ဂျပန်နိုင်ငံရဲ့ မြို့တော်ဖြစ်တဲ့ တိုကျိုအတွင်းမှာ လုပ်ငန်းကြီးတဲ့ဟိုတယ်တွေ အများကြီးရှိပြီးတော့ စီးပွားရေးအချက်အချာကျတဲ့ ဘူတာဖြစ်တဲ့ Shinagawa ဘူတာမှာတည်ရှိတဲ့ The Strings by InterContinental Tokyo ဟိုတယ်မှာကတော့ ကောင်းမွန် အဆင့်မြင့်လှတဲ့ ဝန်ဆောင်မှုတွေကိုပေးလျက်ရှိပါတယ်။
InterContinentalလို့ပြောလိုက်တာနဲ့ ကမ္ဘာ့ပထမဆုံးအဆင့်မြင့် ဟိုတယ်အမှတ်တံဆိပ်ဖြစ်ပါတယ်။ ဒီဟိုတယ်မှာတော့ နိုင်ငံပေါင်းစုံကလူတွေ လာရောက်တည်းခိုးလေ့ရှိကြပြီးတော့ ဧည့်သည်တစ်ဦးချင်းစီကိုတော့ အကောင်းမွန်ဆုံးဝန်ဆောင်မှုပေးနိုင်ဖို့အတွက် ကမ္ဘာ့အရပ်ရပ်က ဝန်ထမ်းတွေကလဲ ကြီးမားအရေးကြီးတဲ့ နေရာကနေပြီးတော့ ပါဝင်လျက်ရှိပါတယ်။
ကမ္ဘာ့ အဆင့်မှီနာမည်ကြီးတဲ့ ဟိုတယ်ဖြစ်တဲ့ အတွက်ကြောင့်မို့လို့ အလုပ်လုပ်ရတာလဲ အဆင်ပြေတဲ့ အပြင် ဂျပန်နိုင်ငံရဲ့ နာမည်ကြီးတဲ့ ဧည့်ဝတ်ကျေပွန်တဲ့ ယဥ်ကျေးမှုကို ဖော်ဆောင်တဲ့ အချိန် မှာဘယ်လိုမျိုး အခက်အခဲတွေရှိနိုင်မလဲ။ WeXpats Agent ကိုအသုံးပြုပြီးတော့ The Strings ဟိုတယ်မှာ အလုပ်ဝင်နေတဲ့ သူနှစ်ယောက်ကို မေးမြန်းခဲ့ပါတယ်။
ဘယ်ဘက် - Ren (တရုတ်နိုင်ငံ၊ ၂၀၀၂၃ ခုနှစ်မှာအလုပ်စဝင်၊မားကင်းဝင်းဌာန။)
ညာဘက် -Suman (နီပေါနိုင်ငံသား၊ ၂၀၀၂၃ ခုနှစ်မှာအလုပ်စဝင်၊ဧည့်ကြိုပို့ဌာန။)
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
「တိုကျိုဆန်ဆန်နှင့် အရောင်အသွေးစုံလင်မှု 」ဝန်ထမ်းတစ်ဦးချင်းစီကို လေးစားပေးတဲ့ ဟိုတယ်။
―― The Strings by InterContinental Tokyo ဟိုတယ်မှာကတော့ ကောင်းမွန် အဆင့်မြင့်လှတဲ့ ကမ္ဘာ့အဆင့်မှီဟိုတယ်ဖြစ်ပါတယ်။ ဟိုတယ် အသီးသီးမှာ Concept အမျိုးမျိုးရှိကြမယ်ထင်ပေမယ့် The Strings ဟိုတယ်ရဲ့ Concept လေးကိုပြောပြလို့ရနိုင်မလား။
Ren
Concept ကတော့ 「Tokyo, personally orchestrated.ဖြစ်ပြီးတော့ ဧည့်သည်တစ်ဦးချင်းစီကို တာဝန်ကျေပွန်တဲ့ တိုကျို ဆိုတဲ့ အဓိပ္ပာယ်ဖြစ်ပါတယ်။ အဖွဲ့လိုက် တစ်ခုချင်းစီ စည်းလုံးပြီးတော့ သံစုံတီးဝိုင်းကြီးလိုမျိုး လှပတဲ့ သံစဥ်တွေ ထွက်လာပြီး ဝန်ဆောင်မှုပေးနိုင်တဲ့ အဖွဲ့ကို မျှော်မှန်းလျက်ရှိပါတယ်။
―― သေချာကြည့်လိုက်မှ အဆောက်အအုံဒီဇိုင်းကလဲ တေးဂီတဘက်ကို ပုံဖော်ထားတယ်နော်။
Suman
နောက်ပြီးတော့ အဝေးကြီးကနေ လာကြတဲ့ ဧည့်သည်တွေကို တိုကျို ဆိုတာကိုသေချာပြသနိုင်ဖို့ အတွက်
「多様性 - အမျိုးအစားစုံလင်ခြင်း」ဆိုတဲ့စကားလုံးကိုလဲ အလေးပေးဖော်ပြလျပ်ရှိပါတယ်။
―― 「တိုကျိုဆန်ခြင်းနှင့် 」နှင့် 「အမျိုးအစားစုံလင်ခြင်း」ပေါ့နော်။
Suman
ဟုတ်ကဲ့၊ တိုကျိုနဲ့ ကမ္ဘာ့နာမည်ကြီး မြို့တစ်မြို့ဖြစ်တဲ့ အတွက်ကြောင့်မို့လို့ ကမ္ဘာ့အရပ်ရပ်က လူတွေ လာစုကြပါတယ်။ ဂျပန်နိုင်ငံရဲ့ ယဥ်ကျေးမှုနဲ့ဟာမိုနီတို့ ပေါင်းစပ်ပြီးတော့ တိုကျိုရဲ့ ထူးခြားမှုတွေကိုပြသလျက်ရှိပါတယ်။
The Strings ဟိုတယ် တိုကျိုကနေပြီးတော့တွေးထားတဲ့ တိုကျိုဆန်မှုဆိုတာလဲ ဒီလို ဟာနဲ့ ထပ်တူကျပါတယ်။ ဝန်ထမ်းတွေကလဲ Background ပုံစံအမျိုးမျိုးနဲ့ဖြစ်တဲ့ အတွက်ကြောင့်မိုလို့ ဒီလိုဝန်ထမ်းတွေကလဲ ထူးထူးချွန်ချွန် နဲ့ တာဝန်တွေကို ထမ်းဆောင်ရင်း နိုင်ငံတကာစံနှုန်းအလိုက် ကြိုးစားပြီးတော့ ဂျပန်နိုင်ငံရဲ့ ရိုးရာယဥ်ကျေးမှုဖြစ်တဲ့ တာဝန်စွာဧည့်ခံခြင်းဆိုတဲ့ ယဥ်ကျေးမှုကိုလဲ သေချာလိုက်နာကျင့်သုံးလေ့ရှိကြပါတယ်။
―― တစ်နည်းအားဖြင့် Suman နှင့် Renတို့လို ပြည်ပနိုင်ငံသားတွေက တက်တက်ကြွကြွနဲ့ အလုပ်လုပ်နေတဲ့ အတွက်ကြောင့်မို့လို့ The Strings ဟိုတယ် ရဲ့ တိုကျိုဆန်မှုကလဲ ပြီးပြည့်စုံလျက်ရှိတာပေါ့နော်။
Suman
ဟုတ်ပနော်။ ဂျပန်လူမျိုးဝန်ထမ်းတွေလဲ တစ်ပုံစံတည်းပြောကြတယ်။ နည်းနည်းရှက်ပေမယ့် ပျော်ပါတယ်။ (ရယ်ရင်း)
―― အရမ်းကိုလှပတဲ့ Concept လေးလို့ထင်ပါတယ်။ ဒါနဲ့ နှစ်ယောက်က ဘယ်လိုအလုပ်တွေ လုပ်နေတာလဲ။
Ren
ကျွန်မကတော့ မားကင်းတင်းဌာနမှာ အလုပ်လုပ်နေပါတယ်။ မီဒီယာနှင့် နာမည်ကြီး influencer တွေနဲ့ ဆက်ဆံရတာတို့၊ flyer တို့၊ ကြေညာဖို့အတွက် ဒီဇိုင်းတွေ လုပ်ရတာမျိုးတွေရှိပါတယ်။ နောက်ပြီးတော့တခြား နေရာမှင့် ပူးပေါင်းပြီးတော့ ကြေညာတာမျိုးတွေကိုလဲ ပြုလုပ်လေ့ရှိကြပါတယ်။
Suman
ကျွန်တော်ကတော့ တည်းခိုရေးဌာနမှာ တာဝန်ယူထားပြီးတော့ လာရောက်တည်ခိုတဲ့ သူတွေ အတွက် ကောင်းမွန်တဲ့ အတွေ့အကြုံတွေကို တွေ့ကြုံနိုင်ဖို့အတွက် တစ်ယောက်ချင်းစီရဲ့ လိုအပ်ချက်တွေကိုသေချာသိထားပြီးတော့ ဧည့်သည်တွေကျေနပ်အောင် ဝန်ဆောင်မှုပေးနိုင်ိဖု့ ကြိုစားလျက်ရှိပါတယ်။
―― တကယ်အလုပ်လုပ်ကြည့်ပြီးတော့ အလုပ်လုပ်ရတာအဆင်ပြေတယ်လို့ ထင်တဲ့ အချက်က ဘယ်အချက်တွေလို့ထင်ပါသလဲ ။
Suman
အားလုံးထက် ဝန်ထမ်းတွေကြားထဲမှာ အပြန်အလှန် ဆက်သွယ်ရတာ လွယ်ကူတဲ့ အချက်ဖြစ်ပါတယ်။ နောက်ပြီးတော့ လုပ်ငန်းခွင်ထဲမှာဆိုရင်လဲ ဂျပန်လိုနှင့် အင်္ဂလိပ်လို နှစ်မျိုးစလုံးကို အသုံးပြုနိုင်တဲ့ သူတွေလဲ အများကြဓီရှိတဲ့ အတွက်ကြောင့်မို့လို့ ကျွန်မ မကြားလိုက်တာမျိုးတွေရှိရင် အင်္ဂလိပ်လိုနဲ့ပြန်ပြီးတော့ ရှင်းပြပေးပါတယ်။ နောက်ပြီးတော့ ရုံးတွင်းမှာ အသုံးပြုတဲံ အီးမေးလ်ကိုလဲ ဂျပန်ဘာသာနှင့် အင်္ဂလိပ်ဘာသာ နှစ်မျိုးစလုံးနှင့် ပို့တဲ့ အတွက်ကြောင့်မိုလို့ အင်္ဂလိပ်စာပြောတဲ့ နိုင်ငံကလူတွေအတွက် အရမ်းကိုအဆင်ပြေပါတယ်။
Ren
ကျွန်မလဲ ထောက်ခံပါတယ်။ Concept ဖြစ်တဲ့ 「Tokyo, personally orchestrated တိုကျိုဆန်ဆန်အားလုံးကိုပူးပေါင်းဆောင်ရွက်ပြီးဆိုတဲ့ အချက်ကို ပြည့်နိုင်ဖို့အတွက်ကတော့ ဌာနတွေကို ကျော်လွန်ပြီးတော့ ဝန်ထမ်းတွေ အချင်ချင်း တိုင်တိုင်ပင်ပင်နဲ့ အလုပ်အတူတူ လုပ်ရင်း ရင်းနှီးမှုရသွားဖို့လိုအပ်ပါတယ်။ဒါကြောင့်မို့လို့ ဝန်ထမ်းအချင်းချင်းကြားမှာ ပြောဆိုဆက်ဆံရေးက အရမ်းကို အရေးကြီးလာပါတယ်။ အဲဒီအတွက်ကိုလဲ အမျိုးမျိုး ကြိုးစာပြုလုပ်လျက်ရှိပါတယ်။
ဥပမာအနေနဲ့ အပြင်က ဆရာတွေကိုခေါ်ပြီးတော့ဘာသာစကားလေ့လာရေးအတန်းတွေကိုဖွင့်ပေးတာမျိုးရှိပါတယ်။ တစ်ပတ် ၁ ကြိမ် ဂျပန်စာနှင့် အင်္ဂလိပ်စာ ကို သင်ကြားပြသပေးလေ့ရှိတဲ့ အတွက်ကြောင့်မို့လို့ ဒီနေရာမှာ ဝန်ထမ်းအချင်းချင်းလဲ ရင်းနှီးမှုတွေ ရသွားကြပါတယ်။
―― အခုအင်တာဗျုးကလဲ ဂျပန်လိုမေးနေပေမယ့် နှစ်ယောက်စလုံး ယဥ်ကျေးတဲ့ ဂျပန်စာအသုံးအနှုန်းတွေ အရမ်းတော်တယ်နော်။
Suman
ကျေးဇူးတင်ပါတယ်။ ဒါကတော့ ဘာသာစကားသင်ကြားရေးတွေကြောင့်လို့ထင်ပါတယ်။ The Strings ဟိုတယ် မှာတော့ အဆင့်မြင့် ဂျပန်စာကိုပြောဆိုနိုင်ဖို့လိုအပ်တဲ့ အတွက်ကြောင့်မို့လို့ ကိုယ့်ဘာသာလေ့လာရင်တော့ အဲလောက်အတိုးတက်လာနိုင်ပါဘူး။ဂျပန်လူမျိုးဝန်ထမ်းတွေနဲ့ စကားပြောဆိုဆက်ဆံရတာလဲပိုပြီးတော့ ပျော်လာပါတယ်။ အရမ်းကိုမှ ကျေးဇူးတင်ဖို့ကောင်းပါတယ်။
Ren
ဟုတ်ပါတယ်။ ကျွန်မလဲ အင်္ဂလိပ်စာအတွက်သင်တန်းရှိတာ အရမ်းကိုကျေနပ်မိပါတယ်။ လက်တွေ့အသုံးချနိုင်တဲ့ လုပ်ငန်းသုံးအသုံးအနှူန်းတွေ သင်ယူနိုင်ပြီးတော့ အလုပ်မှာသာမက လက်တွေ့ဘဝမှာပါ အသုံးဝင်ပါတယ်။
―― တခြားရော ကြိုးစားပြီးလုပ်ဆောင်နေတာမျိုးတွေရှိပါသလား။
Ren
အားကစားပြိုင်ပွဲတွေနှင့် နှစ်သစ်ကူးပွဲတော်တွေ၊ ဝန်ထမ်းအားလုံး အတူတူပါဝင်နွဲလို့ရတဲ့ အခွင့်အလမ်းတွေလဲရှိပါတယ်။ နောက်ပြီးတော့ အလုပ်အားပေးအဖွဲ့လဲ ရှိပြီး ကျွန်မလဲ အဖွဲ့ ဝင်တစ်ယောက်အနေနဲ့ ဝင်ရောက်ပါဝင်လျက်ရှိပါတယ်။
Suman
ဝန်ထမ်းတွေအားလုံးက စကားပြောရတာကြိုက်တဲ့ သူတွေချည်းပဲဖြစ်တဲ့ အတွက်ကြောင့်မလို့ ပထမဆုံးတွေ့တဲ့ သူတွေကလဲ သိပ်မကြာခင် သူငယ်ချင်းတွေဖြစ်သွားတာများပါတယ်။ နာမည်တောင်သေချာ မသိပေမယ့် အတူတူလုပ်လုပ်နေတယ်ဆိုတဲ့ စိတ်နဲ့ စကားတွေ သေချာပြောဖြစ်ပါတယ်။ဥပမာ ဓာတ်လှေကာစီးတဲ့ အချိန်မျိုးတွေမှာလဲ ဖုန်းကြည့်နေတာမျိုးထက် အပြန်အလှန်စကားပြောလေ့ရှိကြပါတယ်။
Ren
ဂျပန်မှာနေထိုင်နေတုန်းကတော့ Culture Shock ဖြစ်ဖူးတာတွေ အများကြီးကြုံခဲ့ဖူးခဲ့ပေမယ့် ဒီဟိုတယ်မှာ အလုပ်ဝင်ပြီးကတည်းကနေပြီးတော့ တခေါက်မှ အဲလိုမကြုံဖူးသေးပါဘူး။ တစ်ဖက်လူအတွက်တွေးပေးတတ်တဲ့ သူတွေချည်းစုနေကြတဲ့ အတွက်ကြောင့်မို့လို့ ပိုစကားပြောပြီးတော့ ပိုပြီးတော့ ရင်းနှီးလာကြတာတွေများပါတယ်။
―― Backgrounds နဲ့ Culture ကိုအပြန်အလှန် လေးထားကြတယ်ပေါ့နော်။
Ren
ဟုတ်ပါတယ်။ အပြန်အလှန်ဆက်သွယ်စကားပြောကြတာအပြင် အဲဒါကိုလဲ အလေးထားကြတယ်လို့ထင်ပါတယ်။ ဥပမာ တရုတ်မှာဆိုရင် ဇန်နဝါရီလ ၁ ရက်နေ့ထက် လပြက္ခဒိန် က နှစ်သစ်ကိုပိုပြီးတော့အလေးထားပြီးဂုဏ်ပြုလေ့ရှိကြပါတယ်။ ဒီလိုမျိုး ယဥ် ကျေးမှုမတူတာကိုအလေးထားပြီးတော့ နွေဦးရာသီမှာ ကျွန်မကို နားလဲရတယ်ဆိုပြီးတော့ ပြောပေးပါတယ်။ဒီလိုမျိုးအနေအထားကလဲ The Strings ဟိုတယ်မှာပဲရှိတယ်လို့ထင်ပါတယ်။
Suman
အလုပ်ကိုလဲ မပျက်ကွက်ရလေအောင် ဂရုစိုက်ရပေမယ့် တည်းခိုလုပ်ငန်းတွေကြားထဲမှာဆိုရင် တော်တော်လေး ခွင့်ယူရလွယ်တဲ့ နေရာလို့ဆိုနိုင်ပါတယ်။ ကျွန်တော် နီပေါကိုပြန်တုန်းကလဲ ၁ လလောက် ခွင့်ယူခဲ့သေးတယ်။ ကိုယ့်နိုင်ငံကိုပြန်တဲ့ အချိန်မှာဆိုရင် တတ်နိုင်သလောက် ပိတ်ရက်ရှည်လိုချင်ပါတယ်။ Shift နှင့် ကိုယ်တာဝန်ယူထားတဲ့ လုပ်ငန်းကိုသာသေချာ ညှိနိုင်ရင်တော့ ခွင့်ရက် အရှည်ကိုယူနိုင်ပါတယ်။ ဒါကြောင့်မို့လို့ ၅ နှစ်ကြာပြီးမှ နီပေါမှာပျော်ပျော်ရွှင်ရွှင်နဲ့ ဖြတ်သန်းနိုင်ပါတယ်။
―― အဆင့်မြင့်ဟိုတယ်ရဲ့ နောက်ကွယ်မှာ ဝန်ထမ်းတွေရဲ့ အလုပ်အဆင်ပြေပုံနှင့် ကိုယ်ပိုင်အချိန် ပြီးပြည့်စုံမှုတွေလဲ သေချာရှိနေတာပဲနော်။
စာရေးသူရွေးချယ်သောဆောင်းပါး
အရမ်းကို ကောင်းမွန်တဲ့ အလုပ်အကိုင်ထောက်ပံ့မှု「အကျင့်စရိုက်အရအလုပ်ခန့်ခြင်း」
―― ဒီကနေပြီးတော့ အလုပ်ခန့်ထားတဲ့ သူတွေနဲ့ အသက်မွေးဝမ်းကြောင်းနှင့် ပတ်သက်တဲ့ အကြောင်းအရာတွေကိုလဲပြောပြပါအုံး။ ဘယ်လိုမျိုးဝန်ထမ်းတွေကို အသက်မွေးဝမ်းကြောင်းနှင့်ပတ်သက်ပြီးတော့ အထောက်အပံ့အကူအညီတွေကိုပေးလေ့ရှိပါသလဲ။
HR ဌာန၊ အလုပ်ခန့်ထားရေးတာဝန်ခံ
အစိုးရစစ်စာမေးပွဲတွေကို အောင်ထားတဲ့ တာဝန်ခံတွေလဲရှိပြီးတော့ တစ်ယောက်ချင်းစီသေချာ ဝန်ထမ်းတွေရဲ့ တစ်ဦးချင်းစီသွားချင်တဲ့ အသက်မွေးဝမ်းကြောင်းအတွက်တိုင်ပင်ဆွေးနွေး တိုင်ပင်ပေးလျက်ရှိပါတယ်။ ဥပမာ ဧည့်ကြိုကောင်တာကနေပြီးတော့ တခြားဌာနေတွကိုပြောင်းချင်တဲ့ သူတွေအတွက် လဲ ပြောင်းလို့ရပါသေးတယ်။
―― ဘယ်လိုမျိုး အသက်မွေးဝမ်းကြောင်း လမ်းကြောင်းတွေကို ရွေးချယ်ဖို့စဥ်းစားထားလဲ။
Ren
ရေတို ရည်မှန်းချက်ကတော့ ဘာသာစကားကိုအသုံးချပြီးတော့ မားကင်းတင်းကိုပြုလုပ်ပြီးတော့ နိုင်ငံမျိုးမျိုးကလူတွေကို ရောက်သွားစေဖို့ဖြစ်ပါတယ်။ ဒါကြောင့်မို့လို့ အခုနကပြောခဲ့တဲ့ ဘာသာစကားလေ့လာတဲ့ ထရိန်နင်တွေကို သေချာ အသုံးချပြီးတော့ အင်္ဂလိပ်စာကို ကျွမ်းကျင်အောင်ပြုလုပ်နေပါတယ်။ မကြာခင်မှာ TOEIC လဲဖြေဖို့ အစီအစဥ်ရှိပါတယ်။
နောက်ပြီးတော့ ၅ နှစ်နှင့် ၁၀ နှစ်ကြာပြီးနောက်မှာတော့ မာကင်းတင်းဌာနာမှာ မန်နေဂျာ၊ ဒါရိုက်တာ အဖြစ် ဆောင်ရွက်ချင်ပါတယ်။ လက်ရှိမှာတော့ အစီအစဥ်တစ်ခုလုံးရဲ့ တစ်စိတ်တစ်ပိုင်းမျှသာ ဝာာဝန်ယူဆောင်ရွက်လျက်ရှိပေမယ့် ကျွန်မလဲ စီနီယာတွေလိုမျိုး အစီအစဥ်ဆွဲတာတို့ အစီအစဥ် တစ်ခုလုံးကိုကြည့်တာတို့လုပ်ချင်ပါတယ်။
―― Suman ကရော ဘယ်လိုမျိုးရည်မှန်းချက်တွေရှိပါသလဲ။
Suman
ကျွန်တော်ကတော့ နီပေါမှာ ရှိစဥ်ကတည်းက ဟိုတယ်မှာ အလုပ်လုပ် ဖို့ကကျွန်တော့်ရဲ့ ရည်မှန်းချက်ဖြစ်ပါတယ်။ နောက်ပြီးတော့ The Strings ဟိုတယ် လိုမျိုးဟိုတယ်မှာ အလုပ်လုပ်ရတာက ကျွန်တော့်အတွက် ရည်မှန်းချက်တွေအကောင်အထည်ဖော်ပြီးသားလို့ပြောလို့ရပါတယ်။ (ရယ်ရင်း)
ဒါပေမယ့် လက်ရှိအခြေအနေနဲ့ ရောင့်ရဲ့ နိုင်ခြင်းမရှိသေးဘဲ ဒီထက်ပိုကောင်းတဲ့ ဝန်ဆောင်မှုတွေကို ပေးစွမ်းနိုင်အောင် ကြိုးစားချင်ပါတယ်။ ဧည့်သည်ရဲ့အပြုံကို မြင်ရတာကတော့ ကျွန်တော့် အတွက်ဘာနဲ့မှ လှဲလို့မရလောက်ေအာင်ကိုပျော်ပါတယ်။ နောက်ပိုင်းမှာလဲ ဧည့်သည်နဲ့ တိုက်ရိုက်ဆက်ဆံပြောဆိုလို့ရတဲ့ နေရာမျိုးမှာ သေချာလုပ်နိုင်အောင်ကြိုးစားသွားပါမယ်။
HR ဌာန၊ အလုပ်ခန့်ထားရေးတာဝန်ခံ
Suman ကတော့ အင်တာဗျုးမတိုင်ခင် ၁ လလောက်ကတည်းက ရာထူးတိုးပြီးသားဖြစ်ပါတယ်။
―― ဂုဏ်ယူပါတယ်။
Suman
ကျေးဇူးအများကြီးတင်ပါတယ်။ ဂျပန်စာ ပိုကျွမ်းလာအောင်လုပ်ပြီးတော့ ပိုပြီးစိတ်နစ်ပြီးတော့ အလုပ်လုပ်ပါမယ်။
Ren
ကျွန်မကိုယ်တိုင်လဲ Suman အလုပ်လုပ်နေတာကိုကြည့်ပြီးတော့ အရမ်းကိုအားကျရပါတယ်။ ကြေညာဖို့အတွက် ဗီဒီယိုရိုက်တဲ့ အချိန်မှာ Suman က ကူညီပေးဖူးပါတယ်။ အိပ်ယာ နံဘေးမှာထားတဲ့ ငှက်ဖြူအရုပ်လေးကို သေချာစိတ်နစ်ပြီးတော့လုပ်ပြီးတော့ သေသေချာချာကို အလှဆင်နေတာကိုကြည့်ပြီးတော့ ဧည့်သည်တွေနှင့် အလုပ်ဖော်ကိုင်ဖက်တွေအတွက် ပုံမှန်အတိုင်းကြိုးစားနေတဲ့ သူပါလားလို့ ထင်မိပါတယ်။
―― အရမ်းကိုကောင်းတာပဲနော်။ အင်တာဗျုးကိုဖတ်ပြီးတော့ The Strings ဟိုတယ် ကိုစိတ်ဝင်စားတဲ့ သူတွေလဲရှိလာလိမ့်မယ်လို့ထင်ပါတယ်။ ဘယ်လိုအချက်တွေကိုကြည့်ပြီးတော့ အလုပ်ခန့်လေ့ရှိသလဲ။
Suman နှင့် Ren တို့ပြောခဲ့သလိုမျိုး လူတွေရဲ့ အကျင့်စရိုက်ကို အဓိက ဦးစားပေးပြီးတော့ ကြည့်ပါတယ်။ အလုပ်လုပ်နိုင်တဲ့ သူဖြစ်တဲ့ အပြင် အဖွဲ့လိုက်အလုပ်လုပ်နိုင်တဲ့ သူမျိုးဖြစ်ပြီး နိုင်ငံတကာနှင့် ရင်ဘောင်တန်းပြီးတော့ အရာအားလုံးကို လက်ခံနိုင်တဲ့ သူမျိုးအတွက်တော့ အရမ်းကို အဆင်ပြေတဲ့ အလုပ်ခွင်ဖြစ်ပါတယ်။
Suman
ကျွန်တော်လည်းပဲ The Strings ဟိုတယ် မှာအလုပ်လုပ်စတုန်းကတော့ လုံးဝ အတွေ့အကြု့မရှိသေးပါဘူး၊ လုပ်ကြည့် ကြိုစားကြည့်ဖို့အတွက် အခွင့်အရေးပေးတဲ့ နေရာလို့ထင်ပါတယ်။ ဒါကြောင့်မို့လို့ စိတ်ဝင်စားရင် လှမ်းလျှောက်ကြည့်ဖို့ အကြံပေးချင်ပါတယ်။
Suman နှင့် Ren တို့အလုပ်ပြောင်းတဲ့ အချိန်မှာ အသုံးပြုခဲ့ကြတဲ့ နိုင်ငံခြားသားတွေအတွက် အလုပ်ပြောင်းအေဂျင်စီ 「WeXpats Agent」
ဒီတခေါက်အင်တာဗျုးမှာ ပါဝင်ခဲ့တဲ့ နှစ်ဦးကတော့ နိုင်ငံခြားသားတွေအတွက် သီးသန့် အလုပ်ပြောင်းအေဂျင်စီဖြစ်တဲ့ 「WeXpats Agent」ကို အသုံးပြုပြီးတော့ The Strings ဟိုတယ် ကိုအလုပ်ပြောင်းခဲ့ကြပါတယ်။
အလုပ်ပြောင်းအေဂျင်စီဆိုတာကတော့ ကျွမ်းကျင် အကြံပေးပုဂ္ဂိုလ်တွေရှိပြီးတော့ အလုပ်ပြောင်းတဲ့ အချိန်မှာ ကူညီပေးတဲ့ဝန်ေဆာင်မှုရှိဖြစ်ပါတယ်။ အလုပ်တွေကို မိတ်ဆက်ပေးတာအပြင် ကိုယ်ရေးရာဇဝင်တွေကိုလုပ်ပေးတာမျိုးတွေနှင့် အင်တာဗျုးအတွက် လေ့ကျင့်ပေးတာမျိုးတွေကိုလဲ ပြုလုပ်ပေးလျက်ရှိပါတယ်။ ဂျပန်မှာ အလုပ်ပြောင်းဖို့ အတွက််စိုးရိမ်ပူပန်နေသူများ စိတ်ချလက်ချနဲ့အသုံးပြုနိုင်ပါတယ်။
WeXpats Agent ရဲ့ ထူးခြားချက်များ
- ဘာသာပြန်၊ စကားပြန်တို့လိုမျိုး ဘာသာစကားစွမ်းရည်ကိုအသုံးပြုပြီးတော့ အလုပ်လုပ်နိုင်တဲ့ အလုပ်အမျိုးအစားများနှင့် ဂျပန်စာအရည်အချင်းမလိုအပ်တဲ့ အင်ဂျင်နီယာတို့လို အလုပ်တွေ၊ နိုင်ငံခြားသားတွေအတွက် အလုပ်လုပ်ရအဆင်ပြေတဲ့ နေရာတွေ အများကြီးရှိပါတယ်။
- အလုပ်အတွက် ကိုယ်ရေးရာဇဝင် ရေးပုံရေးနည်းနှင့် အင်တာဗျူးဖြေဆိုပုံဖြေနည်းတွေကိုလဲ သေချာလေ့ကျင့်ပေးပါတယ်။ နောက်ပြီးတော့ လုပ်ငန်းရဲ့ အရေးပါတဲ့ အပိုင်းတွေကိုလဲ သေချာပြောပြေပးပါတယ်။
- အင်တာဗျုးနေ့ကိုသေချာ ညှိနှိုင်းပေးပြီးတော့ လုပ်ငန်းဘက်နဲ့ အဆက်အသွယ်ကိုလဲ ကိုယ်စားပြုလုပ်ပေးပါတယ်။ စိတ်အခြေအနေနဲ့ အချိန်အတွက် စိတ်ပူစရာမရှိ အေးအေးဆေးဆေး ပြင်ဆင်နိုင်ပါတယ်။
.jpg)
