ဆူရှီအကြောင်းနှင့် ဆူရှီဆိုင်များအကြောင်း

Hein

2023/07/28

ဂျပန်လို့ပြောလိုက်တာနဲ့ ဆူရှီကိုတန်းပြီးပြေးမြင်လို့ရအောင် ဂျပန်ရိုးရာ အစားစာတွေထဲမှာမှ ဂျပန်ကိုကိုယ်စားပြုတဲ့ အစားစာလို့တောင်ပြောလို့ရပါတယ်။ ကျွန်တော့်အတွက်တော့ ဆူရှိကတော့ ကျွန်းနိုင်ငံဖြစ်တဲ့ဂျပန်နိုင်ငံရဲ့ ပင်လယ်ကနေ ရတဲ့ ပင်လယ်စာနဲ့ ဂျပန်နိုင်ငံရဲ့အရသာရှိလှတဲ့ ဆန်၊ ထမင်းကို တခါတည်း မြည်းစားနိုင်တဲ့ဂျပန်နိုင်ငံရဲ့ ကောင်းကွက်တွေကိုသေချာ ပုံဖော်ပြနေတဲ့ အစားစားတစ်ခုလို့မြင်မိပါတယ်။ ဒီနေ့မှာတော့ ဒီလိုဆူရှီနဲ့ ပတ်သက်တဲ့ ဗဟုသုတတွေနဲ့လက်ရှိ နိုင်ငံငံခြားသားတွေ ကြားထဲမှာမက ဂျပန်လူမျိုးတွေ ကြားထဲမှာပါ လူကြိုက်များကြတဲ့ ဆူရှိဆိုင်တွေဖြစ်တဲ့ 回転寿司（kaitensushi）ဆိုင်တွေအကြောင်းကို အနည်းငယ်ဖော်ပြသွားပါမယ်။

မာတိကာ

ဆူရှီ သမိုင်းကြောင်း
ဆူရှီအမျိုးအစားများ
ဆူရှီဆိုင်အမျိုးအစားများ
回転寿司（kaitensushi）

ဆူရှီ သမိုင်းကြောင်း

ဆူရှီဆင်းသက်လာတဲ့ သမိုင်းကြောင်းကို ခြေရာခံရမယ်ဆိုရင် ဆူရှီရဲ့ မူလအစက နာရခေတ်လို့ပြောလို့ရပါတယ်။ နာရခေတ်မှာ အရှေ့တောင်အာရှ ရဲ့ ရိုးရာအစားစာဖြစ်တဲ့ 「なれずし（熟鮓）Narezushi လို့ခေါ်တဲ့ အချဥ်ဖော် ထားတဲ့ အစားစာက ဂျပန်နိုင်ငံကို စတင်ပျံ့နှံ့လာတယ်လို့ဆိုပါတယ်။ နာရခေတ်မှာတော့ ထမင်းကို အချဥ်နဲ့ ဆမ်းပြီး၊ အပေါ်မှာ ရေချိုငါးတွေကိုတင်ပြီး တညထားပြီး စားကြတယ်လို့ဆိုကြပါတယ်။ ခွက်ထဲမှာ ထမင်းကိုသိပ်ပြီး အပေါ်မှာငါးကိုတင်ပြီး စားကြပါတယ်။ ဒီဟာကတော့ ယနေ့ခေတ်ဂျပန်နိုင်ငံရဲ့ ဆူရှီတမျိုးဖြစ်တဲ့　押し寿司 Oshi-sushi ရဲ့ အစလို့လဲပြောလို့ရပါတယ်။ အဲဒီုခေတ်ရောက်တော့ ဒီလို တစ်ည အချဥ်ဖောက်စရာမလိုဘဲ မြန်မြန်စားနိုင်တဲ့ ဆူရှီ အမျိုးအစားပေါ်ပေါက်လာခဲ့ပါတယ်။ ဒါပေမယ့် အထက်တန်းလွှာမျိုးနွယ်မိသားစုတွေသာ ဒီမြန်မြန်စားနိုင်တဲ့ ဆူရှိကိုစားနိုင်ပါသေးတယ်။ အဲဒိုခေတ်နှောင်းပိုင်းမှာတော့ ထမင်းဆုပ်တွေကိုဆုပ်ပြီး ချက်ချင်းစားနိုင်တဲ့ ဆူရှီတွေပေါ်ထွက်လာပြီး တွန်းလှည်းတွေနဲ့ ဆူရှီတွေကိုရောင်းတဲ့ အဆင့်အထိဖြစ်လာပါတယ်။ ဒီလိုနဲ့ မေဂျီခောတ်ရောက်တဲ့ အချိန်မှာတော့ ဆူရှီမှာ အသုံးပြုတဲ့ အစာကို အချဥ်ဖောက်ထားတဲ့ အသားမဟုတ်ဘဲနဲ့ အသားစိမ်းတွေကိုအသုံးပြုလာပါတော့တယ်။ ဒီလိုနဲ့ပဲ မေဂျီခေတ်ကတော့ ယနေ့ခေတ်ပုံစံနဲ့ အနီးစပ်ဆုံး ဆူရှီပုံစံကိုရောက်လာတယ် လို့ပြောလို့ရပါတယ်။

စာရေးသူရွေးချယ်သောဆောင်းပါး

ဆူရှီအမျိုးအစားများ

အပေါ်မှာ ပြောခဲ့သလိုပဲ ဆူရှီကတော့ ပုံစံအမျိုးမျိုးနဲ့ ဆင့်ကဲပြောင်းလဲလာတာဖြစ်ပါတယ်။ ဒါပေမယ့် ဆူရှိလို့ပြောလိုက်ရင် ကျွန်တော်တို့ မြင်တွေ့နေကျ ထမင်းဆုပ်ပေါ်မှာ လို့ခေါ်တဲ့အစာတွေကိုတင်ထားတာတစ်ခုတည်းမဟုတ်ပါဘူး။ ဆူရှိမှာလဲ ပုံစံအပေါ်လိုက်ပြီး အမျိူးအစားပေါင်းများစွာရှိပါတယ်။ ဒီအမျိုးအစားပေါင်းများစွာထဲကနေပြီးတော့ နာမည်ကြီးပြီး‌ တွေ့ရများတဲ့ ဆူရှီတွေ အမျိုးအစား ၈ မျိုးကိုဖော်ပြလိုက်ပါတယ်။

握り寿司　(Nigiri Zushi) ထမင်းဆုပ်ဆူရှီ

Nigiri Zushi ကတော့ ရှာလကာရှည်နဲ့ နယ်ထားတဲ့ ထမင်းအဆုပ်ပေါ်မှာ အသား၊ငါးတွေ တင်ထား တဲ့ ဆူရှီအမျိုးအစားဖြစ်ပါတယ်။ အမြန်လုပ်ပြီး စားနိုင်တဲ့ ဆူရှီအမျိုးအစားလဲဖြစ်ပါတယ်။ ကျွန်တော်တို့ မြန်မာနိုင်ငံမှာလဲ တချို့နေရာတွေမှာ အလွယ်တကူဝယ်စားနိုင်တဲ့ ဆူရှီမျိုးဖြစ်ပါတယ်။ အများအားဖြင့်တော့ Sashimi လို့ခေါ်တဲ့ အသားစိမ်းတွေပြီးစားလေ့ရှိကြပါတယ်။ အသားစိမ်းတွေချည်းပဲ မဟုတ်ဘဲ ပုဇွန်တန်ပူရာ၊ ငါးကင်၊ ဝက်သားကင် စတဲ့ အစာတွေလဲ တင်လေ့ရှိကြပါတယ်။ 炙り寿司（aburisushi）လို့ခေါ်တဲ့ အသားစိမ်းကို မီးနဲ့ အပူပေးပြီးစားနိုင်တဲ ဆူရှိတွေလဲ အသားစိမ်းမစားနိုင်တဲ့ သူတွေအတွက် တော်တော်အဆင်ပြေပါတယ်။

巻き寿司 (Maki Zushi) ထမင်းလိပ်ဆူရှီ

Maki Zushi ကိုတိုက်ရိုက် ဘာသာပြန်ရင်တော့ လိပ်ထားတဲ့ ဆူရှီ လို့အဓိပ္ပာယ်ရပါတယ်။ ရေညှိ ကို အောက်ခံအနေနဲ့ သုံးပြီးထမင်းနဲ့ ပါဝင်ပစ္စည်းတွေကိုရောလိပ်တဲ့ ဆူရှီဖြစ်ပါတယ်။ ဒီထမင်းလိပ်ထဲမှာလဲ ပါဝင်ပစ္စည်းကို အမျိုးမျုးသုံးလေ့ရှိပါတယ်၊ အများအားဖြင့် ကြက်ဥကြော်၊ သခွါးသီး၊ တခြားပစ္စည်း အမျိုးမျိုးကို လိပ်ပြီးစားလေ့ရှိပါတယ်။ ပြုလုပ်ရလွယ်ကူပြီး နေရာတိုင်းအလိုလိုမှာဝယ်ယူစားသောက်နိုင်ပါတယ်။

押し寿司 (Oshi Zushi) ဗူးထဲ သိပ်ပြီး စားတဲ့ဆူရှီ

Oshi Zushi ကတော့ လေးထောင့်ပုံ ထမင်းကို ငါး၊ ပုဇွန်၊ ကြက်ဥ စတဲ့ပါဝင်ပစ္စည်းတွေကို ထည့်ပြီး

နိုပ်နယ် ထားတဲ့ ဆူရှီအမျိုးအစား ဖြစ်ပါတယ်။ နရခေတ် အစပိုင်းမှာ စားတဲ့ ဆူရှီအမျိုးစားနဲ့ ခပ်ဆင်ဆင်ဖြစ်ပါတယ်။

ちらし寿司 (Chirashi Zushi) ပါဝင်ပစည်းတွေကို ထမင်းပေါ် တင်စားတဲ့ ဆူရှီ

Chirashi Zushi ဆိုတာကတော့ ထမင်းပေါ်မှာ ပါဝင်ပစ္စည်းတွေကို ဒီအတိုင်းပုံပြီးစားတဲ့ ဆူရှီဖြစ်ပါတယ်။ ဒီဆူရှီအမျိုးအစားကိုတော့ မတ်လ ၃ ရက်နေ့မှာကျင်းပတဲ့ ဟိန ပွဲတော်မှာလဲ စားလေ့ရှိပါတယ်။

いなり寿司 (Inari Zushi) အကြော်ထဲမှာထမင်းလိပ် ထည့်စားတဲ့ ဆူရှီ

Inari Zushi ဆိုတာကတော့ အချိုကြော်ထားတဲ့ အကြော်ထဲမှာ ထမင်းကိုထည့်ပြီးစားတဲ့ ဆူရှီအမျိုးအစားဖြစ်ပါတယ်။ အသားမပါတဲ့ အတွက်ကြောင်မို့လို့ သတ်သတ်လွတ်စားနိုင်တဲ့ ဆူရှီမျိုးဖြစ်ပြီး အလွယ်တကူဝယ်ပြီးစားသောက်နိုင်တဲ့ ဆူရှီမျိုးဖြစ်ပါတယ်။ စတိုးဆိုင်တွေမှာ အထိအလွယ်တကူဝယ်ယူစားသောက်နိုင်ပါတယ်။

軍艦巻き (Gunkannaku)　

Gunkan Maki ကတော့ ထမင်းကို ရေညှိနဲ့လိပ်ပြီး ဒီအပေါ် မှာ ပါဝင်ပစ္စည်းတွေကိုတင်ပြီးစားတဲ့ ဆူရှီဖြစ်ပါတယ်။ ဒီပုံစံ စစ်သင်္ဘောနဲ့ တူလို့ စစ်သင်္ဘော ဆူရှီလို့ခေါ် ကြပါတယ်။ဒီပုံစံနဲ့ အများဆုံးတွေ့ရတဲ့ ပုံစံကတော့ ပြောင်းဖူးမရောနိစ်၊ ငါးဥ၊သံပခြုပ် စတဲ့ အစာတွေနဲ့ တွေ့ရများပါတယ်။

ဒီ၆ မျိုးကတော့ တွေ့ရများတဲ့ ဆူရှီအမျိုးအစားတွေ ဖြစ်ပါတယ်။ ဆူရှီမှာ အသုံးပြုတဲ့ အစာ ネタတွေထဲကနေမှ လူကြိုက်များတဲ့ အစာတွေနဲ့စားကြည့်သင့်တဲ့ အစာတွေကို ထပ်ဖော်ပြပါ့မယ်။

အမျိုးအစားတွေနဲ့ အစာတွေ များပြားလွန်းတဲ့ အတွက်ကြောင့် ပထမဆုံးဆူရှီစားတဲ့ သူတွေအနေနဲ့တော့ ဘယ်ဟာကိုစားရမလဲမသိဖြစ်တတ်ပါတယ်။ ဒါကြောင့် ကိုယ်ပိုင်အတွေ့အကြုံနဲ့ စစ်တမ်းတွေအရ လူကြိုက်များတဲ့ ဆူရှီတွေကိုဖော်ပြသွားပါ့မယ်။ အချက်အလက်တွေကိုတော့ Jetro (2013), maruha (2016) ကိုအခြေခံပြီးတော့ ဖော်ပြလိုက်ပါတယ်။စုစုပေါင်း ၁၀ မျိုးကိုရွေးချယ်ဖော်ပြသွားပါ့မယ်။

ဆာလမွန် salmon

ပထမ တစ်ခုကတော့ ဆာလမွန်ပဲ ဖြစ်ပါတယ်။ ဒီတစ်ခုကတော့ နိုင်ငံခြားသားတွေရော၊ ဂျပန်လူမျိုးတွေကြားထဲမှာပါလူကြိုက်များတဲ့ တစ်ခုဖြစ်တဲ့အတွက်ကြောင့်မို့လို့ လုံးဝ စားကြည့်သင့်တဲ့ ဆူရှီတစ်မျိူးဖြစ်ပါတယ်။ဂျပန်က ဆာလမွန်က တော်တော်အရသာရှိပြီး ဆူရှီတမျိုးတည်းမဟုတ်ဘဲ ပုံစံအမျိုးမျိုးနဲ့ စားကြည့်လဲ အရသာတော်တော်ရှိပါတယ်။

တူနာ maguro

maguro လို့ခေါ်တဲ့တူနာကလဲ တော်တော်အရသာရှိပြီး တော်တော်လတ်ဆတ်တဲ့ အတွက်ကြောင့်မို့လို့ စားကြည့်သင့်တဲ့ ဆူရှီထဲမှာပါဝင်ပါတယ်။ maguro ကိုလဲ အပိုင်း ၂ ပိုင်းခွဲနိုင်ပြီး 赤身(‌akami)トロ (toro)

ဆိုပြီးအပိုင်း ၂ ပိုင်းခွဲထားပြီး トロ (toro)လို့ခေါ်တဲ့ အပိုင်းက ပိုပြီးတော့ အဆီများပါတယ်။ ဒါကြောင့် 赤身(‌akami) က ပိုပြီး အနီရောင်သမ်းနေပြီး トロ (toro) ကတော့အဖြူရောင်ဘက်ကိုပိုရောက်ပါတယ်။

ပုဇွန် ebi

နောက်တမျိုးကတော့ ပုဇွန် ဖြစ်ပါတယ်။ ပုဇွန်အကြော်အနေနဲ့ရော၊ပုဇွန် အစိမ်းအနေနဲ့ရော လူကြိုက်များပါတယ်။ ပုဇွန်က ကျွန်တော်တို့မြန်မာပြည်မှာလဲ စားနေကျ အစားစာလို့ပြောလို့ရပေမယ့် ပုဇွန်ကိုဆူရှိအနေနဲ့စားတာတော့မရှိသလောက်နည်းမယ်လို့ထင်ပါတယ်။ ဒါကြောင့်မို့လို့ ကျိန်းသေပေါက် စားကြည့်ဖို့တိုက်တွန်းချင်ပါတယ်။

ငါးဥ Ikura

ဆူရှီလို့ပြောလိုက်ရင် ဒီအနီရောင်ငါးဥလေးတွေကို လုံးဝ ဖယ်ထားလို့မရပါဘူး။ဒီငါးတွေကတော့ sake , masu ဆိုတဲ့ ငါးတွေရဲ့ဥတွေ ဖြစ်ပါတယ်။

ရေဘဝဲ tako

ရေဘဝဲ ကလဲ အရမ်းကိုလတ်ဆတ်ပြီး အန္တာရာယ်ကင်းကင်းနဲ့စားနိုင်တဲ့ အတွက်‌ကြောင့် မိုလို့ စားကြည့်ဖို့တိုက်တွန်းချင်ပါတယ်။

သံပခြုပ်

သံပခြုပ်ကတော့ ကျွန်တော်တို့ဆီမှာ သိပ်စားလေ့မရှိတဲ့အတွက်ကြောင့်မို့လို့စားကြည့်စေချင်ပါတယ်။ နောက်ပြီး ဂျပန်မှာတော့ သံပခြုပ်ကို သီးသန့်မွေးထားတဲ့ အတွက်ကြောင့်မို့လို့ အရသာလဲ တော်‌တော်ရှိပါတယ်။

ကြက်ဥကြော်

ဂျပန်ရဲ့ ကြက်ဥကြော်ကလဲ နာမည်ကြီးထဲမှာပါဝင်ပါတယ်။ ကြက်ဥကြော်ကတော့ ရုပ်ရှင်တွေထဲမှာလဲ ခဏခဏ ပါဝင်နေတဲ့အတွက်ကြောင့်မို့လို့တခေါက်လောက်တော့ စားကြည့်ဖို့ အကြံပေးချင်ပါတယ်၊

ပင်လယ်စာ အသုပ်

ဒီတစ်ခုကတော့ ကျွန်တော့်ရဲ့အကြိုက် ဆူရှီအမျိုးအစားတစ်ခုဖြစ်ပါတယ်။ ပင်လယ်စာ အားလုံးကိုမ‌ရောနိစ်နဲ့ သုပ်ထားတဲ့အတွက်ကြောင့်မို့လို့ တော်တော်လေးကိုစားလို့ကောင်းပါတယ်။

ဂျင်းကောင် hotate

hotate ဆိုတဲ့ ဂျင်းကောင်တွေကတော့ ဂုံးနဲ့တူတဲ့ ပင်လယ်သတ္တဝါခရုတစ်မျိုးဖြစ်ပါတယ်။ ဒီဆူရှိကလဲ အရမ်းကိုအရသာရှိပြီးစားလို့ကောင်းပါတယ်။

inari sushi

inari sushi လို့ခေါ်တဲ့ အကြော်ထဲမှာထမင်းလိပ် ထည့်စားတဲ့ ဆူရှီကလဲ စားကြည့်သင့်တဲ့ ဆူရှီအမျိုးအစားထဲမှာ ပါဝင်ပါတယ်။ သတ်သတ်လွတ်ဖြစ်ပြီး စားရလဲလွယ်ကူပါတယ်။

ဆူရှီဆိုင်အမျိုးအစားများ

ဆူရှီဆိုင်တွေက အရင်ကဆိုရင် စျေးအရမ်းကြီးပြီး အနားမကပ်နိုင်လောက်အောင်အထိဖြစ်ပါတယ်။ ဒါပေမယ့် အခုနောက်ပိုင်းမှာတော့ ဂျပန်ရဲ့ နေရာအနှံ့မှာ 回転寿司 kaitensushi လို့ခေါ်တဲ့ဆူရှီဆိုင်တွေလဲပေါ်လာတဲ့ အတွက်ကြောင့် စျေးနှုန်းသက်သက်သာသာနဲ့ လွယ်လွယ်ကူကူစားသောက်နိုင်လာပါတယ်။ ဆူရှိဆိုင်အမျိုးအစားကိုတော့ ၂ မျိုးလောက်ခွဲနို်ပါတယ်။ 回転寿司 kaitensushi ဆိုတဲ့ Tablet ကနေ အော်ဒါမှာပြီး စားပွဲဆီရောက်လာတဲ့ ဆူရှီဆိုင်အမျိုးအစားနှင့် စာဖိုးမှုးကို တိုက်ရိုက်မှာတဲ့ ဆူရှီဆိုင်အမျိုးအစားပဲဖြစ်ပါတယ်။ ဒီမှာတော့ အထူးသဖြင့် 回転寿司 kaitensushi နဲ့ပတ်သက်ပြီးသေချာဖော်ပြသွားပါ့မယ်။

回転寿司（kaitensushi）

回転寿司（kaitensushiရဲ့ ထူးခြားချက်ကတော့ အပေါ်မျာပြောခဲ့သလိုပဲ မိသားစု၊ သူငယ်ချင်းတွေနဲ့ ပျော်ပျော်ရွှင်ရွှင်စားသုံးနိုင်တဲ့ ကလေးလူကြီးမရွေးသွားရောက်စားသုံးနိုင်ပြီး စျေးလဲ တန်တဲ့ ဆူရှီဆိုင် အမျိုးအစားဖြစ်ပါတယ်။ နောက်ပြီး နိုင်ငံခြားသားတွေအတွက်လဲ စားရတာအဆင်ပြေတဲ့ ဆူရှိဆိုင်အမျိုးအစားလို့ဆိုရမှာပါ။ ဘာလို့လဲဆိုတော့ Tablet တိုက်ရိုက်အောက်ဒါမှာနိုင်ပြီး Tablet မှာဆိုရင် ဘာသာစကားအမျိုးမျိုးနဲ့ဖော်ပြထားတဲ့ အတွက်ကြောင့်မိုလို့ အဆင်ပြေပြီးလွယ်ကူပါတယ်။ နောက်ပြီး ဆူရှီတစ်ခုတည်းမဟုတ်ဘဲ တခြားအစားစာတွေကိုပါ မှာယူစားသောက်နိုင်တာကလဲ 回転寿司（kaitensushi) ရဲ့ ထူးခြားချက်တစ်ရပ်ဖြစ်ပါတယ်။

回転寿司（kaitensushi）ဆိုင်မှာ ဘယ်လိုဆူရှိစားမလဲ။

အပေါ်မှာပြောခဲ့သလိူပဲ Tablet တိုက်ရိုက်အောက်ဒါမှာနိုင်ပြီး ကိုယ်အော်ဒါမှာထားတဲ့ ဆူရှီရောက်လာရင်ပန်းကန်ကိုပါ ယူရမှာဖြစ်ပါတယ်။ နောက်ပြီးစျေးနှူန်းကိုတော့ ‌‌အရောင်အပေါ်မူတည်ပြီး သတ်မှတ် ထားပြီး ပန်းကန်အရေအတွက်နဲ့ ပိုက်ဆံရှင်းရတဲ့ အတွက်ကြောင့်မိုလို့ မှာပြီးသား ပန်းကန်ကို ပြန်ထည့်လို့မရပါဘူး၊ ကျွန်တော် တို့မြန်မာပြည်မှာ ဝက်သားတုတ်ထိုးစားတဲ့ ပုံစံနှင့် ဆင်တူပါတယ်။

သတိထားရမယ့် အချက်များ

နောက်ပြီး 回転寿司（kaitensushi）ဆိုင်မှာ စားတော့မယ်ဆိုရင် အောက်ကအချက်လေးတွေကို လိုက်နာရပါမယ်။

တခြားသူမှာထားတဲ့ ဆူရှီကိုမယူရ

ကိုယ်မမှာထားတဲ့ အော်ဒါကိုယူလို့မရပါဘူး။ ဆိုင်အပေါ်မူတည်ပြီးတော့ ကိုယ့်မှာထားတဲ့ အော်ဒါဟုတ်မဟုတ် စစ်ဆေးနိုင်ပြီး ကိုယ်မှာထားတဲ့ အော်ဒါရောက်လာရင်တော့ ရောက်လာကြောင်း အချက်ပေးတဲ့ စနစ်ရှိတဲ့ ဆိုင်တွေလဲရှိပါတယ်။

စားပြီးသား အစားအသောက်တွေကိုပြန်မထည့်ရ

နောက်တစ်ချက်ကတော့ စားပြီးသား အစားအသောက် တွေကို လုံးဝ ထပ်ထည့်လို့မရပါ။ လက်နဲ့ထိပြီးသားဆိုပြန်ထည့်လို့မရတော့ပါဘူး။

ဆိုင်မှာ အချိန်ကြာကြီးအချိန်ဆွဲပြီးနေခြင်း

回転寿司（kaitensushi）ဆိုင်မှာကတော့ လူတွေအများကြီးလာတဲ့အတွက်ကြောင့်မိုလို့ တတ်နိုင်သလောက်မြန်မြန် စားသင့်ပါတယ်။ အထူးသဖြင့်လူတိုးနေတဲ့ အချိန်မှာ အချိန်အကြာကြီးဆွဲပြီးနေတာကတော့ သိပ်မကောင်းတဲ့ အတွက်ကြောင့်မိုလို့ ရှောင်ကြဥ်သင့်ပါတယ်။

အကျဥ်းချုပ်

ဒီဆောင်းပါးမှာတော့ ဆူရှိအမျိုးအစားတွေနဲ့ 回転寿司（kaitensushi) အကြောင်းအနည်းငယ်ကိုဖော်ပြခဲ့ပါတယ်။ ဂျပန်ရောက်လာပြီဆိုရင် ဆူရှီကတော့ စားသင့်တဲ့ အစားစာတွေထဲမှာ အထိပ် ဆုံးကပါဝင်တဲ့အတွက်ကြောင့်မို့လို့ စားဖြစ်အောင်စားဖို့ တိုက်တွန်းချင်ပါတယ်။ 回転寿司（kaitensushi) ကိုသွားရောက်တဲ့အချိန်မှာလဲ စည်းမျဥ်းစည်းကမ်းတွေကို စနစ်တကျလိုက်နာပြီး တခြားလူတွေ အနှောက်အယှက်မဖြစ်အောင် ဆူရှီတွေကို တဝကြီးစားဖို့ အကြံပေးလိုက်ပါတယ်။