ဂျပန်စာလေ့လာဖို့အတွက် Website တွေ၊ အရင်းအမြစ်တွေအများကြီးရှိပါတယ်။ Website တွေများလွန်းရင် တခါတလေကျရင် စိတ်ရှုပ်ထွေးတဲ့အနေအထားမျိုးဖြစ်တတ်ပါတယ်။ ဒါအပြင် မိမိရည်ရွယ်ချက်၊ မိမိ ဂျပန်စာအရည်အချင်းအပေါ်မူတည်ပြီး ဂျပန်စာလေ့လာမယ့် အရင်းအမြစ်တွေကို ရွေးချယ်တတ်ဖို့ တော်တော် အရေးကြီးပါတယ်။ ဒီနေ့မှာတော့ ဂျပန်စာ၊ ဂျပန်အလုပ်၊ ဂျပန်ယဥ်ကျေးမှုအကြောင်းကို သေချာလေ့လာနိုင်မယ့် စိတ်ချယုံကြည့်ရတဲ့ ဝက်ဘ်ဆိုက်တစ်ခုကိုမျှဝေသွားပါ့မယ်။
မာတိကာ
- Activate Your Japanese! ဆိုတာ။
- Activate Your Japanese! မှာဂျပန်စာကိုဘယ်လိုလေ့လာနိုင်မလဲ။
- အကျဥ်းချုပ်
Activate Your Japanese! ဆိုတာ။
Activate Your Japanese! ひきだすにほんご ဆိုတဲ့ အစီစဥ်ကတော့ဂျပန်စာ အခြေခံ တတ်မြောက်ပြီးသားသူတွေအတွက် စကားပြော ကျွမ်းကျင်လာအောင်လေ့ကျင်နိုင်မယ့် အစီအစဥ် ဖြစ်ပါတယ်။ ဒီအစီအစဥ်ကတော့ ဂျပန်ဖောင်ဒေရှင်းနဲ့ ဂျပန်ရုပ်မြင်သံကြားအသံလွင့်ဌာနတို့ပူးပေါင်းထုတ်လွင့်တဲ့ အစီအစဥ်ဖြစ်ပါတယ်။ ဒီအစီအစဥ်ရဲ့ ထူးခြားချက်ကတော့ ဂျပန်နိုင်ငံမှာ အလုပ်လုပ်ဖို့ ဂျပန်စာကိုကြိုးစားနေကြတဲ့ ဂျပန်ဘာသာစကား၊ ဂျပန်နိုင်ငံရဲ့ နေထိုင်မှုပုံစံ၊ ဂျပန်ဘာသာစကား ၃ ခုစလုံးကို တပြိုင်တည်းလေ့လာနိုင်မယ့် အစီအစဥ် ဖြစ်ပါတယ်။ ဒီအစီအစဥ်ကိုတော့ 2022 ခုနှစ်၊ ဖေဖော်ဝါရီလ၊ 28 ရက်နေ့မှာ NHK World Japan ကနေတဆင့် ပြည်တွင်းပြည်ပမရွေး ဒီအစီအစဥ်ကို ကြည့်ရှုနိုင်ပါတယ်။ အစီအစဥ် ကိုလဲ NHK World Japan ကနေတဆင့် on Demand ပုံစံ နဲ့ထုတ်လွင့်လျက်ရှိတာမို့ အချိန်မရွေး ကြည့်ရှုနိုင်တာလဲ အားသာချက်တခုပါ။ နောက်ပြီး ယခုဆိုရင် Activate Your Japanese! ကိုသီးသန့် ဝက်ဘ်ဆိုက်တစ်ခု ပါရှိနေပြီမို့ ဒီ ဝက်ဘ်ဆိုက် ကနေလဲတိုက်ရိုက်အသုံးပြုလို့ရပါတယ်။
ဒီအစီစဥ်မှာဆိုရင် ဂျပန်စာကို အခြေခံ သင်ထားတဲ့ သူတွေ Japan Foundation ရဲ့ အဆင့် အရပြောရမယ် ဆိုရင် A2 ကို လေ့လာပြီးသားသူတွေအတွက် ပိုပြီးတော့ ဂျပန်စာကို လည်လည်ပတ်ပတ် ပြောလာနိုင်ပြီး၊ ဂျပန်စာကိုအသုံးပြုပြီး ပိုပြီး Communication လုပ်လာနိုင်မယ့် အဆင့် B2 ကိုရောက်လာဖို့ အဓိက ရည်ရွယ်ပြီး ပြုလုပ်ထားတဲ့ အစီအစဥ်လဲဖြစ်ပါတယ်။
စာရေးသူရွေးချယ်သောဆောင်းပါး
Activate Your Japanese! မှာဂျပန်စာကိုဘယ်လိုလေ့လာနိုင်မလဲ။
Activate Your Japanese မှာတော့ အပိုင်း ၃ ပိုင်းနဲ့လေ့လာနိုင်ပါတယ်။
-
スアン日本へ行く！／Xuan Tackles Japan!!
-
気持ちが伝わるオノマトペ／Onomatopoeia -Share Feelings-
-
津々浦々 日本のセンパイ／Welcome to My Japan!
スアン日本へ行く！／Xuan Tackles Japan!!
ကိုးကား - Activate Your Japanese! ဝက်ဘ်ဆိုက်
Xuan Tackles Japan!! ကတော့ ဗီယက်နမ်လူမျိုးကောင်မလေးတယောက် ဂျပန်နိုင်ငံမှာ အလုပ်လုပ်ဖို့လာရင်း အစပိုင်းမှာတော့ ဂျပန်စကား၊ ဂျပန်ယဥ်ကျေးမှုအကြောင်းကိုသေချာမသိဘဲ ဒုက္ခမျိုးစုံနဲ့ကြုံတွေရတဲ့အကြောင်းကိုပုံဖော်ထားပါတယ်။ သို့သော် သူဒုက္ခရောက်တဲ့အချိန်တွေမှာ သူ့ကိုကူညီပေးတဲ့ Key Chain လေးပေါ် လာပြီး ဂျပန်စကားအကြောင်း၊ ဂျပန်ယဥ်ကျေးမှုအကြောင်းတွေ ကို သင်ကြားပေးရင်း တဖြေးဖြေ ဂျပန်မှာ အလုပ်လုပ်ရတာ ပျော်လာတဲ့ အကြောင်းဒရမ်မာ လေးဖြစ်ပါတယ်။ဒီဒရမ်မာကနေ တဆင့် ဘယ်အချိန်မှာ ဘယ်လို အသုံအနှုန်းသုံးရမလဲဆိုတဲ့ အကြောင်းတွေ ကို အများကြီးလေ့လာမှတ်သားနိုင်မှာပါ။ နောက်ပြီး ဂျပန်ယဥ်ကကျေးမှု လုပ်ငန်းခွင်သုံး ဂျပန်ဘာသာစကား၊ ဂျပန်နိုင်ငံရဲ့ နေထိုင်မှု ဘဝ ပုံစံတွေကိုလဲ လေ့လာနိုင်ပါတယ်။ ဒရမ်မာကြည့်ရင်း မပျင်းပဲ စာလုပ်နိုင်မယ့် အစီစဥ်လေးဖြစ်လို့ ကျိန်းသေပေါက် ကြည့်ဖို့အကြံပေးချင်ပါတယ်။
気持ちが伝わるオノマトペ／Onomatopoeia -Share Feelings-
ကိုးကား - Activate Your Japanese! ဝက်ဘ်ဆိုက်
နောက် Corner တစ်ခုကတော့မြည်သံဆွဲ စကားလုံးတွေကို သေသေချာချာ ကျကျနန လေ့လာနိုင်မယ့် အစီစဥ်လေးဖြစ်ပါတယ်။ မြည်သံဆွဲ စကားလုံးတွေက ဂျပန်ဘာသာစကားမှာလေ့လာရခက်တဲ့ အပိုင်းတပိုင်းလဲ ဖြစ်ပါတယ်။ နောက်ပြီး အဆင့်မြင့်လာတာနဲ့အမျှ စကားလုံတစ်လုံးမှာ အဓိပ္ပာယ်များစွာပါတဲ့ မြည်သံစွဲ စကားလုံးတွေလဲ များပြားလာပါတယ်။ ဒါကြောင့်မိုလို့ ဒီလိုစကားလုံးတွေကို မှန်မှန်ကန်ကန် လေ့လာနိုင်ဖို့ဆိုတာ တော်တော်ခက်ခဲတဲ့ အရာဖြစ်ပါတယ်။ ဒီလိုပြသနာတွေ ကိုဖြေရှင်းပေးနိုင်တာကတော့ Onomatopoeia -Share Feelings- ဆိုတဲ့ Corner ဖြစ်ပါတယ်။ ဒီ Corner မှာဆိုရင် စိတ်ခံစားချက် ကိုဖော်ပြတဲ့ မြည်သံစွဲ စကားလုံး တွေကို ဗီဒီယိုနဲ့ ရှင်းပြထားပါတယ်။ ဗီဒီယို ထဲမှာဆိုရင် စကားလုံးရဲ့ အသုံးအနှုန်းကိုနေရာအပေါ်လိုက်ပြီး သေချာပုံဖော်ပြီး ရှင်းပြထားပါတယ်။ နောက်ဆုံးမှာတော့ ဒီလို စကားလုံးတွေ ကို စကားပြောမှာဘယ်လိုအသုံးပြုမလဲဆိုတာကို သေချာမိတ်ဆက်ပြထားပါတယ်။၊ ဒါကြောင့် ဆရာ မပါဘဲ Onomatopoeiaတွေကို မှန်မှန်ကန်ကန်သေသေချာချာ လေ့လာနိုင်မှာ ဖြစ်ပါတယ်။ နောက်ပြီး ကိုယ်သိထားပြီးသား စကားလုံးတွေကိုလဲ ပြန်နွေးတဲ့ သဘောမျိူးနဲ့ ကြည့်ဖို့ အကြံပေးချင်ပါတယ်။ ဘာလို့လဲ ဆိုတော့ သိပြီးတဲ့ စကားလုံးမှာလဲ နေရာ အပေါ်လိုက်ပြီး အမျိုးမျိုး အသုံးပြူနိုင်တာမို့လို့ အသုံးနှုန်းတွေကို ပိုမိုလေ့လာပြီး မိမိစကားပြော စွမ်းရည်တွေ တိုးတက်အောင်လုပ်ဖို့လိုအပ်ပါတယ်။
津々浦々 日本のセンパイ／Welcome to My Japan!
ကိုးကား - Activate Your Japanese! ဝက်ဘ်ဆိုက်
နောက်ဆုံး Corner ကတော့ ဂျပန်မှာ အလုပ်လုပ်နေတဲ့ နိုင်ငံတကာက လူတွေအကြောင်း၊ အလုပ်အကြောင်း နေထိုင်မှု အကြောင်းတွေကို တင်ဆက်ပြသတဲ့ အစီစဥ်ဖြစ်ပါတယ်။ ဒီအစီစဥ်မှာ ဆိုရင်တော့ ဂျပန်နိုင်ငံမှာအလုပ်လုပ်နေတဲ့ Training ဗီဇာနဲ့ လာတဲ့ သူတွေကို ဘယ်လိုအလုပ်မျိးလုပ်နေလဲ ဆိုတဲ့အကြောင်း၊ လက်ရှိနေထိုင်နေတဲ့ မြို့ရဲ့အကြောင်းတွေကိုဦ သဘောကျတဲ့ မုန့်၊ အစားစာတွေ အကြောင်းတွေကိုတင်ဆက်ချက်ရှိပါတယ်။ လက်ရှိမှာတော့ မြန်မာ၊ ဗီယက်နမ်၊ ဖီလစ်ပိုင်၊ အင်ဒိုနီးရှား၊ တရုတ်၊ မလေးရှား၊ ကိုးရီးယား စတဲ့အာရှနိုင်ငံတွေအပြင် တခြား နိုင်ငံက သူတွေရဲ့အတွေ့အကြုံတွေကိုပါ ကြည့်ရှုနိုင်ပါတယ်။ ဒီအစီစဥ်ကနေ တဆင့် ဂျပန်စာ ကိုလေ့လာသင်ယူနိုင်တဲ့အပြင် ဂျပန်မှာအလုပ်လုပ်ဖို့ ကြိုးစားနေကြတဲ့သူတွေအတွက် ဂျပန်စာ လေ့လာဖို့အတွက် အားဖြစ်စေမှာ အမှန်ပါပဲ။ ဒါကြောင့်မို့လို့ ဒီအစီစဥ်လေးကိုကြည့်ဖို့တိုက်တွန်းလိုက်ပါတယ်။
အကျဥ်းချုပ်
ဒီ Website ကတော့ ဂျပန်မှာ အလုပ်လုပ်ဖို့ရည်ရွယ်ပြီးဂျပန်စာကြိုစားနေကြတဲ့ သူတွေအတွက်တော်တော်အသုံးဝင်တဲ့ ဝက်ဘ်ဆိုက်တစ်ခုဖြစ်ပါတယ်။ နောက်ပြီး ဂျပန်စာကိုလေ့လာရင်း ဂျပန်နိုင်ငံရဲ့ အလုပ်တွေအကြောင်း၊ အထူးသဖြင့် နည်းပညာအလုပ်သင်ကျောင်းသားတွေ တကယ့်လက်တွေ့ဘယ်လိုအလုပ်လုပ်နေလဲဆိုတာကို ကြည့်ရှုနိုင်မယ့်အစီစဥ်တစ်ခုလဲဖြစ်ပါတယ်၊ ဒီအစီစဥ်ကနေတဆင့် ဂျပန်စာသာမက ဂျပန်စာလုပ်ဖို့ အားပေးမှုတစ်ခုပါရမှာကျန်းသေပါတယ်။
