သင်သည် ဂျပန်ကုမ္ပဏီများတွင်အလုပ်လုပ်ရန်ဂျပန်ရုံးဝန်ထမ်းတစ်ယောက် အနေနဲ့ လုပ်ငန်းခွင်သုံးကျင့်ဝတ်များကို ကြိုတင်နားလည်ရန် လိုအပ်ပါတယ်။ ဂျပန်လူနေမှုအဖွဲ့အစည်းသည် စည်းကမ်းတင်းကြပ်ပြီး ယဥ်ကျေးမှုကို အလေးထားသောကြောင့် ဂျပန်ကုမ္ပဏီတစ်ခုသို့ အလုပ်၀င်ရန် သို့မဟုတ် ဂျပန်တွင်အလုပ်လုပ်ရန် ရည်ရွယ်ထားသူများသည် အလုပ်နှင့်ပတ်သက်သော ကျင့်ဝတ်များကို နားလည်ထားရန်လိုအပ်ပါတယ်။
ဦးညွှတ် နှုတ်ခွန်းဆက်ခြင်းနှင့်ပတ်သက်သော လုပ်ငန်းခွင်သုံးကျင့်ဝတ်
သင်သည် ကုမ္ပဏီ ၀န်ထမ်းတစ်ဦး ဖြစ်ပါက ဦးညွှတ် နှုတ်ခွန်းဆက်ခြင်းဟာ အခြေခံအကျဆုံးနဲ့အရေးကြီးဆုံး ဖြစ်ပါတယ်။။ အဓိကအချက်ကထိုင်ဖို့၊ ဘာမှလုပ်ဖို့မဟုတ်ဘဲမတ်တပ်ရပ်ပြီးခေါင်းကိုငုံ့ထားခြင်းဖြစ်သည်။
စာရေးသူရွေးချယ်သောဆောင်းပါး
၁)会釈(えしゃく) (15 ဒီဂရီ)
ပေါ့ပေါ့ပါးပါးနှုတ်ဆက်သည့် အနေအထားမျိုးဆိုရင် ၁၅ဒီဂရီလောက် မသိမသာခါးညွှတ်လျှင် အဆင်ပြေပါတယ်။ ပေါ့ပေါ့ပါးပါးနှုတ်ဆက်ပေမဲ့ ရပ်ပြီး ခေါင်းလေးငုံံ့လိုက်ရင် ယဥ်ကျေးတဲ့အပြုအမူဖြစ်သွားပါတယ်။
၂)敬礼(けいれい) (30 ဒီဂရီ)
ကုမ္ပဏီ၊ အဖွဲ့အစည်းများမှာအများဆုံး အသုံးပြုသောနှုတ်ဆက်နည်းဖြစ်ပါတယ်။
ခါးကနေခေါင်အထိဖြောင့်နေအောင်ဆန့်ပြီး ခန္ဓာကိုယ်ကို ၃၀ ဒီဂရီရှေ့သို့စောင်းပြီးနှုတ်ဆက်ရပါတယ်။ ရုံးတက်ရုံးဆက်ချိန်နှုတ်ဆက်ခြင်း၊ ဧည့်သည်လာရင်ကြိုဆို နှုတ်ဆက်ခြင်း၊ တစ်စုံတစ်ခုအမှားပြုမိသည့်အခါ
တောင်းပန်ခြင်းတွေမှာ ပြုလုပ်ရပါတယ်။
၃)最敬礼(さいけいれい) ( 45 ဒီဂရီ)
ကုမ္ပဏီမှာ အကြီးအကဲ၊ အရေးကြီးသောဧည့်သည်များနှင့် ကျေးဇူးတင်စကားကို
သေသေချာချာ လေးလေးနက်နက်ပြောရသည့်အခါ၊ အမှားကြီးကြီးမားမားပြုလုပ်မိလို့
တောင်းပန်ရသည့်အခါတွေမှာ ၄၅ ဒီဂရီ ဦးညွှတ်ခြင်းက အယဉ်ကျေးဆုံးအပြုအမူ ဖြစ်ပါတယ်။
ဂျပန်ကုမ္ပဏီများတွင် အလုပ်အင်တာဗျူးဖြေဆိုရာတွင် သိသင့်သောအချက်များ(Japan Work Interview)
OB・OG訪問（ほうもん）ကုမ္မဏီမဝင်ခင်ကုမ္မဏီအကြောင်းလေ့လာခြင်
ရုံးတွင်း နှုတ်ဆက်စကား ပြောဆိုခြင်းနှင့်ပတ်သက်သော လုပ်ငန်းခွင်သုံးကျင့်ဝတ်
ကုမ္ပဏီအတွင်း နှုတ်ဆက်စကား ပြောဆိုရာမှာ တက်တက်ကြွကြွနှင့် လှိုက်လှိုက်လှဲလှဲ ပြုလုပ်ရပါမယ်။
ရုံးတွင်းနှုတ်ဆက်စကားပြောဆိုခြင်းသည် တစ်ဦးနှင့် တစ်ဦးကြား ဆက်ဆံရေး တည်ဆောက်ရာတွင် အထူးအရေးပါသောအပြူအမူဖြစ်ပါတယ်။ ကုမ္ပဏီတွင်း တစ်စုံတစ်ယောက်နှင့် ဖြတ်သွား ဖြတ်လာ တွေ့ဆုံခဲ့လျှင် ဦးခေါင်းကို အနည်းငယ် ငုံ့၍ နှုတ်ဆက်ရမည်။ ဦးခေါင်းကို အနည်းငယ် ငုံ့ပြခြင်းသည်လည်း နှုတ်ဆက်ရပါမယ်။
လိပ်စာကဒ်လဲလှယ်ခြင်းနှင့်ပတ်သက်သော လုပ်ငန်းခွင်သုံးကျင့်ဝတ်
လုပ်ငန်းခွင်မှာ စတင်တွေ့ဆုံပြီး အပြန်အလှန်မိတ်ဆက်ပြီးနောက် လိပ်စာကတ်လဲကြပါတယ်။ရှေ့လျှောက် လုပ်ငန်းလုပ်ကိုင်ဖို့ အလုပ်ကိစ္စ ပေါ်ပေါက်လာတဲ့အခါ ဆက်သွယ်ရမည်ဖြစ်သောကြောင့် လိပ်စာကတ်လေးကပဲ အလွန်အရေးပါတဲ့ အခန်းကဏ္ဍမှာ ရှိပါတယ်။
ဂျပန်လို 名刺(めいし)交換(こうかん)လို့ပြောပါတယ်။ လိပ်စာကတ်လဲလှယ်ကြရာမှာ မတ်တပ်ရပ်ပြီး လက်နှစ်ဖက်နှင့်သေသေချာချာပေးရပါတယ်။လိပ်စာကတ်မှာပါတဲ့မိမိနာမည်ကို တဖက်လူက လက်ခံရယူလိုက်ပြီဆိုတာနဲ့ ချက်ချင်းဖတ်ကြည့်လို့ရအောင် သူ့ဘက်ကို မိမိနာမည်ကတ်ကိုလှည့်ပြီးပေးရပါမယ်။ယူတဲ့အခါ လက်နှစ်ဖက်နှင့် လေးစားစွာ
ယူရပါမယ်။လက်ထဲကိုလိပ်စာကတ်ရောက်လာပြီဆိုတာနှင့် ချက်ချင်းအိတ်ထဲမထည့်ပဲ ပေးတဲ့သူရဲ့လိပ်စာကတ်ကို သေချာကြည့်ပြီး သူ့နာမည် နဲ့ ကုမ္ပဏီအကြောင်းကို တစ်ခွန်းနှစ်ခွန်းလောက်ပဲ စကားဆက်စပ်ပြီးပြောသင့်ပါတယ်။ ပြီးမှ လိပ်စာကတ်ထည့်တဲ့အိတ်ထဲကို စနစ်တကျထည့်ရ
ပါမယ်။
ဖုန်းအဝင်ဖြေဆိုခြင်းနှင့်ပတ်သက်သော လုပ်ငန်းခွင်သုံးကျင့်ဝတ်
ဖုန်းခေါ်ဆိုခြင်းသည် လုပ်ငန်းသဘောအရအလွန်အရေးပါသောကြောင့် သတိထားရမည့်ကျင့်ဝတ်ဖြစ်ပါတယ်။အချို့သောရုံး၊ ကုမ္ပဏီများတွင် ဖုန်းဖြေဆိုမည့်ဝန်ထမ်းသီးသန့်ထားရှိပါတယ်။
၁)ဖုန်းမြည်သံ (၃)ခါအတွင်း ဖြေဆိုရန်
ဖုန်းလာလျှင် ဖုန်းမြည်သံ (၃)ခါအတွင်း ဖြေဆိုရန်လိုအပ်သည်။ အချိန်မီဖုန်းမကိုင်နိုင်ပါက စောင့်ဆိုင်းရတဲ့အတွက် အားနာပါတယ် ဟုမပျက်မကွက်ပြောရပါမယ်။
၂)တစ်ဖက်ကရှာနေသောသူ ရုံးထဲမှာမရှိပါက
တစ်ဖက်ကရှာနေသောသူသည် ရုံးထဲမှာမရှိပါက (〇သည်ယခုထိုင်ခုံမှာမရှိပါ။ဖုန်းပြန်လည်ခေါ်ဆိုပါ့မယ်)ဟု ပြောပြီး နာမည်၊ ဖုန်းခေါ် ဆိုရသည့်အကြောင်းအရာများကို အမှားအယွင်းမရှိအောင်မှတ်သားပြီး ရုံးထဲသို့ ထိုသူပြန်ရောက်လာပါကမှတ်စုအားပေးပြီး ဖုန်းပြန်ခေါ်ခိုင်းရမည်။
၃)ဖုန်းနှင့် ပတ်သက်သော မှတ်စုအကြာင်းအရာများကို မှတ်ခြင်း
ဖုန်းနှင့် ပတ်သက်သော မှတ်စုအကြာင်းအရာများကို တိကျစွာမှတ်စုယူရန် အရေးကြီးပါတယ်။ မှတ်ပုံမှတ်နည်းများကို 5W3H အတိုင်းတင်းကြပ်စွာလိုက်နာရပါမယ်။ ဆိုလိုသည်မှာမည်သည့်အချိန်တွင် (When) မည်သည့်နေရာတွင် (When) / မည်သည့်နေရာ (Where) / မည်သူ (Who) / ဘာကြောင့် (Why) ဘာအကြာင်းအရာ (What) / ဘယ်လို (How) / ဘယ်လောက် (How many、How much) စသည်ဖြင့်တိကျစွာ မှတ်သားရပါမယ်။
