ဂျပန်အင်တာဗျူးများအတွက်အမေးများသောမေးခွန်းများနှင့်အဖြေများ(Frequently Asked Questions and Answers for Japanese Interviews)

အလုပ်အတွက် အင်တာဗျုးတွေမှာတော့ သတ်မှတ်ထားတဲ့ ကြိုတင်ပြင်ဆင်နိုင်တဲ့ မေးခွန်းတွေ အများကြီးရှိပါတယ်။ ဒီမေးခွန်းတွေကတော့ အဓိကကျပြီး အခြေခံကျတဲ့ မေးခွန်းတွေလဲ ဖြစ်ပြီး သေချာ ဖြေနိုင်ဖို့လဲ တော်တော် အရေးကြီးပါတယ်။ ဒါကြောင့် ဒီဆောင်းပါးမှာတော့ အင်တာဗျူးတွေမှာ အမေးများတဲ့ မေးခွန်းတွေနဲ့ အတူဘယ်လို အဖြေတွေမျိုးပေးသင့်လဲ ဆိုတဲ့ အကြောင်းတဲ့ အင်တာဗျူးတွေမှာ သတိထားသင့်တဲ့ Mannar တွေအကြောင်းကို ရှင်းလင်းတင်ပြသွားပါ့မယ်။ 

မာတိကာ

• အလုပ်အင်တာဗျူးမှာမေးလေ့ရှိသော မေးခွန်းများ 
  • ကိုယ့်အကြောင်းနဲ့ပတ်သက်ပြီး（自己紹介）
  • အလုပ်လျှောက်ရခြင်းရဲ့ ရည်ရွယ်ချက်（志望動機)
  • ကိုယ့်ရဲ့ အားသာချက်၊ အားနည်းချက်၊（長所•短所）
  • အလုပ်လျှောက်တဲ့ရည်ရွယ်ချက်နဲ့ပတ်သက်ပြီး
  • အင်တာဗျူးမှာ နောက်ဆုံးမေးလေ့ရှိသောမေးခွန်း 
• အင်တာဗျူးဖြေဆိူအချိန် သတိထားသင့်တဲ့ အမူအရာများ
• အကျဥ်းချုပ် 

ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။

ကိုဘ်တကယ်လုပ်ချင်တဲ့ အလုပ်ကိုလုပ်နေရဲ့လား။ နိုင်ငံခြားသားတွေကို အလုပ်ခန့်တဲ့ ကုမ္ပဏီတွေကိုသိချင်တယ် ဂျပန်မှာ အနာဂါတ်အသက်မွေးဝမ်းကြောင်းအတွက် စိုးရိမ်ပူပန်နေပါသလား လက်ရှိဗီဇာနှင့် ဘယ်လိုအလုပ်မျိုး လုပ်နိုင်လဲ သိချင်ပါသလား။

ဂျပန်မှာ အလုပ်ရှာဖို့အတွက် WeXpats Agent မှအစအဆုံး Support ပေးပါမည်။ အခမဲ့ WeXpats Agentဆွေးနွေးကြည့်နိုင်ပါသည်။

အလုပ်အင်တာဗျူးမှာမေးလေ့ရှိသော မေးခွန်းများ 

ဘယ်အလုပ်အင်တာဗျုးမှာမဆို အများအားဖြင့် 

• ကိုယ့်ကိုကို မိတ်ဆက်ခြင်း（自己紹介） 

• အလုပ်လျှောက်ရခြင်းရဲ့ ရည်ရွယ်ချက်（志望動機） 

•  အလုပ်အတွေ့အကြုံနဲ့ပတ်သက်ပြီး

• ကိုယ့်ရဲ့ အားသာချက်၊ အားနည်းချက်၊（長所•短所）

• အနာဂါတ်ရည်မှန်းချက် （今後のキャリアプラン）

စတဲ့ မေးခွန်း တွေပဲဖြစ်ပါတယ်။ ဒီအပိုင်းမှာတော့ ဒီမေးခွန်းတွေကို ဘယ်လိုဖြေရမလဲ ဆိုတာနဲ့ ဖြေတဲ့ အချိန်မှာသတိထားရမယ့် အချက်တွေကို အရင်ရှင်းလင်းဖော်ပြသွားပါမယ်။ 

ကိုယ့်ကိုကို မိတ်ဆက်ခြင်း（自己紹介） 

အင်တာဗျူးအတိုင်းအလိုလိုမေးလေ့ရှိတာကတော့ ကိုယ့်အကြောင်းနဲ့ပတ်သက်ပြီးပဲဖြစ်ပါတယ်။ 

自己紹介をしてください。（じこしょうかいをしてください）

じこしょうかい ကို အစအစချင်းမှာ ပြောခိုင်းလေ့ရှိပါတယ်။ ကိုယ့်ကိုကိုမိတ်ဆက်ခိုင်းတဲ့မေးခွန်းဖြစ်ပါတယ်။ ကိုယ်အကြောင်းကိုသိချင်လို့မဟုတ်ဘဲ တခါတည်းဂျပန်စာအရည်အချင်းကိုပါ ကဲဖြတ်နေတာမို့ သေချာပြတ်သားစွာ ဖြေနိုင်အောင်လေ့ကျင့်ထားဖို့လိုအပ်ပါတယ်၊ နောက်ပြီး အရမ်းရှည်လွန်းရင်လဲမကောင်းပါဘူး။ ကိုယ်ရဲ့ အရည်အချင်းတွေကို ထုတ်ပြရမယ့် အချိန်လဲ မဟုတ်သေးလို့ အရမ်းကြီး မရှည်ပဲ ခပ်တိုတိုနဲ့ သေသေချာချာလေး ဖြေဆိုကြရအောင်။ အချိန်အတိုင်းအတာအနေနဲ့ တော့ စက္ကန့် ၃၀ မှ တမိနစ်အတွင်း ပြောနိုင်အောင်လေ့ကျင့်ထားရင် အဆင်ပြေပါတယ်။ ကဲဒါဆို ဖြေဆိုပုံ‌ဖြေဆိုနည်းကို ဥပမာလေးနဲ့ တကွကြည့်လိုက်ကြရအောင်။ 

ဂျပန်လို 

「●●●●●●と申します。年齢は24歳です。ミャンマーのヤンゴン出身です。ミャンマーの●●大学●●学部を卒業して、日本語学校で2年間通訳として働きました。日本に来るミャンマー人を助ける仕事には自信があります。以上となります。本日はよろしくお願いいたします。」

ယေဘူယျအားဖြင့် Jikoshoukai အပိုင်း၏ဖွဲ့စည်းပုံမှာအောက်ပါအတိုင်းဖြစ်သည်။ ပထမနှင့်နောက်ဆုံးအမည်၊ ကျောင်း၊ အဓိက၊ လက်ရှိအတန်း (သို့မဟုတ်ဘွဲ့ရနှစ်)၊ လက်ရှိအလုပ်နဲ့ အပိတ်စကားလေးကိုပြောပေးပါ။

အပိတ်စကားအနေနဲ့ 本日はよろしくおねがいいたします。လို့ပြောရင်အဆင်ပြေပါတယ်။ 

なぜにほんにきたのですか？ဘာလို့ဂျပန်ကိုလာတာလဲ?

ဘာလို့ဂျပန်ကိုလာလဲဆိုတဲ့ မေးခွန်းကလဲ မကြာခဏမေးလေ့ရှိတဲ့မေးခွန်းပဲဖြစ်ပါတယ်။ ဒီမေးခွန်းကိုဆိုရင် ကိုယ့်ရဲ့အိပ်မက်နဲ့ ဂျပန်နဲ့ပတ်သက်ပြီးဘာကိုစိတ်ဝင်စားလဲ စတဲ့အချက်တွေကို ဖြေရမှာဖြစ်ပါတယ်။ 

ဖြေပုံဖြေနည်းကိုကြည့်လိူက်ကြရအောင် 

ကျွန်တော်က ငယ်ငယ် ကတည်းက ဂျပန်ကာတွန်းတွေကိုဖတ်ပြီး ဂျပန်စာအုပ်တွေကို ဘာသာပြန်နဲ့မဟုတ်ဘဲ ဂျပန်လို နဲ့ ဖတ်ကြည့်ချင်ခဲ့ပါတယ်။ နောက်ပြီး ဂျပန်မှာအလုပ်လုပ်နေတဲ့သူငယ်ချင်းဆီက ဂျပန်လူမျိုးတွေကအလုပ်အရမ်းကြိုးစားကြတယ် ဆိုတဲ့အကြောင်းလဲ ကြာဖူးပါတယ်။ အရမ်းကြိုးစားတဲ့ ဂျပန်တွေနဲ့ အတူတူနေရင် ပိုပြီးတော့ ဂျပန်စာလူပ်ဖြစ်မယ်လို့ထင်လို့ ဂျပန်ကိုလာလဲ့ပါတယ်။ 

ဂျပန်ကိုလာတဲ့အကြောင်းကိုပြောတဲ့အချိန်မှာ ဒီအတိုင်းဂျပန်စာသင်ချင်လို့၊ ဂျပန်ကိုသဘောကျဆိူတာမျိုးထက် ပိုပြီးတိကျတဲ့အကြောင်းအရင်းလေးပါထည့်ပြောရင်ထိ‌ရောက်မှုပိုရှိပြီးကောင်းမွန်တဲ့အဖြေရရှိနိုင်မှာပါ။

なぜにほんにきではたらきたいですか？ဘာလို့ဂျပန်မှာ အလုပ်လုပ်ချင်တာလဲ။

ဒီမေးခွန်းကလဲ‌တော်‌တော် များများ အမေးများတဲ့မေးခွန်းပဲဖြစ်ပါတယ်။ ဒီမေးခွန်းမှာကတော့ ဘာလို့ ဂျပန်မှာအလုပ်လုပ်ချင်တာလဲနဲ့ အချိန်အကြာကြီးအလုပ်လုပ်ချင်ဖို့အစီအစဥ်ရှိလား စတဲ့ အကြောင်းအရာတွေ ကိုမေးတာပါ။ 

ဒီမေးခွန်းရဲ့ ဖြေပုံဖြေနည်းကတော့ ကိုယ့်အတွေ့အကြုံကိုအရင်ဦးစွာပြောပြပြီး ဒီအတွေ့အကြုံကို အလုပ်မှာဘယ်လိုအသုံးချမလဲဆိုတာကို ပြောပြပြီးနောက်ဆုံးမှာ ဘာလို့ဂျပန်ကိုရွေးချယ်ရလဲဆိုတာကို သေချာပြောပြနိုင်အောင် ဖြေဆိုရပါမယ်။ 

ဥပမာ - 

အရင်ကလုပ်ဖူးတဲ့ ဘာသာပြန်အလုပ် ရဲအတွေ့အကြုံကိုအသုံးချပြီး ဂျပန်မှာအလုပ်လုပ်မယ်လို့ ဆုံးဖြတ်ထားပါတယ်။ ပြီးတော့ ဂျပန်နိုင်ငံက တခြားနိူင်ငံတွေထက်ပိုပြီးတော့ 

လုံခြုံစိတ်ချရပြီးငြိမ်းချမ်းလို့ပါ။ 

ဒီလိုအဖြေတွေအပြင် ဂျပန်မှာက ပိုပြီး ပိုက်ဆံပိုရလို့ပါ။ ဂျပန်နိုင်ငံရဲ့ ရိုးရာယဥ်ကျေးမှုတွေကိုသဘောကျလို့ပါ၊ အစသဖြင့် ဖြေဆိုလို့ရပါတယ်။ ဒါပေမယ့် အရေးကြီးတဲ့ အချက်တချက်က ကိုယ်ပြောတာကို ကိုယ်တာဝန်ယူနိုင်ဖို့လိုပါတယ်။ ဥပမာဂျပန်ရဲ့ ယဥ်ကျေးမှုသဘောကျတယ်လို့ဖြေရင် မေးတဲ့သူဘက်က ဂျပန်နိုင်ငံရဲ့ ဘယ်ယဥ်ကျေးမှုကိုသဘောကျ လဲဆိုတာပြန်မေးလာနိုင်ပါတယ်။ ဒီလိုအခြေအနေ မျိုးမှာလဲ သေချာ ဘယ်လို ယဥ်ကျေးမှုမျိုးကိုကြိုက်လဲဆိုတာကို ပြန်ရှင်းပြဖို့လိုအပ်ပါတယ်။ 

အလုပ်လျှောက်ရခြင်းရဲ့ ရည်ရွယ်ချက်（志望動機）

အလုက်ကိုလျှောက်ရတဲ့အကြောင်းအရင်းကလဲ မဖြစ်မနေမေးတဲ့ မေးခွန်းတစ်ခုဖြစ်ပါတယ်။ ဒီမေးခွန်းတွက်ကတော့ ကိုယ်ဖြေမယ့် ကုမ္ပဏီရဲ့ အကြောင်းကိုသေချာသိအောင်လုပ်ထားဖို့လိုအပ်ပါတယ်။ ကုမ္ပဏီဘယ်လိုအရာတွေကိုလုပ်တွေလဲ ဘယ်အရာတွေကိုအလေးထားလဲ အစသဖြင့် လေ့လာပြီးကိုယ့်အဖြေကိုလဲတတ်နိုင်သလောက် ဒီလိုအကြောင်းအရာတွေနဲ့ကိုက်ညီအောင် ဖြေဆိုတတ်အောင်လေ့ကျင့်ပါ။ 

ဖြေပုံဖြေနည်း ဥပမာအနေနဲ့က‌တော့ 

ဂျပန်မှာနေထိုင်နေတဲ့ မြန်မာတွေကိုကူညီချင်တဲ့စိတ်နဲ့ ဒီအလုပ်ကိုလျှောက်ခဲ့တာပါ။ဂျပန်စာကိုလေ့လာပြီးဂျပန်မှ,အလုပ်လုပ်နေတဲ့ မြန်မာလူမျိုးတွေအများကြီးရှိပေမယ့် ဂျပန်နဲ့ပတ်သက်တဲ့ အချက်အလက်တွေက နည်းနေတုန်းဖြစ်ပါတယ်။ လူကြီးမင်းတို့ ကုမ္ပဏီဆို မြန်မာလူမျိုးတွေအတွက် အလုပ်အကိုင်ရှာဖွေခြင်း၊အလုပ်အကိုင်မိတ်ဆက်ခြင်းတွေကိုပါလုပ်နေတာမို့ ကျွန်တော်လုပ်ချင်တဲ့အလုပ်နဲ့ ထပ်တူကျတယ်လို့ထင်ပါတယ်၊၊ 

ကုမ္ပဏီအများကြီးကိုအလုပ်လျှောက်တဲ့အခါမှာလဲ ကုမ္ပဏီ တစ်ခုချင်းစီရဲ့ အချက်အလက်တွေကိုစုစည်းထားဖို့လိုအပ်ပါတယ်။ 

သတိထားရမယ့်အချက်နဲ့ ထည့်သွင်းပြောဆိုသင့်တဲ့ အချက်တွေကတော့ 

ဘာလို့ ဒီလိုလုပ်ငန်းမျိုးကို လုပ်ချင်တာလဲ။ ဘာလို့ ဒီ ကုမ္ပဏီမျာ အလုပ်လုပ်ချင်လဲ ဆိုတဲ့အကြောင်းတွေအပြင် ဘယ်အရာတွေက ဆွဲဆောင်မှုရှိတဲ့ ရှိလဲ ဆိုတဲ့အချက် တွေလဲဆိုတာတွေအပြင် ဒီလုပ်ငန်းမှာ ဘာတွေကြိုးစားချင်လဲ ဆိုတဲ့ အချက်တွေကိုပါ ပေါင်းပြီးပြောရင် ပိုပြီးတော့ ထိရောက်ပါတယ်။ 

ဂျပန်လာပြီးဒုက္ခအရောက်ဆုံး ကိစ္စကိုပြောပြပါ။

ဒီမေးခွန်းကတော့ ပြသနာတွေကိုဖြေရှင်းနိုင်စွမ်းဘယ်လောက်ရှိလဲဆိုတာကို သိချင်လို့မေးတဲ့မေးခွန်းဖြစ်ပါတယ်။ ဘယ်အရာနဲ့ပတ်သက်ပြီးဒုက္ခရောက်လဲ ဘယ်လိုကျော်ဖြတ်ခဲ့လဲ စတာတွေကို ပြောပြဖို့လိုပါတယ်။ 

ဖြေပုံဖြေနည်း ဥပမာ အနေနဲ့ကတော့

ဂျပန်မှာ အချိန်ပိုင်းအလုက်လုပ်ခဲ့တုန်းက ကိုယ့်ကိုကို အကောင်းဆုံးကြိုးစားခဲ့ပေမယ့် ဧည့်သည်ဆီကနေပြီးတော့ ကွန်ပလိန်းအတက်ခံရဖူးပါတယ်။ သေသေချာချာ ကြည့်ပေမယ့်လဲ လုံးဝ အမှားမပါတာကြောင့် ဘာမှားတာလဲဆိုပြီး တောက်လျှောက် စိတ်ထဲ ထစ်နေခဲ့ပါတယ်။ ဒါကြောင့် ဂျပန်လူမျိုး စီနီယာ နဲ့ တိုင်ပင်ကြည့်တော့ ကိုယ်ပြောလိုက်တဲ့အသုံးအနှုန်းက သိပ်အဆင်မပြေဘူးဆိုတာသိခဲ့လိုက်ရပါတယ်။ အဲဒီကနေစပြီး တစ်ခုခု ဒုက္ခရောက်တိုင်း ဒီအတိုင်းတယောက်တည်း စိတ်ဆင်းရဲ မနေနဲ့ တယောက်ယောက်နဲ့တိုင်ပင်ပါတော့တယ်။ ဂျပန်စာနဲ့ပတ်သက်ပြီး နည်းနည်း ဒုက္ခ ‌ရောက်တဲ့အခြေအနေတော့ရှိပေမယ့်အလုပ်ဖော်ကိုင်ဖက်တွေရဲ့ အကူအညီကိုယူရင်း အတူတူ ကျော်လွှားသွားချင်ပါတယ်။ 

ဒုက္ခရောက်ခဲ့တဲ့အကြောင်းကိုအသေးစိတ်ရှင်းပြတာထက် ဒီဒုက္ခကို ဘယ်လိုဖြေရှင်းလိုက်လဲ ဆိုတာနဲ့ နောက်ပိုင်းမှာ ဘယ်လို အသုံးချလိုက်လဲဆိုတာကို ပြောပြရင်ပိုပြီးထိရောက်ပါတယ်။ 

ကိုယ့်ရဲ့ အားသာချက်၊ အားနည်းချက်၊（長所•短所）

အားသာချက်နဲ့ အားနည်းချက်တွေကလဲ အင်တာဗျုးတွေမှာ ခဏခဏ မေးနိုင်တဲ့ မေးခွန်းတွေမျိုးဖြစ်ပါတယ်။ ဒီမေးခွန်းတွေကတော့ အကျင့်စရိုက် ကိုသိချင်လို့ မေးတဲ့ မေးခွန်းမျိုးလဲ ဖြစ်ပါတယ်။ ဒါကြောင့် မို့လို့ ကိုယ်အကျင့် စရိုက်ကို သေချာ စဥ်းစားပြီးဖြေဆိုဖို့အကြံပေးချင်ပါတယ်။ အဓိက အားဖြင့် အားနည်းချက်ကို ဖြေ ဆိုတဲ့ အချိန်မှာဒီလို အားနည်းချက်ကို ကျော်လွှားဖို့အတွက် ဘယ်လိုပြင်ဆင်နေလဲ ဆိုတဲ့ အချက်ကို ဖြည့်စွက်ပြီးပြောဆိုရင် ပိုပြီးတော့ ကောင်းမွန်တဲ့ အဖြေဖြစ်လာမှာပါ။ အဲဒါကြောင့် အားသာချက်ကတော့ ဒီအချက်တွေပါ။ အားနည်းချက်ကတော့ ဒီအချက်တွေပါ ဆိုတာထက် အားသာချက် တွေကတော့ ဒီအချက်တွေဖြစ်ပြီး ဒီအားနည်းချက်ကို ပြင်ဆင်ဖို့အတွက်တော့ ဒီလို ပြင်ဆင်မှုတွေ လုပ်နေပါတဲ့ ဆိုတဲ့အဖြေမျိုးက အကောင်းဆုံးဖြစ်မှာပါ။

 အလုပ်အတွေ့အကြုံနဲ့ပတ်သက်ပြီး

အခုချိန်ထိ လုပ်လာတဲ့အလုပ်အတွေ့အကြုံကိုပြောပြပါ။

အလုပ်အတွေ့အကြုံကိုမေးတဲ့အချိန်မှာ အခုချိန်အထိ လုပ်လာတဲ့ အလုပ်အကြောင်းအရာကို သေသေချာချာတဲ့ တိုတိုတောင်းတောင်းပြောပြဖို့လိုအပ်ပါတယ်။ နောက်ပြီး အလုပ်လုပ်ခဲ့တဲ့ ပတ်ဝန်းကျင်နဲ့ ကိုယ့်ရဲ့တာဝန်၊ နောက်ပြီး ကိုယ်အောင်မြင်အောင်ကြိုးစားနိုင်ခဲ့တဲ့အရာတွေကို ရှင်းပြဖို့လိုအပ်ပါတယ်။

ဖြေပုံဖြေနည်း ဥပမာကတော့ 

ဂျပန်ဘာသာစကားသင်တန်းမှာ စကားပြန်လုပ်ခဲ့ပါတယ်။ ကျွန်တော် ကတော့ ပြည်ဝင်ခွင့်ရဖို့အတွက် စာရွက်စာတမ်း၊ နေထိုင်မှုနဲ့ပတ်သက်တဲ့ အကြောင်းတွေကို ဆွေးနွေးပေးတာတို့ကိုတာဝန်ယူခဲ့ပါတယ်။ ကိုယ်တာဝန်ယူခဲ့တဲ့သူတွေအကြောင်းကိုတယောက်ချင်းစီအသေးစိတ် စဥ်းစားပြီး အကောင်းဆုံးကူညီပေးခဲ့ပါတယ်။

အလုပ်အတွေ့ အကြုံတွေအများကြီးရှိတဲ့ သူတွေကတော့ အလုပ်အတွေ့အကြုံတစ်ခုကို အနည်းဆုံး စက္ကန့် ၃၀ ကနေ ၁ မိနစ်အထိ ပြောပါ။ 

အလုပ်မှာ ‌အောင်မြင်ခဲ့တဲ့အတွေ့အကြုံနဲ့ ရလာဒ်နဲ့ပတ်သက်ပြီးပြောပြပါ။

ဒီမေးခွန်းမှာတော့ အလုပ်ကိုသေချာလုပ်ခဲ့တာကိုဖြေနိုင်မယ့် မေးခွန်းမျိုးပါ။ ဒီမေးခွန်းကိုဖြေတဲ့အချိန်မှာတော့ ဇာတ်လမ်းလေးနဲ့ဖြေရင်ပိုပြီးတော့ထိရောက်ပါတယ်။ 

ဥပမာအနေနဲ့ကတော့ 

ကျွန်တော်ကတော့ ဂျပန်ကိုလာတဲ့ နိုင်ငံခြားသားတွေ ဒုက္ခရောက်ဆုံးအရာနဲ့ အသုံးဝင်မယ့် အချက်အလက်တွေကို စုစည်းပြီး ရုံးတွင်းမှာ မျှဝေခဲ့ပါတယ်။ ရုံးတွင်းမှာက မြန်မာလူမျိုးဆိုလို့ ကျွန်တော် တယောက်တည်းရှိတာမို့ တခြား ဂျပန်လူမျိုးတွေလဲ ကျွန်တော်ဆီမှာ နိုင်ငံခြားသားတွေနဲ့ပတ်သက်ပြီး စိုးရိမ်ပူပန်တာတွေရှိရင် ကျွန်တော့် ဆီကိုပဲ‌ရောက်လာတတ်ကြပါတယ်။ 

ရုံးမှာအောင်မြင်ခဲ့တဲ့အကြောင်းအရာတွေနဲ့ပတ်သက်ပြီး လုပ်ခဲ့တဲ့အကြောင်းအရာတွေ ပရောဂျက်တွေကိုပြောပြရင်း အသေးစိတ်အကြောင်းအရာတွေကိုပါ အတိုချုပ်ပြီးပြောပြနိုင်ရင် တော်‌တော် ကောင်းမွန်တဲ့အဖြေကိုရရှိနိုင်ပါတယ်။ 

ကျရှုံးတဲ့အချိန်မှာ ဘယ်လိုမျိုးတုံ့ပြန်လေ့ရှိပါသလဲ

ဒီမေးခွန်းကလဲ ပြသာနာကို ကိုင်တွယ်ဖြေရှင်နိုင်စွမ်း၊ စိုးရီမ်စိတ်တွေ စိတ်ဖိစီးမှုတွေအပေါ် ထိန်းချုပ်နိုင်စွမ်း တွေကိုရှိမရှိ စမ်းသပ်တဲ့မေးခွန်းဖြစ်ပါတယ်။ ဒီမေးခွန်းကိုဖြေတဲ့အချိန်မှာ ဘယ်လို ကိုယ် ကျရှုံးတဲ့အကြောင်းကိုသေချာရှင်းပြပြီး ဘယ်လိုမျိုး အရှုံးကနေ သင်ခန်းစာတွေရယူခဲ့လဲဆိုတာကိုရှင်းပြတတ်ဖို့လိုအပ်ပါတယ်။

ဖြေပုံဖြေနည်းကတော့ 

ကျွန်တော် ဂျပန်ကို ကျောင်းတက်ဖို့လာခါစတုန်းက ကိုယ်ရည်မှန်ထားတဲ့ ဂျပန်စာအဆင့်အထိရောက်အောင် ဂျပန်စာကိုတိုးတက်အောင်မလုပ်နိုင်ခဲ့ပါဘူး။ အကြောင်းအရင်းကတော့ မြန်မာလူမျိုးတွေနဲ့ ဂျပန်လိုမပြောဘဲ ဂျပန်လိုချည်းပြောနေခဲ့လိုပါ၊ နောက်ပိုင်းမှာတော တတ်နိုင်သလောက် ကျောင်းအချိန်ပြင်ပမှာလဲ ဂျပန်လို 

ပြောဖြစ်အောင်လေ့ကျင့်ခဲ့ပါတယ်။အချိန်ပိုင်းအလုပ်မှာလဲတတ်နိုင်သလောက် ဂျပန်လူမျိုးတွေနဲ့ ဂျပန်ဘာသာစကားကို ပြောဖြစ်အောင်နေပါတယ်။ ဒါကြောင့် ကိုယ့်အတွက်ခက်ခဲတဲ့ ဂျပန်စာတွေလဲ ပိုပြီးတော့လွယ်ကူလာခဲ့ပါတယ်။ အဲဒီနောက်ပိုင်းကိုယ့်ရဲ့ ကျရှုံးခန်းကို သတိထားမိတာနဲ့ ချက်ချင်း ကိုယ့်လှုပ်ရှားမှုတွေကိုပြောင်းလဲဖို့လိုအပ်ကြောင်းသင်ယူခဲ့ရပါတယ်။

အလုပ်မှာဘယ်အရာကို အလေးထားပြီးနေလဲ?

ကိုယ့်ရဲ့ အလုပ်ပေါ် ထားတဲ့သဘောထားကိုပြောဖို့လိုပါတယ်။ ကိုယ်အလေးထားတဲ့အရာ၊ ကိုယ် အာရုံစိုက်နေတဲ့အရာတွေကိုမေးလေ့ရှိတာများပါတယ်။နောက်ပြီး ကိုယ့်စကားကိုယ်တည်တာတို့ ၊ အချိန်မှန်အောင်ရုံးတက်တာတို့က လုံးဝ ပုံမှန်အကြောင်းအရာတွေဖြစ်တာမို့ ဒီအကြောင်းတွေနဲ့ ပတ်သက်ပြီးဖြေတာတို့ကို ရှောင်သင့်ပါတယ်။

ဖြေပုံဖြေနည်းဥပမာလေးကတော့ 

ကျွန်တော်ကတော့ အလုပ်မှာ အများသောအားဖြင့် [အကြောင်းကြားခြင်း၊ ဆက်သွယ်ခြင်း၊ ဆွေးနွေးတိုင်ပင်ခြင်း ] ကိုတော်တော် အလေးပေးပြီး လုပ်ဆောင်လျက်ရှိပါတယ်။ အလုပ်လုပ်တဲ့အချိန်မှာလဲအဖွဲ့နဲ့အလုပ်လုပ်တတ်အောင်ကြိုးစားပါတယ်။ တယောက်တည်း ကိုယ်ဘာသာကိုယ် အကောင်းဆုံးထင်နေတာထက် အသင်းအဖွဲ့နဲ့အတူတူ တိုင်ပင်ရင် အကောင်းဆုံးဖြစ်အောင်လုပ်နိုင်ဖို့ကြိုးစားခဲ့ပါတယ်။

အနာဂါတ်ရည်မှန်းချက် （今後のキャリアプラン）

အလုပ်ဝင်ဖြစ်ရင် ဘာလုပ်ချင်လဲ?

အခုအချိန်ထိလုပ်လာတဲ့အလုပ်နဲ့ နောက်ပိုင်းလုပ်သွားချင်တဲ့အလုပ်အကြောင်းကို ပြောပြရပါမယ်။ ကိုယ်ဖြေနေနဲ့ ကုမ္ပဏီရဲ့ အကြောင်းအရာနဲ့ပတ်သက်ပြီး‌ဖြေတာ ပိုပြီးကောင်းပါတယ်။

ဖြေပုံ‌ဖြေနည်းကတော့ 

ဂျပန်နိုင်ငံနဲ့မြန်မာနိုင်ငံကြားကို ပေါင်းကူးအနေနဲ့ လုပ်ပေးနိုင်တဲ့ သူမျိုးဖြစ်အောင်ကြိုးစားချင်ပါတယ်။ ယခင်တုန်းက ကျွန်တော် မြန်မာလူမျိုးတွေကို ဂျပန်နိုင်ငံမှာနေထိုင်တဲ့အကြောင်းနဲ့ပတ်သက်ပြီး ကူညီလာခဲ့ပါတယ်။ အလုပ်ဝင်ပြီးတဲ့နောက်ပိုင်းမှာ မြန်မာလူမျိုးတွေ ဘယ်လိုအကြောင်းအရာနဲ့ပတ်သက်ပြီး ဒုက္ခရောက်လဲ၊ နောက်ပြီး ဂျပန်လူမျိုးတွေရော မြန်မာလူမျိုးတွေရော တွေ့ကြု့နေရတဲ့ အခက်အခဲကို သေချာ နားလည်အောင်လုပ်ပြီး နှစ်ဦးနှစ်ဖက်စလုံးပြေလည်အောင် အကောင်းဆုံးကြိုးစားနိုင်ဖို့ စဥ်းစားထားပါတယ်။

မျှော်မှန်း လစာ နဲ့ ကိုပြောပြပါ

မျှော်မှန်း လစာ မေးလာပြီးဆို တိတိကျကျ ကိန်းဂဏန်းနဲ့ဖြေပါ။ စဥ်းစားလို့မရတဲ့အချိန်မျိုးမှာဆိုရင် ကိုယ်လျှောက်တဲ့အလုပ်ရဲ့ ပျမ်းမျှလစာကိုရှာဖွေထားပြီး ဒီလစာပမာဏ ကို ဖြေလိုက်တာလဲအဆင်ပြေပါတယ်။ 

ဖြေပုံဖြေနည်လေးကတော 

အလုပ်ခေါ်စာမှာ ●●● လို့ရေးထားလို လစာ ●●●လောက်လိုချင်ပါတယ်။

အရင်အလုပ်တုန်းက လစာက ●●● မို့လို့ အတူတူလောက်ရနိုင်မယ်ဆိုပိုအဆင်ပြေပါတယ်။

ဘယ်နှနှစ်လောက် အလုပ်လုပ်ချင်လဲ?

ဘယ်နှနှစ်လောက် အလုပ်လုပ်ချင်လဲဆိုတာကို ကိုယ့်ဘာသာကို ဘယ်နှနှစ်လောက် အလုပ်လုပ်ချင်လဲသေချာစဥ်းစားပြီးဖြေပါ။ ဒါပေမယ့် တခု သတိထားရမှာက ဂျပန်မှာ အကြာဆုံး လုပ်သက်က ၁၀ နှစ်ကျော် လို့ပြောလေ့ရှိကြပါတယ်။ နောက်ပြီး အတိုဆုံးဆိုရင် ၁နှစ်ကနေ ၃ နှစ် အတွင်းလို့ပြောကြပါတယ်။

ဖြေပုံဖြေနည်း

တိုင်းပြည်ကိုမပြန်ဖို့ ဆုံးဖြတ်ထားတာကြောင့် တောက်လျောက် ဒီမှာအလုပ်လုပ်ချင်ပါတယ်။

အနည်းဆုံး ၁၀ နှစ်ကြာလောက်အလုပ်လုပ်ပြီး လိုချင်တဲ့ ပညာတွေသင်ချင်ပါတယ်။ 

နောက်ပြီး ဂျပန်မှာဘယ်လောက်ကြာကြာနေမှာလဲ။ တိုင်းပြည်မှာကျန်ခဲ့တဲ့ မိသားစုကနေပြီးတော့ ပြန်လာခဲလို့ပြောရင် ဘယ်လိုလုပ်မလဲ အစသဖြင့် မေးခွန်းတွေလဲမေးတတ်ပါတယ်။

အင်တာဗျူးမှာ နောက်ဆုံးမေးလေ့ရှိသောမေးခွန်း 

အင်တာဗျူးနောက်ဆုံးမှာ မေးခွန်းတွေ ထပ်မေးတတ်ပါတယ်။ နောက်ထပ် လျှောက်ထားတဲ့ ကုမ္ပဏီတွေရှိသေးလားတို့၊ မေးချင်တာရှိသေးလားတို့မေးတတ်ပါတယ်။ 

တခြားလျှောက်ထားတဲ့ ကုမ္ပဏီတွေရှိသေးလား

လျှောက်ထားတဲ့ ကုမ္ပဏီတွေရှိသေးရင် အမှန်တိုင်းဖြေလိုက်ပါ။ နာမည်မမှတ်မိဘူး၊ မသိပါဘူးတို့ ဆိုတဲ့အဖြေမျိုးတွေက သိပ်ပြီးတော့ မကောင်းတာမို့ သတိထားသင့်ပါတယ်။ မရှိဘူးဆိုရင်လဲ မရှိဘူးဆိုတာကို မှန်မှန်ကန်ကန်ဖြေလိုက်ပါ။

 မေးချင်တာရှိသေးလား?

ကိုယ်ကိုမေးခွန်းပြန်မေးခိုင်းတဲ့အခါမျိုးကို အင်တာဗျူး နောက်ဆုံးမှာ အမြဲတမ်းမေးခိုင်းလေ့ရှိတတ်ကြပါတယ်။ ကုမ္ပဏီအကြောင်းကိုသေချာဖတ်ပြီးအနည်းဆုံး မေးခွန်း ၅ ခြလောက်ပြင်ထားလိုက်ကြရေအောင်။

ဥပမာ

●●လက်မှတ်ရှိတာမို့ အလုပ်မှာအသုံးဝင်နိုင်မလား?

တရက်တာ အလုပ်အကြောင်းကိုပြောပြပေးလို့ရနိုင်မလား?

အလုပ်ရဲ့ရလာဒ် ကို ဘယ်လိုအကြောင်းအရာ၊ ဘယ်လိုရှုထောင့်ကနေ ဆုံးဖြတ်လေ့ရှိလဲ?

နောက်ပိုင်း လုပ်ငန်းတိုးချဲ့ဖို့ရှိပါက ပြောပြပေးလို့ရနိုင်မလား?

အင်တာဗျုးမှာ ပြောရင်းထွက်ပေါ်လာတဲ့အကြောင်းအရာတွေ၊ နောက်ပြီး ကြိုပြီးကြည့်ထားတာနဲ့သိနိုင်တဲ့အကြောင်းအရာတွေကို မေးထာမျိုးက သိပ်ပြီးမထိရောက်ပါဘူး။ နောက်ပြီး ဂျပန်မှာတော့ ပိတ်ရက်၊ လစာ၊ အချိန်ပို အကြောင်းတွေမေးရင် သိပ်ပြိးတော့ မကောင်းပါဘူး၊ ဒါကြောင့် အဲလိုမေးခွန်းတွေမမေးမိအောင် သတိထားပါ။

စာရေးသူရွေးချယ်သောဆောင်းပါး

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

ဂျပန်ပြည်တွင်းလေကြောင်းလိုင်းတွေကို  ဘယ်လိုအသုံးပြုမလဲ?

ဂျပန်နေထိုင်မှုဘဝ

ဂျပန်နိုင်ငံ၏ကျန်းမာရေး/နေထိုင်မှုအာမခံအကြောင်းကိုလေ့လာကြရအောင်(Japan...

ဂျပန်နေထိုင်မှုဘဝ

အင်တာဗျူးဖြေဆိုအချိန် သတိထားသင့်တဲ့Manner များ 

အင်တာဗျုး သေချာဖြေနိုင်ပေမယ့် Mannerကောင်းရင်လဲ အင်တာဗျုးမှာ အောင်အောင်မြင်မြင် ဖြေဆိုနိုင်မှာ မဟုတ်ပါဘူး။ ဒါကြောင့်မို့လို့ အင်တာဗျုးကိုမှာ သတိထားသင့်တဲ့ Manner တွေကိုလဲ သေချာလိုက်နာသင့်တယ်။ ဒါမှသာ ကောင်းမွန်နဲ့ ရလာဒ်တွေကို ရနိုင်မှာ ဖြစ်ပါတယ်။

အချိန်ကိုလေးစားပါ။

ဂျပန်မှာတော့ အချိန်ကိုလေးစားတာက ပုံမှန် အပြုအမူတစ်ခုပါ။ ရထားနောက်ကျတာတို့၊ လုံးဝမတတ်နိုင်တဲ့ အခြေအနေမျိုးမှာတော့ အတတ်နိုင်ဆုံး မြန်မြန် အင်တာဗျူးမယ့် သူဆီကိုဖုန်းဆက်ပြီးတောင်းပန်အကြောင်းကြားသင့်ပါတယ်။

သန့်သန့်ရပ်ရပ် ဝတ်ဆင်ပါ

အင်တာဗျူးမှာတော့ အဝတ်အစားက တော်တော် လေးကိုအရေးကြီးပါတယ်။ သန့်သန့်ရှင်းရှင်း ဝတ်စားဖို့တော်တော် အရေးကြီးပါတယ်။ အဝတ်အစား၊ ဖိနပ်၊ လွယ်အိတ် စတဲ့အရာတွေအားလုံးကို သန့်သန့်ရှင်းရှင်း ဖြစ်နေအောင်သတိထားဖို့လိုအပ်ပါတယ်။ 

အပေါ် ဝတ်ကုတ်ကို ဝတ်ထားရင်းနဲ့ အခန်းထဲမဝင်ရ

အခန်းထဲဝင်တဲ့ အချိန် အပေါ် ဝတ်ကုတ်ကို ဝတ်ထားရင် ချွတ်ပြီးမှဝတ်ရပါမယ်။ မချွတ်ရင် Manner ကိုနားမလည်တဲ့သူလို့အထင်ခံရနိုင်ပါတယ်။ 

ခုံပေါ်မှာ ထိုင်တဲ့အခါ ‌ခြေထောက်ကို မချိတ်ပါနဲ့ 

ဂျပန်မှာတော့ ထိုင်တဲ့အချိန် ခြေထောက်ကိုချိတ်တဲ့အချိန်၊ နောက်ပြီး ခြေထောက်နှစ်ဖက်ကို အကျယ်ကြီး ဖြဲထိုင်တဲ့အကျင့်တွေစာ မကောင်းဘူးလို့ယူဆ ကြပါတယ်။ အင်တာဗျူးဖြေနေတဲ့အချိန်မှာရော လက်နှစ်ဖက်ကို ပေါင်ပေါ် တင်ထားပြီး သေသေသပ်သပ် ထိုင်ဖို့အရေးကြီးပါတယ်။

အခန်းထဲမဝင်ခင်နဲ့ အခန်းထဲကနေထွက်တဲ့အချိန် နှုတ်ဆက်စကား

အခန်းထဲ ဝင်တဲ့အချိန် ကျိန်းသေပေါက် တံခါးခေါက်ပါ။ အထဲမှ ဝင်ခဲ့ပါ ဆိုတဲ့ အသံကိုကြားမှ しつれいします。လို့ပြောပြီးမှ ဝင်ပါ၊ အခန်းထဲဝင်တဲ့အချိန်မှာလဲ ချက်ချင်း ခုံပေါ်မထိုင်ပါနဲ့။ အရင်ဆုံး ကိုယ့်နာမည်ကိုကိုပြောပြီးခုံပေါ်မှာ ထိုင်ပါ။ 

အင်တာဗျူးပြီးတဲ့အချိန်မှ ကျေးဇူးပါလို့ပြောပြီး အခန်းထဲက မထွက်ခင် しつれいします ကိုတခေါက်ထပ်ပြောပါ။

御社 (onsha) နှင့် 貴社 (kisha) ကိုမမှားအောင်သုံးပါ။

အင်တာဗျုးဖြေတဲ့ အချိန်တွေမှာ တဖက်လူရဲ့ ကုမ္ပဏီကို မှန်မှန်ကန်ကန်ခေါ်ဆိုဖို့လဲ အင်မတန်အရေးကြီးပါတယ်။ ဒါကြောင့် တဖက်ကုမ္ပဏီ ကိုမှန်မှန်ကန်ကန် ဘယ်လိုခေါ်ဆိုမလဲ ဆိုတာကို သေချာမှတ်သားထားဖို့လိုအပ်ပါတယ်။ ဂျပန်လိုမှာ တဖက် ကုမ္ပဏီ ကိုခေါ်တဲ့ အချိန်မှာ 御社 (onsha) နှင် 貴社 (kisha) ဆိုပြီး အသုံးအနှုန်း ၂မျိုးရှိပါတယ်။ ဒီ ၂ မျိုးက ဘယ်လိုကွာခြားပါသလဲ။ 

•  御社 (onsha) ဆိုတာကတော့ စကားပြောတဲ့ အချိန်မှာ အသုံးပြုတဲ့စကားလုံးဖြစ်ပြီး တဖက်ကုမ္ပဏီ ကိုယဥ်ယဥ်ကျေးကျေး ခေါ်ဆိုတဲ့ အချိန်မှာ အသုံးပြုတဲ့ စကားလုံးဖြစ်ပါတယ်။ ဒါကြောင့် မို့လို့ အင်တာဗျူဖြေတဲ့ အချိန်မှာ ဒီစကားလုံးကို အသုံးပြုလို့ရပါတယ်။ 

• 貴社 (kisha) ဆိုတာကတော့ အရေးစကားလုံးဖြစ်ပြီး တဖက်ကုမ္ပဏီ ကိုယဥ်ယဥ်ကျေးကျေး ဖော်ပြတဲ့ အချိန်မှာ အသုံးပြုတဲ့စကားလုံးဖြစ်ပါတယ်။ ဒါကြောင့်မို့လို့ စကားပြောတဲ့ အချိန်မှာ မဟုတ်ဘဲ ကိုယ်ရေးရာဇဝင်တွေမှာရေးသားတဲ့ အချိန်မှာ အသုံးဝင်ပါတယ်။ ဒါကြောင့် 貴社 (kisha) ဆိုတဲ့စကားလုံးကို အင်တာဗျုးမှာ အသုံးပြုဖို့မသင့်တော်ပါဘူး။

အကျဥ်းချုပ် 

ဒီဆောင်းပါးမှာတော့ အလုပ်အင်တာဗျူးတွေမှာ အမေးများတဲ့ မေးခွန်း တွေနဲ့ ကောင်းမွန်တဲ့ အဖြေတွေနဲ့ ဖြေတဲ့ အချိန်မှာ သတိထားသင့်တဲ့ အချက်တွေကိုပါဖော်ပြခဲ့ပါတယ်။ နောက်ပြီး အလုပ်အင်တာဗျုးမှာ သတိထားသင့်တဲ့ အမူအရာတွေကိုပါ ဖော်ပြခဲ့တဲ့အတွက်ကြောင့်မို့လို့ အင်တာဗျူးမှာပြောခဲ့တဲ့ အကြောင်းအရာတွေ ကိုသာမဟုတ်ဘဲ သေသေသပ်သပ်နဲ့ ယဥ်ကျေးတဲ့ အမူအရာနဲ့ အင်တာဗျုးကိုဖြေနိုင်အောင်ကြိူးစားဖို့ အကြံပေးလိုက်ပါတယ်။ 

WeXpats Jobs ဆိုတာ?

WeXpats Jobs ဆိုတာကတော့ ဂျပန်မှာ အလုပ်လုပ်ကိုင်မယ့် နိုင်ငံခြားသားတွေကို အားပေးတဲ့ ဝက်ဘ်ဆိုက်ပဲဖြစ်ပါတယ်။ ဒီတခေါက် အင်တာဗျူးမှာ မိတ်ဆက်ခဲ့တဲ့ ဟိုတယ် အလုပ်အကိုင်တွေအပြင် တခြား လုပ်ငန်းတွေရဲ့ အလုပ်ခေါ် စာအမျိုးမျိုးမိတ်ဆက်ပေးလျက်ရှိပါတယ်။

ဂျပန်ဘာသာစကားအပါအဝင် ဘာသာစကား ၁၁ မျိုး (အင်္ဂလိပ်၊ ဗီယက်နမ်၊ ကိုးရီးယား၊ အင်ဒိုနီးရှား၊ တရုတ်၊ မြန်မာ၊ ထိုင်း၊ စပိန်၊ ပေါ်တူဂီ ) စတဲ့ဘာသာစကားတွေနဲ့ အလုပ်ရှာဖွေနိုင်မှာဖြစ်ပြီး ဂျပန်စကားကိုသေချာမပြောနိုင်တဲ့တွေလဲ ယုံကြည်မှုရှိရှိနဲ့ အလုပ်ရှာဖွေနိုင်ပါတယ်။ 

၁ ကိုယ်ဘာသာကို ရှာဖွေနိုင်ခြင်း

ဂျပန်စာအရည်အချင်း၊ လုပ်ကိုင်ချင်တဲ့အလုပ်အမျိုးအစား၊ အလုပ်နေရာ စတဲ့အရာတွေကိုဖြည့်စွက်ပြီး ကိုယ့်ဘာသာကို ရှာဖွေနိုင်ပါတယ်။ 

၂ လုပ်ငန်းဘက်က ကမ်းလှမ်းစာတွေကိုလက်ခံစာရယူပါ

လွယ်ကူတဲ့ ‌မေးခွန်းတွေကိုဖြေဆိုပြီး မိမိနဲ့ကိုက်ညီတဲ့အလုပ်ခေါ်စာတွေကို လက်ခံရယူနိုင်ပါတယ် ။ လုံးဝအခမဲ့ဖြစ်တာကြောင့် အောက်က ပုံကနေတဆင့် နိုပ်ပြီး အလုပ်ရှာဖွေနိုင်ပါတယ်။