ဂျပန်သို့ပညာတော်သင်သွားပြီးရရှိလာသောအတွေ့အကြုံများ(Study Japanese in Japan)

WeXpats

2020/04/02

ဂျပန်ကိုကျောင်းနဲ့ဘဲဖြစ်ဖြစ်၊အလုပ်နဲ့ဘဲဖြစ်ဖြစ်လာရောက်ကြပါတယ်။ဂျပန်ကိုစရောက်ပြီဆိုတာနဲ့စစရောက်ချင်းမှာဘာသာစကားအခက်အခဲရင်ဆိုင်ရမှာဖြစ်ပါတယ်။ကျောင်းနဲ့လာရောက်သောသူတွေအနေနဲ့နေ့စဥ်ကုန်ကျစရိတ်အပြင်၊ကျောင်းစရိတ်ပါရှာရပါတယ်။ကျောင်းသားများအဖို့တစ်ပတ်၂၈နာရီသာအလုပ်လုပ်ခွင့်ရှိပါတယ်။သတ်မှတ်ထားတဲ့စည်းကမ်းတွေကိုမလိုက်နာဘဲ၂၈နာရီကျော်လုပ်ခဲ့မယ်ဆိုရင်လည်းဗီဇာတိုးတဲ့အခါအခက်အခဲရှိတဲ့အတွက်သတိထားရန်လိုအပ်ပါတယ်။အဲဒါကြောင့်ဂျပန်ကိုလာမယ်ဆိုရင်ဂျပန်စကားသေချာလေ့လာခဲ့ဖို့လိုပါတယ်။

ဂျပန်ရောက်ပြီးဂျပန်စာကိုဘယ်လိုဆက်လေ့လာရမလဲ

ဂျပန်စာသင်ကျောင်းနဲ့လာတဲ့သူတွေအနေနဲ့စာသင်ကျောင်းကလည်းဂျပန်ဆရာ/ဆရာမကသင်ပေးမယ့်အပြင်နားမလည်တဲ့အခါတီဗွီကနေကိုယ်ကြိုက်တဲ့ channel ကော ကိုယ်မကြိုက်တဲ့ channel ကော အကုန်ဖွင့်ထားပြီး နားထဲဝင်အောင်လုပ်ထားရင်တဖြည်းဖြည်းနဲ့ဂျပန်စာနဲ့ရင်နှီးလာပါမယ်။ ဂျပန်မှာ ဂျပန်စာဆက်လေ့လာနည်းက အမျိုးမျိုးရှိပါတယ်။ online ကနေလေ့လာတာ၊ စာအုပ်ဖတ်တာ၊ TV ကြည့်တာ၊ ဂျပန်လူမျိုးတွေနဲ့ အသိမိတ်ဆွေဖွဲ့တာ စသည်ဖြင့် အမျိုးမျိုးရှိပါတယ်။ ကျွန်တော်ကတော့ TV ကိုကြည့်ပြီး ဂျပန်စာဆက်လေ့လာဖြစ်ခဲ့ပါတယ်။ အိမ်ရောက်တာနဲ့ ကြည့်ကြည့် မကြည့်ကြည့် ဂျပန် TV Line ကို ဖွင့်ထားပါတယ်။ ဒီလိုနားထောင်ခြင်းနောက်တစ်ခုက ဂျပန်လူမျိုးသူငယ်ချင်း၊ လုပ်ဖေါ်ကိုင်ဖက်တွေ ရအောင်လုပ်ပါတယ်။ သူတို့နဲ့ အပြင်သွား စကားပြောတွေလုပ်ပါတယ်။ သူတို့နဲ့ ခင်မင်ရတဲ့အားသာချက်ကတော့ စာအုပ်တွေထဲမှာ သင်လို့မရနိုင်တဲ့ စကားလုံးတွေ၊ ဂျပန်ဓလေ့တွေကို လေ့လာခွင့်ရပါတယ်။ တစ်ဖက်မှာတော့ JLPT စာမေးပွဲတို့ BJT စာမေးပွဲတို့ကို နှစ်တိုင်းဖြေနိုင်အောင်ကြိုးစားပါတယ်။ ဂျပန်လာတဲ့အခါ မြန်မာနိုင်ငံဘက်က မြန်မာလို ဘာသာပြန်ထားတဲ့ N2, N1 စတဲ့ grammar စာအုပ်တွေ သယ်လာတာကလည်း self study အတွက် အထောက်အကူဖြစ်နိုင်ပါတယ်။ဂျပန်ရောက်ပြီးရင်လည်းဂျပန်စာဆက်မလေ့လာရင်ဂျပန်စကားသိပ်မပြောနိုင်ဘဲအလုပ်တွေ၊ကျောင်းတွေမှာအခက်အခဲဖြစ််နိုင်သောကြောင့်ဝေမျှရခြင်းဖြစ်ပါတယ်။

စာရေးသူရွေးချယ်သောဆောင်းပါး

ဂျပန်စာသင်ကျောင်းပြီးရင်ဘယ်လိုကျောင်းမျိုးဆက်တက်သင့်သလဲ

ITနည်းပညာကိုဆက်ပြီးလေ့လာစေချင်ပါတယ်။ဂျပန်မှာအိုင်တီနဲ့ပက်သက်လို့အလုပ်တွေကပေါပြီး၊အလုပ်ခန်ချင်တဲ့ကုမ္မဏီကများတဲ့အတွက်ကြောင့်ဖြစ်ပါတယ်။လစာလည်းဒီပြင်နေရာတွေထက်လစာများသောကြောင့်ဖြစ်ပါတယ်။အိုင်တီကျောင်းတက်မယ်ဆိုရင်တော့ဒီပြင်ကျောင်းတွေထက်ခက်ခဲမှုတွေရှိနိုင်ပါတယ်။ကျောင်းမှာသင်လို့နားမလည်တာတွေရှိမယ်ဆိုရင် self study လုပ်ပြီး လေ့လာရပါတယ်။ internet၊ YouTube ကနေ လေ့လာရပါတယ်။ စာအုပ်ဆိုင်မှာ ကိုယ်လေ့လာမယ့် ဘာသာရပ်အတွက် စာအုပ်မျိုးစုံရှိပါတယ်။ အချို့ ပြည့်ပြည့်စုံစုံရေးထားတဲ့ နည်းပညာ blog၊ website တွေလည်းရှိပါတယ်။ အဲ့ဒါတွေကို လေ့လာပြီး self study လုပ်ရပါတယ်။အဲ့ဒါတွေကလည်းဂျပန်လိုရေးထားတာများတဲ့အတွက်ကြောင့်ဂျပန်စကားရဖို့ကအရေးပါလာပါတယ်။ အဲဒါကြောင့်ဂျပန်စာသင်တန်းကျောင်းတက်တဲ့အချိန်မှာဂျပန်စာကိုသေချာလေ့လာခဲ့ဖို့လိုပါတယ်။

ဂျပန်ရဲ့ကျောင်းနဲ့အလုပ်တွေမှရလာသေဖိအားများ

ဂျပန်မှာကျောင်းတက်ရင်းအလုပ်လုပ်ရတဲ့အတွက်ပင်ပန်းတာတွေ၊အိပ်ရေးပျက်တာနဲ့စစချင်းမှာအလုပ်အဆင်မပြေတာတွေကြုံရနိုင်ပါတယ်။ကျောင်းလခလည်းကိုယ့်ဘာသာရှာရမယ့်အပြင်၊နေ့စဥ်အသုံးစရိတ်နဲ့ဒီပြင်လိုအပ်တာတွေကိုတစ်ယောက်တည်းဖြေရှင်းရမှာဖြစ်တဲ့အတွက်ကြောင့်ဖြစ်ပါတယ်။အခြား stress တွေ၊ အဆင်မပြေမှုတွေရှိနေပေမယ့်အလုပ်မှာအဆင်ပြေရင်ပျော်ပါတယ်။ဘာဖြစ်လို့လဲဆိုတော့နေ့တစ်နေ့ရဲ့တဝက်လုပ်မှာ နေနေရလို့ပါပဲ။ အလုပ်ကလုပ်ဖေါ်ကိုင်ဖက်တွေနဲ့ အဆင်ပြေရင် ဂျပန်မှာနေရတာပျော်ပါတယ်။ အလုပ်လည်း ပင်ပန်းလို့ ပင်ပန်းမှန်းမသိပါဘူး။ အလုပ်မှာအဆင်ပြေဖို့က ဂျပန်စကားက ပထမ အရေးကြီးပါတယ်။ ဂျပန်တွေနဲ့ communication ကောင်းဖို့ပါ။ ဒုတိယက ကိုယ်လုပ်ရမယ့်အလုပ်ရဲ့ ကျွမ်းကျင်မှုပါ။ တတိယက သူတို့ရဲ့ လုပ်ငန်းခွင်ဓလေ့ကို နားလည်နိုင်မှုပါ။ ဒီအရာတွေကိုလည်း ဂျပန်မသွားခင်ကတည်းက လေ့လာဖြည့်တင်းထားသင့်ပါတယ်။ သို့မှသာ ဂျပန်မှာ ကြာကြာနေနိုင်ပြီး ငွေများများရှာနိုင်မည်မဟုတ်ပါလား။ကျောင်းမှာလည်းစာသေချာလိုက်လုပ်ပြီး၊ကျောင်းသချာတက်မယ်ဆိုရင်ကျောင်းမှာလည်းပျော်ရွင်လာပြီး၊အလုပ်ရောကျောင်းမှာဘဲအဆင်ပြေလာပြီးဂျပန်မှာနေရတာအဆင်ပြမှာပါ။အဲလိုမှမဟုတ်ရင်မိမိရည်ရွယ်ချက်ကိုအကောင်အထည်မဖော်နိုင်ဘဲမိမိနိုင်ငံပြန်ချင်စိတ်တွေဖြစ်ပြီးရည်ရွယ်ချက်တွေပျောက်သွားနိုင်တဲ့အတွက်ဂျပန်စာကိုကောင်းကောင်းလေ့လာခဲ့ဖို့လိုအပ်ပါတယ်။

ဂျပန်မှာ တက္ကသိုလ်နဲ့ကောလိပ်ရဲ့ကွာခြားမှု

ဂျပန်နိုင်ငံ၏တက္ကသိုလ်ကျောင်းသားဘဝ

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။