင်းမှာ ဖြည့်သွင်းတဲ့အချက်အလက်တွေ မှားယွင်းပါကဘယ်လို လုပ်ဆောင်ရမလဲ?
အွန်လိုင်းမှာ ဖြည့်သွင်းတဲ့အချက်အလက်တွေမှားယွင်းပါက ပြန်လည်ပြင်ဆင်လို့မရနိင်ပါ။ ထို့ကြောင့် လျှောက်ထားမှုကိုဖျက်သိမ်းပြီး ပြန်လည် လျှောက်ထားရပါမည်။သို့မဟုတ် မူလ စာရွက် စာတမ်း တွေကို ပြန်လည်လျှောက်ထားနိုင်ပါသည်။
တခြားဘာသာစကားဖြင့်ဖြည့်စွက်နိုင်ပါသလား?
အွန်လိုင်းပေါ် မှ ဖြည့်စွက်နိုင်သော ဘာသာစကားက အင်္ဂလိပ်ဘာသာစကားနှင့် ဂျပန်ဘာသာစကားသာဖြစ်ပါတယ်။ပြုလုပ်ပုံအဆင့်ဆင့်နှင့်ပတ်သက်ပြီး လွယ်ကူသော ဂျပန်ဘာသာစကားဖြင့်ရေးသားထားသောကြောင့် ဘာသာစကားနှင့်ပတ်သက်ပြီး စိုးရိမ်မှုရှိသောသူများ အသုံးပြုသင့်ပါတယ်။
အကြောင်းအရာ အနှစ်ချုပ်။
၂၀၂၂ ခုနှစ် မတ်လ ကနေစပြီး အွန်လိုင်းကနေတဆင့် ကိုယ်တိုင် နေထိုင်ခွင့်ဗီဇာကို လျှောက်ထားနိုင်ပါပြီ။ လူများပြားလှသော လူဝင်မှုကြီးကြပ်ရေး ဌာန သို့ သွားစရာ မလိုတော့ ဘဲ မိမိနေထိုင်ရာ အိမ်ကနေတဆင့် နေထိုင်ခွင့် အခြေအနေတို့ကိုလဲ ပြောင်းလဲနိုင်လာပါပြီ။ အလုပ်၊ ကျောင်း စသည့် တို့ဖြင့်အလုပ်ရှုပ်သောသူတွေအတွင် ဝမ်းသာစရာ တိုးတက်ပြောင်းလဲမှုတရပ်ဖြစ်ပါတယ်။
.jpg)
