ဂျပန်ရောက်သွားရင် အလုပ်တစ်ဖက်နဲ့ ဂျပန်စာသင်ယူဖို့အတွက် တော်တော် ခက်ခဲပါတယ်။ နောက်ပြီးတော့ ဂျပန်လူမျိူးတွေကိုယ်တိုင် ဂျပန်စာ သင်ပေးတဲ့ အတန်းတွေကို လိုက်ရှာဖို့လဲ တော်တော်ကိုခက်ခဲပါတယ်။ မြန်မာပြည်တွင်းမှာလဲ အွန်လိုင်းနဲ့ အတန်းတွေ လိုက်တက်လို့ရပေမယ့်၊ အလုပ်၊ကျောင်း စတဲ့တဖက်နဲ့ အချိန်မကိုက်တာတွေလဲ အများကြီးရှိနိုင်ပါတယ်။ ဒီဆောင်းပါးမှာတော့ ဂျပန်မှာ ကျောင်းနဲ့ ဖြစ်စေ၊ အလုပ်နဲ့ဖြစ်စေ၊ ရောက်နေကြတဲ့ လူတွေ အတွက် ဂျပန်စာ ပညာဒါန အတန်းတွေကို ဘယ်လို တက်နိုင်မလဲ၊ ဘယ်မှာ ဘယ်လိုရှာလို့ရမလဲနှင့် ဘယ်လိုအကြောင်းအရာတွေကို သင်ပေးလေ့ရှိလဲ ဆိုတဲ့ အချက်တွေကို ဖော်ပြပေးသွားပါ့မယ်။
မာတိကာ
- ဂျပန်မှာ ပညာဌာန အတန်းတွေ ရှိလား။
- ပညာဒါန အတန်းတွေမှာ ဘာတွေသင်ကြားလို့ရနိုင်မလဲ။
- ဂျပန်ပညာဒါနအတန်းတွေကိုဘယ်လိုရှာနိုင်မလဲ။
- ဂျပန်ပညာဒါနအတန်းတွေကို ရှာနိုင်မယ့် ဝက်ဘ်ဆိုက်များ။
- အကျဥ်းချုပ်
ဂျပန်မှာ ပညာဒါန အတန်းတွေ ရှိလား။
ဂျပန်မှာ ဂျပန်စာသင်တန်းတွေရှိပေမယ့် စျေးကြီးတာရယ်၊ အချိန်မကိုက်တဲ့ အချက်တွေကြောင့် မတက်နိုင်တဲ့ သူတွေ အများကြီးရှိပါတယ်။ ဒီဆောင်းပါးမှာာတော့ အလုပ်လဲ မပျက်ချင်ဘူး၊ ဂျပန်စာလဲ လေ့လာချင်တယ်။ အချိန်တွေလဲ ရွေးစရာများတဲ့ အတန်းတွေမျိုးကိုတက်ချင်တယ်ဆိုတဲ့ သူတွေအတွက် ပညာဒါန အတန်းလို့ခေါ်လို့ရတဲ့ ဝင်ကြေးနည်းပါးပြီးတော့၊ အချိန်တွေလဲ ရွေးချယ်စရာများတဲ့အပြင်၊ ဂျပန်လူမျိုး ဆရာ၊ ဆရာမတွေကိုယ်တိုင် သင်ကြားပေးမယ့် သင်တန်းတွေရှိပါတယ်။ ဒီလိုသင်တန်းတွေကတော့ အမြို့မြို့နယ်နယ် မှာဂျပန်လူမျိုး Volunteer ဆရာ၊ ဆရာမတွေနဲ့ ဖွဲ့စည်းထားတဲ့အတန်းတွေဖြစ်ပြီးတော့ အဓိကကတော့ ဂျပန်မှာရောက်ရှိနေတဲ့ နိုင်ငံခြားသားတွေအတွက် ဂျပန်စာကို လေ့လာရတာလွယ်ကူတဲ့ ပတ်ဝန်းကျင်တစ်ခုကို ဖန်တီးပေးနိုင်ဖို့ ဆိုတဲ့ ရည် ရွယ်ချက်နဲ့ စတင်ဖွဲ့စည်းတဲ့ ကျောင်းတွေ များပါတယ်။ နောက်ပြီးတော့ နိုင်ငံခြားသားတွေအနေနဲ့ မိမိနေထိုင်နေတဲ့ နေရာ၊ နောက်ပြီး ဂျပန် လူမှုအသိုင်းအဝိုင်းနဲ့ ပိုပြီးတော့ ထဲထဲဝင်ဝင်လေ့လာနိုင်ပြီး အသားကျလာအောင်ဆိုတဲ့ ရည်ရွယ်ချက်မျိုးတွေလဲရှိပါတယ်။ အတန်းတော်တော်များများကိုတော့ ဂျပန်အစိုးရကနေ ဖွင့်လှစ်ထားတဲ့ အတန်းတွေလဲရှိသလို တခြားပုဂ္ဂလိက အဖွဲ့အစည်းတွေကနေပြီးတော့ ဖွင့်လှစ်ထားတဲ့ အတန်းတွေလဲရှိပါတယ်။ တော်တော်များများမှာတော့ ကိုယ်ပိုင် ဝက်ဘ်ဆိုက်နှင့် ဆိုရှယ် မီဒီယာ အကောင့်တွေရှိပါတယ်။ ဒီလို ဝက်ဘ်ဆိုက်တွေမှာတော့ သင်တန်းအကြောင်းကို သေချာရေးထားလေ့ရှိကြပါတယ်။
စာရေးသူရွေးချယ်သောဆောင်းပါး
ဘယ်သူတွေ လေ့လာနေလဲ နှင့်ဘယ်လိုအကြောင်းအရာတွေလေ့ာလာလို့ရမလဲ။
အများအားဖြင့် နိုင်ငံခြားသားကလေးတွေနှင့် ဂျပန်မှာအလုပ်လုပ်နေတဲ့ နိုင်ငံခြားသားတွေလာရောက်ပြီး တက်တာများကြပါတယ်။ ဒါပေမယ့် ဂျပန်နိုင်ငံမှာ ရောက်ရှိနေတဲ့ နိုင်ငံခြားသားတိုင်းဝင်ရောက်တက်နိုင်ပါတယ်။
သင်ကြားနိုင်တဲ့ ဂျပန်စာတွေကတော့ နေရာအပေါ်မူတည်ပြီးတော့ အမျိုးမျိုးကွာခြားကြပါတယ်။ စကားပြောသီးသန့်လေ့လာနိုင်တဲ့ အတန်းတွေရှိသလို၊ ဂျပန်စာအခြေခံအတန်းများ၊ ဂျပန်စာအဆင့်အမြင့်အတန်းများ အထိ အမျိုးမျိုးရှိနိုင်ပါတယ်။ အများအားဖြင့် အဖွဲ့လိုက်လေ့လာလို့ရမယ့်အတန်းတွေ အစသဖြင့်တွေ့နိုင်ပါတယ်။ ဥပမာ တချို့ကို ကြည့်လိုက်ကြရအောင်။
- マンツーマン学習 - mantsūman gakushū တစ်ယောက်ချင်းအတန်းများ။
- グループ学習 - gurūpugakushū အဖွဲ့လိုက်သင်တန်းများ။
- オンライン マンツーマン学習 - onrain mantsūman gakushū အွန်လိုင်း တစ်ယောက်ချင်းသင်တန်းများ။
- オンライン グループ学習 - onrain gurūpugakushū အွန်လိုင်းအဖွဲ့လိုက်သင်တန်းများ။
နောက်ပိုင်းမှာတော့ လူကိုယ်တိုင်တက်လို့ရတဲ့ အတန်းတွေရော၊ အွန်လိုင်းကနေ လေ့လာလို့ရတဲ့ အတန်းတွေပါလေ့လာနိုင်ပါတယ်။ နောက်ပြီးတော့ ကလေးတွေနဲ့ အတူတူတက်လို့ရတဲ့ အတန်းတွေလဲရှိသလို တက်လို့မရတဲ့အတန်းတွေလဲရှိပါတယ်။ ပုံမှန်အတန်းတွေအပြင် တခြား ဂျပန်ယဥ်ကျေးမှုနဲ့ ပတ်သက်တဲ့ လေ့လာရေးတွေလဲရှိပါတယ်။ ဥပမာ - ဂျပန်မုန့်လုပ်ခြင်း၊ ပန်းကြည့်ခြင်း အစရှိတဲ့ activity တွေကိုလဲ ပါဝင်နိုင်ပြီးတော့ ဂျပန်လူမျိုးတွေနဲ့ အတူတူစကားပြောရင်းယှဥ်ကျေးမှုတွေလဲ ဖလှယ်နိုင်ပါတယ်။ တချို့နေရာတွေမှာတော့ ဒီလိုမျိုး activity တွေမရှိတာလဲရှိပါတယ်။
အချိန်နဲ့ သင်တန်းကြေးက ဘယ်လိုအခြေအနေမျိုးမှာရှိလဲ။
အချိန်တွေကလဲ အမျိုးမျိုးရှိပါတယ်။ တစ်ပတ်လုံးတက်နိုင်တဲ့ အချိန်တွေလဲရှိသလို၊ ၁ ရက်သာတက်လို့ရတဲ့ အတန်း၊ ၂ ရက်တက်လို့ရတဲ့ အတန်းတွေလဲရှိပါတယ်။
ပေးရတဲ့အသင်းဝင်ကြေးကလဲ အမျိုးမျိုူးရှိပါတယ်။ တချို့ အဖွဲ့ အစည်းတွေကတော့ ဝင်ကြေးအခမဲ့ ရှိသလို၊ တချို့အတန်းတွေကတော့ Semester အလိုက်ပေးရတာမျိုးတွေလဲရှိပါတယ်။ တချို့ကျောင်းတွေကတော့ လအလိုက်၊ တချို့ကျောင်းတွေကတော့ ကိုယ်တက်တဲ့ အကြိမ်အရေအတွက်အလိုက် ပေးရတာမျိုးတွေလဲရှိပါတယ်။ အောက်မှာ သင်တန်းရှာတဲ့ အချိန်မှာ အသုံးဝင်မယ့် တချို့စကားလုံးတွေကို ဥပမာတွေနဲ့ အတူကြည့်လိုက်ကြရအောင်။
- 会費 - kaihi - အသင်းဝင်ကြေး။
- なし - nashi - မရှိ/အခမဲ့။
- 500円/1回 - 〇〇en/〇〇kai - 〇〇ယန်း/〇〇ကြိမ်။
- 3000円/年 - 〇〇en/nen - 〇〇 ယန်း/တစ်နှစ်။
- 1000円/月- 〇〇en/tsuki - 〇〇 ယန်း/တစ်လ။
- 2000円/１期 - 〇〇en/〇〇ki - 〇〇 ယန်း/〇〇ပညာသင်ကာလ။
အများအားဖြင့် အပေါ်မှာဖော်ပြခဲ့တဲ့ ပုံစံလိုမျိုးတွေ့ရတာများပါတယ်။ ဝင်ကြေးတွေကတော့ အခမဲ့ကနေ တစ်သောင်းကျော်အထိရှိတဲ့ အတန်းတွေလဲရှိပါတယ်။
ဂျပန်ပညာဒါနအတန်းတွေကို ရှာနိုင်မယ့် ဝက်ဘ်ဆိုက်များ။
အရေးကြီးဆုံးအချက်ကတော့ ဒီလိုသင်တန်းတွေကို ဘယ်လိုရှာရမလဲဆိုတဲ့ အချက်ဖြစ်ပါတယ်။ ဒီဆောင်းပါးမှာတော့ မိမိလက်ရှိနေထိုင်နေတဲ့ နေရာအလိုက် ပညာဒါနကျောင်းတွေကို ဘယ်လိုရှာရမလဲ ဆိုတဲ့ အချက်တွေနဲ့ ဝက်ဘ်ဆိုက်တွေကို မိတ်ဆက်ပေးသွားပါ့မယ်။
တိုကျို
ပထမဆုံးမှာတော့ Tokyo Metropolitan Foundation TSUNAGARI လို့ခေါ်တဲ့ ဝက်ဘ်ဆိုက်ကိုမိတ်ဆက်ပေးပါ့မယ်။ ဒီဝက်ဘ်ဆိုက်မှာဆိုရင်တော့ တိုကျိုမှာရှိတဲ့ နေရာတွေအကုန်လုံးအတွက် ပညာဒါနသင်တန်း တွေကို အကုန်လုံးရှာဖွေနိုင်ပါတယ်။ ဝက်ဘ်ဆိုက်မှာ သင်တန်းဝက်ဘ်ဆိုက်တွေမှာ တခါတည်းဖော်ပြထားတဲ့ အတွက်ကြောင့်မို့လို့ အဆင်ပြေတဲ့ အတန်းတွေ့ရင် ဝက်ဘ်ဆိုက်မှာတခါတည်းအတွက်ကြောင့်မို့လို့ တခါတည်းစာရင်းသွင်းနိုင်ပါတယ်။ နောက်ပြီးတော့ ဂျပန်စာ၊ အင်္ဂလိပ်စာ၊ တရုတ်စာ၊ကိုးရီးယားဘာသာစကားတို့နဲ့ ရှာနိုင်ပါတယ်။ နောက်ပြီး Furigana နဲ့လဲ ရှာနိုင်တဲ့ အတွက်ကြောင့်မို့လို့ အဆင်ပြေပါတယ်။
Kanagawa
နောက်ဝက်ဘ်ဆိုက်တစ်ခုကတော့ Kanagawa International Foundation ဖြစ်ပြီးတော့ စီရင်စုအတွင်းမှာရှိတဲ့ နေရာတွေမှာ ဖွင့်လှစ်ထားတဲ့ ပညာဒါနအတန်းတွေကို ရှာဖွေပြီးတက်ရောက်နိုင်ပါတယ်။ Yokohama မှာနေတဲ့ သူတွေအတွက်ဆိုရင်လဲ Yokohama Nihongo Support Center ဆိုတဲ့ ဝက်ဆိုက်မှာရှာနိုင်ပါတယ်။
Chiba
Chiba မှာရှိတဲ့ ဂျပန်စာအတန်းတွေကိုတော့ Chiba Convention Bureau and International Center ဆိုတဲ့ ဝက်ဘ်ဆိုက်မှာဝင်ရှာနိုင်ပါတယ်။
Saitama
နောက်ဆုံး Saitama မှာ ရှိတဲ့ သင်တန်းတွေကိုတော့ Saitama International Association ဆိုတဲ့ ဝက်ဘ်ဆိုက်ကနေ ထုတ်ထားတဲ့ စာရင်းမှာ ဝင်ကြည့်နိုင်ပါတယ်။ ဒီဇယားကိုတော့ ၂၀၂၃ ခုနှစ်၊ အောက်တိုဘာလ ရဲ့စာရင်းအတိုင်းထုတ်ပြန်ထားတဲ့ အတွက်ကြောင့်မို့လို့ အနည်းအငယ် ကွဲလွဲမှုတွေရှိနိုင်ပါတယ်။
အကျဥ်းချုပ်
ဒီဆောင်းပါးမှာတော့ ဂျပန်ရောက်ပြီးတော့ ဂျပန်စာလေ့လာဖို့ အချိန်မရှိတဲ့သူတွေ၊ နောက်ပြီးတော့ ဂျပန်နိုင်ငံရဲ့ ပတ်ဝန်းကျင်နှင့်လူနေမှုတွေကို ရင်းနှီးကျွမ်းဝင်ကျင်တဲ့ သူတွေအတွက် အဆင်ပြေနိုင်မယ့် ဂျပန်နိုင်ငံရဲ့ အမြို့မြို့နယ်နယ်မှာဖွင့်ထားတဲ့ စျေးသက်သာပြီးတွေ၊ တက်နိုင်တဲ့အချိန်တွေ အဆင်ပြေမယ့် အတန်းတွေကို ဖော်ပြလိုက်ပါတယ်။
.png)
