ဂျပန်မှာအမှိုက်ပစ်ပုံပစ်နည်း
ဂျပန်နိုင်ငံမှာတော့အမှုက်ပစ်ပုံပစ်နည်း၊ ခွဲခြားနည်း အစသဖြင့် မြို့ရွာရပ်ကွက်များအလိုက် သတ်မှတ်ထားသောစည်းကမ်းနည်းလမ်းများရှိပြီး၊နေထိုင်သူများကလည်းပူးပေါင်းဆောင်ရွက်ပါသည်။မြို့ရွာရပ်ကွက်အလိုက်စည်းကမ်းနည်းလမ်းများအနည်းငယ်ကွာခြားသော်လည်းဂျပန်ရောက်ခါစသူများအတွက်အမှိုက်ပစ်ပုံများဂရုစိုက်သင့်ပါတယ်။နောက်ပြီး အမှိုက် အမျိုးအစားပေါ် အမူတည်ပြီး ရက်ကိုသတ်မှတ်ထားလေ့ရှိပါတယ်။ ဂျပန်စာရောက်တဲ့သူတွေအတွက်ကတော့ စနစ်အရရော၊ ဘာသာစကားအရပါ နည်းနည်းရှုပ်ထွေးပြီး ခက်ခဲနိုင်ပါတယ်။ ဒီတခေါက်မှာတော့ ဂျပန်မှာအမှိုက်တွေကိုဘယ်လိုခွဲရမလဲဆိုတာနဲ့ အမှိုက်တွေကိုဘယ်လိုပစ်ရမလဲဆိုတာကို ရှင်းပြသွားပါ့မယ်။
ဂျပန်နိုင်ငံရဲ့ အမှိုက်စွန့်ပစ်တဲ့စနစ်ဖွံ့ဖြိုးလာခြင်း
၂၀ ရာစုမတိုင်ခင်ကတော့ ဂျပန်မှာ အမှိုက်ပစ်တာနဲ့ ပတ်သက်ပြီး စည်းမျဥ်းစည်းကမ်းတွေမရှိခဲ့ပါဘူး။ မေဂျီ အစိုးရ တက်လာပြီးတဲ့နောက်ပိုင်းမှာ တနိုင်ငံလုံးအတိုင်းအတာအနေနဲ့ သန့်ရှင်းရေးကို ဦးစားပေးဖို့အတွက် ၁၉၀၀ ခုနှစ် နောက်ပိုင်းမှာ ညစ်ညမ်းတဲ့အရာတွေကိုဖယ်ရှားဖို့အတွက် စနစ် အသစ်တစ်ခုကိုမိတ်ဆက်လိုက်ပါတယ်။ နောက်ပိုင်းမှာတော့ နယ်မြေဒေသ အလိုက် သေချာစိစစ်နိုင်ဖို့အတွက် ဒေသအလိုက်အစိုးရဒေသတွေကမှ တဆင့် စည်းမျဥ်းစည်းကမ်းတွေကို အသီးသီးချမှတ်ကြပြီး ဒေသအလိုက် အမှိုက်ခွဲခြားပုံခွဲခြားနည်း၊အမှိုက်ပစ်နည်း အစသဖြင့်အနည်းငယ် ကွဲပြားမှုရှိလာပါတော့တယ်။
ဒုတိယ ကမ္ဘာစစ်ပြီးနောက်ပိုင်းမှာတော့ စစ်ဘေးဒဏ်ကြောင့် အမှိူက်တွေကတောင်တွေလိုပုံလာပါတော့တယ်။ ဒါကြောင့် ဂျပန်အစိုးအရမှ ဒေသအသီးသီမှု အုပ်ချုပ်တဲ့အဖွဲ့အစည်းတွေနဲ့ပူးပေါင်းပြီး ပြန်လည်အသုံးချနိုင်မယ့်အမှိုက်၊ တွေကို စနစ်တကျ သတ်မှတ်ခွဲခြားပါတော့တယ်။ နောက်ပြီးနိုင်ငံသားတစ်ဦးချင်းစီ တာဝန်ကိုယ်စီယူတတ်ဖို့အတွက် စနစ်ဟောင်းမှ နိုင်ငံသားတွေကိုယ်တိုင် အမှိုက်တွေကို ခွဲခြားပစ်ရမယ့် စနစ်အသစ်ကိုအကောင် အထည်ဖော်လိုက်ပါတော့တယ်။
စာရေးသူရွေးချယ်သောဆောင်းပါး
အမှိုက်အမျိုးစားတွေကိုဘယ်လိုခွဲမလဲ
အမှိုက်ပစ် ပုံပစ်နည်း၊ခွဲခြားရမည့်အမျိုးအစား၊ပစ်ရမည့်နေရာ၊ပစ်ရမည့်နေ့ကိုကောင်းစွာသင်ယူပြီး သေချာစွာလိုက်နာရပါမည်။နေ့ရက်များအလိုက်အမှိုက်များခွဲခြားပြီးပစ်ရမှာဖြစ်ပါတယ်။အမှိုက်များကို သတ်မှတ်ထားသောအမှိုက်သိမ်းသည့်နေ့မနက်၈နာရီမှသတ်မှတ်ထားသောနေရာတွင်ပစ်ရမည်။အမှိုက်များကိုလည်းအမျိုးအစားအလိုက်ခွဲခြားထားပါတယ်။
-
သယံဇာတ အမှိုက်
-
မီးလောင်နိုင်သော အမှိုက်
-
မီးမလောင်နိုင်သော အမှိုက်
-
ကြီးမားသော အမှိုက်
သယံဇာတ အမှိုက်
သယံဇာတ အမှိုက်တွေထဲမှာ ဘယ်လိုအမှိူက်တွေပါဝင်လဲ ကြည့်လိုက်ကြရအောင်။
-
ပလစ်စတစ်ဗူးများ
-
စာရွက်ဟောင်းများ
-
စက္ကူဗူးများ
-
ကပ်ထူသေတ္တာများ
-
ဖန်ပုလင်းများ
-
ပလပ်စတစ်ပစ္စည်းများ
-
ရေသန့်ဗူးများ
သယံဇာတ အမှိုက်တွေကိုဘယ်လို ပစ်ရမလဲ
-
ပလစ်စတစ်ဗူး၊ ရေသန့်ဗူး၊ ဖန်ပုလင်းတွေကိုသေချာ ဆေးပြီးမှ ပစ်ပါ၊။ တကယ်လို့ညစ်ပေနေပါက မီးလောင်နိုင်တဲ့အမှိူက်စာရင်းထဲသွင်းပြီး ပစ်ပါ။
-
စက္ကူဗူးများ၊စာရွက်ဟောင်းများတွေကိုတော့ ကြိုးနဲ့ သေချာချည်ပြီးမှ ပစ်ပါ။
-
ကပ်ထူသေတ္တာများတွေကို အပြားလိုက်ဖြစ်အောင် လုပ်ပြီးမှပစ်ပါ။
-
ဆံပင် ဖြန်းဆေးတို့လိုမျိုး သံဗူးတွေကို အထဲမှာရှိတဲ့ ဂစ်စ် ကို ထုတ်ပြီးမှ ပစ်ရပါမယ်။
-
ပလပ်စတစ်နဲ့ပြုလုပ်ထားပေမယ့် ပလပ်စတစ်ခရင်း၊ ဇွန်း နဲ့ ပိုက် တွေကတော့ သယံဇာတ အမှိုက်အနေနဲ့မပစ်ပါဘူး။
-
ရေသန့်ဗူးတွေကိုတော့ ပလစ်စတစ် အပတ်တွေနဲ့ ဗူးကိုခွဲပြီးမှ ပစ်ရပါမယ်။ အပတ်လေးကတော့ ပုံမှန် ပလတ်စတစ်ဖြစ်ပြီး ရေဗူးကတော့ ပလစ်စတစ်ဗူး စာရင်းထဲဝင်သွားပါတယ်။
မီးလောင်နိုင်သော အမှိုက်
မီးဖိုချောင် အမှိုက် - အသားငါးဟင်းသီးဟင်းရွက်၊ စားကြွင်းစားကျန်များ။
ပေနေတဲ့ ပြန်လည်အသုံချနိုင်သော သံယံဇာတ အမှိုက် - ဆီပေနေတဲ့ ခွက်များ၊ ဗူးမျး၊ မဆေးရသေသောပလစ်စတစ်ပစ္စည်းများ။
တကိုယ်ရေ သန့်ရှင်းရေးသုံးပစ္စည်းများ- ပလာစတာ၊ ပတ်တီး၊ သွာတိုက်တံများ၊ တစ်ရှူးများ၊အမျိုးသမီးလစဥ်သုံးပစ္စည်းများ။
မီးမလောင်တဲ့အမှိုက်များ။
-
သတ္တုပစ္စည်းသေးသေးများ - ကပ်ကြေး၊ ဒယ်အိုး၊ အဝတ်လှန်းချိတ်၊ ဓား၊
-
ဓာတ်ခဲ
-
ဓာတ်မီး
-
အသေးစားလျှပ်စစ်ပစ္စည်းများ - လျှပ်စစ်ရေနွေးအိုး၊ ပေါင်မုန့်ဖုတ်စက်။
-
စားစရာ ပစ္စည်း၊ ပန်းကန်ခွက်များ
-
မီးခြစ်
-
ဖန်ခွက်များ
အမှိုက်အကြီးစားများ
အိမ်ထောင်ပရိဘောဂ ပစ္စည်းများ - ဆိုဖာ၊ စားပွဲ၊ ထိုင်ခုံ။
လျှပ်စစ်ပစ္စည်းများ - ရေခဲသေတ္တာ၊ အဝတ်လျှော်စစ်၊ အဲယာကွန်း၊ တီဗီ။
စွန့်ပစ်ရမယ်နည်းလမ်း နဲ့စည်းကမ်း
ဒီအမှိုက်အကြီးအစားတွေကိုတော့ အမှိုက်ပုံမှာ ဒီအတိုင်းပစ်သွားလိုမရပါဘူး။
တခြားသူပစ်သွားတဲ့ အမှိုက်တွေကိုပြန်လည်အသုံးချတာက အရမ်းကောင်းမွန်းတဲ့ လုပ်ရပ်ဆိုပေမယ့် အမှိုက်သိမ်းတဲ့သူတွေမလာခင် ယူလို့မရပါဘူး။
အကြီးစားအမှိုက်တွေက ရပ်ကွ် ပေါ်လိုက်ပြီး၊ အရွဘ်အစားအပေါ်လိုက်ပြီး သိမ်းတဲ့ သူတွေကို ပိုက်ဆံ ပေးချေရပါတယ်။
တခြား အမှိုက် ပစ်တဲ့နည်းတွေအနေနဲ့ကတော့
- မူလအရောင်းဆိုင် ကို ဆက်သွယ်ပါ။
- နောက်ပြီး လိုအပ်တဲ့သူကိုလှုလိုက်ပါ။
- ပစ္စည်းစောင်းအရောင်းဆိုင်ကိုဆက်သွယ်ပြီးရောင်းလိုက်ပါ။
- တချို့ ပစ္စည်း အသစိရောင်းတဲ့ ဆိုင်တွေမှာ အဟောင်းကိုစွန့်ပစ်ပေးတဲ့ဝန်ဆောင်မှုပေးလေ့ရှိပါတယ်။
- အိမ်ပြောင်းတဲ့အချိန်မှာဆို အိမ်ပြောင်းဝန်ဆောင်မှုပေးတဲ့ ကုမ္ပဏီကနေ တဆင့် ဝန်ဆောင်မှုပေးပြီးစွန့်ပစ်ပေးတာမျိုးလဲရှိပါတယ်။
အမှိုက်တွေကို အမျိုးအစားအပေါ်မူတည်ပြီး ဘယ်လို စွန့်ပစ်မလဲ
အမှိုက်မပစ်ခင် ကြိုတင် ပြင်ဆင်ခြင်း
ဒီအချက်ကတော့ မိမိနေထိုင်ရာ ဒေသအပေါ်လိုက်ပြီး စည်းမျဥ်းစည်းကမ်းတွေ ကွဲပြားနိုင်ပါတယ်။ အမှိုက်အမျိုးအစားအပေါ်မူတည်ပြီး အိတ်အရောင်ကိုလဲ ခွဲခြားထားတဲ့အရောင်တွေလဲရှိသလို၊ အကြည်အိတ်တွေလဲရှိပါတယ်။ အကြည်အိတ်ပဲသုံးရမယ်ဆိုတဲ့ ဒေသတွေလဲရှိပါတယ်။ ဒါကြောင့် ရပ်ကွက်ရုံးမှာ စာရင်းသွင်းတဲ့ အချိန်မှာ အမှိုက်ပစ်ပုံပစ်နည်းလမ်းညွန် စာအုပ်ကို သေချာ ယူလာပြီး သေချာ စိစစ်ကြည့်ပါ။
အမှိုက်အကြီးစားများ
အမှိုက်အကြီးစားတွေကတော့ အင်တာနက်ကနေတဆင့် ဘိုက်ကင်တင်ထားဖို့လိုအပ်ပါတယ်။ ဘိုကင်တင်ပြီးရင် Convenience Store ဆိုင်တွေမှာ စာရွက်ကိုဝယ်ပြီး သေချာ မြင်နိုင်တေဲ့နေရာမှာ ကပ်ပါ။ အမှိုက်လာသိမ်းတဲ နေ့အထိ အိမ်မှာထားပြီး အမှိူက်သိမ်းတဲ့အချိန်အထိရောက်အောင် မိမိအိမ်မှာထားပါ။
အမှိူက်ပစ်တဲ့ အချိန်ဇယား
ဒေသအသီးသီး အမှိုက် ပစ်တဲ့ အချိန်ဇယားသတ်မှတ်ထားပါတယ်။ ဒီအချက်အလက်တွေကတော့ အမှိုက်ပစ်ပုံပစ်နည်းလမ်းညွန် စာအုပ်မှာ ဖော်ပြထားတာမို့ သေချာကြည့်ပါ၊ ဒါမှမဟုတ် အင်တာနက်ကနေ တဆင့်လဲကြည့်ရှူနိုင်ပါသေးတယ်။ နေ့အရက်အပေါ်မူတည်ပြီးတော့ ပစ်ရမယ့်အမှိူက် အမျိုးအစားကွဲပြားတာမို့လိုသေချာ ဂရုစိုက်ပါ။
အမှိုက်ပုံ
အိမ်တွေ၊ တိုက်ခန်းတွေမှာတော့ အမှိုက် ပုံသီးသန့်နေရာရှိပါတယ်။ အမှိုက်ကို အဲ့နေရမှာပဲပစ်ရပါတယ်။ ငှက်တွေ၊ပိုမွာတွေ မဝင်နိုင်အောင် ပိုက်ကွန်ကြီးတဲ့ ဖုံးထားလေ့လဲရှိပါတယ်။ အမှိုက် ပစ်ပြီးတဲ့အချိန်မှာ သေချာ ပိုက်ကွန်နဲ့ပြန်ပြီး ဖုံးလိုက်ပါ။
စနစ်တကျအမှိုက် စွန့်ပစ်ပါ
အမှိုက်ကို စနစ်နကျ အချိန်နဲ့သတ်မှတ်ပြီးစွန့်ပစ်ရတာမို့လို သတ်မှတ်အချိန်ထက် မြန်တာတို့၊ သတ်မှတ်အချိန်ထက် စောတာတို့ဖြစ်ရင် ပတ်ဝန်းကျင်က အနှောက်အယှက်ဖြစ်တတ်ပါတယ်။
အမှိုက် ခွဲပုံ မှာတာတို့၊ ပစ်ပုံပစ်နည်း မှားတာတို့ဖြစ်ရင် တခါတလေ ဒီအမှိုက်ပစ်နည်းက မှားနေတယ်လို ရေးပြီး စာရွက် နဲ့ကပ်ထားလေရှိပါတယ်။ လုပ်ငန်းအကြီးစားလုပ်နေတဲ့သူတွေဆိုရင် စနစ်တကျ အမှိုက် မစွန့်ပစ်ပါက ထောင်ဒဏ် ၅ နှစ်နဲ့ ဒဏ်ကြေးငွေ ပေးဆောင်ရတဲ့ အထိဖြစ်နိုင်ပါတယ်။
ဂျပန်မှာနေထိုင်နေတဲ့ နိုင်ငံခြားသားတွေအတွက် အမှိုက်ပစ်နည်းကတော်တော် လေးကိုခက်ခဲပါတယ်။ နောက်ပြီး စည်းကမ်းကျပ်တယ်ဆိုတဲ့ အမြင်တွေလဲခဏခဏကြားရတတ်ပါတယ်။ ဂျပန်နိုင်ငံလဲ ကမ္ဘာပေါ်မှာ သန့်ရှင်းမှုကိုအလေးပေးတဲ့ အနေနဲ့နာမည်ကြီးပါတယ်။ ဒါကြောင့် ဂျပန်နိုင်ငံရောက်ရင်တော့ သတ်မှတ်ထားတဲ့ နည်းလမ်းတွေကိုမသွေမတိမ်ူလိုက်နာပြီး အမှိုက်ပစ်ဖို့ အကြံပြုချင်ပါတယ်။
